Qarabağ separatçıları pulsuz qalıblar. Deməli, Qarabağ separatçıları 35 il ərzində Ermənistanın büdcəsi və erməni lobbisinin ianələri hesabına kef çəkiblər, maaşlarını alıblar, göndərilən pulun bir qismini şəxsi məqsədlər üçün istifadə ediblər. İndi bunların heç biri yoxdur. Azərbaycan torpaqlarını azad etdikdən və ermənilər bölgəni tərk etdikdən sonra Ermənistan hökuməti və erməni lobbisi İrəvanda qərarlaşan separatçılara maaş verməkdən imtina edib. Buna görə də keçmişdə Qarabağda “dövlət idarələrində” çalışanlar separatçıların İrəvandakı “nümayəndəliyi” qarşısında etiraz ediblər. Onların qarşılarına çıxan separatçıların sonuncu “lideri” Samvel Şahramanyan keçmiş tərəfdarlarını sakitliyə çağırıb, onların problemləri ilə məşğul olacağını vəd edib. Boş sözlərdir. Samvel Şahramyanın özü İrəvanda qeyri-müəyyən vəziyyətdədir, baş nazir Nikol Paşinyan onunla görüşmək istəmir. Bu vəziyyətdə Samvel Şahramanyan Qarabağ ermənilərinin hansı problemini həll edə bilər? Paşinyanın mövqeyi belədir ki, havayı maaş dövrü arxada qalıb, bölgənin tamamı Azərbaycanın nəzarətinə keçib, bu səbəbdən Ermənistana köçən Qarabağ erməniləri, o cümlədən separatçıların “məmurları” və “deputatları” hamı kimi Ermənistanda özlərinə iş tapıb çalışmalıdırlar. Erməni lobbisi də Qarabağı tərk edən ermənilərə pul vermək istəyində deyil.
Elxan Şahinoğlu
Teref.az

Qarabağ separatçılarının sonuncu “lideri” Samvel Şahramanyanın “Artsaxın ləğvi qərarından imtina edirəm” səpgili açıqlamasından narahat olmağa dəyməz. Birincisi, guya Samvel Şahramanyan Xankəndidə ləğv qərarı verməsəydi, bu bizim işimizi çətinləşdirəcəkdi? Əsla! Hədəfimiz bəlli idi. Digər tərəfdən biz onsuz da separatçıları tanımırdıq və onların qərarları da bizim üçün heç nədir, sadəcə ləğv qərarı onların Azərbaycana qarşı gələcək iddialarını əsassız edirdi. Samvel Şahramanyan ona hücum edən Qarabağ ermənilərini sakitləşdirmək üçün tələsik “ləğv qərarından imtina edirəm” deyib. İkincisi, ləğvdən “imtinanın” heç bir siyasi və hüquqi çəkisi yoxdur. Üçüncüsü, özlərini çətinə salacaqlar, “ləğv qərarından imtina edirlərsə” biz də Qərbi Zəngəzura iddiamızı gücləndirəcəyik, mühacir hökuməti və parlamenti formalaşdıracağıq. Qərbi Zəngəzur mövzusu isə ermənilərin ən böyük qorxusudur.
Elxan Şahinoğlu
Teref.az

Vətəndaşlar arasında dövlətdən, dövlət qurumlarından narazı olanların gündən-günə, ildən-ilə artmasının əsas səbəbi vətəndaşın hər hansı bir dövlət qulluqçusu, məmur barəsində aidiyyatı quruma, yaxud hər hansı qurum barəsində üst quruma olan şikayətlərinə qurumların, qurum rəhbərlərinin laqeydlikləridir.

Məsələn, elə dəfələrlə "DogruXeber.az" olaraq, biz özümüz vətəndaş müraciəti ilə bağlı Azərbaycan Respublikasının Baş Prokurorluğuna rəsmi müraciətlər, sorğular ünvanlamışıq, onlar da bizə cavab vermədən, işi aidiyyatı üzrə rayon prokurorluğuna göndəriblər, rayon prokurorluqları da məsələni "sülhə bağlayıb", öz aralarında "həll ediblər", vəssalam...

Halbuki, vətəndaşı mətbuata müraciət etməyə vadar edən məhz yerli qurumların biganəliyi, yaxud hansısa yollarla məsələni ört-basdır etməsidir.
Yəni, əksər övlət qurumları arasında vətəndaşların şikayət və müraciətləri "Bumeranq" olduğu üçün, xalq arasında narazılıqlar getdikcə böyüməkdədir.

Bəli, biz prokurorluqdan misal gətirdik, amma əksər dövlət qurumlarında da eyni proseslərin aparıldığını vurğuladıq.

"DogruXeber.az" bildirir ki, Facebook sosial şəbəkəsində "Təhsil şikayətləri və təklifləri" qrupunda "Elm və təhsil forumu " adlı istifadəçi yazır:

"Xahiş edirəm, bircə dəfə də olsa, sizə edilən müraciəti özünüz araşdırın. Hansısa bir saxtakar quruma (Dağlıq Şirvan Regional Təhsil İdarəsinə) araşdırılmaq üçün göndərməyin.

Gənc bir müəllimə 2017-ci ildə Müəllimlərin İşə Qəbulu müsabiqəsindən keçərək, Şamaxı rayon İqbal Rəsulov adına Muğanlı tam orta məktəbinə daimi əsaslı fizika müəllimi təyin edilmişdi.
Lakin işlədiyi bir-iki il müddətində bu məktəbin keçmiş təşkilatçı müavini, hazırda isə direktor səlahiyyətlərini icra edən Gülmirə Radik qızı Əlsöhbətova tərəfindən insanlığa yaraşmayan təqiblərə və təzyiqlərə məruz qalırdı. Çünki Gülmirə Əlsöhbətova özü də fizika ixtisaslı idi, məqsədi həmin gənc müəlliməni bezikdirib özxoşuna qaçırtmaq, ona məxsus olan 12 saat dərsi öz əlinə keçirmək idi. Məktəbin bütün şagirdləri dilləri ilə etiraf edirdilər ki, o dərs yox idi ki, həmin gənc müəllimə o dərsdə ağlamasın. Gah geyimini, gah dərs keçmək metodunu, gah da başqa şeyləri bəhanə gətirib hər dərs sinifdə, şagirdlərin gözü qarşısında uca səslə üstünə qışqırır, kobud şəkildə danlayırdı. Hələ bütün bunlar azmış kimi, Gülmirə Əlsöhbətova özünə yaxın olan valideyinlərin vasitəsilə Təhsil Nazirliyinə həmin müəllimənin şagirdlərin tərbiyəsini pozması ilə bağlı bir neçə anonim şikayət də göndərmişdi.

Bütün bunlardan usanan həmin gənc müəllimə iki il müddətində bu məktəbdə işlədikdən sonra məktəbini digər (daha uzaq məsafəli) məktəbə dəyişməli oldu. O gedəndən sonra keçən tam üç il müddətində hətta, müqavilə ilə olsa belə bu məktəbə yeni fizika ixtisaslı müəllim göndərilmədi.

Hazırda isə onun dərs saatlarını əlinə keçirən Gülmirə Əlsöhbətovanın hər günü ya məktəbdə saxta tədbirlər altında fotosessiyalar etməklə, şəkil çəkdirməklə ya da ki, sosial şəbəkələrdə müxtəlif adlar altında saxta profil açıb özü-özünü tərifləməklə ya da kimlərisə təhqir etməklə, hədə-qorxu gəlməklə keçir. Bəyəm onun dərs keçməyə vaxtı var ki ? Dərsləri isə ya texniki işçilər əvəz edir, ya da şagirdlər həmin dərslərdə fiziki tərbiyə zalında oyun oynamaqla məşğuldur.

Sizdən xahiş edirik ! Bu məktəbə cəsarətli bir fizika müəllimi göndərin. Bütün məktəblərdə belə saxtakar və psixi sağlamlığı yerində olmayan bəzi direktorlar tərəfindən gənc müəllimlərə qarşı edilən bullinqlərə bir dəfəlik son qoyun !"


Görünür, özü də təhsil işçisi olan bu şəxsin çox müraciətləri Elm və Təhsil Nazirliyinin və digər dövlət qurumlarının "divarına dəyib, özünə qayıdıb" ki, bu gün sosial şəbəkədə paylaşdığı giley dolu müraciətinə belə etirazla başlayıb.

Qeyd: "DogruXeber.az" olaraq, İstifadəçinin iddiaları ilə bağlı adı çəkilən tərəflərin də mövqeyini dinləməyə hazırıq.

Rəsmi İrəvan Qərbə doğru daha bir addım atır, onların rəğbətini qazanmağa çalışır.

Ölkə.Az xəbər verir ki, bunu rusiyalı politoloq Stanislav Tarasov deyib.

"Bu, sadəcə olaraq, İrəvanın öz məsuliyyətsiz siyasətinə və səhvlərinə görə bütün məsuliyyəti Moskvanın üzərinə atmaq cəhdidir, eyni zamanda Qərbin anti-Rusiya dalğası çərçivəsinə sığınır, yeni sponsorlar və müdafiəçilər tapmağa çalışır...", - o bildirib.

Hörmətli həmkarlar,
Bir neçə saat əvvəl bir məsələyə toxunmuşdum. Təsadüfən bu gün QHT Agentliyinin təcili toplanışı ilə keçirilmiş film təqdimatından sonra dediklərimin sübutunu diqqətinizə təqdim edirəm.
Bu gün QHT sədrlərinin bəzilərinin şəxsi prodakşn şirkəti var.
QHT Agentliyindən həssas mövzularla bağlı qrant alır, bu tərəfdən də öz şirkətinə sifariş edir. Nə isə, Allah bazar versin.
Bu gün bir daha əmin oldum ki, QHT Agentliyində nəzarətsizliklə bərabər, qanunsuzluq, özbaşınalıq hökm sürür.
Başqa vaxt şəffaflıqdan, qanunların aliliyindən dəm vurulur.
Sual edirəm: əgər bir QHT səfər qrantları istisna olmaqla ildə bir dəfə qrant ala bilirsə, “Obyektiv” İctimai Birliyi necə olub ki, həm kiçik qrantlar müsabiqəsində 10 min, müsabiqədən kənar qrantlar çərçivəsində isə 65 min manat qrant alıb?
Budurmu QHT Agentliyində yeni qrant şəffaflığı?
Səmimi deyirəm, QHT-nin kimliyi ilə, onun çəkdiyi filmin əhəmiyyəti ilə bağlı qətiyyən sualım yoxdur. Məsələ QHT Agentliyinin mütəmadi olaraq cəmiyyətin gözünə soxduğu şəffaflıq, qanunçuluq və s. prinsiplərdən söhbət gedir.
İyunun 6-da QHT-nin bir filminin təqdimatı olur və hamını məcbur yığırlar zala.
Bu gün yenə eyni QHT-nin digər filminin təqdimatı olur, dünən QHT-lərə deyirlər ki təcili gəlin. Fotolar hər şeyi deyir.

Əgər QHT sektorundakı eybəcərlikləri, qanunsuzluqları deməyi dövlətə xəyanət sayırsınızsa, mən əksini deyərdim.
Bu cür qanunsuzluqlar etməklə, bir QHT-yə ildə 2 dəfə qrant verməklə siz dövlətə xəyanət edir, Prezidentin etimadına kölgə salırsınız.
Dostlar siz deyin, qanun hamı üçün eyni deyilmi?
Samir Adigozelli
QHT Agentliyinin bu ittihamlara cavabını dərc etməyə hazırıq!
Teref.az

"Biz ermənilər tərəfindən dəfələrlə qətllərin şahidi olmuşuq. Onlar təkcə bu əsrdə deyil, bundan əvvəl də xislətlərindən əl çəkməyiblər. Mən psixoloq olaraq humanist insanam, lakin bəzi şeylərə real baxmalıyıq. Biz nə vaxt geriyə dönüb baxsaq, ermənilərin soyqırımı etdiklərini görürük.

Onlar vətəndaşlarımızın əlini-qolunu bağlayaraq öldürdülər, hamilə qadınların başına min oyun açaraq öldürdülər, gənc qızlarımıza zülm etdilər. Uzun illər keçib, onlarda nə qədər əsirlərimiz var. Hələ də həmin insanları qaytarmayıblar. Amma Azərbaycan hər zaman öz humanist mövqeyini qoruyub saxladı. əsirləri qaytardı, Qarabağdan çıxanlara çörək, su verdi".

Bu sözləri Yenisabah.az-a psixoloq Gülnar Orucova deyib. Vaxtilə Zəngilandan qaçqın salınan psixoloq həmin dövrü xatırlayıb:

"Bizi də Zəngilandan qaçqın salıblar. Onlar bizi Araz çayına töküb suda boğulmağımızı istəyirdilər. Uzun illər mən bu travma ilə yaşamışam. Deyirlər o insan psixoloq olur ki, o, öz problerminə çözüm axtarır. İllər sonra mən anladım ki, sudan qorxmağım, suya girə bilməməyimin səbəbi məhz 7 yaşımda aldığım travmanın nəticəsidir. Ermənilər o vaxt bizi kürüyüb, Araz çayına töküb, biz də İran ərazisindən keçib Azərbaycan ərazisinə gəlmişik.

Bu gün isə biz onları sevə-sevə yola salırıq, hətta deyirik ki, gəl Azərbaycan vətəndaşı ol. Niyə?

Mən bu gün bəzi vətəndaşlarımızın həddən artıq mərhəmət göstərməsinə heç yaxşı yanaşmıram. Əbülfəz Elçibəyin bir sözü vardı, o deyirdi ki, donuzu pəyədən kötəkləyə-kötəkləyə çıxararlar. İllər keçdi, biz onun doğru söylədiyinin şahidi olduq".

O, ermənilərin Azərbaycan ərazisində qalmalarını istəmədiyini dbildirib:

"Ermənilər heç bir halda bizim ərazimizdə qalmamalıdır, hətta onlar Azərbaycan vətəndaşlığını qəbul etsələr belə, buna razı olmamalıyıq. Çünki biz unutqan millətik, nə zamansa, onlarla dostluq edəcəyik, onlardan biri ilə evlənəcəyik və qanımıza erməni qanı qarışacaq. Mən istəməzdim ki, bir Azərbaycan vətəndaşının qanına erməni qanı qarışsın. Biz bu gün onları öz ərazimizdə saxlayacağıqsa, onlar Ermənistana gedə bilməyəcəklər və burada nikahlar olacaq və qan qarışacaq.

Bu gün onlar Qarabağdan öz maşınları ilə hətta unitazlarını da çıxarıb aparacaq qədər rahat şəkildə gedirlər, amma biz hər şeyimizi qoyub gəlmişdik. Ermənilər Azərbaycan ərazisində qalmamalıdır və Azərbaycanın bütövlüyünü qəbul etməlidirlər, mənim mövqeyim budur. Qarabağ hər zaman Azərbaycanın tərkib hissəsi olub.

Mən demirəm ki, ədavət saxlayaq, kinli olaq, bunu istəmirəm, nifrətlə uşaqları böyüdək demirəm, amma hər bir Azərbaycan vətəndaşı bilməlidir ki, erməni onun düşmənidir. Bu kiçik yaşlardan etibarən aşılanmalıdır. Bilməlidir ki, onlarla ailə qurmaq, dost olmaq olmaz.

İllər öncə atam danışardı ki, ermənilər deyirdi ki, siz bu torpaqlardan gedin, çünki "Qaranquş" adlı bir cəmiyyət yaranıb, ora pul yığılır, vaxt gələcək o pullarla silahlanıb sizi buradan qovacaqlar. Deməli, onlar uzun illər öncədən bu planı qurmuşdular".

Ermənistanda hətta ən qatı radikallar belə Qarabağın Azərbaycanın nəzarətinə birdəfəlik keçdiyini qəbul etmək məcburiyyətində qalsalar da, o cümlədən İrəvanda etiraz mitinqləri və küşə yürüşləri səngisə də, keçmiş xarici işlər naziri Vardan Oskanyan yenə baş nazir Nikol Paşinyana “Qarabağ uğrunda mübarizə apar” səpgili açıqlamalarla ona ağıl qoymaq istəyir. Oskanyan deyir ki, Nikol Paşinyan Fransanın dəstəyinə istinad etməlidir. Yəni demək istəyir ki, Fransa yeganə ölkədir ki, Azərbaycanla mübarizəni davam etdirir. Oskaynan bunu deyərkən, Fransanın bu mübarizədə hansı nəticə əldə etdiyini söyləməyi unudur. Çünki ortada Fransanın Azərbaycanla münasibətlərini gərginləşdirməkdən başqa ermənilər üçün müsbət nəticə yoxdur. Oskaynan eyni zamanda onu da bildirir ki, Ermənistan hakimiyyəti passivləşdikcə onların əvəzinə Qarabağ uğrunda heç kim mübarizə aparmayacaq. Bu məsələdə Oskanyan haqlıdır. Nikol Paşinyan Qarabağ yükündən qurtulduğuna və mövcud reallıqları nəzərə aldığına görə yalnız Ermənistana aid məsələlərlə məşğul olmaq istəyir. Beynəlxalq aləm bu günlərdə Yaxın Şərqdəki gərginliyi müzakirə edir, Qarabağ müzakirə mövzusu olaraq bitmək üzrədir. Bizim üçün isə yeni dövr başlayır – bölgəni məskunlaşdırmaq.
Elxan Şahinoğlu
Teref.az