www.dunyapress.info - Köşə yazıları

Zəngəzur dəhlizinin İrandan keçməsi Qərbin maraqlarına ziddir

Yaradılıb 27.10.2023 08:13 | Baxış sayı: 106

Erməni analitiklər yazır ki, 3+3 formatı Ermənistanın maraqlarına cavab vermir. Çünki bu format regionun problemlərini Rusiya, İran və Türkiyənin əli ilə həll etməyə çalışır. Nəticədə Qərb oyundan kənar vəziyyətdə qalır. 3+3 formatında isə ən zəif ölkə Ermənistandır. Deməli, Ermənistan daha çox güzəştlərə məcbur ediləcək. Qərbin himayəsindən kənarda Ermənistan xüsusi ilə zəifdir...
Ermənilər onu da deyir ki, Azərbaycan Qərbdən Ermənistanla anlaşma çərçivəsində ala biləcəyini alıb. Yerdə qalan istədiklərini isə digər platformalarda ələ keçirmək istəyir. Azərbaycanın yerdə qalan əsas istəyi isə Zəngəzur dəhlizi ilə bağlıdır.
Məncə, Azərbaycan bundan sonra Brüsselə getməkdən imtina etsə, Ermənistan Gürcüstan üzərindən Azərbaycanla danışıqlara maraq göstərə bilər. Çünki Gürcüstanda ən azı Zəngəzur dəhlizinin açılmasında təkid edən Rusiya və Türkiyə olmayacaq...
Bir şeyi də deyim. Zəngəzur dəhlizinin İrandan keçməsi Qərbin maraqlarına ziddir. Çünki oradan keçən yüklərə heç cür nəzarət edə bilməyəcək. Ermənistandan keçən dəhliz isə birbaşa Rusiyanın, dolayısı iləsə Qərbin nəzarətində olacaq...
Elbeyi Hesenli
Teref.az

Facebook-da paylaş

Rusiyanın Ermənistandan çıxmağı kimə nə verəcək?

Yaradılıb 27.10.2023 08:12 | Baxış sayı: 98

Nikol Paşinyan bir gün Rusiya hərbi bazasını Ermənistandan çıxarmağa və boşalan yeri Fransa hərbi bazasıyla əvəz etməyə müvəffəq olarsa bunun Azərbaycan üçün təhlükəsi ola bilərmi? Ümumilikdə Rusiyanın Cənubi Qafqaza təsir imkanlarının azalması və Ermənistandan çıxması Azərbaycanın da maraqlarına uyğundur. Ermənistanda möhkəmlənmək istəyən Fransa bizə Rusiya qədər problem yarada bilməyəcək, çünki qarşısında Azərbaycanla yanaşı Türkiyəni də görəcək. Bununla Fransa özünü bəlaya salacaq. NATO üzvü Fransanın Ermənistanda hərbi bazası olacaqsa, digər NATO üzvü Türkiyənin də Azərbaycanda hərbi bazası olacaq. Fransa Ermənistanı Avropa İttifaqının və NATO üzvlüyünə qəbul etdirə bilməyəcək. Çünki bu yalnız Fransanın istəyindən asılı deyil.
Rusiya Ermənistanın simasında Cənubi Qafqazda son forpostunu itirməsinin əvəzini İrəvandan artıqlamasıyla çıxacaq.
Rusiya 3 addımla Ermənistanı çökdürməyə çalışacaq.
1.Rusiya Ermənistana satdığı qazın qiymətini ya bahalaşdıracaq, ya da tamamilə kəsəcək;
2.Rusiya öz bazarını Ermənistan məhsullarına qapadacaq;
3.Rusiyada çalışan ermənilərin Ermənistana pul köçürmələri ya çətinləşəcək, ya da tamamilə dayandırılacaq.
Fransa bu problemlərin hansı birinin həllində Ermənistana kömək edə biləcək? Fransa Ermənistana nəql edilən Rusiya qazını nə ilə əvəz edəcək və ya bazarını Ermənistan məhsullarına açacaqmı?
Elxan Şahinoğlu
Teref.az

Brüssel görüşü niyə baş tutmadı?

Yaradılıb 26.10.2023 09:08 | Baxış sayı: 141

Oktyabrın ayının sonu üçün nəzərdə tutulan Brüssel görüşü niyə baş tutmadı? Məsələ burasındadır ki, Brüsseldə oktyabrın 26-27-də Avropa İttifaqı liderlərinin sammiti də nəzərdə tutulub. Avropa İttifaqı ölkələrinin liderləri Yaxın Şərqdəki münaqişəni müzakirə edəcəklər. Avropa İttifaqı Şurasının Prezidenti Şarl Mişel bildirib ki, liderlər xarici siyasətlə bağlı digər məsələləri, o cümlədən Priştina ilə Belqrad arasında münasibətləri, eləcə də Cənubi Qafqazdakı vəziyyəti müzakirə edəcəklər. Azərbaycan və Ermənistan liderlərinin görüşünün baş tutmamasını bu sammitlə əlaqələndirmək olar. Şarl Mişel ilin əvvəlindən Azərbaycan prezidenti ilə Ermənistanın baş naziri arasında görüşlər təşkil edib və bu görüşlər hansısa sammitlə əlaqələndirilməyib. Şarl Mişel Azərbaycan və Ermənistan liderləri arasındakı son görüşləri isə Avropa İttifaqının müxtəlif sammitlər çərçivəsində həyata keçirməyə çalışır. Fransanın liderliyə can atdığı həmin sammitlərdə isə Azərbaycan hədəf götürülməyə çalışılır, bu da rəsmi Bakının haqlı narazılığına səbəb olur.
Elxan Şahinoğlu
Teref.az

Facebook-da paylaş

Qarabağdan çıxmağına, əli “dubinka”lı görməyə öyrəşdiyimiz polisi, ancaq indi əlində “dubinka” yerinə “snikers” tutduğunu görürük.

Yaradılıb 25.10.2023 09:06 | Baxış sayı: 501

Cəmiyyətimizin ən sevdiyi şeydir bölüşüb, dalaşmaq. Fərqi yoxdur, yaxşı, ya pis, mütləq şəkildə bölüşüb dalaşacağıq. Son günlər İsrail-Fələstin savaşı üzərindən bölüşüb dalaşırıq. Hər kəsin də bir “arqument”i var. İsrail bizə kömək edib ee, qaqa. Ona görə, İsrail nə etsə, haqlıdır. Qarabağ müharibəsi zamanı fələstinlilər ermənilərə dəstək verib, elə qoy qırılsınlar.
Digər qrup isə “damar”dan girir. Uşaqlar ölür, günahsız insanlar həlak olur, İsrail günah iş görür. Bir qədər dinə meylli insanlar isə “Sionistlərə ölüm!” şüarını qışqıraraq Fələstinə dəstək yağdırır. Beləcə, tərəflər də hazırdır, tərəflərin arqumentləri də. Sosial şəbəkələrdə, çayxanalarda azərbaycanlıların müharibəsi başlayır.
Sionizmin heç “S”ı olmayan vaxtlarda da orada toqquşmalar baş verib, İsrail yaranmamış da, yaranandan sonra da, sabah da olacaq. Münaqişə, müharibə, ölüb-öldürmək o regionun alnına yazılıb. Azərbaycan da Fələstin dövlətinin yaradılmasını dəstəkləyir. Ancaq rəsmi Bakı da, fələstinlilər də bilir ki, BMT qətnaməsi boş, mənasız, anlamsız bir sənəddir. Sadəcə olaraq, əldə əsas kimi tutula bilər.
Azərbaycan BMT-nin 4 qətnaməsini, 10 noyabr üçtərəfli bəyanatının müddəalarını özü necə yerinə yetirdisə, fələstinlilər də dövlətlərini o yolla qurmalıdırlar. Əks halda, heç kim onlara dövlət qurmayacaq. Ölə-ölə, qırıla-qırıla bunu etməlidirlər.
Əslində, BMT Azərbaycan əksər QHT-lərindən fərqlənməyən bir qurumdur. ABŞ İraqa, Əfqanıstana, Suriyaya BMT-dən icazə alıb girdi? Yox! Bu məntiqlə Rusiya Ukraynaya niyə girməsin? İraqda kimyəvi silah yox idi, Ukraynada da faşist. Tarix boyu böyük dövlətlərin bəhanələri hüquqdan da, dəyərlərdən də daha üstün olub. İndi də heç nə dəyişməyib.
Qarabağdan qaçqın düşməyimizi xatırlayıram. Hara, necə qaçacağını bilmirsən, sağ qalmaq üçün çabalayırsan, piyada, ayağı, başı yalın küçələrə, sonra çadırlara, vaqonlara, yataqxanalara səpələnirsən. Adın olur, qaçqın, məcburi köçkün. Bir də baxırsan, ermənilərin Qarabağdan çıxmağına, əli “dubinka”lı görməyə öyrəşdiyimiz polisi, ancaq indi əlində “dubinka” yerinə “snikers” tutduğunu görürük. Vay arkadaş, hümanizmə bax da…
Biz başımızı hara soxacağımızı bilmirdik, başıalovlu qaçırdıq, onlar maşınlarda rahat-arxayın gedirlər. Yollarda çəkdikləri tək əziyyət tıxac oldu. Həmin beynəlxalq qurumlar bizə də məcburi köçkün deyirdilər, onlara da. Bizi güllənin qabağına qatmışdılar, onları “snikers”in.
Nə isə, gələk bölüşüb dalaşmağa. Acun Ilıcalı Bakıya gəlib “İnnovativ İnkişaf və Fürsətlər” mövzusu adı altında, milyonçu olmağın sirlərini açıqlayacaqdı. Bizim xalqımızın nümayəndələri gediblər ki, Acun onlara sirr açacaq və bununla da milyonçu olacaqlar. Bir ətək pul verib onu dinləməyə indi deyinirlər ki, Acun sirr-zad açmayıb, milyonçu olmaq arzuları da gözlərində qalıb.
Bildiniz də, Acun necə milyonçu olub? Fürsətdən istifadə etməklə. Təklif gəlib, görüb Bakıda gedib bir-iki saat danışacaq, yaxşı qonorar alacaq, istifadə edib. Milyonunun üstünə bir az da qoyub. Bizim xalqımız yenə bölüşüb dalaşır. Yaxın Şərq yalan olub. Orada HƏMAS-la İsrail bir-birinə raket atır, burada isə bizimkilər bir-birinə top atəşi effektində söz. Arada da qazanan Acun olur.
O gün bir dostum deyir ki, hazırlaşıram, oxuyuram, efirə tam hazırlıqlı çıxıram. Ancaq bəhmənkəs efirə çıxır, ağzına gələni danışır, həyatda olmayan adamların adın çəkir, olmayan kitablardan sitat gətirir, ona pul verirlər, mənə yox. Səncə, niyə? Çünki o özünü, işini sata bilir, ancaq sən yox. O bilir ki, pul verənlər onun heç bir müsahibəsinə baxmayacaqlar, sən isə elə bilirsən ki, sənə baxacaqlar. O, özünü satmaq üçün düşünür, strategiyalar qurur, planlar hazırlayır, sən isə yaxşı danışmaq, düzgün proqnoz vermək üçün. Sənə oxucu, baxıcı hörmət edir, ona da pul verənlər “hörmət” edir.
Biz, cəmiyyət olaraq bölüşüb dalaşırıq, ona görə Biləcəridən o yana gedə bilmirik. Ancaq başqaları bölüb dalaşdırır, parçalayıb hökm sürür. Onlar dünyaya ağalıq edir, biz “ağa deyir sür dərəyə, sür dərəyə” deyimi ilə ömrümüzü yola veririk. Hər şeyin başında təhsil durur. Jurnalist Nazlı Ağayeva demiş, Məktəbdən gəlib müəllim yanına gedilən sistem…
Məktəbdə nə öyrənirik? Bölüşüb dalaşmağı. Bölüşüb “bənövşə-bənövşə” oynayırıq, sonra bölüşüb futbol, sonra bölüşüb təpik-şillə bir-birimizə giririk. Elm ocağından bölüşüb dalaşmağı, müəllim yanında isə oxumağı öyrənirik. Ona görə də, fərdi olaraq qarşıya qoyulan hədəfə çata bilirik, birləşəndə isə bölüşüb dalaşırıq.
Səxavət Məmməd
Teref.az

Ermənistanın Qərblə hərbi sahədə əməkdaşlığını genişləndirməyə çalışması Moskva və Tehranda narahatlıq doğurmalıdır.

Yaradılıb 24.10.2023 08:33 | Baxış sayı: 294

Tehranda 3+3 (Azərbaycan, Ermənistan, Gürcüstan, İran, Rusiya, Türkiyə) formatında keçirləcək görüşdən iki səbəbə görə nəticə gözləməyə dəyməz. Birincisi, Rusiya Gürcüstanın torpaqlarını işğal etdiyinə və bu ölkə ilə diplomatik münasibətləri kəsdiyinə görə 3+3 formatında iştirak etmir. Bu Gürcüstanın təbii haqqıdır. İkincisi, 3+3 formatının digər iki iştirakçısı – Azərbaycanla Ermənistan arasında sülh sazişi imzalanmaması da regional əməkdaşlığa əsas əngəldir. Misal üçün xarici işlər nazirləri Tehran təhlükəsizlik, nəqliyyat, enerji sahələrində regional əməkdaşlıq məsələləri müzakirə edəcəklər. Bunların reallığa çevrilməsi üçün formatın digər iki üzvü – Rusiya və İran Ermənistanı Azərbaycanla sülh sazişinin imzalanmasını uzatmamağa çağırmalıdırlar. Belə çağırışlar yoxdur. Halbuki, Ermənistanın Qərblə hərbi sahədə əməkdaşlığını genişləndirməyə çalışması Moskva və Tehranda narahatlıq doğurmalıdır.
Elxan Şahinoğlu
Teref.az

QƏRBİ SÖYƏNLƏR, RUSİYA VƏ ÇİN

Yaradılıb 23.10.2023 08:48 | Baxış sayı: 273

Rusiya-Ukrayna müharibəsi Qərbi, NATO-nu yaxın buraxmamaq nədəniylə başlamışdı, - deyilən bu idi, - indi, RF-dən ehtiyatlanan İsveç və Finlandia hərbi bloka girəndən sonra NATO daha yaxın olub, Peterburq bağlarından bir az o yanadır, Finlandia sərhəddi oradan keçir.
Amma NATO-nu guya uzaqda saxlamaq istəyən Putin guya bilmir ki, Çin silahsız-döyüşsüz Sibirə sahib olub? Çinlilər cəmisi 25 milyon rus, yakut, buryat, tatar və b. azsaylı xalqlar yaşayan Sibirə köçüb, meşələri qırıb aparır, kənd təsərrüfatı, tibb və ticarətlə məşğul olur, özləri üçün restotan, bar, poliklinika, məktəb və b. açırlar... Oraya 25, sonra 50, daha sonra 100 milyon çinli köçəndən sonra nə olacaq?
Hər nə olacaqsa, Rusiya bilər, möhtərəm prezident Putin daha yaxşı bilər...
25 milyon adam RF əhalisinin 20-25%, Çinin 1,7%-dir.
Amerikanı, Qərbi bəyənməyən, söyən adamlar heç olmasa təxminən təsəvvür edir ki, Çin Sibiri qoparıb udandan sonra nəzərini biz tərəflərə çevirsə, nə olacaq? Bilmirlərsə, 30 milyonluq uyğurların taleyiylə maraqlansınlar. Məscidlər bağlanır, kişilər öldürülür ya konslaqerlərdə işləyir, qadınlar zorlanır. Doğulan uşaqlar uyğur olmayacaq, çinli olacaq. Yoxsa söyənlər elə bilir ki, Çin onlara rəhm edəcək? Elə də düşünmək olar, hə, Çin bizə gələnə kimi...
Şəkil Ramin Khan divarından götürürüb.
Çingiz Sultansoy
Teref.az

Baxıram, sanki öhdəlikləri var... yəqin ki var... yaşam şərtləridi...

Yaradılıb 23.10.2023 08:45 | Baxış sayı: 265

Baxıram, sanki öhdəlikləri var... yəqin ki var... yaşam şərtləridi... çörək ağaclarıdı...

Hər gün hər yandaş qəzetdə eyni mövzulu yazılar gedir... yerlərdə olan səviyyə ilə "... hə, bəs nə oldu, deyirdiniz olmayacaq, almayacaq, filan..." "kölgə düşürürdünüz, filan..."

Sanki yaltaqlara bir şans qapısı açılıb, növbəti parlament kresloları uğrunda yarış gedir... marafondu... kim kimi ötdü...

Çox çirkinsiniz haa...

A kişi, almamışdı, 30 il alınmamışdı, Avropaların qapılarında sürünmüşdük... alçaq satılıqlar bizə "tövsiyələr" verirdilər. Bəs nə deməliydilər?

Bunu bütün xalq deyirdi. Çıxın, bir sorğu aparın, küçədə, Şuşanın alınacağına, Xankəndinə bayraq sancılacağına hər yüz nəfərdən neçəsi inanırmış, soruşun. Bəlkə də heç neçəsi. Şuşa qələbəsi üçün dünya boyu axan göz yaşları həmin inamsızlığın, gözlənilməzliyin, şokun tərcümanı idi. Gözlənilən üçün gözyaşı axmaz ki!

Gözləmirdik. Məhz bu tarix üçün gözləmirdik. Çünkü Qarabağda bizimlə düşük hay tayfası deyil, dünya gücləri savaşırdı. Və savaşır...

Aşıq gördüyün çağırar: 90-larda Qarabağın verilməməsi üçün bu ölkədə neçə hərəkat qurulub? Unutdunuzmu? Mən özüm o hərəkatlardan birinin, Milli Müqavimət Hərəkatının rəhbərlərindən olmuşam. Qapı-qapı gəzib imza toplamışam. Dərmanım olsa getməyəcəyim qapıları döymüşəm. 1999-da İstanbul sammitində baş verəcəklərin qarşısını bu partiyalar, təşkilatlar, ictimaiyyət, nəhayət xalq necə aldı... hansı itkilərin hesabına aldı... bir kitab yazmaq olar... bəlkə də yazacam...

Satılıq dünya, iqtidarların yaxasından yapışıb "Qarabağı erməniyə ver" deyirdi. Nə tez unutdunuz! "Qarabağı ver" deyə ABŞ prezidentinin yazdıqları məktubları, bu məqsədlə ölkəyə səfər edən yüksək missiyaları nə tez unutdunuz?!

Bu vətəndaş bu ölkədə illərdir nə gördü ki... korrupsiya, orduda qətllər, mətbuatın məhvi, seçki saxtakarlığı... sərvət oğurluğu... və çox müsibətlər... ailələrin içinə qədər girmiş ictimai faciələr...

Eləcə də Qarabağla bağlı hərəkətsizlik. Bataqlıq! Təpənsən batmaq qorxusu. Düz 30 il!!!

Hərəkət olub deyə bilərsiniz. Haqsız da olmazsınız. Ancaq bağlı qapılar arxasında olanları xalq görmür. Görünən yalnız ümidsizlik və məyusluq idi, Qarabağ camaatının yavaş-yavaş qırılması idi...

O zaman nə deməliydi bu camaat?

Qərəzlilərlə işim yoxdur. O da onların yolu. Onlar da olmalıdır. Onların varlığı təhrikdir. Stimuldur. Sövq etməkdir. Dava çəkməkdir.

Ölkəni xor oxuyan görmək istəyirsinizsə, yanlış yoldasız. Sovetizm bitmiş artıq. Evinizə boylanın, evlərinizdə belə nəğmələr xorla oxunmur, 3 nəfəriksə, 5 nəfəriksə, hər nəfərin öz havası, dünyaya öz baxışı var.

Bu anda sözüm utanmaz yaltaqlaradır. Və "bitirin bu çirkinliyi" deyə biləcək bir iradəyədir. "Bitirin bu rəzaləti, xalqımın əxlağına ziyan vurursuz, mənəvi ekologiyaya zərər verirsiniz" deyəcək bir gücə!

Çünkü xəyalımda olan o sorğu anketində olacaq suallardan birinin cavabı ən yaxşı halda belə olar bilərdi. Əmin idim Qarabağı alacağıq, amma o günü görəcəyimə əmin deyildim.

Xalqın əhvalı bu idi, amma iradəsi yenilməz idi. Vicdanı olan etiraf edər. Lakin yağlı əppəyə yaltaqlıqla çatanlar, sərvət toplayanlar, yaxud yeni revanş götürüb irəlidə gedən zəncirlilərdən örnək alanlar boyunlarına almaz, üzə durarlar...

A yazıqlar, "öhdəlikləriniz" - içinizdənmi gəlir, dışınızdanmı gəlir, bilmirəm - bu öhdəlik qələminizlə birlikdə sizi gündən-günə daha çirkin hala salmaqdadır. Hər rəzalətin bir bədəli var, əmin olun... ağır ödəyəcəksiniz...

Əlbəttə, haqlının haqqını verməmək başqa... verməyənlər var, olacaq. Amma ona bu qədər fokslanmaq qədər zəifliyin adı nə?

Gün kimi aydındı ki, xalq inanmırdı. Ürəklər bu ağıl inamsızlıqları ilə barışmasa da inanmırdı. Regionun siyasi durumu da inanmamağa sövq edirdi. Heç kəsin ağlına gəlmirdi ki, şərtlər dəyişə bilər.

Amma bu iş oldu. Mübarək bir iş oldu. Xankəndinə dövlət idarələrinin lövhələri asılır. Çox şükür! Hər kəs "bu günü də gördük" deyir. Demək, görməməyin, görə bilməyəcəyinin qorxusunu yaşamış bu xalq. Və istisnasız hər kəs bu faciəvi qorxu hissini qəlbində 30 il daşıdı. Bu hiss nə qədər insanımızın ömrünü çürütdü, nə qədərimizi məzara gömdü...

Hətta iqtidarla canbir olanlar belə hər yanını canavarlar bürümüş, içi Kremlin təyin etdiyi quldurlarla dolu bir dövlətin bu müsibətdən sıyrılacağını ağlına gətirmirdi. Ən yaxşı halda gələcək nəsillər üçün əlverişli şəraitin buraxılmasını böyük qazanc hesab edirdi.

Amma bu iş oldu! Oldu! Oldu!

Niyə bunun sevincini yaşaya bilmirsiniz?

Kiçik qəlbinizə böyük duyğular sığmırmı?

Bəlkə də mövcudluq üçün başqa yolunuz yoxdur.

Allah sizi bu çəkilməz yükdən azad etsin!

Mehriban Vəzir
Teref.az

Yeni dünya nizamı... - İNCƏLƏMƏ

Yaradılıb 22.10.2023 09:33 | Baxış sayı: 415

ABŞ prezidenti Co Bayden deyib ki bəşəriyyətə son 50 ildə mövcud olanı əvəz etmək üçün “yeni dünya nizamı” lazımdır. Bayden qeyd edib ki, yaxın gələcəkdə baş verəcək hadisələrdən çox şey asılı olacaq: “Biz tarixin dönüş nöqtəsindəyik və bu o deməkdir ki, qarşıdakı 4-5 il ərzində verəcəyimiz qərarlar irəlidəki 4-5 onilliyin necə görünəcəyini müəyyən edəcək”.

Yeni dünya nizamı necə formalaşsın ki, Rusiyanın Ukraynaya qarşı işğalçı müharibəsini, Yaxın Şərqdəki toqquşmaları durdurmaq mümkün deyil. Vaşinqton da heç nə edə bilmir. Rusiya və Çin “yeni dünya nizamını” belə başa düşürlər: 1.Qərb daxili işlərimizə qarışmasın; 2.Birqütblü dünya çoxqütblü dünya ilə əvəz olunmalıdır; 3. NATO genişlənməməli və bu təşkilata yeni üzvlər qəbul edilməməlidirlər. Vaşinqton və Brüssel isə bunun tərsini deyir və edirlər. Belə olan halda qulağa xoş gələn “yeni dünya nizamı”nın formalaşması perspektivi yoxdur. BMT kimi əsas beynəlxalq təşkilat “dünya nizamı” formalaşdıra bilmirsə, hərə bildiyi kimi hərəkət edirsə, bir və ya bir neçə dövlətin “yeni dünya nizamı” formalaşdırmaq istəyi müsbət nəticə verərmi? Təəssüf ki, bəşəriyyət pis ssenarilərə hazırlaşmaq məcburiyyətindədir.

Orxan Tuncər - DİA.AZ

Xankəndidə “dəfn edilənlər”: ruslar da xilas etməyəcək - GƏLİŞMƏ

Yaradılıb 22.10.2023 09:32 | Baxış sayı: 347

Azərbaycanın daxili siyasətində əsas ideologiya Qarabağ üzərində qurulmuşdu və əsas təbliğat da “bu hakimiyyət torpaqları azad edə bilməz” tezisi ətrafında aparılıdı. Hətta bir müddət “demokratiya olmadan torpaqları azad etmək mümkün deyil” fikri də məşhur idi.

44 günlük müharibə “Əliyev torpaqları azad edə bilməz” deyən siyasi müxalifətin bəlli bir kəsimi üçün qırılma nöqtəsi oldu. Daxili siyasi mübarizənin məsələ dövlət maraqları olanda kənara qoyulması məntiqi müharibədə qazanılmış qələbənin tamamlanması prosesi ətrafında birləşməni tələb etsə də, bunun əksi baş verdi: “Xankəndi və digər ərazilər ermənilərə verildi”, “Əliyev torpaqları Rusiyaya satdı” və s. üzərindən ərazilərin azad olunması faktını arxa plana keçirməyə çalışdılar.

Bu prosesdə üçüncü tərəf olaraq iki ölkə də maraqlı idi: Ermənistan (erməni diasporu) və Rusiya; bununla Xankəndi və digər ərazilərin itirildiyi rəyini Azərbaycan ictimaiyyətinə qəbul etdirir və Əliyevin reytinqini baltalayırdılar;

Və bu, prosesin eyni mərkəzlərdən idarə olunduğu, yaxud Əliyevə qarşı olanların uzlaşan maraqlarının koordinasiya edildiyi fikrini həmişə aktual olaraq saxlayacaq.

Bu baxımdan, 10 noyabr 2020-ci ildən 15 oktyabr 2023-cü ilə qədərki müddət Əliyev üçün 44 günlük müharibə qədər əhəmiyyəti idi. Nəticə onun dediyi və xalqın istədiyi kimi oldu.

- Ermənilərə nəinki status, ümumiyyətlə heç nə verilmədi;

- Xankəndidə Azərbaycan bayrağı ucaldıldı;

- Hətta Qarabağda erməni belə qalmayıb desək, yanlış olmaz;

“Proqnozları” doğru çıxmayan bəlli kəsimin çətin vəziyyətdə olduğu müşahidə edilir, çünki önlərində iki yol qalıb: ya mövcud nəticələri qəbul edib, Əliyevi təbrik etməlidirlər; ya da bu nəticələri ictimai rəydə “əritmək” üçün yeni iddialar tapmalıdırlar.

Birinci yolu seçmək perspektiv baxımından da siyasi müdriklik olardı, xüsusilə yeni siyasi proqramların hazırlanması, mübarizə vasitələrinin dəyişdirilməsinin vacibliyi fonunda. Amma ikincini seçdikləri görünür və bütün “proqnozlarının” səhv çıxmasına rəğmən, yeni iddialar irəli sürülür.

Aralarında ən ağıllı qəbul edilənlər “beynəlxalq şərtlərin dəyişməsi” fikrindən çıxış edir. Ki, məsələ dəyişən şərtlər yox, bunu doğru oxumaq və istifadə etmək qabiliyyətidir. Və “beynəlxalq şərtlərin” Xankəndiyə bayraq sancılmasına qədər dəyişməsinin mümkün olmadığı da aydındır.

- “Xankəndiyə bayraq Putinin Paşinyanı devirmək planına görə sancıldı”;

- “Xankəndi bir neçə saatlıq kirayəyə götürülüb”;

- “Xankəndidə Rusiyanın narkotik plantasiyası olacaq”;

- “Bunu Rusiya verdi, sabah Putinin fikri dəyişəndə geri alacaq”;

Və bu kimi siyasi fəhm baxımından biabırçı adlandırıla biləcək fikirlər irəli sürülür. Bununla ictimai rəyi dizayn etmək mümkün deyil, çünki son üç ildə bütün limitlərini xərclədilər və belə davam etmək, özlərini siyasi baxımdan elə Xankəndidə “dəfn etmək” deməkdir.

İndi rus sülhməramlıların hələ də qalması son “istinad nöqtələri”dir, hərçənd, belə demək mümkünsə, ruslar da onları xilas edə bilməyəcək.

Müəllif: Asif Nərimanlı - DİA.AZ

Hikmət Hacıyevin ümidinə qalan QHT sektoru: RƏSMƏN BATDI... - BUNUN BAŞQA ADI YOXDUR...

Yaradılıb 21.10.2023 09:23 | Baxış sayı: 253

DİA.AZ: - Neçə müddətdir ki, DİA.AZ olaraq QHT sektorunda cərəyan edən neqativ olaylarla bağlı narazılıqları işıqlandırmaqdayıq. Və qeyd edək ki, əsas düşündüyümüz, daha doğrusu, ümid etdiyimiz... nəhayətdə bu məsələyə aidiyyatı qurumların adekvat reaksiyası idi. Amma sən demə yanılmışıq və aydın olur ki, tək yanılan biz yox, bu gün sözügedən sektordakı ədalətsizliyə qarşı mübarisə aparan təşkilatlar da ümidlərini itirmək üzrədirlər.

Onlardan biri də "Əsgər Ailələrinə Dəstək” İctimai Birliyinin sədri Mətanət Əsgərqızıdır. Xatırladaq ki, keçən günlərdə Əsgərqızının bir açıqlamasını işıqlandırmışdıq.

YAZISI BURADA: Azay Quliyevə daha bir ETİRAZ: O kəslər bir az utansınlar... - "Utanmaq da yaxşı keyfiyyətdir..."

İndi isə "Əsgər Ailələrinə Dəstək” İctimai Birliyinin sədri belə bir açıqlama ilə çıxış edib: "Deməli QHT Agentliyinin katibliyindən indicə bir məlumat aldım . Deyilənə görə bu gün Administrasiyadan Tural Əliyev hörmətli Hikmət Hacıyevin adından deyib ki,müəllim tapşırıb aylardır narazılıq edən QHT- lərin layihələri çox ciddi araşdırılsın,yoxlanılsın, onların 20 faiz vəsaiti geri qaytarılmasın. Ümumiyyətlə ayrılan vəsaitlər də qəpiyinə qədər geri alınsın! İki il də layihələr verməyə qadağa qoyulsun! Əvvəllər Tural Əliyevin dediklərinə inanmırdım.Lakin bu qədər fakt ortada olduğu halda bizə qarşı hörmətli Hikmət Hacıyevin cəza metodu çox gözlənilməz oldu.Çünki hər zaman düşünmüşəm ki, cənab Prezidentin silahdaşlarından biri də odur. Düşünürəm ki, bu qədər korrupsiya faktları ortada olduğu halda, Samir və Tural Əliyevlərin özlərinə sərf edən saxta məlumatları bizdən cənab Hikmət Hacıyevə ötürərək, onu guya biz dedi-qodu ilə məşğuluq, inandırdıqlarından ,şəxsimizə qarşı sərt qərarlar qəbul etməkdənsə, Nurçu Elnur Aslanovun, Ramiz Mehdiyevin kadrı Tural Əliyevi araşdırsın. Biz dövlətimizə də, ölkə başçısına da hər zaman sadiqiq.Heç bir cəza tədbiri bizi qorxuda bilməz. Sadəcə bu addımları atmaqla QHT- lərin gözünü qırmaq istəyirlər. Yəni baxın, kim sağlam tənqid etsə, sonu belə olacaq.Cənablar, ölkə dərəbəylik deyil .Sizə görə dərəbəylikdi, belə olmasa, heç olmasa Ulu Öndər Heydər Əliyevin adını korrupsiya faktlarında kirlətməzsiz. Onun 100 illiyinə həsr olunmuş " Heydər Əliyev- Şuşa sevgisi" adlı layihəni icra etmədən, nə qədər pul silinib? Bəlkə cənab Prezidentə bunları çatdırıb, sadiqliyinizi daha da nümayiş etdirəsiz! Bu fakt dəryada bir damladır.İnşallah, artıq bütün faktlar aidiyyəti qurumlara təqdim ediləcək . Özü də dəqiq fakt sənədlərlə. Bir daha nəzərinizə çatdırırıq, heç bir qüvvə, cəza tədbiri bizi Ulu Öndərin siyasi kursundan, cənab Prezidentin əsgəri olmaqdan çəkindirə bilməz.Məhz Prezidentimizin tələbidir, harada əyilən yer varsa, İctimai Nəzarəti həyata keçirin. Bəli, aylardan bəri apardığımız mübarizə məhz İctimai Nəzarətdir!!!"

DİA.AZ qeyd edir ki, əgər iş hörmətli Hikmət Hacıyevin olmayan ƏDALƏTİNƏ qaldısa... o zaman bəri başdan QHT sektorunun FATİHƏSİNİ OXUYA bilərik. Çünki məhz bu adamın sayəsində bu gün Azərbaycan məbuatı özünün DƏRİN TƏNƏZZÜL DÖVRÜNÜ yaşayır. Yəni "başına gələn başmaqçı olar" misalı...

Məsələ üçün DİA.AZ olaraq bütün əlaqədar qurum və şəxslərin mövqelərini işıqlandrmağa hazırıq...

52 -dən səhifə 108