İsrail aviasiyasının Qəzzaya aviazərbələri nəticəsində HAMAS lideri İsmail Haniyənin üç oğlu həlak olub.

APA-nın "Israel Hayom" nəşrinə istinadən xəbərinə görə, bu barədə məlumat artıq təsdiqlənib.

Lakin əməliyyatın təfərrüatları açıqlanmır.

Bu arada, İsrail hökuməti ABŞ-nin planına uyğun olaraq, 150 min fələstinlinin Qəzzanın şimalına qayıtmasına razılıq verib.

Rusiya Zaporojye atom elektrik stansiyasına endirilən zərbələrə görə Ukraynaya qarşı sanksiyalar tətbiq etməlidir .
32gun.az RİA Novosti-yə istinadən bildirir ki, bu fikri “Biz Rusiya ilə birlikdəyik” Zaporojye ictimai hərəkatının rəhbəri Vladimir Roqov deyib .

O, Çin və digər dövlətlərlə nüvə təhlükəsizliyi arxitekturasının qurulmasının zəruri olduğunu vurğulayıb .

“Zaporojye AES-ə hücumlar və Ukraynaya qarşı kollektiv sanksiyaların tətbiqi ilə bağlı aydın araşdırmalar aparılmalıdır: ticarət, iqtisadi, siyasi” - deyə o bildirib.

Onun sözlərinə görə, Atom Enerjisi üzrə Beynəlxalq Agentlik (MAQATE) kimi beynəlxalq təşkilatların qərəzli münasibətinə görə onların obyektiv reaksiyasına ümid etmək olmaz .

Bundan əvvəl Beynəlxalq Atom Enerjisi Agentliyinin (BAEA) baş direktoru Rafael Qrossi Rumıniyanın energetika naziri Sebastyan Burduja ilə görüşdən sonra keçirdiyi mətbuat konfransında Zaporojye Atom Elektrik Stansiyasında (ZNPP) vəziyyətin sabitləşdiyini bildirib . lakin agentlik ekspertləri hələ də baş verənləri qiymətləndirirdilər.

Almaniyanın müdafiə naziri Boris Pistorius Almaniya kontingentinin Litvaya uçmaq üçün hərbi təyyarəyə minməsini “tarixi an” adlandırıb.
Tribunainfo.az “Financial Times”a istinadla xəbər verir ki, Pistorius briqadanı iki il əvvəl Rusiyanın Ukraynaya genişmiqyaslı işğalından sonra elan etdiyi Almaniya kansleri Olaf Şoltsun geosiyasi dönüş nöqtəsinin “flaqmanı” adlandırıb. Xüsusilə, strategiya Rusiya Federasiyası ilə həmsərhəd ölkələrdə Qərb dövlətlərindən minlərlə hərbçinin yerləşdirilməsidir.
Pistorius “Bundesver üçün vacib bir gündür” deyib və planlaşdırılan bazanın müasir Almaniya tarixində ilk olacağını qeyd edib.
Nəşr aydınlaşdırıb ki, Almaniya Soyuq Müharibə bitdikdən sonra NATO və digər tərəfdaşlarla xaricdə çoxmillətli missiyalarda və hərbi əməliyyatlarda iştirak etsə də, heç vaxt öz ərazisindən kənarda daimi olaraq qoşun yerləşdirməyib.
“Hələ görüləsi işlər çoxdur, o cümlədən yerli səviyyədə. İnfrastruktur yaxşı olmalıdır, kazarmalar… yaşayış, mənzillər olmalıdır. Biz ilk gündən briqadanın lazım olduğu kimi təchiz olunması üçün əlimizdən gələni edəcəyik”, – deyə Pistorus bildirib.
“Lakin bu, təvazökar başlanğıcdır. İlk 20 nəfər otellərdə yaşayacaq, sonra isə mənzil kirayə edəcək. Yayın sonuna qədər Almaniya ümumilikdə 150 hərbçinin Baltikyanı ölkələrdə yeni həyata başlayacağını gözləyir”, – nəşr yazıb.
Alman qoşunları NATO-nun Kremlə qarşı yeni qabaqcıl müdafiə planlarının əsas hissəsi kimi 2027-ci ilə qədər Baltikyanı ölkələrdə daimi yerləşdiriləcək 4800 əsgərdən ilkidir. Alman ordusu 45-ci Tank Briqadasına çevriləcək və nəticədə bir Leopard 2 tank batalyonu, bir Puma motoatıcı batalyonu, bir çoxmillətli döyüş batalyonu və dəstək qoşunlarından ibarət olacaq.
Litva Almaniyanın Estoniyadakı ingilis əsgərlərini, Latviyadakı kanadalıları və Polşadakı amerikalıları tamamlamaq üçün mümkün qədər tez qoşun göndərməsinə can atırdı.
Rusiyanın Ukraynaya genişmiqyaslı müdaxiləsindən sonra NATO-ya üzv olan şərq ölkələri qoşunlarını gücləndirmək zərurətindən danışmağa başlayıb. Beləliklə, Birləşmiş Ştatlar öz kontingentini Polşaya köçürüb və o, indi daimi olaraq orada olacaq.

“Son günlər Azərbaycanda ifşa olunmuş Fransa casus şəbəkəsi ilə bağlı məsələlər aparıcı fransız mətbuat səhifələrinin geniş müzakirə mövzusuna çevrilib, hətta həbsdə olan Martin Ryanın atası məsələlərdə Fransa kəşfiyyat orqanı DGSE-ni kəskin ittiham edən müsahibələrlə çıxış edib”.

Bu barədə “Observer Online” yazır.

06.04.2024-cü ildə yayımlanmış məqalədə qeyd edilir: “Məlum olur ki, Azərbaycanın təhlükəsizlik orqanı tərəfindən iş üzrə həbs edilənlərdən biri də Fransanın Azərbaycandakı diplomatik heyətinə yerləşdirilmiş kəşfiyyatçıları ilə əməkdaşlıq etmiş Azərbaycan vətəndaşı A.Məmmədlidir. O, Fransa vətəndaşlığının verilməsi və maddi təminatla mükafatlandırılma müqabilində Fransa vətəndaşı Martin Ryanla birgə geniş gizli əlaqələr qurulması və region üzrə zəruri informasiyaların toplanılıb ötürülməsi işinə cəlb edilməkdə ittiham olunur, müvafiq yazışmalar artıq Fransanın xeyrinə yox, ziyanına işləməyə başlayıb.

Həmçinin məlum olur ki, hər iki şəxs kəşfiyyat rəsmilərinin tapşırığı ilə dünyanın ən böyük bank şəbəkələrindən olan Fransanın nəhəng “Societe Generale” maliyyə konqlomeratının müxtəlif əməkdaşları ilə münasibətlər qurub, A.Məmmədli bankın Azərbaycan banklarında müxbir hesablarının açılması və digər məsələlərdə banklararası müqavilələrinin tərtibində iştirak edib.

A.Məmmədlinin hansı məqsədlə uzun müddətə Şimali İrlandiyaya göndərilməsinin səbəbləri isə hələ açıqlanmayıb.

4 dekabrda qeyd olunan şəxslərin həbsindən və Fransa kəşfiyyat şəbəkəsinin uzantılarının ifşasından sonra “Societe Generale” Bankının 07 dekabr 2023-cü il tarixdə Afrikanın 16 ölkəsində nümayəndəliklərinin fəaliyyətini dayandırması xüsusilə diqqət çəkən məqamdır. Az zərərə düşmək üçün Bank özünün Konqo, Ekvatorial Qvineya, Mavritaniya, Çad və digər ölkələrdəki filial qruplarını və törəmə şirkətlərinin əmlaklarını yerli şirkətlərə satmaq şansını əldən verməməyə və qapanmaları müxtəlif adlarla əsaslandırmağa çalışır.

Məsələ də ondadır ki, ümumi uğursuzluqlar “Societe Generale” bankının 2017-ci ildən Təhlükəsizlik üzrə Direktoru - əvvəl isə Fransa Silahlı Qüvvələrində Kəşfiyyat və təhlükəsizlik idarəsinin rəhbəri olmuş, “ehtiyatda” olan general Antuan Cxuyun tutduğu vəzifəyə uyğunluğu ətrafında müzakirələrə rəvac verib.

“Societe Generale” həmin bankdır ki, gələcək milyarder Corc Soros hələ 1988-ci ildə bankın konfidensial məlumatları hesabına səhm alqı-satqılarında qanunsuz yolla milyonlarla vəsaitə yiyələnə bilib, 2002-ci ildə buna görə məhkum edilib, iri həcmdə cərimə cəzası ilə yaxasını qurtara bilib”. (Trend)

Fransa Moskva və Sankt-Peterburqu 10 dəqiqəyə dağıda biləcək bir ölkədir.

Bunu Fransanın istefada olan generalı, ABŞ-dakı keçmiş hərbi attaşesi Vinsent Desportes deyib.

"Rusiyanın qorxduğu ölkə Fransadır. Fransa yeganə ölkədir ki, ehtiyacınız olan hər şey var. Sankt-Peterburq, Moskva və Rusiyanın bir neçə şəhərini on dəqiqəyə məhv edə bilərik. Və onlar da bunu bilirlər", - o bildirib.

O əlavə edib ki, Amerika getsə belə, Fransa onlarla hesablaşmalı qüvvə olaraq qalacaq.
axar.az

2023-cü ilin 19-20 sentyabr tarixlərində Qarabağ iqtisadi zonasında həyata keçirilən antiterror əməliyyatı zamanı ağır yaralanan Azərbaycan Ordusunun zabiti leytenant Bağırov Ülvi Hənifə oğlu 7 aprel 2024-cü il tarixində müalicə olunduğu tibb müəssisəsində vəfat edib.

Bu barədə Azərbaycan Müdafiə Nazirliyindən bildirilib.

Müdafiə Nazirliyinin rəhbərliyi şəhid zabitimizin ailəsinə və yaxınlarına dərin hüznlə başsağlığı verir, səbir diləyir.

Allah rəhmət etsin!

Dünən Ukrayna Silahlı Qüvvələrinin Rusiya ərazisindəki hərbi aerodromlara endirdiyi dron zərbələri nəticəsində xeyli sayda döyüş təyyarəsi məhv edilib.

Teleqram kanallarında yayılan məlumatlara istinadla xəbər verir ki, itkilərin miqyası işğal tarixindən bəri ən böyük miqyasda ola bilər.

Belə ki, bir neçə aviabazaya endirilən kütləvi zərbələr nəticəsində Rusiyanın itkiləri aşağıdakı kimidir:

– “Engels-2” aviabazasında yerləşən 3 ədəd “Tu-95 MS” strateji bombardmançıya ciddi zərər dəyib, aralarında pilotlar olmaqla, 7 nəfər öldürülüb;

– Eysk şəhərində yerləşən aviabazaya zərbə nəticəsində 2 ədəd “Su-25” tamamilə məhv edilib;

– Morozovsk aviabazasına zərbələr nəticəsində 6 ədəd qırıcı məhv edilib, 8 qırıcıya isə ciddi zərər dəyib;

– Kursk şəhərində yerləşən aviabazaya da zərbələr barədə məlumat yayılıb.

Rusiya Müdafiə Nazirliyi dron hücumlarının baş verdiyini təsdiqləsə də, itkilər barədə hər hansı məlumat yaymayıb.

Xatırladaq ki, bir neçə gün əvvəl Ukrayna kəşfiyyatı Rusiyanın əlində olan qırıcı və bombardmançıların sayını açıqlamışdı. Qeyd olunurdu ki, hazırda Rusiyada 100-ə yaxın “Su-34”, 100 ədəd “Su-35” və 7 ədəd “A-50U” təyyarəsi qalıb. “Üç ədəd A-50U” hal-hazırda təmir edilir. Ukrayna tərəfinin məlumatında görə, son iki il ərzində Rusiya 300-dən artıq döyüş təyyarəsi itirib. Dünən həyata keçirilən hücumlardan sonra onların sayı azalıb. Ukraynanın 3 min kilometrdən uzaq məsafəyə uça bilən dronların kütləvi istehsalına başlaması və artıq onlardan fəal istifadə etməsi hətta Rusiyanın cəbhədən uzaq hüdudlarında belə onların təhlükəsiz olmadığını göstərir.

Proseslərin gedişatı ondan xəbər verir ki, cəbhə xəttində vəziyyət sabit-ağır olaraq qalsa da, Rusiya hərbi qüvvələrinin ən önəmli hissəsi – hərbi aviasiyası və Qara dəniz donanması çox böyük itkilər verib. Ağır iqtisadi sanksiyalar altında olan ölkənin yaxın perspektivdə bu itkilərin yerini doldurması mümkün deyil. Müharibənin ən şiddətli dövrünün hələ qabaqda olduğunu, Ukraynanın uzaq məsafələrə zərbə endirən dronlar və “F-16” qırıclarını əldə edəcəyini nəzərə alsaq, bu itkilərin miqyası Rusiya üçün fəlakətli həddə çata bilər.

Göründüyü kimi Kremlin hərbi avantürası Rusiyaya çox baha başa gəlir və ölkəni strateji məğlubiyyətə doğru aparır.