Ötən il ən çox silah satan şirkət ABŞ-ın “Lockheed Martin” şirkəti olub.
“Stativerse”nin araşdırmasına görə, “Lockheed Martin” şirkəti ötən il 63,3 milyard dollar dəyərində silah satışı həyata keçirib.

Ötən il ən çox silah satan şirkətləri sizə təqdim edirik:

1. Lockheed Martin ~ 63,3 milyard dollar
2. RTX Corp ~ 39,6 milyard dollar
3. Northrop Grumman ~ 32,4 milyard dollar
4. A.I.C Çin ~ 31,0 milyard dollar
5. Boeing ~ 30,8 milyard dollar
6. General Dynamics ~ 30,4 milyard dollar
7. BAE Systems ~ 25,2 milyard dollar
8. China N Industries ~ 18,0 milyard dollar
9. L3Harris Technologies ~ $13,9 milyard
10. China S.I Group ~ 13.5 milyard dollar
11. Leonardo ~ 12,9 milyard dollar
12. Airbus ~ 12,0 milyard dollar
13. HII ~ 10,6 milyard dollar
14. Thales ~ 9,6 milyard dollar
15.

Ukrayna Silahlı Qüvvələrinin hava hücumundan müdafiə (HHM) sistemləri ilə təchizatı məsələsi təcilidir.

Bunu NATO-nun Baş katibi Yens Stoltenberq G7 ölkələrinin xarici işlər nazirlərinin Kapri adasında keçirilən görüşündə deyib.

“Bu təcilidir. Çünki hər gecikmə günü Ukraynaya daha çox ziyan vurulur”, – Stoltenberq qeyd edib.

“Böyük Yeddilik” (G7) ölkələrinin xarici işlər nazirləri aprelin 19-da İtaliyada keçiriləcək iclasında İsrailin İrana zərbələri ilə bağlı vəziyyət müzakirə edəcək.

“Report” TASS-a istinadən xəbər verir ki, bu barədə Kanadanın xarici işlər naziri Melani Joli “X” sosial şəbəkəsindəki hesabında qeyd edib.

“Kanada Xarici İşlər Nazirliyinin rəsmiləri İranda gecə baş verən partlayışlar barədə mənə məlumat verdilər. Biz vəziyyəti diqqətlə izləyirik. Bu gün səhər məsələni xarici işlər nazirləri ilə müzakirə edəcəyik”, - o bildirib.

Çərşənbə günü, aprelin 17-nə keçən gecə Rusiya tərəfindən işğal olunmuş Krımın Cankoy şəhərində hərbi aerodromda baş verən partlayışlar nəticəsində üç S-400 və iki S-300 buraxılış qurğusu sıradan çıxarılıb.
Tribunainfo.az xəbər verir ki, bu barədə “Crimean Wind” monitorinq “Telegram” kanalı məlumat yayıb.
Məlumatda, həmçinin bir S-400 sisteminin radiolikasiya stansiyasl və S-300 və S-400 sursat anbarının da məhv edildiyi bildirilib.
Bundan başqa, ölən və yaralananlar da var. Onların sayı dəqiqləşdirilir.
Bundan əvvəl “Crimean Wind” kanalı öz mənbələrinə istinadən 30-a qədər rusiyalı hərbçinin ölə, daha 80-ə yaxınının isə yaralana biləcəyini bildirib.
Xatırladaq ki, aprelin 17-nə keçən gecə Rusiya tərəfindən işğal olunmuş Krımın Cankoy şəhərində partlayışlar baş verib və güclü yanğınlar başlayıb. Yerli sakinlər yerli hərbi aerodrom ərazisində partlayış və yanğının baş verdiyini bildiriblər.
Teleqram kanalın verdiyi məlumata görə, Cankoy aerodromunda Rusiya Ordusunun Cənub Hərbi Dairəsinin 4-cü Hərbi Hava Qüvvələri və Hava Hücumundan Müdafiə Komandanlığının 27-ci qarışıq aviasiya diviziyasının 39-cu helikopter alayı və üç aviasiya eskadrilyası yerləşdirilib.

Ermənistan silahlı qüvvələrinə məxsus kvadrokopter Azərbaycan Ordusunun mövqelərində kəşfiyyat uçuşları həyata keçirməyə cəhd göstərib.
Bu barədə Müdafiə Nazirliyindən məlumat verilib.
Bildirilib ki, Tovuz rayonunun Ağdam yaşayış məntəqəsi istiqamətində müəyyən edilən kvadrokopter bölmələrin sayıqlığı nəticəsində aşkar olunub və zərərsizləşdirilərək müsadirə edilib.

Ermənistanın Azərbaycan üçün düşmən ölkə olduğunu vurğulayan Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə “Sherg.az”a bildirib ki, onlar, hələ də sülh sazişindən müxtəlif bəhanələrlə yayınırlar:
“Azərbaycan tərəfi torpaqlarını azad etdikdən sonra üçtərəfli saziş imzalansa da, Ermənistan təxribat xaraxterli hərəkətlərinə davam edib. İndi isə sülh müqaviləsinin imzalanması ilə bağlı intensivlik azalıb. Xaricdən, xüsusilə də Fransadan Ermənistana ciddi təhriklər var. Həmin qüvvələr Azərbaycan-Ermənistan arasında sülh sazişini istəmirlər və prosesi yubadırlar. Belə olan halda isə Azərbaycan Respublikasının Silahlı Qüvvələrinin manevrlərini, yerləşmə məntəqələrini və texniki avadanlıqlarını öyrənmək üçün bu cür kəşfiyyat tədbirləri həyata keçirirlər”.

Ç. Qənizadə söyləyib ki, sülh müqaviləsinə hazırlaşan bir dövlət təxribat xarakterli addımlardan çəkinməlidir:
“Görünən odur ki, Ermənistanın niyyəti tamamilə fərqlidir. Ona görə də Azərbaycan ordusu həmişə olduğu kimi öz ayıq-sayıqlığını saxlamalı və düşmənin ən kiçik provakasiyasına operativ cavab verməlidir. Hazırda Qərb tərəfindən Azərbaycana qarşı təzyiqlərin baş alıb getdiyi bir məqamda ölkədəki sabitlik qorunmalıdır. Bizim birliyimiz dövlətimizin və xalqımızın qələbəsidir. Ona görə də bu qələbə naminə öz birliyimizi əldə saxlamalıyıq”.

Qarabağda müvəqqəti yerləşdirilən Rusiyanın sülhməramlı kontingenti Azərbaycanı tərk edir.

TEREF bu barədə Musavat.com-a istinadən xəbər verir.
Məlumata görə, Rusiya kontingenti Azərbaycanı (Qarabağı) birdəfəlik və tam olaraq tərk edir.

Bununla da Azərbaycan Qarabağ məsələləri ilə bağlı bütün problemlərini həll etmiş, tam müstəqil, suveren nəzarətini bərpa etmiş durumdadır.

Təqdim etdiyimiz video sülhməramlı kontingentin Qarabağ istiqamətindən çıxaraq Azərbaycanı tərk etməsi zamanı Tərtər və Bərdə rayonlarında çəkilib.

Ukrayna ordusu Krımda Rusiyanın yüksək rütbəli zabitlərinin yerləşdiyi komanda məntəqəsinə zərbələr endirib.

Sozcu.az xəbər verir ki, bu barədə Ukraynanın xüsusi xidmət orqanlarındakı mənbə bildirib.

Hadisənin təfərrüatı barədə məlumat verilməyib.

Hizbullah partiyasının silahlı qanadının dəstələri Livanla həmsərhəd bölgələrdə İsrail ordusunun mövqelərinə hücum edib.

Bu barədə "Al Mayadeen" telekanalı məlumat yayıb.

Telekanalın məlumatına görə, Hizbullah qırıcıları Yuxarı Qalileydəki Matat qəsəbəsindəki hərbi bazanı tank əleyhinə idarə olunan raketlərlə atəşə tutublar. Eyni zamanda, Qərbi Qalileyanın Hanita qəsəbəsindəki ordu kazarmasına növbəti hücum olub. Bu hücumların nəticələri barədə məlumat verilməyib.

Hücumlara cavab olaraq İsrail Hərbi Hava Qüvvələri Hizbullah birləşmələrinin atəş mövqelərinin olduğu Hula kəndinin kənarında üç reyd keçirib. Məcdəl Zun və Ən-Nakura kəndlərinə də hava zərbələri endirilib. Livan Qızıl Xaç Cəmiyyətinin təcili yardım maşınları həmin bölgələrə cəlb edilib.

İsrail Hərbi Hava Qüvvələri İranın PUA və raketlərininin zərərsizləşdirilməsi anının görüntülərini yayıb.
TEREF “MOUZE” teleqram kanalına istinadən həmin görüntüləri təqdim edir:

İsrail bu gecə İrana hücum edə bilər.

TEREF xəbər verir ki, bu barədə İsrailin 14-cü kanalı məlumat yayıb.
Məlumata görə, İsrail Təhlükəsizlik Kabinetinin iclasını keçirdikdən sonra, bu gecə İranın hücumuna cavab verilməsi qərara alınıb.
Qeyd edək ki, sabah bütün ölkədə məktəb və təhsil müəssisələrinin bağlanması yenidən uzadılıb.
/musavat.com