Rusiya Xarkova ballistik raketlə zərbələr endirib.

UNİAN-ın məlumatına götə, 44 nəfər yaralanıb. Bu barədə şəhər meriyası xəbər verib.

Yaralananlardan 7-nin uşaq olduğu bildirilib.

Zərbələr nəticəsində bir neçə mağaza, ticarət mərkəzi, həyət evləri və avtomobillər yanaraq yararsız hala düşüb, şəhərin infrastrukturuna əhəmiyyətli dərəcədə ziyan dəyib.

"Finlandiya NATO-nun yeni üzvü olsa da, çəkindirici qüvvələri, o cümlədən nüvə silahlarını öz ərazisində yerləşdirməyəcək".

İqtisadiyyat.az xəbər verir ki, bu barədə Suomi radiosunda "Prezidentlə bir saat" proqramında dinləyicilərlə danışan ölkə Prezidenti Aleksandr Stubb bildirib.

Qeyd edək ki, Finlandiya 4 aprel 2023-cü ildə NATO-nun 31-ci üzvü olub.

Cümə günü Brüsseldə görüşən Avropa İttifaqının müdafiə nazirləri Ukraynanın müttəfiqlərini ölkənin Rusiyaya qarşı müharibəsini dəstəkləmək üçün vəd edilmiş silah sistemlərini çatdırmağa çağırıb. Ukraynanın baş diplomatı isə Britaniya və ABŞ-ı silahlarından Rusiya daxilindəki hədəflərə istifadəsinə qoyulan məhdudiyyətləri aradan qaldırmağa çağırıb.

Müdafiə nazirləri yay tətilindən sonra ilk dəfə qeyri-rəsmi görüş keçirib və görüşdən əvvəl jurnalistlərə açıqlama verərək, Ukraynaya hərbi yardımın gündəmdə birinci yerdə olduğunu bildirib.

Estoniyanın müdafiə naziri Hanno Pevkur Ukraynanın Rusiyanın Kursk bölgəsinə son hücumunun düzgün istiqamətdə getdiyini deyib. Lakin o, əlavə edib ki, Ukrayna bunu "bir əli arxada" edir, çünki onun daha çox silah sisteminə ehtiyacı var. O, həmkarlarını vəd edilmiş silah sistemlərini çatdırmağa çağırıb.

Niderlandın müdafiə naziri Ruben Brekelmans ölkəsinin Ukraynaya vəd etdiyi "Patriot" raketdən müdafiə sistemlərini yaxın zamanda çatdıracağını bildirib. O, Rusiyanın bundan xəbərdar olmasını istəmədiyi üçün dəqiq tarix bildirmək istəmədiyini, lakin bunun tezliklə baş verəcəyini deyib.

Müdafiə nazirləri ABŞ istehsalı olan "F-16" doyüş təyyarəsinin qəzaya uğramasını da xatırladıb. Ukrayna Hərbi Hava Qüvvələri cümə axşamı bildirib ki, Ukraynanın Qərb tərəfdaşlarından aldığı "F-16" döyüş təyyarələrindən biri qəzaya uğrayıb.

İsveçin müdafiə naziri Pal Conson deyib ki, bunlar müharibə zamanı baş verən hadisələrdir və "burada dramatik bir şey görmür".

Ukrayna ordusu ABŞ istehsalı qırıcı təyyarənin bazar ertəsi Rusiyanın Ukraynaya raket və pilotsuz uçuş aparatları ilə hücumu zamanı qəzaya uğradığını bildirib. Təyyarə Rusiyanın hava hücumunu dəf edərkən qəzaya uğrayıb. Hadisə nəticəsində pilot ölüb. Bu, iyulun sonunda ölkəyə gəlişindən sonra "F-16"-nın Ukraynada ilk qəzası idi.

Ukrayna Hərbi Hava Qüvvələrinin rəisi Nikolay Oleşuk Telegram sosial media hesabında qəza ilə bağlı ilkin hesabatın ABŞ-la paylaşıldığını və ABŞ tərəfdaşlarının təhqiqata yardım etdiyini bildirib.

Ukraynanın xarici işlər naziri Dmitri Kuleba da Avropa İttifaqı müdafiə nazirlərinin Brüsseldə keçirilən iclasında iştirak edir. O, Avropa İttifaqına üzv dövlətləri hədiyyə edilmiş uzaqmənzilli silahlardan Rusiya daxilindəki "legitim" hədəflərə qarşı istifadəsinə qoyulan məhdudiyyətləri ləğv etmələri üçün Britaniya və ABŞ-a təzyiq göstərməyə çağırdığını bildirib.

Britaniya və ABŞ Rusiya ilə münaqişənin eskalasiyasından ehtiyat edərək, Kyivə hədiyyə etdikləri uzaqmənzilli raketlərdən istifadəyə məhdudiyyətlər qoyub. Bu ilin əvvəlində ABŞ rəsmiləri Moskvanın Xarkiv şəhərinə qarşı hücumuna bilavasitə cavab olaraq, Ukraynanın Rusiya daxilindəki hədəfləri atəşə tutmasına razılıq versələr də, digər məhdudiyyətləri qüvvədə saxlayıb.

İsrailin işğal altındakı İordan çayının qərb sahilinə genişmiqyaslı hərbi əməliyyatı üçüncü gündür davam edir. Hər iki tərəf cümə günü hava hücumu zamanı azı 16 fələstinlinin öldüyünü bildirib.

Bu arada BMT-nin yüksək səviyyəli yardım rəsmisi Qəzzada müharibənin davam etdiyi və humanitar əməliyyatların çatdırılmasının çətin olduğu bir vaxt "bizim insanlığımıza nə oldu" sualını verib.

Birləşmiş Millətlər Təşkilatı İsrailin çərşənbə günü səhər saatlarında İordan çayının qərb sahilində başlatdığı hərbi əməliyyatın ərazidə "onsuz da gərgin olan vəziyyəti daha da gərginləşdirdiyi" barədə xəbərdarlıq edib və İsraildən hücumları dayandırmağa çağırıb.

ABŞ-da vitse-prezident Kamala Harris noyabr ayında prezident seçiləcəyi təqdirdə Vaşinqtonun İsrailə silah tədarük etmək siyasətini dəyişməyəcəyinə söz verib. Lakin o, "bu müharibəyə son qoymağın" vaxtının çatdığını vurğulayıb.

İsrail İordan çayının qərb sahilinin şimalındakı qəsəbələrə və qaçqın düşərgələrinə reydlərini "terrorla mübarizə" əməliyyatları kimi xarakterizə edib.

İsrail qüvvələri çərşənbə günündən bəri həyata keçirdiyi reydlər zamanı azı 16 fələstinlini öldürüb. Fələstinlilərin Səhiyyə Nazirliyi bu rəqəmi təsdiqləyib.

Ordunun bildirdiyinə görə, onlara məxsus təyyarələrdən biri cümə günü səhər tezdən Cenin şəhəri yaxınlığında "terror hücrəsini vurub". Əlavə təfərrüatlar açıqlanmayıb.

İsrail əsgərləri cümə axşamı gecə saatlarında İordan çayının qərb sahilinin digər şəhərlərindən geri çəkilsələr də, döyüşlər uzun müddətdir ki, militantların fəaliyyətinin mərkəzi olan Cenin şəhəri ətrafında davam edir.

Qəzzada isə İsrail ordusu cümə axşamı bildirib ki, qurudan və havadan zərbələr zamanı onlarla militantı məhv edib.

HƏMAS-ın idarə etdiyi ərazidəki mülki müdafiə agentliyi cümə günü İsrailin Cəbəliyyə qaçqın düşərgəsini atəşə tutması nəticəsində iki nəfərin öldüyünü bildirib.

France Press xəbər agentliyinin İsrailin rəsmi rəqəmlərinə əsaslanaraq verdiyi məlumata görə, HƏMAS-ın oktyabrın 7-də etdiyi hücum zamanı əksəriyyəti mülki şəxslər olmaqla, 1199 nəfər ölüb.

Fələstinli militantlar həmçinin 251 nəfəri girov götürüb, onlardan 103-ü Qəzzada hələ də əsirdir. İsrail hərbçilərinin verdiyi məlumata görə, onlardan 33-ü ölüdür.

Bölgənin səhiyyə nazirliyi İsrailin cavab olaraq başlatdığı hərbi kampaniyasının Qəzzada azı 40,602 nəfərin ölümünə səbəb olduğunu, BMT-nin insan haqları ofisi isə ölənlərin əksəriyyətinin qadın və uşaqlar olduğunu bildirib.

Yəmən husiləri cümə axşamı Qırmızı dənizdə Yunanıstan bayrağı altında üzən tankerə minərək, partlayışlar törətdiyini göstərən video yayımlayıb. Bu dənizə böyük neft sızması təhlükəsı yaradıb. Ekipaj tankeri bir neçə saat öncə tərk edib. Belə ki, dəmi, husilərin bir neçə dəfə hücumuna məruz qalıb.

Videoda "Sounion" neft tankerinin göyərtəsində bombalar partladığı zaman İranın dəstəklədiyi husilərin "Allahu Əkbər”, "Amerikaya ölüm", "İsrailə ölüm", "Yəhudilərə lənət", "İslama qələbə" şüarları səsləndirdiklərini görmək olub.

Bu, husilərin Qəzza zolağında davam edən İsrail-HƏMAS müharibəsi səbəbilə apardıqları kampaniya çərçivəsində son həftələrdə həyata keçirdikləri ən ciddi hücumdur. Bu hücum kampaniyası nəticəsində Qırmızı dənizdən hər il keçən 1 trilyon dollarlıq mal tranziti pozulub, münaqişənin hökm sürdüyü Sudan və Yəmənə bəzi humanitar yardımların çatdırılması dayandırılıb.

"Sounion" tankeri təxminən 1 milyon barel neft daşıyırdı. Husilər ilk dəfə tankerə avqustun 21-də odlu silahlar, mərmilər və pilotsuz qayıqdan istifadə edərək, hücum edib. Avropa Birliyinin Qırmızı dəniz əməliyyatı çərçivəsində fəaliyyət göstərən Fransız esminesi "Sounion" tankerini tərk edən 25 filippinli və rusiyalı ekipajını, 4 şəxsi mühafizəçini xilas edərək, qonşu Cibutiyə aparıb.

Cümə axşamı yayımlanan görüntülərdə "Kalaşnikov" tipli avtomatlarla silahlanmış maskalı şəxslərin ekipajın gəmini tərk etməsindən sonra "Sounion" gəmisinə mindikləri, partlayıcı qurğuları neft çənlərinə aparan göyərtə lyuklarına yerləşdirdikləri əks olunub. Videoda eyni vaxtda ən azı altı partlayışı görmək olar.

Görüntülər husilərin müəmmalı lideri Əbdül-Malik Əl-Hutinin şərhləri ilə yanaşı, Associated Press agentliyinin husilərin tankerə minərək, partlayıcı qurğular yerləşdirdiyi barədə daha əvvəl verdiyi xəbəri təsdiqləyib.

Husilərin nəzarətində olan SABA xəbər agentliyi Əl-Hutinin "Sounion"a hücumun "Amerikanın Fələstini dəstəkləyən yəmənlilərin əməliyyatlarının qarşısını aldığı ilə bağlı iddiasının yalan olduğunu göstərir" dediyi bəyanatını yayıb.

Qərb ölkələri və BMT "Sounion"dakı neftin sızmasının Qırmızı dənizdəki mərcan riflərinə və canlı təbiətə düzəlməz ziyan vura biləcəyi barədə xəbərdarlıq edib. ABŞ Dövlət Departamenti Husilərin yeni videosu ilə bağlı şərh istəyinə dərhal cavab verməyib. Bununla belə, Avropa İttifaqının bölgədəki dəniz qüvvələri "Sounion"dan neft sızmasının hələ müşahidə edilmədiyini bildirib.

Dünya hərb tarixininin ən qısa və ən konkret hərbi direktivi:
"Ordular ilk hedefiniz Akdeniz'dir. İleri.
Başkomutan Mustafa Kemal"
https://t.me/ibrahim_nebioglu

"Sputnik" çəkilişləri erməni ordusunun ciddi hazırlıqda olduğunu göstərir. Videoda 1 il fərqlə şərti sərhədlərdəki vəziyyət qeydə alınıb. Amma Ermənistan rəhbərliyi bilsin ki, kiməsə ümid edib yenidən səhvə yol verərsə, hücuma keçərsə, adekvat cavabı alacaq".

"AzPolitika" xəbər verir ki, bunu politoloq Zaur Məmmədov bildirib.

O, qeyd edib ki, Qərbdəki bəzi qüvvələr bu prosesləri dayandırmasalar, erməni ordusu müəyyən vaxtdan sonra hücuma keçə bilər.

"Azərbaycan tərəfinin dəfələrlə beynəlxalq ictimaiyyəti xəbərdarlıq etməsinə baxmayaraq, Makron-Paşinyan cütlüyü bölgəni yenidən müharibəyə qərq etmək istəyir. Hələlik isə Paşinyan guya ki, 2027-ci ildə Konstitusiyanı dəyişəcəyi anonsunu verir (hərçənd, niyə 2027? Vaxt uzadaraq müharibəyə hazırlaşmaq üçün) və ordusunu gücləndirir",-deyə politoloq qeyd edib.

Pentaqonun sözçüsü Patrik Rayder Ukrayna Prezidenti Vladimir Zelenskinin Qərb dövlətlərini Rusiya Federasiyasının dərinliklərinə zərbələrə qoyulan məhdudiyyətləri qaldırmağa çağıran açıqlamalarını şərh edib.
Amerika Birləşmiş Ştatları Rusiya Federasiyasının ərazisinə zərbələr endirmək üçün Ukrayna Silahlı Qüvvələrinin ABŞ silahlarından istifadəsinə qoyulan məhdudiyyətləri aradan qaldırmaq niyyətində deyil.
Bunu Pentaqonun sözçüsü Patrik Rayder bildirib.
"Ukrayna ABŞ-ın hərbi yardımından özünü sərhədyanı hücumlardan müdafiə etmək və atəşə cavab vermək üçün istifadə edə bilər. Bununla belə, uzaq məsafədən zərbələrə, Rusiyanın dərinliklərinə endirilən zərbələrə gəlincə, bizim siyasətimiz dəyişməz olaraq qalır" - o, "X*" sosial şəbəkəsində çıxışı zamanı bildirib.
Rayder Ukrayna Prezidenti Vladimir Zelenskinin Qərb dövlətlərini Rusiya Federasiyasının dərinliklərinə zərbələrə qoyulan məhdudiyyətləri qaldırmağa çağıran açıqlamalarını şərh edib.
Bundan əvvəl Rusiyanın keçmiş baş naziri Sergey Stepaşin Ukrayna ilə sülh danışıqlarının istisna edildiyini bildirmişdi. Onun sözlərinə görə, Zelenski ilə danışmaq Adolf Hitlerlə danışmaqla eynidir.

Muzdlular Ukraynanın işğal olunmuş ərazilərində təlim keçəcəklər, sonra döyüşə girəcəklər

“Onbeş” beynəlxalq briqadasına daxil olan “ArBat” erməni bölməsi İndoneziyadan “könüllülər”in qrupa cəlb olunduğunu elan edib. Muzdlu əsgərlər Ukraynanın işğal olunmuş ərazilərində təlim keçəcəklər, sonra döyüşə girəcəklər. "Artıq bir sıra yerli sakinlər var ki, onlar Donetsk Xalq Respublikasına (separatçı rejim - red) getməyə, bizim təlimatçılarla təlim keçməyə və əllərində silahla döyüşməyə hazırdırlar", - bölmənin “Telegram” kanalında deyilir. Yazı indoneziyalıların bölməyə tərif şüarı səsləndirdiyi video ilə müşayiət olunur.

Rusiya mediası yazıb ki, “ArBat” 2022-ci ilin sentyabrında yaradılmış xüsusi təyinatlı dəstədir və hücum mobil qrupudur. Ona “Abrek” çağırış işarəsi olan keçmiş “Vaqner” muzdlu döyüşçüsü Hayk Qasparyan komandirlik edir. 1 iyul 2023-cü ildə bölmə rəsmi olaraq Rusiya Müdafiə Nazirliyinin tərkibinə daxil olub. İndi Kursk vilayətində “ArBat” döyüşçüləri də döyüşürlər.

Bölmənin təsisçisi Armen Sarkisyandır. Ukrayna Müdafiə Nazirliyinin Baş Kəşfiyyat İdarəsinin (GUR) məlumatına görə, bu, Donetsk vilayətindən olan “Qorlovski” ləqəbli kriminal ünsürdür. O, qaçaq olan sabiq Prezident Viktor Yanukoviçin ailəsi ilə əlaqəli olub və Maydana qarşı çıxan qüvvələrin təşkilatçısı adlandırılırdı. 2014-cü ildən Sarkisyan Ukraynanın tələbi ilə beynəlxalq axtarışa verilib.

Mart ayında Rusiya Müdafiə Nazirliyi İndoneziyadan olan azı 10 muzdlu əsgərin Ukrayna Silahlı Qüvvələrinin sıralarında döyüşdüyünü açıqlamışdı. Öz növbəsində, İndoneziya Xarici İşlər Nazirliyi heç vaxt belə bir məlumat almadığını və "bu məlumatın əlavə öyrənilməsini tələb etdiyini" bəyan etmişdi.

İndoneziya Milli Ordusunun spikeri, general-mayor Nuqraha Qumilar isə vurğulayıb ki, onun hərbi qulluqçuları Ukraynada döyüşə bilməz, çünki muzdluların fəaliyyəti qanunsuzdur.

“Ordu ölkənin suverenliyini, ərazi bütövlüyünü, eləcə də bütün xalqı qan tökməkdən qorumağa çağırılır. Muzdlu fəaliyyət əsgərlərimizin sadalanan üç vəzifəsinin heç birinə aid deyil”, - deyə Qumilar vurğulayıb.

Bununla yanaşı, Rusiyanın Hindistan vətəndaşlarını müharibəyə cəlb etdiyi məlumdur. Onlar aldadılıb, yüksək maaş və “köməkçi işdə” iştirak etdiklərinə görə Rusiya pasportu vəd edilib, Moskvaya çatan kimi cəbhəyə göndəriliblər. Baş nazir Narendra Modi şəxsən vəziyyətə müdaxilə edib, bundan sonra Rusiya Prezidenti Vladimir Putin ona bütün belə muzdluları azad edəcəyini vəd etmişdi.

Ötən ilin sonlarında Hindistan və Çinlə həmsərhəd olan Nepalın ən azı 200 vətəndaşının Rusiya ordusuna cəlb olunduğu bildirilirdi. Daha sonra onlardan ən azı 14-ü Ukraynada dünyasını dəyişib. Bu barədə xarici işlər naziri Prakaş Saud bildirib. Ölkə Moskvadan müharibədə qalan nepallıları dərhal tərxis etməyi və onları, həmçinin həlak olan və yaralananları vətənlərinə qaytarmağı tələb etdi.

Bu çağırış isə işə götürənlərin həbsinə və nepallılara Rusiyada iş icazəsinin verilməsinin dayandırılmasına səbəb olub. Bundan əvvəl Rusiya ordusu tərəfində Somali, Suriya, Kuba və Çindən olan muzdluların da müharibədə iştirak etdiyi bildirilirdi. Eyni zamanda, Moskva serbləri də “könüllü” qismində müharibəyə cəlb edir.

Müəllif: Turan Abdulla
ayna.az

Ermənistan silahlı qüvvələri Naxçıvan istiqamətində Azərbaycan ordusunun mövqeləri yenidən atəşə tutub.

Ermənistan silahlı qüvvələrinin bölmələri avqustun 28-i saat 18:30-da Paşalı rayonunun Sultanbəy yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Şahbuz rayonunun Şada yaşayış məntəqəsi istiqamətindəki mövqelərini atıcı silahlardan atəşə tutub.

Qeyd olunan istiqamətdə Azərbaycan ordusunun bölmələri tərəfindən adekvat cavab tədbirləri görülüb.