Ankara bir F-35 eskadronu və bir eskadrilya F-35B almaq istəyir

Türkiyə ABŞ-a təklif edib və bu təklifə əsasən, ölkə Amerikanın yeni nəsil F-35 qırıcılarının alınması müqabilində Rusiyadan aldığı S-400 zenit-raket komplekslərindən (SAM) istifadədən etməkdən imtina edir. Bu barədə “Cümhuriyyət” qəzeti Ankaradakı mənbələrə istinadən yazıb.

Jurnalistlərin fikrincə, Türkiyə F-35 proqramına qayıtmaq üçün S-400-ləri “hazırda yerləşdikləri anbarlarda” Vaşinqtonun nəzarəti altında qoymağı öhdəsinə götürür. Bunun müqabilində Ankara bir F-35 eskadronu və bir eskadrilya F-35B almaq istəyir.

Türkiyə rəsmiləri hələlik bu məlumatı şərh etməyiblər.

Hərbi Dəniz Qüvvələrinin iki təyyarədaşıyan zərbə qrupu Oman körfəzinə yerləşdirilib

Amerikanın “Planet Labs” şirkətinin peyk məlumatlarına əsasən, ABŞ Hərbi Dəniz Qüvvələrinin iki təyyarədaşıyan zərbə qrupu Yaxın Şərqdə vəziyyətin pisləşməsi fonunda İran sahillərində Oman körfəzinə yerləşdirilib.

AYNA-nın xarici mediaya istinadən məlumatına görə, regionda yerləşən nüvə enerjisi ilə işləyən təyyarədaşıyan “USS Theodore Roosevelt”ə keçən həftənin sonunda “USS Abraham Linkoln” qoşulub.

Pentaqonun məlumatına görə, ABŞ-ın müdafiə naziri Lloyd Ostin İsrailə dəstək məqsədilə Yaxın Şərqdə ABŞ Hərbi Dəniz Qüvvələrinin iki təyyarədaşıyan zərbə qrupunun mövcudluğu barədə göstəriş verib.

Pentaqonun press-relizində deyilir: "Nazir İsrailə dəstək üçün bölgədə iki aviadaşıyıcı zərbə qrupunun mövcudluğunu davam etdirməyi əmr etdi".

Qeyd edilib ki, Ostin bu qərarını bazar günü israilli həmkarı Yoav Qalantla telefon danışığında açıqlayıb.

"İsrail hərbçiləri avqustun 25-də Hizbullah hərəkatının yaraqlılarının İsrailə qarşı genişmiqyaslı hücumunun qarşısını ala biliblər, nəticədə Livandan olan radikalların gecə hücumu nəticəsində dəymiş ziyan minimal olub".

Bu barədə TASS-a İsrail Müdafiə Qüvvələrinin mətbuat xidmətinin nümayəndəsi Anna Ukolova məlumat verib.

"Bu səhər İsrail ordusu İsrailə genişmiqyaslı hücum cəhdinin qarşısını ala bildi və nəticədə Livandan gələn zərbələr planlaşdırıldığı qədər təsirli olmadı və zərər minimal oldu", - Ukolova bildirib.

O qeyd edib ki, İsrail Hərbi Hava Qüvvələri Hizbullahın raket buraxılış sistemlərinə və mövqelərinə davamlı zərbələr endirməkdə davam edir.

“İngiltərə və Fransa 1940-cı ildə Bakıda neft yataqlarını bombalamağı planlaşdırırdı”.

Referans.az xəbər verir ki, Rusiya Prezident Kitabxanası “Fransa Baş Qərargahının məxfi sənədləri” kolleksiyasından olan Fransadakı Müttəfiq Quru Qoşunlarının baş komandanı, general Moris Qamelenin Sovet İttifaqının məhv edilməsi planlarına dair notasını dərc edib.

Məqalədə bildirilir ki, İngiltərə və Fransa 1940-cı ildə Bakıda sovet neft mədənlərini bombalamaqla SSRİ-ni diz çökdürməyi və son nəticədə Sovet İttifaqının dağılmasına nail olmağı planlaşdırırdılar.

“1940-cı ilin əvvəllərində İngiltərə və Fransa Sovet İttifaqının o vaxt döyüşdüyü Finlandiyadan zərbələr endirmək, Leninqradı tutmaq, yerli sovet neft yataqlarını dağıtmaq, habelə SSRİ-yə qarşı müharibəyə başlamaq haqqında fundamental qərar qəbul etdilər. Bu qərarı İngiltərə və Fransanın hərbi rəhbərliyinin əsas rəsmi orqanı olan Ali Hərbi Şura verdi. Plana hər iki ölkənin baş nazirləri, Nevil Çemberlen və Eduard Daladier başçılıq edirdilər. Qafqazın neft mədənlərinə qarşı hərbi əməliyyatlar bu regionda neft sənayesini məhv etməyə yönəldilməli idi. Yerüstü əməliyyat müxtəlif çətinliklər yaratdığından müttəfiqlər Bakıya hava hücumu məsələsini nəzərdən keçirməyə vadar olmuşdular. Bakı Qafqazın ən böyük neft mərkəzi idi və Rusiya neft hasilatının 75%-i Bakının quyularından əldə edilirdi. Bakıya zərbə SSRİ-ni Qafqaz neftinin əhəmiyyətli bir hissəsindən məhrum edərdi. Hətta bir neçə aydan sonra SSRİ-nin çətinlikləri o həddə çata bilərdi ki, bu dövlət tamamilə dağılmaq təhlükəsi ilə üz-üzə qalardı. Hesablamalara görə, hava zərbələrinin Bakıdan 400-700 kilometr aralıda yerləşən Türkiyə və ya İrandan, eləcə də Suriya və İraqdakı bazalardan həyata keçirilməsi planlaşdırılırdı”, – deyə məqalədə qeyd olunur.

İranın xarici işlər naziri Abbas Əraqçi Britaniya və Fransadan olan həmkarları ilə telefon danışığı zamanı bildirib ki, İran HƏMAS Siyasi Bürosunun rəhbəri İsmayıl Haniyənin Tehranda öldürülməsinə görə İsrailə cavab zərbəsi endirməkdə mütləq hüququndan əl çəkməyəcək.

Referans.az xəbər verir ki, Əraqçi Tehranda HƏMAS-ın siyasi liderinin öldürülməsinə dair cinayət əməllərinin İranın təhlükəsizlik və suverenliyini pozduğunu bildirib. O, ölkəsinin təcavüzkarı cəzalandırmaq hüququna malik olduğunu deyib.

Xatırladaq ki, iyunun 31-i HƏMAS lideri İsmayıl Haniyə İranın paytaxtı Tehran şəhərində öldürülüb. Belə ki, bu gün səhər saatlarında HƏMAS rəhbərinin Tehrandakı iqamətgahı raket atəşinə tutulub.

Qeyd olunub ki, təkcə Haniyə deyil, onun mühafizəçilərindən biri də öldürülüb.

Polşa Ukrayna Silahlı Qüvvələrinin 23 min hərbi qulluqçusuna təlim keçib.

Redaktor.az xəbər verir ki, bunu Kiyevdə ölkə prezidenti Anjey Duda Ukrayna Prezidenti Volodimir Zelenski və Litvanın Baş naziri İnqrida Simonyte ilə birgə mətbuat konfransında deyib.

Onun sözlərinə görə, Varşava Kiyevə hərbi dəstəyini davam etdirəcək, həmçinin Ukraynanın Aİ və NATO-ya daxil olmasını təşviq edəcək.

Mayın sonunda Polşanın müdafiə naziri Vladislav Kosiniyak-Kamış bildirmişdi ki, Ukrayna hərbçilərinin üçdə biri bu sahədə təlim keçib. Sentyabra qədər Aİ Ukrayna Silahlı Qüvvələrinin 60 min əsgərinə təlim keçmək niyyətindədir.

Ukrayna ordusunun Kursk vilayətinə hücumu Moskvanı Ukraynadakı qoşunlarının bir hissəsini bu vilayətə çəkməyə məcbur edib.

Bunu ABŞ Müharibə Araşdırmaları İnstitutu(ISW) son hesabatında yazıb. İnstitutun məlumatına görə, Rusiya hərbi rəhbərliyi əvvəl bunu istəməsə də, hazırda Ukrayna Silahlı Qüvvələrinin Kursk vilayətində keçirdiyi əməliyyatla əlaqədar Ukraynanın Zaporojye vilayətindəki bir sıra bölmələrini Kurska köçürür.

Eyni zamanda, ISW-nin hesabatına görə, Rusiya Donetsk bölgəsində əsas hücum xəttini, xüsusən də Pokrovsk istiqamətini zəiflətməməyə çalışır.

Xatırladaq ki, Ukrayna tərəfinin avqustun 6-da başlatdığı əməliyyat nəticəsində Ukrayna qüvvələri Kursk vilayətinin 90-dan çox yaşayış məntəqəsini ələ keçiriblər. Hətta Ukraynanın nəzarətində olan ərazidə hərbi komendantlıq da yaradılıb.

Azpolitika.info

"İranla Ermənistan arasında münasibətlər kifayət qədər konstruktiv və yaxındır". Bu barədə İran Xarici işlər Nazirliyinin sözçüsü Naser Kənani bugünkü mətbuat konfransında deyib. Sözçü qeyd edib ki, iki ölkə arasında dostluq və hərtərəfli münasibətləri inkişaf etdirmək üçün ümumi bir arzu var. Belə ki, hər iki tərəf regionda sabitliyin və təhlükəsizliyin, eləcə də sərhədlərdə təhlükəsizliyin qorunmasını vurğulayır. Amma müşahidələr deməyə əsas verir ki, İranla Ermənistan arasında siyasi çat dərinləşir…
Siyasi və Hüquqi Araşdırmalar Mərkəzinin (SHAM) sədri Xəyal Bəşirov Bizimyol.info xəbər portalına açıqlamasında bildirib ki, İranla Ermənistan arasında münasibətlər kifayət qədər "konstruktiv və yaxındır, yaxşıdır" deyə iddialar səsləndirməyin normal olduğunu və yaxud da münasibətlərin həqiqətən inkişaf etdiyini düşünmür.

“Bunlar sadəcə şablon ifadələrdir. Xarici işlər nazirləri və nazirliklərin sözçüləri həmişə bu mövqeni bildirirlər. Hətta münaqişə vəziyyətində olan dövlətlər belə bir çox hallarda diplomatik gediş kimi münasibətlərin yaxın və konstruktiv olması haqda şərh verə bilər.

Xəyal Bəşirovun fikrincə, hansısa məsələdə konstruktiv ola bilərlər və yaxud da hansısa məsələlərdə olmaya bilərlər.

“Yaxın olmaq qonşuluq kimi ola bilər və yaxud münasibətlərin yaxın olmasını müxtəlif formada da izah etmək olar. Bugünkü reallıqlar onu əks etdirmir. Mövcud reallıqlardan çıxış etsək, İranla Ermənistan arasında münasibətlərin heç də yaxşı olmadığını dilə gətirmək daha məqsədəuyğun ola bilər.

Düzdür, İkinci Qarabağ müharibəsindən sonra İranla Ermənistanın münasibətlərində fərqli bir görüntünün şahidi olduq. Amma İkinci Qarabağ müharibəsindən sonra reallaşan yeni proseslər, ondan sonra baş verən hadisələrə əsasən deyə bilmərik ki, eyni vəziyyət davam etməkdədir. İkinci Qarabağ müharibəsindən təxminən 2 il sonra, yəni 2022-ci ilin oktyabrından başlayaraq, Ermənistan öz ərazilərində demək olar ki, dünyanın İranla düşmən olan bütün dövlətlərinin silahlarını yerləşdirib. Ora keçmiş jandarma qüvvələri, polis işçiləri və kəşfiyyatçılar da daxildir. Daha doğrusu, İkinci Qarabağ müharibəsi reallaşandan sonra İranın "böyük şeytan" adlandırdığı və düşmən olaraq təbliğat apardığı Amerika Birləşmiş Ştatlarının ordusu Ermənistanda təlim keçir. Ötən il də keçirilib, bu il də keçirilir. Artıq ənənə halını alıb. Kanadanın silahlıları Ermənistana yerləşib. Baxmayaraq ki, adını Avropa İttifaqının missiyası qoyublar. Kanadanın Avropa İttifaqına heç bir adiyatı yoxdur. Amerika Birləşmiş Ştatlarının da Avropa İttifaqına heç bir adiyatı yoxdur”-deyən politoloq hesab edir ki, burada məqsəd gələcəkdə İranın hansısa bir addımlar atacağı təqdirdə, məsələn nüvə silahının əldə edilməsi istiqamətində addımlar, İsraillə müharibə istiqamətində və yaxud Qərbin, Amerika Birləşmiş Ştatlarının maraqlarına zidd hər hansı bir addım atacağı təqdirdə həmin o qüvvələrdən İrana qarşı istifadə ediləcəyi açıq şəkildə gündəmdədir.

Xəyal Bəşirov bildirib ki, Ermənistana yardımlar edilir, Ermənistana hava hücumundan müdafiə sistemləri, raketlər verilir. Politoloq deyir ki, bütün bu silahların gələcəkdə Ermənistanın revanşist hisslərinin reallaşdırması üçün verildiyini düşünmür. Xəyal Bəşirov hesab edir ki, gələcəkdə silahlardan İrana qarşı istifadə edilməyəcəyi ilə bağlı heç kim zəmanət verə bilməz.

“Əslində o prizmadan yanaşanda bu reallıqları qəbul edib, bu prosesə münasibət bildirəndə İranla Ermənistan arasında münasibətlərin normal olmaması müşahidə edilir. İranda hakimiyyət dəyişikliyi də baş verdi. Nəzərə ala bilərik ki, bunu İranın daxilində olan bəzi qüvvələr əvvəlki hakimiyyətin üzərinə ata bilərlər. Biz bilirik ki, əslində İranda hakimiyyətin həyata keçirilməsi, qərarların verilməsi, idarəsi İranın ali dini liderinə məxsusdur. Hər bir halda rəsmiyyətdə münasibətləri quran, əlaqələri saxlayan İran prezidenti, İranın nazirlər kabineti və İranın xarici işlər naziridir. Bunlar da tam şəkildə dəyişib. İranla Ermənistan arasında olan münasibətlərin qurulmasını həmin hakimiyyətin adına yazmaq niyyətləri ortaya qoyula bilər və yaxud Azərbaycanla münasibətlərin pisləşməsini onların adına yaza bilərlər”-deyə Xəyal Bəşirov qeyd edib.

Ukrayna Kursk vilayətində hücuma gizli şəkildə hazırlaşıb.

Bunu Almaniya kansleri Olaf Şolts Kişineuda Moldova Prezidenti Maya Sandu ilə birgə mətbuat konfransında deyib.

O, həmçinin qeyd edib ki, Almaniya hadisələri izləyir və Ukraynanı dəstəkləməyə davam edəcək.