 |
|
|
Ekspert: “Təhsil müəssisələrində nəzarət, idarəetmə, təhlükəsiz təhsil mühitinin yaradılması istiqamətində ciddi problemlər var”
Tədris ili 3 həftədir başlayıb, orta məktəblərdə baş verən neqativ halların ardı kəsilmir. Dərslərə start verilən kimi bir neçə məktəbdə rüşvət yığımına dair faktlar, səs yazıları üzə çıxdı. Bakının 45 saylı, Sumqayıtın 32 saylı məktəbində bu faktlar təsbit olundu və direktorlar cəzalandırıldı.
Ardınca digər məktəblərdə dərs bölgüsü ilə bağlı narazılıqlar haqda çoxsaylı məlumatlara rast gəlindi.
Nəhayət, oktyabrın 4-də sosial şəbəkələrdə insanları sarsıdan bir video yayıldı: Bakının 112 saylı məktəbində şagirdin sinif yoldaşını vəhşicəsinə döyməsi insanları hiddətləndirdi.
Elə həmin gün digər bir neçə neqativ hadisə haqda da məlumatlar gəldi:
- İsmayıllıda şagird şagirdi bıçaqlayıb;
- Naxçıvanda bir şagird sinif otağında intihar edib;
- Şəkidə müəllimlər direktoru boykot edib, dərslərə girməyiblər...
Xətai rayonu, 48 nömrəli tam orta ümumtəhsil məktəbində 10-cu sinif şagirdləri müəllim dərsə gəlmədiyi üçün vaxtdan “səmərəli” istifadə ediblər. Onlar sinif otağına elektrik plitəsi gətirib və pomidor-yumurta bişiriblər. Sonra da, bu əyləncəli dəqiqələrin videosunu çəkərək paylaşıblar.
Məktəblərdə tədrisin səviyyəsi ilə yanaşı, tərbiyəvi mühitlə bağlı ciddi problemlər hər kəsi narahat edir. Bəs burada suçlu kimdir? Valideyn, məktəb, müəllim, direktor, şagirdlər, yoxsa nazirlik?
Bir qisim ekspertlər hesab edir ki, müəllimləri elə aciz duruma salıblar ki, onlar normal fəaliyyət göstərə bilmir. Bəziləri direktorların yerində olmadığını bildirir. Bir çox ekspertlər isə deyir ki, maaş azlığı üzündən orta məktəblərdə kişi müəllimlərin azlığı tərbiyəvi mühitin formalaşmasına mənfi təsir edir.
Belə təkliflər də var ki, orta məktəblərdə çətin tərbiyə olunan, aqressiv uşaqları ümumtəhsil müəssisələrindən uzaqlaşdırıb, xüsusi rejimli, çətin tərbiyə olunan uşaqlar üçün müəssisələrə yerləşdirmək lazımdır.
Ekspertlər məktəbləri sağlamlaşdırmaq, tədris və təlimin keyfiyyətinin yüksəldilməsi üçün hansı təcili tədbirlər görülməsini vacib bilir?
Təhsil eksperti Kamran Əsədov mövzu ilə bağlı “Yeni Müsavat”a bunları şərh etdi: “Hazırda ölkənin 4432 ümumtəhsil məktəbində 1.6 milyon şagirdin təlim-tərbiyəsi ilə 150 minə yaxın müəllim çalışır. Etiraf edək ki, son illər biz təhsil prosesində uğurları görməsək də, son iki il ərzində neqativlərin həcmi, ağırlıq səviyyəsi ciddi şəkildə artıb. Təkcə 2022-ci ilin yanvar ayından sentyabrın 30-na qədər olan müddətə baxanda ən çox 9 ay ərzində intiharlar, şagirdlərin birinin digərinə qarşı fiziki zorakılığı, müəllimlərin arasında münasibətlər, direktorların tədris prosesini düzgün təşkil etməməsi, şagirdlərdən əsassız olaraq pul yığılması kimi hallar heç bir vaxt builki qədər olmamışdı. Bu onu göstərir ki, Elm və Təhsil Nazirliyinin tədris prosesinə nəzarəti həyata keçirməkdə ciddi problemləri var. Biz heç vaxt görməmişik ki, şagirdlər arasında münasibətlər bu qədər gərgin olsun. Təkcə geridə qoyduğumuz 9 ay ərzində, yeni tədris ilinin başladığı iki ay ərzində şagirdlərin birinin digərinə kəsici, deşici alətlərdən istifadə edərək xəsarət yetirməsi, eyni zamanda fiziki zorakılıqla müşahidə edilən bu hallar çox ciddi şəkildə artıb. Maraqlı olan odur ki, Elm və Təhsil Nazirliyi məhz bu problemlərin aradan qaldırılması üçün bir sıra QHT-lərə böyük məbləğdə qrant layihələri verib. Təsəvvür edin, bu qrant layihələri ona görə verilib ki, tədris prosesinin keyfiyyəti artırılsın, şagirdlər arasında münasibətlər, eyni zamanda məktəb-müəllim münasibətləri tənzimlənsin. Amma biz görürük ki, bu qədər qrant layihələri almalarına, bu qədər tədbirlər keçirilməsinə baxmayaraq neqativ halların sayı azalmaq əvəzinə ciddi şəkildə artıb. Baxırıq ki, Elm və Təhsil Nazirliyinin istər fərdi qaydada, istərsə də innovativ qrant layihələri çərçivəsində vəsaiti ən çox bullinqə aid olan layihələrə ayrılıb. Ən çox da bullinq halları son 9 ayda artıb. Yeni tədris ili başlayandan sonra biz bunu müşahidə edirik. Bakı məktəblərində vəziyyət stabil deyil. Məktəblərə nəzarət, idarə edilməsi, təhlükəsiz təhsil mühitinin yaradılması istiqamətində ciddi problemlər var. Eyni zamanda artıq oktyabrın 5-i keçib və bizim 1.6 milyon şagirdimizə nazirlik dərslikləri hələ də verməyib. Bu, onu göstərir ki, onlar fəaliyyətlərini düzgün qurmurlar. Yeni tədris ilinin başladığı iki həftəni təhlil etsək, ürəkaçan heç bir mənzərə yoxdur. Biz monitorinq aparanda görürük ki, şagirdlərin məktəbdə davamiyyəti, müəllim şagird münasibətləri, məktəb valideyn münasibətləri bütün istiqamətdə qurulmayıb. Bunun mənfi nəticələrini biz tədrisin gedişində də görə bilirik. Misal üçün, bu il 2-ci və 3-cü ixtisas qrupu üzrə qəbul imtahanlarının nəticələri çox aşağı düşdü. Kifayət qədər boş plan yeri qaldı. Hələ indiyə qədər məktəblərə kitabların verilməməsi, bir çox məktəblərdə müəllim vakant yerlərinin olmaması, şagirdlərin normal təhsili üçün müəllimlərin vakant yerlərə göndərilməməsi kimi ciddi problemləri biz yaşayırıq. Eyni zamanda əlamətdar günlə bağlı "Əməkdar müəllim" adı verilən şəxslər görürük ki, elə də böyük uğurlara sahib olmayan insanlardırlar. Elə savadlı müəllimlər var ki, onlara hər hansı ad verilməyib. Bu kiminsə standart yanaşmasıdır. Ümumilikdə hazırda tədrisin təşkili ilə bağlı ciddi problemlər var. Şagirdlər arasında xoşagəlməz halların günü-gündən artdığını müşahidə edirik. Məktəblərdə davamiyyətin düzəldilməsi və təhsilin keyfiyyətinin yüksəldilməsinə ciddi nəzarət olunmalıdır. Bu istiqamətdə işlər görülməli, tədrisin idarə olunmasına peşəkarlar, mütəxəssislər cəlb olunmalıdır".
Təhsil eksperti Adil Vəliyev isə nazirliyin ünvanına səslənən tənqidlərə qarşı çıxıb: “Təhsil haqqında bir məlumat paylaşılır, araşdırılması və ya düzəlməsi üçün, o dəqiqə yazırlar ki, nazir istefa versin. Bu sözü yazanlar, indiyə kimi təhsil naziri olmuş neçə nəfərin, nazir olduğu vaxt etdiklərinin statistikalarını nəzərdən keçirmisiniz? Mən cavab verim, heç birinin. Bəzən məktəblər, müəllimlər, ümumiyyətlə, təhsil haqqında fikirlərimizi bildiririk, təkliflərimizi edirik. Bunu etməkdə məqsədimiz, var olan problemin aradan qaldırılmasıdır. Əvvəlki dövrlə indikini müqayisə etsək, çox şeyin müsbət mənada dəyişdiyini görərik. Nə tez yadımızdan çıxdı ki, illər əvvəl "xaricdə dövlət proqramı" ilə təhsil almaq istəyən üçün filan qədər pul verilməli və ya “yuxarıdan” tapşırıq gəlməli idi. İxtisas və ya universitet dəyişmək istəyən filan qədər pul verməli idi. Bütün problemlər həll edilməyib, amma həll olunan çox problemlər var. Bizim də məqsədimiz, övladlarımız üçün arzuladığımız təhsili görməkdir. Bunun üçün də birlik olmalı, dəstək olmalıyıq ki, neqativ hallar aradan qalxsın".'
Qeyd edək ki, ötən gün Sabunçu rayonu, Pirşağı qəsəbəsində yerləşən 112 saylı məktəbdə şagirdin döyülməsi məsələsi ilə bağlı Elm və Təhsil Nazirliyi, Bakı Şəhəri üzrə Təhsil İdarəsi, həmçinin Daxili İşlər Nazirliyi araşdırmaların aparıldığı barədə məlumat yaydılar. Döyülən şagirdin atası Namiq Zeynalov mediaya açıqlamasında heç bir barışığın olmadığını deyərək hadisə barədə ciddi tədbirlərin görülməsini istədiyini deyib: “Məktəbin direktoru uşaqları çağırıb məcburi şəkildə guya barışdırıb. Hətta yoldaşım uşaqla bir yerdə prokurorluğa aparıldıqlarını dedi. Niyə uşağı məcburi məktəbdə saxlayıb daha sonra prokurorluğa aparırlar? Daha sonra zəng edib etirazımı bildirmişəm, bundan sonra yoldaşım uşağı avtomobildən düşürüb. Uşağa məcburi barışıq ərizəsi yazdırıblar, ya yox, dəqiq bilmirəm. Mən şikayətçiyəm”. Övladının səhhətində bir problemin olmadığını deyən ata zorakılıq göstərən şagirdin cəzalandırılmasını tələb edir: "İstəyirəm ki, həmin uşağa lazımi cəza verilsin. Məktəbdə daim özbaşınalıq edənlər və siqaret çəkənlər olur. Yeni direktor təyin olunduqdan sonra məktəbdəki problemlərin aradan qaldırılacağı deyilmişdi", - deyə o əlavə edib. Uşağın atası işin hazırda prokurorluqda olduğunu deyib. Eyni zamanda uşağa qarşı zorakılıq edən şagird də polis bölməsindədir. Qeyd edək ki, uşaqda hansısa ciddi zədə və ya səhhəti ilə bağlı problem yoxdur.
Afaq MİRAYİQ,
“Yeni Müsavat”
Azərbaycanda insan əməyini istismar edən şəxslərə qarşı cəza tədbirləri həddən artıq sərtdləşdirilsədə ancaq bu qanunlar Ağcabədi rayonunda işləmir.
Bu haqda Dünyanınsəsi.Az saytına Ağcabədi rayonun Şərəfaxnlı kənd sakini Babayev Elnur Səfiyyədin tərəfindən şikayət gönərilib.
Şikayətçi qeyd edir ki, onun həyat yoldaşı Babayeva Bahar Vidadi qızı və digər 19 nəfər şəxs 2021- ci ilin Sentyabr ayından 2022-ci ilin Avqust ayının 28-nə kimi Ağcabədi rayonun ərazisndə yerləşən böyük soyuducu anbarında çalışıblar.Onların gördükləri iş ancaq xurma meyvələrinin doğranması eləcədə qablaşdırmaqdan ibarət olub.Soyuducu anbar kompleksində 20 nəfər Ağcabədili xanım səhər saat 8-00-dan axşam 19-00 -a kimi əməkləri istismar edilməklə çalışdırılıb.Amma 3 aydır ki, ümumi məbləği 5485 manat əməkhaqqlarını ala bilmirlər.
Bu soyuducu anbar kompleksinin rəhbəri olan Camalov Azər Fehruz oğlu işçilərə deyir ki, kimə və hara şikayət edirsinizsə edin.Sizə bir manatda olsun belə pul verilməyəcək.Səbə isə odur ki, bu rayonda deməli “Dərə xəlvət, Tülkü bəydir”?! Qanunlar işləmir, kim nəyi istəyirsə onu da edir.
Xəbər portalı olaraq Dövlət Əmək müfəttişliyi Xidmətinin insan əməyini istismar edən şəxslərə cəza tədbirləri həddən artıq sərtdir: “Əmək Məcəlləsində nəzərdə tutulmuş qaydada əmək müqaviləsi bağlamadan işəgötürənlər tərəfindən fiziki şəxslərin hər hansı işin yerinə yetirilməsinə cəlb edilməsi qanunvericiliklə müəyyən olunmuş qaydada məsuliyyətə səbəb olur. Belə ki, İnzibati Xətalar Məcəlləsinin 53.1-ci maddəsinə görə, Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontrakt) bağlamadan işəgötürənlər tərəfindən fiziki şəxsin hər hansı işin (xidmətin) yerinə yetirilməsinə cəlb edilməsinə görə, vəzifəli şəxslər 3 min manatdan 5 min manatadək, hüquqi şəxslər 20 min manatdan 25 min manatadək miqdarda cərimə edilir. Əgər işə götürən əcnəbi ilə belə rəftar edibsə, cərimə 35 min manata qədərdir”.
Ümummiyətlə,alın təri ilə balasına çörək qazanan qabarlı əllərin haqqını yeyən məzluma zalim olan şəxsin cəzası Allah qatında belə ən böyükdür.
Redaksiya olarq inanırıq ki, bu sahəyə məsul olan Azərbaycan Respublikasının Əmək Məcəlləsinə və Azərbaycan Respublikasının əmək qanunvericiliyi sisteminə daxil olan digər normativ hüquqi aktların tələblərinə əməl olunmasına dövlət nəzarətini həyata keçirən Dövlət Əmək Müfəttişliyi Xidməti Ağcabədi sakinlərinin şikayətlərini araşdırıb qanunamüvafiq formada ölçü göptürəcəkdir.
Sonda Ağcabədi sakini mətbuat vasitəsi ilə müvafiq dövlət qurumlarının rəhbərliklərindən Camalov Azər Fehruz oğlunun özbaşınalığına son qoyularaq əməkhaqqlarının verilməsinə yardım etmələrini xahiş edir.
Əmək müqaviləsinin bağlanmaması ilk növbədə vergi ödənişləri və Dövlət Sosial Müdafiə Fonduna ödənişlər yerinə yetirilmir, qanunvericiliyin tələbləri kobud şəkildə pozularaq dövlətin büdcəsinə milyonlarla ziyan dəyir.Verginin ödənilməməsi, həmçinin vətəndaşın gələcəkdə sosial müdafiəsinə ciddi zərbə vurur. Çünki hər bir vətəndaşın sosial təminatının gələcəyi öz əlindədir və vətəndaş bilməlidir ki, pensiya-müavinət təminatında işçilərlə əmək müqaviləsinin bağlanılması, əmək haqlarının leqallaşdırılması, məcburi dövlət sosial sığorta haqlarının vaxtında ödənilməsi mühüm rol oynayır. Ancaq təəssüflər olsun ki, əmək müqaviləsinin bağlanmaması vətəndaşın bütün bu imkanlarını əlindən alır.
Redaksiya olaraq qarşı tərəfin də mövqeyini dərc edə bilərik. //Dünyanınsəsi.Az//
Dövlət başçısı dəfələrlə xəbərdarlıq edib ki, kim çirkin əməllər arxasınca gedəcəksə, layiqli cəzasını alacaq. Budur, deyilənlərdən nəticə çıxarmayanlar bir-birinin ardınca ifşa olunur, cəzalandırılır. Bu baxımdan, hazırda müşahidə etdiyimiz proseslər heç kəsi təəccübləndirməməlidir. Nə baş verirsə, cənab Prezidentin prinsiplərinə mütənasibdir!
Dövlət vəsaitlərini mənimsəyən, rəhbərlik etdiyi qurumu korrupsiya və rüşvət yuvasına çevirənlərin həbs olunması, heç şübhəsiz ki, Ölkə başçısının bu məsələdə nə qədər prinsipial mövqe tutduğunu bir daha nümayiş etdirir.Ancaq buna baxmayaraq bəzi ”məmurlar” öz çirkin əməllərindən hələdə əl çəkmirlər. Hazırda ölkədə unun qiyməti az qala qızıl qiymətinə olduğu halda undan spirt çəkən işbazlar barədə mətbuatda mütəmadi olaraq, məlumatlar yayımlamışıq. Elə, həmin zavodlardan birinin hazırda fəaliyyət göstərdiyi İsmayıllı rayonunun Kürdmaşı kəndinin sakinləri zavodun hər gecə havaya buraxdığı İfunətli tüstüdən şikayətçidirlər. Odur ki, onların şikayəti əsasında çəkliş qrupumuzla birlikdə həmin kəndə yollandıq. Doğrusu, kəndə girər-girməz sakinlərin şikayətçi olduqları vəziyyətin canlı şahidi olduğumuz üçün, onların nə qədər haqlı olduğunu anlatmaq heç də çətin olmadı.
Kənd sakinləri deyir, – “Adətən gecə saatlarında qıcqırdılmış undan şərab çəkirlər və zavodun borularından çıxan tüstünün qoxusundan evimizdə nəfəs ala bilmirik. Çox bərbad hədsiz dərəcədə İfunətli qoxu bürüyür hər tərəfi. Bunun barəsində heç bir tədbir görən yoxdur. Sizdən çox xahiş edirik ki, bizim səsimizi ölkə Prezidenti cənab İlham Əliyevə çatdırın. Artıq dözülməz hala gəlmişik.” Biz məsələ ilə bağlı şərab zavodunun müdiri Qorxmaz müəllimlə əlaqə saxlayıb, fikirlərini öyrənməyə cəhd etdik. Lakin, o, “Mən başqa rayondayam bu barədə, heç bir məlumat verə bilmərəm deyib telefonu söndürdü. Yeri gəlmişkən, onu da qeyd edək ki, zavod işçisi də zavodun anbarlarında tonlarla unun olmasını əməkdaşlarımıza təsdiqləyib. Məlumat üçün bildirək ki, İsmayıllı rayonunun Kürdmaşı kəndindəki şərab zavod rəsmi olaraq, SOCAR-ın Təchizat İdarəsinin rəis müavini Fuad Həziyevin həyat yoldaşı Aytən Telman qızı Əzizovanın adınadır.
Aldığımız məlumata görə,həmin zavod da hazırlanan spirtli içkilər SOCAR-ın tabeliyində olan dənizdəki neft estakadalarına da göndərilir.
Nəzərinizə çatdıraq ki, Fuad Həziyev ölkənin spirtli içkilər biznesinin əsas sahiblərindən biri hesab olunur. Bundan əlavə, 2013-cü ildən F.Həziyevin həyat yoldaşı Aytən Telman qızı Əzizovanın təsisçi və direktoru olduğu İsmayıllı rayonundakı Kürdmaşı şərab zavodu da ölkənin alkoqol biznesində mühüm paya sahibdir. Müvafiq qurumlar il ərzində bu nəhəng şərab zavodunda neçə yüz min ton unun israf edildiyini və burda hazırlanan spirtli işkilər Fuad Həziyevin Bakıdakı “Bakıspirt” zavoduna daşınaraq, nə qədər spirtli işkilərin çəkildiyini müəyyənləşdirə bilər.
Qanunla.Az
Ölkədə korrupsiya hallarına qarşı aparılan mübarizə tədbirləri çərçivəsində vəzifəli şəxslərin məsuliyyətə cəlb edilməsi ən çox rayon rəhbərlərini narahat edir və müəyyən ehtiyat tədbirləri görmələrinə səbəb olur. Baş Baş Prokuror yanında Korrupsiyaya qarşı Mübarizə Baş İdarəsinin Lənkəran şəhər İcra Hakimiyyətində əməliyyat keçirməsi son olaylarda adı heç də məqbul məsələlərdə hallanmayan icra başçısı Taleh Qaraşovu da hərəkətə gətirib.
Saytımıza daxil olan məlumata görə Baş Prokurorluğun keçirdiyi əməliyyatdan sonra icra hakimiyyətində əməlli-başlı çaxnaşma başlayıb.
Hərəkətlənmələrin səbəbi isə 2012-ci ildən iki oğlu ilə birgə Lənkəranı “talayan”, rayonun bütün tikinti, yenidənqurma və abadlıq işlərinə nəzarəti əlinə keçirən, yüksək məmurlar qarşısında “söz sahibi” olan Taleh Qaraşovun sonunun görünməsidir.
Adı daim qalmaqallarda çəkilən Taleh Qaraşovun vəzifəsi ilə vidalaşacağı, hətta ehtiyat tədbirləri çərçivəsində davranaraq, sakit şəkildə vəzifəsindən ayrılmaq istədiyi iddia olunur.
Çox güman ki, bir vaxtlar müavini olduğu Rasilə Əliyevanın məktəblini döyməsi, barəsində cinayət işi açılması olayından və Baş Prokuorluğun əməliyyat tədbirlərindən sonra icra başçısı “üzüsulu” getməyə qərarlıdır.
Qeyd edək ki, Lənkəran rayonu Taleh Qaraşovun rəhbərlik etdiyi beşinci rayondur. O, Kürdəmir, Cəlilabad rayonlarında da icra başçısı vəzifəsində çalışıb. Özü və övladları müntəzəm olaraq, medianın gündəmindədir.
Məlumatlara görə Taleh Qaraşovun oğlanlarından biri, “Hacı” ləqəbli Seymur Qaraşov yaratdığı şirkətlərin birinin vasitəsi ilə rayonda bütün tikinti, yenidənqurma və abadlıq işlərinə nəzarəti əlinə keçirib. Dövlət büdcəsindən ayrılmış pulların «yad əllərə» keçməsini istəməyən Taleh Qaraşovun da bir neçə şirkət yaratdığı deyilir.
Amma o şirkətlərin heç birinin özünün və ya ailə üzvlərinin adına olmadığı vurğulanır.
Hazırda Lənkəranda satışa çıxarılan bir qarış torpaq belə icra başçısının oğlunun icazəsi olmadan satıla bilməz. Iddialara görə Seymur Qaraşov icra başçısının müavinləri ilə birlikdə rayonun mərkəzindəki yeni bazarın dükanlarını da satmaqla məşğuldur. Əlavə olaraq Seymur Qaraşovun adı Lənkəran Gənclər Mərkəzi ilə də bağlıdır.
Bu mərkəz Seymur Qaraşovun rayonda sahib olduğu son obyekt olmayıb. Bu günlərdə Lənkəran icra başçısının oğlunun 5 milyon manatlıq "Dəniz" oteli istifadəyə verilib. Otelin tikintisinə Lənkəranın yerli məmurlarının xərc çəkdiyi bildirilir.
Taleh Qaraşovun büdcə vəsaitlərini talan etməsi və böyük sərvət sahibi olduğu da iddia edilir. Onun daha çox büdcə sərfiyyatını tikinti işləri zamanı smeta xərclərinin şişirdilməsilə ört- basdır etdiyi bildirilir.
İcra başçısı rayonun “abadlaşdırılmasını” da Şəhər İcra Hakimiyyətinin bu sahədə Yaşıllaşdırma, Abadlıq, Mənzil Kamunal Təsərrufatı kimi idarələri olmasına baxmayaraq rayonda fəaliyyət göstərən təhsil, səhiyyə, mədəniyyət, gənclər və idman, su-kanal və .s idarələrin rəhbərlərindən aldığı aylıq haqqların hesabına həyata keçirir.
Hətta həmin şəxsləri məcbur edir ki, şəhər abadlaşması üçün lazım olan təmir- tikinti materiallarını oğlu Seymur Qaraşovun Lənkəran- Astara magistralında açdığı tikinti matrealları Mağazasından alsınlar.
Onu da qeyd edək ki, Taleh Qaraşov icra başçısı kimi çalışdığı son 20 ildə vətəndaşlarla kobud rəftarı ilə yadda qalıb.
Maraqlısı isə odur ki, Kürdəmir, Cəlilabad, Nefçala, Astara və ən nəhayətdə Lənkəran şəhərinə rəhbərlik edən Taleh Qaraşova nədənsə bu illər ərzində “yaşıl işıq” yandırılıb. Dəfələrlə mediada tənqidlərə tuş gəlsə də, barəsindəki ittihamlardan sıyrılmağı bacarıb.
Digər məlumatlara görə Taleh Qaraşovun Fövqəladə hallar naziri, general-polkovnik Kəmaləddin Heydərovla yaxın münasibəti var. Məhz bu isti münasibətlərə görə bir müddət öncə Taleh Qaraşovun oğlu Seymur Qaraşova yüksək vəzifə verilib.
Nazirin müvafiq əmri ilə o, Kiçikhəcmli Gəmilərə Nəzarət və Sularda Xilasetmə Dövlət Xidmətinin rəis müavini təyin olunub.
Xatırladaq ki, mütəmadi olaraq mətbuatda Taleh Qaraşovun keçmiş müavini Rasilə Əliyeva ilə birgə rayonu necə taladıqları, nə qədər sərvət topladıqları barədə müxtəlif səpkili araşdırmalar dərc olunub.
Bizim.Media
Növbədənkənar parlament seçkilərinin zərurətindən danışarkən ilk ağla gələn bir çox deputatların çıxışlarında yol verdikləri səhvlərlə xalqın qınağına tuş gəlmələri olur. Mərhum YAP-çı deputat Astan Şahverdiyevin Rusiyada çalışan həmyerlilərimizi “otxod” adlandırması, ardınca Hadi Rəcəblinin şəhid ailələri və müharibə əlillərinə güzəştlərin əleyhinə çıxış etməsi, həmçinin Hüseynbala Mirələmovun əhaliyə “az yeyin” deməsi ciddi ictimai qınağa tuş gəldi. Təbii ki, bu məqamda bir il öncə Məhəmməd Əmin Rəsulzadəni təhqir edən YAP-çı deputat Naqif Həmzəyevi də unutmaq olmaz… Necə deyərlər, bu cür deputatları olan iqtidara heç müxalifət lazım deyildi. Onlar mütəmadi olaraq çıxışlarında yol verdikləri bu səhvlərlə həm özlərinin, həm də hakim partiyanın imicinə ciddi şəkildə zərbə vururlardular. Təəssüf ki, bəzi deputatlar açıqlamaları, müsahibləri ilə gündəmə gəlsələr də, mətbuata ümumiyyətlə çıxışı olmayan, haqqında barmaqla sayılacaq qədər az yazı çıxan millət vəkilləri də var. Bununla bağlı cumhuriyyet.az bildirir ki, aldığı mandatı layiqincə dəyərləndirməyib hakim komandanın passivinə xal yazan deputatlar siyahısında 97 saylı Goranboy – Ağdam – Tərtər seçki dairəsindən mandatla mükafatlanmış və yenidən bu dairədən namizədliyini irəli sürmüş Ağalar Vəliyev də var.
Qalmaqallı deputat
A.Vəliyevi ictimaiyyət millət vəkilindən daha çox iş adamı və “Azəraqrartikinti” ASC-nin rəhbəri kimi tanıyır. Mətbuatın monitorinqi göstərir ki, Ağalar Vəliyevi də Milli Məclisin ən qalmaqallı və qanunverici orqana nüfuz gətirməyən deputatlarından biri hesab etmək olar. Deputatla bağlı “Google” beynəxalq axtarış şəbəkəsində cumhuriyyet.az olaraq apardığımız qısa araşdırma zamanı qarşımıza çıxan ilk xəbər başlıqları belədir:
“Villası ilə Prezident Sarayını kölgədə qoyub, akvariumunda delfin saxlayan “Alabala”- Ağalar Vəliyev”(Yenicag.az); “Millət vəkili Ağalar Vəliyev Eldar Mahmudovun “toru”na necə düşüb?”(miq.az); “Ağalar Vəliyevin biznes gizlinləri, villası və mandat “legitimliyi” – ARAŞDIRMA”(arqument.az); “Deputat Ağalar Vəliyev şirkətində “şpion” axtarır”(liderinfo.az); “Ağalar Vəliyev bir ailənin faciəsinə səbəb ola bilər…”(bakunews.az); Deputat Ağalar Vəliyev yaralı tankçıya baş çəkib(azpolitika.info); “İcra başçısıyla deputat arasında qalmaqal – 4 hinduşkaya DSK sədri postu?” (aznews.az).
Ağalar Vəliyev susmaq üçün mandat alıb?
Milli Məclisin İqtisadi siyasət, sənaye və sahibkarlıq komitəsinin sədr müavini, deputat Ağalar Vəliyev son 7 il ərzində Milli Məclisin neçə iclasında iştirakı bizim üçün təəssüf ki, qaranlıq qalıb. Lakin cumhuriyyet.az olaraq bizi maraqlandıran məsələlərdən bəzilərinə parlamentimizin stenoqramlarından cavab tapa bilmişik. Yəni, “Azəraqrartikinti” ASC sədrinin parlament müzakirələrində iştirakının statistikasını müəyyənləşdirə bilmişik. Həmin statistikaya diqqət yetirib uyğun nəticəyə gəlmək heç də çətin deyil. Elə buradaca qeyd edək ki, bu açıqlamalarla heç də Ağalar müəllimin işgüzar nüfuzunu aşağılamaq fikrində deyilik. Lakin əlahəzrət həqiqətdən də qaçmaq olmur. Burada söhbət deputatın Azərbaycan parlamentinə sayğısının güzgüsünə çevrilmiş fəaliyyətindən gedir. Milli Məclisin iclaslarında demək olar ki, danışmayan millət vəkilinin sessiya və iclaslarda iştirakının nə mənası var? “Azəraqrartikinti” ASC-nin rəhbəri və onun kimi danişmayan biznesmen deputatlar öz rəhbərliyindəki qurumun işləri ilə məşğul olsa daha yaxşı olmazmı? Bu gün “Azəraqrartikinti” Açıq Səhmdar Cəmiyyətinin görüləsi o qədər işləri var ki…
Milli Məclisin deputatı Ağalar Vəliyev IV çağırış MM-in 2010-2015-ci illər ərzində keçirilən ümumilikdə 103 iclasından yalnız 2-də danışıb. Dördüncü çağırış MM-in 23 dekabr 2011-ci il tarixli IV sessiyasında Şəhərsalma və Tikinti Məcəlləsinin layihəsi haqqında müzakirələrdə çıxış edib. Deputat 2-ci çıxışını 12 iyun 2012-ci il tarixli VI növbədənkənar sessiyada Şəhərsalma və Tikinti Məcəlləsinin layihəsi haqqında (ikinci oxunuş) müzakirələrə qatılarkən irad edib. Bundan tam 5 il sonra 2016-cı il dekabrın 7-də biznesmen deputat bir daha “şeytanın qılçını sındıraraq” Milli Məclisin plenar iclasında “Azərbaycan Respublikasının 2017-cı ilin dövlət büdcəsi haqqında” Qanun layihəsinin müzakirəsində çıxış edib.
Millətin, yoxsa biznesin vəkili?
Qazancı danışmaqdan üstün tutan Ağalar Vəliyev gerçəkdən oliqarx imici formalaşdırmağa nail oldu. Dövlət sifarişləri əsasında ucaltdığı obyektlərlə həm özü ucaldı (ordenlə), oliqarxa çevrildi, həm də özünə milyonlarla manat dəyərində möhtəşəm və dünyada analoqu olmayan saray kompleksi ucaltdı. Unutmayın, bu ucalıqlarda gündə 10-15 manata bir qarnı ac-biri tox qeyri-rəsmi çalışan yüzlərlə, bəlkə də minlərlə qara fəhlənin alın təri var. Vergi orqanlarında və dövlət əmək müfəttişliyində çalışan mütəxəssislər “Azəraqrartikinti” ASC-nin hesabatlarına nəzər saldıqda, bu qurumun dövlət sifarişləri əsasında yerinə yetirdiyi çoxsaylı tikinti və təmir işlərinin belə deyək, bir ovuc inşaatçının əli ilə reallaşdırılmasını az qala möcüzə kimi qəbul ediblər. Əlbəttə. bizə çatan məlumata görə dəfələrlə bu məsələ ilə bağlı Ağalar Vəliyevə ciddi iradlar da olub. Lakin…Buradan da deputatlığın ona nə üçün lazım olduğunu ehtimal etmək çox da çətin deyil. Hər halda, büdcə yeyintilərinin zığ verdiyi işin içindən iş çıxanda millət vəkilliyinin sanbalı ortaya çıxır. “Azəraqrartikinti” ASC-nin sədri belə situasiyalarla az üzləşməyib. Onun dövlət vergi orqanları ilə uzun sürən çəkişmələrini xatırlayın.
DAVAMI VAR... // cumhuriyyet.az//
Yuxarıda sadalanan faktlarla bağlı dia.az olaraq qarşı tərəfi də dinləməyə hazırıq..
DİA.AZ: - Kənd Təsərrüfatı Nazirliyinin Mərkəzi Aparatının Elektron kənd təsərrüfatının tətbiqi şöbəsinin müdiri Anar Hüseynovla bağlı DİA.AZ-ın təqdim etdiyi araşdırma materialları kifayət qədər ictimai diqqətə səbəb olsa da, nədənsə əlaqədar diarələr bu faktlarla bağlı hüquqi təftişi yubadır. Hər halda görünəni və ortalıqda olan mənzərə bundan ibarətdir.
Qeyd edək ki. keçən günlərdə Anar Hüseynovun "faizə oturdulduğu" faktını ictimaailəşdirmişdik: İnam Kərimov Anar Hüseynovdan FAİZ ALIR... - İTTİHAM VAR!
Bununla bağlı DİA.AZ-a daxil olan son informasiyalarada qeyd olunur ki, adı Türkiyədə terror təşkilatı kimi tanınan FETÖ ilə birgə hallanan Kənd Təsərrüfatı Nazirliyinin Mərkəzi Aparatının Elektron kənd təsərrüfatının tətbiqi şöbəsinin müdiri Anar Hüseynov əslində həm də KTN-dəki kadr islahatlarına kifayət qədər təsir imkanları olan şəxsdir.
Məlumatlı mənbə iddia edir ki, Anar Hüseynovun əli ilə KTN-dəki tenderlərdən pay qoparmağa müvəffəq olmaq FETÖ üçün nə qədər asandırsa, eyni zamanda KTN-də vəzifə tutmaq da bir o qədər rahatdır. Mənbənin dia.az-a söylədikləri:
"Bu gün KTN-nin ayır-ayrı strukturlarında məhz Anar Hsüeynovun xətti ilə FETÖ ilə birbaşa və yaxud da dolayısı ilə əlaqədə olan 30-dan artıq kadr mühüm vəzifə tutmaqdadır. Burada maraqlı olanı həm də odur ki, Anar Hüseynov öz əqidəıdaşlarını vəzifəyə gətirərkən də "şirinılik" alıb. Yəni "slujba, slujba... drujba, drujba..." misalı..."
Əlavə bilgilərimiz olacaq. İddia olunanlarla bağlı bütün maraqlı tərəfləri dinləməyə hazırıq...
Tovuz rayonu, Vahidli kənd sakini, Şəhid və Qarabağ veteranı anası Həsənova Ceyran Məhəmməd qızı Dəryaz qəzetinin redaksiyasına müraciət göndərib. Həmin müraciəti olduğu kimi dərc edirik
Azərbaycan Respublikasının prezidenti cənab İlham Əliyevə
Media Orqanlarının rəhbərlərinə
Tovuz rayonu, Vahidli kənd sakini, Şəhid və Qarabağ veteranı anası Həsənova Ceyran Məhəmməd qızı tərəfindən
Müraciət.
Cənab prezident!
Hörmətli Media orqanlarının rəhbərləri!
Nəzərinizə çatdırıram ki, özü hərbi xidmətdə olmayan, Kənd Təsərrüfatı naziri İnam Kərimov şəhid və Qarabağ veteranı qardaşını, təcrübəli, ixtisasca alim-aqronom və Kənd Təsərrüfatı nazirliyinin əməkdaşlarına dərs keçmiş, üç körpə uşaq atası, oğlum Həsənov Naməddin Tofiq oğlunu işdən çıxarıb və bir ildir ki, etdiyimiz minlərlə şikayət və müraciətlərə məhəl qoymur.Halbuki Nazirlər Kabinetinin 15 yanvar 1994-cü il tarixli, 10 saylı qərqrının 3.2.9. bəndində qeyd olunur ki, idarə və təşkilatlarda ixtisar gedərsə şəhid ailəsi üzvlərinə üstünlük verilir, əgər müəssisənin fəaliyyəti tam dayandırılarsa bu halda şəhid ailəsi üzvü digər təşkilatda işlə təmin olunmalıdır. İnam Kərimova bir daha xatirladıram ki, Nazirlər Kabinetinin qərarında yazılanlara istisnasız əməl edilməlidir. Oğlumun işlədiyi təşkilatda isə heç bir ixtisar getməyib, əksinə idarə daha da genişləndirilib, ən maraqlısı isə budur ki, həmin idarədə respublika üzrə yeganə şəhid və Qarabağ veteran qardaşı mənim oğlumdur və o da işdən azad olunub. İnam Kərimov işlədiyi dövrdə nazirliyin kadr korpusunu məhv edərək, qeyri-ixtisas sahibi olan öz yaxın qohum və yerlilərini işlə təmin edərək xor və ailə ansamblı yaradıb. İnam Kərimovun ailə ansanblı isə dövlətə külli miqdarda ziyan vuraraq büdcəni qarət edib. Belə ki, onun yaxın qohumlarından biri Ağstafa rayonunda həm atçılıq , həm də qoyunçuluq təsərrüfatının rəhbəri, digər qohumu tarix müəllimi Tərəvəzçilik institutunun direktoru, müavin və idarə rəisləri isə hüquqşünas, regionşünas, politoloq, neftçi, riyaziyyat, coğrafiya və əlifba müəllimləridir. Öz həmyerlisi və yaxını, qeyri-ixtisas sahibi olan bir şəxsi isə Aqrar Universitetə rektor əvəzi təyin etdirib və belə faktlar sadalamaqla qurtaran deyil. Bir sözlə Kənd Təsərrüfatı nazirliyində bir nəfər də olsa kənd təsərrüfatı mütəxəssisi qalmayıb və İnam Kərimov kənd təsərrüfatı mütəxəssislərinə qənim kəsilib.
Bildirirəm ki, Biləsuvar rayonunun həbs olunan icra başçısının qara kassası, oğlu Bakı şəhərində 100 min manatlıq maşında gəzən, Kənd Təsərrüfatı nazirliyinin aparat rəhbəri Rəfail Quliyevin bir il ərzində bizə ünvanladığı saxta və sərsəri cavab məktubları bizi intihar həddinə çatdırıb.
Onu qeyd edirəm ki, Aqrar Xidmətlər Agentliyinin əməkdaşı Rəşad Vahabzadənin oğlumdan 25000, Tərtər rayonunda toxumçuluq təsərrüfatının rəhbərindən 58000 manat rüşvət tələb etməsi barədə etdiyimiz müraciətlər nəticəsiz qalıb. Hətta Baş prokurorluğa müraciət edərək bildirmişəm ki, Tərtər rayonundan fermer 4 iyul 2022-ci il tarixdə saat 9 radələrində 0504592000 telefon nömrəsi ilə oğlumun 0502443499 nömrəsinə zəng edərək bildirib ki, Rəşad Vahabzadə məndən də 58000 manat tələb edir və bildirir ki, pulun 10000 mataı mənimdir, qalan hissəsi yuxarınındər, gəlin birləşək şikayət edək. Mən həmin telefon danışıgının araşdırilmasını tələb etsəm də heç bir tədbir görülmədi. Bundan əlavə bildirirəm ki, Rəşad Vahabzadə tabeliyində olan Ağdam Dövlət Sort Sınaq Məntəqəsində 2021-ci ildə yetişdirilmiş 76 ton təmiz pambıq məhsulunun subsidiyasını, həmin məhsulun əkin subsidiyasını və digər aqrotexniki tədbirlər üçün nəzərdə tutulan vəsaitləri özü mənimsəyib. 2022-ci ildə isə yenə Ağdam Dövlət Sort Sınaq Məntəqəsində yetişdirilmiş 70 ton buğda məhsulunu, Zaqatala DSSM-dən isə tonlarla fındıq məhsulunu heç bir sənədləşmə aparılmadan Bakı şəhərinə aparıb satdıraraq pulunu mənimsəyib. Halbuki həmin vəsaitlər Sort Sınaq məntəqələrinin hesabına köçürülməli və oradan da təyinatı üzrə xərclənməlidir. Bu cinayəti araşdırmaq üçün peşəkar hüquqşünas olmağa ehtiyac yoxdur və sənədlər qaldırılarsa hər şey güzgü kimi görünər. Rəşad Vahabzadə 30 sentyabr 2022-ci il tarixdə respublika üzrə video-formatda iclas keçirib, iclasda sona qədər çayxana söhbətləri edib və qanuna zidd olaraq işçilərə bildirib ki, sizə Sort Sınaq Məntəqələrində başqa işlərə qarışmağa icazə vermirəm, siz yalnız qruntda morfoloji xassələri müəyyən edə bilərsiniz. Mən isə İnam Kərimovdan xahiş edirəm çıxıb efir-televiziya vasitəsilə bizə izah etsin görək QRUNTDA MORFOLOJİ XASSƏ nə deməkdir və bu nə biabırçılıqdır. Qruntda morfoloji xassə yəqin İnam Kərimovun əziz və istəkli, lakin qeyri-ixtisas sahibi Rəşadın yeni ixtirasıdır. Əbləh, özünü idarə edə bilməyən, savadsız və qeyri-ixtisas sahibi olan Rəşad Vahabzadəyə izah edirəm ki, qrunt nəzarətində sort əsilliyi müəyyən edilir.
Özünü fars dilinin mükəmməl bilicisi sayan İnam Kərimov fars atalar sözü olan «üzümün yaxşısını çaqqal yeyər» prinsipini əldə rəhbər tutaraq savadsız və qeyri-ixtisas sahibi olan Rəşad Vahabzadənin arxasında möhtəşəm dağ kimi dayanmışdır və hal-hazırda da talançılıq davam edir. Korrupsiya və rüşvətxorluğun başında dayanan, ölkənin kənd təsərrüfatını məhv edən,ölkə büdcəsini maxinasiya və transfer yolu ilə qarət edən İnam Kərimov təcili həbs olunmalıdır, yoxsa ölkəni aclıq və fəlakətdən xilas etmək mümkün olmayacaq. Beş il nazir işləyən İnam Kərimov və onun komandası savadsız olaraq mənim oğlumun qarşısında günahkar mədrəsə uşaqları kimi görünür. Heç bir savadı olmayan qeyri-peşəkar kadr korpusu televiziya və mətbuatda öz savadsız çıxişları ilə özlərini biabır edirlər. Təkrar olunan belə hallar isə təəssüf hissi doğurur.
Cənab prezident!
Kənd Təsərrüfatından heç bir anlayışı olmayan, quzunu qucağına basaraq şəkil çəkdirib görüntü yaradan, Şəhid və Vətən məvhumuna hörmət qoymayan İnam Kərimov haqqında tədbir görməyinizi Sizdən xahiş edirəm. Əks təqdirdə ölkəni ərzaq böhranından xilas etmək mümkün olmayacaq.
Həsənova Ceyran Məhəmməd qızı. Şəhid və Qarabağ veteranı anaşı.
Məqalədə adları hallanan şəxslərin də mövqeyini dərc etməyə hazırıq.
Mövzuya qayıdacağıq
Deryaz .az
“Bir insanı uzun müddət aldatmaq olar, bir neçə adamı bir müddət aldatmaq olar,
amma bütöv bir xalqı aldatmaq hələ heç kəsə nəsib olmayıb”
Avraam Linkoln
Təxminən iki əsr öncə Azərbaycanın Abşeron bölgəsində tapılan neft iqtisadiyyatın inkişafına təkan verdi. Bu səbəbdən, ərazidə neft emalı müəssisələri tikildi. Lakin əvvəl Çar Rusiyasının, sonra isə Sovet İttifaqının müstəmləkəsi olan Azərbaycanda neft çıxarılan və emal edilən ərazilərdə ekoloji durum bərbad vəziyyətə düşdü.
Yalnız müstəqillik əldə edəndən sonra bu ərazilərin təmizlənməsi məsələsi gündəmə gəldi. Prezident İlham Əliyevin təşəbbüsü ilə Bakının “Qaraşəhər” adlanan ərazidə yeni “Ağ Şəhər” layihəsi həyata keçirilməyə başlanıldı. Prezidentin və dövlət qurumlarının müvafiq sərəncamlarına görə, bu ərazidə yerləşən yaşayış və qeyri-yaşayış sahələri köçürülməli, torpaq qatı təmizlənməli, yeni yaşayış massivi salınandan sonra, sakinlər mənzillərlə təmin edilməli və ya müvafiq qanunlara görə onlara kompensasiya ödənilməli idi. Lakin son illər ərzində redaksiyamıza daxil olan çoxsaylı şikayətlər belə deməyə əsas verir ki, bir çox layihələr kimi, “Ağ Şəhər” layihəsi də korrupsioner məmurlar “iştahına qurban verildi”. Söhbət ondan gedir ki, prezidentin xoşməramlı təşəbbüsünə baxmayaraq, bir sıra məmurlar öz ciblərinin doldurmaq üçün sakinləri narazı saldılar, onların malına-mülkünə göz dikdilər. Aşağda adları sadalanan Xətai rayon sakinləri tərəfindən “Hürriyyət”in redaksiyasına ünvanlanan məktub da dediyimizin bariz nümunəsi hesab oluna bilər.
Belə ki, Xətai rayonunda vaxtilə “Qaraşəhər” adlanan ərazinin sakinləri - Cəbrayılov Tahir, Qasımov Kərim, Qaibxanov Cəlaləddin, Paşayev Vahid, Əhmədova Dilarə, Babayev Nizami, Məmmədov İlyas, Əliyev Fərhad, Tahirov Uluğbəy, Əhmədov Elçin, Sadıxov Allahverən, Nağıyev Zahid, Həbiyev Əhli, Əsgərov Zahid, Quliyev Şakir və s. şikayətçilər ədalətsizliklə üzləşdiklərini qeyd edərək, ölkə başçısından kömək istəyirlər. Onlar qeyd edirlər ki, Bakı şəhər İcra Hakimiyyəti başçısının 262 saylı, 11.06.2007-ci tarixli sərəncamında bu işlərin yerinə yetirilməsi “ADEC” Azərbaycan İnkişaf Şirkətinə həvalə edilib. Lakin sözügedən qurum bu işin “nəzərdə tutulan müddət ərzində öhdəsindən gəlmədiyinə” gərə, bu tədbirlərin görülməsi Bakı şəhəri İcra Hakimiyyəti başçısının 225 saylı, 10.06.2013-ci tarixli, heç bir hüquqi əsası olmayan sərəncamı ilə şəxsən Xətainin icra başçısı Razim Məmmədova həvalə edilir. O gündən bu yana qəsəbə sakinlərinin qara günləri başlayır:
“Maliyyə Nazirliyinin tövsiyəsi ilə (Xətai RİH-nin təqdim etdiyi sənədlərə istinadən) müstəqil qiymətləndirmə şirkərti olan “ƏQD” MMC-nin 53/M saylı 24 fevral 2017-ci il tarixli məktubunda AR 987-IIIQ saylı “Torpaqların dövlət ehtiyacları üçün alınması haqqında” Qanunun 32.3 , 56.1.2 , 58.3, 66.4.4 maddələrinə və Azərbaycan Respublikasının Prezidentinin 26 dekabr 2007-ci il tarixli 689 saylı Fərmanının 2.3. bəndinə əsasən, 20 % əlavə haqq ödənilmək şərti ilə yaşayış evlərimizin köməkçi sahəsinin 1 kv.m. (dəhliz, mətbəx, sanitar qovşağı) - 750 manat, yaşayış sahəsinin 1 kv.m. (qonaq otağı , yataq otaqları) - 1000 manat, həyət tikililərinin 1 kv.m. üçün 50-350 manat dəyərində qiymətləndirilmişdir. Qeyd edilmiş qiymətlərdən 20% əlavə haqq ödənişini çıxsaq, evlərimizin 1 kv.m sahəsinin dəyəri 625 manat və 833 manat təşkil edəcəkdir.
“Üstü bəzək, altı təzək” layihə...
Bu qiymətlərlə razı olmayan sakinlər təhdidlərə məruz qalır. Nə ev sahibinin razılığı, nə də məhkəmə qərarı olmadan evləri sökülür. Xətai Rayon İcra Hakimiyyəti rəhbərliyinin tamahkarlığı üzündən dövlət tərəfindən ayrılan vəsaitlər mənimsənilib. Buna görə, layihənin başlanmasından 15 il keçsə də əsaslı tikinti aparılan ərazidə hələ də fərdi yaşayış evləri qalmaqdadır. Ərazidə mövcud olan bərbad ekoloji və sanitar-epidimioloji durum, burada yaşayan sakinlərin sağlamlıqlarına ciddi ziyan vurur. Qəsəbədə müasir mehmanxanalar, ofis və yaşayış binaları və məktəblər tikilsə də neft məhsulları ilə çirklənmiş torpaq qatı təmizlənməmiş olaraq qalır.
Yol infrastrukturunun olmaması sakinlərin təcili tibbi və yanğınsöndürmə xidmətindən məhrum edib. Necə deyərlər, üstü bəzək, altı təzək.
Azərbaycan Respublikası Əmlak Məsələləri Dövlət Komitəsinin Kollegiyasının 2013-cü il 07 mart tarixli, 02 nömrəli qərarı ilə təsdiq edilmiş “Teniki təlimat”ın 2.19 və 2.30 maddələrində kompensasiyanın məbləği hesablanarkən fərdi yaşayış evləri yalnız çöldən götürülmüş ölçülərə görə hesablanması nəzərdə tutulsa da, evlərimizin sahəsi içəri ölçülərlə hesablanır.
Beş il əvvəl Razılaşma müqaviləsinə imza ataraq, evləri tam və ya qismən sökülən sakinlər ayrılan vəsaiti hələ də ala bilmirlər. İllərdir kirayədə qalmaq məcburiyyətindədirlər. Sakinlər dəfələrlə Xətai RİH-nə artıq təsir müddəti keçmiş “Razılaşma müqaviləsi”nin ləğv edilməsinə görə müaciət etsələr də, müraciətləri cavabsız qalmışdır. Halbuki, həmin müqavilələriin bildiriş verilən gündən 2 ay təsir müddəti var.
Xətai RİH-nin məmurları razı olmayan sakinlərlə mübahisəli məsələləri sivil qaydada, hüquqi müstəvidə həll etmək əvəzinə, heç bir rəsmi sənəd (bildiriş, hesabat) təqdim etmədən, nə ev sahibinin razılığı haqqında bir sənəd, nə də məhkəmə qərarı olmadan, polis əməkdaşlarının iştirakı ilə ağır texnika vasitəsi ilə evlərimizi sökürlər. Evdəki əşyalar MİS-nin əməkdaşları tərəfindən əvvəlcədən kirayələnmiş evə daşınır. Evdə olan daşınar əmlakların qorunmasına görə heç kim məsuliyyət daşımır. Polis əməkdaşları bir dövlət nümayəndəsi kimi, ev sahibinin mülkiyyət toxunulmazlığını qorumaq əvəzinə, məmurların qanunsuz hərəkətlərinə rəvac verir. Videoçəkiliş aparmağa icazə verilmir. Çəkilən videomaterialları telefonu zorla alaraq sildirilir. Əgər belə tədbirlər qanunidirsə, nəyə görə videoçəkilişə icazə verilmir?
10.02.2021-ci il tarixində Nağıyev Zahid Həsən oğluna məxsus fərdi yaşayış evi tam, Həsənov Altay Ümidvar oğluna məxsus fərdi yaşayış evi qismən, bir il sonra isə Birinci Qarabağ müharibəsi qazisi Həbiyev Əhli Həbibulla oğluna məxsus evi tam, onların razılığı olmadan, Xətai RİH-nin başçısının birinci müavini Etibar Əhmədov göstərişi ilə, heç bir hüquqi sənəd təqdim etmədən ağır texnika vasitəsi ilə sökülmüşdür.
Heç bir razılaşma müqaviləsi olmadan, ərazidə mövcud orta bazar qiymətinə uyğun olmayan, bu səbəbdən ev sahibini qane etməyən pul vəsaiti onun adına Banka köçürülür. Xəbərdarlıq etmədən ev sahibləri evdə olmadığı vaxt ağır texnika ilə giriş qapısı sökülür. Evin içindəki əşyalar zorla MİS-nin işçiləri tərəfindən əvvəlcədən kirayə olunmuş evə daşınır, bundan sonra ağır texnika ilə ev sökülür.
Əvvəl evi sökür, sonra kompensasiya almağa məcbur edirlər...
Naqıyev Zahid Hasən oğluna məxsus fərdi yaşayış evinin tam hüquqlu (kupçalı) olmasına rəğmən, Xətai RİH 37-ci Polis Bölməsinə bu tikilinin qeyri-qanuni olması barədə yalan məlumat vermişdir. Naəlac qalan Nağıyev Zahid Həsən oğlu onun mülkiyyətinə dəyən ziyana görə, onu qane etməyən məbləği götürmək məcburiyyətində qalmışdır. Əvvəl evi söküb, sonra isə onu qane etməyən kompensasiyanı götürməyə məcbur etmək, vətəndaşı təhdid edib, mülkiyyət hüququnu pozmaq deməkdir.
Eyni zamanda, Xətai RİH başçısının birinci müavini Etbar Əhmədovun göstərişi ilə digər qonşumuz Həsənov Altay Ümidvar oğlunun fərdi yaşayış evi qismən dağıdılmışdır.
Xətai RİH-nin rəhər şəxsləri tərəfindən AR Konstitusiyasının 13 və 29-cu maddələri, AR Mənzil Məcəlləsinin 5-ci maddəsi kobudcasına pozulmuşdur. Bu səbəbdən Xətai RİH başçısının birinci müavini Etibar Əhmədov, 66 saylı MİS rəisi Fizuli Ələsgərov və 101 saylı MİS rəisi İsmayıl Ələkbərov tərəfindən edilən hərəkətlər AR Cinayət Məcəlləsinin 186.3-cü maddəsi üzrə cinayət tərkibli olsa da, bu günə qədər heç bir məmura qarşı hansısa tədbir görülməmişdir. Biz, sakinlər bunu Xətai RİH-nin hüquq-mühafizə orqanlarına qarşı göstərilən təzyiqin nəticəsi kimi qiymətləndiririk.
Biz Xətai Rayon İcra Hakimiyyətinin özbaşnalığına dair tədbirlərin görülması barədə Prezidentə, Birinci vitse-prezidentə, Milli Məclisə, Nazirlər Kabinetinə, Maliyyə Nazirliyinə, Baş Prokurorluğa, DİN-ə, İnsan Hüquqları üzrə Müvəkkilə dəfələrlə müraciət etmişik. Bütün müraciətlər, barəsində şikayət etdiyimiz Xətai RİH-ə yönəldirilir. Belə ki, şikayət məktublarında qeyd etdiyimiz məsələni araşdırıb, ölkə qanunlarına müvafiq, bir üst qurum kimi göstəriş vermək əvəzinə, məsələnin həll edib, nəticəsi barəsində şikayətçilərə və üst qurumlara məlumat verilməsini üçün məktublar Xətai RİH göndərilir. Bu isə böyük məntiqsizlikdir”.
8 il ərzində qiymətlər 2,5 dəfə artsa da...
Şikayətçilər onu da qeyd edir ki, 8 il ərzində qiymətlər 2,5 dəfə artsa da, bu məsələ rəsmi qurumlar tərəfindən nəzərə alınmır: “Nəzərinizə çatdırmaq istəyirik ki, 8 il ərzində “Ağ Şəhər”də təmirsiz mənzillərin dəyəri 800 manatdan 2000 manata qədər yüksəlsə də, bu dövr ərzində bizə verilən kompensasiyanın məbləği, əksinə, azalmışdır. Aylar keçir, illər ötür, amma Xətai RİH nə bu məsələni həll edir, nə də bizə bir dürüst cavab verir. Əvəzinə isə Xətai RİH əməkdaşları Bakı “Ağ Şəhər”in dövlət layihəsi olduğunu bəhanə gətirərək, verilən kompensasiya ilə razılaşıb, bizi ağır texnika ilə təhdid edərək, qeyd-şərtsiz evlərimizi tərk etməyə məcbur edirlər. Sakinlər tərəfindən çoxsaylı şikayətlərdən sonra Xətai RİH-nin başçısı Razim Məmmədov tutduğu vəzifəsindən azad olundu. Biz düşünürdük ki, bundan sonra problemimizin həllində bir ümid yeri yaranar. Lakin Rafiq Quliyev Xətai RİH-nin yeni başçısı təyin olunsa da, heç nə dəyişməyib. Necə deyərlər, “köhnə hamam, köhnə tas”.
Yenə də həmin qiymətlər, təhdidlər, şikayətlərimizə etinasızlıq. Sakinlərin razılığı, məhkəmə qərarı olmadan evləri sökülsə də, saxta sənədlərlə bu qanunsuz əməllər ört-basdır edilir. Bu məsələdə Xətai RİH rəhbərliyinin özbaşnalığı və yuxarı dövlət qurumlarının etinasızlığı sakinlərdə prezidentə, dövlətçiliyimizə, qanunlarımıza inamsızlıq yaradır. Burada yaşayan sakinlər “ölkədə bizim heç kim olduğumuzu”, qanunların işləmədiyini deyirlər.
Sanki “Ağ Şəhər” AR qanunlarının şamil edilmədiyi bir ərazidir. Burada “ADEC” Azərbaycan İnkişaf Şirkətinin və Xətai RİH-nin tədbiq etdiyi “qanunlar” işləyir.
Dəfələrlə prezident bütün məmurların xalqa xidmət etməli olduğunu bəyan etsə də, biz məmurlar tərəfindən xidmət yox, təhdid, mülkiyyət və vətəndaş hüquqlarımızın pozulduğunu, davamlı məmur özbaşnalığı və bu qanunsuz əməllərə qarşı hüquq-mühafizə orqanlarının biganəliyini və etinasızlığını görürük.
Biz belə düşünürük ki, Bakı, “Ağ Şəhər”də sakinlərə qarşı təhdidlərin və mülkiyyət hüquqlarımızın kobud şəkildə taplandalanması ilə əlaqədar baş verən qanun pozuntularının dövlət qurumları tərəfindən ört-basdır edilməsi, prezidentin təşəbbüsü ilə həyata keçirilən bu layihə barədə hər hansı neqativ informasiyanın yayılmamasından irəli gəlir. Bu layihənin bir hökümət layihəsi olmasını bəhanə gətirərək, verilən kompensasiya ilə razı olmadığımız təqdirdə, “hökümətlə hökümətlik edəcəksiniz?” kimi alçaldıcı ifadələrlə bizi təhqir edirlər. Xətai RİH başçısının birinci müavini Etibar Əhmədov deyir ki, “biz sizin evinizi sökək, sonra siz məni verin məhkəməyə”. Hal-hazırda “Ağ Şəhər”də durumu belə təsəvvür etmək olar: Cəbhənin bir tərəfindən bütün dövlət qurumları, o biri tərəfində isə öz mülkiyyətləri müdafiə edən sakinlər dayanıb”.
(Ardı var) //hurriyyet.az//
Hərbi pensiyaçıların hərbi tibb müəssisələrində müalicələrinə qadağa qoyulması qanunsuzdur
Dövlətin hərbi tibb müəssisələri necə “özəlləşdirilib”?
Bu ildən hərbi pensiyaçıların, qazi və şəhid ailələrinin hərbi tibb müəssisələrində müalicəsinə, belə demək mümkünsə, süni qadağa qoyulub. Tibb müəssisələri “qadağa”nın İcbari Tibbi Sığorta üzrə Dövlət Agentliyinin qoyduğunu bildirir. Agentlik yalnız dövlət tibb müəssisələrində sığortalı əsasla ödənişsiz müayinə və müalicənin mümkünlüyünü diqqətə çatdırıb, özəl tibb müəssisələrinə də göndəriş verilməsini vurğulayır. Bu bilgi İcbari Tibbi Sığorta üzrə Dövlət Agentliyinin saytında yerləşdirilib. Maraqlıdır, sözügedən saytda hərbi tibb müəssisələri özəl tibb müəssisələri kimi İcbari Tibbi Sığorta üzrə Dövlət Agentliyinin müqavilə bağladığı tibb qurumları kimi göstərilir. Axı dövlətin hərbi tibb müəssisələrini kim, necə və nə vaxt özəlləşdirib?
İcbari Tibbi Sığorta üzrə Dövlət Agentliyinin müqavilə bağladığı özəl tibb müəssisələrinin siyahısında DİN Tibb xidmətinin tabeliyində olan A. N. Heydərov adına Respublika Hospitalı səkkizinci yerdədir. Lakin sözügedən Agentlik, tabeliyindəki TƏBİB, ərazi poliklinikaları DİN hospitalına göndəriş verməkdən imtina edir, hospital isə DİN -in tibbi uçotunda olan Qarabağ qazilərinin belə müalicəsinin göndərişsiz mümkün olmadığını vurğulayır. Beləcə müalicəyə ehtiyacı olan hərbi pensiyaçılar , qazilər, şəhid ailələri bürokratik “həkimlik” qarşısında müalicə, sağlamlıq hüquqlarından məhrumdurlar.
Qanunvericilik bəs nə deyir? “Hərbi qulluqçuların statusu haqqında” 25.12.1991-ci il tarixli Azərbaycan Respublikası Qanununun 13.6 maddəsinə görə, yaşına, xəstəliyə, ştatların ixtisarına , ailə vəziyyətinə görə ehtiyata və istefaya buraxılmış, 20 il və daha çox xidmət etmiş böyük və yüksək rütbəli zabitlərin, habelə elə bu qədər xidmət etmiş və xəstəliklərə görə buraxılmış başqa zabitlərin, gizirlər və miçmanların , habelə onların ailə üzvlərinin (arvadının və 16 yaşınadək uşaqlarının) , vəfat etmiş böyük və yüksək rütbəli zabitlərin arvadlarının, bu şəxslərin sırasından olub ailə başçısını itirməyə görə pensiya alan pensiyaçıların hərbi tibb müəssisələrində TİBBİ TƏMİNAT, SANATORİYA-KURORT MÜALİCƏSİ VƏ İSTİRAHƏT HÜQUQU SAXLANILIR.
Göründüyü kimi, qanunvericilik hərbi pensiyaçıların, qazi və şəhid ailələrinin hərbi tibb müəssisələrində tibbi təminat hüququnu təsbit edir -doğrulayır. Belədə mərkəzi, yerli icra hakimiyyəti orqanı statusunda olan İcbari Tibbi Sığorta üzrə Dövlət Agentliyinin qanuna qadağa qoyması , hərbi tibb müəssisələrini “özəlləşdirməsi” bir yana, hərbi tibb müəssisələrinin də bu qanunsuzluğa boyun əyməsi yolverilməzdir. Ana Qanun – Azərbaycan Respublikasının Konstitusiyası bu yolverilməzliyi diqtə edir. Nə yazıq, hələ də hərbi pensiyaçılar qanunla, Konstitusiya ilə təminat verilən sağlamlıq müalicə hüquqlarından məhrumdurlar.
Qanunvericilik hərbi pensiyaçıların birbaşa hərbi tibb müəssisələrinə müraciət etməklə müayinə və müalicə olunmalarına haqq verir. Əvvəllər olduğu kimi. İcbari Tibbi Sığorta üzrə Dövlət Agentliyinin, TƏBİB -in hərbi pensiyaçıların müalicəsinə qanunsuz qadağa qoymasına son qoymaq görəvi isə hökumətin üzərinə düşür.
Məğrur Bədəlsoy
7Times.az-a müraciət edən Saatlı rayon sakini Abbasov Cavanşir İmamqulu oğlu hazırda Sabirabad rayonuna rəhbərlik edən Siraqəddin Cabbarovun ünvanına ağır ittihamlar səsləndirib.
Həmin şəxsin geniş müsahibəsini sizə təqdim edirik:
a olunanlarla bağlı dia.az olaraq İddia olunanlarla bağlı bütün maraqlı tərəfləri dinləməyə hazırıq...
//guninfo.net//