 |
|
|
1 saylı Şəhər Kliniki Xəstəxanası (Semaşko) antisanitariya yuvasına çevrilib. Xəstəxana həyəti tullantılarla dolub – daşır. DİA.AZ-ın məlumatına görə, Reportyor.info-ya göndərilən video faktdan da görünür ki, “Semaşko” zibil dağına çevrilib. Buna şərait yaradan isə xəstəxananın direktoru Könül doktor və Yoluxucu Xəstəliklər şöbəsinin müdiri Fərrux həkimdir. Deyilir ki, xəstəxananın bütün cərrahi şöbələrində olan əməliyyatlarda istifadə edilmiş sarğı və cərrahi materialları, eləcə də dializ şöbəsində bütün xəstələrin tullantıları (hepatit B və C, HİV, SPİD, dializli xəstələrin çoxunda bu viruslar var), damardaxili sistem şlanqları (hansı ki, həmin şlanqlarla qan və qan preparatları köçürülür) həmin zibilliklərdə “rəqs edir”.
Bundan əlavə, dezinfeksiya edilib yandırılmalı olan tibbi tullantılar həyətdə zibillik olaraq saxlanır və üç aydır ki, təmizlənmir. Bu da infeksiya mənbəyi, yoluxucu xəstəliklər ocağıdır. Həmin tullantılar yoluxucu xəstəliklər şöbəsinin olduğu binanın qabağında yığılıb dizə çatıb. Deyilir ki, bu məsələdə hər gün işə bahalı maşınlarda gələn direktor Könül və şöbə müdiri Fərrux doktorların günahı var. Onların zibilliyi təmizlətdirmirlər və nəticədə virus mənbəyi təhlükə saçmaqdadır. O da xəbər verilir ki, yoluxucu xəstəliklər şöbəsində reanimasiya ləğv olunub. Xüsusi təhlükəli pasientlərin qəbulu bu səbəbdən terapevtik və cərrahi xəstələrlə eyni yerdə aparılır. Eyni zamanda, 4 yoluxucu şöbə ləğv edilərək bir şöbədə birləşdirilib və eyni mərtəbədə müalicə gedir. Bir sözlə, cinayətə yol verilir.
Kəlbəcərli 3 uşaq anası 4 aydır diri olduğunu sübut edə bilmir, icra başçısı onu “öldürüb”… Kəlbəcərin icra başçısı Azər Qocayev barəsində rast gəldiyim bir xəbər düzü mənə maraqlı yumor təsiri bağışladı.
Onu da qeyd edim ki, yüz illər boyu böyük fikir adamları bəzən problemlərə ciddi prizmadan deyil, yumor, satira, hətta ironiya, sarkazm tərəfdən yanaşıblar. Bəli, Kəlbəcərin icra başçısı öz işi ilə məşğul olmaq əvəzinə İDMAN-a güc verib, əzələlərini şişitrməklə məşğuldur. Hətta cavan icra başçısı şikayətçilərə də hərdən yumruq atır-filan...
Deməli, Kəlbəcər camaatı yazır ki, İcra başçısı Azər Qocayev kabinetdə idman etməklə, trenajorla məşq etməklə kifayətlənməyib, hələ üstəlik....
Bəli, xəbərə görə, Azər Qocayev yaşadığı Gəncə şəhəri Gülüstan qəsəbəsindəki villasının alt mərtəbəsini “trenajor zalı”na çevirib. İddiaya görə, icra başçısı işə getməmişdən əvvəl hər səhər dayanmadan idman edir, hərdən lap dərinə gedir... İcra başçısı bu hərərkrətləri ilə deyəsən cammatı qorxuzmaq istəyir.
Sözün qısası, icra başçısı hər yerdə deyir ki, “Sağlam bədəndə sağlam ruh olar"...
Birinci ondan başlayaq ki, Azər Qocayev böyük səhvə yol verir. Niyə..? Çünki hər sağlam bədəndə sağlam ruh olsaydı, onda danalar, öküzlər və s ən sağlam ruha sahib olardılar, ay Qocayev. Əslində məsələ belədir: Sağlam ruh sağlam bədəndə olur, Azər müəllim. Kəlbəcərlilərin dediyinə görə, yuxarıdan Azər Qocayevə baramaçılığın inkişafı ilə bağlı tapşırıq gələndə, o, yaxınlarından soruşub ki, barama nədir..? Bu bilirsiniz nəyə bənzədi..? Bir dağ adamından soruşurlar ki, HAMAM görmüsən, cavab verir ki, həə, 2 kilo da yemişəm... İndi Azər Qocayevi qınamayın ee....Sumqayıtda doğulmuş, orada böyümüş, güc-bəlal İlə Sumqayıt universitetinin “mantyor” fakültəsini bitirmiş, ömründə rayona, kəndə ayağı dəyməyən Azər Qocayev nə bilsin ki, barama, yaxud ipək qurdu nədir..? Vaxtilə bir lətifə var idi. Şəhər adamını rayona rəhbər göndərirlər. Ferma müdirindən soruşur ki, bu nədir, deyir inəkdir, bu nədir, deyir kələdir. Təzə rayon rəhbəri soruşur ki, kələ nə üçündür...Yazıq ferma müdiri utana-utana izah edir...Rayonun təzə böyüyü gülə-gülə deyir ki, ta denən inəyin əridi də...
İndi bizi qınamayın Azər Qocayev kimi yeni kadrlar nə bilir barama nədir. Ona görə də Azər Qocayev bütün günü idmanla məşğul olur...
Gəlin, Azər Qocayevin avtobioqrafiyasına nəzər salaq. Qocayev Azər Bəhlul oğlu - 07.09.1985-ci ildə Sumqayıt şəhərində anadan olmuşdur. 2007-ci ildə Sumqayıt Dövlət Universitetinin Elektroenergetika fakültəsini bitirmişdir. Əmək fəaliyyətinə 2009-cu ildə “Sumqayıtelektrikşəbəkə” ASC-də nəzarətçi kimi başlayıb. 2010-2017-ci illər ərzində “Azərenerji” ASC-nin “Sumqayıt Regional Elektrik Şəbəkəsi” MMC-nin Sumqayıt Elektrik Şəbəkəsi müəssisəsinin Enerji satışı şöbəsində nəzarətçi və nəzarətçi mühəndis vəzifələrində çalışıb. 2017-2020-ci illər ərzində “Azərbaycan Dəmir Yolları” QSC-də çalışıb. Azərbaycan Respublikası Prezidentinin 13.05.2020-ci il tarixli sərəncamı ilə Kəlbəcər rayon İcra Hakimiyyətinin başçısı təyin olunub. Fikir verdinizmi, bu adam ömründə 1-cə gün də idarəetmə işində çalışmayıb, kiçik bir kollektivi idarə etməyib. Bəs Kəlbəcər boyda 100 minlik rayonu bu adam necə idarə edəcək..?
Nə isə qayıdaq Azər Qocayevin əməllərinə. Bu adam kresloya oturan kimi korrupsiya maşınını işə salıb. Belə ki, mediada yazılanlardan bəlli olur ki, Kəlbəcər rayon icra hakimiyyətinin başçısı Azər Qocayevə cinayət işi açılıb.
Bəli, cavan icra başçısı Azər Qocayev vəzifəsindən sui-istifadə etməklə rayonun Təhsil Şöbəsinin müdir əvəzi İsmayıl Məmmədovun vasitəçiliyilə məktəb direktorlarından rüşvət tələb edərək alıb.
Bunu biz demirik aaa, bütün mətbuat yazır.
İcra başşçısı Kəlbəcər RTŞ-nin tabeliyindəki 5, 9, 10, 11, 22, 55, 98, 109, 115 saylı və digər məktəb direktorlarının hər birindən 500 manat rüşvət alması məktəb direktorlarının izahatlarında və digər sübutlarla öz əksini tapıb. Hələ bu harasıdır..?
Mediada yazılanlardan bəlli olur ki, Azər Qocayev bir müddət əvvəl Kəlbəcər İH-nə məxsus ianə fondunu ləğv edib. İddia edilir ki, buna səbəb həmin fonda yığılan küllü miqdarda maddi vəsaitin məhz Azər Qocayev tərəfindən qeyri- səmərəli şəkildə xərclənərək talanması, pulların mənimsənilməsidir. İddia edilir ki, həmin fakt üzrə də prokurorluqda ciddi araşdırmalar aparılır. Hələ bu harasıdır…? Azər Qocayev sağ adamı ölü çıxarır.
Bəli, Kəlbəcər sakini Alışanova Lətafət Asif qızı deyir ki, aldığı təqaüdün qəflətən kəsilməsindən narahat olaraq Gəncədə yerləşən DSMF-yə müraciət edib, orada ona deyiblər ki, SƏN ÖLMÜSƏN, ona görə də DİRİ olduğunu sübut etməlisən.
Yəni DİRİ olduğunu sübut etmək üçün mütləq polisin 102 xidmətinə zəng etməli, ASAN xidmətə gedib qan analizi verməlisən və sübut etməlisən ki, həqiqətən dirisən. Yazıq 3 uşaq anası olan Lətafət xanım indi qalıb yollarda. Uzun get-gəllərdən sonra binəva xanıma məlum olub ki, kəndin icra nümayəndəsi Ələkbər Ələsovla icra başçısı Azər Qocayev əlbir olaraq binəvanı “öldürüblər” və müavinətini həzm-rabedən keçiriblər. Vallah hər şey eşitmişdik, amma beləsini ilk dəfədir eşidirik. Bu da gənc icra başçısı.
Redaksiyamıza daxil olan məlumata görə, Hesablama Palatası icra başçısı Azər Qocayevin 3 illik fəaliiyəti ilə bağlı ciddi yoxlama aparıb və… Yaxın zamanda Azər Qocayev yola salınacaq. Hara..? Onu yaxın zamanda biləcəyik.
P.S. Mən uşaq olarkən, Sumqayıtda qohum evində oturmuşdum. Birdən qohumlardan biri gəldiki filan qohumun bacısı Gülnarı qaçırdıblar. Evdə hamı bir-birinə dəydi. Sonradan ağbirçək və ağsaqallar bir araya gələrək, maraqlı söhbət etdilər. Həmin söhbətdən bəzi xatırlatmaları növbəti sayımızda sizinlə bölüşəcəyik. //gundelik-baku.com//
Meliorasiya və Su Təsərrüfatı Açıq Səhmdar Cəmiyyətinin ( ASC ) sədr müavini Rafiq Aslanovun oğullarının İngiltərə vətəndaşı olması və orada 10 milyonlarla əmlaka, bahalı avtomobillərə və biznesə sahib olması barədə 2 gün öncə ölkə mətbuatında məlumat yayılıb. İlk öncə Rafiq Aslanovun özü və bu on milyonların mənbəyi haqqında qısaca məlumat verək.
Deməli, illər öncə Azərbaycanı suvarma suyu ilə təmin etmək üçün Azərbaycan Respublikası Meliorasiya və Su Təsərrüfatı Komitəsi sonra isə Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyi var idi. Rafiq Aslanov həmin qurumlarda İqtisadiyyat, maliyyə və əmək haqqı idarəsində rəis vəzifəsində çalışıb.
İndi gördünüzmü, meliorasiya ilə bağlı qurumun əsas FİQURU Rafiq Aslanov olub. Yəni maliyyə, iqtisad, əmək haqqı məsələsi bu adama baxıb. 2006-cı ildə qurumun adı dəyişdirilərək Azərbaycan Hidromelioreasiya və Su Təsərrüfatı ASC oldu. Yəni daha müstəqil qurum oldu, heç kimə tabe olmadı. O vaxtdan Rafiq Aslanov ASC-nin sədr müavinidir və bu gün də həmin vəzifədədir. Rafiq Aslanov bu illər ərzində dövlət vəsaiti hesabına başa gələn suyu yüzlərlə sahibkarın, fermerin süni balıq göllərinə sataraq milyonlar qazanıb. Yazıq kəndlilər isə bağını suvarmağa su tapmır. Rafiq Aslanovun bacısıoğlu “Meliorasiya və Su Təsərrüfatı ASC -nin Texnoloji İstehsalat Komplektləşdirmə İdarəsinin rəisi İlqar Əliyev təkcə bir kranı 1 milyon manata sataraq dayısı ilə bölüşüb.
Söhbət 1 krandan gedir haa… Rafiq Aslanov uzun illər qurumun tabeçiliyində olan idarələrə məxsus texnika, avadanlıq və mexanizmləri köhnəlmiş adı ilə balansdan çıxardaraq satıb yüz minlər qazanıblar. Hələ saxta tenderləri, geri qaytarılan “otkat”ları demirik. Rafiq Aslanov Vətən müharibəsinin qızğın vaxtı, doğulduğu Füzuli şəhəri uğrunda döyüşlərin getdiyi bir dönəmdə Londonda yaşayan oğluna 438 min funt sterlinq (1 milyon manata yaxın) dəyərində mənzil alıb. Yeri gəlmişkən, əslən Füzulidən-Qarabağdan olan Rafiq Aslanovun 2 oğul övladı var və ikisi də İngiltərə vətəndaşıdır. Rafiq Aslanov kimilər cənab Prezidentimizə yalan məlumat verərək deyirlər ki, ölkədə 40-50 faiz su itkisi var. Heç orta əsrlərdə, kəndlilərin kustar arxlardan istifadə etdiyi zamanlarda 40-50 faiz su itkisi olmurdu. XXI əsrdə, müasir texnologiyanın olduğu zamanda necə 40-50 fazi su itkisi ola bilər, cənab Rafiq Aslanov..?
Bu qədər su itməyib ee….sənin tərəfindən oğlanların üçün Londonda villaların, bahalı avtomobillərin alınmasına xərclənib. Bəli, biz soruşuruq ki, Rafiq Aslanov sənin 1998-ci il təvəllüdlü oğlun İlkin Aslanov 7 ildən artıqdır ki, Londonda yaşayır, bir neçə ildir İngiltərə vətəndaşıdır və Londonda milyonluq mülklərə, şirkətlərə sahibdir. 23 yaşlı bu cavan oğlan bu 100 milyonları necə qazandı..? Axı, sən onu Londona dövlət hesabına oxumaq üçün göndərmişdin ki, gəlib dövlətimizə yararlı bir mütəxəssis olsun. Axı, sən Xarici İşlər Nazirliyi ilə hansı saxtakarlığa getmisən ki, övladının biri Londonda ola-ola, ikincisini də göndərmisən. Bu bizim ölkədə qeyri mümkündür. Amma bu başqa bir yazının mövzusudur.
Rafiq Aslanov sənin ikinci oğlun Afiq Aslanov da Londonda yaşayır, böyük şirkətlərin sahibidir. Onun şirkətinin balansında olan avtomobillər: * Bentley Arnage T (2009-cu il, qiyməti 250 min dollar) * Audi A3 * Mercedes S-Class (magıc vısıon control, qiyməti 220 min avro), * Mercedes E 63 AMG (100 min dollar) * Mercedes Viano * Range Rover Sport Və daha nələr. Bu siyahını kifayət qədər uzada bilərik. Amma nə faydası. Sonda Rafiq Aslanova sualımız: Səni bu Azərbaycana nə bağlayır..?
P.S. Zamanında bütün mətbuat car çəkirdi ki, Rafiq Aslanov Meliorasiya və Su Təsərrüfatı Nazirliyinin bütün işçilərinin əmək haqlarına şərikdir, heç kim inanmırdı. Gördünüzmü pullar haradadır. //gundelik-baku.com//
İddialara görə, ali təhsil müəssisəsinin rəhbərliyi "imtahana çətin suallar salın ki, tələbələr kəsilsin" deyərək, təqaüd alan tələbələrin sayını yarıbayarı azaldıb
Bir müddət öncə ölkə başçısının imzaladığı fərman və sərəncamla tələbə, o cümlədən doktorantların təqaüdləri artırılıb. Fərmana əsasən, bu ilin yanvarın 1-dən etibarən ali məktəb tələbələri üçün Prezident təqaüdünün məbləği 275 manata çatdırılıb.
Belə ki, prezidentin sərəncamı ilə dövlət büdcəsinin vəsaiti hesabına doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə verilən təqaüdlərin məbləğləri 2023-cü il yanvarın 1-dən doktorantura pilləsi üzrə: elmlər doktoru hazırlığı üzrə doktorantlar üçün 400 manata, fəlsəfə doktoru hazırlığı üzrə doktorantlar üçün 240 manata çatdırılıb. Ali təhsil müəssisələrində və Azərbaycan Milli Elmlər Akademiyasında isə magistratura səviyyəsi üzrə akademik göstəriciləri 91-100 bal olan tələbələr üçün 195 manata, 71-100 bal olan tələbələr üçün 160 manata, 51-100 bal olan tələbələr üçün 110 manata çatdırılıb. Bundan başqa, bakalavriat səviyyəsi üzrə akademik göstəriciləri 91-100 bal olan tələbələr üçün 175 manata, 71-100 bal olan tələbələr üçün 145 manata, 51-100 bal olan tələbələr 100 manata, orta ixtisas təhsili müəssisələrində akademik göstəriciləri 91-100 bal olan tələbələr üçün 100 manata, 71-100 bal olan tələbələr üçün 80 manata, 51-100 bal olan tələbələr üçün 66 manata, peşə təhsili müəssisələrində akademik göstəriciləri "5" (yüksək texniki peşə təhsili səviyyəsində 91-100 bal) olan tələbələr üçün 100 manata, "4" və "5" (yüksək texniki peşə təhsili səviyyəsində 71-100 bal) olan tələbələr üçün 80 manata, "3" - "5" (yüksək texniki peşə təhsili səviyyəsində 51-100 bal) olan tələbələr üçün 66 manata çatdırılıb.
Qeyd edək ki, sözügedən artımlar ümumilikdə 150 minədək doktorant və tələbəni əhatə etsə də, Hurriyyet.az-a verilən məlumata görə, Mingəçevir Dövlət Universitetinin tələbələri təqaüd almaqda ciddi problemlərlə üzləşirlər. Belə ki, əldə etdiyimiz informasiyada deyilir ki, adıçəkilən universitetdə tələbələrə təqaüd ali təhsil müəssisəsinin rəhbərliyi tərəfindən tətbiq edilən kvota əsasında verilir. İddialara görə, Mingəçevir Dövlət Universitetinin rəhbərliyi "imtahana çətin suallar salın ki, tələbələr kəsilsin" deyərək, təqaüd alan tələbələrin sayını yarıbayarı azaldıb: "Ölkə başçısının məlum sərəncamına qədər tələbələrə təqaüdlərin verilməsində bu cür hallara rast gəlinmirdi. Lakin Prezidentin sərəncamı ilə tələbə təqaüdləri artırıldıqdan sonra Mingəçevir Dövlət Universitetinin rəhbərliyinin qeyr-rəsmi qərarı ilə tələbələrə təqaüd kvota əsasında verilir. Belə ki, qərara qədər 80 nəfər tələbə təqaüd alırdısa, artıq bu sayı 35-ə qədər endiriblər. Səbəbini soruşduqda deyirlər ki, 45 nəfərin aldığı təqaüd 35 nəfər arasında bölünəcək və bu yolla onların təqaüdü artmış olacaq. Görünür, universitete rəhbərliyi bu yolla büdcədən ayrılan vəsaitə "qənaət" etmək fikrincədir. Ancaq "qənaət" olunan vəsaitin hara xərcləndiyinə dair heç bir məlumat verilmir. Bu isə çoxlarında ciddi şübhələr yaradır".
Gördüyünüz kimi, verilən məlumatlara əsasən belə demək olar ki, Mingəçevir Dövlət Universitetinin rəhbərliyi təqaüdün verilməsi zamanı kvota tətbiq edərək, süni maneələrlə təqaüd alan tələbələrin sayını azaltmağa çalışır. Bəs o zaman dövlət büdcəsindən ayrılan vəsait hara gedir? Ümid edirik ki, adıçəkilən təhsil müəssisəsinin rəhbərliyi, Elm və Təhsil Nazirliyi, həmçinin digər müvafiq qurumlar tezliklə bu suala aydınlıq gətirəcək, Mingəçevir Dövlət Universitetinin tələbələrinin təqaüd almalarına mane olan problemləri aradan qaldıracaqlar.
Hurriyyet.az
Əsabil Qasımov, Ulu Öndərin ağac və yaşıllıqlarla bağlı məşhur videosuna baxın… Açıq etiraf etməliyik ki, son 20-25 ildə Bakı şəhərində tikilən göydələnlər, yüksək mərtəbəli binalar çox ciddi problemlər yaradır. Və bu problemlər gələcəkdə də davam edəcək.
Birincisi, ondan başlayaq ki, yüksək mərtəbəli binalar tikən Mənzil Tikinti Kooperativləri ( MTK ) tikintiyə icazə almaq üçün bəzi icra hakimiyyətlərinə və bəzi qurumlara külli miqdarda rüşvət verirlər.
İkincisi, məmurla sövdələşən MTK rəhbəri binanın tikiləcəyi ərazidə yaşıllıqları məhv edir və şəhərin ekologiyasına dəhşətli ziyan vurur. Bu təzə problem deyil.
Hələ illər öncə, daha doğrusu, ötən əsrin 90-cı illərində Ulu Öndər Heydər Əliyev cənabları keçirdiyi müşavirələrin birində bu məsələyə çox kəskin münasibət bildirmişdir: “Bakıda bir ağacı əkib-böyütmək, bir övladı böyütməyə bərabərdir. Vaxtilə Bakıda ağaclar yox idi. Rus yazıçısı Maksim Qorkinin sözlərini yada salın, Bakıda 2-3 ağac gördüm. Bakıxanov, Badamdart qəsəbələrində, Xalqlar dostluğu parkında nə boyda əziyyətin hesabına yaşıllıqlar saldıq, becərdik. Bunu xalq üçün, millət üçün, Bakının iqlimi üçün edirdik. O ağacları kəsib yerini baqqalxanaya çevirənlər bu ölkəyə xəyanət ediblər. O ağacları bərpa etmək indi çox çətindir. Hesab edin ki, o ağacları kəsənlər mənim balalarımın başını kəsiblər. Onlar haqq-ədalət məhkəməsi qarşısında cavab verməlidir. Orada gəlib baqqal dükanı salanlar, xüsusi mülklər tikənlər var, onların hamısını dağıtmaq, qovmaq, uçurtmaq lazımdır..”. Açıq deməliyik ki, bu məsələdə MTK rəhbərləri ilə yanaşı icra başçılarının, memarların da günahı var.
Digər problem odur ki, binalar tikib milyonlar qazanan MTK rəhbərləri təkcə yaşıllıqları məhv etmir, həm də ətrafda yaşayan sakinlər üçün dözülməz mühit yaradırlar. Bütün bunları nəzərə alan cənab Prezident İlham Əliyev dəfələrlə göstəriş verib ki, məhəllə daxili ərazilərdə tikinti aparmayın. Prezidentin tapşırığına baxmayaraq MTK sahibləri məhəllədaxili ərazilərdə tikinti aparır, az qala sakinlərin ağzının içinə girirlər. Həmin tikintilər məhəllə sakinləri və ərazidə oynayan uşaqlar üçün ciddi təhlükə yaradırlar.
Bütün bunlar azmış kimi binaların tikintisi zamanı səs-küydən sakinlər öz evlərində rahat otura bilmirlər. Məlumdur ki, qaydaya görə, bina tikən MTK rəhbərinə yeni binanın ətrafında 100-dən artıq ağacın əkilməsi tapşırılır. Ağac əkmək, onları kəsənlərin başlarına dəysin, olan yaşıllığı məhv etməsinlər.
Belə MTK-lardan biri də “Bizim Ev” MTK-dır. Yeri gəlmişkən, MTK-ların yaşıllıqlara ən çox qənim kəsildiyi rayonlar Yasamal və Nəsimi rayonlarıdır.
Bəli, “Bizim Ev” MTK da neçə vaxtdır ki, Yasamal rayonu, Həsənbəy Zərdabi küçəsində tikinti aparır. Tikinti vaxtilə məşhur olan “Məhsul” stadionunun soyunub-geyinmə zalını da zəbt edib. Bizim Ev MTK təkcə stadionun ərazisini deyil ee, məhəllədaxili əraziləri zəbt edib, vətəndaşların istirahət yeri, uşaqların əyləncə məkanı tikinti meydançasına, poliqona çevrilib. Onlar voleybol meydançasını zəbt ediblər. Bircə onu deyək ki, həmin ərazinin tikintidən əvvəlki fotolarına baxan olsa, dəhşətə gələr.
Ötən yazılarımızda qeyd etdiyimiz kimi, “Bizim Ev” MTK küləkli havada sakinlərin başına beton, qum, çınqıl ələyir, sakinlər SƏS-KÜYDƏN nevroz həddinə çatıblar…
Görəsən, FHN, Yasamal icra hakimiyyəti bu boyda qanunsuzluqları görmür..?
Tikintinin getdiyi məhəllənin sakinləri haralara, hansı dövlət qurumlarına şikayət etməyiblər..? Qanunsuz tiknti nəticəsində ətrafda yaşayan sakinlərin evlərinə də ziyan dəyib, bu 100 minlərlə ziyanı kim ödəyəcək..?
Onu da qeyd edək ki, yeni tikilən binanın pəncərələrindən məhəllə sakinlərinin evlərinin içi görünür. Bu dözülməz haldır. “Bizim Ev” MTK-nın sabiq deputat Əsabil Qasımova məxsus olduğu bildirilir. Hətta qeyd etdiyimiz ərazidə tikilən binaya Əsabil Qasımovun qardaşı oğlu Elvin Qasımovun nəzarət etdiyi də bəllidir. Allah belə nəzarəti kəssin. Hələ bu harasıdır..?
Özünü İmişli Mürşüd adlandıran birisi, dünənə qədər rayonda dana otarırdı. İndi gəlib Bakıda tikinti biznesi ilə məşğul olur və şikayət edən sakinlərə deyir ki, mənim qabağımda kimsə dayana bilməz. Sakinlər son ümid yeri kimi cənab Prezidentdən kömək istəyirlər. Bütün bunlar öz yerində. Bəs...? Bəs, bu ölkənin Ekologiya Nazirliyi, FHN, Baki ŞİH, Yasamal RİH, Şəhərsalma və Arxitektura Komitəsi, Hüquq Mühafizə Orqanları hara baxır ? Bəs nəyə nəzarət edirsiniz, cənablar..?
P.S. Yasamal rayonu Zərdabi küçəsi "Bizim Ev" MTK-nın yerləşdiyi ünvana bir Ali qonaq gəlsə hər an təhlükə mənbəyi olan bu binanın tikintisinə icazə verən şəxslər görəsən vəzifələrini qoruya biləcəkmi?
gundelik baki.com
Masallının Sıgincaq kənd sakinlərinin yerli icra qurumlarının yaratdığı özbaşınalıqdan xəbər vermişdik. Bildirmişdik ki, 7 min əhalisi olan Təklə icra nümayəndəliyi və bələdiyyə sədrinin fəaliyyətsizliyi nəticəsində Sığıncaq kəndində mal-qara üçün ayrılmış örüşün yolu zəbt olunub. Kənd sakini Zaidov Asim Eynulla oğlu tərəfindən örüş yolu dəmir hasara alınıb.
Sakinlərin şikayətinə reaksiya verən Masallı Rayon İcra Hakimiyyətindən AzToday.az-a bildirilmişdi ki, əraziyə baxış keçirilib:
“Qeyd etdiyiniz ərazi Təklə kənd inzibati ərazi dairəsinin Sığıncaq kəndin şimal hissəsində yerləşir. Sözügedən əraziyə 21 fevral 2023-cü il tarixində Rayon İcra Hakimiyyəti başçısının Təklə kənd inzibati ərazi dairəsi üzrə nümayəndəsi, bələdiyyə sədri baxış keçirmiş, örüş sahəsi ilə kəndi ayıran su aparıcı kanalın dəmir hasarla vətəndaş tərəfindən həyətinə salındığı müəyyən edilmişdir. Vətəndaşla maarifləndirici söhbət apırılaraq hasarı söküb ərazinin əvvəlki vəziyyətə gətirməsindən ötrü bir gün vaxt verilmişdir”.
Vətəndaşa hasarı sökməyə bir gün vaxt verən icra hakimiyyətinin məsul şəxsləri üstündən bir həftə keçməsinə baxmayaraq, nəinki problemi həll ediblər, əvəzindəı yeni problemlər yaradıblar. Sakinlər bildirir ki, Asim Zaidov çəkdiyi hasarı sökməyib. Onun özbaşınalığına etiraz edən kənd sakinlərini belə hədələyib. Nümayişkaranə şəçkildə hasarı sökməyəcəyini bildirib. Səbəb kimi də, icra nümayəndəliyinin və bələdiyyənin başqa sakindən pul alıb, örüş yolunu bağlanmasını göstərib.
Maraqlıdır ki, Asim Zaidovun örüş yolunu zəbt etməsinin cəzasız qalması onun qonşularını da bu işə həvəsləndirib. Sakinlərin sözlərinə görə, Mirzəyev Qulamhüseyin adlı sakin də icra nümayəndəsinin maraqlarını təmin etməklə örüş yolunun müəyyən hissəsini zəbt edib. Başqa bir kənd sakinin də yola hasar çəkdiyi bildirilir. Bir sözlə sakinlərin şikayəti bumerang effekti verib. Belə ki, müvafiq qurumların problemi həll etməməsi səbəbindən kəndin örüş yolunun zəbt olunması prosesi sürətlənib.
Sakinlər Masallı rayon İcra Hakimiyyətinin başçısı Araz Əhmədovu kəndə dəvət edib, icra nümayəndəliyinin və bələdiyyənin onlar üçün yaratdıqları problemlərini əyani görməyə səsləyiblər.
Məlumatlara görə, Təklə kənd inzibati ərazi dairəsinə məsul olan şəxslər kəndlərdə torpaqları qazaraq satırlarmış…
Sığıncaq kəndindəki hazırda durumun görüntülərini təqdim edirik:
Artıq, 1 ilə yaxındır ki, "DogruXeber.az" informasiya portalında Qazax rayonunun müxtəlif sakinləri tərəfindən redaksiyamıza olan müraciətlər demək olar ki, ardıcıl yayımlanır.
Müraciətlər müxtəlif şəxslər tərəfindən göndərilsə də ümumi narazılıqların tək ünvanı Qazax rayon İcra Hakimiyyətidir.
Bu tərəfdə sakinlər redaksiyamıza müraciət edib İcra başçısı Rəcəb Babaşovun onları qəbul etmədiyindən, problemlərini dinləmədiyindən və həlli istiqamətində heç bir köməklik göstərilmədiyindən danışır, digər tərəfdə isə Rayon İcra Hakimiyyətinin rəsmi internet səhifəsində Rəcəb Babaşovun prezidentin tapşırıqlarının və öz səlahiyyətlərini "layiqli şəkildə icra etdiyindən" danışılır.
Yeri gəlmişkən, Qazax rayon İcra Hakimiyyətinin rəsmi internet səhifəsində yanvar ayının 27-də belə bir məlumat paylaşılıb.
Ölkəmizdə Prezident İlham Əliyevin, Birinci vitse-prezident Mehriban Əliyevanın vətəndaşlara göstərdikləri diqqət və qayğı hər bir dövlət məmuruna örnəkdir. Bütün sahələrdə vətəndaş amilinin, vətəndaş məmnunluğunun əsas götürülməsi onu söyləməyə əsas verir ki, bu sahə dövlət siyasətinin prioritet istiqamətini təşkil edir. Ölkə başçısının səsləndirdiyi “Siz daim insanlarla təmasda olmalısınız. Bütün kəndlərdə olmalısınız, kənd camaatının qayğıları ilə yaşamalısınız, onları narahat edən problemləri onların dilindən eşitməlisiniz və imkan daxilində bu problemləri həll etməlisiniz. Nəyə gücünüz çatırsa, rayon daxilində həll etməlisiniz. Elə məsələlər var ki, onlar dövlət orqanları tərəfindən həll olunmalıdır. Bu barədə də aidiyyəti dövlət orqanlarına müraciət etməlisiniz – Prezident Administrasiyasına, Nazirlər Kabinetinə, aidiyyəti dövlət qurumlarına ki, mövcud problemlər öz həllini tapsın. Əgər hər bir kəndin problemi həll olunarsa, demək olar ki, ölkədə insanları narahat edən ciddi problem qalmayacaq” fikirləri də bu məqsədə xidmət edir.
Qazaxda bu amili əldə rəhbər tutan rayon rəhbəri tərəfindən vətəndaşların fərdi və ya ümumi şəkildə qəbul edilməsi də bu məqsədi daşıyır. Bu həftə ərzində müraciət etmiş daha 20 nəfər vətəndaşın istəyi yanvarın 27-də idarə, müəssisə və xidmət sahələri rəhbərlərinin iştirakı ilə dinlənilib.
“Hər bir dövlət məmurunun vəzifə borcudur ki, vətəndaşlara layiqli xidmət göstərsin, vətəndaş məmnunluğunu təmin etsin. Ən əsası da dövlət məmuru olaraq çalışmalıyıq ki, bunu öz əməli işlərimizdə göstərək”, - deyən Qazax Rayon İcra Hakimiyyətinin başçısı Rəcəb Babaşov bugünkü qəbulun da bu məqsədi daşıdığını qeyd edib. Vətəndaşlara olan səmimi münasibətin, göstərilən diqqət və qayğının bundan sonra da əvvəlki tək olacağını söyləyib. Bu günə kimi, şəhər və kəndlərdə sakinlərlə keçirilən görüşlər zamanı səslənən müraciətlərə operativ şəkildə baxılmasının, vətəndaşların yaşadığı ünvandan asılı olmayaraq istəyinə əsasən yerində baxış keçirilməsinin, qaldırılan məsələlərin həlli istiqamətində yerindəcə tapşırıq verilməsinin, vətəndaşların ərizə və müraciətlərinə əsasən keçirilən qəbulların arxasında hər zaman vətəndaş məmnunluğunun dayandığını bildirib.
"Tutduğu vəzifədən asılı olmadan hər bir dövlət məmuru çalışmalıdır ki, vətəndaş müraciət etdiyi müəssisədən məmnunluqla ayrılsın, razı qalsın”, - deyən icra başçısı qəbulda iştirak edən idarə, müəssisə, təşkilat, eləcə də xidmət sahələri rəhbərlərinə dövlət məmuru olaraq vətəndaşlara, xüsusilə də şəhid ailələrinə, qazilərə, müharibə iştirakçılarına qarşı hər zaman qayğı ilə yanaşmalı, daim diqqət ayırmalı, qaldırılan hər bir məsələyə həssaslıqla baxmalı olduqlarını qeyd edib. Bununla bağlı aidiyyəti üzrə müvafiq tapşırıqlarını verib.
Sonra Qazax şəhər sakinləri Abbasov Qurban Ağəli oğlunun, Kərimov Aqşin Aliq oğlunun, Məmmədova Mehriban Baba qızının, Məhərrəmova Tərlan İsaxan qızının, Pirvəliyeva Gülnarə İmran qızının, Salahov Şeyda Məhəd oğlunun, Nəsibov Məhəmmədəli Fikrət oğlunun, Mirzəyeva Zərqələm Hüseyn qızının, Qazaxbəyli kənd sakini Salmanov İmran Salman oğlunun, İkinci Şıxlı kənd sakini Abbasov Natiq Abbas oğlunun, Ağköynək kənd sakinləri İsrafilova Lamiyə Vilayət qızının, Süleymanova Səməngül Tağı qızının, Daş Salahlı kənd sakini Göyüşova Təranə Vahid qızının, Kosalar kənd sakini Orucova Lalə Cəbi qızının, Çaylı kənd sakinləri Aslanov Elşən Rafayıl oğlunun, Mehdiyeva Gülbəs Calal qızının, Xanlıqlar kənd sakini Mustafayeva Nazan Mahmud qızının, Bağanıs Ayrım kənd sakini Əsgərova Mətanət Mustafa qızının, Kəmərli kənd sakini Süleymanov Ramiz Nizami oğlunun, Birinci Şıxlı kənd sakini Süleymanov Kamran Mustafa oğlunun müxtəlif məzmunlu müraciətləri dinlənilib.
Vətəndaşların işlə təmin edilməsində köməklik göstərilməsi ilə bağlı müraciətlərinə cavab olaraq Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz Regional Məşğulluq filialı ilə əlaqə saxlamaları bildirilib. Məşğulluq Mərkəzində olan vakant yerlərə iş təklif olunması üçün aidiyyəti üzrə tapşırıq verilib.
Vətəndaşların həyətyanı torpaq sahəsi ilə təmin edilməsində köməklik göstərilməsi barədə, eləcə də digər müxtəlif məzmunlu müraciətləri dinlənilərək müvafiq olaraq cavablandırılıb. Səslənən hər bir məsələyə həssaslıqla yanaşılacağı, diqqətlə baxılacağı bildirilib."
İcra Hakimiyyətinin bu məlumatından sonra Qazax rayon Ağköynək kənd sakini 16.06.1987 təvəllüdlü İsrafilova Lamiyə Vilayət qızı redaksiyamızın elektron poçt ünvanına belə bir məktubla müraciət edib.
"DoğruXəbər. Az saytının rəhbəri hörmətli Kamal Əsgərova Qazax rayon Ağköynək kənd sakini 16.06.1987 təvəllüdlü İsrafilova Lamiyə Vilayət qızı tərəfindən
Müraciət
Yazıb sizi məlumunuz edirəm ki ali təhsilliyəm.iki evladım var.Bir ay əvvəl Qazax rayon icra hakimiyyətində Rəcəb Babaşovun qəbulunda oldum.Öz problemim ilə əlaqədar danışmaq istədikdə dinləmədən mənə yüksək səslə qışqıraraq bura bazar deyilki iş satsınlar dedi.Otağa girməyimlə çıxmağım bir oldu.Bir Azərbaycan qadını olaraq qüruruma toxundu. Baxmayaraq ki ölkə rəhbərimiz dəfələrlə öz çıxışlarında hər bir məmur xalqın xidmətçisidir desə də rayonda hal hazırki vəziyyət heç də elə deyil. Vətəndaşları xüsusi ilə də qadın olaraq məni utandıraraq yüksək səslə hər kəsin yanında üstümə qışqırması məni məyus etdi.Buna baxmayaraq bir saat keçməmiş artığ Göyəzən saytına şəklimi yerləşdirilib guya vətəndaşların problemləri həll olunur kimi yerləşdirməkləri məni qəzəbləndirdi. Ali təhsilim olmasına baxmayaraq iş tapa bilmirəm.Neçə il öncə müəllimlər müsabiqəsində iştirak edərək keçid balıda topladım.Ancaq nə ixtisasım üzrə nə də ümumiyyətlə bir iş tapa bilmirəm.Mən ən ağır döyüşlərdə iştirak edən iki hərbiçinin bacısıyam.Bir ana ,bir bacı kimi sizdən xahiş edirəm mənim haqq səsimi aidiyyatı yerlərə çatdırardınız.Öncədən təşəkkür edirəm."
İcra Hakimiyyətinin rəsmi saytlarda yayımladığı məlumatların nə dərəcədə həqiqəti əks etdirib-etdirmədiyi barəsində məlumatı elə güya qəbulda olan rayon sakinindən almaq təəccübləndirməsə də, maraqlıdır.
Redaksiyamız hər kəsin söz haqqını tanıyır.
DogruXeber.az
Jalə Asiman
Artıq bir müddətdir ki, sosial şəbəkələr arasında “Tik-tok”a maraq kəskin artıb. “Tik-tok” Azərbaycan seqmentində demək olar ki, insanların böyük maraqla istifadə etdiyi sosial məkana çevrilib. Ölkəmizdə mövcud olan söz və internet azadlığı sosial mediada insanların öz fikirlərini bölüşməsinə geniş imkanlar yaradı. Hər cür insana ev sahibliyi edən “Tik-tok” sosial şəbəkəsi yerli məmurlarımıza da imkan tanımaqdadır.
GUNinfo.az bildirir ki, “Tik-tok”-da gecəsini gündüzünə qatan yerli məmurlardan biri də 10 saylı Yol İstismar MMC-nin direktoru Mübariz Paşayevin oğlu Nicat Paşayevdir .
Nicat Paşayev məmur olaraq “Tik-tok” sosial şəbəkəsində qarşı tərəfləri təhqir etməklə və acaib göbəy rəqsləri ilə yadda qlıb. Eyni zamanda sosial şəbəkələr mədəni maarifçilik təbliğatında kasat olan bu gənc özünübəyənmiş məmur əcaib ağız, göz hərəkətləri ilə özünü idarə edə bilmir və hər kəsə meydan oxuyur.
Nicat Paşayevlə bağlı araşdırma aparan əməkdaşlarımız ilginc məlumatlar əldə edib.
Belə ki, Nicat Paşayev "Azəravtoyol"-un sədri Saleh Məmmədovun yaxın dostu 10 saylı Yol İstismar MMC-nin direktoru Mübariz Paşayevin oğludur.
Mübariz Paşayevlə bağlı məlumatlar isə belədir:
Mübariz Paşayev dediyimiz kimi, "Azəravtoyol"-un sədri Saleh Məmmədovun yaxın dostudur. Bu "müqəddəs" dostluğundan istifadə edən M. Paşeyev illərdir 10 saylı Yol İstismar idarəsin öz şəxsi malı kimi istifadə edir. M. Paşayev həmçinin öz yaxın qohumlarını 0 saylı Yol İstismar idarəsində ən gəlrli vəzifələrdə yerləşdirib.
Direktorun bu yaxın qohumları idarədə ümumi qazanca şərik olaraq çalışdığı deyilir. Hansı ki, bu adamların çoxu heç idarənin qapısını belə tanımır.
Əsas gəlirli shələrdə Mübariz Paşayevin oğlu Nicat Paşayev, qardaşı və qardaşı oğlu Zaur Paşayev eləcə də baş iqtisadçı olan qohumu Elmdarı misal çəkmək olar.
Teref.az “Tik-tok”-da əcaib göbək rəqsi oynayan gənc məmur Nicat Paşayevin videosunu təqdim edir:
XalqXeber.Az
Hesablama Palatası Kəlbəcərin icra başçısını yola salır…
Kəlbəcərli 3 uşaq anası 4 aydır diri olduğunu sübut edə bilmir, icra başçısı onu “öldürüb”… Kəlbəcərin icra başçısı Azər Qocayev barəsində rast gəldiyim bir xəbər düzü mənə maraqlı yumor təsiri bağışladı.
Onu da qeyd edim ki, yüz illər boyu böyük fikir adamları bəzən problemlərə ciddi prizmadan deyil, yumor, satira, hətta ironiya, sarkazm tərəfdən yanaşıblar. Bəli, Kəlbəcərin icra başçısı öz işi ilə məşğul olmaq əvəzinə İDMAN-a güc verib, əzələlərini şişitrməklə məşğuldur. Hətta cavan icra başçısı şikayətçilərə də hərdən yumruq atır-filan...
Deməli, Kəlbəcər camaatı yazır ki, İcra başçısı Azər Qocayev kabinetdə idman etməklə, trenajorla məşq etməklə kifayətlənməyib, hələ üstəlik....
Bəli, xəbərə görə, Azər Qocayev yaşadığı Gəncə şəhəri Gülüstan qəsəbəsindəki villasının alt mərtəbəsini “trenajor zalı”na çevirib. İddiaya görə, icra başçısı işə getməmişdən əvvəl hər səhər dayanmadan idman edir, hərdən lap dərinə gedir... İcra başçısı bu hərərkrətləri ilə deyəsən cammatı qorxuzmaq istəyir.
Sözün qısası, icra başçısı hər yerdə deyir ki, “Sağlam bədəndə sağlam ruh olar"...
Birinci ondan başlayaq ki, Azər Qocayev böyük səhvə yol verir. Niyə..? Çünki hər sağlam bədəndə sağlam ruh olsaydı, onda danalar, öküzlər və s ən sağlam ruha sahib olardılar, ay Qocayev. Əslində məsələ belədir: Sağlam ruh sağlam bədəndə olur, Azər müəllim. Kəlbəcərlilərin dediyinə görə, yuxarıdan Azər Qocayevə baramaçılığın inkişafı ilə bağlı tapşırıq gələndə, o, yaxınlarından soruşub ki, barama nədir..? Bu bilirsiniz nəyə bənzədi..? Bir dağ adamından soruşurlar ki, HAMAM görmüsən, cavab verir ki, həə, 2 kilo da yemişəm... İndi Azər Qocayevi qınamayın ee....Sumqayıtda doğulmuş, orada böyümüş, güc-bəlal İlə Sumqayıt universitetinin “mantyor” fakültəsini bitirmiş, ömründə rayona, kəndə ayağı dəyməyən Azər Qocayev nə bilsin ki, barama, yaxud ipək qurdu nədir..? Vaxtilə bir lətifə var idi. Şəhər adamını rayona rəhbər göndərirlər. Ferma müdirindən soruşur ki, bu nədir, deyir inəkdir, bu nədir, deyir kələdir. Təzə rayon rəhbəri soruşur ki, kələ nə üçündür...Yazıq ferma müdiri utana-utana izah edir...Rayonun təzə böyüyü gülə-gülə deyir ki, ta denən inəyin əridi də...
İndi bizi qınamayın Azər Qocayev kimi yeni kadrlar nə bilir barama nədir. Ona görə də Azər Qocayev bütün günü idmanla məşğul olur...
Gəlin, Azər Qocayevin avtobioqrafiyasına nəzər salaq. Qocayev Azər Bəhlul oğlu - 07.09.1985-ci ildə Sumqayıt şəhərində anadan olmuşdur. 2007-ci ildə Sumqayıt Dövlət Universitetinin Elektroenergetika fakültəsini bitirmişdir. Əmək fəaliyyətinə 2009-cu ildə “Sumqayıtelektrikşəbəkə” ASC-də nəzarətçi kimi başlayıb. 2010-2017-ci illər ərzində “Azərenerji” ASC-nin “Sumqayıt Regional Elektrik Şəbəkəsi” MMC-nin Sumqayıt Elektrik Şəbəkəsi müəssisəsinin Enerji satışı şöbəsində nəzarətçi və nəzarətçi mühəndis vəzifələrində çalışıb. 2017-2020-ci illər ərzində “Azərbaycan Dəmir Yolları” QSC-də çalışıb. Azərbaycan Respublikası Prezidentinin 13.05.2020-ci il tarixli sərəncamı ilə Kəlbəcər rayon İcra Hakimiyyətinin başçısı təyin olunub. Fikir verdinizmi, bu adam ömründə 1-cə gün də idarəetmə işində çalışmayıb, kiçik bir kollektivi idarə etməyib. Bəs Kəlbəcər boyda 100 minlik rayonu bu adam necə idarə edəcək..?
Nə isə qayıdaq Azər Qocayevin əməllərinə. Bu adam kresloya oturan kimi korrupsiya maşınını işə salıb. Belə ki, mediada yazılanlardan bəlli olur ki, Kəlbəcər rayon icra hakimiyyətinin başçısı Azər Qocayevə cinayət işi açılıb.
Bəli, cavan icra başçısı Azər Qocayev vəzifəsindən sui-istifadə etməklə rayonun Təhsil Şöbəsinin müdir əvəzi İsmayıl Məmmədovun vasitəçiliyilə məktəb direktorlarından rüşvət tələb edərək alıb.
Bunu biz demirik aaa, bütün mətbuat yazır.
İcra başşçısı Kəlbəcər RTŞ-nin tabeliyindəki 5, 9, 10, 11, 22, 55, 98, 109, 115 saylı və digər məktəb direktorlarının hər birindən 500 manat rüşvət alması məktəb direktorlarının izahatlarında və digər sübutlarla öz əksini tapıb. Hələ bu harasıdır..?
Mediada yazılanlardan bəlli olur ki, Azər Qocayev bir müddət əvvəl Kəlbəcər İH-nə məxsus ianə fondunu ləğv edib. İddia edilir ki, buna səbəb həmin fonda yığılan küllü miqdarda maddi vəsaitin məhz Azər Qocayev tərəfindən qeyri- səmərəli şəkildə xərclənərək talanması, pulların mənimsənilməsidir. İddia edilir ki, həmin fakt üzrə də prokurorluqda ciddi araşdırmalar aparılır. Hələ bu harasıdır…? Azər Qocayev sağ adamı ölü çıxarır.
Bəli, Kəlbəcər sakini Alışanova Lətafət Asif qızı deyir ki, aldığı təqaüdün qəflətən kəsilməsindən narahat olaraq Gəncədə yerləşən DSMF-yə müraciət edib, orada ona deyiblər ki, SƏN ÖLMÜSƏN, ona görə də DİRİ olduğunu sübut etməlisən.
Yəni DİRİ olduğunu sübut etmək üçün mütləq polisin 102 xidmətinə zəng etməli, ASAN xidmətə gedib qan analizi verməlisən və sübut etməlisən ki, həqiqətən dirisən. Yazıq 3 uşaq anası olan Lətafət xanım indi qalıb yollarda. Uzun get-gəllərdən sonra binəva xanıma məlum olub ki, kəndin icra nümayəndəsi Ələkbər Ələsovla icra başçısı Azər Qocayev əlbir olaraq binəvanı “öldürüblər” və müavinətini həzm-rabedən keçiriblər. Vallah hər şey eşitmişdik, amma beləsini ilk dəfədir eşidirik. Bu da gənc icra başçısı.
Redaksiyamıza daxil olan məlumata görə, Hesablama Palatası icra başçısı Azər Qocayevin 3 illik fəaliiyəti ilə bağlı ciddi yoxlama aparıb və… Yaxın zamanda Azər Qocayev yola salınacaq. Hara..? Onu yaxın zamanda biləcəyik.
P.S. Mən uşaq olarkən, Sumqayıtda qohum evində oturmuşdum. Birdən qohumlardan biri gəldiki filan qohumun bacısı Gülnarı qaçırdıblar. Evdə hamı bir-birinə dəydi. Sonradan ağbirçək və ağsaqallar bir araya gələrək, maraqlı söhbət etdilər. Həmin söhbətdən bəzi xatırlatmaları növbəti sayımızda sizinlə bölüşəcəyik.
gundelik baki.com
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az