www.dunyapress.info

Sənətkarlarımızın “həmkarlar haqqı” necə yeyilir? — Səttar Möhbalıyevin “putyovka” maxinasiyası...

Yaradılıb 03.03.2023 10:08 | Baxış sayı: 52

Bu yaxınlarda Xalq artisti Ramiz Novruzun dəfni ətrafında yaradılan süni qalmaqal hər birimizin ağrı ilə qarşıladığı mənzərə idi və hər kəs bu məsələdə Mədəniyyət Nazirliyini tənqid etdi. Halbuki, məsələnin birbaşa ünvanı Mədəniyyət Nazirliyi yox, Azərbaycan Həmkərlar İttifaqı Konfederasiyasıdır (AHİK). Çünki həmkarları birləşdirən bu təşkilatın əsas işi, daha doğrusu borcu belə hallarda önə çıxmaqdır.

Ramiz Novruzov boyda sənətkar yada düşmədi, nə dəfndə iştirak etdilər, nə də dəfnin xərclərində. Axı Azərbaycan Həmkarlar İttifaqları Konfederasiyası həm də mədəniyyət işçilərini də əhatə edir və maliyyələşməsini həm də bu sahədən “həmkarlar haqqı” olaraq toplanan vəsaitdən təmin edir.

Nədənsə bütün tənqidlər Mədəniyyət Nazirliyinə yönəldiyi vaxt, Azərbaycan Həmkarlar İttifaqları Konfederasiyasının rəhbərliyi gizlənməklə məşğuldur. Halbuki, başını quma soxan dəvəquşuya bənzəyirlər, çünki hər şey ortadadır, bircə Azərbaycan Həmkarlar İttifaqları Konfederasiyasından və sədri Səttar Möhbalıyevdən başqa...

Azərbaycanda hələ SSRİ dövründən Azərbaycan Həmkarlar İttifaqları Konfederasiyasına böyük miqdarda miraslar qaldı. Bu miras Azərbaycan Həmkarlar İttifaqları Konfederasiyasının, yaxud Səttar Möhbalıyevin şəxsi mülki yox, hər kəsin idi. Xalq artistlərindən tutmuş media nümayəndələrinə, mədəniyyət xadimlərindən müəllimərə qədər hər kəs Azərbaycan Həmkarlar İttifaqları Konfederasiyasının balansındakı sağlamlıq mərkəzlərindən yararlanmalıdır.

Bəs neçə nəfər bu hüquqdan yararlandığını deyə bilər?

Yaxud elə “ortada qoyduqları” Xalq artisti Ramiz Novruz nə vaxtsa Azərbaycan Həmkarlar İttifaqları Konfederasiyasının təşkil etdiyi istirahət mərkəzinə aparılmışdımı?!

Cavabın mənfi olduğu bəllidir. O zaman, Azərbaycan Həmkarlar İttifaqları Konfederasiyası heç olmasa dəfn xərclərini ödəyərdi, niyə “dəvəquşu” kimi gizlənirlər?!

Ümumiyyətlə, sonuncu dəfə Səttar Möhbalıyevi nə zaman görən olub?

Onu sonuncu dəfə kimin gördüyü bəlli deyil. Sanki “evdən çıxıb, bir daha geri qayıtmayıb”. Nə medianın qarçşısına çıxır, nə Azərbaycan Həmkarlar İttifaqları Konfederasiyasının gördüyü “işlər”dən danışır. Sakitcə bir guşəyə çəkilib, həmkarlar adı altında böyük mirası həzm-rabedən keçirməklə məşğuldur.

Biz demirik, mediada bu haqda yetərincə informasiya yayılıb. Onlardan bir neçəsinə nəzər yetirmək bəs edir ki, Səttar Möhbalıyevin Azərbaycan Həmkarlar İttifaqları Konfederasiyasının balansındakı obyektləri satıb “yediyini” anlayaq.

30 ildir Azərbaycan Həmkarlar İttifaqları Konfederasiyasına sədrlik edən, daha dəqiq desək, bu postdan möhkəm yapışıb getmək istəməyən Səttar Möhbalıyev bu təşkilatı özünün ailə qurumuna çevirib.

Səttar Möhbalıyevin həyat yoldaşı Böyükxanım Mirzə qızı Möhbalıyeva Azərbaycan Həmkarlar İttifaqları Konfederasiyasının beynəlxalq əlaqələr departamentinin məsul işçisidir.

Qızı lalə Möhbalıyeva isə Azərbaycan Həmkarlar İttifaqları Konfederasiyasının Gənclər Şurasının üzvüdür.

Məlumatlara görə, Azərbaycan Həmkarlar İttifaqları Konfederasiyasının xaricdəki tədbirlərində birmənalı olaraq sədrin xanımı və qızı iştirak edirlər.

Misal üçün, Səttar Möhbalıyevin xanımının Türkiyədə “Sat Turizm Diş Ticaret Limited” şirkətinin olduğuna dair məlumatlar var. Şirkət 2009-cu ildə 380 min lirə kapitalla İstanbulda qeydiyyatdan keçib. Şirkətin Türkiyədə ticarətlə, turizmlə məşğul olan şöbələri, səyahət büroları, gözəllik salonları (saç əkimi, lazer epliyasiya, botoks, mezzoterapi), gimnastika zalları, bərbərxanalar, restoranlara malikdir.

Başqa bir məlumatda qeyd olunur ki, Azərbaycan Həmkarlar İttifaqları Konfederasiyasının balansındakı “Kurort” Səhmdar Cəmiyyəti “putyovkaları” (yollayışları) satmaqla məşğuldur. “Kurort”a 8 sanatoriya, 1 müalicə pansionatı və 10 istirahət bazası daxildir.

Mediada yayılan məlumatlardan da aydın görünür ki, Səttar Möhbalıyevin yüzmilyonlarla sərvəti var və sirr deyil ki, bu sərvətin qaynağı Azərbaycan Həmkarlar İttifaqları Konfederasiyası, yəni xalqın malıdır.

Ramiz Novruzov kimi sənətkarlarımızın ölməli yox, istirahət etməli yerlər ya Səttar Möhbalıyev tərəfindən satılıb, ya da “dost-tanışın” oylağına çevrilib.

Belə görünür ki, 30 ildir Milli Məclisdə kreslo da zəbt edən Səttar Möhbalıyevin nə Azərbaycan Həmkarlar İttifaqları Konfederasiyasından, nə də qanunverici orqanda tutduğu yerdən imtina etmək niyyətində deyil. Başını quma soxub, düşünür ki, hamıdan gizlənib, amma anlamır ki, hər şey ortadadır və hər kəs Azərbaycan Həmkarlar İttifaqları Konfederasiyasının necə çapıb-talandığını da görür, kimin taladığını da!

Zaur Hacılı
Demokrat.az

Sabiq Naftalan başçısının İNANILMAZ MÜLKLƏRİ

Yaradılıb 03.03.2023 09:07 | Baxış sayı: 141

xeberfakt.az Ölkə prezidenti, ali baş komandan İlham Əliyevin dəfələrlə məmurlara xalqa xidmət edin deməsindən nəticə çıxarmayanlar var. Bunlardan biri də xalqa yox, cibinə xidmət edən Naftalanın sabiq icra başçısı Natiq Aslanovdur. Əməlli-başlı iştahı olan bu icra başçısı işlədiyi dövrdə şəhərin büdcəsini həzmi-rabeədən keçirib. Ali baş komandan sözünü də boşuna qeyd etmədik. Sabiq icra başçısı Natiq Aslanov hərbidən yayınan, el dilində desək dezertir məmurlardandır.

Beləliklə, Natiq Aslanovun cəmi 10 min əhalisi olan Naftalandan "qopardığı" əmlakların siyahısını təqdim edirik. Onu da bildirək ki, Aslanovun fəaliyyətinin araşdırılması məqsədi ilə ara-aıra şəhərdən bəzi vəzifə sahibləri sorğu-sual olunsa da, hələlik araşdırmanın effektiv nəticəsi gözə dəymir. Elə olmasaydı, maaşla bu qədər mülkün necə alındığı çoxdan xalqa açıqlanandı!

1. Naftalan şəh, İ.Həsənzadə küçəsi, bina 23

(Naftalan mall),

2. Naftalan şəhəri, bina 15 (gözəllik salonu),

3. Naftalan şəhəri bina 1 (Çinar market),

4. Naftalan şəhəri, bina 2 (Naftalan şəh. Gigiyena və Epidemologiya idarəsi),

5. Şirvan prospekti, Karvan otelin arxası, 1 ha torpaq sahəsi,

6. Karvan otelinə şərik,

7. Naftalan şəh, köhnə hamamın yeri 0,67 ha torpaq sahəsi,

8.Naftalan Safıkürd yolunun sol tərəfi 1.2 ha torpaq sahəsi,

9. Naftalan şəh. İ.Məmmədov küçəsi, Yarımstansiyanın qarşısı 12 sot həyətyanı torpaq sahəsi,

10. Naftalan şəh. Şirvan prospekti Qarabağ otelin qarşısı 0,82 ha torpaq sahəsi,

11. Bakı şəhəri, Abşeron otelin yanı, 320 m² bir milyonluq bina evi.

Qeyd edək ki, şikayət əsasında 3 il öncə Kommunal Təsərrüfat İdarəsində yoxlamalar aparan Korrupsiyaya Qarşı Mübarizə İdarəsi böyük pozuntular qeydə aldı. Sonda 2 məmur ev dustağlığı ilə cəzalandırılıb və əmlakına həbs qoyulub. Maaş kartlarını ələ keçirməklə edilən bu qanun pozuntusundan icra başçısının necə xəbəri olmaması da böyük maraq doğurur. Axı bu cür işlər özbaşına edilə bilməz.

Mövzunu xalqımızın gözəl bir kəlamı ilə bitirmək istərdik. "Allah gözünüzü doyursun". Bu iştah sizi ya qəbirə, ya da barmaqlıqlar arasına aparacaq. Getdiyiniz hər iki yerdə də sizə o yığdığınız var dövlət gərək olmayacaq. Bu gün arxa çevirdiyiniz, xidmət etməkdən imtina edib nəfsinizə qulluq etdiyiniz xalqın qəzəbindən qorxun.

Qeyd edək ki, mövzu ilə bağlı qarşı tərəfin də mövqeyini işıqlandırmağa hazırıq.

xeberfakt.az

3 saylı Sabunçu Tibbi Mərkəzində AİLƏ BİZNESİ - İTTİHAM VAR!

Yaradılıb 03.03.2023 08:59 | Baxış sayı: 205

Hərbdən yayınmaq, narkotestdən keçmək, əlillik kağızı düzəltmək üçün Qaracayev “tarif” müəyən edib... Mərkəzdə nə qədər bağban, mühafizəçi, “ölü canlar” var.? Qısa məlumat üçün qeyd edək ki, TƏBİB-in rəhbəri Vüqar Qurbanovun apardığı kəllə-mayallaq struktur islahatlarınınnəticəsində bu gün Bakıda yerləşən xəstəxanalar hər rayon üzrə MƏRKƏZ adı altında birləşdirilərək paytaxt səhiyyəsində dözülməz vəziyyət yaradıblar.
Məsələn, Sabunçu rayonu ərazisindəki xeyli xəstəxana 3 saylı Sabunçu Tibbi Mərkəz də birləşdirilib. Və Bakının məşhur 3 saylı Sabunçu Klinik Xəstəxanası rayon ərazisindəki tibb müəssisələri üçün Tibbi Mərkəz rolunu oynayır. Və vaxtilə 3 saylı şəhər Kliniki Xəstəxanasının Travmotologiya şöbəsinin müdiri olan İlgar Qaracayev yenə burada at oynadır, qohum-əqrəbasını başına toplayaraq ailə biznesi qurub. Bəli, İlqar Qaracayevin yaxınları olan Kazım Qaracayev, Heyran Quliyev, və başqaları xəstəxananı və Tibbi Mərkəzi, sözün həqiqi mənasında bazara çeviriblər. Təsəvvür edirsiniz, Bakının 12 rayonunda hərbi komissarlara, ümumiyyətlə, kiməsə saxta sağlamlıq arayışı lazım olursa, anındaca İqar Qaracayevə müraciət edərək, haqq-hesabını verib saxta sağlamlıq arayışları alırlar. Bir soruşan yoxdur ki, niyə bu saxta arayışları başqa rayonların tibb mərkəzlərindən almırlar, mütləq 3 saylıya üz tuturlar..?
Daha aydın şəkildə desək, kimsə hərbi xidmətdən yayınmaq istəyirsə, İlqar Qaracayevə və onun mərkəzdəki qohum-əqrəbasına müraciət edir. Yaxud kiməsə narkotik testi-arayışı lazmıdırsa, mütləq İlqar doktoru axtarır. Hətta saxta yolla özünə pensiya, əlillik kağızı düzəltmək istəyənlər də İlqar Qaracayevlə dil tapır, işlərini həll edirlər. Bir sözlə, İlqar Qaracayev, Kazım Qaracayev, Heyran Quliyev və onların yaxın çevrəsi xəstəxanada əməlli-başlı rüşvət-korrupsiya maşınını işə salıblar. Hələ bu harasıdır..? Xəstəxanaya daxil olanda adamın gözünün qabağına 1941-1945-ci illər müharibəsində yaralananlara xidmət göstərən xəstəxana gəlir. Görəsən, o vaxtdan keçən 75-80 ildə bu xəstəxana niyə köhnə görkəmini saxlayıb..? Axı, təkcə son illərdə bu xəstəxananın təmirinə, müasir tibbi avadanlıqların alınmasına yüz minlərlə dövlət vəsaiti xərclənib. Bəs görəsən o pullar hara xərclənib..? Onu da qeyd edək ki, TƏBİB-in koordinatoru İmran Qurbanov, TƏBİB-in şöbə müdiri Kəmalə Ağayeva 3 saylı Tibbi Mərkəzdə yoxlama aparıblar. Bəs nəticəsi nə oldu...? Əgər mərkəzdə ciddi yoxlama aparılsa, İlqar Qaracayevin və onun qohum-əqrəbasının həbsi qaçılmaz olacaq. Əgər cənab Prezidentimiz bu xəstəxanada ciddi yoxlamaya göstəriş versə....
Bəlli oalcaq ki, təmir və bərpa adı altında yalandan divarlara boya çəkərək yüz minləri mənimsəyiblər. Bəlli olacaq ki, dövlətin vəsaiti hesabına xəstələrə verilməli olan ərzaq və digər qidalar kimlərin marketlərində satılıb. Bəlli olacaq ki, dövlətdən hər ay əmək haqqı alan, 70-ə yaxın mühafizəçi, bağban və digər işçilər kağız üzərində maaş alırlar, amma işə gəlmirlər. Bəlli olacaq ki, 246 min Sabunçu sakininə quluq etməli olan Tibbi Mərkəzi İlqar Qaracayev və onun qohum-əqrəbasına “xidmət” edir. Yeri gəlmişkən, onu da qeyd edək ki, xəstəxananın baş həkimi, mərkəzin direktoru Fikrət Zeynalov bu yerində olmayan, yarıtmaz və ən əsası xəstəxananı öz şəxsi biznesinə çevirən Qaracayevlərin əməllərinə son qoymalıdır.
PS: İlqar Qaracayevlərin 3 saylı tibbi mərkəzdə apardıqları işlər sanki bazarda edilən alverə bənzəyir. //gundelik-baku.com//

“Astetik Lab Vip Style”mərkəzində ana-balaya əməliyyat adı ilə elə"sığal" çəkildi ki... - MÜRACİƏT

Yaradılıb 03.03.2023 08:57 | Baxış sayı: 1160

“Azad İstehlakçılar” Birliyinin sədri Eyyub Hüseynova

Sumqayıt şəh.2-ci məhəllə
bina 5/28 mən 58 də yaşayan
Qasımova Səriyyə Namiq qızı və Qasımova İradə Alik qızı tərəfindən
0774608372

Ərizə

Hörmətli Eyyub müəllim,

Sizə şikayətim Bakı şəh, Hüsü Hacıyev 3.5.6 ünvanda yerləşən “Astetik Lab Vip Style”mərkəzinəndir. Yazıb Sizə bildirirəm ki, 2022-ci il sentyabr ayında bizə (qızımla) 28 Mayda yerləşən estetik mərkəzindən mobil telefona zəng olundu və bizi pulsuz dəri müayinəyə dəvət etdilər. Əlaqə saxlayan (0552071700-mob. Aylin xanım idi) bizdə pulsuz müayinə olduguna görə razılaşdıq, elə həmən günü 16-30 da müayinəyə getdik. Müayinə zamanı bizi ayrı ayrı kosmetoloqlar müayinə etdi. Mənə üz dərimin nəmliyi qurulugu yoxlanılıb üzdərimin bir hissəsinə nəmləndirici krem çəkildi, 15 dəq gözlənildi, sonra təkrar yoxlama nəticəsində məlum oldu ki, nəticə çox yaxşıdı, mənə əməliyyatsız üzgərmə (Ultraformer 7D) təklif olundu və prosedurun qiyməti 1200.00 manat dedilər, mən cavabında dedim çox bahadı, mənim maaşım cəmi 480.00 manatdı, kosmetoloq məni başqa kosmetoloqun yanına apardı, səhv etmirəmsə adı Zara idi, o isə mənə müdiriyyət tərəfindən qiymətlərin 70 faiz aşagı salındıgını dedi və 472.00 manat edir sizin prosedur fürsəti qaçirmayın yeddi il öncəyə dönmək istəməzsiz məndə əlimdə pulumun olmadıgını qızımla məsləhətləşməyi dedim, mənimlə birlikdə çıxıb qızımın olduğu otağa getdik qızıma da təklif olunmunmuşdu o da deyirdi pulumuz yoxdu, məndə dedim bir kart varımdı, onunla ödəniş etmək olarsa razılaşdılar hər birimizə 200.00 azn. ( 400 manat) ödədik dedilər nə baş versə də pul geri qaytarılmır, soruşdum aylara bölünürsə dedilər xeyr, aylarada bölünmür etdiyimiz ödənişə peşman olsaq da gec idi dedik görək nə olacaq. Bizimlə müqavilə baglandı pulu ödəyəndən sonra, üzgərmə əməliyyatı isə 16.09.2022-ci il Gənclik metrosu yaxınlıgındakı Koroğlu Rəhimov kücəsi 49/51 ünvanda olan korpusda keçirildi. Əməliyyata girmədən öncə bizə pulun qalıgını ödəmək lazım oldugunu dedilər. Posedurdan qabaq agrı olub olmadıgını soruşdum dedilər prosedur zamanı ola bilər sonra keçəcək təssüf ki aylarla çənə sümüyumun və başımın agrısınan dayana bilmirdim, saçım tökülməyə başladı çox fəsadlar oldu bir ay ötdü heç bir dəyişiklik olmadı nədə zəng edib maraqlanmadılar özüm zəng edib dedim ki,heç sizdən zəng olunmadı mənim üzümdə heç bir dəyişiklik yoxdu bir gün keçəndən sonra zəng etdilər müayinəyə dəvət etdilər məndə iradımı bildirdim məhəl qoyan kimdi elə öz məhsullarından almagım üçün təklif etdilər məndə maddi cəhhətdən imkan olmadıgını dedim dedilər sizin yaşınızla əlaqədar üz dəriniz 3-4 aya nəticə verəcək 5 aydı heç bir nəticə yoxdu ağrılarım keçmiyib. Qızımlada eyni senari onun göz ətrafının təmizlənməsi ilə bağlı prosedurlar aparıldı hər prosedurda öz iradını bildirib ki nəticə yoxdu pulumu geri qaytarın həticədə yeni prosedur təklif etmişdilər o da razı olmadıgını bildirib.

27.02.2023-cü il tarixdə yxarida qeyd etdiyim ünvana gedib “Estetik mərkəzin” müdiri ilə görüşüb iradımı bildirmək istəsəm də, dedilər ki görüşdürə bilmərik, Aylin orada yox idi, dedilər ki, Alin mənimlə apreldə əlaqə saxlayacan, Aygünlə görüşdüm, o da dediki biz sizə hec nə kömək edə bilmərik. Şikayət edəcəyimi bildirdikdə cavab vermədilər.Bizə kosmetik mərkəz tərəfindən bir daha zəng olunmadı müayiniyə dəvət etmədilər. Ailə vəziyyətimiz imkansızdı qızım ailədə 3 uşağını özü saxlayır. Sizdən çox xahiş edirik ki ,bizim estetik mərkəzə ödədiyimiz 892.00 manat pulun alınmasına bizə köməklik göstərəsiniz, insanları aldadan bu mərkəzdə calışanların lisenziyasının mövcudluğu araşdırılsın, bu mərkəz barədə dövlət orqanlarına və KİV-lərə məlumat verilsin ki, başqa insanlar aldadılmasınlar.

İmza: Qasımova S.N.
Qasımova İ.A.
Tel: 0508431272 27.01.2023 //moderator.az//

Hat Medicine" klinikasında müştəriyə qarşı dələduzluq... - Şikayətçi prokurorluğa üz tutur...

Yaradılıb 03.03.2023 08:56 | Baxış sayı: 78

Azad İstehlahçılar birliyinin Sədri Eyyub Hüseynova

Bakı ş Binəqədi r. Şövkət Məmmədova k. 31/97 bina 1 mənzil 31 ünvanında yaşayan
Nərmin Əhədli tərəfindən

Şikayət ərizəsi

Hörmətli Eyyub bəy,

Mən Əhədli Nərmin Səyyad qızı sizə yazıb bildirmək istəyirəm ki, 2022- ci il 27 dekabr tarixində Yasamal rayonu Həmidov küçəsində, Hat Medicine klinikasının tərkibində yerləşən ofisində Nuray Məmmədli adlı kosmetoloqun qəbulunda oldum. Nuray xanım(+99455 265 86 36) tərəfindən razılaşdığımız üzrə Botoks proseduru etdirdim və xanımın qeyd etdiyinə əsasən 15 gün müddətinə nəticəni alacaqdım. (Bu arada qeyd etməliyəmki ödəniş etdiyimə baxmayaraq heç bir çek verilməyib. Kartla Nuray Mamadlinin şəxsi kart adresine ödəniş etdim və ödənişimin məbləği isə 200 AZN təşkil etmişdir.) Bu müddət ərzində heç bir nəticə əldə etmədim hansı ki öz xidmətini tərifləyərək mənə öncədən vədlər etmişdir alnım və qaş arasındakı qırışım15 gün müddətinə gedəcək.( hansıkı bariz şəkildə yerindəri) Ona 15 ci günün sonunda nəticə olmadığını bildirdim, o isə bunun növbəti günlər ərzində düzələcini qeyd edərək onun yanına yaxınlaşmağımı istədi və o isə ailəsində probləmlər olduğu üçün bu prosesi gecikdirərək məsələni uzatdı və heç bir geri donuş etmədi. Növbəti 10 gün keçməyinə baxmayaraq xanımdan zəng gəlmədi. Mən də buna əsasən ondan ödənişimin geri qaytarılmasını telefon vasitəsi ilə tələb etdim. Xanımla hörmət çərçivəsində həll yolu tapmağa çalışsaqda laqeyd yanaşmasına görə bu bir çözüm yolu olmadı. Buna görədə ondan zərərimin qarşılanmağını və ödənişimin geri qayatrılmağını tələb etməyimə baxmayaraq heç bir nəticə əldə edə bilmirəm, bundan əlavə xanıma göndərilən şəkillər vasitəsi ilə özüdə heç bir nəticə olmadığı ilə razılaşaraq və mənim pulumu geri qaytarmağı öz öhtəsinə götürdü. Lakin sonradan müxtəlif səbəbləri əsas gətirərək pulu qaytarmaqdan yayınmağa çalışdı. Xanimin istifadə etdiyi preparatın orijinallığınada şübhə edirəm bu preparatın tərkibinin sağlamlığıma belə zərər vura bilməsi məni narahat edir və bunu özümə dələduzluq kimi qəbul edirəm və başqa şəxslərin də dələduzların qurbanı olmasını isdəmirəm. Mende olan məlumata görə Nuray Mammadlinin kosmetoloji xidmət göstərdiyinə dair heç bir lisenziyası yoxdur. Hal hazirda xanim öz şəxsi profilində paylaşdığı informasidan malum olur ki o indi Vafa klinikada çalışır. (0552551019) Sizdən yazıb çox xahiş edirəm ki mənim pozulmuş istehlahçı hüquqlarımın bərpasında yardımçı olasınız, 200 AZN məbləğindəki ödənişimin geri qaytarılsın, və bu barədə hüquq-mühafizə organlarına və mediaya məlumat verilsin ki, əhali aldadılmasın.

Nuray Mammadlinin elaqe nomresi. +99455 265 86 36
Narmin Ahadli elaqe nomresi. +99450 3040917

Imza: N. Ahadli
Tarix: 27.02.2023 //moderator.az//

Cəlilabad xəstəxanasında nə baş verib? - VİDEO

Yaradılıb 03.03.2023 08:49 | Baxış sayı: 110

Cəlilabadda xəstə uşağını xəstəxanaya gətirən valideyn övladına zəruri müdaxilənin olunmadığını iddia edir.

Xezerxeber.az-ın məlumatına görə, Cəlilabad rayon sakini Nizami Hüseynov yaşyarımlıq körpəsini zəhərlənmə ehtimalı ilə rayon mərkəzi xəstəxanasının uşaq şöbəsinə aparıb.

Onun iddiasına görə, xəstəxanada uşağa heç bir tibbi yardım göstərilməyib. O da bütün baş verənləri telefonu ilə qeydə alıb.

Nizami Hüseynov iddia edir ki, növbətçi həkim ona şöbəyə dərman preparatlarının və sistem üçün ləvazimatların verilmədiyini deyib və zəruri dərmanları xəstə yaxınlarının almalı olduğunu bildirib.

Məsələ ilə bağlı Cəlilabad Rayon Mərkəzi Xəstəxanasından bildirilib ki, Nizami Hüseynov səhər saat 06:18 radələrində təcili tibbi yardım şöbəsinə müraciət etmədən birbaşa stasionar şöbəyə daxil olub və çəkiliş etməyə başlayıb.

“O, stasionar növbətçi həkim Rövşən Rzayevi təhdid edərək xəstəyə sistem qoşmağı tələb edib. Rövşən Rzayev isə xəstəyə baxış zamanı hər hansı klinik simptomlar aşkar etməyib. Lakin buna baxmayaraq atanın təkidinə uyğun olaraq, uşağın təcili yardım şöbəsində qeydiyyata düşməsini və xəstəxanaya qəbul edilməsini tövsiyə edib. Lakin Nizami Hüseynov təklifdən imtina edib”,- deyə xəstəxanadan bildirilib.

Daha ətraflı süjetdə:

Facebook-da paylaş

“Yağışdan çıxıb, yağmura düşmüşəm”...- Əvvəli bilinən amma axırı görünməyən "bəla"... ŞİKAYƏT

Yaradılıb 03.03.2023 08:13 | Baxış sayı: 122

18 dekabr 2020-ci ildə saytların birində “Mənzil şirkəti yazıçını aldadıb” adlı müraciətim dərc
edilmişdi. Həmin müraciətim 20-dən artıq saytda yayımlanmışdı. Aldanılmağımın mətbuatda geniş
yayılmağından narahat olan “Abşeron A1” MTK-nın iş icracısı, əslində isə şirkətə rəhbərlik edən
Babayev Bakir məni qəbuluna çağırdı. Hansı ki, əvvəllər aylarla çalışsam da, heç cürə onunla
görüşməyə imkan verilmirdi.
Bakir Babayev qəbulunda bildirdi ki, “AbşeronA1” MTK-nın möhür və blanklarından istifadə
etməklə xeyli adamı aldadan Ağayev Ağamoğlan Bulud oğlu guya neçə vaxtdır sədrlikdən azad
edilib, daha onun şirkətə aidiyyəti yoxdur. “Onun həbs edilməsinin sizə bir faydası olmayacaq. Neçə
illər bir yerdə işləmişik, mən də istəmirəm onun həbsini. (Ağamoğlan ikilikdə mənə etiraf etmişdi
ki, pulun hamısını özünə yox, şirkətə də xərcləyib.) Sizə mənzil lazımdır, sizi mənzilsiz
qoymayacayıq. Bizim binada boş mənzil qalmayıb, vəziyyətdən çıxış üçün gəlin razılaşın,
Xırdalanın mərkəzində, gözəl bir yerdə, “Proqress 2016” MTK var. Müdiri Emil Səməndərov yaxın
qardaşımızdır. Ağamoğlana ödədiyin pulu biz ona verəcəyik. Onun binasında mənzilini də, maliyyə
arayışını da, ödəmə qəbzini də - hamısını alacaqsan. Amma, gərək əlavə 5 min manat da ödəyəsən,
başqa cür mümkün deyil.”
Aldadıldığıma görə çəkdiyim vicdan əzabından, sıxıntılardan, Ağamoğlandan qurtulmaq üçün
razılaşdım. Bankdan 5 min manat kredit götürdüm. 27 avqust 2021-ci ildə mənzil müqaviləsi
bağlandı, deyilən qaydada ümumi ödəniş qəbzi verildi, söhbət maliyyə arayışının üstünə gələndə
Emil etiraz etdi ki, yenə 2500 manat da ödənsin, arayışı sonra verəcəyəm. Mən razı olmadım.
Ağayev Ağamoğlan məni yola gətirmək üçün müqavilənin aşağısında öz xətti ilə yazıb qol çəkdi ki,
“qalan 2500 manatı özüm ödəcəyəm”.
Ay yarımdan sonra MTK-nın ofisində pul yığan “xanım” zəng edib, qalan borcu da gətirməyi tələb
etdi. Ağayev Ağamoğlan həmişəki kimi sözünün üstündə durmadı. Mənə yenə “xəyalplov bişirdi”
ki, o pulu mənzilin təmirində verəcək. Məcbur olub, yenə arayış almaq xatirinə bankdan 2500 manat
da götürüb Emilə verdim, mənzilin haqqının tam ödənildiyi barədə maliyyə arayışı aldım. O zaman
müqavilədə yazılan 5-ci blokun 89-cu mənzilinin yerləşdiyi 14-cü mərtəbə təzə tikilirdi. Otağını
Quran nüsxələri, Əli əleyhissalamın qılıncının şəkli ilə bəzəyən, surədən, ayədən misal gətirən,
“imzama başımla cavabdehəm” deyən Emil Səməndərov başqaları kimi məni də arxayınlaşdırdı ki,
“uzağı beş-altı aya mənzil hazır olacaq, xəbər edəcəyəm gəlib təmirinə başlayarsız”.
Şübhəsiz, bütün bunlar Babayev Bakirin hesabına alındı. Yoxsa, Emil Səməndərov Ağayev
Ağamoğlanı adam yerinə saymırdı. Qoçu mühafizəçilərin əhatəsində onu günlərlə, həftələrlə
qapısının ağzında saxlayırdı.
Bir az rahatlansam da, ürəyimdə “yağışdan çıxıb yağmura düşməyimə” şübhələrim vardı.
İnternetdən öyrənmişdim ki, Emil Səməndərov bir mənzili dəfələrlə satmağa adətkar imiş.
Dələduzluğuna görə 4 dəfə məhkəmədə ittiham olunub, hər dəfə də cərimə cəzası ilə sudan quru
çıxıb. Demək, onu qoruyan “güclü əl” vardı. Hər kəsin hünəri ola bilməzdi bu qədər işlərə görə həbs
edilməsin, azadlıqda bəy balası kimi gəzsin. Hərəkətlərindən, səsinin tembrindən, qəbuluna gələn
adamları hədələməyindən də, görünürdü ki, arxasız deyil.
Mən Ağayev Ağamoğlana deyəndə, “deyirlər Emil bir evi 4-5 dəfə satır, siz məni başınızdan etmək
üçün bilərəkdən problemli binaya caladız”, cavab verirdi ki, “o, özündən əvvəlki rəislərin vaxtında
satılanları satır, özü tikdirdiyi 5-ci blokda təkrar satış yoxdur. Bu binanın “krışası” çox böyük
adamdır, korrupsiya idarəsi daim binaya, mənzillərin satışına nəzarət edir”.
Artıq il yarıma yaxın vaxt keçib, 14 və 15-ci mərtəbələr də tikilib, Lakin hələ ki, mənzillərin
divarları hörülməyib, boş meydan vəziyyətindədir. Vətəndaşlar da, nəhayət, 17 ildir gözləməkdən
bezib keçən payızdan – oktyabr ayından səslərin ucaltmağa, haqqlarını aramsız tələb etməyə
başlayıblar. Prezident Aparatına edilən çoxsaylı müraciətlərə görə Emil Səməndərova cinayət işi
açılıb və 26 dekabrda qəti imkan həbs tədbiri seçilib.
Məlum olub ki, 364 mənzilin doxsan faizi hər biri 4 adama satılıb. Mindən çox adamın pulu alınıb,
yeyilib, aldanılıb. İnanılmazdır, bu qədər pulu Emil Səməndərov tək mənimsəyib. Yeyintinin həcmi
Emilin boğazının ölçüsünə uyğun deyil. Qanunsuzluq onun əli ilə edilib, indi də “hünəri”
sənədləşdirilib, “əziyyəti” nəzərə alınaraq mühafizəli “istirahətə” göndəriləcək. Yəqin ki, dörd-beş il
burjuy kimi dincələndən sonra, şərti cəza alıb, azadlığa çıxacaq. Vəssalam, dələduzların böyük
“oyununun” nikbin finalı...
Bəs Ağamoğlan deyirdi ki, “binaya nəzarət edilir”, bu necə nəzarətdir, əksər hər mənzil 4 şəxsə
satılıb?.. On ildən çoxdur bu binaya sanki “zəlzələ” düşüb. Onlarla mənzil payçıları şəkərdən,
infarktdan dünyasını dəyişiblər. İnternetin “YouTube” şəbəkəsi son beş ildə “Proqress 2016” MTK-
ya aid etiraz videoları ilə aşıb-daşır. Doğrudanmı yüzlərlə insanın boğazından kəsib mənzil almaq
üçün verdikləri pullar havaya gedəcək? Doğrudanmı bu qədər adamı dövlətimizdən, hökumətdən
acıqlı, narazı salacaqlar?..
İllərdir davam edən bu “unikal” dələduzluqdan yüzlərlə edilən şikayətlər nəticəsində daha,
yuxarıdakı bütün səlahiyyətlilər xəbərdardırlar. Hazırda istintaqda ifadəmizi və əlimizdəki
sənədlərin əsillərini alıb biz zərərçəkmişlərə vəd edilir ki, heç kəs diqqətdən kənarda qalmayacaq,
hamının bu və ya digər formada zərəri ödəniləcək. Daim aldadıldığımıza görə, adamın heç inanmağı
gəlmir. Ancaq inanmaqdan başqa çarəmiz də, yoxdur. Ümid sonda ölür. Görək necə olacaq...
Rövşən (Həsənli) Yerfi
yazıçı-publisist
Teref.az

Niyazi Bayramov Gəncəni NECƏ XARABA QOYUR... - VİDEOFAKT

Yaradılıb 02.03.2023 10:13 | Baxış sayı: 193

Gəncə şəhərində ərazisində “Qanunsuz küçə ticarəti”nin qarşısının alınması məqsədilə hansısa nəzarət-profilaktiki tədbirlər keçirilirmi?
Gəncə şəhərinin giriş-çıxışları ,mərkəzi küçə və prospektlərində piyada səkiləri işbazlar tərəfindən zəbt edilməsini hər gün müşahidə edirik.Amma nədənsə müvafiq orqanlar eləcədə icra hakimiyyətinin bu sahəyə məsul olan şəxsləri bu haqda heç bir tədbir görmürlər. Şəhərdə İctimai asayişin qorunmasında bir başa məsul olan polisin paturul naryadları hara baxır? Bəlkə polis səkiləri zəbt edərək piyadaların hərəkətini çətinləşdirən, küçələrdə antisanitar vəziyyət yaradaraq pərakəndə ticarətlə məşğul olan satıcılar aşkarlayıb onlara İnzibati Xətalar Məcəlləsinin 454-cü (Qanunsuz küçə ticarəti, yəni müvafiq icra hakimiyyəti orqanı tərəfindən müəyyən edilməmiş yerlərdə malların satılmasına və ya işlərin görülməsinə görə) maddəsi ilə protokol tərtib etməyi öyrətmək lazımdır?

Gəncə şəhərinin giriş hissəsində nəqliyatın hər iki tərəfdən hərəkətini məhdudlaşdıran “daş bazarı”da yaradıblar.
Redaksiyamıza videofakt göndərən şəxs iddia edir ki, bu daş yüklü kamazlar hər gün post paturul xidmətinə dayanma-durmaya görə 3 -5 manat pul ödəyirlər.
Redaksiya olaraq inaırıq ki, Gəncəni auşuna alan “Qanunsuz küçə ticarəti”inə dur demənin tam zamnı çatıbdır.
Həm də onu qeyd edəki, Gəncə Beynəlxalq Avtovağzalının girişində post paturul Xidməti özünə “gestapo” postu qoymaqla vağzalın fəaliyyətini tam iflic edib desək yanılmayın.Bəli bu əslində belədir.
Bu avtovağzaldan sərnişinlə çıxan sürücülər də gündəlik haqqa otuzdurulduğu bildirilir.Bəlkə vəzifəli məmurlar bilmirlər ki, bu cür hərəkətlər sərgiləmək bir başa vəzifə səlahiyyətlərindən sui-istifadə etməklə digər cinayətlərə sövq edilməsi deməkdir?
Gəncənin daş bazarı və küçə ticarətini əks etdirən videosüjeti təqdim edirik:

"Xahiş edirik, bizim şikayətimizi Elşad Həsənova yönləndirməyin..." - ONSUZ DA İCRA ETMƏYƏCƏK...

Yaradılıb 02.03.2023 10:10 | Baxış sayı: 52

DİA.AZ: - Bakı Şəhəri N.Narimanov pr. 201, 203 saylı evlərdə yaşayan sakinlər adınadn Azərbaycan Respublikasının Prezidenti İlham Əliyev cənablarına, Azərbaycan Respublikası Prezidentinin Administrasiyasının, ərazi-təşkilat məsələləri şöbəsinin müdiri Zeynal Nağdəliyevə müraciət ünvanlayıblar. Bir nüsxəsi də DİA.AZ-a daxil olan müraciətdə deyilir:

"Yazıb bildirmək istəyirik ki, bu artıq Prezident Administrasiyasına və digər dövlət qurumlarına, deputatlara və digər şəxslərə ünvanladığımız 3 məktubdur. 2022-ci ilin noyabr ayında N.Narimanov pr. 201, 203 evlərdə və İnşaatçılar pr. 28 yaşayan sakinlərin kollektiv məktubunu 30 müxtəlif quruma göndərmişdik . Prezident Administrasiyasında cənab Z.Nəğdəliyevin müavini ilə danışılıb. Deyildi ki, həyətin işi tapşırılacaq Yasamal İH başçısı E. Həsənova. Xahiş edildi ki, Elşad müəllimə tapşırılmasın, çünki, iki dəfə sakinlər özləri müraciət ediblər və bir dəfə də 2021 ildə Arif Qaraşovun göstərişi ilə həyətin şlaqbaumu qırılanda Prezidentə məktubla müraciət edəndən sonra Bakı ş.İH işin icrasını tapşırmışdı Elşad Həsənova. Bu müracıətlərin hamısı icrasız qalmışdır. Elə bu axırıncı müraciətimiz kimi.
Bu müraciətlərdən sonra bir müsbət dəyişiklik olmayıb sakinlərin xeyrinə. Əksinə, binanın zirzəmisi satılıb. İki aydan çox idi ki binanın zirzəmisini qazırdılar, 2-ci blokdan 5-ci bloka kimi. Qonşular qorxurdular bina köhnə olduğundan çökər. Bizə heçnə demədən işləri aparırdılar, demirdilərdə nə edirlər. Qonşuların şıkayətindən sonra orada işlər dayandırıldı. Təzədən qayıdıb gəlməsələr yaxşıdır. Zirzəmi əvvəldən bomba sığınağı kimi nəzərdə tutulub və qaz, su və başqa mühəndis boruları oradan keçir, onun üçün zirzəmi daima açıq qalmalıdır. Oranı obyekt kimi satmaq olmaz! Hal hazırda zirzəmi 1 metrəyə kimi qazınıb, elə də qalıb.
Həyətin ərazisindən isə “XXІ əsr” özəl məktəbin maşınları necə prospekt əvəzi istifadə edirdilərsə elə də istifadə edirlər. AFB bankın işçilərinin maşınlarıda həmişəki kimi bütün gün ərzində həyətin ərazisindədilər, yanlarında 3 tayanacaq yeri ola-ola.
Bizim həyətə şlaqbaum qoyulmasa, vəziyyət düzəlməyəcək. Məktəbin 24 saat mühafizəçisi var. Pultun biri verilsin onlara bir tərəfdəndə onlar qoysunlar şlaqbaumu, özləri də nəzərət etsinlər. Ancaq həyətin ərazisindən kənar maşınları buraxmasınlar. A. Qaraşov bəyəm birinci dəfədən sakinlər ilə onun yanına gedəndə şlaqbaumu qoya bilməzdi? Niyə sındırdı sakinlərin şlaqbaumunu? Öz hökmranlığını burada göstərməkdən ötrü. Çünki belələri üçün insan adam deyil, ölkə isə vətən!
Dövlət orqanlarından gəlib baxıb gedirlər. Ancaq heç bir iş icra olunmur. Məktəbin lisenziyasını İqtisadiyyat Nazirliyi verib, nəzarəti isə Elm və Təhsil Nazirliyi etməlidir. İndi atırlar bir birinin boynuna. Elm və Təhsil Nazirliyi tərəfindən heç qabula da yazmırlar ki, özəl məktəblər bizim tabeliyimizdə fəaliyyət göstərmir. Bu lisenziya sizin rəyiniz əsasında verilib, nəzarət olmayacaqdısa niyə verirdiniz?
Əmlak komitəsindən nümayəndə gəldi və əraziyə baxmadan getdi. Dedi məktəbin orada 30 sot ərazisi var. 30 sot ancaq məktəbin fundamenti, ya ümumi sahəsi olar. Ancaq 2022 ilin yayında məktəb sakinlərə aid olan bağ sahəsini təmir edib, qatıb məktəbin ərazisinə. Sonradan zəng olunub onlara, deyilib ”gəlin dəqiq ölçün”. Dedilər:”Aparatları gətirib dəqiq ölçəcəyik”. Lakin hələ də , gəlməyiblər.İqtisadiyyat Nazirliyinin yanında Əmlak Məsələləri Dövlət xidmətindən aldığımız məktubda deyilir: “ Sözügedən torpaq ərazisi Bakı Şəhər İcra Hakimiyyəti Başçısının 1998 –cı ildə “Fərhad-92” şirkətinin daimi istifadəsinə ayrılmışdır”. Sənətdə deyilmir hansı sahədən söz gedir? 1998 ildən 2022 orada neçə dəfə genişlənmə olub. Həyət sahəsindən demək olar heçnə qalmayıb. Ən əsası, nə ixtiyarla 6 binanın sakinlərinin istifadəsinə verilən bağ sahəsi bir insanın biznes maraqlarına qurban verilməlidir? Məktəbi balaca, insanların sıx yaşaığı ərazidə, yolun kənarında və yaşıllığı məhv edərək tikilməsi birinci gündən məntiqsiz idi. Məktəbin binası tikilən zaman sakinlərə deyilmişdiki orada uşaqlar üçün rəssamlıq qalereyası tikiləcək, məktəb yox! Buna baxmayaraq insanlar bacardığı müqaviməti göstəriblər, ancaq o zaman A.Qaraşov vəzifə başında idi. Nə edə bilərdilər?
Qonşular neçə dəfə zəng ediblər DİN qaynar xəttinə maşınların həyətin ərazisindən keçməsi ilə bağlı. DİN tapşırır Bakı DYP-sinə onlar Yasamal DYP, iş helədə qalır. Sakinlərdən Yasamal DYP gediblər, onlar heçnə etmək belə fikirləri yoxdur. Heç bir dövlət qurumu işləmir. Axı bu torpaq sahəsi dövlətin, xalqın sərvətidir. Niyə belə yarıtmaz fəaliyyət göstərirlər? Ətraf insanlar isə deyirlər A.Qaraşov qoymur. Niyə pula görə insanları verirsiniz bu məmurların ayağına?
80 nəfərin imzası ilə Sizə məktub ünvanlanıb. Bu 80 nəfərin ümüdləridir...
Qaldı ki, bu məsələnin qanuni tərəfinə bundan əvvəl ki məktublarımızda ətraflı yazmışığ. Qanunları siz bizdən də yaxşı bilirsiniz, ancaq kimin üçünsə qanunlar işləyir kimin üçünsə yox".

Məsələ ilə bağlı dia.az olaraq bütün maraqlı tərəfləri dinləməyə hazırıq...

`Ağ şəhər` sakinlərinin QARA GÜNLƏRİ - İcazə olmadan vətəndaşın EVİ SÖKÜLÜR...

Yaradılıb 02.03.2023 09:00 | Baxış sayı: 39

Bu yarıqaranlıq otağa toplaşanlar Ağ şəhərdə yaşayan bir qrup sakindir. Uzun zamandır məskunlaşdıqları ərazidə dövlət lahiyəsi çərçivəsində tikinti işləri aparılır.

Tikinti işlərinə Xətai rayon İH-nin nümayəndələri rəhbərlik edir. Onlar qiymət məsələsində İcra Hakimiyyəti ilə razılaşa bilmədiklərindən yaşadıqları evlərdən çıxmaq istəmirlər. Sakinlərin sözlərinə görə, evləri tərk etsinlər deyə arada işığı, suyu kəsirlər.

Fərhad Əliyev də evindən çıxmaq istəmir. Amma deyir, Xətai rayon icra hakimiyyətinin nümayəndələri evini ondan icazə almadan sökməyə başlayıblar.

Dilarə Əhmədova DA yaşadığı mənzili göstərib, ona təklif edilən məbləğin azlığından gileylənir...

Xətai rayon İcra Hakimiyyətinin İctimai-siyasi və Humanitar Məsələlər üzrə şöbə müdürü Pənah İmanov Toplum TV-yə bildirib ki, vətəndaşlar sadəcə fürsətdən istifadəyə, daha çox pul almağa çalışırlar. Onun dediyinə görə, İcra Hakimiyyəti Ağşəhər sakinlərinə evləri qarşılığında yaxşı məbləğ təklif edib:

“O yekəlikdə lahiyə onlara görə qalıbdır. O vaxtları 340 min nə qədər idi, indi 614 min pul ödənilir, vəssalam. Biz dövlət olaraq həmişə vətəndaşın yanındayıq. Amma vətəndaş da fürsətçilik eləməməlidir axı. Gəlib orada toplaşırlar, bax beləcə, nə bilim, gündə bir şey çıxarırlar. Başa düşdünüz məni? Yəni, budur söhbət.”

Zahid Nağıyev də razılığı olmadan evi sökülənlərdəndir. Deyir ki, o, Ağ şəhərin hələ “Qara şəhər” deyə adlandırıldığı zamanlardan burada məskunlaşıb:

“2021-ci ilin. Fevral ayının birində qanunsuz olaraq, yəni, nə məndən icazə alıblar, nə də ki, xəbərdarlıq ediblər. Deməli, xətai ih, təxminən 20-25 polis işçisi ilə gəlib mənim evimi söküblər. Sökdülər deyəndə ki, dağıtdılar evi. Evdə iki azyaşlı qız uşağı var idi.”

Polisin ev söküntüsündə İcra Hakimiyyətinə köməyi hansı səviyyədə və necə olub? Daxili İşlər Nazirliyinin sözçüsü Elşad Hacıyev deyir ki, polis əməkdaşları hər hansı qanunsuz addım atmayıblar. Sadəcə, söküntü işləri zamanı vətəndaşların təhlükəsizliyini qoruyublar.

“Ağ Şəhər” sakinlərinin sözlərinə görə, haqqlarının bərpası üçün bütün hüquqi prosedurlara baş vuracaqlar.

Toplum TV

376 -dən səhifə 534