Fövqəladə Hallar Nazirliyinin Maddi Texniki-Təchizat İdarəsi “Mətbəə məhsulları” tenderinin nəticələrini elan edib.

Dia-az.info xəbər verir ki, tenderin qalibi “CBS-PP” MMC olub. Qalib şirkətə 294 901 manat ödəniləcək.

Dia-az.info-nun məlumatına görə, tender müsabiqəsinin qalibi olan "CBS-PP” MMC – 02.09.1998-ci il tarixində dövlət qeydiyyatına alınıb. Nizamnamə kapitalı 338 min 579 manat olan MMC-nin hüquqi ünvanı Yasamal rayonu, Mikayıl Müşfiq, ev 12, m. 34-də yerləşir. MMC-nin qanuni təmsilçisi İsmayılov Hikmət Əbuzər oğludur.

Qeyd edək ki, "CBS-PP” MMC daha əvvəl də Fövqəladə Hallar Nazirliyinin keçirdiyi tender müsabiqələrində qalib olub. Mətbuatda yer alan çoxsaylı məlumatlardan (bugünə kimi təkzib olunmayıb) belə görünür ki, "CBS-PP” MMC-nin qanuni təmsilçisi İsmayılov Hikmət Əbuzər oğlu eyni zamanda Fövqəladə Hallar naziri Kəmaləddin Heydərovun bacanağıdır.

İsmayılov Hikmət Əbuzər oğlunun eyni zamanda “AFB Bank” ASC-nin əsas səhmdarı olduğu bildirilir.

Xatırladaq ki, “AFB Bank” ASC-nin səhmlərinin 99,6%-i vaxtı ilə Fövqəladə Hallar naziri Kəmaləddin Heydərovun ailə üzvlərinə məxsus olduğu bildirilən “Gilan” MMC-yə məxsus olub. Ötən ilin fevral ayında “Gilan” MMC bankdakı səhmlərinin hamısını Hikmət Əbuzər oğlu İsmayılova satıb. Səhmlərin satış məbləği açıqlanmasa da bu alqı-satqının təxminən 70 milyon manat olduğu bildirilir.

Hikmət İsmayılov eyni zamanda "AzSigorta” ASC-nin 100%-lik təsisçisi və sahibidir.

Yəni görünəni odur ki, QOCA KƏMALƏDDİN KÖHNƏ QAYDADA YEYİR... Yəni Heydərov cənabları "öz əlim, öz başım" deyib dövlət büdcəsinin üstünə rəsmən çöküb...

Keçmiş diplomatın regiondakı mədəniyyət siyasəti Bərdədəki 3 nömrəli Uşaq Musiqi Məktəbini bu günə qoyub
Son vaxtlar mediada Mədəniyyət Nazirliyinin Regional Mədəniyyət İdarələrində və tabe müəssisələrdə aparılmış yoxlama və xidməti araşdırmaların nəticələrinə əsasən bir çox rəhbər vəzifəli şəxslərin əsasən dələduzluq, mənimsəmə və israf etmə, rüşvət alma, vəzifə səlahiyyətlərindən sui-istifadə və vəzifə saxtakarlığı cinayətləri törətmələri faktlarına dair cinayət işinin başlanılması barədə məlumatlar yayılmaqdadır.

Bu məlumatlarda daha çox Regional Mədəniyyət İdarələrinin tabeliyində olan gözdən uzaq musiqi məktəblərində, mədəniyyət evlərində, kitabxanalarda, muzeylərdə vəzifəli şəxslərin mənimsəmə və israf etmə, rüşvət alma kimi qanuna zidd əməllər törətdikləri qeyd olunur.

Elektron mediada yayılan məlumatlarda son vaxtlar Qarabağ Regional Mədəniyyət İdarəsinin tabeliyində olan bir çox mədəniyyət müəssisələrində də narazılıqların çoxaldığı bildirilir. Belə ki, müəmmalı şəkildə Mədəniyyət naziri postundan atımış Anar Kərimovun Ağcabədi Regional Mədəniyyət İdarəsinin rəisi vəzifəsinə gətirdiyi, birinci dərəcəli müşavir diplomatik rütbəsinə malik Qalib Həsənov indi regionun kənd müsiqi məktəblərində naraqzılıqlar yaradır. Yeni mədəniyyət naziri Adil Kərimlinin əmri ilə yeni yaradılmış Qarabağ regional Mədəniyyət İdarəsinin rəisi vəzifəsinə təyin edilən Qalib Həsənov mediada yayılan məlumatlara görə artıq heç kimi saymır və mədəniyyət müəssisələrində istədiyi vaxt xoşu gəlməyənləri işdən çıxarır, istədiyi şəxslərə də himayədarlıq edir.

Qarabağ Regional Mədəniyyət İdarəsinin tabeliyindəki klub, kitabxana, incəsənət və musiqi məktəblərindəki neqativ halların, özbaşınalıqların baş verdiyi bir mədəniyyət müəssisəsi də Bərdə şəhərində fəaliyyət göstərən 3 nömrəli Uşaq Musiqi Məktəbidir. Bu barədə Aktualinfo.org redaksiyasına verilən məlumatda bildirilir

Məlumatda qeyd edilir ki, məktəbin direktoru Fəqani Əliyev sözügedən vəzifəyə Vidadi İsayev Bərdə rayon İcra Hakimiyyətinin başçısı təyin olunduqdan sonra gətirilib. Artıq 12 ildən çoxdur ki, məktəbə rəhbərlik edir. Odur ki, Musiqi Məktəbinin fəaliyyətinə ciddi nəzarət etmir, istədiyi vaxt gəlir, gedir. Burada çalışan müəllimlərin əksəriyyəti də Fəqani Əliyevə yaxınlığı ilə tanınır. Elə ona görə də direktor müəllimlərin işə gecikməsi, işdən tez çıxması, tabelə qol çəkməməsi kimi hallara ciddi nəzarət etmir. Bu da Musiqi Məktəbində müəllimlərin dərslərini keyfiyyətli şəkildə keçməmələrinə səbəb olur. Direktorun məktəbdə dərs saatlarının bölüşdürülməsində də ayrıseçkiliyə yol verdiyi, ona yaxın olan müəllimlərə 30 dərs saatı yazdığı halda, bəzilərinə 8-10 dərs saatı yazaraq kifayətləndiyi bildirilir. Qeyd edilir ki, direktor hər ay müxtəlif bəhanələrlə bir çox müəllimlərin əmək haqlarından qanunsuz pul tutulmaları da aparır.

Hətta qeyd olunur ki, Bərdə 3 nömrəli Uşaq Musiqi Məktəbində araşdırma aparılarsa adları məktəbdə gedən, amma faktiki olaraq işləmiəyən şəxslərin adına əmək haqqı yazıldığı, uşaqların sayını artırmaqla siniflərin yaradılması və bununla da külli miqdarda dövlət vəsaitinin mənimsəməsi halları da aşkarlana bilər.

Məlumatlara görə direktor Fəqani Əliyev Uşaq Musiqi Məktəbində təhsil alan şagirdlərin də sayının süni şəkildə şişirdir. Bəzi ixtisaslar üzrə qəbul zamanı uşaqların valideynlərindən pul da alır. Yoxlama aparılarsa məktəbdə heç zaman görsənməyən şagirdlər üzə çıxa bilər. Bu isə məlum məsələdir ki, siniflərin sayını artırmaqla direktor dövlət büdcəsindən artıq vəsait əldə etmiş olur.

Direktor Fəqani Əliyevin hətta vəzifəsindən sui-istifadə edərək Qarabağ Reginoal Mədəniyyət İdarəsinin rəisi Qalib Həsənovla əlbir olub rəhbərlik etdiyi məktəbdə işə qəbullar etdirdiyi, onlarla şəxsin adını məktəbdə müəllim kimi qeyd edərək, həmin müəllimlər işə gəlmədikləri halda onlara yüksək əmək haqqı yazdıraraq külli miqdarda dövlət vəsaitlərini mənimsədiyi də deyilir ki, bütün bunların hüquq mühafizə orqanları tərəfindən araşdırılmasına ciddi ehtiyyac olduğu da məlumatlarda yer alıb.

Həmçinin qeyd edilir ki, direktor rayonda olan havadarlarına və rəisi Qalib Həsənova arxayın olaraq ciddi qanun pozuntularına yol verir, müəllimlərin etirazlarına heç bir əhəmiyyət vermir, açıq şəkildə bildirir ki, mən heç kimdən qorxmuram. Bir sözlə direktor Fəqani Əliyev Bərdə rayonundakı 3 nömrəli Uşaq Musiqi Məktəbini 13 ildir ki, öz şəxsi mülkü kimi idarə etdiyi söylənilir.

Qeyd edək ki, Bərdə rayon 3 nömrəli uşaq musiqi məktəbi 1993 – cü ildən fəaliyyət göstərir. Məktəbdə 190 nəfər müəllim 396 şagirdə fortepiano, tar, qarmon, kamança, səs, skripka kimi ixtisaslar üzrə dərs keçirlər. Məktəbdə 3 şöbə fəaliyyət göstərir, xalq çalğı alətləri şöbəsi, fortepiano şöbəsi, nəzəriyyə şöbəsi.Bunlar rəsmi məlumatlardır. amma qeyri rəsmi məlumatlara şgirdlərin sayı göstəriləndən iki dəfə çox olduğu bildirilir. Bir sözlə Musiqi Məktəbinin həm müəllim heyətinin həm də şagirdlərin sayının dəqiq sayını bilən yoxdu.

Direktor Fəqani Əliyevə gəlincə. Rəsmi məlumatlara görə 1993-cü ildə Q.Hüseynli adına Gəncə Orta İxtisas Musiqi Texnikomunun Xalq çalğı alətləri şöbəsinin qarmon ixtisasını bitirmişdir. Naxçıvan Dövlət Universitetinin İncəsənət fakültəsində Musiqişünaslıq ixtisası üzrə təhsil alıb. 1995-2006-cı illərdə Bərdə 3 nömrəli uşaq musiqi məktəbində qarmon müəllimi işləmişdir. 2006-cı ilin dekabr ayından 2011-ci ilə qədər Divanlı kənd uşaq musiqi məktəbində direktor, 2011-ci ildən hal-hazıra kimi Bərdə şəhər 3 nömrəli uşaq musiqi məktəbində direktor vəzifəsində işləyir.

Aktualinfo.org

“Rabitəbank” ASC-nin İdarə Heyətinin sabiq sədr müavini, hazırda “Finoko” bank olmayan kredit təşkilatının (BOKT) baş direktoru vəzifəsini icra edən Turan İsmayılov Nyu-Yorkun Manhetten səmtində 735.000 dollar dəyərində mənzil alıb.
TEREF yazır ki, bunu müstəqil araşdırmaçı jurnalist Cavanşir Həsənli öz feysbuk səhifəsində yazıb. O, daha sonra yazır:
Mənzil Nyu-York, 250 S End Ave Apt 8e ünvanında yerləşir.
Alqı-satqı ötən ilin dekabrın 20-də olub.
Cavanşir Həsənli
TEREF

Bakının Nərimanov rayonunda ağacların kütləvi kəsilməsi barədə şikayət var.

Məlumatı "Tribunainfo.az" yayıb.

Bildirilir ki, rayonun Faiq Yusifov küçəsində yerləşən MTK-nın qaşısında iri gövdəli çoxillik 17 ədəd zeytun ağacı kəsilərək götürülüb.

Bu həmin ərəfədə baş verir ki, Prezident İlham Əliyev 2024-cü ilin "Yaşıl dünya naminə həmrəylik ili” elan edilməsi haqqında Sərəncam imzalayıb. Həmçinin Azərbaycanın 2030-cu ilə qədər sosial-iqtisadi inkişafa dair beş milli prioritetindən biri "Təmiz ətraf mühit və yaşıl artım ölkəsi” kimi müəyyən edilib.

Həmin sənədə görə, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır.

Bundan başqa, BMT-nin İqlim Dəyişikliyi Konfransı və ya COP29 2024-cü ilin noyabrında Bakıda keçiriləcək. Amma Bakı şəhərinin Nərimanov rayonunda fəaliyyət göstərən tikinti şirkətləri və müəyyən qurumlar ekoloji problemlər yaratmaqda davam edirlər.

Məlumatda bildirilir ki, artıq Nərimanov rayonunda qanunsuz ağac kəsilməsi adi hal alaraq "ekoloji genosid”ə çevrilib.

Ekologiya və Təbii Sərvətlər Nazirliyindən həmin ərazidə 14 ağacın olması barədə akt tərtib olunduğu və 2 ağacın köçürülməsinə ekoloji rəy verildiyi açıqlanıb.

Tikinti şirkətindən bildirilib ki, 17 ədəd ağacın köçürülməsi ilə bağlı bələdiyyə sədri ilə sövdələşiblər, bələdiyyə sədrinin rəhbərliyi ilə ağaclar kəsilərək aparılıb.

Məlum olur ki, Təmraz Tağıyev maddi maraq müqabilində bələdiyyə sədri səlahiyyətlərindən kənara çıxaraq artıq Ekologiya və Təbii Sərvətlər Nazirliyinin və Bakı şəhər İcra Hakimiyyətinin vəzifə səlahiyyətlərini də icra edir.

Yaşıllaşdırma Təsərrüfatı Birliyindən isə sorğumuza cavab olaraq qeyd olunan ünvanda ağac kəsilməsi ilə bağlı məlumat daxil olan kimi əraziyə baxış keçirildiyi, 14 ədəd zeytun ağacının qanunsuz köçürüldüyü faktı təsdiqlənib. Həmçinin tikinti şirkəti tərəfindən yaşıllığın götürülməsi və ya köçürülməsinə dair hər hansı bir sənədin təqdim edilmədiyi və qeyd olunan qanunsuzluqla bağlı Baş Prokurorluğa müraciət olunduğu bildirilib.

"Ümid edirik ki, ağac kəsmə ilə məşğul olaraq yaşıllığa qənim kəsilən bələdiyyə sədrinin qanunsuz əməllərinə hüquqi qiymət veriləcək. Görünən isə mötəbər "COP 29” ilində rayon ərazisində yaşıllığın məhv edilməsinə aidiyyati qurumların biganə yanaşmasıdır", - deyə məlumatda vurğulanır.

Naxçıvan Muxtar Respublikasının Turizm Departamenti 2023-cü ildə muxtar respublikada keçirilən bəzi tədbirlərin təşkilatçılığını edib.

TNS-ə ötən ilin may ayında keçirilən tədbirlərdən birinə 5 milyon manata yaxın vəsait xərcləndiyi ilə bağlı məlumat daxil olub. İddia edilir ki, həmin vəsait tender keçirilmədən xərclənib. Bundan başqa, o vəsaitin istifadə olunması ilə əlaqədar bəzi qaranlıq məqamlar var.

Turizm Departamentinin təşkilatçılığı ilə ötən ilin may ayında hansı tədbirlər keçirilib və nə qədər vəsait xərclənib? Bu tədbirlərin təşkili ilə bağlı tender keçirilibmi? Həmin tədbirlərin təşkil olunması məqsədilə hansı şirkətlərlə müqavilə bağlanıb? Tədbirlərin təşkili üçün hansı mənbələrdən istifadə olunub?

Bu suallara aydınlıq gətirilməsi üçün Turizm Departamentinə sorğu göndərilmişdi.

Sorğuya cavabda bildirilib ki, qeyd olunan tədbirlərin əsas təşkilatçısı Naxçıvan Muxtar Respublikası Nazirlər Kabinetidir. Ona görə də suallarımızı aidiyyəti üzrə yönəltməyimiz xahiş olunmuşdu.

Naxçıvan Muxtar Respublikasının Nazirlər Kabinetindən bildirilib ki, 2023-cü ilin may ayında Nazirlər Kabinetinin təşkilatçılığı ilə tədbir keçirilməyib.

Nazirlər Kabineti muxtar respublikanın yuxarı dövlət orqanıdır. Ona görə də qurumun yalan məlumat verməsini ehtimal etmirik.

Belə olduğu təqdirdə ötən dəfə ünvanlanan suallara daha bir neçə sual əlavə edilərək fevralı 22-də və martın 14-də Turizm Departamentinə təkrar soğru göndərilib. Təəssüf ki, həmin sorğuların göndərilməsindən iki aya yaxın vaxt keçməsinə baxmayaraq, sorğulara cavab verilməyib.

Bir tədbirə 5 milyon manat vəsait xərclənməsi mümkün deyil. Üstəlik, tədbir beynəlxalq tədbir də olmayıb. Sorğulara cavab verilməməsi iddiaların doğruluğunu təsdiqləyir. Deməli, belə bir tədbir keçirilib və həmin vəsait də xərclənib. Əks təqdirdə, Turizm Departamenti məsuliyyəti Nazirlər Kabinetinin üzərinə atmaz, sorğulara cavab verərdi.

Turizm Departamenti medianın sorğusuna yalan məlumat verib? Əgər belədirsə, yalan məlumat verməyə qurum rəhbərini kimlər vadar edib? Apardığımız araşdırmalar nəticəsində əldə etdiyimiz təkzibolunmaz faktlar sübut edir ki, həmin tədbiri Turzim Departamenti təşkil edib. Turizm Departamenti muxtar respublika səviyyəli bayram tədbiri təşkil edə bilərmi? Bu vəsait hara xərclənib? Bu qədər böyük məbləğdən tender keçirilmədən niyə istifadə olunub?

TNS-in aylardır, yönəltdiyi sualları aidiyyəti dövlət orqanları cavablandırmır. Maraqlıdır ki, bir neçə dəfə ictimailəşdirilən, gündəmə gətirilən bu məsələyə muxtar respublika rəhbərliyi reaksiya verməyib. Bəs, muxtar respublikaya nəzarət funksiyasını yerinə yetirən Prezidentin səlahiyətli nümayəndəsi Fuad Nəcəfli niyə susur? Dövlət büdcəsindən bu qədər vəsaitin tendersiz xərclənməsi, hətta şübhəli formada xərclənməsi iddiası niyə araşdırılmır? Bunlar ciddi suallardır. Bu məsələyə aydınlıq gətirilməli, 5 milyon manatın hara və necə xərcləndiyi araşdırılmalıdır. Naxçıvan rəhbərliyi bu işin mənəvi tərəfini də nəzərə almalı, ciddi araşdırma aparmalıdır.