 |
|
|
Hakimiyyət daxilində "təmizləmə əməliyyatı" davam edir. Yaxın günlərdə daha bir icra başçısı işdən çıxarılacaq. Yola salınacaq şəxsin adı da məlumdur.
TEREF.AZ xəbər verir ki, Yenisabah.az-ın əldə etdiyi məlumata görə, iş yerini itirəcək "kiçik padşah" Lənkəran rayon icra hakimiyyətinin başçısı Taleh Qaraşovdur. 64 yaşlı Qaraşovun "vurulması" iki əsas səbəblə əlaqəlidir.
Məlumatlara görə, 2022-ci ildə Lənkəran Şəhər İcra Hakimiyyəti başçısının müavini Rasilə Arifqızının 4 nömrəli humanitar təmayüllü məktəb-liseyin azyaşlı şagirdinə qarşı zor tətbiq etməsi, məktəblini döyməsi sabiq müavini ilə yanaşı, Taleh Qaraşova da problem yaradıb. İcra başçısı o vaxt şəxsi əlaqələrini işə salaraq, vəzifəsini qoruya bilsə də, bu hadisə unudulmayıb. Hakimiyyətin yuxarı eşelonunda hesab edirlər ki, xanım müavin məhz başçıya güvənərək, bu cür qanunsuzluğa əl atıb. Buna görə də təkcə o özü deyil, onun qanunsuz əməllərinə göz yuman icra başçısı da cavab verməlidir.
Digər səbəb isə Taleh Qaraşovun çoxillik fəaliyyətilə bağlıdır. Belə ki, Qaraşov hazırda ölkənin ən stajlı icra başçısı sayılır. Hakimiyyət mənsubları düşünürlər ki, onun 27 illik karyerasına son qoymağın vaxtı çatıb.
Qeyd edək ki, Taleh Qaraşpov 1996-2002-ci illərdə Kürdəmir rayon İcra Hakimiyyətinin başçısı, 2002-2006-cı illərdə Cəlilabad rayon İcra hakimiyyətinin başçısı, 2006-2011-ci illərdə Neftçala rayon İcra hakimiyyətinin başçısı, 2011-2012-ci illərdə Astara rayon İcra hakimiyyətinin başçısı vəzifəsində çalışmışdır. Azərbaycan Respublikasının Prezidenti cənab İlham Əliyevin 14 aprel 2012-ci il tarixli sərəncamı ilə Lənkəran şəhər İcra hakimiyyətinin başçısı vəzifəsinə təyin olunmuşdur.
"Şikayətim "Azercell"dəndir". DİA.AZ bildirir ki, bu barədə "Müştərinin Səsi" Cəlal Cəfərov adlı istifadəçi giley edir.
Narazı vətəndaş daha sonra yazır: "Hər ay, nömrəni aldığım gündən 27 manat ödəyirəm. 12 manat danışıq, 15 manat internet üçün.. İyun ayının 30-u xəttim bağlandı. 27 manat ödədim. 1 manat da əlavə sms radar üçün ödədim.
Hər ay olduğu kimi indi xəttimi yenə bağlayıblar ki, 12 manatlıq danışıq paketinin borcudur. Yaxşı, bəs mənim yerdə qalan 12 manatım nə oldu? Operator robot cavabları verir... Axırda da deyir, biz sizə məlumat verdik, gedin, ödəyin açılsın...
Amma heç bir məlumat verilmir. Qeyd edim ki, hər iki paketin yenilənmə tarixi eynidir, nömrəni alan gündən də eyni qaydada ödəyib istifadə edirdim..."
İddia olunanlarla bağlı dia.az olaraq qarşı tərəfi də dinləməyə hazırıq...
Dövlət Şəhərsalma və Arxitektura Komitəsi tabeliyində publik hüquqi şəxs statuslu Ərazi Tikinti-Planlaşdırma Mərkəzinin “Ermənistan Respublikası silahlı qüvvələrinin Azərbaycan Respublikası ərazisinə təcavüzü nəticəsində Tərtər rayonunda dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri”nin satın alınması ilə bağlı elan etdiyi tender başa çatıb.
32gun.az-ın məlumatına görə, tenderin qalibi "Real-İnşaat” MMC olub.
Tenderin qalibinə Ərazi Tikinti-Planlaşdırma Mərkəzi tərəfindən 2.052.700,77 AZN ödəniləcək.
Əldə etdiyimiz məlumata görə, "Real-İnşaat” MMC-nin dövlətə külli miqdarda vergi borcu var. Şirkətin vergi borcu hazırda 320 min manatdan çxodur (320898.37 AZN)
Bildirək ki, adıçəkilən şirkətin nizamnamə kapitalı 20 AZN, qanuni təmsilçisi NİZAMİ ALLAHVERDİYEV NÜSRƏT OĞLUdur. 13.06.2005-ci il tarixində dövlət qeydiyyatına alınan MMC Ağdam Rayon Vergilər Şöbəsi tərəfində Vergi uçotuna alınıb.
Xatırladaq ki, “Dövlət satınalmaları haqqında” Qanun vergi borcu olan şirkətlərin, şəxsin tenderdə iştirakını qadağan edir.
Azərbaycan Respublikası Ədliyyə Nazirliyinin Məhkəmə Ekspertizası Mərkəzi tərəfindən Məhkəmə Ekspertizası Mərkəzinin Bakı şəhərində yerləşən inzibati binasında cari təmir işlərinin satınalınması üzrə 24.01.2023-cü il tarixdə başlanılmış tender müsabiqəsinə yekun vurulub və “SİRR-M” Məhdud Məsuliyyətli Cəmiyyəti ilə 275.885,27 manat məbləğində satınalma müqaviləsinin bağlanılması barədə 06.07.2023-cü il tarixdə dövlət satınalmalarının vahid internet portalında məlumat verilib.
Məlumatdan da görsəndiyi kimi, açıq tender müsabiqəsinə 24.01.2023-cü il tarixində başlanılıb. Tendrdə zərflərin açılış tarixi isə 23.02.2023-cü il tarixə müəyyən edilib. Tenderin şərtlər toplusuna görə MMC Məhkəmə Ekspertizası Mərkəzinin Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18 ünvanda yerləşən inzibatı binasında təmir işləri aparmalıdır.
Burada maraqlı məqamlar var. Tender zərfləri 23.02.2023-cü il tarixdə açılıbsa, məlumat nə üçün qanunvericiliyin tələblərinə uyğun olaraq 10 bank günü ərzində ictimaiyyətə açıqlanmayıb, üstündən üş ay keçdikdən sonra, 06.07.2023-cü il tarixdə açıqlanıb?
Qeyd edək ki, Ədliyyə Nazirliyinin Məhkəmə Ekspertizası Mərkəzi “SİRR-M” ilə Mərkəzin Bakı şəhərində və regionlarda yerləşən inzibati binalarında cari təmir işlərinin satınalınması üzrə 276.295,14 manat məbləğində bir satınalma müqaviləsi də 17.11.2022-ci ildə bağlayıb. Tenderin şərtlər toplusunda aparılacaq bu təmir işlərinin də Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18-də aparılacağı göstərilir. Buradan belə çıxır ki, Ekspertiza Mərkəzi göstərilən ünvanda təmir işlərinin aparılması üçün “SİRR-M” ilə ümumi olaraq 552 280 manat məbləğində satınalma müqaviləsi bağlayıb.
Bəs “SİRR-M” haqqında nə kimi məlumatlar var? Kommersiya qurumunun hüquqi şəxslərin dövlət reyestrinə daxil edilmiş məlumatlarında “SİRR-M” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində 03.06.1996-cı il tarixdə dövlət qeydiyyatına alındığı bildirilir. Nizamnamə kapitalı 20 manat olan MMC-nin hüquqi ünvanı MASALLI RAYONU, YEDDİOYMAQ Ə/V, qanuni təmsilçisinin isə Qulamov Vüsal Nəsrəddin oğlu olduğu göstərilir.
Apardığımız ətraflı araşdırmalarda məlum oldu ki, “SİRR-M” MMC-nin adı 2016-cı ilə qədər “BAYRAM-M” MMC olub. Dövrü mətbuatın 2014-cü ildə yaydığı məlumatda “BAYRAM-M” MMC-nin 25 kilometrlik Şorsulu-Xırmandalı yolunun çəkilişini 200 milyon manata həyata keçirməsi və külli miqdarda dövlət vəsaitinin mənimsənilməsində iştirakçı olduğu bildirilir. Məlumatda həmçinin qeyd edilir ki, Şirkətin təsisçisi Ramazan Zeynalovdur. Arayış üçün bildirək ki, R.Zeynalov Qafqaz Müsəlmanları İdarəsinin sədri Allahşükür Paşazadənin yaxın qohumu, ölkənin tanınmış iş adamlarından sayılan Hacı Mazandır. İş adamı ictimai rəydə rəsmi ad və soyadı ilə yox, məhz Hacı Mazan kimi tanınır. Rəsmi olaraq şirkətin ticarət avadanlıqlarının idxalı, satışı və təmiri ilə məşğul olub. Yəni şirkət yol tikintisi üzrə ixtisaslaşmayıb. Bu halda şirkətin hansı yolla 200 milyon manatlıq tenderi udmasının özü qaranlıq məqamlardan biri və birincisidir.
Aktualinfo.org-un Dövlət Vergi Xidmətinin reyesr məlumatları üzərindən apardığı araşdırmada məlum oldu ki, Zeynalov Ramazan Hüseyn oğlu 2018-ci ildə “SİRR-M” MMC-nin qanuni təmsilçisi kimi göstərilib. Bundan başqa, MMC -nin qanuni təmsilçilərindən biri də Əliyev Sahibəli İmran oğlu olub. Sözügedən şəxs Teleradio İstehsalat Birliyinin Mərkəzi Radio-Televiziya Yayım Filialının rəisi vəzifəsində işləyərkən özgə əmlakını talamaq məqsədilə filialın baş mühasibi İbadova Məhəbbət Seyfəddin qızı və mühasibi İbrahimova Şəlalə İsgəndər qızından ibarət mütəşəkkil dəstə təşkil etməklə, öz qulluq mövqeyindən istifadə edərək filialın külli miqdarda əmlakını, yəni 612.746 manat məbləğində vəsaiti mənimsəmə və israf etməklə talamış, vəzifəli şəxs kimi tamah və sair şəxsi niyyətlə rəsmi sənədlərə bilə-bilə yalan məlumatlar daxil etməklə vəzifə saxtakarlığı edib.
Göründüyü kimi Ədliyyə Nazirliyinin Məhkəmə Ekspertizası Mərkəzinin qalib elan etdiyi “SİRR-M” MMC haqqında çoxsaylı qaranlıq məlumatlar var. “BAYRAM-M” MMC kimi yol tikintisinə heç bir aidiyyatı olmayan şirkətinin 200 milyon manatlıq layihəni “udması”, sonra da, “SİRR-M” MMC kimi Məhkəmə Ekspertizası Mərkəzinin eyni ünvanda yerləşən bir inzibatı binanın təmiri üzrə iki dəfə tenderin qalibi olması müəyyən şübhələrə yol açır. Bizi izləyin.
Bərdədə xəstəxansında baş verənlər hər kəsi təəccübləndirib. Belə ki, xəstəxananın mətbəxində toplaşan həkimlər göyərti doğrayıblar.
TEREF.AZ bakupost.az-a istinadla xəbər verir ki, bu barədə sosial şəbəkələrdə video yayılıb.
Görüntülərdən həkimlərin göyərtiləri doğrayıb qurutduqları və nanələri ayırdıqları görünür.
Sosial şəbəkələrdə geniş müzakirə və tənqidlərə səbəb olan həmin görüntüləri təqdim edirik.
DİA.AZ: - "Şikayətim ASAN Xidmətin onlayn tətbiqlərindəndir". DİA.AZ bildirir ki, bu barədə "Müştərinin Səsi" sosial qrupundakı paylaşımında Cəlal Əhədzadə adlı istifadəçi giley edir.
Narazı vətəndaş daha sonra yazır: "Deməli, onlayn növbə götürmək üçün artıq 5 saatdır işləyirəm. Öz saytlarından sistemə giriş etmək istədim, yazıldı ki, parol səhvdir. Parolu əldə etmək üçün işləmədiyim nömrəmi axtarmalı oldum. Nömrə bağlanmışdı, ona kontur vurub nömrəni aktiv elədim ki, parol göndərilsin. Parol göndərildi sistemə giriş elədim. Həmin sistemdə onlayn növbə sözünə basıram, məni aparır çox naməlum bir səhifəyə, həmin səhifədə növbə götürməyi öyrənmək üçün youtub-da videolara baxdım və öyrəndim ki, növbənin öz mobil tətbiqi var imiş. Artıq telefona tətbiq yükləməkdən telefon donur, hər xırda şirkət tətbiq açıb məcbur edir ki onu yükləyək.
Nə isə... o tətbiqi yüklədim, yeni təyin etdiyim parolla giriş etmek istəyəndə yazıldı ki parol səhvdir.. Necə yəni səhvdir? 5 dəqiqə əvvəl təzə parol qoymuşam ASAN-ın web saytında. Düşündüm, bəlkə ASAN xidmətlə, ASAN növbənin parolu fərqlidir. Ona görə təzədən qeydiyyat sözünə basdım və məlumatları yazdım. Hamısı xeyli vaxt itkisi. Və cavab gəldi ki, siz artıq qeydiyyatdan keçmisiz.. Bu qədər əsəb niyə verirsiz adamlara? Qeydiyyatdan keçmişəmsə, niyə girişdə yazırsız parol səhvdir. Axı həmin parolla web saytınızda ASAN loginə girə bilirəm, ASAN növbəyə girmək üçün mən nə etməliyəm bəs? Dolamısınız camaatı? O qədər oyun yaradıblar, ASAN login, ASAN xidmet, ASAN növbə, sima. Niyə bu qədər qəlizləşdirirsiz sistemi? Sadə bir vətəndaş necə baş çıxarsın bu qədər şeydən? Adını da qoymusuz ASAN Xidmet..."
İddia olunanlarla bağlı dia.az olaraq qarşı tərəfi də dinləməyə hazırıq...
Sosial şəbəkələrdə və mətbuatda özünəməşğulluq proqramı çərçivəsində həyata keçirilən tədbirlərdən narazı olan vətəndaşların şikayətlərinə rast gəlinir.
32gun.az xəbər verir ki, əhaliyə verilən xəstə mal-qaranın görüntüsü gündəm olub.
Paylaşılan görütüdə daha bir vətəndaş Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin özünəməşğulluq proqramı çərçivəsində xəstə mal-qara verildiyini iddia edərək həmin heyvanın videosunu çəkib paylaşıb.
Belə ki, görüntülərdən də göründüyü kimi, Zəiflikdən ayaq üstə durmaqda çətinlik çəkir.
Vətəndaşların kinayəli gülüşünə səbəb olan hmin görüntünü təqdim edirik:
Teref.az yazır ki, sosial şəbəkə fəalı Şəbnəm Karslı Naxçıvandan Bakıya uçmaq üçün təyyarəyə minən Türkiyə vətəndaşının Naxçıvan aeroportunda başına gələnləri feysbukda paylaşıb. Türkiyə vətəndaşı Naxçıvan aeroportundan baş verən özbaşınalıqlardan, qanunsuzluqlardan şikayətlənərək yazır:
"Cabbar Şıktaş
BÖYLE REZALET GÖRÜLMEDİ
Bu gece bizim saat ile 23.45’de Nahçıvan’dan Baküye gitmek için Nahçıvan Havalimanında uçağa bindim.
Uçakta boş yer olduğundan dolmuş doldurur gibi bir saate yakın uçakta bekletilmiş ve yeni yolcuların gelişini izlemişizdir.
Biz Türk yolcu olduğumuz için itiraz etmedik, ama Nahçıvanlı yolcular bu duruma itiraz ettiler.
Yolcuların itirazını gören pilot bir anons yaparak “ben uçmayacağım, uçaktan inin evinize gidin” dedi ve saatlerce uçak içinde beklemek zorunda kaldık.
Yetkili yok, vatandaşa açıklama yapacak kimse yok, muhatap yok, bebek, çocuk, kadın, yaşlı herkes sefil bir şekilde kaderine terk edildi.
Şu an itiberi ile havalimanı bekleme alanındayız.
Ne gelen var, ne giden.
Muz Cumhuriyeti olsa insanlık adına birisi gelir, en azından ihtiyacı olanlara yardım eder, veya bu sorun şu saate kadar çözülebilir, gidin o saatte gelirsiniz derdi.
Nahçıvan adına gerçekten üzüldüm.
Nahçıvan hiç gelişmeyecek mi?
Uçak bileti soranlara bilet yok deyip, satışı zorlaştırıp, sonra da üç beş manat “şirinlik” için bunca insana böyle bir eziyet reva görülür mü?
1992’de yokluk vardı, imkan yoktu bu Limanda saatlerce beklesem bile of demezdim.
Ama şimde her şey var, ama hiçkimse yok.
Şu an etrafım bebelerle dolu.
Koltuklarda uyuyorlar.
İtiraz sesleri, bağır çığırlar oluyor.
Ama kimse gelipte bu çaresiz insanlara bir açıklama yapmıyor.
Daha doğrusu burada bulunan insanlar insan yerine konulmuyor.
Çare yok sabahı bekleyeceğiz.
Dışarıda hava aydınlandı mı bilmiyorum.
Şu an burası ceza evi gibi.
Allah kurtarsın demekten başka çare yok."
Teref.az olaraq Naxçıvanda bu sahəyə səlahiyyətli şəxslərində mövqeyini dərc etməyə hazırıq!
Teref.az
“Azərenerji” ASC 6/10/35/110 kV-luq xətlərdə elektrik enerjisinin ötürülməsi, qəbul olunması, çevirilməsi və paylanılması üçün müxtəlif malların satın alınması ilə bağlı tenderə yekun vurub.
DİA.AZ xəbər verir ki, tələblərə cavab verən, ən aşağı qiymət təklif edən “Smart Energy Solutions” QSC tenderin qalibi müəyyən olunub.
Qalib gəlmiş təşkilatla müvafiq satınalma müqaviləsi imzalanıb.
DİA.AZ-ın məlumatına görə, ilk dəfə deyil ki, başında Balababa Rzayevin dayandığı həşəmətli "Azenerji" milyonları “Smart Energy Solutions” QSC-yə ötürür. Təkcə elə keçən ilki faktlara nəzər salaq...
“Smart Energy Services” MMC şirkəti 2022-ci ilin təkcə son 6 ayında Balababa müəllimin yedək "kantoru" olan «Azərişıq» ASC-dən 30 milyrn manata yaxın həcmdə tender sifarişi alıb.
DİA.AZ xəbər verir ki, “Smart Energy Services” MMC-in tenderləri Şəmkir, Neftçala, Masallı, Kəlbəcər, Laçın v Ağdam rayonlarında elektrik enerjisi xətlərinin çəkilməsi, xətlərin yeniən qurulması və müxtəlif avadanlıqların qurulması ilə bağlı olub.
“Smart Energy Services” MMC-in «Azərişıq» ASC-dən bu il ərzində qazandğı tenderlər aşağıdakılardır.
Hər halda bu faktları gərəkən qurumlar araşdırarsa, ortaya yetərincə şübhələnəsi məqamlar çıxa bilər.
Məsələ ilə bağlı dia.az olaraq bütün maraqlı tərəfləri dinləməyə hazırıq...
Bakı Mühəndislik Universitetinin (BMU) IV kursda oxuyan iki tələbəsinin təhsil hüququnun pozulduğu bildirilir.
Bu barədə hüquqşünas Səməd Rəhimli “Facebook” səhifəsində yazıb.
O bildirib ki, akademik borclarını aradan qaldırmadıqları halda həmin tələbələr 1 il 6 ay müddətinə hərbi xidmətə cəlb edilmək riski ilə üzləşirlər: “Mövcuq qanunvericiliyə akademik borcu olan tələblərin akademik borclarını ağlabatan müddətdə ödəyənə qədər ali təhsil almaq hüquqları və tələbə statusları qüvvədə qalır. Buna əsasən hərbi xidmətə möhlət hüquqları da qüvvədə qalmalıdır. Buna baxmayaraq, ya tələbələrin təhsil aldıqları ali təhsil müəssisələri, ya da Səfərbərlik və Hərbi Xidmətə Çağırış üzrə Dövlət Xidmətinin yerli qurumları bürokratik əngəllər yaradırlar”.
Hüquqşünas deyir ki, ona müraciət edən hər iki tələbəyə akademik borcu olmasına dair arayış verməkdən imtina edilib: “Buna görə də tələbələr hazırda pis vəziyyətdə qalıblar və möhlət hüquqlarının davamiyyətini təmin edə bilmirlər. Bakı Mühəndislik Universiteti tərəfindən belə arayışın verilməsindən imtina edilməsi həmin tələbələrin təhsil hüquqlarının və qanuni möhlət hüquqlarının pozuntusudur”.
“Hazırda Bakı Mühəndislik Universiteti daxil olmaqla Azərbaycan universitetləri əsasən kredit sistemi adlandırılan tədris planlaşdırmasından istifadə edir. Mövcud qanuna əsasən, tələbə ixtisas üzrə təhsil proqramı ilə müəyyən olunmuş müddətdə tələb olunan kreditləri yığa bilmədiyi halda o, tələbələr sırasından xaric edilmir (xüsusi təyinatlı ali təhsil müəssisələri istisna olmaqla). Həmin tələbə kontingentdə saxlanılmaqla, təhsilini yalnız ödənişli əsaslarla davam etdirə bilər”, – deyə o bildirib.
“Göstərilənlərə əsasən, akademik borcu olan tələbələr ali təhsil müəssisəinin tələbələri sırasından xaric edilməyib və həmin tələbə kontingentində saxlanılır. Buna görə də akademik borcu ağlabatan müddətdə ödəyənə qədər möhlət hüquqlarının davamiyyəti təmin edilməlidir”, – hüquqşünas belə yazıb.
Onun sözlərinə görə, Bakı Mühəndislik Universitetinin rəhbərliyi akademik borcun olmasına dair arayışı verməkdən imtina edir. Bu hal isə təhsilalanların “Təhsil haqqında” Qanunla nəzərdə tutulmuş hüquqlarının pozuntusudur.
Bakı Mühəndislik Universitetindən bildirilib ki, tələbələrin ad-soyadları təqdim edildiyi təqdirdə Meydan TV-nin sorğusu cavablandırıla bilər.
Hüquqşünas Səməd Rəhimli isə Meydan TV-yə deyib ki, hazırda həmin tələbələrlə adlarının mətbuata açıqlanmasına dair danışıqlar aparılır.
Tələbələr razılıq verərlərsə, adları mətbuata açıqlanacaq