2022-ci il fevralın 24-də Rusiya bütün beynəlxalq hüquq normalarını pozaraq Ukraynaya hərbi təcavüz etdi. İşğalın başlamasına bir neçə saat qalmış Rusiya Prezidenti Vladimir Putin xalqa müraciət edərək, Ukraynaya hücumun, yaxud, Kremlin dili ilə desək, “xüsusi hərbi əməliyyat”ın əsas məqsədlərini açıqladı: Donbasda “soyqırımını” dayandırmaq və Ukrayna hökumətini “denasifikasiya” etmək.

Rusiyada təkcə hərbi-siyasi isteblişment deyil, həm də ukraynafobiyanın şok dozası vurulmuş Rusiya ictimaiyyəti (ən azı, əksəriyyət) Ukrayna ilə müharibənin asan gəzinti olacağına inanırdı. Kreml ideologiyasının bəzi alovlu tərəfdarları isə ağızlarından tüpürcək fışqıraraq, hətta iddia edirdilər ki, işğalçı qüvvələr üç günə Kiyevi ələ keçirəcəklər.

Demək olar ki, iki il keçdi, lakin rus qoşunları xüsusi uğurları ilə öyünə bilməz. Vahid Ukrayna xalqı, qeyri-bərabər qüvvələrə baxmayaraq, işğalçılara layiqli cavab verir, Rusiyaya hər gün daha çox “200 nömrəli yük” göndərir. Müharibənin əvvəlində zombiləşdirilmiş rusların əksəriyyəti optimist idisə və “nasizmə” qarşı mübarizəyə inanırdısa, bu gün o qədər də həvəsli görünmürlər.

Bütün Rusiya kanallarının təbliğatçılarının gündəlik qələbə hayqırtıları belə, xalqı sevindirə bilmir. Bəli, sorğulara görə, ruslar Prezidentin daxili və xarici siyasətini, xüsusən də Ukrayna ilə müharibəni yekdilliklə dəstəkləyirlər. Amma bunların hamısı uydurma bir şeydir.

Ürəklərində Stalin dövrünün 1937-ci ilinin ruhu hələ də yaşayan “Homo Sovetikusun” nəsilləri partiyanın və dövlətin xəttini hərtərəfli dəstəkləyərək, qətiyyətlə hər şeylə razılaşırlar. Əks halda, bir Sovet mahnısında oxunduğu kimi, “səni Mandela kimi həbs etməsələr də, ştat üzrə ixtisar edəcəklər”.

Yeri gəlmişkən, dövlət siyasətinə zidd olan fikir ayrılığına görə bir çox incəsənət və mədəniyyət xadimləri, aktyorlar, müğənnilər və ictimai xadimlər “cadugər ovu”nun qurbanı olublar. Bəziləri həbs olunub, bəziləri xaricə üz tutub, bəziləri də lənətlənib.

Rusiya təbliğatçıları isə “xüsusi hərbi əməliyyat”ın müstəsna nəcib məqsəd güddüyünü - Ukraynanı "nasistlərdən" təmizləmək olduğunu iddia edərək, Kremlin xətti ilə getməyə davam edirlər.

Amma bu, həqiqətən belədirmi? Təbii ki, hər bir ağlı başında olan insan başa düşür ki, bütün bunlar böyük uydurma və yalandır. Məqsəd tamam başqadır. Ancaq etiraf etməlisiniz ki, Rusiyanın işğalının əsl səbəbini jurnalist mühitindən “Kremlin balaca küçüyü”nün dilindən eşitmək başqa şeydir.

Belə ki, məşhur təbliğatçı Marqarita Simonyan Rusiya lideri Vladimir Putinin Ukrayna ilə nə vaxt “atəşkəs”ə gedəcəyini açıqlayıb. Rusiya kanallarından birində Sominyan Kremlin əsas tezislərini sadalayıb və deyib ki, nə vaxt və hansı şəraitdə sülh bağlayacağına Rusiyanın özü qərar verəcək.

Bu kontekstdə o, ABŞ Prezidentinin 2024-cü ildə yenidən seçiləcəyi təqdirdə, Rusiyanın “hərbi” kursunu dəyişə biləcəyini şərh edib: “Yaxşı, bu, nə axmaqlıqdır?! Putin güzəştlərdə maraqlı deyil, ona görə deyil ki, Tramp gələcək, ya Vasya Pupkin, ya da Roman Babayan ABŞ Prezidenti olacaq... Bunun heç bir əlaqəsi yoxdur! Putin heç nə etməyəcək. Ümumiyyətlə, güzəştlərə getməyəvək!”.

Simonyan aydınlaşdırıb ki, Putin yalnız Rusiya öz sərhədlərinin təhlükəsizliyini təmin etdikdə “atəşkəs”ə hazır olacaq və Rusiya bu sərhədlərin harada bitəcəyinə özü qərar verəcək.

Maraqlıdır, Simonyan özü nə dediyini başa düşür? Axı o, əslində Donbasda “nasizmə”, “denasifikasiyaya” qarşı mübarizənin və “soyqırımının” qarşısının alınmasının bir şirma olduğunu demək olar açıq şəkildə bildirdi - Rusiya Prezidentinin imperiya planlarının zəif gizləndiyi şirma.

Simonyanın fikrincə, Rusiyanın hansı sərhədlər daxilində olmasına yalnız Moskva qərar verir. Bu, o deməkdir ki, Kreml Kiyevin məğlubiyyəti halında dayanmaya və sərhədlərini genişləndirməyə, eyni zamanda Polşanı, Estoniyanı və Finlandiyanı “denasifikasiya” edə bilər.

Və bu halda, heç olmasa, görüntü üçün “bu, Simonyanın şəxsi fikridir”, üslubunda "bəhanə" işləməyəcək. Nə çoxsaylı siyasi tok-şouların rusiyalı aparıcıları, nə də bu “söhbət klublarının” daimi nümayəndələrinin öz fikirləri yoxdur və ola da bilməz. Bəli, onların hamısı müxtəlif formalarda danışır, lakin bütün bu “şifahi axınlar” bir dərin “Kreml çayına” axır.

Beləliklə, ortaya maraqlı bir dilemma çıxır. Bir tərəfdən, Simonyan bütün digər “Kreml ruporları” kimi, “yuxarıdan” direktiv olmadan bir kəlmə də danışmır. Digər tərəfdən, Putinin sözlərini təkzib edir və “denasifikasiya” mifini ifşa edir. Bəli, Marqo elə bir sual ortaya qoydu ki, şeytanın özü belə, onun həlli üçün baş sındırmalı olacaq...

Müəllif: Fed Bakinski - Mənbə: AYNA.az

Cəlilabad rayonunda əkin sahəsi kəndlilərin əlindən alınıb.

Belə ki, rayonun Babalı kəndində səkkiz hektara yaxın əkin sahəsi beş kəndlinin əlindən alınaraq qonşu Cəlayir kəndinə verilib.

Kəndlilərin sözlərinə görə, 27 ildir zəhmət çəkdikləri ərazidə artıq əkin işləri dayandırılıb.
Yerli bələdiyyə kəndlilərə yeni əkin sahələri təklif etsə də, onlar razı olmayıblar.

Daha ətraflı İTV-nin süjetində:

Samir Quliyev
Neftqazelmitədqiqatlayihə İnstutunda özbaşınalıqdı. Hələ bu institutda 14 il rəhbərlik vəzifsində işləyən olmayıb.
Baş mühəndus öz qohumlarını yığıb bir yerə. Oğul, gəlin, qız, bacı oğllu, baldız oğlu.
Araşdırma aparılsa hələ sayı çox olar. Hər dəfə eyni adamların dərəcələri qalxır. İnsan resursları şöbəsindən soruşanda M. İsayev dərəcə söhbeti artiq yığışdırlmışdır deyib işçiləri başından edir.
Çoxusunada kobud cavab verir. Lakin öz işlərini altdan altdan görüb dərəcə qaldırırlar. Buda nə deməkdi? Ayrı seçkilik.
Hazır layihələrin köçürdüb HYASES proqraminda hesabat işi aparırlar. Mexanikin texnologiyada xeberi yoxdu. 2gün kurs keçmiş mühəndis işi kor -koranə görüblayihədə adı gedir. Dərinliyinə getsəniz sıfır. İşi bilən tərəfindən 50% kömək olub. 50% hazır variant
İşçinin əlinə verilib, sxema olduğunu kimi kitabdan köçürülüb.
Bəsdi daha ayrı seçkilik edib cammatı tapdalayırsız.
Mirvari Gahramanli
Teref. Xocanın Blogu

Bərdə şəhəri, Nizami küçəsinin sakinləri susuzluqdan əziyyət çəkirlər.

İllərdir susuz qaldıqlarını deyən sakinlərin sözlərinə görə, başqa ərazilərdən maşınla içməli su gətirmək məcburiyyətindədirlər:

“25 ildir suyu maşınla gətiririk. Həftədə bir neçə dəfə su gətirmək üçün pul veririk”.
Məsələ ilə bağlı “Azərsu”dan bildirilib ki, Nizami küçəsi yeni salınmış yaşayış məntəqəsi olduğundan həmin ərazidə su xətti yoxdur. Bu səbəbdən də həmin əraziyə Bərdə Sukanal İdarəsi xidmət göstərmir.
“Gələcəkdə Bərdə şəhərinin su-kanalizasiya sisteminin yenidən qurulması nəzərdə tutulub. Layihə işlərinə sözügedən yaşayış məntəqəsinin də su-kanalizasiya şəbəkəsinin qurulması daxil edilib”, - deyə məlumatda bildirilib.

Ətraflı Baku TV-nin süjetini təqdim edirik:

Lütfən! Bu şərəfsizliyi durdurun! Lütfən biri durdursun bu rəzaləti!
Deməli orta məktəblərdə təzə bir fırıldaq icad ediblər. 1-ci sinifin uşaqları 3 aydır dərsə gedir. İbtidai sinif müəllimləri hansısa özəl hazırlıq kursu ilə anlaşır və bazar günləri "sınaq imtahanı" adı altında birinciləri dəvət edirlər. Bax bu şərəfsizlikdir. Müəllimə valideynlərin vatsap qrupunda elan edir. 6 yaşlı körpələrə elan edir ki, kim imtahanda iştirak etmək istəyirsə, edə desin. 1-ci sinif. Təsəvvür edirsiniz? Körpə bir qız yavrunuz və o həvəslə "mən də də imtahana gedəcəm" deyir. O yavru bilmmir imtahan nə demədkir. Amma getmək istəyir. necə ayaq açıq bu vicdansızlıqldar orta məktəblərə? İmtahana girmək 20 manat. Təsəvvür edirsiniz bu işdə direktor da, müəllim də şərikdir. Üzr istəyirəm şərəssisizlikdir BU!
Ayıbdı! Evinizə belə çörək aparmayın. Artıq dözə bilmirəm! Durun artıq! Alçaqlıq etməyin! Lazım deyil deyil mənim 3 aydır birinci sinifə gedən körpə balama sınaq imtahanı filan! Biri durdursun! Lütfən bezdirməyin!!!!
Razi Abasbəyli
Teref. Xocanın Blogu

Bir müddət əvvəl deputatlardan biri - adı müxtəlif qalmaqallarda hallanan Kəmaləddin Qafarovla bağlı ilginc informasiyalar yayıldı. Aydın oldu ki, bəzi qaynaqlar Qafarovun nazir postuna tədarük gördüyünü iddia edirlər.

Məlumata görə, məhz bu səbəbdən Qafarov mediada özünütəbliğə ciddi vəsait xərcləməyə başlayıb. Hazır məqalələri öz adından yaydıran deputat eyni zamanda yerli KİV-də hərşeyşünas ekspert kimi də görünərək özünü açıq şəkildə yeni posta hazırlamaqdadır.

Kimdir Qafarov? O, nazir postuna gətirilə bilərmi?

Bu barədə yeərincə yazılar yazılıb.

Bizi isə hazırda maraqlandıran Qafarovla bağlı müşahidə olunan yeni gəlişmədir.

Bildirilir ki, az qala bütün mövzularda "yazdığı" məqalələrlə çıxış edib, özünü gözə soxmağa maraqlı olan Kəmaləddin Qafarov hələ də nazir olacağına ümid edir. Kimin yerinə?

Bu barədə iddia olunan əsas xəbər odur ki, Qafarov Ekologiya və Təbii Sərvətlər naziri olmaq eşqindədir və bu yolda hələlik yürüyür...

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...