Ardını oxu...

Xorvatiya Baş Nazirinin Müavini və Xarici və Avropa Əlaqələri naziri Mariya Peyçinoviç-Buriç Azərbaycana səfərə gəlib.

“Report” xəbər verir ki, nazir səfər çərçivəsində aprelin 29-da Bakıda keçiriləcək Azərbaycan-Xorvatiya biznes forumunda iştirak edəcək.

Daha sonra xanım Nazirin iştirakı ilə Xorvatiyanın Bakıdakı (Xaqani küçəsi 45A, Landmark II, 3-cü mərtəbə) Səfirliyinin açılış mərasimi keçiriləcək, mərasimdən sonra isə sərgi və rəsmi qəbul təşkil olunacaq.


Ardını oxu...

Yeni bir nüvə razılaşmasına hazırıq, ancaq ciddi müzakirələr aparılmalıdır.

Bunu Rusiya prezidentinin müavini Yuri Uşakov deyib. O, Rusiyanın nüvə silahından imtina etməsi üçün yeni razılaşmalara hazır olub-olmaması ilə bağlı sualları cavablandırıb:

“Qalan razılaşmalar tətbiq edilməlidir. Yeni bir razılaşmaya hazırıq, ancaq bunun üçün ciddi müzakirələr aparmaq lazımdır. Təəssüf ki, heç kim hələlik bununla bağlı bir addım atmayıb”.

Qeyd edək ki, bundan əvvəl ABŞ Prezidenti Donald Tramp Rusiya və Çini nüvə silahından imtina etməyə çağırmışdı.

WhatsAppFacebookFacebook MessengerTwitterShare

 

Ardını oxu...

Bu gün MDB məkanında hansı “qaynar nöqtəyə” nəzər yetirsəniz, orada yaşayan əhalinin əhəmiyyətli qisminin ya ikili vətəndaşlığa, ya da tək Rusiya vətəndaşlığına malik olduğunu görəcəksiniz. Elə ikili vətəndaşlığı olanların da “ikinci vətəni” yenə Rusiyadır. Təkcə bu fakt keçmiş SSRİ-nin dövründən qalan və hələ də qanayan yaraların əsas baiskarının məhz Rusiya olduğunun daha bir bariz sübutudur.

Ukraynanı “sındırmaq” üçün alət…

Rəsmi Moskvanın hələ də özünü MDB ölkələrinin gerçək “xozeyini” kimi aparması və bunu hər imkan düşdükcə isbatlamağa çalışması çox zaman bütün əndazələri aşır və beynəlxalq hüquq normalarını alt-üst edir. Rusiya hazırda əsas hədəf olaraq seçdiyi və bütün yollarla “sındırmağa” çalışdığı Ukraynada da beynəxalq birliyin adət etdiyi kobud və açıq hörmətsizlik əks etdirən davranışlarını sürdürməkdədir.Əslində, Ukraynadakı son prezident seçkilərinin Moskva-Kiyev münasibətlərinə hansısa müsbət təsirinin olacağı, bu münasibətlərdə yeni səhifənin açılacağını gözləyənlər az deyildi.

Lakin rəsmi Moskva nəinki yeni hakimiyyətlə dialoq işarələri verdi, əksinə, hələ də təbrik etmədiyi yeni prezidentin inauqurasiya mərasimi keçirilməmiş Ukrayna ərazilərinin işğalını rəsmiləşdirməyə yönələn növbəti addımını atdı. Söhbət Donbasın işğal olunan ərazilərində, qondarma Luqansk və Donetsk respublikalarında yaşayanlara Rusiya vətəndaşlığının verilməsindən gedir. Vladimir Putin bununla bağlı xüsusi fərman imzalayıb ki, bu sənədə əsasən də artıq faktiki olaraq, Ukrayna vətəndaşlığı daşıyan həmin şəxslər asanlaşdırılmış qaydada Rusiya pasportunu ala biləcəklər. Bunun üçün ərizə verdikdən sonra cəmi 3 ay gözləmək kifayət edəcək.

Bununla rəsmi Moskva Krımın ilhaqından sonra Donbasın da işğalını rəsmiləşdirmək istiqamətində addım ataraq, gerçək niyyətlərini qətiyyən gizlətmək fikrində olmadığını təsdiqlədi. Bu addımla Rusiya həm də təsdiqlədi ki, Moskvanın problemi Poroşenkonun, yaxud başqa birisinin hakimiyyətdə olması deyil, ümumiyyətlə Ukraynanın dövlət kimi mövcud olmasıdır!

Rusiyanın bu qərarına cavab olaraq, Ukrayna tərəfi müəyyən addımlar atacağı barədə bəyanatlar verir - Rusiyaya qarşı Avropanın və Ukraynanın iqtisadi sanksiyaları, siyasi təzyiqlər və sair. Ukraynanın xarici işlər naziri Pavel Klimkin deyib ki, onun ölkəsi bütün beynəlxalq platformalarda Rusiyanın bu addımına görə cəzalandırılmasına, daha kəsərli iqtisadi və siyasi sanksiyaların tətbiqinə nail olmağa çalışacaq. Yeni seçilmiş prezident Vladimir Zelenskinin sözçüsü Dmitri Razumkov isə bildirib ki, Rusiya bu addımı ilə Ukrayna torpaqlarını işğal etdiyini etiraf etmiş olub: “Rusiya bu qərarla işğalçı dövlət olduğunu təsdiqlədi.” Razumkov deyib ki, belə addımlar regionda sülhün yaradılmasına xidmət etmir. Ancaq bununla yanaşı o, Ukraynanın qətiyyətli addımlar atacağını və bölgədə sülh olacaqsa, bu sülhün Rusiyanın deyil, yalnız Ukraynanın şərtləri əsasında mövcud olacağını bildirib.

Rusiya pasportu kimə lazımdır?

Ardını oxu...

Artıq beynəlxalq aktyorlar Rusiyanın bu addımını qınayan açıqlamalar, qərarlar verməyə başlayıblar. Məsələn, ABŞ Konqresi Putinin bu fərmanını kəskin şəkildə pisləyib. Lakin təcrübə göstərir ki, nə sanksiyalar, nə də siyasi təzyiqlər gözlənilən effekti vermir. Əksinə, getdikcə Rusiya tərəfinin arxayınçılığı və özündənrazılığı daha da artır və sərhəd tanımır. Məsələn, bu mövzu ilə bağlı jurnalistlərin suallarını cavablandıran V.Putin deyib ki, nəinki Luqansk və Donetskdə yaşayanlara, bütün Ukrayna vətəndaşlarına asanlaşdırılmış qaydada Rusiya pasportu verməyə hazırdır. Hətta əlavə edib ki, Luqansk və Donetskdə yaşayanlara Rusiya vətəndaşlığının verilməsində qeyri-adi heç nə yoxdur və belə hallar başqa dövlətlərin də təcrübəsində müşahidə olunub. Rusiya prezidentinin bu açıqlamalarından sonra elə eyni mətbuat konfransında Vladimir Zelenski ilə görüşməyə hazır olduğunu deməsi isə artıq şərhə yer qoymur…

Rusiya pasportunun onu daşıyan sıravi insanlara verdiyi üstünlüklərə gəlincə isə burada da birmənalı fikir söyləmək çətindir. Çünki tarix Rusiyanın “qaynar nöqtələrdə”sonradan vətəndaşlıq verdiyi insanların heç də “ağ günə çıxmadığını” göstərir. Əksinə, onlardan sadəcə siyasi alət, işğal üçün əsas kimi istifadə olunduğu müşahidə edilir. Bu gerçəkilk özünü Cənubi Osetiyadan tutmuş “Dnestryanı Respublikasına” qədər bir çox bölgələrdə göstərib. Əlbəttə ki, Donbas da bunun davamıdır.

Ümumiyyətlə, Rusiya vətəndaşlığı daşımağın hər hansı üstünlüklərinin olduğuna şübhə etmək üçün kifayət qədər əsaslar var. Məsələn, Rusiya hakimiyyəti nəinki ətraf respublikalara, hətta öz vətəndaşlarına qarşı da ikili standartlar yürütdüyünü dəfələrlə isbat edib. Təkcə öz vətənini görmək istəyinə görə Ermənistanda əsirlikdə, girovluqda saxlanılan Dilqəm Əsgərovun Rusiya vətəndaşı olduğunu xatırlatmaq kifayətdir. Rusiya onun azad olunması üçün hansısa addımı atıbmı? Yox. Ancaq hansısa erməni əsilli Rusiya vətəndaşı təhlükəsizlik səbəbindən Bakıya buraxılmayanda Rusiya XİN-in ermənipərəst sözçüsü Mariya Zaxarova az qalır saçını yolub, fəryad etsin. Və buna bənzər faktlar kifayət qədərdir.

Yaxud, olsun Rusiya pasportunun verdiyi sırf texniki üstünlüklər və xarici ölkələrin ona münasibəti. Məsələn, əgər elə həmin Ukrayna vətəndaşları öz pasportları ilə dünyanın 128 ölkəsinə vizasız gedə bilirlərsə, Rusiya vətəndaşları üçün bu rəqəm 118-dir.

Ancaq sözsüz ki, Putini və onun hakimiyyətini öz pasportlarının nüfuzu və Rusiya vətəndaşlarına xaricdə göstərilən münasibət az maraqlandırır. İndi bu sənəd onlara daha çox silah kimi lazımdır – öz iqtisadi və siyasi maraqlarını təmin, ətraf respublikaları isə təhdid etmək, gərginlikdə saxlamaq, günahsız insanları, xalqları bir-birinə qırdırmaq üçün…

Cəlal MƏMMƏDOV
AzPolitika.info

 

Ardını oxu...

Amerika Birləşmiş Ştatlarının (ABŞ) prezidenti Donald Tramp aprelin 26-da jurnalistlərə bəyan edib ki, Rusiya prezidenti Vladimir Putinin Koreya Xalq Demokratik Respublikasına (KXDR) dair bəyanatını yüksək qiymətləndirir.

«Mən, prezident Putinin KXDR ürzə bəyanatını qiymələndirirəm. Hesab edirəm ki, KXDR ətrafında situasiya yaxşı inkişaf edir, əhəmiyyətli irəliləyiş var» – Tramp bildirib.

«Mən, Rusiya və Çinin bizə köməyini qiymətləndirirəm. Hesab edirəm ki, Çin bizə kömək edir, çünki nüvə silahına malik ölkənin qonşusu olmaq istəmir. Həm də hesab edirəm, Çin bizə ona görə kömək edir ki, bizimlə ticarət sazişi imzalamaq istəyir – bu istiqamətdə danışıqlar yaxşı gedir» – Tramp qeyd edib.

Bundan əvvəl ABŞ prezidenti Rusiya və Çini nüvə silahından imtina etməyə çağırıb. O, «Fox News» telekanalına bəyan edib ki, hamı nüvə silahından əl çəkməlidir.

AzPolitika.info


Ardını oxu...

Ermənistanın xarici işlər naziri Zöhrab Mnatsakanyan azərbaycanlı həmkarı Elmar Məmmədyarovla növbəti görüşünün Vaşinqtonda (ABŞ) baş tuta biləcəyini istisna etməyib.

“Report” xəbər verir ki, erməni nazir bunu “1in.am” saytı vasitəsi ilə yayımlanan onlayn mətbuat konfransı zamanı deyib.

“(ATƏT-in Minsk qrupunda – red.) üç həmsədr var. Bizim Parisdə və Moskvada görüşlərimiz olub, üçüncü həmsədr də var. Həqiqətənmi üçüncü görüş Vaşinqtonda keçirilə bilər? Əlbəttə. Həqiqətənmi biz buna hazırıq? Əlbəttə. Növbəti mərhələ olmalıdır axı”, – deyə o bildirib.

Nazirin sözlərinə görə, amerikalı həmkarları öz dəvətlərini təsdiqləyən kimi, bu barədə konkret danışmaq olar.

“Amerikalı həmkarlarımız adından danışmaq istəmirəm, onlar hazırlaşmalıdırlar”, – deyə Mnatsakanyan əlavə edib.

 

Ardını oxu...

Azərbaycan Xarici İşlər Nazirliyi Dağlıq Qarabağdakı separatçı rejimin “xarici işlər naziri” Masis Mailyanın Uruqvaya getdiyi və orada “görüşlər” keçirdiyi barədə yayılan məlumatlar münasibət bildirib.

Nazirlikdən “Report”a verilən məlumata görə, sözügedən şəxs Uruqvayda yaşayan erməni icmasının dəvətilə qondarma “erməni soyqırımı” tədbirlərə qatılmaq üçün bu ölkəyə səfər edib:

“Separatçı rejimin “nümayəndəsi” Uruqvay hökumətinin heç bir nümayəndəsi tərəfindən qəbul edilməyib. Uruqvay Senatının sədri Lusia Topolanski ilə görüşə gəldikdə isə onun parlamentdə qondarma “erməni soyqırımı” bağlı keçirilən tədbirdə iştirak etdiyini bildirmək istərdik. Həmin tədbir zamanı Uruqvay erməni icmasının digər nümayəndələri ilə görüşdə M.Mailyan da iştirak edib”.

“Eyni zamanda məsələ ilə əlaqədar Argentinadakı səfirliyimiz Uruqvay Xarici İşlər Nazirliyinə Azərbaycan tərəfinin etirazını özündə əks etdirən nota təqdim edib. Uruqvay XİN cavabında bu məsələdə hökumətin rəsmi mövqeyinin fundamental və dəyişilməz olduğunu vurğulayıb. Azərbaycan səfirinin ən qısa zamanda Uruqvay Xarici İşlər Nazirliyində görüşünün keçirilməsi nəzərdə tutulub”, – XİN-dən qeyd olunub.


Ardını oxu...

“Çalışacağıq ki, bu məsələdə ATƏT baş katibi Tomas Qremmingerin ümidlərini doğruldaq”.

ONA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin sözçüsü Mariya Zaxarova ATƏT baş katibi Tomas Qremmingerin “ATƏT ümid edir ki, Rusiya öz təsir imkanlarından istifadə edərək, bu münaqişələrlə bağlı sülhün bərqərar olmasına yardım edəcək” bəyanatına münasibət bildirərkən deyib.

M.Zaxarova Rusiya XİN başçısı və ATƏT baş katibi arasında keçirilən görüşün detallarından xəbərsiz olduğunu da vurğulayıb.

 

Ardını oxu...

“AzPolitika.info” xəbər verir ki, yeni seçilmiş prezident Vladimir Zelenskinin Rusiya prezidenti Vladimir Putinlə gələcək münasibətləri Ukraynada ən çox müzakirə olunan mövzulardan biridir.

Bu məsələ ilə bağlı öz fikirlərini bölüşən V.Zelenskinin komandasının aparıcı simalarından biri olan İvan Aparşin yeni seçilən prezidentin Putinlə təkbətək görüşünün əleyhinə olduğunu bildirərək, ona belə bir görüşü məsləhət bilməyib.

Əvvəlcə qeyd edək ki, İ.Aparşin Müdafiə Nazirliyinin sabiq əməkdaşıdır. Zelenskiyə kifayət qədər yaxın olan bu şəxsi hətta əminliklə Ukraynanın gələcək müdafiə naziri adlandırırlar. İ.Aparşin Zelenskinin Putinlə mümkün görüşü barədə danışarkən, təkbətək görüşün rəsmi Kiyev üçün heç bir müsbət perspektivinin olmadığını vurğulayıb: “Mən Ukrayna prezidentinə bu gün belə formatda görüşü məsləhət bilməzdim. İnanmıram ki, sonra Putin bizə hansısa təminat versin”.

Hələ ki, Zelenskinin hərbi məsələlər üzrə məsləhətçisi olan Aparşin Putinlə yalnız ABŞ və Böyük Britaniya kimi ölkələrin vasitəçilərinin iştirakı ilə görüşməyi tövsiyə edib: “Mən Putinə inanmıram. Ancaq o zaman inanaram ki, bu formata güclü dövlətlər qoşulacaq, hansı ki o, həmin dövlətlərlə “oyun oynaya” bilməyəcək”.

İ.Aparşin Zelenskinin separatçı Luqansk və Donetsk respublikalarının rəhbərlərilə görüşünün də qəti şəkildə əleyhinə olduğunu söyləyib: “Təsəvvür etmirəm ki, Ukrayna bu adamlarla danışmağı özünə rəva bilsin…”

Bundan öncə isə Aparşin Krımın Rusiyaya təhvil verilməsi, eləcə də Donbasda baş verənlərlə bağlı bütün günahkarların müəyyən ediləcəyini və cəmiyyətdən heç nəyin gizlədilməyəcəyini söyləmişdi: “2014-cü ildə müharibənin başlaması, Krımın zəbt edilməsilə bağlı həqiqətlər üzə çıxarılacaq. Krımın təhvil verilməsində günahkar olanlar cəzalandırılacaqlar. İnsanlar həqiqəti biləcəklər, heç kim heç nəyi gizlətmək fikrində deyil.”

Onun seçki kampaniyası zamanı səsləndirdiyi fikirlərdən də belə aydın olurdu ki, Zelenskinin Rusiya ilə münasibətlər məsələsində mövqeyi sərtliyinə görə, heç də Poroşenkonun baxışlarından geri qalmayacaq. Əslində, Zelenskinin özü də çıxışlarında kifayət qədər sərt mövqe nümayiş etdirərək, Ukrayna ərazilərilə bağlı hər hansı güzəştin mümkünsüz olduğunu söyləmişdi.

Bu arada Rusiya tərəfi İ.Aparşinin fikirlərinə münasibət bildirib. Putinin sözçüsü Dmitri Peskov deyib ki, onsuz da Zelenskinin siyasətə yanaşmasında qeyri-müəyyənliklər kifayət qədər çoxdur və rəsmi Moskva hələ yeni seçilmiş prezidentin konkret addımlarını gözləyir: “Hələ ki, yeni seçilmiş prezidentin siyasi yanaşmalarının anlaşılmasında “ağ ləkələr” çoxdur”.

Onu da qeyd edək ki, dünyanın aparıcı dövlətləri başda olmaqla, bir çox ölkələrin başçıları V.Zelenskini prezident seçilməsi münasibətilə təbrik etsələr də, V.Putin belə bir addım atmayıb.

C.Məmmədov
AzPolitika.info


Ardını oxu...

Rusiya Prezidenti Vladimir Putin aprelin 25-də Vladivostokda KXDR lideri Kim Çen In ilə görüşəcək.
TASS xəbər verir ki, bu barədə jurnalistlərə Rusiya Prezidentinin köməkçisi Yuri Uşakov məlumat verib.

O qeyd edib ki, bu görüş V.Putinlə Şimali Koreya lideri arasında ilk təmas olacaq.

Ardını oxu...
Müdafiə Nazirliyinin təşkilatçılığı ilə Ağstafa rayonunda azərbaycanlı Sovet İttifaqı qəhrəmanlarından olan tabor komandiri, qvardiya mayoru Müseyib Abdulla oğlu Allahverdiyevin anadan olmasının 110 illiyi münasibətilə tədbirlər keçirilib.

Ardını oxu...

Dünyapress TV

Xəbər lenti