Ardını oxu...
ABŞ Ticarət Nazirliyi milli təhlükəsizlik təhdidini düzəltmədiyi təqdirdə TikTok tətbiqinin yüklənməsini sentyabrın 20-dən, istifadəsini isə noyabrın 12-dən qadağan edəcək.

APA-nın RİA Novosti-yə istinadən verdiyi xəbərə görə, bu barədə ABŞ Ticarət Nazirliyinin məlumatında bildirilib.

Qeyd edilib ki, ABŞ Prezidenti Donald Trampın 6 Avqust 2020-ci ildə tarixdə imzaladığı sərəncamına əsasən Ticarət Nazirliyi ölənin milli təhlükəsizliyini qorumaq məqsədilə WeChat və TikTok mobil tətbiqlərinin qadağan olunduğunu elan edib.
Ardını oxu...
Çinin e-ticarət nəhəngi Alibaba şirkəti sifariş çatdırılması üzrə özünün ilk avtonom robotunu təqdim edib.


TED.az xarici mətbuata istinadən xəbər verir ki, Xiaomanlv adlandırılan robot süni intellektli pilotsuz idarəetmə texnologiyası ilə təchiz olunub.


O, gün ərzində 500-ə yaxın sifarişi müəyyən ünvana, məsələn, ofis binasına və ya məktəbə çatdırmağa qadirdir.


Robot hava şəraiti və GPS siqnalından asılı olmayaraq bir dəfəyə 50 poçt bağlaması apara və təxminən 100 kilometr məsafə qət edə bilir.


Belə robotlar sayəsində yaxın zamanlarda ekspress-çatdırılma sahəsində gün ərzində bir milyard sifariş səviyyəsinə yüksəlmək nəzərdə tutulur.
Ardını oxu...
Məsafədən təhsilə keçənlər vətəndaşın elementar problemlərini görməzdən gəlirlər

Məktəblərdə məsafədən (distant) təhsil forması tətbiq edən məsul qurumlar, nədənsə adi vətəndaşların bunu reallaşdırmaq üçün maddi və texniki cəhətdən güclərinin çatıb-çatmayacağını düşünmür. Nə də olsa, hər bir azərbaycanlı ailənin, xüsusən də iki, hətta, üç uşağın məktəbə getməsi halında, onlayn dərslər üçün lazım olan texnikanı almaq imkanı yoxdur. Bunun üzərinə internetin idealdan çox-çox uzaqda olan keyfiyyətini də əlavə etsək, ölkənin təhsil müəssisələrində məsafədən təhsilin başlaması ilə vəziyyətin necə olacağı artıq indidən proqnozlaşdırılan bir mənzərədir.

AYNA-ya müraciət edən bir sıra valideynlər kompüter və planşet alınması ilə əlaqədar maddi çətinlik çəkdiklərini deyirlər. Məsələn, paytaxtın Suraxanı rayonunda yaşayan Elvira Məmmədovanın sözlərinə görə, oğlu və qızı eyni vaxtda onlayn dərs keçirlər: “İkisini də kompüterlə necə təmin edəcəyimi bilmirəm. Bir qohumumdan planşet borc almışam. Yaxşı bir cihaz ailəmizin büdcəsi üçün ağır yükdür. Bir çox texniki problemləri olan ucuzlardan istifadə etməksə əlverişsizdir. Üstəlik, internetin evdə işləmək səviyyəsi videokonfrans üçün tamamilə yararsızdır. Onlayn təhsilin başlanğıcından bəri mənzilimizdəki internet praktik olaraq işləmir”.

Qaradağ rayon sakini Cəmilə Həsənova də eyni problemlərdən şikayətçidir: “Tədris ilinin əvvəlinə qədər dərslərin necə olacağını bilmirdim. Və sonra birdən iki uşağımın qismən onlayn təhsil alacağı ortaya çıxdı. Təcili olaraq borc almalı və uşağın biri üçün köhnə kompüteri təmir etməli oldum. İkincisinə isə, özümə də iş üçün çox lazım olan telefonumu verirəm”.

Bakı sakini Fariz Əhmədovun sözlərinə görə, evdə sabit telefon xətti olmadığına görə, qonşunun Wi-Fi-ına qoşulması üçün xeyli dil tökməli olub.

İbtidai sinif şagirdlərinin valideynləri, çoxuşaqlı və aztəminatlı ailələrin əksəriyyəti planşet və kompüter çatışmazlığından şikayətlənirlər. Şikayətlərin çoxu internetin çox aşağı keyfiyyəti ilə bağlıdır. Valideynlər bu sürətin tədris ili başlayandan bəri kəskin dərəcədə pisləşdiyini bildirirlər. Yeri gəlmişkən, elektrik enerjisinin kəsilməsi ilə bağlı da şikayətlər var.



Azərbaycan İnternet Forumunun (AİF) prezidenti Osman Gündüzün AYNA-ya şərhinə görə, əgər qonşu ölkələrdə olduğu kimi məsafəli təhsilin təşkili üçün lazımlı texniki və texnoloji dəstək üçün büdcədən vəsait ayırması hökumət üçün çətindirsə, başqa bir çıxış yolu var: “Belə bir alternative variant xarici onlayn mağazalarda fərdi istifadə üçün bir kompüter alışı üçün rüsumsuz limitin azaldılması ola bilər. Bu vəziyyətdə vətəndaşlar mağazalarımızdakı orta səviyyəli noutbuk üçün 1500-2000 manat ödəmək məcburiyyətində qalmayacaq, onu iki dəfə ucuz ala biləcəklər - xarici elektron mağazada poçtla çatdırılma ilə 500-600 manata. Uzaqdan təhsil üçün tələb olunan smartfonlarla da vəziyyət eynidir - bu texnologiyanın hamısı onlayn olaraq ölkə daxilindən daha ucuz qiymətə əldə edilə bilər”.

Ancaq bunun üçün hökumət fərdi istifadə üçün idxal olunan malların gömrük limiti ilə bağlı rezonans doğuran NK305 sərəncamını yenidən nəzərdən keçirməlidir. Xatırladaq ki, Azərbaycan Nazirlər Kabineti son qərarı ilə bu il sentyabrın 20-də qüvvəyə minəcək “Fərdi şəxslər tərəfindən güzəştli və sadələşdirilmiş mal keçirilmə qaydaları”nda dəyişikliklər etdi. Respublikanın gömrük ərazisinə hər təqvim ayı ərzində bir dəfə güzəştli qaydada gətirilə bilən malların ümumi dəyəri 1500 dollardan 800 dollara endirilib. Bundan əlavə, beynəlxalq bağlamalar vasitəsi ilə çatdırılan mallar üçün rüsumsuz hədd 1000 dollardan 300 dollara qədər, üç dəfə endirildi.

“Düşünürəm ki, hökumət ya köhnə rüsumsuz həddi saxlamalı, ya da şəxsi istifadə üçün beynəlxalq bağlamalar vasitəsilə çatdırılan kompüter və planşetlər üçün rüsumsuz həddi 700 dollara qaldırmalıdır. Nəticədə, hökumət məsafədən təhsil üçün texniki dəstəyi maliyyələşdirmək məcburiyyətində qalmayacaq. Bu iş heç olmasa, əhalinin ən həssas qruplarına kömək etməklə məhdudlaşdırıla bilər. Burada qeyd etmək lazımdır ki, məsələn, Qazaxıstan hökuməti bu il məsafədən təhsilin təşkili üçün büdcədən 150 milyon dollar ayırdı. Təhsil Nazirliyimiz isə müəllim və şagirdlərdən texniki və texnoloji dəstəklə bağlı alınan məlumatları hələ də izləyir və öyrənir”, - Gündüz bildirib.

Bəs, Təhsil Nazirliyində məsafəli təhsilin texniki dəstəyi barədə nə düşünürlər? Qurumun mətbuat xidmətinin rəhbəri Cəsarət Valehov AYNA-ya qısaca olaraq bunu deyib: “Məktəblər uyğun bir IT infrastrukturuna sahibdir və nazirlik onlara bütün mövcud imkanlardan istifadə etmək lazım olduğunu tövsiyyə edib”.

İnternetin keyfiyyətinə gəlincə, sən demə, Nəqliyyat, Rabitə və Yüksək Texnologiyalar Nazirliyinin problemlərdən xəbəri yoxmuş. Belə ki, Nazirlik mətbuata verilən məlumata görə, “Baktelekom”un 24 saat xidmət göstərən 155 saylı zəng mərkəzinə şəbəkə problemləri ilə bağlı kütləvi şikayət gəlməyib...
Ardını oxu...


"Azərbaycanda bəyəm hər ailədə kompüter, planşet var?" - AKTUAL
Tarix: Bu gün, 09:51 | Çap et
"Azərbaycanda bəyəm hər ailədə kompüter, planşet var?"
“Məktəb ləvazimatları çox bahalaşıb. Keçən il qızımın geyimi, çantası və dəftər-qələminə 350 manatımız çıxmışdı. Bu il ikinci qızım da 1-ci sinfə gedir. 1000 manatla getdim, bir qəpik qayıtmadı, üstəlik, almadığımız nə qədər şey qaldı. Onlar da bir 100-150 manat tutacaq”.

Bakı sakini, 33 yaşlı Zümrüd Ələkbərova belə deyir. Bildirir ki, bəlkə də “Sədərək”, “Binə” kimi ticarət mərkəzləri açıq olsaydı, məktəb ləvazimatları bu qədər baha olmayacaqdı:

“Keçən il Binədən almışdıq. Orda hər şey ucuzdur. Bu il bu ticarət mərkəzləri bağlıdır. Bu, hamının büdcəsinə zərərdir, həm biz valideynlərin, həm də o ticarət mərkəzlərində işləyənlərin”.

Zümrüd Ələkərova deyir ki, düzdür, qızları həftənin müəyyən günləri məktəbə gedəcəklər, ancaq bu, məktəb ləvazimatlarının yarısını alıb, yarısını almamağa imkan vermir. Nə lazımdırsa, hamısı alınmalıdır. O, builki bazarlığın hamısını şəhərdəki mağazalardan edib. Deyir, həmin mağazaların əksəriyyəti vəziyyətin çıxılmaz, insanların çarəsiz olmasından istifadə edir:

“Qiymətlər onsuz da bahadır. Bir qəpik endirim etmək istəmirlər. Məktəbi açan hökumət istəsəydi ticarət mərkəzlərini aça bilərdi. Sadəcə nəzarət edərdi, insanları sayla buraxardılar. Onsuz da oralar çox genişdir. Məsələn, 50 nəfəri buraxardılar, 2 saat da vaxt verərdilər. İndiyə hamı bazarlığını edərdi. İndiki durum çox çətindir. Məsələn, biz ailədə 4 nəfərik, aylıq gəlirimiz 1100 manatdır. Bununla belə çatdıra bilmədik, həm aylıq dolanışıq, həm də məktəb bazarlığını edə bilmək üçün borca girməli olduq. Bunun ailə büdcəsi aylıq 300-400 manat olan ailələri var. Onlar necə etsinlər?”

Binə Ticarət Mərkəzində çalışan Rüfət Bayramov deyir ki, həmişə avqust-sentyabr ayları bazarın ən qızğın vaxtları olub. Həmin aylar yaxşı gəlir əldə ediblər. Bu il ticarət mərkəzi bağlıdır. Aylarla işləyə bilməməkləri bir yana, bu aralar mağazaların bağlı olması onlara altından çıxa bilmədikləri qədər zərər vurub:

“Qızını köçürən, oğluna toy edən, nə bilim pul tələb edən işləri sentyabrdan sonraya salardıq. Çünki gəlirimiz normalda olandan 3-4 qat çox olardı. Çox ümid edirdik ki, məktəbləri açan hökumət bazarları da açacaq. Ancaq belə olmadı. Bu ayın sonunacan, yəni ən çox gəlir əldə etdiyimiz dövrün sonuna qədər bazar bağlı qalacaq. İnsanlara çox böyük zərbə vurdular. Elə valideynlər də deyinirlər ki, məktəb bazarlığı baha başa gəlib. Biz də ilin ən uğurlu, ən qızğın aylarından məhrum edildik”.

Rüfət Bayramov deyir ki, hətta məktəb ləvazimatlarının satışı ilə məşğul olmayan mağaza sahibləri üçün də avqust-sentyabr qızğın alver dövrüdür. Məsələn, qardaşı qab-qacaq satışı ilə məşğuldur. Onun da alverinin ən yaxşı dövrü məktəb bazarlığı ərəfəsidir:

“Çünki insanlar bazara məktəb bazarlığı üçün gəlsələr də, lazım olan şeylər gözlərinə dəyir, alırlar. İndi heç birimiz bir qəpiyin yiyəsi deyilik. Bir sözlə, ticarətçilərin “qızıl ayları”nı əllərindən aldılar, onları batırdılar”.

İqtisadçı Natiq Cəfərli də deyir ki, məktəb ləvazimatlarında qiymətlər kəskin artıb. Ötən illə müqayisədə kitablarda, geyimlərdə 20-30 faiz arası qiymət artımı müşahidə edilir:

“Dərs mövsümü başlayır, valideynlər hazırlıq təlaşına giriblər, qiymətlər də kəskin artıb. İnsanların zatən canı burnundadır – pandemiya və karantin rejimi işsizlik ordusunu artırıb, işləyənlərin də gəlirləri kəskin azalıb, alıcılıq qabiliyyəti düşüb, bu fonda qiymət artımı ailələrin büdcəsinə pis təsir edir”.

İqtisadçı deyir ki, bir yandan da onlayn təhsil qaydaları təsdiq edilib. Məktəblilər evdən dərslərə qoşulmalıdırlar. Bu zaman da gündəmə yaxşı, kompüter, planşet məsələsi gəlir:

“Azərbaycanda bəyəm hər ailədə kompüter, planşet var? Onlayn dərslər necə təşkil olunacaq? İndi mənə tam aydındır ki, niyə Gömrük Komitəsi onlayn sifarişləri 1000 dollardan 300 dollara saldı. Qərarın məqsədi kompüter və planşetlərə məcburi artacaq tələbi daxili şəbəkələrə yönəltmək, iri məmurlara bağlı satış məntəqələrinin alverini artırmaqdır. Yaxşı, hökumət olaraq uşaqlara pulsuz kompüter, planşet vermirsiniz (bir çox ölkədə bunun örnəkləri var), bunu bildik, uşaqpulunu da bərpa etmək istəmirsiniz, bu da aydındır – heç olmasa kompüter və planşetlərə qoyduğunuz soyğunçu 15 faiz rüsumu, 18 faiz ƏDV-ni ləğv edin, qoyun camaat, ən azı, 35 faiz daha ucuz kompüter və planşet ala bilsin. Niyə gözünüzü ora tikmisiniz?”

Natiq Cəfərli bildirir ki, hökumətin qabiliyyəti çatıb bu illər ərzində daxili istehsal qura bilməyib. Heç olmasa, Gömrük Komitəsinin açıq lobbiçiliyini etdiyi şəxsi sifarişlərin azadılması qərarını ləğv etdilər:

“Qaytarın 1000 dollar onlayn sifariş qaydasını. Kompüter, planşetlərin sifarişinə qoyduğunuz qeyri-qanuni və qeyri-leqal qadağanı da ləğv edin. İmkan verin camaat özü xaricdən öz uşaqlarına onlayn təhsil üçün avadanlıq ala bilsin! Elə bilirsiniz ki, təhsilsiz toplumu idarə etmək asandır? Təhsil səviyyəsi aşağı olan, kritik səviyyənin altına düşən toplum sonra heç nəyi və heç kimi dinləmədən qarşısına çıxanı süpürəcək”.

2019-cu ilin sonlarında dünyada yeni koronavirus aşkar edilib. Bu il martın 11-də Dünya Səhiyyə Təşkilatı (DST) koronavirusu pandemiya elan edib. Dünyada sürətlə yayılan bu virusa indiyə qədər 28 milyon 361 mindən çox şəxsin yoluxduğu bildirilir. Onlardan da artıq 914 mindən çox şəxsin vəfat etdiyi açıqlanıb. Azərbaycanda isə indiyədək ümumilikdə 37 min 874 nəfərin koronavirus infeksiyasına yoluxduğu, onlardan 556 nəfərin vəfat etdiyi açıqlanıb.

Koronavirusla bağlı Azərbaycanda ötən tədris ilində dərslər martın 3-də dayanmışdı. Bu il isə yalnız I-IV sinif şagirdləri məktəblərə öz vaxtında, sentyabrın 15-də gedə biləcəklər. Onda da həftədə iki-üç dəfə olmaq şərti ilə. Rəsmi açıqlamaya görə, V-VIII siniflərin adi qaydada dərsləri oktyabrın 1-dən, IX-X siniflərinki isə oktyabrın 15-dən başlamalıdır.

Prosesin sonrakı gedişi sanitar-epidemioloji vəziyyətdən asılı olacaq.
Ardını oxu...
“Apple” şirkəti bu ayın sonunda iOS14 əməliyyat sisteminin tətbiqi ərəfəsində tətbiqlər yükləmə bölümü olan “App Store” ilə bağlı qaydalara dəyişikliklər edib.

Teref.az xəbər verir ki, bundan belə “Google Stadia”, “Microsoft xCloud” kimi striminq platformlardakı oyunlar xüsusi əlavədən yox, bilavasitə “App Store”dan yüklənməlidir.

“Microsoft” şirkətindən bu yeniliyi tənqid edərək oyunçular üçün əlverişli olmadığını bildiriblər.

Qeyd edək ki, hazırda “Apple” ilə “Fortnite” oyununu hazırlayan “Epic Games” şirkəti arasında məhkəmə davası gedir. Belə ki, “Epic Games” həmin oyununda “Apple”-a 30 faizlik komissiya haqqı ödəməmək imkanı yaradan yeni ödəniş sistemi tətbiq edib. Buna görə “Apple” “App Store”ın istifadəsinə dair müqavilənin pozulması ilə bağlı məhkəməyə üz tutub.
Modern.az
Ardını oxu...
İnsan sivilizasiyası ağıla gəlməyəcək qədər məlumat generasiya edir.

Lent.az “technote”a istinadən xəbər verir ki, hazırda mövcud olan rəqəmsal məlumatların 90%-i son 10 ildə əldə olunub.

Tədqiqatçıların fikirlərincə, gələcəkdə bu, ciddi problemlərə gətirib çıxarda bilər. Belə ki, artıq bir neçə 100 ildən sonra bit-lərin sayı Yer kürəsinin atomlarının sayından daha çox olacaq.

İngiltərənin Portsmut Universitetinin fiziki Melvin Vopsonun təqdim etdyi problem qeyri-adi səslənir. Qəbul edilmiş fikrə əsasən, məlumatın heç bir kütləsi yoxdur. Buna görə də onun eksponent yüksəlməsi planetə heç bir təsir göstərmir.

Əslində isə bu heç də belə deyil. Alimlər aşkar ediblər ki, hazırda Yer kürəsi təqribi olaraq 10 üstü 21 bit (100 milyard-milyard) qədər kompüter məlumatına sahibdir. Bununla belə Eynşteynin kütlə və enerjiinin ekvivalentliyi düsturuna əsaslanaraq Vopson güman edir ki, 1 bit məlumat elektrondan 10 milyon dəfə az kütləyə sahibdir. Hər il rəqəmsal məlumatın 20% yüksəlməsini nəzərə alaraq hesablamaq olar ki, 350 ildən sonra Yer kürəsində məlumatların bit sayı planetin daxilindəki atomların sayından daha çox (10 üstü 50 / 100 trilyon-trilyon) olacaq.
Ardını oxu...
Sabiq millət vəkili, Ümid Partiyasının sədri İqbal Ağazadə Reaksiya TV-nin qonağı olub.

KONKRET.az xəbər verir ki, millət vəkilinin müsahibəsində ən maraqlı məqam isə Nəqliyyat, Rabitə və Yüksək Texnologiyalar naziri Ramin Quluzadənin ünvanına yönəmiş ağır ittihamlar olub.

Belə ki, İ.Ağazadə əvvəlcə xatırladıb ki, daha öncə 134 tezlikli radio dalğamızın ermənilərə satılmasında naziri günahlandırsa da, dövlət qurumundan bu məsələyə rəsmi münasibət ala bilməyib.

Sonda sabiq millət vəkili bir daha naziri bu əmələ görə ittiham edərək, ona 10 gün möhlət verib: “Ya çıxıb təkzib etsin, ya da bu addımın səbəblərini əsaslandırsın!”

Ağazadə nazirin bu addımını dövlətə xəyanət adlandırıb.
Ardını oxu...
Dünyanın ən zəngin 10 texnologiya milyarderinin sərvəti keçən həftə birjalardakı satışlardan sonra 44 milyard dollar azalıb

"Kommersant.az" xəbər verir ki, dünyanın ən zəngin 10 texnologiya milyarderi, keçən həftə birjalarda 44 milyard dollar itirib.

Fins.az Bloomberg -ə istinadən xəbər verir ki, milyarderlərdən ən böyük itki 9 milyard dollardan olan Amazon-un baş direktoru və qurucusu Bezosda olub.

Elon Musk və Mark Zuckerbeg-in fərdi varidatı qiymətlərin düşməsi səbəbindən öz mövbəsində ,5 və 4,2 milyard dollar azalınb
Bir vaxtlar səhmlərinin qiyməti 500 dolları keçən Tesla bir səhminin dəyəri 382 dollara düşüb. Buna baxmayaraq, dünyanın ən zəngin 10 texnologiya milyarderinin ümumi sərvəti 800 milyard dolları keçir.

Hazırda hər biri 100 milyard dollardan çox sərvətə sahib olan bu üçlüyün şirkətin səhmləri, pandemiya səbəbi ilə evdə qaldıqları və həm iş, həm də iş mühiti internetdə fəaliyyət göstərməyə başladıqları zaman kəskin artıb.

Texnologiya səhmləri keçən həftə satışa başladı, ABŞ-da 10 gündən çoxdur ki, ABŞ fond bazarlarında kəskin artım və Nasdaqdakı tarixi zirvələr, təşviqin olmaması və pandemiyanın ikinci dalğasının narahatlıqlarının ardından ABŞ seçkiləri yaxınlaşır.
Ardını oxu...
Sentyabrın 3-də amerikan "SpaceX" şirkəti Marsa gələcək uçuşlar üçün hazırlanmış kosmik gəminin prototipinin növbəti uçuş sınaqlarını keçirib.

Trend TASS-a istinadən xəbər verir ki, bu barədə CNBC telekanalı məlumat verib.

Məlumata görə, prototipin buraxılışı Boka Çika (Texas ştatı) ərazisindəki sınaq meydanında həyata keçirilib. "SN6" modifikasiya gəmisi 45,7 m hündürlüyə yüksəlib və sınaq meydanının yanında yerləşən asfalt sahəyə yumşaq eniş edib.

Heç bir nasazlıq və ya yanğın baş verməyib. Bildirilir ki, Elon Maskın şirkəti "Starship"i bir təqvim ayında ikinci dəfə uğurla sınaqdan keçirir. Son sınaq uçuşu 5 avqustda baş tutub.

Xatırladaq ki daha əvvəl fevral, aprel və may aylarında keçirilən sınaqlar zamanı gəmi protipi partlayıb, ilk uğurlu uçuş isə avqustun əvvəlində həyata keçirilib.

Təkrar istifadə edilə bilən "Starship" gəmisi 100 nəfər sərnişinin Marsa uçuşu üçün nəzərdə tutulub. E.Mask 31 avqustda kosmik gəminin yerətrafı orbitdə ilk sınaq uçuşunun 2021-ci ildə reallaşma ehtimalı olduğunu açıqlayıb.
Ardını oxu...
“Tesla” və “SpaceX” şirkətlərinin baş direktoru, milyarder İlon Mask “Neuralink” şirkəti tərəfindən hazırlanan, insan beyninin nəzarətini təmin edən mikroçipin “Tesla” və “SpaceX” şirkətlərinin baş direktoru, milyarder İlon Mask “Neuralink” şirkəti tərəfindən hazırlanan, insan beyninin nəzarətini təmin edən mikroçipin təqdimatını edib.təqdimatını edib.

Teref.az xəbər verir ki, Mask “Neuralink” şirkətinin illərdir üzərində işlədiyi beyin implantını təqdim edərkən bildirib ki, bu texnologiya yaddaş itkisindən depressiya və görmə pozğunluğuna qədər müxtəlif nevroloji problemləri və onurğa zədələrini həll etmək, musiqini birbaşa beyinə ötürmək və ya klaviaturaya toxunmadan düşüncə gücü ilə yazmaq üçün istifadə edilə bilər.

Ardını oxu...

Mask tərəfindən təqdim olunan “LİNK” adlı mikroçip bir qəpik ölçüsündədir. Qurğu insan tükündən dörd dəfə nazik olan 4 elektrod ipindən və qulaqların arxasına yerləşdirilmiş bir çipdən ibarətdir.

Mask çipin “ağıllı saat”dan gözlənilə bilən bütün xüsusiyyətlərə sahib olduğunu və induktiv olaraq enerji yığdığı söyləyib.

Çip “Tesla” avtomobillərinin avtopilotunu idarə etmək üçün də istifadə oluna bilər.

Mask, çipin ambulator bir prosedurla bağlana biləcəyini, lakin elektrodları beyinə qan damarlarına zərər vurmayacaq qədər dəqiq yerləşdirə bilən bir robota ehtiyac olduğunu vurğulayıb.

İmplantın işləmə prinsipi mikroçipin taxıldığı donuz üzərində göstərilib. İnsan beyninə isə bu mikroçip hələ qoşulmayıb.

Ardını oxu...

Maskın sözlərinə əsasən, ən böyük problemlərdən biri çipin on illərlə istifadə edilməsi üçün korroziyanın qarşısını almaqdır. Bu səbəbdən “Tesla” və “SpaceX”in qurucusu keçən ay “Twitter”də “Neuralink” üçün mütəxəssis axtardığını elan edib.

“Web Tecno”dakı məlumatlara görə, “Neuralink” texnologiyasının xüsusiyyətləri bunlardır:
– Batareya 1 gün dayanmadan çalışa biləcək;
– Cihazın diametri cəmi 23 mm, qalınlığı 8 mm olacaq.
– Birbaşa kəllə sümüyünə yerləşdiriləcək;
– Temperatur və təzyiqi ölçə biləcək;
– Lazer göz əməliyyatı kimi asan tətbiq olunacaq;
– İnfeksiya riski olmayacaq ,
– Cihazın kabelləri tükdən nazik olacaq;
– Uzun kabellər, nəhəng sensorlar olmayacaq;
– Cihaz internetə qoşula bilən hər cür elektron cihazların beyin siqnalları ilə idarə olunmasına imkan verəcəkdir.
Sonxeber
 
 

Dünyapress TV

Xəbər lenti