Ardını oxu...
Leonardo da Vinçinin rəsmlərindəki bakteriyaların DNT-sini araşdıran mikrobioloqlar rəsm əsərlərinin harada və necə çəkildiklərini, kağızın necə hazırlandığını müəyyənləşdiriblər.

“Report”un məlumatına görə, tədqiqatın nəticələri “Frontiers in Microbiology” jurnalında dərc edilib.

Alimlər Vinçinin "Turin Avtoportreti" də daxil olmaqla altı məşhur rəsmini seçib, səthlərindən toz və xırda qırıqlar toplayaraq mikrobların və insan genomunun parçalarını çıxarıblar. Onların sonrakı tədqiqatları, demək olar ki, bütün rəsmlərdə bakteriyaların genetik materialının üstünlük təşkil etdiyini göstərib.

Bundan başqa, əsərlərin üzərində insan DNT-si aşkar edilib. Bu da restavrasiya işi görənlərin ciddi nəzarət tədbirlərinə riayət etmədiklərini ortaya çıxarıb. Digər tərəfdən, bakteriyaların növlərinin və ümumi tərkibinin bəzi xüsusiyyətləri, bütün rəsmlərin Turin və Roma ərazilərində çox uzun müddət hazırlandıqlarını və ya olduqlarını göstərir.

Rəsm əsərlərinin çəkildiyi kağızların hazırlanma üsulu isə tamamilə fərqli olub. Bundan əlavə, elm adamları kağız səthində siyanobakterial qabıqların parçalarını və milçəklərin mikroflorasından mikrob DNT-sini tapıblar.
Ardını oxu...
Azərbaycanın Macarıstandakı fövqəladə və səlahiyyətli səfiri, professor Vilayət Quliyev Molla Pənah Vaqifin Şuşadakı məqbərəsi haqqında maraqlı faktı açıqlayıb.

Səfir hər il Şuşada ənənəvi Vaqif poeziya günlərinin keçirildiyini xatırladıb:

“Erməni işğalına qədərki Şuşanın simvollarından biri də ana dilimizin böyük ustadı, məhəbbət və gözəllik şairi Vaqifin əzəmətli məqbərəsi idi. Məqbərənin tikintisi 1982-ci ildə başa çatmışdı. 1983-cü ilin yanvarında respublika rəhbəri Heydər Əliyevin iştirakı ilə təntənəli açılışı olmuşdu”.

V.Quliyev qeyd edib ki, 2001-ci ildə Strasburqda ulu öndər Heydər Əliyevin Köçəryanla görüşünün rəsmi hissəsindən sonra aralarında belə bir söhbət olub:

- Başımız açılana qədər bütün alüminium hissələrini, mərmər üzlükləri söküb aparmışdılar. Karkası isə durur.

- Ümidvaram ki, bu işdə sənin əlin olmayıb...

- Nə danışırsınız, Heydər Əliyeviç...

Prezidentin sifətindəki ifadədən qarşısında dayanan bu məxluqdan iyrəndiyi açıq-aşkar oxunurdu. Erməni heyəti aralanandan sonra mərhum prezident heç kəsə müraciət etmədən sanki öz-özü ilə danışırmış kimi: “Gözünün içinə qədər yalan deyir. Quldurbaşının böyüyü özüdür”, - dedi.

Ümidvaram ki, Vaqifin məqbərəsi yenidən əvvəlki gözəlliyinə qayıdacaq..."
Ardını oxu...
"Demokrat Cozef Bayden gələcək rəhbərliyindəki əsas təyinatlarını 24 noyabrda elan edəcək".

Publika.az xəbər verir ki, bunu Baydenin Ağ Ev aparatının rəhbəri təyin etdiyi Ron Klayn açıqlayıb.

"Əgər konkret şöbələrə kimin rəhbərlik edəcəyini bilmək istəyirsinizsə, seçilmiş prezidentin noyabrın 24-ə onların adlarınınverəcəyini gözləməlisiniz" - Klayn deyib.

Yeni aparat rəhbərindən demokratlar liderinin keçid komandasının administrasiyanın ümumi işlər idarəsini Baydenin ABŞ-dakı qələbəsini qəbul etməsinə məcbur etmək üçün hansı təsir gücünə sahib olduğu soruşularkın bildirib:

"İşlərin qəbulu prosesinin yalnız bir hissəsinə nəzarət edirik. Ağ Ev və Kabinetin işçilərini seçirik, siyasi kursun formalaşdırılması üçün planlar hazırlayırıq, yüksək səviyyəli görüşlər keçiririk".
Ardını oxu...
Bu gün Azərbaycan Premyer Liqasında X turun daha 2 görüşü keçiriləcək.

"Report"un məlumatına görə, günün ilk matçı Qəbələdə eyniadlı komanda ilə "Neftçi" arasında olacaq. Flaqman yeni baş məşqçisi Samir Abasovun rəhbərliyi altında ilk oyununa çıxacaq.

9 oyundan 14 xal toplayan "ağ-qaralar" 4-cü sırada qərarlaşıblar. Əyalət təmsilçisi isə 8 xalla 7-ci pillənin sahibidir. Komandalar indiyədək ölkə çempionatında 48 dəfə üz-üzə gəliblər. Paytaxt klubu bu görüşlərin 22-də qələbə qazandığı halda, "qırmızı-qaralar" 16 dəfə 3 xala seviniblər. 10 matçda isə heç-heçə qeydə alınıb. Vurulan qolların sayında da qonaqlar üstündür - 68:59. “Neftçi” ardıcıl 13 oyunda meydanı qolsuz tərk etməyib. “Qəbələ” son üç ev qarşılaşmasında xal qazana bilməyib.

Günün digər matçı isə Zirədə baş tutacaq. 15 xalla 3-cü sırada olan eyniadlı qəsəbə təmsilçisi "Keşlə" ilə münasibətlərinə aydınlıq gətirəcək. Rəqibindən 3 xal geri qalan Yunis Hüseynovun başçılıq etdiyi kollektiv 5-ci pillədə yer alıb. Bunadək 20 dəfə qarşılaşmış komandaların duelində hər iki tərəf 6 qalibiyyət alıb. 8 oyun bərabərliklə nəticələnib. Meydan sahiblərinin 23 qoluna qonaqlar 24 topla cavab veriblər. Son 3 qarşılaşmada 4 və ya daha çox qol vurulub. “Zirə” evdə son iki matçda qalib gəlib.

22 noyabr (bazar)

Azərbaycan Premyer Liqası

X tur

14:00. “Qəbələ” – “Neftçi”

Hakimlər: Rəvan Həmzəzadə, Cəmil Quliyev, Müslüm Əliyev, Namiq Bəkirov

Hakim-inspektor: Anar Salmanov

AFFA nümayəndəsi: Rüfət Əmirov

Qəbələ şəhər stadionu.

16:00. “Zirə” – “Keşlə”

Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev

Hakim-inspektor: Rövşən Əhmədov

AFFA nümayəndəsi: Elgiz Abbasov

Zirə İdman Kompleksinin stadionu

Qeyd edək ki, ilk oyun günündə "Qarabağ" "Sumqayıt"ı 6:1 hesabı ilə məğlub edib. Tura noyabrın 23-də "Sabah" - "Səbail" görüşü ilə yekun vurulacaq.
Ardını oxu...
"Vəhşi Gül", "Varlılar da ağlayır" seriallarında rol alan meksikalı aktrisa Maleni Morales vəfat edib.

Pravda.az xəbər verir ki, bu barədə Meksika Aktyorları Milli Assosiasiyasının “Twitter” hesabında məlumat verilib.

“Milli Aktyorlar Birliyi olaraq, bu gün dünyasını dəyişən həmkarımız, Milli Assosiasiya üzvü Maleni Moralesin vəfatından təəssüflənirik. Onun həyat yoldaşı Otto Sirqoya, onun ailəsinə və dostlarına başsağlığı veririk”, - məlumatda bildirilib.

Qeyd edək ki, Morales aktyor Otto Sirqo ilə 45 ildən çoxdur ki, evli idi.
Ardını oxu...
Əməkdar artist Rəşid Səməndər özünü binadan ataraq intihar edib.

tEREF.AZ xəbər verir ki,bu barədə APA-ya aktyorun yaxıınları məlumat verib.

O, Cəfər Cabbarlı adına İrəvan Dövlət Azərbaycan Dram Teatrının aktyoru idi.

Qeyd edək ki, Rəşid Səməndər 1975-ci ildə unudulmaz aktyor Səməndər Rzayevin ailəsində anadan olub.
Ardını oxu...
Ardını oxu...
Nurlan Ağa: “Ərazi kiçikdir, qəbir fotoya baxa-baxa tapıldı”

Maral Nəcəfli: “Kim bilir, hələ nə qədər "adsız məzar" deyə adını gözləyən Azərbaycan ziyalısının məzarı var”

Görəsən, bizim olanı kimsə öz adına çıxmadan, mənimsəməyə cəhd etmədən, “bizimdir, dəyərini bilək, adımıza layiq qoruyaq” deyib tanıtmağı, dünyaya təqdim etməyi nə zaman öyrənəcəyik? Niyə axı, biz hansısa dəyərimiz yadlar tərəfindən mənimsəndiyində məcbur qalır, əl-ayağa düşür, sənəd, dəlil toplamağa çalışır, özümüzü təsdiq etməyin yollarını axtarırıq? Bu suallara kimdə cavab var, bilmirəm. Lakin baş verən faktiki olaylar əsnasında müşahidələrimiz onu göstərir ki, bu, belədir, qəbullansaq da, qəbullanmasaq da. Bu cür gerçəklikdən birinə də elə budəfəki yazımızda toxunacağıq.

Türkiyədəki tələbələrimiz İstanbul Böyükşəhər Bələdiyyəsinə müraciət ediblər. Belə ki, Türkiyə Atatürk Universitetinin doktorantı Nurlan Ağa və Eskişehir Anadolu Universitetinin doktorantı Maral Nəcəfli Şamaxı ziyalısı Hacı Səid Ünsizadənin adsız və baxımsız qalan məzarında bərpa işləri aparmaq, məzarın üzərində latın qrafikası ilə adının qeyd edilməsi və qeydiyyata salınması üçün İstanbul Böyükşəhər Bələdiyyəsinə müraciət ünvanlayıblar. Nurlan Ağa “Facebook” hesabından bununla bağlı paylaşım edib.

O, “Bir imperiya protokoluna bərabər Azərbaycan – Şamaxı ziyalısına aid adsız məzar” deyə etdiyi paylaşımda, anadilli mətbuat tariximizdə önəmli yerə sahib “Ziya” (Ziyayi-Qafqaziyyə) qəzetinin redaktoru və naşiri olmuş Səid Ünsizadənin məzarının bu gün diqqətdən kənar və “adsız məzar” kimi bilinməsinə ürək yanğısını ifadə edib: “Hacı Səid Ünsizadə burada - Fatih Camii Hazirəsində Fateh Sultan Mehmedin və həyat yoldaşının, II Bəyazidin anası Gülbahar Xatunun, Qazi Osman paşanın, II Mahmudun anası Nakşıdil Validə Sultanın türbələri olan bir ərazidə kiçik, amma çox önəmli şəxslərin dəfn edildiyi məzarlıqda yatır. Paşaların, vəzirlərin, alimlərin (Əli Əmiri Əfəndi, Halil İnalcık və digərləri), dövlət adamlarının qəbirlərindən ibarət məzarlıq sanki Osmanlı protokolunun biraraya gəlişini xatırladır. Və azərbaycanlı – şamaxılı Hacı Səid Ünsizadə də vaxtilə İstanbulda bu dəyərə layiq görülüb. Görülüb, amma böyük-böyük mətbuat tarixçiləri, özünü gənc mətbuat tarixçiləri adlandıran ekspertlər, Azərbaycan jurnalistika təhsili nümayəndələri, irsə varislikdən danışanların əksəriyyətinin dəyərindən çox uzaqda qalıb. Yəqin Ünsizadələr inkişaf tariximizin qabardılan dövrünə düşə bilməyiblər. Təəssüf... Görəsən, məzarının “adsız” olaraq qalması bu səbəbdəndir? Amma tarixi ilə küsülü olan və ya onun bir hissəsini görən yox, tarixini bütün olaraq sevən millətlər qalib olurlar”


Nurlan Ağa da paylaşımında qeyd etdiyi kimi, məzar, mərhumun kötücəsi Zaur Ünsizadənin təşəbbüsü ilə bir neçə il əvvəl çətinliklə tapılıb: “Çətinliklə tapılan bu məzar hələ də qeydiyyatda “adsız məzar” olaraq gedir, üzərindəki yazılar silinmək üzrədir. Qəbir üzərinə latınca lövhə yerləşdirilməsi, baxım aparılması, qeydiyyata düzəliş üçün xüsusi icazələr gərəkdir, amma bu işlə elmi-kütləvi-mədəni şəkildə maraqlanılmayıb, ailə varisinin cəhdləri də alınmayıb. Məzarlıq nəzarətçəsinə qəbirin fotosunu göstərdik və ərazi kiçik olduğundan, fotoya baxa-baxa qəbir tapıldı. Ünsizadəni ziyarət etdik, ona təşəkkür etdik və onunla bağlı təşəbbüs etdik. Ünvanladığımız məktubda da yazdığımız kimi, Ünsizadələrin varisləri, Türkiyədə yaşayan Azərbaycan tələbələri və tarixi-mədəni dəyərlərinə sayğı duyan hər kəs adından İstanbul Böyükşəhər Bələdiyyəsinə, ən azından elə özümüz tərəfindən məzarda bərpa işləri aparmaq, kimliyini bəlli etmək, qeydiyyata salmaq üçün bir müraciət elədik. Yaxın günlərdə müraciətimizə müsbət cavab gələcəyinə inanırıq”.

Ardını oxu...

Nurlan Ağa müraciətinin sonunda bununla bağlı xahişini ifadə edib: “Hamınızdan hələlik bir xahişimiz var. Heç olmasa, İstanbula yolunuz düşəndə, asudə vaxtınızdan qalanda bir buraya da baş çəkin, nəzarətçilərə fəxrlə “bizim Fatehin qəbrinin yanında yatan ziyalımız var” deyin. Deyin, heç olmasa, gələn-gedənin sayı çox olduqca o məzar unudulmasın, kimsəsiz qalmasın. Onlar təkcə öz soylarının deyil, hamımızın irsidirlər. Tarix bir hökmü-ilahidir, bu gün onlara necə sahib çıxırıqsa, sabah bizə də elə sahib çıxacaqlar. Gedərkən məzarlarından sümükləri çıxarıb aparanları gördünüz, sabah onun üstünə yalan-yanlış onunu da qoyub dünyaya göstərəcəklər. Amma bu dəfə bizim kimlərimiz, nələrimiz ola-ola, “dünya niyə bizə baxmır?” sualını verən olmayaq. Varis olmağı bacaraq: keçmişə də, bu günə də, dolayısı ilə gələcəyə də!”.



Doktorantımızla əlaqə saxlayıb birbaşa özümüz də bu mövzuda həmsöhbət olduq, fikirlərini, hisslərini, təcrübələrini dilindən eşitdik. O, AYNA-ya bildirdi ki, 2019-cu ildə Türkiyəyə gəlişindən bəri, bu, İstanbula ikinci səfəridir: “İlk dəfə Əli bəy Hüseynzadə, onun oğlu Səlim Turan, Əhməd bəy Ağaoğlu və onun ailəsi, Azərbaycan Cümhuriyyətinin nazirlərindən Xəlil bəy Xasməmmədovun məzarlarında olmuşdum. Lakin ilk dəfə gəldiyimdə İstanbulda qısa müddət qaldığım üçün Hacı Səid Ünsizadənin məzarını ikinci gəlişimdə ziyarət edə bildim. Bu hissləri anlatmaq çətindir. O ki məzarlıqdakı məsul şəxs sizə “ha, şu isimsiz məzar” deyir ha, qışqırmaq istəyirsiniz ki, o “isimsiz məzar” deyil, bizimdir, bizim!”.

Ardını oxu...

Nurlanla söhbətimiz zamanı onu da qeyd etdi ki, adı ilə tanınmayan təkcə Səid Ünsizadənin məzarı deyil: “Daha bir neçə şəxsiyyətlərimiz də müxtəlif nişanlarla tanınırlar. Təkcə Hacı Səid əfəndi yox, elə digərləri də diqqətdən kənardadırlar. Karacaahmet Məzarlığında Əli bəy Hüseynzadənin qəbri “ha, şu bayraklı məzar” olaraq tanınır, yəni yaxşı ki, yanında bayraqlar var, olmasa, onu da bilməyəcəklər. Feriköy Məzarlığında isə Azərbaycan Cümhuriyyətinin nazirlərinin Fəxri Xiyabanının olduğunu deyə bilərik, amma yenə də məzarlarını heç kim tanımır. Ağaoğluların köklü soyu olduğundan və qəbirlərinə sahib çıxdıqlarından nəzarətçilər yalnızca onları tanıyırlar. Bir də Xəlil bəy Xasməmmədov düz Ağaoğluların yanında olduğu üçün onu ziyarət edə bildik. Girişdə 2018-ci ildə qoyulmuş mərmər lövhədə Nağı bəy Şeyxzamanlı, Xosrovpaşa bəy Sultanov, Behbud xan Cavanşir, Miryaqub bəy Mirmehdiyev və digərlərinin məzarlarının olduğu yazılsa da, işçilər bu məzarların yerlərini bilmirlər”.



Həmsöhbətimiz bunun səbəbini həmin məzarları ziyarət etməyə gəlib-gedənin olmamasında görür: “Soruşan, axışan, ora bir nişanə qoyanlar yoxdur. Bunun təqsirkarı bizik. “Facebook” paylaşımımda da qeyd etdiyim kimi, gəlin onları qoruyaq, bunun üçün rəsmi qurumlardan da nəsə gözləmədən özümüz ən azından ziyarət edək. Hanı İstanbuldakı Azərbaycan diasporu? Hanı İstanbulda və Türkiyədə təhsil alan Azərbaycan tələbələri? Mən onlara səslənirəm, siz bura Vətəni təmsil etməyə gəlmisiniz, irsə varis olun, dəyərlərimizi birlikdə qoruyaq. Ən azından, həftədə bir dəfə kimsə gedib nəzarətçilərdən məzar soruşduqda, məlumat verdikdə yadlarında qalacaq. Biz Fateh Camii Hazirəsindəki nəzarətçiyə də, daha əvvəllər Karacaahmet və Feriköydəki nəzarətçilərə də orada yatan şəxslər haqqında danışdıq, məlumat verdik ki, kimlərdirlər. Bunu onlara xatırladan çox olduqca yaddaşlarından da silinməyəcək. Bu ki bizim işimizdir”.



Doktorant Maral Nəcəfli də AYNA-ya danışarkən, Türkiyəyə gedən həmvətənlərimizin oradakı məzarlıqlarda yatan şəxsiyyətlərimizin qəbrini ziyarət etməməkdə gətirdikləri bəhanələrin əsassız olduğunu deyib, vaxt qıtlığının bunda əsaslı səbəb olmadığını ifadə edib: “Əvvəlcə, bu məsələyə belə həssaslıq göstərdiyiniz üçün bir daha təşəkkür edirəm. Əslində Nurlan Ağanın tənqidindən bir parça da mənə düşür. Çünki baxmayaraq ki, mən artıq bir ildən çoxdur İstanbulda yaşayıram, amma Hacı Səid Ünsizadənin məzarını o vaxta qədər gedib ziyarət etməmişdim. Təbii ki, bunu niyə edə bilmədiyimi bir çox şəkildə əsaslandıra bilərəm. Amma bütün bunlar, etiraf edirəm ki, bəhanədən başqa bir şey olmaz”.



Müsahibimiz hazırda Ünsizadənin qəbrini ziyarət edə bilmək imkanının olması üçün məzarın tapılmasında çox əziyyət çəkmiş Zaur Ünsizadənin bu əməyinin gözardı edilməsinin yolverilməz olduğunu bildirib: “Bu gün əgər biz Ünsizadənin məzarını ziyarət edə bilir və bundan danışa biliriksə, təbii ki, burda ən böyük təşəkkürü onun kötücəsi Zaur Ünsizadəyə borcluyuq. Əslində, dövlətin bəlli qurumları tərəfindən araşdırılıb ortaya çıxarılması gərəkən bu tarixi məzarın onun şəxsi təşəbbüsləri ilə tapılması gözardı edilməməlidir. Və məndə olan məlumata görə, Zaur bəyə bu prosesslər zamanı dəstək olanlardan çox köstək olanlar olub”.



“Azərbaycan mətbuat tarixində bu qədər önəmli bir yerə sahib şəxsin niyə görməzlikdən gəlinməsini, doğrusu, anlaya bilmirəm. Bu insanlar maarifçilik hərəkatına öndərlik etmiş şəxslərdir, hansı ki, biz bu gün onların bizə miras qoyduğu zəmin üzərində boy atmağa başlayırıq. Kim bilir, hələ nə qədər "adsız məzar" deyə adını gözləyən Azərbaycan ziyalısının məzarı var. Onlar öz yurdlarının adını dünyaya yazmaq üçün yola çıxdılar, amma çox təəssüflər olsun ki, indi yurddaşlarının onlara ad verməsi üçün yol gözləyirlər”, – deyə Nəcəfli söyləyib.ayna.az/
Ardını oxu...
Azərbaycan ordusunun Dağlıq Qarabağdakı Ermənistan üzərindəki qələbəsi, Türk Radio və Televiziya Təşkilatının (TRT) musiqi kanalında konsertlə qeyd ediləcək.

Yenisabah.az xəbər verir ki, bu barədə Anadolu Agentliyi məlumat yayıb.

“Qarabağda bayram var” adlı konsert Türkiyə Musiqi Kanalında Azərbaycan xalq mahnıları və gözəl Azərbaycan rəqsləri ilə yayımlanacaq.

Konsert sabah Türkiyə vaxtı ilə 19: 45-də ( Bakı vaxtı ilə 20:45) TRT Musiqi Kanalında canlı yayımlanacaq.

Ardını oxu...

Vətən müharibəsində Azərbaycanın qələbəsi tarixi hadisə oldu. Bu barədə hələ çox deyiləcək, çox yazılacaq, çox əsərlər yaradılacaq. Azərbaycanın Xalq rəssamı, plakatçı və illüstrasiyaçı Arif Hüseynov Qələbəyə həsr edilmiş plakatlar silsiləsini “Qalibiyyət” adlandırıb.

AZƏRTAC xəbər verir ki, Qarabağ müharibəsi mövzusu Arif Hüseynovu həmişə maraqlandırıb. O hesab edir ki, biz bu gün üzləşdiyimiz gerçəkliyi - müharibə ilə sülh arasında, dostlarla satqınlar arasında yaşamağımızı unutmamalı, lakin bu vəziyyətlə barışmamalı, onun mənbəyini anlamalı, ümidimizi heç vaxt itirməməliyik.

Nəhayət, çoxdan gözlədiyimiz Qələbə günü yetişdi! Rəssamın əvvəlki işləri əsasən ağ-qara fonda çəkilmiş qravürlər idisə, “Qalibiyyət” silsiləsini təşkil edən plakatlar bayrağımız kimi qırmızı, yaşıl və göy rənglərdə, doğma Qarabağın günəşli səması rəngindədir.

“Qalibiyyət” silsiləsinə daxil olan səkkiz plakatda Ali Baş Komandan, gözəl Şuşa, doğma torpaqlarımızı işğaldan xilas edən qalib Azərbaycan əsgərləri təsvir edilib.

Otuz ilə yaxın müddətdə millətimizin ən ağrılı yeri olmuş bu dilbər guşənin tarixinə, hərbi və mədəni keçmişinə həsr edilmiş monumental silsilənin yaradılmasına Arif Hüseynov həyatının təqribən altı ilini həsr edib. Rəssamın bu mövzuya həsr edilmiş sərgiləri keçirilib, üç dildə “Qarabağnamə” albomu nəşr olunub.

Təqdimat mərasimi Bakı Kitab Mərkəzində keçirilmiş bu albomda Qarabağın rəmzləri – Xarıbülbül gülü, Şuşadakı heykəllər, alban abidələri, Xudafərin körpüsü, Rusiya çarı Birinci Pyotrun ermənilərin Azərbaycan torpaqlarına köçürülməsi barədə fərmanı... yer alıb. Bir sözlə, yeni nəsillərin Qarabağı vizual şəkildə görməsi üçün rəssam əlindən gələni edib. Qarabağa həsr edilmiş sərgi “Müharibə və sülh müasir dövrün reallıqları kimi” adlanırdı.

“Qarabağnamə” seriyası Qarabağın və Azərbaycanın taleyi, bu diyarın həyatının müxtəlif cəhətləri və tarixi faktlar barədə sənədli-bədii hekayətdir. Rəssam çoxsaylı sənədləri, fotoşəkilləri, arxeoloji ekspedisiyaların hesabatlarını, memarlığa, dekorativ-tətbiqi incəsənətə, musiqiyə aid tədqiqat əsərlərini, nəhayət Azərbaycanın görkəmli övladlarının – ölkə rəhbərlərinin, sərkərdələrin, qəhrəmanların tərcümeyi-hallarını diqqətlə öyrənərək, yurdumuzun keçmişi, bu günü və gələcəyi barədə əsl epopeya yaradıb.

Şübhə yoxdur ki, tanınmış rəssamın son işləri Qarabağın, yenilməz Şuşa qalasının və onun xilaskarı olan müzəffər Azərbaycan Ordusunun tarixi salnaməsinin davamı olacaq.

Arif Hüseynovun “Qarabağnamə” silsiləsində bütün kompozisiyalar real faktları əks etdirir. Tarixi mötəbərlik onun yaradıcılığında xüsusi əhəmiyyət kəsb edir.

“Qarabağnamə” – təkcə rəssamın bədii təxəyyülünün məhsulu deyil, bu, konkret hadisələrə, faktlara əsaslanan, konkret şəxslərlə bağlı tarixdir. İndi bu silsilə həm də doğma Qarabağın, 30 il gözlədiyimiz Qələbənin tarixidir.

 

Ardını oxu...


Hazırda cəbhə bölgəsində olan aktyor Emil Musayev Vətən müharibəsi barədə danışıb.
O, ilk günlərdə döyüş yoldaşlarının onun cəbhəyə yollanmasını təəccüblə qarşıladığını bildirib.

"Aktyoram və çox adamlar təəccüblə qarşılayır ki, sən burda nə edirsən? Vətəni qorumaq hər birimizin borcudur. Şükürlər olsun ki, bunun öhdəsindən gələ bildik. Reper dostum Epi (Əkbər) də burda bizimlə birlikdə döyüşürdü. Əlbəttə, çətin idi. Həm yaş, həm fiziki görünüş eitbarilə çətin idi. Amma məqsəd böyük idi. Hər şeydən öncə vətəndir. Bütün Azərbaycan xalqını qələbə münasibətilə təbrik edrəm. Şəhidlərə rəhmət, qazilərimizə şəfa diləyirəm. Sağ qalanları da tərbik edirəm ki, sağ-salamat evlərinə qayıdırlar. Qarabağ Azərbaycandır!"

Qeyd edək ki, E.Musayev bir sıra yumoristik layihələrin aparıcı simalarındandır.

Dünyapress TV

Xəbər lenti