Ardını oxu...
Artıq dörd gündür pandemiya ilə bağlı dərslər distant və ənənəvi qaydada tədris olunur. Bu müddət ərzində valideyn və müəllimlər sosial şəbəkələrdə distant təhsilin problemlərindən şikayətlənirlər. Maraqlıdır, monitorinqlər aparılırmı? Problemlərlə bağlı tədbir görülürmü?

Təhsil Nazirliyindən Teleqraf.com-un sorğusuna cavabda bildirilib ki, nazirlik 4 müxtəlif situasiya üçün dərs cədvəli nümunəsi hazırlayıb. Dərs cədvəlləri həm məktəblərə göndərilib, həm də nazirliyin rəsmi saytında yerləşdirilib.

Bununla yanaşı, hər gün nazirliyin və yerli təhsili idarəetmə orqanlarının nümayəndələri məktəblərdə reydlər aparır, lazımi dəstək göstərirlər. Müəllimlərə distant (məsafədən) öyrətmə mövzusunda təlimlər keçilir, eyni zamanda yeni təlimlər planlaşdırılır.

Mövzu ilə bağlı Təhsil Nazirliyi yanında İctimai Şuranın məsul katibi İlqar Orucov deyir ki, hazırda qəbul olunan qərarlar situasiyaya uyğundur və müvəqqəti xarakter daşıyır: “İbtidai siniflərdə dərslər hibrid formada , yuxarı siniflərdə və ali təhsil müəssisələrində isə distant qaydada davam etdirilir. Əlbəttə, bu, bizim başqa çıxış yolumuzun olmadığını təsdiqləyir. Əgər hansısa imkan olsaydı, təbii ki, Təhsil Nazirliyi, ölkə rəhbərliyi başqa qərarlar qəbul edərdilər.

Vəziyyət ətraflı şəkildə araşdırılıb və situasiyaya uyğun addım atılıb. Qərar qəbul edilməzdən əvvəl müzakirələr apardıq, çoxsaylı tərəflər dinlənildi, dünya təcrübəsi öyrənilərək ən optimal variant kimi hazırkı qərar üzərində dayanıldı”.

Təhsil ekspertinin sözlərinə görə, qəbul edilən qərarlar nə qədər doğru və vəziyyətə adekvat sayılsa da, xeyli problemlər özünü göstərir: “Xüsusilə, internetlə, texniki vasitələrlə bağlı ciddi problemlər var. Nəinki şagirdlərimiz, müəllimlərimiz də distant təhsili tədris etmək üçün texniki vasitələrlə təminatda çətinlikıərlə qarşılaşırlar. Təhsil alanların internetə çıxışları olduqca zəifdir. Bu, xüsusilə aztəminatlı ailələrdə, dağ kəndlərində özünü büruzə verir. Hətta paytaxtda da bu problemlər mövcuddur.

Ümid edək ki, problem aradan qalxacaq, epidemioloji vəziyyət ölkədə kəskinləşməyəcək. Proses bütün hallarda izlənilir, vəziyyət yaxşılığa doğru gedəcəksə, təbii ki, qərarlar da dəyişəcək.

Məsafədən təhsil dedikdə yalnız internet üzərindən tədris nəzərdə tutulmur. Bu istiqamətdə dövlət nə lazımdırsa edir və edəcək. Məsələn, müəllimlərin əməkhaqqı olduğu kimi saxlanılır, heç bir problem yoxdur. Bütün müəllimlərimiz bu prosesdə aktiv iştirak edə bilməsə də, dövlət yenə də humanizm nümayiş etdirir”.

İlqar Orucov bildirib ki, hazırkı dönəmdə yaranan internet problemi ilə bağlı Təhsil Nazirliyi yanında İctimai Şura təklif irəli sürüb: “Hesab edirik ki, internet tarifləri azaldılmalıdır. Mobil operatorlar bu ölkədə fəaliyyət göstərir, vəsait qazanırlar, sosial məsuliyyətlərini ortaya qoymalıdırlar. İnternet tariflərində ciddi güzəştlər edib, nəzərə almalıdırlar ki, bu, müvəqqəti çətinlikdir.

Fikrimcə, hazırkı zamanda hər şeyi dövlətin üzərinə atmaq yanlış addımdır. Bir insanın təhsil alması yalnız onun özünün uğur qazanması demək deyil, bu, həm də dövlətin gələcək inkişafı deməkdir.

Valideynlərimiz də məsuliyyətli davranmalıdırlar. Ümid edirəm ki, vəziyyət yaxşılaşacaq və bu gün bizi düşündürən problemlər aradan qalxacaq. Amma nə qədər ki, pandemiya dövrüdür, təhsilə dəstək olmaq hamımızın borcudur”.

Təhsil eksperti regionlardakı vəziyyətin ürəkaçan olmadığını deyib: “Regionlarda internet problemi paytaxtla müqayisədə daha ciddi, daha aktualdır. Bu baxımdan xüsusilə region məktəblərində çalışan müəllimlərin üzərinə böyük yük düşür. Region məktəblərində çalışan hər bir müəllim düşünməlidir ki, dövlət onun əmək haqqını saxlayır. Şagirdlərə dəstək versinlər, hətta onların evinə getmək lazımdırsa da, bunu da etsinlər. Bu çətin dönəmdə şagirdlərin təhsilsiz qalmaması üçün bütün alternativ mənbələri işə salsınlar.

Teledərslər layihəsi davam edir. Mən valideynlərimizə üz tuturam, övladlarına biganə olmasınlar. Teledərsləri izləməklə bağlı bu prosesdə övladlarına nəzarət etsinlər. Onların ev tapşırıqlarını yerinə yetirməsində kömək olsunlar. Əlbəttə, çatışmazlıqlar var, bunu gizlətməyə ehtiyac da yoxdur. Təhsildə var olan problemi gizlətmək gələcəkdə yeni problemlərin yaranması deməkdir. Bu baxımdan, mövcud çətinliklər deyilməli və onun həlli üçün alternativlər ortaya qoyulmalıdır”.
 
 
Ardını oxu...
Bu il may ayından etibarən vətəndaşlar müəyyən xidmətlərdən istifadə və ya alış-veriş zamanı ödədikləriədv-nin bir hissəsini geri qaytara bilmək şansı əldə etdilər. Hazırda isə əksər yerlərdə bu xidmətdən yararlana bilmirlər. Səbəbi aidiyyatı qurum ilə araşdırmışıq.


Vətəndaşlar bəzi obyektlərin xidmətlərindən yararlanan zaman ƏDV-nin bir hissəsini geri qaytara bilsələr də, əksər yerlərdə bu mümkünsüzdür.


Dövlət vergi xidmətinin şöbə müdiri Məmməd Quliyev deyir ki, hansısa bir obyektdə ƏDV-nin bir hissəsi vətəndaşa geri qaytarılmırsa, demək ki, sahibkar sadələşdirilmiş vergi ödəyicisidir.


Məmməd Quliyevin sözlərinə görə, vətəndaş xidməti şəxsinsadələşdirilmiş , və ya ƏDV ödəyicisi olduğunu ona təqdim edilən çek əsasında müəyyən edə bilər.


Qeyd edək ki, köhnə nəsil kassa aparatlarından istifadə də ƏDV-nin bir hissəsinin geri qaytarılmasına imkan vermir. Məmməd Quliyev bildirdi ki, 2021-ci il 1 aprel tarixinədək Bakı, Sumqayıt və Gəncə şəhərlərində,2022-ci ilin sonuna kimi Respublika üzrə bütün obyektlər yeni nəsil kassa aparatları ilə təmin olunacaqdır.demokrat.az
 

0
Ardını oxu...
Mütəfəkkirlərdən birinin çox sevdiyim sözü var: “Dünyada iki cür oğru var. Polis birinciləri müdafiə edir, ikinciləri isə qoruyur”. Birincilər, bir tikə çörək üçün buna məcbur olanlar, ikincilər pula “pul” dəyməyən vəzifəli şəxslər, məmurlardır. Onlar, doğrudan da, pula “pul” demirlər. Əks halda milyonlarla qiyməti olan saat taxmaz, qalstuk almaz, ətirdən istifadə etməz, falçıya verməzlər. Təsadüfi deyil ki, onlar pul gəzdirmirlər. Onsuz da bir aksesuarlarının külli miqdarda qiymətləri var. "Sağlıq"larına qismət! Bəs bu pulları hardan alırlar?! Yəni bu qədər zəhmətkeşdirlər ki, səhərdən axşamadək, nəfəs dərmədən işləsinlər?! İnandırıcı deyil. Deməli, necə deyərlər, bu işdə bir mübhəm məqam var. Pulu, az qala, göyə sovuran məmurlar barədə “Sherg.az”a danışan millət vəkili Tahir Kərimli onların gec-tez məsuliyyətə cəlb olunacağını düşünür: “Etiraf edək ki, müstəqil dövlət quruculuğu sistem dəyişikliyindən başlayır. Belə sistem dəyişikliyi vaxtı ilə bizdə də oldu-sosializmdən kapitalizmə keçdik. Beləliklə, haram yolla kapitallar yığıldı və bu işin başında vəzifə sahibləri durdu.

Ümumiyyətlə, dünyanın heç bir ölkəsində ilkin kapital halal olmayıb. RokFeller deyirmiş ki, birinci bir milyonumun hardan gəldiyini soruşmayın, amma qalanlarının hesabatını verərəm.

Dediyim kimi, bizdə də həmin kapital məmurların əlində toplandı və qohum-əqrəbaları, yaxınları da bundan istifadə etdilər. Beləliklə, dövlət büdcəsi talan olundu. Heç kim heç nə demir. Amma heç olmasa, mülklərinin vergilərini ödəyib, haram mallarını halallaşdırsınlar.

Onların böyük əksəriyyəti bunu etmir. Fikrimcə, korrupsiya ilə mübarizə istiqamətində islahatlar güclənməlidir. Belə olsa, həmin məmurlar bir-bir məsuliyyətə cəlb ediləcəklər”.
Ardını oxu...
Ölkədə dərslər başladı. Onlayn qaydada dərslər tənbəl şagirdlərə sevinc, interneti olmayan və ya zəif olan valideynlərə əsəb, müəllimlərə isə məsuliyyət gətirib. Ona görə məsuliyyət ki, indi hər bir tələbənin, şagirdin valideyni evdə müəllimin hansı qaydada dərs keçdiyini görə, tədrisin keyfiyyətini, müəllimin bacarığını qiymətləndirə bilər. Təbii ki, intenet böhranını adlaya bilənlər nəzərdə tutulur.

İşin ən pis olan tərəfi əlbəttə ki, olmayan və ya zəif internetdir. Bu, ratonlar üçün ən böyük problemdir. Çünki,hələ dünyanın düz vaxtında da regionlarda yüksəksürətli və keyfiyyətli internetdən söhbət gedə bilməzdi. İndi onsuz da axsayan, can verən təhsilimiz bu sınıq-salxaq internetin cənazəsinə minib, üzü ha yana gedəcək, bunu bir Allah bilir , bir də Nəqliyyat, Rabitə və Yüksək Texnologiyalar Nazirliyi (NRYTN). Nazirlik məsələyə həmişəki kimi quru və sabit bir cavab verir. "NRYTN martın 20-dən gücləndirilmiş iş rejimində fəaliyyət göstərir . Əhalinin nəqliyyat, poçt, tele-komnukasiya, o cümlədən, intertet mobil rabitə xidmətləri ilə keyfiyyətli və davamlı şəkildə təmin olunması ilə bağlı tabeli qurumlara xüsusi tapşırıq verib. Ancaq nəzərə alsaq ki, insanlar evdədirlər və internetdən daha çox istifadə edirlər, bəzən normal şəkildə yüklənmələr ola bilər”.

Halbuki yüklənmə-filan olmadığı vaxtlarda da Bakı daxil bütün Azərbaycan internet böhranı yaşayır və bu vəziyyət açıq-aşkar son illərdə, daha dəqiq desək, nazir Ramin Quluzadənin idarəçiliyi müddətində daha da pisləşib.

Regionlarda internet ADSL üzərində oturub, köhnə texnologiyadır. Bakıda bir çox ərazilərdə telefon və internet yoxdur və bir çox qəsəbələrdə hələ də ADSL intenet fəaliyyət göstərir ki, o da bir çox hallarda çökür.

"Multimedia” İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz Bizimyol.info-ya verdiyi məlumatda bildirib ki, internetin ölkə daxilində keyfiyyətini yüksəltmək üçün mütləq rəqəmsallaşdırmaya getmək lazımdır. Onu da bizim ölkəmizdə bir biri ilə düzgün rəqabət apara bilməyən şirkətlər, xüsusən nazirlik yarıtmaz hala gətirib.

"Özəl provayderlər rayonlarda, kəndlərdə fəaliyyət göstərmək üçün böyük xərclər çəkməlidir, bu, böyük investisiya tələb edir. Regionda nə baş verir izah edim. Nazirlik yenilənmə edərkən orada öz avadanlığını quraşdırır və provayderin avadanlığını götürüb atır. Provayderin həmin şkafda hər müştəriyə göstərdiyi xidmət 2 manat idi, indi nazirlik avadanlığını qoyub provayderi məcbur edir 6 manat ödəməyə. Eyni şeydir, 3 dəfə bahalaşma gedir. Hansı ki, 50 qəpik olmalı idi. Nazirlik provayderin avadanlığını atır, ona deyir mənim avadanlığımdan istifadə et və bunun üçün də yüksək qiymət tətbiq edir. Bu da məhkəmə çəkişmələrinə səbəb olur. 7 il öncə "Hər evə optika” layihəsi var idi. 500 milyon manatlıq layihə idi. Qeyri-şəffaflıq və məmurların yarıtmazlığına görə, bu vəsait ayrılmadı. Və problem olduğu kimi qaldı. Resursları məhdud olduğuna görə, nazirlik bu problemi həll etməyi tək bacarmaz. Resurları məhduddur, Aztelekom, Baktelekom isə bu işi çox az sürətlə görə biləcək, bir ilə bir rayonu ancaq əhatə edə bilərlər, 70 rayonumuz var, nə zamana bitəcək bu işlər?!”

Ekspert ölkədə internetin sürətinin zəif olmasını dövlətin rəqabət şəraitini düzgün qurmaması, bu sahədə özəl şirkətlərin əl-qolunun bağlanması ilə əlaqəli olduğunu bildirib. Dövlət şirkətlərinə böyük güzəştlər edildiyi halda özəl provayderlərin fəaliyyətinə süni maneələr yaradılır, bunun da əziyyətini həmişəki kimi xalq çəkir. Nə özü verə bilir, nə də özgəni qoyur. Özəl provayderlər dövlətin resurslarından istifadə edirlər deyə özlərinə başğarısı yaratmamaq üçün dövlətin qoyduğu tələblərlə getməli olur.

Ekspert vəziyyətdən çıxış yolunu müstəqil tənzimləyici qurumun yaradılmasında və nazirliyin kommersiya səlahiyyətlərinə son qoyulmasında görür. Bir də 2019-cu ilin yanvar ayında start götürmüş qlobal Dijital Hub layihəsinə ümid qalıb. Bununla bağlı zəruri olan investisiyalar da yatırılıb.

Bizimyol.info-ya AzerTelecom şirkətindən verilən məlumata görə şirkət Azərbaycanı regionun rəqəmsal mərkəzinə çevirəcək "Azerbaijan Digital Hub” layihəsinin həyata keçirilməsinə başlayıb.

AzerTelecom və "Azərbaycan Dəmir Yolları” QSC arasında mövcud dəmir yollarının qorunma zolağı boyunca dayanıqlı magistral fiber-optik kabel xətlərinin çəkilməsinə dair layihənin icrasına başlanılıb. Dəmir yolları boyunca dayanıqlı fiber-optik magistral infrastrukturun qurulması ölkənin Regionun Rəqəmsal Mərkəzinə (Azerbaijan Digital Hub) çevrilməsinə imkan verəcək.

Dəmir yolları boyunca magistral fiber-optik kabel xətlərinin çəkilişi ölkənin rəqəmsal infrastrukturunun güclənməsinə, ölkə boyu yeni davamlı infrastrukturun formalaşmasına və qonşu dövlətlər olan Rusiya, Gürcüstan, Türkiyə və İran ilə dayanıqlı genişzolaqlı fiber-optik kabel bağlantılarının formalaşması təkan verəcək.
"Azerbaijan Digital Hub” layihəsinin icrası nəticəsində Azərbaycanın telekommunikasiya ekosistemi ən qabaqcıl dünya standartları səviyyəsinə qalxacaq, ölkənin İnternet alışında xarici ölkələrdən asılılığı minimuma endiriləcək, perspektivdə isə Azərbaycan regionda İnternetin satışında mərkəzi ölkəyə çevrilərək, rəqəmsal xidmətlər idxal edən tərəfdən bu xidmətləri istehsal və qonşu regionlara ixrac edən ölkəyə transformasiya olunacaq. Beləliklə, dünyanın İnternet xəritəsinə London, Frankfurt, Sofiya, İstanbul, Moskva, Amsterdam, Dubay ilə yanaşı Bakı da əlavə olunacaq. Layihə ümumilikdə Azərbaycanda yeni iş yerlərinin açılmasına, ölkəyə valyuta axınına, iqtisadiyyatın rəqəmsallaşmasına və inkişafına töhfə verəcək.

Gözəldir, necə deyərlər "avazın yaxşı gəlir, oxuduğun Quran olsa”. Hələ ki, layihənin startından bir ildən az vaxt keçib. Gözləyək görək nə olur. Biz onsuz da pulumuzu verib internetimizi alırıq, alırıqsa barı keyfiyyətli məhsul alaq.

Amma bir şey yenə də aydın deyil: Rayonlara fiber-optik xətlərin çəkilməsindən dəm vuranlar paytaxtda bu işi görüb qurtarıblarmı? Heç olmasa, Bakının yarısında fiber-optik internet varmı? Təbii ki, yoxdur. Paytaxtı bu gündə olan ölkədə regionlar hansı gündə olmalıdır ki?..
Ardını oxu...
London birjasında Brent markalı neftin noyabr fyuçerslərinin qiyməti 42 dolları ötüb.

Qaynarinfo xəbər verir ki, "qara qızıl”ın bir barelinin qiyməti 3,7% bahalaşaraq 42,03 dollar olub. Brent sonuncu dəfə bu qiymətə cari ilin 8 sentyabrında satılıb.

WTI markall neft isə 3,94% bahalaşaraq bir barelə görə 40,07 dollar olub.
Ardını oxu...
ABŞ-ın Mərkəzi Bankı funksiyasını yerinə yetirən Federal Ehtiyatlar Sistemi (FED) uçot dərəcəsini sabit saxlayıb.

Teleqraf.com xəbər verir ki, bu barədə maliyyə nizamlayıcısının rəhbərliyinin iclasının yekunlarına dair məlumatında deyilir.

Komitə federal fond üzrə hədəf aralığını 0-0,25% səviyyəsində saxlamaq barədə qərar qəbul edib.
Ardını oxu...
Vergi Məcəlləsinə 1 yanvar 2019-cu ildən əlavə edilən 165.5-ci maddə ilə fiziki şəxs olan istehlakçıların pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları istisna olmaqla) görə ödənilmiş əlavə dəyər vergisinin (ƏDV) geri qaytarılması müəyyən edilib. İstehlakçılar alış-veriş edərkən bu hüquqlarının pozulmasından şikayətlənirlər. Necə?

Baku Tv mövzunu araşdıraraq maraqlı süjet hazırlayıb. Əksər insanlar marketlərdə alış-veriş edərkən çekin verilməməsindən şikayətlənirlər. Bu məsələdə də ən çox kassir günahlandırılır. Üz tutduğumuz supermarketdə müşahidələrimizə əsasən demək mümkündür ki, kassirlər alıcılara tələb etməsələr də, çek verirlər. Bəs bu problem hansı marketlərdə yaşanır?

Məsələ ilə bağlı Vergilər Nazirliyinin münasibətini öyrənməyə çalışdıq. Nazirlikdən bildirdilər ki, Dövlət Vergi Xidmətinin qəti mövqeyi budur ki, istehlakçıya kassa çeki mütləq şəkildə təqdim edilməlidir.

ƏDV ilə bağlı digər problem isə “edvgerial” saytından yığılan məbləğlə bağlıdır. Belə ki, bəzi vətəndaşlar bildirirlər ki, yığılan məbləği Kapital bankı çıxmaq şərtilə hər hansı bank kartına yüklədikdə bir manat məbləğində komissiya haqqı tutulur. Bəs vergidən əlavə olunan ödənişdən vergi tutmaq nə dərəcədə doğrudur? Nazirlik bu sualı da cavabsız qoymadı. Belə ki, əgər həmin kart hüquqi və ya fiziki şəxsə məxsusdursa, hüquqi şəxs və fərdi sahibkarların kart hesablarından nağd qaydada vəsaitin çıxarılmasına görə 1% dərəcəsi ilə sadələşdirilmiş vergi tutulur.

Sonda bu qənaətə gəldik ki, ƏDV çeklərinin verilməməsinə daha çox kiçik mağazalarda rast gəlinir. Məsələnin digər tərəfi isə göz qabağındadır. ƏDV çeklərindən yığılan məbləğdən tutulan vergi isə birbaşa banklarla əlaqəlidir. Bu məsələyə nazirliyin heç bir adiyyəti yoxdur.
 
 
Ardını oxu...
Rusiya bazarlarında azərbaycanlı sahibkarlar erməni alverçilərini sıxışdırır.

Eurasia Diary erməni KİV-lərinə istinadən xəbər verir ki, 5 il Rusiyada kənd təsərüfatı mallarının ixracı ilə məşğul olan erməni sahibkar Arqişti Yazıçyanın Rusiyada azərbaycanlı sahibkarların erməni malları almadığını qeyd edib.

“Mən azərbaycanlılardan soruşuram niyə bizim malları almırsınız? Onlar isə biz edə bilmərik, qadağa qoyulub. Əgər kimsə bu qadağanı pozsa onda onun kriminal aləmdə problemləri ola bilər, bax belə”, deyə Yazıçyan deyib.

O, deyir ki, “Food City”yə hər birində 2200 yeşik olan 2 tır üzüm və gavalı çatdırıb, lakin alan olmadığına görə günə 10-15 yeşik satmaqla 15 min dollar ziyan ilə Ermənistana geri dönməli olub. O, digər ixracatcı dostunun da başına bənzər hadisə gəldiyini bildirib.

“Ermənilərin əsas ticarət mərkəzləri olan “Buxta” və “İpək Yolu” da az mal satıb və al-ver getmir. Amma “Food City” isə qalan ticarət mərkəzlərini udan akuladır. Biz məmnuniyyətlə başqa yerə gedərdik amma başqa yer yoxdur. Topdan alanlar isə azərbaycanlılardır, onlar da bu sferada at oynadırlar”, deyə o söyləyib.

Erməni ixracatçı deyir ki, “Food City”nin qarşısında 25 belə erməni sahibkar dayanıb və satış yoxdu.

Rusiya bazarındakı erməni mallarının qiymətlərindən bəhs edən ixracatçı malların qiymətlərinin "heç vaxt bu qədər aşağı olmadığını" qeyd edib.

Ardını oxu...
 

Hələ 2018-ci ildə dövrü mətbuatın yazdığına görə “Azərbaycan əhalinin bir nəfərinə düşən ayaqqabı cütünün istehsal həcminə görə MDB ölkələri arasında sonuncu yerləri tutur. MDB ölkələri arasında ilk yerləri bölüşən Belarus və Qırğızıstanda ayaqqabı istehsalının həcmi adambaşına 1 cüt olduğu halda Azərbaycanda əhalinin hər 100 nəfərinə 1 cüt ayaqqabı istehsal olunur”.Maraqlıdır bu statistika indi nə yerdədir? Qeyd edək ki,bu gün ölkənin ayaqqabı bazarı, demək olar ki, bütünlüklə xarici idxaldan asılıdır. Daxili tələbatın çox cüzi bir hissəsi yerli istehsal hesabına təmin olunur.Bu istehsalın böyük payı aşağı keyfiyyətli və aşağı qiymətli məhsullardan ibarətdir.Düzdür, fərdi emalatxanalarda yüksək keyfiyyətli məhsul istehsal edən fiziki şəxslər də var.Bəs dövlətin milyonlarla vəsait ayırıb yaratdığı müəssilərin payına nə düşür?

Aktualinfo.org xatırladır ki,Prezident İlham Əliyev tərəfindən təsdiqlənmiş Regionların Sosial-İqtisadi İnkişafı üzrə Dövlət Proqramı(2010-2015) çərçivəsində Azərbaycan Beynalxalq Bankının ayırdığı kreditlər hesabına maliyyələşən bir neçə sənaye müəssisələri arasında “BOT” Ayaqqabı Fabriki də olub.Hələ 1998-ci ildə 4 nömrəli Bakı ayaqqabı fabrikinin bazasında yaradılmış bu müəssisə 15 ildən çox bir müddətdə yerli bazarda ayaqqabı istehsalı sahəsinin başında dayanıb. “Azərbaycan Sənaye Korporasiyası” Açıq Səhmdar Cəmiyyətinin yaradılması haqqında Prezident İlham Əliyevin 6 noyabr 2017-ci il tarixli Fərmanından sonra“Azərbaycan Sənaye Korporasiyası” Açıq Səhmdar Cəmiyyəti tərəfindən təsis edilmiş onlarla sənaye müəssisələrindən biri də “BOT” Ayaqqabı Fabrikinin bazasında yaradılmış “ASK Ayaqqabı Fabriki” Məhdud Məsuliyyətli Cəmiyyəti olub.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “ASK Ayaqqabı Fabriki” MMC-nin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 09.03.2018-ci il tarixdə dövlət qeydiyyatına alındığı göstərilir.Hüquqi ünvanı Bakı şəhəri Xətai rayonu, Nobel pr. ev 23 olan MMC-nin nizamnamə kapitalının 9720786.00 AZN, qanuni təmsilçisinin Bağırov İlham Fikrət oğlu olduğu göstərilib.

Kifayət qədər maddi-texniki bazası olan bu MMC Azərbaycanda əhalinin ayaqqabıya olan tələbatının tam ödənilməsi üçün işini günün tələbləri səviyyəsində qura bilibmi? Qeyd edək ki,açıq internet resursları üzərindən apardığımız araşdırmalar zamanı “ASK Ayaqqabı Fabriki” MMC-nin istehsal etdiyi ayaqqıbalar barədə o qədər də dolğun məlumatlar əldə edə bilmədik.Xüsusilə vurğulamaq istərdik ki,10 milyon manata yaxın nizamnamə kapitalı olan MMC-nin sadə bir veb-səhifəsi belə yoxdur.”Azərbaycan Sənaye Korparasiyası”Açıq Səhmdar Cəmiyyətin rəsmi portalında isə fabrikin fəaliyyəti barədə çox qısa məlumat yerləşdirilib.Orada yerləşdirilən məlumatlara görə fabrik Azərbaycanda güc strukturları əməkdaşlarının,hərbi qulluqçuların qış-yay ayaqqabıları ilə təmin edir. Araşdırmalar zamanı onu da əldə edə bildik ki,MMC hər bu məqsədlərlə külli miqdarda dövlət vəsaiti xərcləyir.MMC-nin ayaqqabı istehsalına tender yolu ilə ayrımış olduğu vəsaitlərin bir qismini diqqətinizə çatdırırıq.

“ASK Ayaqqabı Fabriki” MMC-nin 24 sentyabr 2019-cu il tarixdəki elanına görə təkliflər sorğusu üsulu ilə ayaqqabı istehsalında istifadə olunan müxtəlif növ xrom dərilərin satınalınması ilə əlaqədar satınalma müsabiqəsinin qalibi “Seyfulla & Kövsər” MMC olmuşdur və 162 604.00 AZN məbləğində müqavilə bağlanmışdır.Xromla aşılanmış 1 800 000 dm2 üzlük dərinin satın alınması üzrə 30.01.2019-cu il tarixdə elan olunmuş tenderin də qalibi “Seyfulla & Kövsər” MMC olub və tərəflər arasında 955 800.00 manat məbləğində müqavilə bağlanmışdır.

“ASK Ayaqqabı Fabriki” MMC tərəfindən 29 dekabr 2019-cu il tarixində elan edilmiş elektron açıq tenderdə (üzlük xrom və astarlıq dəri) “Seyfulla & Kövsər” MMC qalib elan olunmuşdur. Qeyd olunan təşkilat ilə müvafiq satınalma müqaviləsi bağlanmış,lakin burada məbləğ göstərilməmişdir.

“ASK Ayaqqabı Fabriki” Məhdud Məsuliyyətli Cəmiyyəti tərəfindən 18.02.2020-ci il tarixdə üzlük xrom və astarlıq dəri satınalması üzrə 2135328 manat dəyərində keçirilmiş müsabiqənin qalibi “Seyfulla & Kövsər” Məhdud Məsuliyyətli Cəmiyyəti olmuşdur.Satınalmaların elektron portalında yerləşdirilmiş məlumatlara görə 05.03.2020-ci il tarixdə də üzlük xrom və astarlıq dəri üzrə 2135328 manat dəyərində müqavilə də “Seyfulla & Kövsər” MMC ilə bağlanmışdır.

“ASK Ayaqqabı Fabriki” MMC-nin 02 iyul 2020-ci il tarixində yaydığı elana görə “1920000 dm2 üzlük xrom dəri”-nin satın alınmasına dair açıq elektron tender ilə keçirilən satınalma prosedurunun qalibi “Seyfulla & Kövsər” MMC olmuşdur. Həmin şirkət ilə 20.08.2020-ci il tarixində ƏDV daxil 974 208,00 AZN məbləğində satınalma müqaviləsi imzalanmışdır. Qeyd edək ki,bundan cəmi bir həftə əvvəl,13.08.2020-ci il tarixdə üzlük xrom dəri satınalması üzrə 996 864 manat dəyərində müqavilə də “Seyfulla & Kövsər” MMC ilə bağlanmışdır.Bu isə o deməkdir ki,”ASK Ayaqqabı Fabriki” MMC cari ilin pandemiya ilə əlaqadər karantin rejimi elan olnduğu beş ayı ərzində “Seyfulla & Kövsər” MMC ilə 4 milyon manatdan çox satınalma müqaviləsi bağlamışdır.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “Seyfulla & Kövsər” MMC-nin Sumqayıt şəhərindəki 2 saylı Ərazi Vergilər Baş İdarəsində 30.12.2004-cü il tarixdə dövlət qeydiyyatına alındığı göstərilir.Hüquqi unvanı Sumqayıt şəhəri,Tuq-zavod qəsəbəsi olan MMC-nin nizamnamə kapitalı 25 manat,qanuni təmsilçisinin Hüseynova Reyhan Məhəmməd qızı olduğu göstərilir.Nizamnamə kapitalı cəmi 25 manat,qanuni təmsilçisinin qadın olduğu bu MMC-nin dəyəri milyonlarla manat olan dövlət sifarişlərini həyata keçirməsi ortaya müəyyən suallar çıxarır?Bu MMC-ni kimlər idarə edir? Azərbaycan reallığında dəyəri milyonlarlar olan dövlət sifarişlərini hər kəs ala bilməz axı.Sözügedən MMC-nin “Azərbaycan Sənaye Korporasiyası” Açıq Səhmdar Cəmiyyətinin ya Müşahidə Şurasının üzvlərinə, ya ASC-nin rəhbər vəzifəli şəxslərinə,ya da başqa yüksək çinli bir məmura bağlı şəxslər tərəfindən idarə edilməsi ehtimal olunur.

Bunlardan başqa”ASK Ayaqqabı Fabriki” MMC-nin 08 iyun 2020-ci il tarixindəki elanına görə“Ayaqqabı istehsalı üçün əsas və köməkçi materiallar”ın satın alınmasına dair təkliflər sorğusu ilə keçirilən satınalma prosedurunun qalibi “Dariservis” MMC olmuşdur.Həmin şirkət ilə 22.06.2020-ci il tarixində ƏDV daxil 426 037.23 manat məbləğində satınalma müqaviləsi imzalanmışdır. “Dəftərxana və təsərrüfat mallar”ın satın alınmasına dair 14 may 2020-ci il tarixində elan olunmuş kotirovka sorğusu ilə keçirilən satınalma prosedurunun qalibi isə “Global Stationery Office” MMC olmuşdur. Həmin şirkət ilə 08.06.2020-ci il tarixində ƏDV daxil 8286,963 AZN məbləğində satınalma müqaviləsi imzalanmışdır.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “Dariservis” MMC-nin Gəncə şəhərindəki 12 saylı Ərazi Vergilər Baş İdarəsində 03.10.2016-cı il tarixdə dövlət qeydiyyatına alındığı göstərilir.Hüquqi unvanı Bakı şəhəri,Nəsimi rayonu Cəlil Məmmədquluzadə ev 108,mən 17 olan MMC-nin nizamnamə kapitalının 100 manat,qanuni təmsilçisinin isə Zeynalov Şakir Mikayıl oğlu olduğu göstərilir.“Global Stationery Office” MMC-nin fəaliyyət sferası barədə isə əlavə heç bir məlumat tapa bilmədik.

Bağlanmış müqavilələrdən də göründüyü kimi “ASK Ayaqqabı Fabriki” MMC il ərzində ayaqqabı istehsalına milyonlarla vəsait xərcləyir.Bunlar bizim araşdırmalarımız zamanı əldə etdiyimiz məlimatların kiçik bir qismidir. Qeyd edək ki,”ASK Ayaqqabı Fabriki” MMC tərəfindən keçirilmiş bir çox tenderlərin nəticələri barədə məlumatların çoxunun ictimaiyyətdən gizlədildilməsi ehtimalları da var.Belə ki,”VOSTOK-SERVİS BAKI”,”PROFF LOGİSTİCS”, “Global Stationery Office”, “Hermes ZF”, “Blue Water Shipping Caspian”,”Zilbar”,”NMZ-GROUP”, “Divac-96”, “REDLAN”, “Billur ticarət” kimi MMC-lərlə müqavilələrin bağlanması ilə əlaqədar verilmiş elanlarda ayrılmış vəsaitlərin məbləğı açıq göstərilməmişdir.Digər tərəfdən də sözügedən MMC-lərin əksəriyyətinin fəaliyyət dairəsi barədə açıq internet üzərindən heç bir məlumat əldə edə bilmədik.Bu isə sözügedən MMC-lərin nə yüksək səviyyədə maddi-texniki bazasının,nə də ixtisas göstəricilərinin uyğun olmamasından xəbər verir.

Digər tərəfdən isə yuxarıda da qeyd etdiyimiz kimi,“Azərbaycan Sənaye Korporasiyası” Açıq Səhmdar Cəmiyyətinin saytında”ASK Ayaqqabı Fabriki”MMC-nin respublikanın güc strukturları üçün hərbi və xüsusi təyinatlı ayaqqabıların istehsalçısı olduğu göstərilir.Lakin araşdırmalarımız zamanı 2019-2020-ci illərdə nə AR DİN-in Təchizat İdarəsi, nə AR DİN-nin Daxili Qoşunları,nə də AR Dövlət Sərhəd Xidməti və AR Xüsusi Dövlət Mühafizə Xidmətinin “ASK Ayaqqabı Fabriki” MMC-nin istehsal etdiyi ayaqqabılara dövlət sifarışi verməmişlər.Amma dövrü mətbuatın yazdığına görə bir neçə il əvvəl hərbi və xüsusi təyinatlı ayaqqabıların dövlət sifarişi ilə alınmasına dair keçirilən tenderlərin əksəriyyətinin qalibi məhz “ASK Ayaqqabı Fabriki” MMC-nin sələfi “BOT” MMC olub.

Göründüyü kimi MMC ayaqqabı istehsalı üçün lazım olan mallara külli miqdarda vəsaitlər ayırır.Çox maraqlıdır ki, “ASK Ayaqqabı Fabriki” MMC-nin istehsal etdiyi ayaqqabıları kimlər alır? Çox istərdik ki,bu və digər bu kimi suallara “Azərbaycan Sənaye Korporasiyası” Açıq Səhmdar Cəmiyyətinin məsul şəxsləri cavab versin.”ASK Ayaqqabı Fabriki” MMC-nin Tender Komissiyyasına ünvanladığımız sorğu cavabsız qalıb. //Aktualinfo.org//

XalqXeber.Az

Ardını oxu...
 
 

Prezident Administrasiyasının sabiq rəhbəri Ramiz Mehdiyev vəzifədən azad edildikdən sonra vaxtilə onun dəstəyi ilə müxtəlif postlar tutan şəxslər də görəvlərindən uzaqlaşdırılırlar.

Hakimiyyətin bütün pillələrində olan bu şəxslərin həm özləri, həm də onların himayədarları tutduqları vəzifələrdən külli miqdarda var-dövlət toplamaq üçün istifadə ediblər. Mətbuatda bu sərvətlər barədə materiallar müntəzəm olaraq yer alır.

Son vaxtlarsa bilavasitə sabiq PA rəhbərinin ailəsinə, yaxın adamlarına malik biznes və mülkiyyətə dair məlumatlar ölkə mediasında yayımlanır. Məlum olur ki, AMEA prezidentinin ailəsi Azərbaycanda külli miqdarda var-dövlətə sahiblənib. Onlar kənd təsərrüfatından tutmuş bank sektoru, tikinti, nəşr işi və mətbuata qədər əksər sahələrdə fəaliyyət göstərən şirkətlərə malikdirlər. Araşdırmaçı-jurnalist Hafiz Babalının sözlərinə görə, R.Mehdiyevin Novxanıda ucsuz-bucaqsız üzüm bağları var: “Üzüm bağları onun həyat yoldaşı Qalina Yuryevnanın adınadır. Bundan başqa, qızı Kamilə, oğlu Teymurun mülkiyyətində olan hektarlarla bağlar var. Mehdiyevlər ailəsinin üzvlərinin hamısı vəzifə sahibidir. Qalina Mehdiyeva Bakı Dövlət Universitetinin Hesablama riyaziyyatı kafedrasının müdiridir. Kamilə Əliyeva həmin universitetdə Sosial və pedaqoji psixologiya kafedrasının müdiridir. General-mayor Teymur Mehdiyev isə fövqəladə hallar nazirinin müavinidir. Teymur bu vəzifəyə qədər mədəniyyət və turizm nazirinin, Dövlət Miqrasiya Xidməti rəisinin müavini olub”. H.Babalı bildirir ki, Mehdiyevlərin 2016-cı ildə Bakı, Abşeron və Goranboyda əkin təyinatlı 136 hektar torpaq sahəsi vardısa, 2017-ci ildə həmin sahələr bir az da genişlənib, 216 hektarı keçib: “Novxanı kəndinin ərazisi 2697 hektar, əhalisi isə 8420 nəfərdir. Amma bu kənddə 2 nəfərin 155 hektar torpağı var: yəni burada Mehdiyevlərə məxsus torpaqların ərazisi bir ildə 100 hektardan 155 hektara qalxıb. Ailənin Goranboyun Xınalı kəndindəki bağ sahəsi iki dəfə böyüyüb. 2017-ci ildə Qalina Mehdiyevanın bu kənddəki bağının sahəsi 50 hektara çatıb.

Maştağa qəsəbəsindəki keçmiş Subtropik Bitkilər Sovxozunun ərazisində Qalina Mehdiyeva və Kamilə Əliyevaya məxsus kənd təsərrüfatı torpaqları hektarlarladır. Ananın mülkiyyətində 892 sot, onun qızının isə 240 sot torpağı var”.

Jurnalistin sözlərinə görə, R.Mehdiyevin şəxsi nəzarətində olan media qurumları da var: “Ramiz Mehdiyevin qızı Kamilə Əliyeva ”Palitra” qəzetinin, gəlini Nigar Mehdiyeva isə “Paritet” qəzetinin təsisçisi olub. Bu qəzetlər dəfələrlə Kütləvi İnformasiya Vasitələrinin İnkişafına Dövlət Dəstəyi Fondundan yardım alıb. “Paritet” qəzeti 2012-ci il dekabrın 20-də fəaliyyətini dayandırıb. Həftədə 3 dəfə dərc olunan qəzetin redaksiyasının bağlanması isə üç il sonra baş tutub.

Ramiz Mehdiyevin gəlini Nigar Mehdiyeva “Digital Media” MMC-nin təsisçilərindən biridir. “Digital Media” MMC 20 avqust 2008-ci il tarixdə dövlət qeydiyyatına alınıb. Onun hüquqi ünvanı: Bakı şəhəri, Teymur Əliyev küç. 25 A-dır. Bu şirkət “Medya FM” radiosunun sahibidir.

Kamilə Əliyevanın İstiqlaliyyət küçəsi, ev 11 ünvanındakı mənzili iki şirkətin – “İnfonet” MMC və “Caspian Telekom” MMC-nin hüquqi ünvanıdır. “Ailə TV” ticarət nişanı, Azərbaycanda informasiya-telekommunikasiya texnologiyaları (İKT) sahəsində fəaliyyət göstərən “Caspian Telecom” MMC şirkətinə məxsusdur. Şirkətin saytında onun 1997-ci ildə təsis olunduğu yazılıb.

Şirkət “Ailə TV” brendi ilə IP TV və kabel televiziyası, “Ailə NET” brendi ilə internet xidmətləri təqdim edir. “Ailə NET” internet xidmətindən Bakı şəhəri ilə yanaşı, Xırdalan və Gəncə şəhərlərinin sakinləri də istifadə edir. “Caspian Telekom” MMC eyni zamanda provayder şirkəti olaraq, korporativ şəbəkə xidmətləri də göstərir.

Dilarə Əliyeva küçəsi, 251A ünvanında Ramiz Mehdiyevin ailə üzvlərinə və onların yaxınlarına aid olan iki mənzil-tikinti kooperativi (“Topaz” MTK və “Qala-R.L” MTK), “NLT” MMC və “Premium Store” MMC yerləşir. Mehdiyev ailəsinə həm də “NLT” MTK, “Servis” MTK, “Grand Palace” MTK, “Astoriya” MTK, “Astoriya Tibb Mərkəzi” MMC və “Qrandezza” MMC də məxsusdur. Astoriya Tibb Mərkəzi hazırda “German Hospital” adı altında fəaliyyət göstərir.

“Gandezza” ticarət mərkəzi Bakıda, Torqovi adlanan ərazidəki 4 mərtətəbəli binada yerləşir. 2014-cü ildə açılışı olan ticarət mərkəzinin 5 min kvadratmetrdən çox sahəsi var”.

Araşdırmaçı qeyd edir ki, R.Mehdiyev ailəsinin biznesini idarə edən Fikrət Əliyevi Elmlər Akademiyasında işə qəbul edib: “Fikrət Əliyev AMEA-nın İşlər İdarəsinin müdirinin müavinidir. İşlər İdarəsi AMEA-nın sərəncamına verilmiş əmlakın və ayrılan pulların idarə olunması, akademiyanın Rəyasət Heyətinin Mərkəzi Aparatı və onun tabeliyində olan elmi müəssisə və təşkilatlarda elmi tədqiqat prosesinin maddi-texniki təminatı və sosial sahəyə aid olan işlərlə məşğul olur. Bu şəxs vaxtilə müəyyən sxemlərdən istifadə etməklə Azərbaycan Beynəlxalq Universitetinin (fəaliyyəti 2010-cu ildə dayandırılıb – red.) rəhbərliyində təmsil olunurdu”.

Qeyd olunanlardan əlavə, Ramiz Mehdiyevin gəlininin Bank “BTB” ASC-nin əsas səhm sahibi olduğu heç kəsə sirr deyil. Nigar Mehdiyeva bankın səhmlərinin 75 faizinin sahibidir: “Başqa sözlə, bank kapitalının 50 milyon manatı onundur. Bank ”BTB” ASC həm də “BTB Leasing” ASC və “BTB Kapital İnvstisiya Şirkəti” ASC-nin təsisçisidir.

Özəlləşdirmə nəticəsində səhmdar cəmiyyətə çevrilən “Şərq-Qərb” nəşriyyatı da Ramiz Mehdiyevin nəzarətinə keçib. Əhmədli qəsəbəsində Aşıq Ələsgər küçəsi, 17 ünvanında yerləşən nəşriyyatın ərazisi genişdir. Hətta o qədər geniş ki, torpağın bir hissəsində dördbloklu 16 mərtəbəli yaşayış binası tikilib. 408 mənzildən ibarət binanı “Şərq-Qərb Mülk” MMC inşa edib. Bu tikinti şirkəti yaxınlıqda daha bir 16 mərtəbəli yaşayış binası da tikib. Hər iki binanın inşasında tikinti normaları və tələbləri pozulduğuna görə istismarına yalnız keçən ilin sentyabr ayında icazə verilib.

“Şərq-Qərb” ASC-nin “orbitində” daha bir neçə şirkət (“Şərq-Qərb Nəşriyyat Evi” MMC, “Qlobal East VVest” MMC) var”.

Ölkə mediasının yazdığına görə, R.Mehdiyevin Bakı yaxınlığında yerləşən və Azərbaycanın iki ən böyük ticarət mərkəzləri olan “Sədərək” və “Binə”də də şərikliyi var. Xatırladaq ki, “Sədərək”in sahibi olan Yusif Qədimovun oğlu Vüqar Qədimov Prezident Administrasiyasının ictimai-siyasi şöbəsində sektor müdiri vəzifəsində çalışıb. Y.Qədimovun “sahibkarlıq” fəaliyyəti yalnız “Sədərək”lə bitməyib. O, Şimal bölgəsində fermerlərə məxsus yüzlərlə hektar otlaq sahəsini qanunsuz zəbt edərək turizm obyektləri tikdirirdi. Fermerlərin ölkə rəhbərliyinə ünvanlanan etirazların isə V.Qədimovun sayəsində ünvana çatmasına imkan verilmirdi.

“Binə” və “Sədərək” yalnız Azərbaycanın deyil, regionun ən böyük topdansatış mərkəzləridir. Minlərlə sahibkarın fəaliyyət göstərdiyi bu mərkəzlərin sabiq məmurun nəzarətindən çıxarılması prosesinin başlayacağı gözlənilən idi. Digər biznes sahələrində də analoji prosesin gedəcəyi hamıya məlumdur. Bu şəraitdə, iqtisadi imkanları məhdudlaşdırılan sabiq PA rəhbəri hansısa cavab addımları ata, ayrı-ayrı sahələrdə təxribatlar törədə bilərmi?

H.Babalı hesab edir ki, siyasi hakimiyyətdən uzaqlaşdırılan Ramiz Mehdiyevin maddi resursları onun potensial iqtisadi sabotaj imkanlarını sıfıra endirib: “Düzdür, ona sədaqətli sayıla biləcək güclər hakimiyyət qollarında təmsil olunur. Amma akademikin publik açıqlamalarının teksturasının təhlili bunu deməyə əsas verir ki, o və ”ordusu” dərin müdafiəyə çəkilib. Müəyyən təhdid təsiri bağışlayan publik fikirlər də özünüqoruma instinktinin simptomatik təzahürüdür. Düzdur, R.Mehdiyev və ətrafı iqtisadi-maliyyə imkanlarına görə Fazil Məmmədov, yaxud Ziya Məmmədov çəkisində deyil. Onlar “qazandan” daha böyük pay əldə etmişdilər və vəzifədən getdikdən sonra sərvətin bir hissəsini müəyyən yollarla qaytarmalı oldular. Amma onlar da daxil olmaqla, bütün siyasi olimpdən kənarlaşdırılan tərəflər ən azı pozulmuş reputasiyasına görə rejim üçün təhlükəsizdirlər. Ramiz Mehdiyevin siyasi müxalifəti “qidalandırması” barədə yayılan məlumatlar isə onu isterikaya salmağa hesablanmış dezinformasiyadan başqa bir şey deyil. Nəhayət, Mehdiyevin rejimə qarşı hər hansı formada savaşa başlaması perspektivi onun suisidinə bərabərdir. Akademikin siyasi şahmatda usta olduğu hər kəsə məlumdur və bu aşkar səhv gedişi etməz”.

XalqXeber.Az

Dünyapress TV

Xəbər lenti