Ardını oxu...
Erməni işğalçıları saylarını süni artırır, bizim “Qaçqınkom” isə azaldır
Qarabağdan 28-ci ildir didərgin salınmış 2-ci dərəcəli əlil İbrahimov Elçin Əfqan oğlunun 16 yaşlı “məcburi köçkün” statuslu oğlu Əfqan İbrahimova verilməli olan “məcburi köçkün” vəsiqəsinin verilməsindən imtina edilməsindən KİV məlumat yayıb. Məcburi köçkün atanın ali dövlət hakimiyyəti orqanlarına, “ Qaçqınkom” rəhbərliyinə şikayətlərinə cavab olaraq Ağdam RİH-dən gənc məcburi köçkünün şəklini və bəzi digər gərəkən sənədləri təqdim etməyi bildirib, vəsiqə veriləcəyinə söz veriblər. Lakin hələ də vətəndaşa müvafiq vəsiqənin verilməsi “Qaçqınkom”un məsul şəxslərinin qərəzi ilə təmin edilməyib. Sözügedən komitə “daş atıb başını tutur “ ki, bəs atası “məcburi köçkün” olan şəxsin “məcburi köçkün” statuslu , atasının qaçqın düşdüyü ünvanda qeydiyyatda olan oğluna bunu təsdiq edən vəsiqə verilə bilməz! (?) Niyə? Köçkünlərin sayını belə süni surətdə azaltmaqla “Qaçqınkom” Qarabağda köklü əhalinin gəlmələrdən təşkil olunması görüntüsü yaratmırmı? Ümumiyyətlə, hər hansı statusa malik şəxsə bu statusu təsdiq edən vəsiqənin verilməsi qanunun -qərarın tələbidir. “Müharibə veteranı” adını alan şəxsə müvafiq vəsiqənin verilməsindən imtina edilə bilər? Eləcə də “məcburi köçkün” statuslu şəxsə vəsiqənin verilməsindən də imtina edilməsi absurddur və “Qaçqınkom”da qanunsuz “vəsiqə alveri”ndən qaynaqlanır. Özbaşınalığa baxın, məcburi köçkünün hər iki oğlu “məcburi köçkün” statusu daşıyır, birinə vəsiqə verilib, amma o birinə yox! Bu “ikili” özbaşınalığı necə anlamaq olar?
“Qaçqınkom”un hüquq şöbəsinin əməkdaşı onun adını hallandırdığına görə, vətəndaş məcburi köçkün əlili təqib edir və heç vaxt vəsiqə verilməyəcəyi ilə hədələyir. Bu isə Konstitusiyanın 57 -ci maddəsi ilə təsbit olunan əsas insan və vətəndaş hüquqları və azadlıqlarından sayılan müraciət etmək hüququna kobud qadağa deməkdir. “Qaçqınkom” məcburi köçkünlərin Konstitusiya ilə təsbit olunan hüquqlarını pozan məmurların davranışına hüquqi qiymət verilməsini təmin etmək əvəzinə, yeni-yeni pozuntulara yol verir. Bu günlərdə şikayətçi məcburi köçkünün Nazirlər Kabinetindən daxil olan müraciətini “Qaçqınkom” sədri yox, komitənin miqrasiya, məşğulluq və status şöbəsinin müdiri Sənan Hüseynov anlaşılmaz dildə cavablandırıb. Halbuki, ali dövlət hakimiyyəti orqanlarından daxil olan müraciətlərə cavabı qurumun rəhbəri imzalamalıdır. Eyni zamanda, Sənan Hüseynov məcburi köçkünə iki aydan sonra göndərdiyi 20.11.2020 tarixli məktubla məlumat üçün bildirib ki, ..ƏDLİYYƏ NAZİRLİYİNİN HÜQUQİ AKTLARIN DÖVLƏT REYESTRİNDƏ QEYDİYYATDAN KEÇMİŞ MƏCBURİ KÖÇKÜNLƏRƏ “MƏCBURİ KÖÇKÜN” STATUSU VƏ ONU TƏSDİQ EDƏN VƏSİQƏNİN VERİLMƏSİNƏ DAİR QAYDALAR”IN 4.1.6 bəndinin tələblərinə əsasən , VALİDEYNLƏRİNDƏN ATASI “MƏCBURİ KÖÇKÜN” STATUSUNA MALİK OLAN VƏ HƏR İKİ VALİDEYNİNİN QEYDİYYATI DAİMİ YAŞAYIŞ YERİ ÜZRƏ İŞĞAL OLUNMUŞ RAYON (ŞƏHƏR) OLAN AZƏRBAYCAN RESPUBLİKASININ ŞƏXSİYYƏT VƏSİQƏSİNİ ALMIŞ 16 YAŞLI UŞAQLARA MƏCBURİ KÖÇKÜN STATUSUNU TƏSDİQ EDƏN VƏSİQƏ VERİLİR.
Haqlı sual doğur :Bəs niyə 16 yaşı tamam olan, işğal rayonunda qeydiyyatda olan və ən əsası, MƏCBURİ KÖÇKÜN STATUSU DAŞIYAN İbrahimov Əfqan Elçin oğluna niyə vəsiqə verilmir? Sənan Hüseynov “məlumat üçün “ bildirsin , görək , Əfqan İbrahimov sözügedən Qaydaların 4.1.6 maddəsinin hansı tələbinə uyğun gəlmir ki, ona məcburi köçkün vəsiqəsinin verilməsindən imtina edilir ? Atası məcburi köçkün, qeydiyyatı işğal olunmuş rayon, statusu da 16 ildir məcburi köçkün. Niyə verilmir? Bu suala aydınlıq gətirilməlidir, yoxsa, qeydiyyat belə gəldi, status elə getdi. Belə cavablarla və məcburi köçkünlərə belə ilgi ilə yalnız və yalnız düşmənin “cəhənnəmə gedən gorbagor statusu” “dəyirmanı”na su tökmək “ olar.
Ümid edirik ki, “Qaçqınkom” sədri Rövşən Rzayev süni problemin çözülməsini nəzarətinə götürüb, “dəyirmanın bildiyini etməyinə” yol verməyəcək.
Məğrur Bədəlsoy
Teref.az
Ardını oxu...
Kütləvi İnformasiya Vasitələrinə (KİV) Dövlət Dəstəyi Fondunun icraçı direktoru Vüqar Səfərlinin büdcə vəsaitlərinin mənimsənilməsi, özəlliklə jurnalistlərin mənzil təminatında yol verdiyi ciddi maliyyə pozuntuları, qanunsuzluqlarla bağlı həbs edilməsi digər dövlət fondlarından şəxsi mənafeyi naminə yararlananlara da təsirsiz ötüşməyəcək. ƏƏSMN yanında Dövlət Sosial Müdafiə Fondunun keçmiş sosial xidmətlər sektorunun müdiri, 2020-ci ilin avqustunda yaradılan Sosial Xidmətlər Agentliyinin idarə heyətinin sədri Vüqar Behbudovun da qazi və şəhid ailələrinə tikilən evlərin qanunsuz, rüşvətlə bölgüsündə misilsiz “xidmətləri” var.
Teref.az xəbər verir ki, bunu Qarabağ əlili, jurnalist Məğrur Bədəlsoylu saytımızın göndərdiyi məqaləsində yazıb.
Daha sonra Məğrur Bədəlsoylu yazır, təkcə onu demək yetər ki, son bir ildə Bakı şəhərində heç bir qazi və şəhid ailəsinə mənzil verilməyib. Mənzil təminatına cavabdeh edilən DSMF-in, son 4-5 ayda isə Sosial Xidmətlər Agentliyinin məsul şəxsi Vüqar Behbudov və ƏƏSMN rəhbərliyi bu təminatsızlığı bölgələrdəki fərdi evlərlə pərdələmək yolunu tutub . Halbuki, mənzilsizlikdən əziyyət çəkənlər əsas etibarilə iri şəhərlərdə, paytaxt Bakıda illərdir növbədə duranlardır. Sovet dönəminin saxta pambıq planına uyğun olaraq ildə müəyyən miqdar imtiyazlı şəxsin ölkə üzrə mənzillə təminatının özü saxtalıqdır. Axı, mənzil bölgüsü konkret növbəlilik qaydasında həyata keçirilir ! Prezidentin bununla bağlı 20.06.2014 tarixli 569 saylı Sərəncamı da var. Sözügedən akta görə, 2014-cü ilin yanvarına kimi növbədə duranlar ən geci 2018-ci ildə mənzillə təmin olunmalı idilər. Prezident sərəncamı ilə ƏƏSMN -in üzərinə qoyulan öhdəliklərin son icra müddətindən artıq 3 il keçir, amma hələ də nə sərəncam icra olunub, nə də qazi və şəhid ailələri mənzil yiyələri olub. Özbaşınalıq o həddə çatıb ki, 2 il qabaq Prezidentin sözügedən 569 saylı Sərəncamında 19.01.2019 tarixli dəyişiklik edilərək mənzillə təmin olunmanın müddəti 10 il (?) geriyə -2028-ci ilə çəkilib! (?) . ƏƏSMN rəhbərliyinin Prezident sərəncamıını dəyişmək təşəbbüsü (və təşəxxüsü!) ilə qazi və şəhid ailələrinin Bakıda mənzillərlə təminatı DSM fondunun keçmiş sektor müdiri, Sosial Xidmətlər Agentliyinin hazırkı sədri Vüqar Behbudovun “cibinin mərhəməti”nə qalıb. Sosial Xidmətlər Agentliyinin sədrinin “cibinin qüvvəsi”ndən 5 ildir 1 saylı Bakı İnzibati-İqtisadi Məhkəməsinin (hazırkı Bakı İnzibati Məhkəməsi) dövlətin adından çıxardığı qərarın icrasını da qüvvəyə mindirmir! Bir məmur ki, DÖVLƏTİN 1-Cİ ŞƏXSİNİN, 1-Cİ VİTSE-PREZİDENTİN TAPŞIRIĞINA MƏHƏL QOYMAYA, ONDAN NƏ GÖZLƏMƏK OLAR?
Vüqar Behbudovun yaxalığının orden-medal “gördüyünü” deyə bilmərik, amma Vüqar Səfərlinin yaxasından “Vətənə xidmətə görə” ordeninin asıldığından mətbuat xəbər yayıb. Səfərli jurnalistlərə mənzilləri qanunsuz ayırıb, adaşı Behbudov isə Qarabağ qaziləri və şəhid ailələrinə. 14 aydır Qarabağ qaziləri və şəhid ailələri Bakının Nizami rayonu, Çobanzadə küçəsində tikilən evin korrupsiyaya uyğun bölgüsündən, burada mənzil yiyəsi olanların nazir Sahil Babayevin mərhum atasının “OVİR”dəki keçmiş iş yoldaşları, keçmiş və indiki deputatların olmalarından şikayətlər edirlər, hələ də baxılmır! (?)
Onsuz da, nə qədər uzun olur-olsun, örkən doğanaqdan keçməyə məhkum edilib. Vüqar Behbudov da, gec-tez adaşı Vüqar Səfərli kimi mənzil alverinə görə sorğulanacaq. Onda Səfərli kimi, “mənlik nə iş var” demək də gec olacaq.
Qarabağ qaziləri
Ardını oxu...
Goronavirus (COVİD-19) pandemiyası dövründə dövlət tərəfindən işsiz və xüsusi karantin rejiminə görə işini itirirən aztəminatlı vətəndaşlara birdəfəlik ödəmənin (190 manat) verildiyi bildirilsə də, xeyli insan bu yardımdan yararlana bilmir. Birdəfəlik ödəmə üçün müraciət edən və imtina cavabı alan vətəndaşların “Gözətçi”yə göndərdiyi şikayətlər də bununla bağlıdır.

***

Samux rayonu, Sarıqaya kənd sakini Əlvanə Allahverdiyeva bildirir ki, onun sənədlərini sistemə daxil edərkən, məlumatları düzgün yerləşdirməyiblər: “Bütün lazımi sənədləri toplayıb, Əmək və Əhalinin Sosial Müdafiəsi Nazirliyinin (ƏƏSMN) VEMTAS saytına göndərdim. İmtina cavabı gəldi ki, adıma olan “pay torpaq” sistemə daxil edilməyib. Nazirliyin 142 “Çağrı Mərkəzi”nə zəng edib bütün sənədlərı – çıxarışlar, VÖEN, SUN-si hər birinin sistemə daxil edildiyini bildirdim. Nazirliyin əməkdaşı sistemi yoxlayıb bildirdi ki, sənədlər qaydasında göndərilib. Ancaq Dövlət Sosial Müdafiə Fondu pay torpağın sənədlərini sistemə daxil edərkən məlumatları düzgün yerləşdirməyib, ona görə də mənə imtina cavabı gəlib. 3 azyaşlı uşaqla pensiya ilə dolanıram.”

***

Gəncə şəhər, Məhsəti qəsəbə sakini Fidan Məmmədova isə deyir ki, adına kart tərtib edilib, ancaq siyahıda göstərilməyib: “Dekabr ayının əvvəlində ünvanlı sosial yardıma müraciət etdim, cavab mesajı gəldi ki, dekabrın 17 – dən kartı götürə bilərəm. Banka müraciət etdim, ordan bildirdilər ki, adıma kart gəlməyib. 2021 –ci ilin yanvar ayında təkrar müraciət etdim. Bu dəfə isə kartın gəldiyini, ancaq adımın siyahıda olmadığını söylədilər. Bununla bağlı, Dövlət Sosial Müdafiə Fondunun Gəncə şəhər Kəpəz rayon şöbəsinə müraciət etsəm də, şikayətimə cavab verilməyib.”

Qarşı tərəfin mövqeyini dərc etməyə hazırıq.
Ardını oxu...
Qəbələ rayonu, Vəndam qəsəbə sakini Fərhadov Ağsəf Bayram oğlu tərəfindən ölkə rəhbərliyinə şikayət ərizəsi ilə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Əvvəlcə bildirim ki,mən 13 sentyabr 1947-ci ildə Qəbələ rayonun Vəndam kəndində andan olmuşam. Və 2009-cu ildə o vxtkı Azərbaycan Respublikasının mövcud qanunvericiliyinin icazə verdiyi kimi mən 62 yaşımın tamam olmasından sonra yaşa görə pensiyaya çıxmaq üçün ƏƏSSMN Dövlət Sosial Müdafiə Fondunun Qəbələ rayon şöbəsinə 13 noyabr 2009-cu il tarixində sənədlərlə birlikdə ərizə vermişdim. O vaxt məndən ən azı 5 il sosial sığorta stajı tələb olunurdu. Ona görə də mən 1973-1995-ci illərə qədər fasilələrlə işlədiyim İ. Qaayıbov adına kolxozda olan stajımın hesablanaraq nəzrə alınmasını, ( təqdim etdiyim Kolxoz arxivindən verilən arayışa və sonradan əldə etditim Qəbələ rayon Dövlət Arxivinin 13.03.2017-ci il tarixli) arayışını, 1966-1968 ci illərdə hərbi xidmətdə olduğum haqqında sənədi təqdim etdim ki, bu da üst-üstə 5 ildən artıq staj edirdi. Lakin Qəbələ SOVEZi bəhanə ilə pensiyaya çıxmağıma razılıq verməmişdir ki, sənin kolxozda cəmi stajın 2. il 27 gün olmuşdur ki, 1 ilin çatmırBitmir. Yəni 5 illik staj tələb olunur. Bundan sonra mən 1975-1981-ci il tarixlərində Qəbələ Məişət ASC-də sürücü vəzifəsində işləməyim əmək kitabçsında aparılmış qeydlər ƏMXK-nın əmr kitablarında baxış keçirilərkən işə daxil olma barədə qeydlər təsdiqini tapsa da indi bəhanə gətirdilər ki, işdən azad edilmə barədə qeyd yoxlama nəticəsində təsdiqini tapmır. Bu səbəbdən yenə pensiya işi aparılması mümkün olmamışdır. Halbuki, əvəzedici aldığım əmək kitabçasında 01.04.1975-ci il tarixli, 44 N-li əmrlə motoroller sürücüsü vəzifəsinə təyin edildiyim və 09 sentyabr 1981-ci il tarixli, 257 N-li əmrlə başqa işə keşməmlə əlaqədar işdən azad olunmağım direktorun möhürü ilə təsdiq olunmuşdur. Axı mənim bir fiziki şəxs olaraq günahım deyil ki, hansısa idarənin əmr kitabında işə daxil olma qeyd edilsə də işdən çıxma tarixim göstərilməmişdir. Ona görə də bu sənədi də yerli DSMF idarəsi qəsdən nəzərə almamışdır ki, mənim pensiyaya çıxmağım 2009-cu ildən hesablansın.

Lakin sonradan ekspertlərin apardığı hesablamalardan müəyyən olmuşdur ki,mənim kolxozda işlərkən 1973-1981-ci illərdə cəmi 432 adam günü m olmuşdur ki, o vaxtın qanunvericiliyinə görə illik adam günü norması 190 adam günü olduğundan 2 il 02 ay 07 gün sığrta stajı, 1985-1995-ci illərdə isə 225 adam günü norması işlədiyimdən həmin illər üzrə adam günü norması 210 adam günü olduğundan 1 il 7 gün sığorta stajım mövcud olmuşdur. Yəni mənim ümumilikdə 03 il, 02 ay 14 gün sığorta stajım olmuşdur. Əlavə olaraq 2 illik hərbi xidmətim də nəzərə alınsaydı mənim cəmi 5 il 02 ay 14 gün sığorta stajım olduğu halda DSMF-nin Qəbələ Şöbəsi pul vermədiyimə görə 62 yaşımda pensiyaya çıxmağa qəsdən imkan verməmişlər. Sonradan təqdim etdiyim əmək kitabçasında yazılan 5 il 5 aylıq sığrota stajımı da bəhanə ediblər ki, bunu da nəzrə ala bilmərik Ona görə ki, işə daxil olma barədə əmri var, amma çıxma barədə əmri tapa bilmirik. Bu bahənə də təbii ki, mənim kimi sadə vətəndaşın günahı ucbatından baş verməmişdir. Mənim ümumilikdə 10 il 7 ay 14 gün sığrta stajım olduğu halda DSMF –nin yerli şöbəsi hər dəfə bir əsassız bəhanə gətirdi ki, bəs, qanunvericiliyə görə 2010-cu ildən kişilərin pensiyaya çıxma yaşı 63-dən, sığorta stajı isə 10 ildən hesablanmalıdır.

Axı bu bəhanənin mənə heç bir aidiyyatı olmamalıdır. Çünki mənim 62 yaşım 2009-cu ilin sentyabrın 9-da tamam olmuşdur və dərhal həmin vaxt da mən ərizə və sənədlərimi yaşa görə pensiyaya çıxmaq üçün təqdim etmişdim. Qarşıma qoyulan süni manelər, bürokratik əngəlliklər, qəsdən get-gələ salınmağım nəticəsində sonradan deyirlər ki, yox, indi 10 il staj tələb olunurmuş və s. bəhanələr.

Cənab Prezident! Sizdən çox xahiş edirəm. Mənim təqdim etdiyim sənədərin əvvəlcə əsaslar üzrə yoxlanılaraq malik olduğum sosial stajın müəyyən edildikdən sonra nəyə görə 2009-cu il qanunvericiliyinə əsasən pensiyaya çıxmağıma öz qulluq mənafeyindən süi-istifadə edərək süni maneçilik törədən, vəzifə saxtakarlığı edən Dövlət Sosial Müdafiə Fondunun və Qəbələ rayon Şöbəsinin vəzifəli şəxslərin əməllərinə hüquqi qiymətin verilməsi və mənim 62 yaşdan pensiyaya çıxmağım hesablanmqla bu illər ərzində mənə vurulan maddi zərərin ödənilməsi barədə aidiyyatı üzrə göstərişlər verməyinizi xahiş edir və əvvəlcədən minnətdarlığımı bildirirəm".

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...
Ardını oxu...
“Azərbaycan həm minimum, həm də orta aylıq pensiya üzrə MDB ölkələri arasında liderliyini qoruyur”.

Bu sözləri əmək və əhalinin sosial müdafiəsi naziri Sahil Babayev Milli Məclisin İqtisadiyyat, sənaye və sahibkarlıq komitəsinin 2021-ci il büdcə zərfi ilə bağlı keçirilən iclasında bildirib.

“Fakt Yoxla” nazirin dediklərinin doğru olub-olmadığını araşdırıb.

Hazırda Müstəqil Dövlətlər Birliyində (MDB) tam hüquqlu 9 üzv dövlət var.

“Fakt Yoxla” da məhz bu ölkələri araşdırmaya cəlb edib.

İddia 2020-ci ilin dekabr ayında səsləndirilib. Ən son statistika 2019-cu ilə aid olduğu üçün həmin dövr nəzərə alınıb.

Qeyd edək ki, MDB Dövlətlərarası Statistika Komitəsinin yeni açıqladığı “2016-2019-cu illərdə MDB dövlətlərində əhalinin həyat keyfiyyəti göstəricilərinin monotorinqi” adlı son hesabata görə, 2019-cu ilin yekunlarına əsasən birliyə üzv olan ölkələr arasında minimum (baza) pensiyasının məbləği aşağıdakı kimi olub:

Belarus - 149 dollar,

Qazaxıstan - 137 dollar,

Azərbaycan - 118 dollar,

Türkmənistan - 88 dollar,

Rusiya - 86 dollar,

Ukrayna - 69 dollar,

Moldova - 63 dollar,

Özbəkistan - 46 dollar,

Ermənistan - 33 dollar,

Qırğızıstan - 28 dollar,

Tacikstan - 19 dollar.

MDB ölkələri üzrə sosial pensiyaların məbləği də üzv-dövlətlər üzrə xeyli fərqlənir.

Azərbaycanda 2006-cı ildən etibarən “sosial pensiya” anlayışı “sosial müavinət” termini ilə əvəzlənib.

Sosial pensiya (yaxud müavinət) pensiya yaşına çatan, lakin zəruri həcmdə pensiya kapitalına və sığorta stajına malik olmayan şəxslərə dövlət büdcəsi hesabına ödənilir.

Birlik ölkələri üzrə sosial pensiyaların məbləği aşağıdakı kimi olub:

Rusiya - 150 dollar,

Qazaxıstan - 113 dollar,

Belarus - 102 dollar,

Azərbaycan - 76,5 dollar,

Ukrayna - 69 dollar,

Özbəkistan - 42 dollar,

Qırğızıstan - 42 dollar,

Tacikstan - 17 dollar.

MDB məkanında orta aylıq pensiyaların məbləğinə gəldikdə, hesabata əsasən ölkələr üzrə göstəricilər aşağıdakı kimi dəyişir:

Rusiya - 257 dollar,

Qazaxıstan - 214 dollar,

Belarus - 212 dollar,

Azərbaycan - 172 dollar,

Ukrayna - 129 dollar,

Moldova - 107 dollar,

Qırğızıstan - 89 dollar,

Ermənistan - 86 dollar,

Özbəkistan - 76 dollar,

Tacikstan - 33 dollar.

Beləliklə, təqdim olunan faktlardan göründüyü kimi, MDB ölkələri arasında Azərbaycan minimum (baza) pensiyasının məbləğinə görə 3-cü yerdə, orta aylıq əmək pensiyasının məbləğinə görə 4-cü yerdə, sosial pensiyaların məbləğinə görə isə 4-cü yerdə qərarlaşıb.

“Fakt Yoxla”nın gəldiyi nəticəyə görə, nazir Sahil Babayevin iddiası yanlışdır.
Ardını oxu...
Bu ölkədə nazir-məmurların oğluna villa tikdirməsi, qızına 400 minlik toy etməsi, 2 milyonluq saat bağışlaması, Nyu-Yorkda 4 milyonluq mənzil alması, restoran açması və s. hər şeyi eşitmişdik, amma nazirin anasına əlillik pensiyası təyin etməsi ilk analoqsuz hadisədir.
Reportyor.info xəbər verir ki, bu ilkə imza atan əmək və əhalinin sosial müdafiəsi naziri Sahil Babayev olub. Onun anasına qanunsuz əlillik təyin etdirdiyi və pensiya alması barədə iddialar səslənməkdədir.
Nazirin belə bir işə qol qoymasına nə səbəb olub, niyə zərurət yaranıb, oturub düşünməli suallardır. S.Babayevin gəliri valideynini təmin etməyə kifayət ola bilərdi.
Amma nazir dövlətin pulundan anası üçün əsirgəməyib, əlillik pensiyası təyin etdiyi deyilir. ƏƏSMN isə təkzib edir. Daha doğrusu, təsdiqləyir.
Nazirliyin açıqlamasına görə, S.Babayevin anası əlillik pensiyasını 2005-ci ildən alır, yəni iddia olunduğu kimi 2016-cı ildən yox…
Rəsmi izahatda deyilir ki, Nailə xanım 25 ildir ağır şəkərli diabet – insulin xəstəsi olmaqla həmçinin ürəyin xroniki işemik xəstəliyindən əziyyət çəkir.
Ötən dövrdə dəfələrlə ağır ürək əməliyyatları keçirib, ürəyinə 6 stend qoyulub, sonradan ürəyində aorta koronar şuntlama əməliyyatı keçirilib.
Belə olan halda 2005-ci ildə ona təyin olunan əlilliyin guya 2016-cı ildə təyin edildiyi və əsassız olması barədə məqsədli dezinformasiya yaymaq ləyaqət hissindən uzaqdır.
O da var ki, Azərbaycanda ürəyində stend olan, şəkərli diabet xəstəsi olan on minlərlə vətəndaşa heç əlillik verilmir.
Fəqət məsələnin ilin-günün bu vaxtında ortalığa çıxması da müəmmalı və maraqlıdır. Nazirlik iddia edir ki, bu, işdən çıxarılanların əməlidir.
Sitat: “Rüşvətxorluğa və saxtakarlığa görə nazirlikdən uzaqlaşdırılan şəxslərin təşkilatçılığı ilə bu kimi yalan, böhtan tipli məlumatları yayanlar öz ailələrinin içində saxtakar axtarışına çıxsalar cəmiyyətə daha faydalı olarlar. Çünki onda əsl saxtakarın kim olduğunu biləcəklər”.
Göründüyü kimi, vəziyyət qəliz və mürəkkəbdir. S.Babayevin düşmənləri var və nazirlikdən qovulanlar ona qarşı birləşiblər.
Naziri kimlər, nə məqsədlə hədəfə alıblar, işdən azad edilmiş şəxslərlə onun hansı problemləri var, bilinmir. Görünür ki, S.Babayevlə keçmiş kadrlar arasında bir ixtilaf, gərginlik, qovğa yaşanmaqdadır.
Ardını oxu...
“Bildiyiniz kimi, bu ilin əvvəlindən şəhid ailələri və müharibə ilə əlaqədar əlilliyi olan şəxslərin təqaüdündə ciddi artımlar edildi. Eyni zamanda yeni sosial dəstək paketi çərçivəsində I dərəcə əlilliyi olan şəxslərin (müharibə ilə əlaqədar əlilliyi olan şəxslər istisna olmaqla) sosial müavinət, təqaüd və pensiya əlavələri də optimallaşdırılıb”.

“Qafqazinfo” xəbər verir ki, bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsinin müdiri Fazil Talıbov öz feysbuk hesabında bildirib.

Onun sözlərinə görə, indiyədək I dərəcə əlilliyi olan şəxslərin (müharibə ilə əlaqədar əlilliyi olan şəxslər istisna olmaqla) pensiyasının üzərinə 22 manat əlavə olunmaqla verilirdi. 2021-ci ilin əvvəlindən bu əlavə (müharibə ilə əlaqədar əlilliyi olan şəxslərin pensiyasına əlavələr istisna olmaqla) ləğv olunsa da, əvəzində onlara verilən 100 manat təqaüd 30 manat artırılaraq 130 manata çatdırılıb.

Beləliklə, I dərəcə əlilliyi olan şəxslərə yönələn sosial ödəniş nəticə etibarilə azalmır, əksinə, daha da artırılır.

“Eyni zamanda, I dərəcə gözdən əlilliyi olan şəxslərin pensiyasının üzərinə edilən 110 manat əlavə də onların aldıqları 100 manat təqaüdlə birləşdirilib və 2021-ci ilin əvvəlindən onlara aylıq 210 manat təqaüd müəyyən edilib”.

O, qeyd edib ki, fəlsəfə doktoru elmi dərəcəsinə görə pensiyanın üzərində verilən 120 manat əlavənin əvəzində də onlara yeni 120 manat məbləğində təqaüd təsis edilib:

“Habelə elmlər doktoru elmi dərəcəsinə görə pensiyanın üzərində verilən 200 manat əlavənin əvəzində onlara yeni 200 manat təqaüd veriləcək. Göründüyü kimi, qeyd olunan şəxslərə yönələn sosial ödənişin forması dəyişsə də, nəticə olaraq onun məbləği dəyişmir.

Ona görə də hazırda yanvar ayının pensiyasını alarkən müvafiq əlavənin olmadığını gördükdə bilsinlər ki, həmin əlavə məbləğ onların təqaüdləri ilə birləşdirilməklə və ya təqaüd formasında veriləcək. Yaxın günlərdə yanvar ayı üzrə təqaüdlərin də verilməsi təmin olunacaq.

Fəlsəfə doktoru və elmlər doktoru elmi dərəcəsi olan şəxslərə isə bildiririk ki, onlara qeyd edilən təqaüdlər elektron qaydada, proaktiv şəkildə təyin olunaraq ödəniləcək. Buna görə də təqaüd təyinatı ilə bağlı onların hər hansı quruma müraciət etmələrinə ehtiyac yoxdur”.
 
Ardını oxu...
İlkin İbrahimov: “Daha zəif sığorta şirkətləri ilə daha güclülər birləşərək, yeni qaydalarla fəaliyyət göstərə bilər”

Bugünlərdə Azərbaycan Mərkəzi Bankının (AMB) İdarə Heyətinin qərarı ilə "Amrah Sığorta" və "AXA MBask" Sığorta Şirkəti ASC-lərin lisenziyaları ləğv olundu. Bununla da Azərbaycanda fəaliyyət göstərən sığorta şirkətlərinin sayı 22-dən 20-ə düşdü.

Bu dönəmdə belə bir qərarın verilməsi nə ilə izah olunur? 2021-ci ildə eyni tendesiya davam edə bilərmi? Hazırda 20 sığorta şirkəti qalıb və bundan sonra da ləğv olunacağı gözlənilən sığorta şirkətləri varmı?

Vəziyyəti AYNA-ya şərh edən sığorta eksperti İlkin İbrahimovun sözlərinə görə, sözügedən hər iki sığorta şirkətinin səhmdarlarının ümumi qərarı və xahişi əsasında Mərkəzi Bank bu məsələyə baxıb: “Lakin qeyd etdiyimiz kimi, əvvəl də həm "Amrah Sığorta", həm də “AXA MBask" bununla bağlı 2022-ci il üçün öz səhmdarlarına və kreditorlarına müraciət edib. Və özləri könüllü şəkildə sığorta şirkətlərinin ləğvi ilə bağlı səhmdarların qərarını açıqlayıb”.

“Eynilə “MBask” şirkəti də 100 faiz "AXA MBask" şirkətinin bir qolu olaraq fəaliyyət göstərirdi və bununla bağlı da onların mərkəzi aparatları bu qərarları qəbul edib ki, dünyanın bir çox ölkələrində sığorta şirkətlərinin filiallarını ləğv edirlər. Eyni zamanda, ölkəmizdə də “MBask" şirkəti fəaliyyət göstərirdi və bununla bağlı da onlar bu qərarı qəbul ediblər. Yekun olaraq bildirmək istəyərdim ki, Mərkəzi Bank bu xahişlərlə balı, nəzarətedici orqan olduğuna görə, yekun qərar verib, onların könüllü ərizələrinə baxılıb və müsbət qərarlar qəbul olun”, - ekspert bildirib.

İbrahimov qeyd edib ki, dünya təcrübəsində lisenziyaları ləğv olunmuş sığorta şirkələrinin sonradan müştərək fəaliyyət göstərməsi var: “Bu iki sığorta şirkətindən qabaq “Standart” Sığorta şirkəti də ləğv olunmuşdu. Lakin onların ləğv olunması Mərkəzi Bankın qərarı ilə olmuşdu. Bu məsələrlə bağlı eyni ilə lisenziyası ləğv olunmuş sığorta şirkətlərinin sonradan birləşərək fəaliyyət göstərməsi dünya təcrübəsində də var”.

“Bu məsələ könüllü olduğundan, ölkəmizdə daha zəif sığorta şirkətləri ilə daha güclü sığorta şirkətlərinin birləşərək bu məsələdə yeni qaydalarla işləmə mexanizmini hazırlaya bilər. Hələ ki, bu məsələdə bir yenilik yoxdur. Amma ümid edək ki, 2021-ci ildə bu məsələdə sığorta şirkətləri daha güclü olacaq və onlar müstəqil şəkildə öz fəaliyyətlərini davam etdirəcək”, - müsahibimiz vurğulayıb.
Ardını oxu...
"Bildiyiniz kimi, bu ilin əvvəlindən şəhid ailələri və müharibə ilə əlaqədar əlilliyi olan şəxslərin təqaüdündə ciddi artımlar edildi. Eyni zamanda yeni sosial dəstək paketi çərçivəsində I dərəcə əlilliyi olan şəxslərin (müharibə ilə əlaqədar əlilliyi olan şəxslər istisna olmaqla) sosial müavinət, təqaüd və pensiya əlavələri də optimallaşdırılıb”.

Bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, indiyədək I dərəcə əlilliyi olan şəxslərin (müharibə ilə əlaqədar əlilliyi olan şəxslər istisna olmaqla) pensiyasının üzərinə 22 manat əlavə olunmaqla verilirdi. 2021-ci ilin əvvəlindən bu əlavə (müharibə ilə əlaqədar əlilliyi olan şəxslərin pensiyasına əlavələr istisna olmaqla) ləğv olunsa da, əvəzində onlara verilən 100 manat təqaüd 30 manat artırılaraq 130 manata çatdırılıb.

Beləliklə, I dərəcə əlilliyi olan şəxslərə yönələn sosial ödəniş nəticə etibarilə azalmır, əksinə, daha da artırılır.

"Eyni zamanda, I dərəcə gözdən əlilliyi olan şəxslərin pensiyasının üzərinə edilən 110 manat əlavə də onların aldıqları 100 manat təqaüdlə birləşdirilib və 2021-ci ilin əvvəlindən onlara aylıq 210 manat təqaüd müəyyən edilib”.

O, qeyd edib ki, fəlsəfə doktoru elmi dərəcəsinə görə pensiyanın üzərində verilən 120 manat əlavənin əvəzində də onlara yeni 120 manat məbləğində təqaüd təsis edilib:

"Habelə elmlər doktoru elmi dərəcəsinə görə pensiyanın üzərində verilən 200 manat əlavənin əvəzində onlara yeni 200 manat təqaüd veriləcək. Göründüyü kimi, qeyd olunan şəxslərə yönələn sosial ödənişin forması dəyişsə də, nəticə olaraq onun məbləği dəyişmir.

Ona görə də hazırda yanvar ayının pensiyasını alarkən müvafiq əlavənin olmadığını gördükdə bilsinlər ki, həmin əlavə məbləğ onların təqaüdləri ilə birləşdirilməklə və ya təqaüd formasında veriləcək. Yaxın günlərdə yanvar ayı üzrə təqaüdlərin də verilməsi təmin olunacaq.

Fəlsəfə doktoru və elmlər doktoru elmi dərəcəsi olan şəxslərə isə bildiririk ki, onlara qeyd edilən təqaüdlər elektron qaydada, proaktiv şəkildə təyin olunaraq ödəniləcək. Buna görə də təqaüd təyinatı ilə bağlı onların hər hansı quruma müraciət etmələrinə ehtiyac yoxdur”.
Ardını oxu...
Teref.az xəbər verir ki, İmişli rayonunda qeydiyyatdsa olan müvəqqəti Bakı şəhər, Nizami rayon, B.R. Mirzəyev küçəsi, ev 2-də kirayə yaşayan Nuruşzadə Tacir Amil oğlu ona qarşı edilən haqsızlıq barədə ölkə rəhbərliyinə müraciət edib. Bir nüsxəsidə poçtumuza daxil olan şikayətdə deyilir:
AZƏRBAYCAN RESPUBLİKASININ PREZİDENTİ.

CƏNAB İLHAM ƏLİYEVƏ.



AZƏRBAYCAN RESPUBLİKASININ BİRİNCİ VİTSE-PREZİDENTİ, AZƏRBAYCANIN BİRİNCİ XANIMI.

HÖRMƏTLİ MEHRİBAN ƏLİYEVAYA.

Sürəti:

ƏMƏK VƏ ƏHALİNİN SOSİAL MÜDAFİƏ NAZİRLİYİNƏ.



İNSAN HÜQUQLARI ÜZRƏ MÜVVƏKİLƏ.



Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspertiza və Reabilitatsiya Agentliyinə.



İmişli rayonunda qeydiyyatdsa olan müvəqqəti Bakı şəhər, Nizami rayon, B.R. Mirzəyev küçəsi, ev 2-də kirayə yaşayan Nuruşzadə Tacir Amil oğlu tərəfindən.

(070) 594-23-18.



Şikayət Ərizəsi

Mən, Nuruşzadə Tacir Amil oğlu 12.11.2001-ci il tarixində Azərbaycan Respublikası, İmişli rayon, Hacırüstəmli kəndində anadan olmuşam.



Anadangəlmə xəstəyəm, əmək qabiliyyətsizəm, xəstəliyim heç zaman sağalan xəstəlik deyildir.



Xəstəliyimlə bağlı demək olar ki, hər il xəstəxanalarda müalicələrdə oluram, xəstəliyimlə bağlı işləyə bilmirəm.



Xəstəliyimlə bağlı müalicə və müayinə xərclərini ödəyə bilmirəm. Heç bir gəlir yerim yoxdur. Anam rəhmətə gedib, şəkillərimi iddia ərizəsinə əlavə etmişəm.



Qeyd etmək istəyirəm ki, həm ayğım şikəsdir, həm də epilepsiya xəstəsiyəm, səhətimdə olan xəstəliklərlə bağlı məni müayinə edib 17.08.2020-ci ildə forma 88 yazılıb (2788003AAB1T) Dövlət Tibbi Sosial Ekspetiza və Reabilitatsiya Agentliyinə göndərildi, lakin Tibbi-Sosial Ekspert Komissiyasında sonuncu müayinəyə dair məlumatın verilməsinə (https://www.e-gov.az/az/services/read/3493/0) e-sosial portalında şəxsi kabinetə yanvar 2021-ci ildə baxış zamanı (https://e-sosial.az/#/cabinet) mənə məlum olmuşdur ki, e-sosial portalında mənə əlillik dərəcəsi verilməsindən imtina edilmişdir.



Hesab edirəm ki, bu mənə qarşı haqsız bir mövqedir, mən anadan gəlmə ayağım şikəsdir və epilepsiya xəstəsiyəm və ağır sağalmaz xəstəliklərdən əziyyət çəkirəm.



Əlavə olaraq Azərbaycan Respublikasının Nazirlər Kabinetinin 30 dekabr 2015-ci il tarixli 413 nömrəli qərarı ilə təsdiq edilmiş “Əlilliyin əsassən mənə 2-ci qrup əlillik təyin edilməlidir.



Lakin Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspertiza və Reabilitatsiya Agentliyi əsassız olaraq mənim xəstəlyimə əlillik təyin edilməsinə imtina etmişdir.



Belə ki, Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspertiza və Reabilitatsiya Agentliyi imtina aktında qeyd etmişdir ki, F 88 natamam doldurulmuşdur.



Qeyd etmək istəyirəm ki, mən sağalmaz andangəlmə xəstəsiyəm, mənim müalicəmin heç bir müsbət nəticəsi yoxdur, sadəcə müalicəmin səbəbi ondan ibarətdir ki, mənim xəstəliyim dahada ağrlaşmasın həyatıma vaxtından əvvəl ölüm təhlükəsi yaratmağına gətirib çıxarmasın, bütün bunlara baxmayaraq Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspertiza və Reabilitatsiya Agentliyi qanunsuz olaraq mənə əlillik təyin edilməsindən imtina edir.



Hörmətli Sahil müəllim bax diqqətlə mənim şəkilimə və mənim xəstəliyimə sonra bu dövlətə layiq olmayan Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspertiza və Reabilitatsiya Agentliyinə göstəriş ver ki, məni anadangəlmə sağlam etsinlər, sonra imtina etsinlər, mən buna razıyam.



Azərbaycan Respublikasının Nazirlər Kabinetinin 30 dekabr 2015-ci il tarixli 413 nömrəli qərarı ilə təsdiq edilmiş “Əlilliyin və sağlamlıq imkanlarının məhdudluğunun müəyyən olunması meyarlarına dair Əsasnamə"ə əsassən mənə 2-ci qrup əlillik təyin edilməlidir.



Xahiş edirəm ki, Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspertiza və Reabilitatsiya Agentliyinin yaramaz işçilərinə qarşı ciddi tədbir görün və mənə 2-ci qrup ümumi xəstəliklə əlaqədar əlillik təyin edilməsini Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspertiza və Reabilitatsiya Agentliyinə ciddi göstəriş verin.



12.01.2021-ci il. İmza: / Nuruşzadə Tacir Amil oğlu/.
Teref.az olaraq qarşı tərəfin mövqeyini işıqlandırmağa hazırıq!
Teref.az
Ardını oxu...
Ardını oxu...
Ardını oxu...
Ardını oxu...
Ardını oxu...
 
 

Dünyapress TV

Xəbər lenti