Ardını oxu...
 

“Mədəniyyət” və “ARB Günəş” kanallarında yayımlanan “Dərs vaxtı” verilişinin aprelin 6-sı üçün nəzərdə tutulan cədvəli müəyyənləşdirilib.

Bu barədə Publika.az-a Təhsil Nazirliyindən məlumat verilib. Təhsil Nazirliyi dərs cədvəlinə diqqət etməyi, dərsi “Dərs vaxtı”nda öyrənməyi tövsiyə edir.

Qeyd edək ki, martın 11-dən başlayaraq Təhsil Nazirliyinin təşkilatçılığı ilə “Mədəniyyət” və “ARB Günəş” kanallarında “Dərs vaxtı” proqramının yayımına start verilib. Proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.

“Dərs vaxtı”na ekran qarşısında baxa bilməyənlər keçirilmiş dərsləri Təhsil Nazirliyinin rəsmi “Youtube” (https://www.youtube.com/playlist…) kanalı ilə yanaşı “Facebook” səhifəsindən, eyni zamanda, “Təhsil” televiziyasının “Facebook” səhifəsindən, həmçinin Təhsil Nazirliyinin videodərslər portalından (https://video.edu.az/) izləmək imkanı əldə edə bilərlər.

Ardını oxu...
ADR Hərəkatının sədri, professor Qubad İbadoglu COVİD-19 pandemiyasının ölkəmizə mənfi təsirlərini azaltmaq üçün təkliflər paketi hazırlayaraq hökumətə ünvanlayıb.
Aktuallığını nəzərə alıb təkliflər paketini Ovqat.com oxucuları üçün təqdim edirik:


Azərbaycan Respublikasının prezidenti cənab İlham Əliyevə
Azərbaycan Respublikasının baş naziri cənab Əli Əsədova
Azərbaycan Respublikasının Milli Məclisinin sədri xanım Sahibə Qafarovaya
Azərbaycan Respublikasının İqtisadiyyat naziri cənab Mikayıl Cabbarova
Azərbaycan Respublikası Maliyyə naziri cənab Samir Şərifova
Azərbaycan Respublikasının Əmək və əhalinin sosial müdafiəsi nazir cənab Sahil Babayevə
Azərbaycan Respublikasının Nəqliyyat, Rabitə və Yüksək Texnologiyalar naziri Ramin Quluzadəyə
Azərbaycan Mərkəzi Bankının sədri cənab Elman Rüstəmova
Azərbaycan Respublikasının Nazirlər Kabineti yanında Operativ Qərarğaha

Dünyanın qarşılaşdığı COVİD-19 pandemiyasının Azərbaycan əhalisinə və iqtisadiyyatına təsirlərini dərin narahatlıqla izləyirik. Bu təsirlərin azaldılması üçün rəhbərlik etdiyiniz orqanların işini daim diqqət mərkəzində saxlayırıq. Qarşılaşdığımız fəlakətin miqyaslarını düzgün qiymətləndirib, onun əhalinin sağlamlığı, təhlükəsizliyi və rifahına, milli iqtisadiyyata mənfi təsirlərini azltmaq və onunla mübarizə istiqamətində görüləcək fəaliyyətin təsir gücünü artırmaq üçün Azərbaycan Demokratiya və Rifah (ADR) Hərəkatının adından aşağıdakı təklifləri sizinlə bölüşürük.
Təkliflərə diqqətlə yanaşacağınıza əminliklə əvvəlcədən təşəkkür edirik.

1. İqtisadi və fiskal dəstək sahəsində:

1.1. 2020-ci ilin dövlət büdcəsinə yenidən baxılsın və dürüstləşdirilsin.
1.2. Dövlət Neft Fondunun 2020-ci il üçün büdcəsinə yenidən baxılsın və dürüstləşdirilsin.
1.3. Dövlət Sosial Müdafiə Fonunun 2020-ci il üçün büdcəsinə yenidən baxılsın və dürüstləşdirilsin.
1.4. İşsizlikdən sığorta Fondunun 2020-ci il üçün büdcəsinə yenidən baxılsın və dürüstləşdirilsin.
1.5. Neft qiymətlərindəki dəyişkənliyin büdcə gəlirlərinə təsirini tənzimləyən büdcə qaydasına yenidən baxılsın.
1.6. Pandemiyanın iqtisadiyyata və əhaliyyə təsirlərini azatmaq üçün büdcədən ayrılan vəsait dövrü olaraq artırılsın.
1.7. Azərbaycan Respublikasında 2020-ci il üçün ehtiyac meyarının həddi haqqında Qanunda dəyişiklik edilsin.
1.8. Səhiyyə müəssislərində, apteklərdə, mağazalarda, banklarda, poçt idarələrində, ictimai xidmətlər göstərən dövlət şirkətlərində və özəl müəssisələrdə çalışanların pandemiya dövründə əməyi stimullaşdırılsın, onlar lazımı mühafizə vasitələri - tibbi maska, tibbi əlçək və sair ləvazimatlarla büdcədən ayrılmış vəsaiti hesabına təmin edilsin.
1.9. Maliyyə amnitsiyası elan edilsin.

2. Özəl biznesə dəstək sahəsində:

2.1. Mərkəzi bank uçot dərəcələrinə yenidən baxılsın, kommersiya bankları faiz dərəcələrinin aşağı salınması stimullaşdırılsın.
2.2. Manatın məzənnəsinin üzən valyuta rejimində tənzimlənməsinə hazırlıq işləri başa çatdırılsın.
2.3. Kommersiya bankları, bank olmayan kredit təşkilatları bütün növ kreditlər (biznes, istehlak, ipoteka və s.) üzrə əsas və borc ödənişləri üçün 6 aylıq tətil elan etsinlər.
2.4. Pandemiyadan əhəmiyyətli dərəcədə təsirlənən fermerlər, biznes subyektləri və fərdi sahibkarlar üçün vergi tətilləri elan edilsin.
2.5. Pandemiyadan əhəmiyyətli dərəcədə təsirlənən fermerlər, kiçik və orta biznes və fərdi sahibkarların güzəştli şərtlərlə kreditlərə çıxışı təmin edilsin.
2.6. Pandemiyadan əhəmiyyətli dərəcədə təsirlənən fermerlər, kiçik və orta biznes və fərdi sahibkarlar işçilərin sayından asılı olaraq birdəfəlik yardım edilsin.

3. Əhalinin aztəminatlı təbəqəsinin sosial təminatı sahəsində:

3.1. Böyüklər üçün 250 manat, 18 yaşından yuxarı uşaqlar üçün 125 manat birdəfəlik və müddətli (3 aylıq) yardım edilsin.
3.2. Kommunal ödənişlərə güzəştlər tətbiq olunsun, işıq, qaz və su təchizatının borca görə dayandırılmasına yol verilməsin.
3.3. Dövlətin sosial təminat proqramının istifadəçiləri olan işzilərin, ünvanlı sosial yardım alanlar, bütün növ pensiyaçıların, şəhidlərin, müharibə və ya 1990-cı ilin 20 yanvar hadisələri ilə əlaqədar əlilliyi olan şəxslərin, Çernobıl qəzası nəticəsində I və II dərəcə əlilliyi müəyyən edilmiş, yaxud vəfat etmiş şəxslərin, habelə Çernobıl qəzası nəticələrinin aradan qaldırılması iştirakçılarının və müddətli hərbi xidmət qulluqçularının ailələri aprel ayının 1-dən hesablanmaq şərtilə kommunal ödənişlərdən 3 ay müddətinə azad edilsin.
3.4. Ünvanlı dövlət sosial yardımının təyin edilməsi məqsədilə 2020-ci il üçün müəyyənləşdirilən ehtiyac meyarının həddi 160 manatdan cari il üçün yaşayış minimumu ölkə üzrə dəyərinə 190 manata çatdırılsın.
3.5. Rəsmi qeydiyyata alınan bütün iş axaranlara və işsiz statusu olanlara minimum əmək haqqı səviyyəsində orta hesabla 250 manat məbləğində işsizliyə görə sığorta haqqı ödənilsin.
3.6. Minimum pensiyanın məbləği 200 manatdan 250 manatadək, minimum əmək haqqının məbləği 250 manatdan 300 manatadək artırılsın.
3.7. Bütün növ aylıq (şəhid ailələrinə, yaşa görə, əlilliyə görə, ailə başçısını itirməyə görə, sağlamlıq imkanları məhdud olan 18 yaşadək uşaqlara) müavinətlərin məbləği 50 faiz və birdəfəlik (uşağın anadan olması, dəfnə görə) müavinətlərin məbləği 2 dəfə artırılsın.
3.8. Məcburi köçkünlərə ödənilən vahid aylıq müavinətin məbləği 50 faiz artırılsın.

4. Səhiyyə sahəsində:

4.1. Virusun aşkarlanması və ona qarşı tədbirlərin effektivliyinin atırılması üçün testlərin kütləviliyi təmin edilsin.
4.2. Tibbi ləvazimatlar, xüsusilə də süni nəfəs avadınlıqarı ilə təchizatı artırılsın
4.3. Həkimləri mühafizə üçün onların tibbi və maddi təminatı yaxşılaşdırılsın.
4.4. Nəqliyyat, Rabitə və Yüksək Texnologiyalar Nazirliyi vurusun coğrafiyasına dair interaktiv surətdə yeniləşən xəritə hazırlasın.

5. Yekun müddəlar:

5.1. Əhali müntəzəm, açıq-aydın və dürüst şəkildə məlumatladılsın.
5.2. Bütün tədbirlər üzrə maliyyələşdirmə dövlət büdcəsindən və büdcədən kənar fondlardan həyata keçirilsin.
5.3. Fiskal şəffaflıq və hesabatlıq artırılsın.
ADR Hərəkatının sədri Gubad Ibadoglu
Ardını oxu...
Bu ilin aprel-may aylarında Azərbaycanda 50 min ictimai iş yerinin yaradılması nəzərdə tutulub.

Teref.az xəbər verir ki, bu, Nazirlər Kabinetinin təsdiq etdiyi, “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların iqtisadiyyata, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” ölkə prezidentinin 19 mart 2020-ci il 19 mart tarixli sərəncamının icrası ilə bağlı Tədbirlər Planında öz əksini tapıb.

Məqsəd işsiz vətəndaşların müvəqqəti məşğulluğunun təmin edilməsidir. Bunun üçün 30 milyon manat ayrılıb.

Başqa sözlə, hər ictimai işə görə ayda 300 manat əmək haqqı veriləcək.

Ardını oxu...
 

SMS-lər üçün operatorlara ödənilməsi nəzərdə tutulan vəsait dövlət hesabına ödəniləcək.

Publika.az-ın məlumatına görə, bunu Azərbaycan Televiziyasında (AzTV) "Hədəf" verilişinin qonağı olan Nazirlər Kabinetinin mətbuat xidmətinin rəhbəri İbrahim Məmmədov deyib.

Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev əlavə edib ki, yaşayış yerini tərk etmək üçün icazə almaq məqsədilə 8103 nömrəsinə göndərilən SMS-lər ödənişsiz olacaq.

Onun sözlərinə görə, SMS-lərə cavablar gecikdiyi təqdirdə çaşqınlıq yaratmaq lazım deyil. Vətəndaşlar səbrlə müraciətlərinə cavab gözləməlidirlər.

Xatırladaq ki, koronavirus (COVID-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi çərçivəsində ölkədə hərəkət məhdudiyyətləri müəyyən olunub.

Əhalinin həyat və sağlamlığının qorunmasını, dövlət qurumlarının və həyat təminatı obyektlərinin fasiləsiz işini, habelə yaranmış vəziyyətdə iqtisadi subyektlərin zəruri həddə fəaliyyətini təmin etmək məqsədilə Azərbaycan Respublikasının Nazirlər Kabineti yanında Operativ Qərargah ölkədə hərəkət məhdudiyyətlərinin 5 aprel 2020-ci il saat 00:00-dan 20 aprel 2020-ci il saat 00:00-dək aşağıdakı qaydada tətbiqi ilə bağlı qərar alınıb.

Ardını oxu...
Prezident İlham Əliyev martın 31-də İqtisadiyyat naziri Mikayıl Cabbarovu qəbul edərək ölkə iqtisadiyyatının qarşısında duran problemlər və onların həlli ilə bağlı danışıb.

Ölkə başçsı kölgə iqtisadiyyatına da toxunub. Sitat: «... Vaxt gəlib çatıb ki, hələ də kölgədə fəaliyyət göstərən sahibkarlıq subyektləri artıq bu işlərə son qoysunlar. Biz səbirli olduq, biz vaxt verdik və hesab edirəm ki, bu vaxt çərçivələri kifayət qədər geniş idi. Bir çox sahibkarlar artıq kölgə iqtisadiyyatından çıxıb və ağ iqtisadiyyatda fəaliyyət göstərir, dövlətin vergisini ödəyir, qeyri-formal məşğulluğu öz gündəliyindən çıxarıbdır. Amma elə sahibkarlar var ki, hələ də hesab edirlər, köhnə qayda ilə işləyəcəklər. Mən onlara birmənalı demək istəyirəm ki, bu, keçməyəcək və heç kim onlara kömək etməyəcək. Əgər kimsə hansısa tanışlara, qohumlara, yaxud da ki, vəzifədə olan dostlara arxalanırsa, səhv yoldadır...»

Deputat Vahid Əhmədov Prezidentin çıxışını «Turan» agentliyinə şərh edərkən bildirib ki, kölgə iqtisadiyyatı ilə mübarizə son vaxtlar gündəmdədir: «Dünən iqtisadiyyat naziri M. Cabbarov prezidentə məruzəsində kapital və əmlak leqallaşdırılmasına da toxundu. Bu da çox ciddi məsələdir. Prezidentin göstərişləri çox ciddidir və bu istiqamətdə iş gedir».

V.Əhmədov hesab edir ki, bunun nəticəsi ilk rübün sonunda, ilin axırında büdcəyə əlavə daxilolmalarda özünü göstərəcək: «Əgər o vəsaitlər gələcəksə, deyə biləcəyik ki, kölgə iqtisadiyyatı Azərbaycanda azalır, ya da minimum səviyyədədir».

Vahid Əhmədov həmçinin hökumətin açıqladığı “xilas” paktini də şərh edib: «Hesab edirəm ki, yardımlar hamıya edilməlidir. Xüsusilə günəmuzd işləmişlərə, imkanları olmayanlara. Onlara mütləq yardım edilməlidir. Bu barədə təkliflər verilib. Əgər sahibkara yardım ediriksə, bu, birbaşa müqaviləsi olanlara edilən yardımdır. Günəmuzd işləmiş insanların siyahısı olmalıdır. İndi deyirlər ki, guya siyahı yoxdur. Siyahı yoxdursa, bu məsələ çoxdan həll edilməli idi. Hər bir rayonun icra başçısından bu məlumatlar alınmalı, ümumi kompüterə salınmalı, həllini tapmalı idi. Ola bilməz ki, işləyənlərə nəsə verək, amma günəmuzd işləmişlərə yardım etməyək. Dövlət başçısı da dedi ki, yardım olmalıdır, bu həftədən başlamalıdır».

Ardını oxu...
 

Bakı Media Mərkəzinin hazırladığı “COVID-19” virusunun ağır nəticələrə səbəb olduğu İtaliyaya dəstək videoçarxı İtaliyada böyük maraqla qarşılanıb.

Publika.az-ın məlumatına görə, İtaliyanın dövlət və ictimai təşkilatları, o cümlədən Xarici İşlər və Beynəlxalq Əməkdaşlıq Nazirliyi, çoxsaylı tanınmış siyasi simalar, kütləvi informasiya vasitələri, sadə vətəndaşlar Bakı Media Mərkəzinin, Azərbaycan Respublikası Xarici İşlər Nazirliyinin və Azərbaycanın İtaliyadakı Səfirliyinin sosial media səhifələrində yaydıqları müvafiq videoçarxı paylaşaraq, öz şərhləri ilə Azərbaycanın İtaliya xalqı ilə bu çətin günlərdə həmrəyliyinə görə təşəkkür edir və bu diqqəti yüksək qiymətləndirirlər.

İtaliyanın nüfuzlu Askanews xəbər agentliyi bu videoçarx ilə bağlı xüsusi reportaj yayıb. Reportajda deyilir: “Bakı ilə Roma arasında dostluq diplomatiya və iqtisadiyyatdan da uzaqlara gedir. Azərbaycan və İtaliya koronavirusa qarşı mübarizədə də birlikdədirlər və bir-birinə yaxındırlar. Bakı Media Mərkəzinin hazırladığı İtaliya xalqı ilə yaxınlığı və həmrəyliyi nümayiş etdirən videoçarxın da verdiyi ismarıc budur. Bu video çarx İtaliyaya Azərbaycanın hədiyyəsidir. İtaliyanın və Azərbaycanın bayraqlarının dalğalandığı günəşlər şəhəri Bakıda tenor Fərid Əliyev piano və skripkanın müşayiəti ilə Cakomo Puççininin "Turandot" operasından "Nessun Dorma" ariasını ifa edir. İtaliyanın bayrağı, Milan, Yuventus, Roma kimi məşhur futbol klublarının köynəkləri və Puççininin ariyası kimi İtaliyaya aid simvolların göstərildiyi videoçarxın sonunda “Günəş doğanda qalib gələcəyəm” kimi ümid çağırışı və Bakıdan İtaliyaya “İtaliya, güclü ol, Azərbaycan sizinlədir” ismarıcı göndərilir”.

İtaliyanın çoxsaylı nüfuzlu kütləvi informasiya vasitələri, o cümlədən İl Sole 24 Ore, İl Tempo, Libero Quotidiano, Notizie Tiscali, Quotidiano, Virgilio, Today.it, Corriere dell’Umbria, Corriere di Siena, Corriere di Arezzo, Corriere di Viterbo, Corriere di Rieti və sairləri də Askanews xəbər agentliyinin bu reportajını yayıblar.

Tanınmış Agenzia Nova xəbərlər agentliyi və “Notizie Geoplitiche” analitik-informasiya saytının isə bu videoçarx ilə bağlı dərc olunmuş məlumatlarında deyilir: “Azərbaycan həftələrdir ki ağır sanitar fövqəladə vəziyyətə cəsarətlə sinə gələn İtaliya xalqına Bakı Media Mərkəzinin hazırladığı videoçarx ilə həmrəylik və yaxınlıq nümayiş etdirir. Videoçarx ilə bağlı Azərbaycanın İtaliyadakı Səfirliyinin yaydığı məlumatda bildirilir ki, bu videoçarx Azərbaycan və İtaliyanın strateji tərəfdaşlıqla yanaşı, bir-birinə səmimi dostluq telləri ilə bağlandığını nümayiş etdirir və kadrlarda iki ölkənin bayraqlarının birlikdə dalğalanması da bunun simvolik sübutudur”.

“İmola Oggi” qəzetinin “Azərbaycandan İtaliya xalqına təsirli həmrəylik videosu” başlıqlı məlumatında da bu videoçarx ilə Azərbaycanın İtaliya xalqına koronavirus epidemiyası ilə bağlı yaranmış çətin vəziyyətdə həmrəylik nümayiş etdirdiyi, “Nessun Dorma” ifa olunan, İtaliyanın məşhur futbol klublarının azarkeşləri olan könüllülərin iştirakı ilə Bakı Media Mərkəzinin hazırladığı bu təsirli videonun sonunda italyanca “Güclü ol, İtaliya, Azərbaycan sizinlədir!”, “Evdə qalın!”, “Hər şey yaxşı olacaq!” kəlmələrinin yazıldığı bildirilir.

“Business İnsider İtalia” xəbər saytının videoçarx ilə bağlı yaydığı məlumatda isə “Güclü ol, İtaliya, Azərbaycan sizinlədir”: Azərbaycanın İtaliyadakı Səfirliyinin İtaliya xalqı ilə həmrəyliyi nümayiş etdirmək üçün hazırlanmış videoçarxı bu sözlərlə paylaşdığı qeyd olunur.

Dərc olunmuş bütün məlumatlarda Bakı Media Mərkəzinin hazırladığı videoçarx yerləşdirilib.

Videoçarx ilə bağlı Bakı Media Mərkəzinin məlumatında bildirilir ki, bu videoçarxda pandemiya ilə ciddi mübarizə aparan Azərbaycanın və Azərbaycan vətəndaşlarının, dost İtaliya xalqına dəstəyi ifadə olunur. İzləyicilərə, skripka ustaları Rövşən Əmrahov, Nəzrin Aslanlı, pianoçu Səidə Tağızadə və tenor Fərid Əliyevin ifasında italyanların sevilən musiqi əsərlərindən biri - Cakomo Puççininin "Turandot" operasından "Nessun Dorma" ariyası təqdim olunur. İtaliyanın məşhur futbol klublarının azərbaycanlı azarkeşlərinin də könüllü iştirakı və müşayiəti ilə hazırlanan videonun sonunda italyan dilində “İtaliya, güclü ol, Azərbaycan sizinlədir!” , “Evdə qalın!”, “Hər şey yaxşı olacaq!” müraciətləri qeyd olunur. Məlumat üçün bildirək ki, videoçarx Azərbaycanda “COVID-19” virusunun geniş yayılması təhlükəsinə qarşı mübarizə çərçivəsində elan olunan karantindən əvvəl çəkilib.

Videoçarxla bağlı İtaliya mətbuatında dərc olunmuş məlumatlarla aşağıdakı keçidlərlə tanış olmaq mümkündür:

http://www.askanews.it/video/2020/04/01/coronavirus-azerbaigian-a-fianco-dellitalia-allalba-vincer%c3%b2-20200401_video_10392932/

https://stream24.ilsole24ore.com/video/mondo/coronavirus-azerbaigian-fianco-italia-alba-vincero/ADag3PH

https://video.virgilio.it/guarda-video/coronavirus-azerbaigian-a-fianco-dellitalia-allalba-vincero_bc6146239708001

https://www.quotidiano.net/esteri/video/coronavirus-azerbaigian-a-fianco-dell-italia-all-alba-vincer%C3%B2-1.5090103

https://notizie.tiscali.it/esteri/articoli/coronavirus-azerbaigian-fianco-italia-all-alba-vincera/

http://www.today.it/video/coronavirus-azerbaigian-a-fianco-dell_italia-all_alba-vincero-66r8k.askanews.html

https://www.liberoquotidiano.it/video/tv-news/21691566/coronavirus_azerbaigian_a_fianco_dell_italia_all_alba_vincero_.html

https://tv.iltempo.it/tv-news/2020/04/01/video/coronavirus-azerbaigian-a-fianco-dell-italia-all-alba-vincero-1306531/

https://corrieredellumbria.corr.it/video/tv-news/1551634/coronavirus-azerbaigian-a-fianco-dell-italia-all-alba-vincero.html

https://corrierediarezzo.corr.it/video/tv-news/1551636/coronavirus-azerbaigian-a-fianco-dell-italia-all-alba-vincero.html

https://corrieredirieti.corr.it/video/tv-news/1551637/coronavirus-azerbaigian-a-fianco-dell-italia-all-alba-vincero.html

https://corrieredisiena.corr.it/video/tv-news/1551635/coronavirus-azerbaigian-a-fianco-dell-italia-all-alba-vincero.html

https://corrierediviterbo.corr.it/video/tv-news/1551638/coronavirus-azerbaigian-a-fianco-dell-italia-all-alba-vincero.html

https://www.agenzianova.com/a/5e8381f21783a7.04228815/2875894/2020-03-31/coronavirus-l-azerbaigian-esprime-vicinanza-all-italia-con-il-nessun-dorma-al-baku-media-center

https://www.notiziegeopolitiche.net/azerbaijan-coronavirus-la-vicinanza-allitalia/

https://www.imolaoggi.it/2020/04/01/coronavirus-dallazerbaigian-toccante-video-di-solidarieta-al-popolo-italiano/


Ardını oxu...
 

Azərbaycan Mətbuat Şurasının Daxili İşlər Nazirliyi ilə birgə yaratdığı monitorinq qrupu xüsusi rejim şəraitində jurnalistlərin peşə fəaliyyətlərini yerinə yetirmələrinə diqqət yetirir.

Daxili İşlər Nazirliyindən Publika.az-a verilən məlumata görə bununla bağlı MŞ-dən və DİN-dən nümayəndələr (MŞ-dən Əvəz Rüstəmov - (050) 206 96 02; DİN-dən Mətbuat Xidmətindən İlham Babayev (055) 771 82 62; Bakı şəhər BPİ-dən Elşad Hacıyev (055) 288 95 53) müəyyənləşdirilib. Zərurət yarandığı hallarda jurnalistlər göstərilən mobil telefon nömrələrinə zəng edə bilərlər.

Mətbuat Şurası onu da bildirib ki, jurnalist adından, vəsiqəsindən istifadə etməklə xüsusi rejimin qaydalarını pozma halları da monitorinq qrupu tərəfindən diqqətdə saxlanılacaq. Bununla bağlı konkret faktların araşdırılması həyata keçiriləcək, yerli polis orqanlarının əməkdaşları monitorinq qrupunun üzvləri ilə daimi əlaqədə olacaqlar.

Ardını oxu...
Xüsusi karantin rejimində kütləvi informasiya vasitələrinin (KİV) fəaliyyətinə məhdudiyyət qoyulmayacaq.

Teref.az xəbər verir ki, bu, Nazirlər Kabineti yanında Operativ Qərargahın müəyyənləşdirdiyi Koronavirus (COVID-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlərdə əksini tapıb.

Sənəddə qeyd edilib ki, 31 mart 2020-ci il saat 00:00-dan 20 aprel 2020-ci il saat 00:00-dək olan müddətdə xüsusi rejim dövrünün tələblərinə əməl olunması şərti ilə KİV-lərin fəaliyyətinin davam etdirilməsinə icazə verilir.
Ardını oxu...
"Vətəndaşların sosial müdafiəsi ilə bağlı atılacaq addımlar barədə çoxsaylı suallara cavab olaraq bildirim ki, cənab Prezidentin Sərəncamı ilə yaradılmış məşğulluq və sosial məsələlər üzrə işçi qrup tərəfindən təkliflər hazırlanıb".

Bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsinin müdiri Fazil Talıbov feysbukda yazıb.

Qurum rəsmisi bildirib ki, təkliflər aidiyyatı üzrə təqdim olunub. Yaxın günlərdə bu barədə ətraflı məlumatlar veriləcək. "Xahiş edirəm, hadisələri qabaqlayıb vətəndaşları çaşdıracaq məlumatlar paylaşmayın", - deyə nazirlik rəsmisi qeyd edib.

Ardını oxu...
 

Dövlət İmtahan Mərkəzi məlum virusla bağlı ölkədə karantin rejimini nəzərə alaraq abituriyent və buraxılış sinif şagirdlərinə dəstək məqsədilə otk.az portalında 9-cu və 11-ci sinif şagirdləri üçün yerləşdirilən bütün buraxılış və qəbul imtahanlarını (Azərbaycan və rus bölməsi) 2020-ci il iyul ayınadək ödənişsiz keçirməyə qərar verib.

Publika.az ödənişsiz sınaq imtahanlarının siyahısını təqdim edir:

• IX sinif Buraxılış 2020 (I və II mərhələ) (№1)

• IX sinif Buraxılış 2020 (I və II mərhələ) (№2)

• Азербайджанский язык для русского сектора (IX класс Выпускной) 2020 (№1)

• Азербайджанский язык для русского сектора (XI класс Выпускной) 2020 (№1)

• Азербайджанский язык для русского сектора (IX класс Выпускной) 2020 (№2)

• Азербайджанский язык для русского сектора (XI класс Выпускной) 2020 (№2)

• IX sinif Buraxılış 2020 (I və II mərhələ), №2 (Tədrisi ingilis dilində olan məktəblər üçün)

• XI sinif Buraxılış 2020, qəbul imtahanı I mərhələ, №2 (Tədrisi ingilis dilində olan məktəblər üçün)

• XI sinif Buraxılış 2019, qəbul imtahanı I mərhələ, №3

• XI sinif Buraxılış 2019, qəbul imtahanı I mərhələ, №2

• XI sinif Buraxılış 2019, qəbul imtahanı I mərhələ, №2 (Tədrisi ingilis dilində olan məktəblər üçün)

• IX sinif Buraxılış 2019 (I və II mərhələ) (№1)

• Азербайджанский язык для русского сектора (XI класс Выпускной) 2019 (№2)

• 2020-ci il sınaq imtahanı, II mərhələ, №1

• 2019-cu il sınaq imtahanı, II mərhələ, №5

• 2019-cu il sınaq imtahanı, II mərhələ, №4

• 2019-cu il sınaq imtahanı, II mərhələ, №3

• 2019-cu il sınaq imtahanı, II mərhələ, №2

• 2019-cu il sınaq imtahanı, II mərhələ, №1

• 2019-cu il sınaq imtahanı, II mərhələ

• 2018-ci il sınaq imtahanı (№4)

• 2018-ci il sınaq imtahanı (№2)

• 2018-ci il sınaq imtahanı (№1)

• 2018-ci il qəbul imtahanı (May)

• Abituriyent №1 2018 (sınaq imtahanı)

• 2017-ci il qəbul imtahanı (A variantı)

• 2016-cı il qəbul imtahanı (A variantı)

• 2015-ci il qəbul imtahanı (A variantı)

Onlayn sınaq imtahanı vermək istəyənlər otk.az portalında qeydiyyatdan keçib və günün istənilən vaxtında biliklərini yoxlaya bilərlər.

Onlayn imtahan başa çatan kimi imtahan nəticələrini əldə edə, yenidən test tapşırıqlarına baxa, onları təhlil edə, öz cavablarınizla düzgün cavabları müqayisə edə biləcəksiniz.

Dünyapress TV

Xəbər lenti