Ardını oxu...
Ekologiya və Təbii Sərvətlər Nazirliyi təcili surətdə öz diqqətini Samux rayonuna yönəltsə yaxşı olar. Bir müddətdir ki, Kür çayının Samux rayonu ərazisindən keçən hissəsində, ən önəmlisi də dövlət tərəfindən xüsusi mühafizə olunan təbiət əraziləri hesab edilən və Göygöl Milli Parkının ərazisi sayılan 200 hektardan artıq meşə sahəsi şumlanaraq əkin sahəsinə çevrilib. Meşə örtüyünü və təbiətin təbii özəllikləri qəsdən məhv edən şəxslər milli parkın ərazisinin qanunla qorunan hüquqlarına və ekoloji maraqlara təcavüz edərək özlərinə günəbaxan əkirlər.
"Demokratik.Az"-a verilən məlumatlara görə, Samux rayonunun Narlı bulaq, şəhər burnu və Daşlı burun kimi tanınan ərazilərində təbiətə böyük miqyasda ziyan vurulub.
"Günəbaxan mafiası" bitki örtüyü ilə yanaşı çay yataqlarının bitki zənginliklərindən ibarət olan park ərazisindəki söyüd, qovaq, saqqız və digər qiymətli ağac cinslərini ağır texnika ilə kökündən çıxararaq yerində taxıl da əkiblər.
Məlumata görə, qoruq ərazisini özlərinə əkin plantasiyasına çevirənlər ağır texnika-traktorlarla əkdirdikləri sahədə əsasən arpa-buğda səpinini artıq yekunlaşdırıblar. Günəbaxan sahəsi də şumlanaraq hazır vəziyyətə gətirilib.
Kür çayının sağ sahilində 2 km uzunluğunda, 2 metr dərinliyində qazılmış iri xəndəklər ərazidə mal-qara saxlayan fermerlərin də hərəkətini xeyli məhdudlaşdırıb. Ərazidəki insanların baş verənlərə narazılıqları isə heç bir nəticə verməyib.
Mənbənin qeyd etdiyinə görə, özbaşınalıq Göygöl Milli Parkına (Dövlət Təbiət Qoruğuna) məsul olan şəxs və şəxslər tərəfindən normal hal kimi qarşılanır. Dövlət büdcəsindən ildə milyonlarla vəsait alan Ekologiya və Təbii Sərvətlər Nazirliyinin 10 saylı Ərazi Ekologiya İdarəsinin rəhbəri cənab Rəhim Qafarov və tabeçiliyindəki əməkdaşların da məsələdən hali olmaları iddia olunur. Lakin, əkinin arxasında mötəbər şəxsin dayanması iddiası Ekologiya Nazirliyinin səlahiyyətlilərinin susqunluğuna, hərəkətsizliyinə səbəb olub.
Meşə massivinin və xüsusi təlimat və qaydalarla qorunmalı olan milli park ərazisinə operativ nəzarətsizliyin həcmi “işbaz”ların cinayət tərkibli əməllərinə açıq şərait yaradıb. Nəticədə də Göygöl Dövlət Qoruğunun balansında yaradılan Milli Parkının həmin ərazisinə külli miqdarda zərər-ziyan dəyib.
Sözügedən ərazidə əkinə birbaşa Göygöl Dövlət Təbiət Qoruğunun rəisi ilham Məmmədovun da "xeyir-dua" verdiyi bildirilir. Qeyri-rəsmi iddialara görə, bunun üçün İ. Məmmədov işbazlardan hər hektarına 50 manat olmaqla (ümumilikdə 10 min) rüşvət alıb.
"Demokratik.Az" saytının rüşvət alma iddiası barədə sualına cavabında Milli Parkın rəsmisi deyilənləri təkzib edib. Sadəcə olaraq adıkeçən idarənin Göygöl rayonu ərazisində olmasını əsas gətirərək guya vaxtlı-vaxtında qoruğa tabeli uzaq ərazilərə nəzarətin mümkün olmadığını bildirib. Bundan başqa, dövlət qoruğunun ərazisinə Ekologiya və Təbii Sərvətlər Nazilriyinin 10 saylı Ərazi Ekologiya İdarəsinin mühafizə və nəzarət etməli olduğu da gün kimi aydındır. Telefon zənglərimizə cavab verilmədiyi üçün Rəhim Qafarovun məsələyə münasibətini ifadə edə bilmirik.
Milli park-dövlət qoruğu ərazisinə dəymiş ziyanla əlaqədar hər iki qurumun əslində niyə heç bir tədbir görməmələrinin daha bir cavabı isə aşağıdakı kimidir.
Bildirilir ki, həmin ərazidə əvvəlki illərdə heç vaxt belə özbaşınalıq halı qeydə alınmayıb. Bunun səbəbi Göygöl Milli Parkının yeni direktoru İlham Məmmədovla əlaqədardır.
Belə ki, adının çəkilməsinin istəməyən mənbənin dediyinə görə, İlham Məmmədov hazırki vəzifəyə Göygölün sabiq deputatı, Qaçqınkom rəhbəri cənab Rövşən Rzayevin dəstəyilə təyin edilib. Adıçəkilənləri bir-birinə yaxın dostluq telləri bağlayır. Bu minvalla İlham Məmmədovun qardaşı İlqar Məmmədov da hazırda Göygöl İcra Hakimiyyətində başçının müavini vəzifəsini daşıyır.
Beləliklə, şokedici iddiaya inansaq, Milli Parkın ərazisində 200 hektardan artıq ərazidə arpa-buğdanı, günəbaxan plantasiyasını qaçqınkom şefi cənab Rövşən Rzayev saldırıb ki, bu özbaşınalığın qarşısının alınması da Qərb bölgəsində nazir Muxtar Babayevi təmsil edənlərin səlahiyyətləri daxilində olsa da, gücləri və iradələri daxilində deyil...
İnanırıq ki, sözügedən özbaşınalığın durdurulması "dövlət baba"nın daha səlahiyyətliləri, elə ekonazir Muxtar Babayev üçün daha önəmli və mümkün iş olacaq!
Demokratik.Az

Ardını oxu...
DİA.AZ: - "Gəncə Dövlət Universitetində əvvəlki illərdən vüsət alan qanunsuzluqlar seriyası davam etməkdədir. Nə barəsində edilən şikayətlər, nə də haqqında yazılan tənqidi yazılara məhəl qoymayan universitet rektoru Yusif Yusibov dünyanın və respublikamızın koronavirus pandemiyasından təlaş etdiyi indiki məqamda da neqativ hallara rəvac verməkdə davam edir". Bu barədə DİA.AZ-a göndərilən məqalədə deyilir.

Daha sonra məqalə müəllifi yazır: "Universitetdə baş alıb gedən özbaşınalıq, qanun pozuntuları bu ali təhsil müəssisəsində həm professor-müəllim heyəti arasında, həm texniki işçilər arasında, həm də tələbə kontingentində atmosferi pozur, pessimist əhvali-ruhiyyə yaradır. Bütün universitet kollektivinin hüquqları pozulur, müxtəlif təhqirlərə məruz qalır.

Yusif Yusibov o qədər özünə arxayındır ki, bu günlərdə Təhsil Nazirliyinin xüsusi komissiyasını universitetdən qovub. Belə ki,Yusif Yusibovun Təhsil Naziri Emin Əmrullayevlə münasibətləri normal deyil. Yusif Yusibov nazir Emin Əmrullayev üçün arzu olunmaz şəxsdir. Təhsil Nazirliyi həm kütləvi informasiya vasitələrində dərc olunan materiallara görə, həm də Nazirliyə olunan çoxsaylı şikayətlərə görə universiteti yoxlatmaq üçün xüsusi komissiya göndərib. Komissiya yoxlama prosesində maliyyə sahəsində çoxlu yeyintilər, büdcə vəsaitlərinin talanması, saxta tələbə köçürmələri və s. kimi cinayət xarakterli faktlar aşkar edib. Bununla bağlı rektorun kabinetinə girən komissiya üzvləri rektor Yusif Yusibov tərəfindən kobud formada təhqir olunub. Rektorla komissiya üzvləri arasında danışıq alınmadıqda,Yusif Yusibov onları otaqdan qovaraq qışqırıb ki, gedin bacardığınızı eləyin. Bundan sonra rektor bir başa Mikayıl Cabbarova zəng edib. Komissiya üzvəri bununla bağlı Təhsil Naziri Emin Əmrullayevə məlumat veriblər. Emin Əmrullayev bundan sonra universitetə daha bir komissiya göndərmiş, özü Gəncə şəhərinə səfər etmiş, amma universitetə gəlməmiş, digər ali məktəblərə, bir neçə orta məktəbə baş çəkmişdir. Görünür,Təhsil Naziri Samir Şərifov, Mikayıl Cabbarov və Ceyhun Bayramov tərəfindən ciddi təzyiqlərə məruz qalmışdır. Belə ki,Yusif Yusibovun qardaşı Cavanşir Yusibov Maliyyə Nazirliyinin Aparat rəhbəridir.

GDU-da pul vəsaitlərinin xərclənməsində böyük israfçılığa yol verilir. Belə ki, rektor Y.Yusibov müəllimlərin maaşlarını qaldırmaq əvəzinə, bu pulları şişirtmə qiymətlərlə lüzumsuz şeylərə xərcləyir. Rektor universitetdə özünəməxsus maaş sistemi tətbiq edir. Respublikamızın digər ali məktəblərində professor-müəllimlərin əmək haqqı böyük məbləğdə artırılsa da, bu GDU-da xəyal olaraq qalır.Gəncədə yerləşən ADAU və GDU əməkdaşlarının maaşları arasında əsaslı fərqlər vardır.

Amma,rektor öz yaxın ətrafına maaş verilməsində heç də xəsislik etmir,hətta onları paketlə də mükafatlandırır.Başqa sözlə, özünün rüşvət mexanizminin dayaqlarına fərqli maaşlar verir. Rektorun test maxinasiyalarına rəhbərlik edən, nənələri erməni olan (Gəncəyə raket hücumları zamanı yaralanan Kalina Qriqoryan) Vasif və Asif Həsənov qardaşlarının maaşı 2500 manat, prorektorlar 2000 manatadək, rektorun katibəsinin maaşı 1800 manat və s.həddindədir. Rektor öz fantaziyalarına uyğun qəribə şöbələr yaradır, bu şöbələrə isə işçilər götürür. Asif və Vasif Həsənovların həm bacıları, həm də həyat yoldaşları ,eləcə də rektorun yaxın ətrafının qohumları bu şöbələrə işə götürülüb.

Amma, təhsil prosesi çiyinlərində dayanan professor müəllim heyətinin maaşı 450-700 manat arasında dəyişir. Dekanların və kafedra müdirlərinin bütün hüquqları əllərindən alınıb. Maraqlıdır ki,tələbələrin hansına təqaüd verilməsi məsələsi dekanın səlahiyyətində olduğu halda bu məsələni də rektor özü həll edir.Təbii ki,Vasif və Asif qardaşlarının əli ilə.

İşçilərin işə davamiyyəti məsələsinə müvafiq kafedra müdirləri nəzarət etməli olduğu halda ,bu məsələ rektorun humanitar məsələlər üzrə prorektoru Gülsüm Fətəliyeva tərəfindən yoxlanılır. Gülsüm Fətəliyeva isə əlinə bir dəftər alıb siyahı üzrə adları oxuyub,işçilərin davamiyyətini yoxlayır.

Bu o Gülsüm Fətəliyevadır ki,70 yaşını çoxdan keçmişdir, əksər hallarda universitetə çəkələkdə gəlir, yeriməyə çətinlik çəkir, amma özünü Gəncə şəhərinin birinci xanımı hesab edir. Gülsüm Fətəliyeva deputat Musa Urudun

bacısı, keçmiş icra başçısı Elmar Vəliyevin ən sabiq kadrı olan Kəpəz rayon İcra Hakimiyyətinin başçısı Eldəniz Xudiyevin qaynanasıdır. Gülsüm Fətəliyeva yaşla bağlı olaraq özünü tam idarə edə bilmir,danışanda mənasız və məzmunsuz sözlər

danışır. Gülsüm Fətəliyeva Xocalı faciəsinin ildönümünə həsr olunmuş tədbirdə demişdi ki, "Sizin Xocalı bayramınızı təbrik edirəm". Bundan başqa həmin tədbirdə harada olmağını unudub iclas iştirakçılarına qayınatasından, qaynanasından danışırdı. Bir müddət bundan öncə, universitetə hicabla gələn tələbənin hicabını açıb ayaqlar altına tullamış və həmin tələbəni kobud sözlərlə təhqir edərək universitetə buraxmaması ilə gündəmə gəlmişdi. Hüşu özündə olmayan, dedikləri sözün mənasını dərk etməyən bu adam prorektor vəzifəsini daşıyır"...

Daha bir maraqlı fakt isə Gülsüm Fətəliyevanın o birisi kürəkəni Afiq Marlen oğlu Zeynalovla bağlıdır. Afiq Zeynalov Kəpəz Rayon İcra Hakimiyyətinin başçısı Eldəniz Xudiyevin bacanağıdır. Onun qayınatası Kamil Fətəliyev isə Aqromexanika Elmi Tədqiqat İnstitutunun direktorudur. Gülsüm xanımın 74 yaşı olan qaynı isə Musa Quliyevin köməkçisidir. Afiq Zeynalov əvvəllər ADAU-da müəllim işləyirdi. Universiteti güc-bəla ilə bitirən, adi bir kvadrat tənliyi həll etmək iqtidarında olmayan bu şəxs müdafiə edərək alim adını alıb. Adı müəllim olsaa da onu auditoriyalarda görən olmayıb. Bu şəxsin dərsləri ADAU-nun digər müəllimləri tərəfindən tədris olunub.

Afiq Zeynalov isə bir növ "eşik ağası" funksiyasını daşıyıb. Universitetin ətrafında fırlanıb saxta diplom, saxta tələbə qəbulu, tələbə köçürmələri ilə məşğul olub. Müəllim işləyə bilməyəcəyini dərk edən bu şəxs tərəfdarlarının köməyi ilə Samux Rayon DSMF-na müdir təyin olunub. Burada da çox işləyə bilməyib. İşində yol verdiyi ciddi nöqsanlara, yeyintilərə, saxta pensiya təyin etdiyinə və s. kimi işlərinə görə oradan qovulub. İndi bu şəxsi rektor Yusif Yusibov kənardan gətirib Gəncə Dövlət Universitetinin "Elementar riyaziyyat" kafedrasına müdir təyin etmək istəyir. Maraqlıdır, GDU-nun Riyaziyyat fakültəsi universitet yaranan gündən fəaliyyət göstərir və burada çox güclü kadr potensialı var. Elə isə, niyə məhz Afiq Zeynalov layiq olmadığı halda bura təyin olunmalıdır, bu nə özbaşınalıqdır?

Prezident İlham Əliyevin fərmanı ilə GDU-nun 3 ədəd 4 mərtəbəli tələbə yataqxanasının təmiri üçün 8 milyon vəsait ayrılmışdı. Amma yataqxananın

binaları sökülmədən, sadəcə təmir olundu. Bu qədər vəsaitə böyük bir kompleks tikmək olar, lakin rektor bu məqsədlə universitetin büdcəsindən də xeyli miqdarda əlavə vəsait ayırdı.Təmirə ayrılmış bu qədər vəsaiti Y.Yusibov şübhəli tenderlərin qalibi, sənədlərdə başqa adamın adı olmağına baxmayaraq bu tikinti işlərinə başçılıq edən öz qardaşı Çingiz Yusibovun və təsərrüfat işləri üzrə prorektor Fəxrəddin Həsənovun əli ilə həzmi-rabedən keçirdi. Elə gələn komissiya da bu sahədə güclü saxtalaşdırmanın üstünü açdı. Ona görə də bu komissiya təhqir olunaraq universitetdən qovuldu.

Maraqlıdır,Təhsil Nazirliyi 70 yaşını çoxdan keçmiş, ən yaşlı rektorlardan hesab olunan , kabinet kralı, heç kimi qəbul etməyən GDU rektoru Y.Yusibovun bütün qanunsuz əməllərinə nə vaxta kimi göz yumacaq? Bu şəxsi əvəz etməyin vaxtı çoxdan çatıb.

Çətin duruma salınmış,banklardan kredit götürmüş pulsuz müəllimlərin halal zəhmətini yeyib, xarici dövlətlərdə kefə gedənlər, hardan biləcəklər ki,müəllim kollektivinin ehtiyacı nədir??? Bir qarın çörək puludur bu təhqirlərə məruz qalan yazıq müəllimlərin arzusu…”

GDU-da kollektiv rektor Y.Yusibovun çürümüş, iflas etmiş idarəçilik mexanizminin, nifrət doğuran kadr islahatlarının, təhsilə ləkə gətirən rəzil hərəkətlərinin qarşılığında məsələyə cavabdeh olan qurumların, xüsusilə də Təhsil Nazirliyinin hələ də susqunluğunu qınayırlar".

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Ardını oxu...
Ağdam rayonunun icra başçısı Vaqif Həsənovun sosial şəbəkələrdə videosu yayılıb.

“Yeni Sabah” bildirir ki, video icra başçısı işğaldan azad olunmuş, doğulduğu Ağdam rayonunun Əliağalı kəndində çəkilib. N saylı hərbi hissənin komandiri ilə görüntülənən V. Həsənov ata yurduna gedir, evlərini, həyətlərini göstərir.

Videonun təqdimatında icra başçısının içkili olduğu iddia edilir və bu onun hərəkətlərindən, danışığından da hiss olunur. Buna görə də V. Həsənovun şəhid qanı ilə alınmış torpaqlara sərxoş vəziyyətdə getməsi sosial şəbəkə istifadəçiləri tərəfindən tənqid olunub.

VİDEOYA AŞAĞIDAKI LİNKDƏN BAXA BİLƏRSİNİZ:

https://bax.tv/hadise/icra-bascisi-serxos-veziyyetde-128307

Ardını oxu...
 
 

Ağstafa rayon icra başçının müavini Lalə Eyyubova yenidən istintaqa cəlb olunacaq.

Reportyor.info xəbər verir ki, bu barədə vəkil Kamandar Nəsibov bildirib.
Onun sözlərinə görə, növbəti prosesdə Lalə Eyyubova dindiriləcək. Çünki ifadə verən şahidlərin əksəriyyəti rüşvəti bilavasitə L.Eyyubovaya çatdırdıqlarını söyləyiblər.
Bu da İH müavininin təzədən dindirilməsinə zərurət yaradıb. Qeyd edək ki, hazırda Ağstafanın həbsdə olan keçmiş başçısı Nizaməddin Quliyevin məhkəməsi gedir.
O, Dövlət Təhlükəsizlik Xidməti tərəfindən korrupsiya faktı ilə saxlanılıb və barəsində cinayət işi açılıb.
İstintaqa verilən ifadələrdən məlum olub ki, onun müavini L.Eyyubova birbaşa “kassir” rolunu oynayırmış.
Ancaq xanım məmurun yüksək ranqlı vəzifəli şəxslə qohumluğu onu həbsdən xilas edib. O, baş nazirin müavini Yaqub Eyyubovun qardaşı qızıdır. Bununla belə o, məhkəmədə ifadə verəcək.

XalqXeber.Az
Ardını oxu...
FHN-in modul tipli xəstəxanalarında çalışanlardan xeyli sayda şikayət gəlir. Yazırlar ki, müqavilədə bir məbləğ yazılır, ancaq maaşların yarısı verilir, müqavilədə istirahət günləri göstərilsə də, fasiləsiz şəkildə işlədilirlər.


AFN xəbər verir ki, bu haqda ictimai fəal Bəxtiyar Hacıyev bildirib. Onun sözlərinə görə, şikayətçi həkimlər bütün bunlardan sonra da ixtisara salınıb, bəzi hallarda o yarı maaşlarının da verilməməsindən şikayətçidirlər: "İstirahət günü dincəlmək şərtilə, gündə 4 saat iş üçün 1260 manat maaşa imza atıb, istirahət günü olmadan gündə 8 saat işlədilib, əvvəlcə 1000, sonra 600 manat maaş aldıqlarını deyirlər".

B.Hacıyev daha sonra şikayətçilərin anonim qalmaq istəmələrindən gileylənib: "Bu mövzuda bir dəfə də yazmışdım, ölkə 2020-də iki müharibə apardı. Birini Qarabağda erməni separatçıları ilə, digərini xəstəxanalarda koronavirus pandemiyasına qarşı. Hərbçilərin maaşları yarıya endirildi, koronavirusla mübarizə aparanları da belə edirlər. Birinci dəfə yazanda müstəqil mediadan bəzi jurnalist dostlar əlaqə saxlayıb, danışacaq adam axtardılar. Şikayətçilər isə "atam dövlət işində işləyir", "hələ orada işləyirəm", "qorxuram problem olar" və s. deyib, danışmaqdan yayındılar.
Əgər haqlarınız pozulursa, özünüz də bunun müdafiəsinə qalxmalısınız. Əks halda, məlumat ötürüb, "siz ictimailəşdirin, biz danışmayaq" deyəcəksinizsə, heç nə düzəlməyəcək".

Qarşı tərəfin mövqeyini verməyə hazırıq.
Ardını oxu...
1-ci qrup əlil iddia edir ki, Quba Müalicə Diaqnostika Mərkəzində qəsdən bağırsaqlarına infeksiya salıblar
“Çox üzr istəyirəm, baytar heyvanla nəzakətlə davranır, ancaq Quba Müalicə Diaqnostika Mərkəzinin həkimləri - onlara həkim deməyə adamın dili də gəlmir-, əlillərlə heyvana olan nəzakəti də göstərmirlər”.
Bunu Meydan TV-yə Quba rayonu, Yeni Güləzi qəsəbəsinin sakini, 1-ci qrup əlil Bədəl İsayev deyir. Onun sözlərinə görə, fevralın 8-də özünü yaxşı hiss etmədiyi üçün ailə üzvləri təcili yardım çağırıb və o, Quba Müalicə Diaqnostika Mərkəzinə götürülüb. İmalə olunarkən bağırsaqlarına infeksiya düşüb. 20 günə yaxındır ki, əziyyət çəkir.
“Baytar heyvanla daha nəzakətli davranır, nəinki bizim həkimlər...”
“Xəstəxanada görəndə ki, gələn əlildir, elə münasibət göstərirlər ki, əlil ora ikinci dəfə getməsin. O qədər kobud davranırlar ki... Çox üzr istəyirəm, baytar heyvanla nəzakətlə davranır, ancaq Quba Müalicə Diaqnostika Mərkəzinin həkimləri əlillərə heyvana olan nəzakəti də göstərmirlər. Məni imalə otağına saldılar, otaqda o qədər natəmizlik vardı ki, ora sağlam gələn infeksiya tutub gedər. Elə də oldu... Oğlum məni əlil arabasından bir xərəyə uzatdı, həkimlərə dedi, heç olmasa altına, üstünə bir mələfə verin, dedilər, yoxumuzdur. İmaləni krantdan soyuq su ilə doldurdular, verdilər oğluma, dedilər, özün tut, saxla. İki dəfə su ilə doldurdular, verdilər oğluma, məni oğlum imalə etdi. oğlum dedi, heç olmasa ilıq su verin, soyuq su ilə imalə olmaz axı, dedilər, yoxdur”, - şikayətçi deyir.
“Rentgenoloq “çıx bayıra” deyib, üstümə qışqırdı”
Bədəl İsayev deyir, müayinə olunmaq üçün rentgen otağına yaxınlaşıb. Lakin ona rentgen aparatının işləmədiyi bildirilib:
“Mən əsəbiləşdim, baş həkimə şikayət etmək istədim, dedilər, yerində yoxdur. Müavininə müraciət etdim, dedi, ola bilməz, oğluma tapşırdı ki, düşürt atanı rentgen otağına, mən indi ora tapşıraram, rentgen edərlər. Məni arabayla yenidən əziyyətlə aşağı düşürdülər, rentgen otağına girəndə ordakı rentgenoloq yenə üstümə qışqırdı ki, sənə dedim axı, aparat işləmir, nə var təzədən üstümə gəlmisən, çıx bayıra..”
Bədəl İsayevin sözlərinə görə, beləcə yarı-yarımçıq müayinələrdən sonra evə qayıdıb. Ancaq sən demə, həngamə hələ qarşıdaymış. Tezliklə məlum olub ki, imalə vasitəsilə bağırsaqlarına infeksiya düşüb və o, hələ də müalicə üçün Qusar Rayon Mərkəzi Xəstəxanasına gedib-gəlir.
“Bağırsaqlarım həm soyuqlayıb, həm də infeksiya düşüb”
“Soyuq suyu ilə imalə nəticəsində bağırsaqlarıma infeksiya düşdü, daha Quba Müalicə Diaqnostika Mərkəzinə getmək istəmədiyim üçün ailə üzvlərim məni Qusara apardı. İndi sizinlə Qusardakı Mərkəzi Xəstəxanadan danışıram. Ailə üzvlərim məni hər gün maşına qoyub bura gətirir. Ancaq növbəti həftə əsaslı müayinələrdən keçmək üçün məcburdular ki, məni Bakıya aparsınlar”, - birinci qrup əlil deyir.
Bədəl İsayevin 45 yaşı var, əzələ difteriyasından əziyyət çəkir, bu xəstəliyə görə ona 1-ci qrup əlillik təyin edilib. Övladlarından biri aprel döyüşçüsüdür, digəri isə İkinci Vətən Müharibəsi iştirakçısı olub, yaralanıb, müharibədən fəxri fərmanlarla qayıdıb:
“Deməyim odur ki, Vətənə, torpağa canımızı qurban deyirik, ancaq dövlət müəssisəsinə, xəstəxanaya bir işimiz düşəndə bizi heyvan yerinə də qoymurlar. Əliləm, ciblərinə pul basmıram deyə mənə, mənim kimi digər əlillərə belə kobud münasibət göstərilir. O xəstəxanaya gedəndə bir dərdim vardısa, infeksiyaya yoluxdurub evə iki dərdlə qaytardılar”.
Quba Müalicə Diaqnostika Mərkəzindən bildirilib ki, Bədəl İsayev fevralın 8-də xəstəxanaya qusma və ihsal şikayətləri ilə daxil olub, ondan qan analizləri götürülüb, imalə olunub, USM müayinəsindən keçib və evə buraxılıb.
“Pasiyentlə həkimlər arasında hər hansı narazılıq olmayıb. Müailicəsini də hazırda mərkəzdə davam etdirə bilər”, - deyə Diaqnostika Mərkəzindən bildiriblər.
Bədəl İsayevsə Quba Müalicə Diaqnostika Mərkəzinin tibbi heyətinin hərəkətlərindən TƏBİB-ə dörd dəfə şikayət yazdığını, ancaq heç birinə cavab almadığını deyir.
Meydan TV TƏBİB-dən məsələyə münasibət öyrənə bilməyib.
Ardını oxu...


Oxuinfo az xəbər verir ki, bir qrup imişli rayon sakini etiraz aksiyası keçiribləır.

Bir qurup İmişli rayon sakini prezident İlham Əliyevə və baş prokuror Kamran Əliyevə muraciət ediblər. Rayon sakinləri bildiriblər ki, ” Dəniz Kredit” MMC-nin rəhbəri Əliyev Yaqub Allahverdi oğlu onların qızıl zinət əşyalarını götürüb aradan çıxıb. Rayon sakinləri aidiyyatı qurumlara şirkətin qanuni təmsilçisi olan Əliyev Yaqub Allahverdi oğlunun bu qanunsuz əməlləri barədə şikayət etdiklərini bildirsələrdə bir tədbir görülməyib. Hüquqları pozulan rayon sakinləri onuda bildirdilər ki, belə çıxır ki, hərə bir mmc açıb vətəndaşların əmlakını mənimsəyəcək bunada bir dur deyən olmayacaq. Onuda qeyd edək ki, rayon sakinləri bildirdilər ki, “Dəniz Kredit” MMC- ümumilikdə vətəndaşlara yarım miliyon manatdan çox ziyan vurub.

Daha ətraflı videosujetdə
 
Ardını oxu...
3-CÜ “QAYIDIŞ” QƏSƏBƏSİNİN SAXTA DİPLOMLU ƏRƏBZƏNGİSİ

Ermənidən geri aldıqlarımızı yerli korrupsionerlərə verməməliyik!

Müzəffər Ali Baş Komandan İlham Əliyevin rəhbərliyi altında şanlı Azərbaycan Ordusu 2020-ci ilin payız müharibəsində düşmən üzərində möhtəşəm qələbə qazandıqdan sonra qarşımızda duran əsas vəzifə şəhid ailələri və qazilərin, müharibə iştirakçılarının sosial rifahının yaxşılaşdırılması, işğaldan azad olunmuş ərazilərimizdə nəhəng quruculuq işlərinin həyata keçirilməsi, yerli iqtisadiyyatın təşkili məsələləridir. Bu geniş miqyaslı işlərin görülməsinə isə maliyyə məsrəfləri tələb olunduğu qədər də işini bilən kadrlar lazımdır. Özü də təkcə ayrı-ayreı peşə və ixtisaslar üzrə mütəxəssislər deyil, həm də idarəetmə işini bacaran dövlət qulluqçuları gərəkdir.

Gəlin razılaşaq ki, bu müstəvidə bizə Türkiyənin “Bayraktar”ları, İsrailin “Harop”ları kömək etməyəcək. Vicdanlı yerli kadlar lazımdır. Vicdanı isə pulla almaq mümkün deyildir. O, ya var, ya da yoxdur. Saxta diplomlularla, “yuxarı”dan tapşırılmışlarla, korrupsiyaya bulaşmışlarla Qarabağda cənnət qurmaq mümkün olmayacaq.

Bir neçə il bundan əvvəl Azərbaycan Müəllimlər İnstitutunun (AMİ) bəzi filiallarında saxta diplom satışı faktlarının üzə çıxması və bu faktlarla əlaqədar gurultulu cinayət işlərinin açılması uzun müddət gündəmdə oldu. Hələ də həmin səs-küylü qanunsuzluq faktlarını müşayiət edən assosiasiyalar özünü göstərməkdə, saxta diplom əldə etmiş şəxslər ifşa olunmaqdadır. Bu günlərdə «Deryaz.az saytına daxil olan bir məlumata görə, Füzuli Rayon İcra Hakimiyyətinin (RİH) 3-cü “Qayıdış” qəsəbəsi İnzibati Ərazi Dairəsi (İƏD) üzrə nümayəndəliyinin sədri Məmmədova Tamella Taleh qızının da keçmiş AMİ-nin Gəncə filialından aldığı diplom saxtadır.

Ardını oxu...
Ardını oxu...

Bildirilir ki, T.Məmmədova sədrlik etdiyi Nümayəndəliyin baş mühasibi Adil Bədəlovdan aylıq 100 (bir yüz) manat rüşvət almaqla, onun işə gəlməməsinə göz yumur. Buradan belə yəqin hasil olur ki, Nümayəndəlikdə baş mühasiblik bir iş yoxdur; o, heç bir söz sahibi deyil, formal olaraq imza atmalı olduğu dövrü sənədlərə bəlkə də onun əvəzinə başqası qol çəkir.

T.Məmmədovanın cəmiyyətin həssas təbəqəsinin mənsubları ilə iş aparmaq qabiliyyətinin olmadığı da verilən məlumatda sadalanan nöqsanları (yumşaq ifadədir – red.) sırasındadır. Bildirilir ki, T.Məmmədova şəhid İlham Abbasovun rəsmi olan plakatı 3 saylı Qəsəbənin giriş hissəsindən gecə ikən sökdürüb.

Ardını oxu...
Ardını oxu...

Şəhidin qardaşı isə bu hadisədən təsirlənərək plakatı öz evlərinin qapısından asmaqla təsəlli tapmağa çalışıb.

Qeyd olunan məsələlərlə bağlı araşdırma aparmağa başladıq. Qəsəbə sakinlərindən və rayon ictimaiyyətinin tanıdığımız bəzi nümayəndələrindən öyrəndik ki, T.Məmmədovanın «himayədarı» Füzuli RİH-nin şöbə müdiri Bayram Niftalıyevdir. Bayram müəllim necə deyərlər,öz varlığı ilə ona bayram sevinci yaşadır. Növbəti addımda T.Məmmədovanın özünə zəng vuraraq haqqında yayılan bu məlumatlara münasibət bildirməsini xahiş etdik. Özündənrazı halda danışan T.Məmmədova diplom söhbətindən hər vəchlə yayınmağa çalışdı və bildirdi ki, hazırda Prezident yanında Dövlət İdarəçilik Akademiyasında qiyabi təhsil alır. Ancaq sonrakı araşdırmalarımızla öyrəndik ki, onun verdiyi bu məlumat da yalandır.

Vaxtilə Almaniya kansleri Bismark göstərirdi ki, pis qanunlarla dövləti yenə bir təhər idarə etmək olar, ancaq pis məmurlar olarsa, onda heç bir qanun kömək etməz. Ona görə də dövlət qulluğunun əsas cəhətlərindən biri yüksək keyfiyyətli və mütəşəkkil dövlət qulluqçuları kontingentinin olmasıdır. Çünki cəmiyyətin idarə olunması funksiyalarını həyata keçirən dövlət qulluqçuları dövlətlə xalq arasında mühüm vəsilə olaraq ölkə rəhbərliyinin siyasi xəttini ardıcıl həyata keçirməkdə yaxından iştirak edirlər. Burada dövlət qulluqçusunun təkcə peşəkarlıq xüsusiyyətləri deyil, onun şəxsi keyfiyyətləri, vətəndaş mövqeyi, vətənpərvərliyi və etik davranışı da mühüm rol oynayır. Bu işdə çalışanlardan rəhbərlik etdiyi sahəni dərindən bilməklə yanaşı, dövlətinə və xalqına son dərəcə sədaqətli olmaq, dövlətlə xalq arasında əlaqələndirici vasitə kimi xalqın problemlərini və qayğılarını öyrənmək, onların həlli yollarını axtarıb tapmaq tələb olunur. Ona görə də bütün dünyada dövlət qulluğu xüsusi nüfuza malikdir. Dövlət qulluqçusu heç vaxt unutmamalıdır ki, o, idarəetmə və digər funksiyalarını icra edərkən ilk növbədə dövlətin və cəmiyyətin mənafeyini əsas götürməli, ona tapşırılan hər bir vəzifəni böyük məsuliyyət və ləyaqətlə yerinə yetirməlidir.

İndi isə siz deyin, diplomu saxta yolla alaraq imtiyaz, vəzifə ələ keçirən, havadarına güvənərək əlindəki səlahiyyətlərdən sui-istifadə edən, Vətən uğrunda canını fəda etmiş şəhidin xatirəsinə hörmətsiz yanaşan adamlarla dövləti necə idarə etmək olar?

P.S. Yuxarıda qeyd olunan faktlarla bağlı Fizuli rayon İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Qabil Əliyevin mövqeyini öyrəndikdə o bildirdi ki,Tamella Məmmədova heç bir universtitetin qiyabi şöbəsində oxumur və o,yalnız Azərbaycan Müəllimlər Universtitetin Gəncə filialını bitirib. Onun diplomunun saxta olub olmadığını biz müəyyən edə bilmərik. Onun necə işə götürülməsini Sənədlərlə və vətəndaşların müraciətləri ilə iş şöbəsinin müdiri Niftəliyev Bayram Qiyas oğlu daha yaxşı bilər. Bayram müəllim də, onun diplomunu Gəncədən aldığını bildirdi və əlavə olaraq qeyd etdi ki,o diplomun saxta olub olmamağını biz təyin edə bilmərik. Onu yalnız Təhsil Nazirliyi və DİM yaxşı bilər. İcra Hakimiyyətinin elektron adresinə ünvanladığımız məktuba isə cavab verən olmadı.Görünür İcra Başçısı Alı Alıyevə belə saxtakarlarla işləmək daha yaxşı sərf edir. Necə deyərlər, balıq başdan iylənər
Mövzuya qayıdacağıq.

Deryaz.az

Altbölüm

Dünyapress TV

Xəbər lenti