Ardını oxu...
Qanuni mülkiyyətində olan mənzili dağıdılaraq, torpağı zəb edilən vətəndaş Mustafayeva Məfkura Abdulla qızı Məhkəmə -Hüquq Şurasının sədri İnam Kərimova müraciət edib.
Hazırda şikayətinə Xəzər Rayon Məhkəməsində baxıldığını vurğulayan vətəndaş Məhkəmə-Hüquq Şurası sədrinin bu prosesi nəzarətə götürməsini və ədalətli qərar çıxarılmasını xahiş edib.

Gununsesi.info-ya təqdim edilən müraciəti olduğu kimi dərc edirik:
Məlumat üçün bildirirəm ki, mənim Bakı şəhəri, Xəzər rayonu, Buzovna
qəsəbəsi, Puşkin küçəsi, ev 1 ünvanında fərdi yaşayış evim Mirzəyev Rəşad Eldar
oğlu tərəfindən dağıdılaraq ev əşyalarım talan edilmişdir. Mənə məxsus Bakı şəhəri,
Xəzər rayonu, Buzovna qəsəbəsi, Puşkin küçəsi, ev 1 ünvanında fərdi yaşayış evimin
olmasını “Azəriqaz Layihə Inşaat” QSC tərəfindən Xəzər rayonu Buzovna
qəsəbəsində yerləşən mənə məxsus fərdi yaşayış evinin qazlandırılmasına dair
44/TŞ-084310/D sənədindən, ona əlavə olunmuş İNİL- 465/2019 saylı, 17 dekabr
2019-cu il tarixli Lisenziyadan va həmin Lisenziyaya əlavədən və tərtib olunmuş
Aktlardan müəyyən etmək olar.
Bundan əlavə “Azərişıq” ASC-nin Enerji təchizatı müəssisəsi ilə məişət
abonenti (əhali) arasında elektrik enerjisinin alqi- satqısının birtipli müqaviləsindən
görünür ki, 29.09.2021-ci i1 tarixdə Xəzər rayonu Buzovna qəsəbəsində yerləşən
mənə məxsus fərdi yaşayış evinin elektrik enerjisi ilə təmin edilməsinə dair mənimlə
ATS arasında 16304021259456 nömrəli müqavilə imzalanmiş və mənə
0302002008A0028 sayli abonent kodu verilməklə həmin evimə sayğac
quraşdırılmışdır. Buna dair 6445609 sayli Akt tərtib olunmuşdur.
Ardını oxu...
Məişət istehlakçılarında sayğacların dəyişdirilməsi, yoxlanılması və
quraşdırılması haqqında “Azərişıq ASC”-nin Sayğac quraşdırma va uçota nəzarəti
idarəsinin Xəzər Rayon Filialı tərəfindən mənə verilmiş digər 1754576 saylı,
28.09.2021-ci il tarixli sənəddə yazilanlardan görünür ki, Bakı şəhəri, Xəzər rayonu,
Buzovna qəsəbəsi, Puşkin küçəsində mənə məxsus fərdi yaşayış evinə 21533962
nömrəli, M 600 tipli, A 5/100 v 220 olan 1827733 nömrəli dövlət möhürlü, 1694537
alt qapaq möhürlü sayğacın icraçı Cəfər Quliyev tərəfindən quraşdırılması
protokollaşdırılmışdır.
Xəzər Rayonu, Buzovna Bələdiyyəsi tərəfindən mənə verilmiş 527 saylı,
07.04.2023-cü il tarixli arayışdan görünür ki, mən Mustafayeva Məfkurə Abdulla
qizi Bakı şəhəri, Xəzər rayonu, Buzovna qəsəbəsi, Puşkin küçəsi, ev 1ünvanında
qeydiyyatsiz yaşayıram.
Xəzər Rayonu, Buzovna Bələdiyyəsi tərəfindən mənə verilimiş 531 sayli,
10.04.2023-cü il tarixli digər arayişdan görünür ki, mənim Bakı şəhəri, Xəzər
rayonu, Buzovna qəsəbəsi, Puşkin küçəsində yerləşən torpaq və əmlak vergisinə
2023-cü il daxil olmaqla vergi borcum yoxdur.
Əlavə olaraq bildirirəm ki, “Azarsu” ASC-nin 004/1/922-tş saylı 12 oktyabr
2021 -ci i1 tarixli Texniki Şərtlərdən görünür ki, Xəzər rayonu, Buzovna qəsəbəsi,
Puşkin küçəsindəki fərdi yaşayış evimin su və kanalizasiya xətti ilə təchiz
olunmasına dair müqavilə imzalanmaqla təmin olunmuşdur.
Şamaxı şəhəri, Aşıq Məmmədağa küçəsi, ev 88 ünvanında 01 sentyabr 2003-
cü il tarixdən qeydiyyatdayam, 1365 saylı, 29.09.2021-ci il tarixli digər arayışdan
görünür ki, mən Bakı şəhəri, Xəzər rayonu, Buzovna qəsəbəsi, Puşkin küçəsində
fərdi yaşayiş evində qeydiyyatsız yaşayıram.
Elektron Çıxarışını bu ərizəyə daxil etdiyim sənəddən görünür ki, Bakı şəhəri,
Xəzər rayonu, Buzovna qəsəbəsi, Puşkin küçəsində yerləşən 0,0889 ha torpaq sahəsi
mənim sahibliyimdə və istifadəmdədir. Bu sənəddə mənə məxsus torpaq sahəsinin
Situasiya Plani, koordinatlari və sərhədləri göstərilmişdir.
Məhkəməyə əlavə məlumat vermişəm ki, mən ailəlikcə 4 ildir ki, Xəzər rayonu,
Buzovna qəsəbəsi, Puşkin küçəsində özümə məxsus 0,0889 ha torpaq sahasindaki evdə qeydiyyatsiz yaşayıram.
Məhkəməyə bildirirəm ki, mübahisələndirilən torpaq sahəsi mənə İcra
hakimiyyətinin sərəncamı ilə 1999-cu ildə verilmişdir, lakin həmin torpaq sahəsində
fərdi yaşayış evini dostluq etdiyim Zoya Kavalenko adlı qadın inşa etdiyindən Bakı
şəhəri, Xazar rayonu, Buzovna qəsəbəsi, Puşkin küçəsində yerləşən 1 sayli evi mən
2010-cu ildə Zoya Kavalenko adlı qadından 25000 (iyirmi beş) min ABŞ dolları
pul verməklə ondan almışam. Sözügedən evi mənə satmiş Zoya Kavalenko isə
Rusiya Federasiyasına köçüb getmişdir. Sonra isə mən külli miqdarda pul
xərcləyərək həmin birmərtəbəli evi təmir etdirmişəm və həyətyanı sahədəki hasari
isə yenisi ilə əvəz etmişəm.
Adıçəkilən ünvanda həm torpaq sahəsinin, həm də evimin rəsmi
sənədləşdirilməsindən ötəri Azarbaycan Respublikası ƏMDK yaninda DƏDRX-nə
müraciət edərkən gözlənilmədən hücumlara və təzyiqlərə məruz qaldim. Bu zaman
qonşuluğumda yaşayan Mirzəyev Rəşad Eldar oğlu adında şəxs peyda olaraq mənim
istifadəmdə olan torpaq sahasinin və evin ona məxsus olduğunu bildirdi. Qısa
müddətdə Baki şəhəri, Xəzər Rayon Polis İdarəsindən mənə təzyiq göstərildi ki,
həmin yaşadığım ünvandan təcili çıxmalıyam və buna görə məni 48 saat müddətində
həbsdə saxladılar. Onların dediyi ilə razilaşmadim. Bunu görən polis əməkdaşları
naməlum bir yüksək vəzifəli şəxsin göstərişi ilə mənə cinayət işi açdılar və guya
onların izahat üçün çağırışlarına gəlmədiyim bəhanəsi ilə barəmdə həbs qəti imkan
tədbiri seçilməsi üçün Xəzər Rayon Prokuroruna müraciət etdilər. Lakin Xəzər
Rayon Prokuroru barəmdə həbs qətiimkan tədbiri seçilməsi üçün Xəzər Rayon
Polis şöbəsinin müraciətini rədd etdi. Buna baxmayaraq məni qorxutmaq məqsədilə
barəmdə qondarma cinayət işi başlanmışdır. Həbsdə qaldığım müddətdə dövlət
orqanları bir neçə texnika gətirərək heç bir məhkəmə qərarı olmadan mənə məxsus
Bakı şəhəri, Bakı şəhəri, Xəzər rayonu, Buzovna qəsəbəsi, Puşkin küçəsi, ev 1 fərdi
yaşayiş evini darmadağın edib uçurmuşlar. Aşkar görünür ki, naməlum vəzifəli
şəxsin göstərişi ilə dövlət orqanları cavabdeh
Mirzəyev Rəşad Eldar oğlunu qabağa verib ona himayədarlıq edərək heç bir
məhkəmə qərarı olmadan mənə məxsus fərdi yaşayış evini uçurub dağıtdıqdan sonra,
əlavə olaraq mənə cinayat işi də açmışlar.
Mənim evim uçurulub, yerlə yeksan edilib, evimin aşyaları oğurlanıb, məhv
edilib, başqa yera daşınıb. Evimin içində qədim, keçmiş tariximizə aid bahalı rəsm
əsərləri yoxa çıxıbdır. Həmçinin evin keçmiş sahibindən mənə qalan bahali servis
dəstləri oğurlanmışdır. Qədim rəsm əsərləri 20 ədəd idi. Onlarin ümumi dəyəri 70
(yetmiş ) min manat qiymətləndirilmişdir. Çünki evin əvvəlki sahibi onları muzeyə
tahvil vermək istəyini o zaman mənə bildirmişdir. Həmin əsərlərin geri qaytarılması
mənim üçün çox vacibdir.
Mənim başima gətirilən bu oyunlar indiki məhkəmə və hüquq islahatlari
dövründə olduqca çox ağır vəhşilikdir, vandalizmdir. Mənə məxsus mənzilin
içindəki əşyalarla dəyəri 180000(yüz səksən min) manat təşkil edir.
Azərbaycan Respublikası MM-nin 386-cı maddəsinə əsasən öhdəliyin zərər
vurulması, əsassız varlanma və ya bu Məcəllədə nəzərdə tutulmuş digər əsaslar
nəticəsində əmələ gəlməsi halları istisna olmaqla, öhdəliyin əmələ gəlməsi üçün
onun iştirakçıları arasında müqavilə olmalıdır. AR MPM-nin 4-cü maddəsinə əsasən
bütün fiziki və hüquqi şəxslər özlərinin qanunla qorunan hüquq və azadlıqlarını,
eləcə də maraqlarını qorumaq və təmin etmək məqsədi ilə qanunla müəyyən edilmiş
qaydada məhkəmə müdafiəsindən istifadə etmək hüququna malikdirlər.
Azərbaycan Respublikası MPM-nin 82-ci maddəsinə əsasən hamıya bəlli olan
hallar və ya faktlar mübahisə edilə bilməz və onların sübuta ehtiyacı yoxdur.
82.3. Bir mülki iş üzrə qanuni qüvvəyə minmiş məhkəmə qətnaməsi ilə
müəyyən edilmiş faktlar həmin işdə iştirak edən şəxslər tərəfindən başqa məhkəmə
prosesində mübahisələndirilmir və yenidən sübut edilmir.
Azərbaycan Respublikası Konistitusiyasının 149-cu maddəsinin 7-ci bəndinə
əsasən fiziki və hüquqi şəxslərin hüquqi vəziyyətini yaxşılaşdıran, hüquq
məsuliyyətini aradan qaldıran və ya yüngülləşdirən normativ hüquqi aktların
qüvvəsi geriyə şamil edilir. Başqa normativ hüquqi aktların qüvvəsi geriyə şamil
edilmir.
AR MPM-nin 14-cü maddəsinə əsasən məhkəmə yalnız tərəflərin təqdim etdikləri
sübutları araşdırmalı və onlardan istifadə etməlidir. 76.3. maddəsinə əsasən Qanunu
pozmaqla əldə edilmiş sübutlardan istifadə olunmasına yol verilmir. Həmin
məcəllənin 77.1. maddəsinə əsasən hər bir tərəf öz tələblərinin və etirazlarının əsası
kimi istinad etdiyi halları sübut etməlidir. Məhkəmənin tələb etdiyi sübutu onda olan
şəxs bilavasitə məhkəməyə göndərir, yaxud məhkəməyə çatdırmaq üçün sorğunu
təqdim edən şəxsə verir.Azərbaycan Respublikası Konstitusiyasının 125-ci
maddəsinin 7-ci bəndinə əsasən məhkəmə icraatı həqiqətin müəyyən edilməsini
təmin etməlidir.
Sizdən artıq dərəcədə xahiş edirəm ki, iddiamla bağlı məhkəmənin ədalətli keçirilməsini öz nəzarətinizdə saxlayasınız”.
 
 
 
Ardını oxu...
Dələduzluq, vəzifəli şəxsin səlahiyyətini mənimsəmə və digər cinayətlərdə ittiham olunan Azərbaycan Milli Elmlər Akademiyasının Həmkarlar İttifaqının sədr müavini 64 yaşlı Raya Nəcəfovanın cinayət işi üzrə məhkəmə prosesi başlayıb.

Teleqraf.com xəbər verir ki, Raya Nəcəfovanın cinayət işinə Yasamal Rayon Məhkəməsində hakim Rauf Daşdəmirovun sədrliyi ilə baxılır.

İttihama görə, cinayət işi üzrə Aynur Niftəliyeva, Natəvan Allahverdiyeva, Arzu Fəttahova, Əmin Hacıməmmədov, Ceyran İsayeva, Tural Yusifov, Gülər Musayeva, Sevinc Qayıbova, Pərvanə Nəcəfova, Lətafət Qurbanova və Vəli Səfərov zərərçəkmiş qismində tanınıblar.

İstintaq sənədlərində qeyd olunub ki, Raya Nəcəfova zərərçəkmişləri Mədəniyyət Nazirliyi, Elmlər Akademiyası, Ekologiya və Təbii Sərvətlər Nazirliyi, Əmək və Əhalinin Sosial Müdafiəsi Nazirliyi, Müdafiə Sənayesi Nazirliyi və digər dövlət qurumlarına işə düzəltmək adı ilə aldadıb, onların pullarını ələ keçirib.

Qeyd edək ki, Raya Nəcəfova həm də Neft-Kimya Prosesləri İnstitutunda baş elmi işçidir. Onun barəsində olan cinayət işinin istintaqı Baş Prokuror yanında Korrupsiyaya Qarşı Mübarizə İdarəsində aparılıb.

İstintaq orqanı tərəfindən Raya Nəcəfovanın barəsində Cinayət Məcəlləsinin 178.2.2 (təkrar dələduzluq törətmək) və 178.2.3 (qulluq mövqeyindən istifadə etməklə dələduzluq törətmək), 310-cu (vəzifəli şəxsin səlahiyyətlərini mənimsəmə) maddələri ilə ittiham elan edilib.

İş üzrə ifadə verən Raya Nəcəfova özünü təqsirli bilməyib. O, heç kimdən işə düzəltmək adı ilə pul almadığını deyib.

Zərərçəkən Aynur Niftəliyeva bildirib ki, ona ya Qaçqınlar və Məcburi Köçkünlərin İşləri üzrə Dövlət Komitəsində, ya da Elmlər Akademiyasında yüksəkmaaşlı iş vədi verilib. Onun sözlərinə görə, bu işin alınması üçün ondan 42 500 manat alınıb.

Raya Nəcəfova isə deyib ki, bu yalandır, Aynur Niftəliyevadan cəmi 13 min manat sələmlə pul götürüb və bunu da sonradan artıqlaması ilə qaytarıb.

Digər zərərçəkmiş Sevinc Qayıbova bildirib ki, Raya Nəcəfovaya şəxsən Elmlər Akademiyasının binasındakı kabinetində pul verib. O bildirib ki, Azərbaycan Dövlət Pedaqoji Universitetindən kimya müəllimliyi ixtisası üzrə məzun olub. Qeyd edib ki, ona Müdafiə Sənayesi Nazirliyi, yaxud da Əmək və Əhalinin Sosial Müdafiəsi Nazirliyində işlə təmin olunacağı deyilib.

Zərərçəkmişin sözlərinə görə, işə düzəlməsi üçün Raya Nəcəfovaya 12 min manat verib: “8 min manatı onun kartına göndərmişəm, 4 mini isə kabinetində özünə vermişəm. Dedi ki, 40 günə iş əmri veriləcək. Bir müddət sonra özünü Xanlar müəllim kimi təqdim edən bir nəfər zəng etdi ki, Müdafiə Sənayesi Nazirliyi alınmır, Əmək və Əhalinin Sosial Müdafiəsi Nazirliyinə düzəldəcək. Mən də onunla razılaşdım. Vaxt keçdikcə, aldadıldığıma əmin oldum və prokurorluğa şikayət etdim”.

Raya Nəcəfova isə deyib ki, Sevinc Qayıbovanın aldadılmasında onun yox, Xanlar Nəsirovun günahı var. Onun sözlərinə görə, əvvəllər Azərbaycan Beynəlxalq Universitetinin prorektoru olmuş Xanlar Nəsirov tanışları vasitəsilə Sevinc Qayıbovanı nazirliklərdən birinə işə düzəldəcəyini deyib. Ondan alınmış pul da Xanlar Nəsirova çatıb.

Raya Nəcəfova digər zərərçəkmişlərin aldanmasında da başqa adamların günahı olduğunu bildirib.

Məhkəmədə zərərçəkmişlərdən bir neçəsi Raya Nəcəfova ilə barışmadığını vurğulayıb və onun həbs edilərək cəzalandırılmasını tələb ediblər.

Növbəti proses mayın 30-da davam edəcək.
 
Ardını oxu...
Bakıda intihar hadisəsi baş verib.

Lent.az-ın məlumatına görə, hadisə bir neçə dəqiqə əvvəl Nizami rayonu ərazisində qeydə alınıb.

Ad və soyadı hələlik bilinməyən 15 yaşlı qız özünü çoxmərtəbəli binadan ataraq canına qəsd edib.

Hazırda hüquq-mühafizə orqanlarının əməkdaşları hadisə yerində araşdırma aparırlar.
Ardını oxu...
Oliqarx, SOCAR-ın sabiq vitse-prezidenti Mikayıl İsmayılovun oğlu Orxan İsmayılzadə bioloji qohumluğun təyini - atalıq testindən keçməkdən yayınıb.

Bu barədə Musavat.com-a Fidan Abbasova məlumat verib.

Deyib ki, Orxan Mikayıl oğlu İsmayılzadə ona qarşı Xətai Rayon Məhkəməsinə şərəf ləyaqətin və işgüzar nüfuza zərər verilməsinə dair xüsusi ittiham təqdim edib. Orxan Mikayılzadə xüsusi ittiham qaydasında verdiyi şikayətində Fidan Abbasovanı övladının atasının onun olmasını bildirməklə şər atdığını, onun şərəf və ləyaqətini alçaltdığını iddia edib. Xətai Rayon Məhkəməsində xüsusi ittihamı araşdıran hakim obyektiv qərar verilməsi üçün bioloji qohumluğun təyini - atalıq testi təyini haqda qərardad verib. Qərardad icra olunması üçün Məhkəmə Tibb Ekspertizası(MTE) və Pataloji Anatomiya Birliyinə (PAB) həvalə olunub.

Bioloji qohumluğun təyini - atalıq testi - DNT-nin keçirilməsinin zamanı haqda tərəflərə məlumat verilib.

Fidan Abbasova deyir ki, məhkəmə qərardadı əsasında ekspertizanın keçirildiyi MTE və PAB-ın Bakı şəhəri, Mərdanov qardaşları 131 ünvanında yerləşən inzibati binasına gəlib. Özü ilə övladı Nili də gətirib. Fidan Abbasova deyib ki, Orxan Mikayılzadə ekspertizanın keçirilməsində iştirak etməyib.

“Orxan İsmayılzadə mənim ona şər ataraq guya övladımın atasının onun olduğunu bildirməyinin şərəf, ləyaqətini alçaldan hal olmasını iddia edir. Bunu sübut etməyin tək yolu ekspertiza idi və bu gün Orxan İsmayılzadə ekspertizada iştirak etmədi” - deyə Fidan Abbasova bildirib.

Musavat.com-un ARAYIŞI
Bioloji qohumluğun təyini - Atalıq testi necə keçirilir?

Hər bir fərdin genomik DNT ardıcıllığı digər insanlardan fərqlidir (eyni yumurta əkizləri istisna olmaqla). Hər yeni fərddə yarısı anadan, yarısı atadan olmaqla yeni bir DNT qarışığı ortaya çıxır. Ana və atadan (irsi olaraq) köçürülən və bədənimizin kodlarını daşıyan bu məlumat toplusu, hüceyrə nüvələrində DNT adlanan quruluşda kodlanır. Yalnız bir-biri ilə əlaqəli olan insanlar (məsələn, ana, ata və uşaqlar) ortaq DNT ardıcıllığını paylaşırlar. Bu üsulla test edilən insanın bioloji ata olub-olmaması ortaya çıxır.

Bəs atalıq testi necə aparılır?

Bioloji quruluşumuzla bağlı bütün məlumatlar DNT dediyimiz quruluşda 2 nüsxədə kodlanır. Bu nüsxələrdən biri anadan, digəri atadan gəlir. Beləliklə, genetik məlumatlarımızın yarısını anamızdan, yarısını da atamızdan alırıq. Bu səbəbdən həm ata, həm də anamız ilə ortaq gen bölgələrimiz var. Bu məlumatlara uyğun olaraq keçirilən atalıq testində uşaqla ata arasında tamamilə ortaq olması lazım olan bölgələrin analizi aparılır. Uşağın və atanın analiz edilən gen bölgələri bir-biri ilə eynidirsə, bu, bioloji qohumluğun olduğunu müəyyən edir. Bu gün etibarlılıq faizini artırmaq üçün ən az 15 ümumi gen bölgəsi atalıq testlərində araşdırılır və nəticələr 99.99% dəqiqliklə alınır.

Qeyd edək ki, Fidan Abbasova bir daha ölkə rəhbərliyinə, hüquq-mühafizə orqanlarına, Ombudsmana, Ailə, Qadın və Uşaq Problemləri üzrə Dövlət Komitəsinə, Ali Məhkəmənin sədri, Məhkəmə-Hüquq Şurasının sədri İnam Kərimova, Prezident Administrasiyasının Hüquq-mühafizə orqanları ilə iş şöbəsinin müdiri Fuad Ələsgərova müraciət edib. O, üzləşdiyi qanunsuzluqların aradan qaldırılmasını xahiş edib. Deyib ki, qayınatası Mikayıl İsmayılov onu həbslə hədələyir, tələblərindən əl çəkməsini tələb edir. Onun sözlərinə görə, Mikayıl İsmayılovun oğlu Orxan İsmayılzadə ilə 2012-ci ilin may ayında faktiki nikahı baş tutub.

Faktiki nikahı rəsmi nikaha çevirənədək cavabdehlə birlikdə yaşayıb, faktiki ailə münasibətləri 3 sentyabr 2016-cı ilədək davam edib:

“Faktiki nikahımızdan 5 may 2015-ci il tarixdə Nil adlı övladımız anadan oldu, lakin Orxan uşağın atası olması ilə bağlı nə rəsmi nikaha düşdü, nə də atalığı qəbul etdi. Dedi ailəsi buna razı deyil, o da ailəsinin sözünü yerə sala bilməyəcək. Orxanın atası Mikayıl İsmayılov həmin vaxt yüksək vəzifəli məmur idi və istədiyi kimi istədiyi şəxsə təzyiq etmək imkanında idi. O zaman Sabunçu rayon Məhkəməsində iddia qaldıraraq övladımın atasının müəyyən edilməsini xahiş etdim. Məhkəmə prosesinin gedişatında Mikayıl İsmayılov şəxsən mənimlə görüşdü. Onların adının məhkəmələrdə hallandırılmamasını xahiş etdi. Dedi ki, əgər iddiamı geri çəksəm, Orxan məhkəmədən kənar şəkildə bütün məsələni həll edəcək və övladımızın atası olmasını etiraf edəcək”.

Fidan Abbasova deyib ki, qarşı tərəfin yalan vədinə inanıb və ərizəsini məhkəmədə geri çəkib:

“Məni aldatdılar, iddiadan imtina etdirdilər. Daha sonra isə mənə artıq-əskik nəsə danışsam, ciddi problemlər yaradacaqları barədə hədə-qorxular gəlməyə başladılar”.

Fidan Abbasova deyir ki, hazırda tək ana olaraq qız övladı böyüdür və istəmir ki, övladının atasının kimliyinin qeyd edilməməsi ilə taleyinə ləkə düşsün:

“Axı faktiki olaraq onun atası var. Heç kim bu faktı təkzib edə bilməz və heç kim qanundan üstün deyil. Özüm hərbçi qızıyam və qardaşım da hazırda ön cəbhədə xidmət edir. Orxan İsmayılzadədən istədiyim tək şey mənim həyatımı puç etməsinə baxmayaraq, övladımın atası olması faktını danmasın və övladımın sənədlərində atasının kimliyi yazılsın. Heç bir Azərbaycan qadını, heç bir azərbaycanlı belə hərəkətlərə layiq deyil”.

P.S. Qarşı tərəfi də dinləməyə hazırıq.

Musavat.com
 
Ardını oxu...
Lənkəranda meyiti tapılan qadının kimliyi və bəzi təfərrüatlar məlum olub.

Meyiti tapılan qadın Cəlilabad rayon Muğan kənd sakini 2002-ci il təvəllüdlü Könül Ramin qızı Ağayevadır.

K.Ağayeva bu ilin martın 2-dən itkin düşüb. Nənəsinin APA-ya verdiyi məlumata görə o, ailəli olub və ayrılıb.

Cəlilabadda kollecdə oxuyub. İşləmək üçün Lənkərana gəlib. 2 - 3 gündən sonra ondan heç bir xəbər olmayıb.

Onun itkin düşməsi barədə polisə məlumat verilib. Hazırda fakt üzrə araşdırmalar davam etdirilir.
 
Ardını oxu...
Sahibkar Melinda Qeyts iyun ayında “Microsoft”un qurucusu və keçmiş əri Bill Qeytslə birlikdə rəhbərlik etdiyi xeyriyyə təşkilatının həmsədri vəzifəsini tərk etmək qərarına gəlib.

Qaynarinfo xəbər verir ki, o, bu barədə X sosial şəbəkəsindəki səhifəsində yazıb.

“Diqqətlə düşünərək, Bill və Melinda Qeyts Fondunun həmsədri vəzifəsini tərk etmək qərarına gəldim. Fonddakı son günüm iyunun 7-də olacaq. Xeyriyyəçilik fəaliyyətimin növbəti fəslinə keçməyin vaxtıdır”, deyə Melinda bildirib.

Qeyts diqqətini ABŞ-da və bütövlükdə dünyada qadın və qızların statusu, habelə bərabərliyin təşviqi və qorunması sahəsində işlərə yönəltmək niyyətindədir.

Bill Qeyts ilə razılaşmanın şərtlərinə görə, onun keçmiş arvadı fonddan ayrıldıqdan sonra qadınların və ailələrin maraqlarına uyğun gələcək fəaliyyətlər üçün 12,5 milyard dollar alacaq.

2000-ci ildə fəaliyyətə başlayan Bill və Melinda Qeyts Fondunun məqsədi uşaq ölümlərini azaltmaq və xəstəlikləri aradan qaldırmaqla insanların həyatını yaxşılaşdırmaq idi. Fond keçən il 7 milyard dollar qrant ayıraraq ABŞ-da ən böyük xeyriyyə fondu və COVID-19 peyvəndlərinin aparıcı maliyyəçisinə çevrilib.
 

        
Ardını oxu...
Oliqarx, SOCAR-ın sabiq vitse-prezidenti Mikayıl İsmayılovun keçmiş gəlini Fidan Abbasova ölkə rəhbərliyinə, hüquq mühafizə orqanlarına, ombudsmana, Ailə, Qadın və Uşaq Problemləri üzrə Dövlət Komitəsinə, Ali Məhkəməsinin sədri, Məhkəmə Hüquq Şurasının sədri İnam Kərimova, Prezidentinin Administrasiyasının Hüquq mühafizə orqanları ilə iş şöbəsinin müdiri Fuad Ələsgərova müraciət edib. Fidan Loğman qızı Abbasova üzləşdiyi qanunsuzluqlardan şikayətçidir.

Fidan Abbasova Musavat.com-a müraciət edərək deyib ki, qayınatası Mikayıl İsmayılov onu həbslə hədələyir, tələblərindən əl çəkməsini tələb edir.

Onun sözlərinə Mikayıl İsmayılovun oğlu Orxan İsmayılzadə ilə 2012-ci ilin may ayında faktiki nikahı baş tutub. Faktiki nikahı rəsmi nikaha çevirənədək cavabdehlə birlikdə yaşayıb, faktiki ailə münasibətləri 3 sentyabr 2016-cı ilədək davam edib: “Faktiki nikahımızdan 5 may 2015-ci il tarixdə Nil adlı övladımız anadan oldu, lakin Orxan uşağın atası olması ilə bağlı nə rəsmi nikaha düşmədi, nə də atalığı qəbul etmədi. Dedi ailəsi buna razı deyil, o da ailəsinin sözünü yerə sala bilməyəcək. Orxanın atası Mikayıl İsmayılov həmin vaxt yüksək vəzifəli məmur idi və istədiyi kimi istədiyi şəxsə təzyiq etmək imkanında idi. O zaman Sabunçu rayon Məhkəməsində iddia qaldıraraq övladımın atasının müəyyən edilməsini xahiş etdim. Məhkəmə prosesinin gedişatında Mikayıl İsmayılov şəxsən mənimlə görüşdü. Onların adının məhkəmələrdə hallandırılmamasını xahiş etdi. Dedi ki, əgər iddiamı geri çəksəm, Orxan məhkəmədən kənar şəkildə bütün məsələni həll edəcək və övladımızın atası olmasını etiraf edəcək”.

Fidan Abbasova deyib ki, qarşı tərəfin yalan vədinə inanıb və ərizəsini məhkəmədə geri çəkib: “Məni aldatdılar, iddiadan imtina etdirdilər. Daha sonra isə mənə artıq-əskik nəsə danışsam, ciddi problemlər yaradacaqları barədə hədə-qorxular gəlməyə başladılar”.
Ardını oxu...
Fidan Abbasova bildirib ki, Sabunçu Rayon Məhkəməsinin 2(008)-2074/2017 saylı, 12 may 2017-ci il tarixli qərardadından 3 oktyabr 2023-cü il tarixdə şikayət vermək üçün buraxılmış müddətin bərpa olunması barədə ərizə verib: “Sabunçu rayon Məhkəməsi ərizəmi təmin etmədi, Bakı Apellyasiya Məhkəməsinə müraciət etdim. Bakı Apellyasiya Məhkəməsinin 2(103)-1885/2024 saylı qərardadı ilə Bakı şəhəri Sabunçu Rayon Məhkəməsinin 2(008)-2074/2017 saylı işi üzrə 30.10.2023-cü il tarixli qərardadı ləğv olundu. Müddət bərpa olundu və ərizəmə baxılması üçün mülki işin Sabunçu Rayon Məhkəməsinə göndərilməsi qərara alındı”.

Fidan Abbasova bildirib ki, Bakı Apellyasiya Məhkəməsi Sabunçu məhkəməsinin qarşısına bir sıra tapşırıqlar da qoyub: “Belə ki, Bakı Apellyasiya məhkəməsi özünün hüquqi mövqeyində qeyd edir ki;

Məhkəmə kollegiyası, Azərbaycan Respublikası Konstitusiyasının 24 (III), 60, 80, Azərbaycan Respublikasının Mülki Prosessual Məcəlləsinin 2, 8, 9, 46-50, 128-146, 357, 360- 366, 385, 387, “Normativ hüquqi aktlar haqqında” Azərbaycan Respublikası Konstitusiya Qanununun 62-67-ci maddələrinə əsasən birinci instansiya məhkəməsinin gəldiyi nəticəni qanuni və əsaslı hesab etmir. Belə ki, ərizəçinin əsas dəlili qərardadın almaması olmuş, məhkəmə isə Abbasova Fidan Loğman qızının Bakı şəhəri Sabunçu Rayon Məhkəməsinin 2(008)-2074/2017 saylı, 12 may 2017-ci il tarixli qərardadını qəbzə şəxsən imza etməklə 12 may 2017-ci il tarixdə qəbul etməsi əsası ilə ərizəni təmin etməmişdir. Kollegiya hesab edir ki, qeyd ediən dəlil yoxlanılmadan, formal baxımdan ərizənin qeyd edilmiş əsasla rədd edilməsi mülki prosessual baxımından yolverilməzdir. Buna görə də birinci instansiya məhkəməsinin qərardadı ləğv edilməli və buraxılmış prosessual müddətin bərpası barədə ərizəyə yenidən baxılması üçün Bakı şəhəri Sabunçu Rayon Məhkəməsinə göndərilməlidir. Ərizəni yenidən araşdıran məhkəmə (səlahiyyətləri ona aid olan) qanunvericiliyə müvafiq qəbzin məzmununa qiymət verməklə, orada olan imzanın kimə məxsusluğunu araşdırmalı, habelə məhkəmə tərəfindən məhkəmə aktının çatdırılması üzrə vəzifələrin həyata keçirilməsini yoxlamalı, ondan sonra çəkişmə şəraitində müddətin ötürülməsinə, ötürüldüyü təqdirdə onun üzrlü hesab edilib-edilməməsinə qiymət verməlidir.
Ardını oxu...
Bildirmək istərdim ki, hazırda iş sabunçu rayon Məhkəməsinin hakimi cənab Ruslan Mirzəliyevin icraatındadır. Məhkəmədə işə baxan hakimə iş materiallarında olan qəbzin imzalandığı tarixdə Azərbaycanda olmadığımı və qəbzin boş olmasını dedim. Yəni qəbzdə imza olsa belə, həmin qəbzin nə üçün və hansı səbəbdən verilməsi göstərilməyib. Bundan əlavə iş materiallarında məhkəmə qərardadının MPM-nin tələbləri baxımından göndərilməsi və çatdırılmasına dair heç bir sübut olmadığı və bu halın Apellyasiya Məhkəməsi tərəfindən təsdiqləndiyi də məhkəməyə bildirdim. Bundan sonra proses uzun müddətə təxirə salındı”.
Ardını oxu...
Fidan Abbasovanın sözlərinə görə ilk prosesdən sonra Orxan İsmayılzadə və havadarları ona təzyiq və təhdidlər edib, müxtəlif mobil nömrələrdən və sosial şəbəkə hesablarından SMS-lər yazmaqla, zənglər etməklə, “Mikayıla heç kim heç nə edə bilməz, güc bizdə, hörmət bizdə, qalan hər şey bizdədir, bunu bütün ölkə bilir. Çaşma, ağıllı ol. Sənin də Ata Abdullayev kimi sroka getmək fikrin var. Onun düşdüyü duruma səni də salarıq”- tipli təhdid mesajları göndərirlər. Mənə hədə-qorxu gəlməklə məhkəmədə övladımın haqqını axtarmamağım, əks halda məni çox ciddi problemlərin gözlədiyi bildirilir.

Orxan İsmayılzadə və atası Mikayıl İsmayılov öz nüfuzundan istifadə etməklə dövlət orqanlarına müdaxilələr etməyə çalışır və məni çarəsiz vəziyyətə qoyurlar”.

Fidan Abbasova deyir ki, hazırda tək ana olaraq qız övladı böyüdür və istəmir ki, övladının atasının kimliyinin qeyd edilməməsi ilə taleyinə ləkə düşsün: “Axı faktiki olaraq onun atası var. Heç kim bu faktı təkzib edə bilməz və heç kim qanundan üstün deyil. Özüm hərbiçi qızıyam və qardaşım da hazırda ön cəbhədə xidmət edir. Orxan İsmayılzadədən istədiyim tək şey mənim həyatımı puç etməsinə baxmayaraq övladımın atası olması faktını danmasın və övladımın sənədlərində atasının kimliyi yazılsın. Heç bir Azərbaycan qadını, heç bir azərbaycanlı belə hərəkətlərə layiq deyil”.

P.S Qarşı tərəfi də dinləməyə hazırıq.
 
Ardını oxu...
Biləsuvarın həbsdə olan sabiq icra başçısı Mahir Quliyevin gəlini İlkanə Quliyeva qayınatası ilə bağlı qərardan verdiyi kassasiya şikayəti üzrə məhkəmə iclasının vaxtı məlum olub.

Pravda.az-ın əldə etdiyi məlumata görə, Ali Məhkəmədə keçiriləcək proses mayın 16-na təyin edilib.

Şikayət hakim Teyyub Muxtarovun sədrliyi ilə araşdırılacaq.

Qeyd: Məhkum M.Quliyevin gəlini İlkanə Quliyeva məhkəmə qərarının əmlakların müsadirəsi hissəsi ilə əlaqədar maraqlı şəxs kimi Ali Məhkəməyə müraciət edib. O iddia edir ki, qayınatasının əmlakı kimi dövlət nəfinə alınan Bakı şəhərində yerləşən evlərdən biri əslində ona məxsusdur. O, yüksək instansiya məhkəməsinə göndərdiyi şikayət ərizəsində həmin evin müsadirədən azad edilməsini xahiş edir.

Xatırlatma: M.Quliyev Cinayət Məcəlləsinin 179-cu (mənimsəmə və israf etmə), 308.1-ci (vəzifə səlahiyyətlərindən sui-istifadə etmə), 311.3.2-ci (təkrar rüşvət alma) və 313-cü (vəzifə saxtakarlığı) maddələri ilə təqsirli bilinib. Eks-icra başçısı Lənkəran Ağır Cinayətlər Məhkəməsinin hökmü ilə 11 il azadlıqdan məhrum edilib. Hökmə əsasən, M.Quliyevin 2 evi və 1 avtomobili dövlət nəfinə müsadirə olunub. Şirvan Apellyasiya Məhkəməsi və Ali Məhkəmə hökmü qüvvədə saxlayıb.
Ardını oxu...
Milyonçu üzgüçülük hovuzu olan bir neçə dəbdəbəli villanın sahibi idi, lakin bir anda intihar etmək qərarına gəlib.

Lent.az xarici mediaya istinadən bildirir ki, tailandlı qulluqçusuna təxminən 100 milyon bat (2 milyon 700 min dollardan çox) dəyərində miras qoyan fransız iş qadını Samui adasında özünü öldürüb.

59 yaşlı Katrin Delakot üzgüçülük hovuzu olan beş lüks villanın sahibidir. Onun vəsiyyəti ondan ibarət olub ki, bu sərvət ona 17 il sədaqətlə xidmət edən 49 yaşlı Nutvalay Phuponqta adlı sadiq qulluqçuya miras qalacaq.

Nutvalay təsdiqləyib ki, vəsiyyətnamə əsasında ona verilən əmlaka Katrin Delakotun ölümü zamanı yaşadığı villa, villanın yanındakı torpaq sahəsi, nağd pul, avtomobil və digər qiymətli əşyalar daxildir. Delakot və onun keçmiş əri, eyni zamanda fransız, 12 il əvvəl adaya köçüb.

Zamanla cütlük boşanıb və qadın villada tək yaşamağa davam edib. Polis Ketrinin aprelin 29-da açılan atəş nəticəsində öldürüldüyünü bildirib. Onun cəsədi hovuz kənarındakı divanda sol məbədində güllə yarası və sol biləyində güllə qalıqları ilə tapılıb.
Ardını oxu...
Polis meyitin yanından 45 millimetrlik avtomatik odlu silah, mərmi gövdəsi, bir stəkan araq, bir cüt günəş eynəyi və bir qutu siqaret tapıldığını bildirib. Evdən güllə, villanın qapısında isə güllədən açılan dəlik aşkar edilib. Hovuz işçisi Ketrin Delakotun cəsədini səhər saat 8-də aşkar edib və dərhal polisə zəng etmək üçün rəhbəri ilə əlaqə saxlayıb.

Polis bildirib ki, Ketrin daha əvvəl dəfn xərcini ödəmək üçün Nutwalaya 500 min bat (13 min dollardan çox) köçürüb. Başqa evdə yaşayan qulluqçu Ketrin Delakotun intihar etdiyini iddia edir. O, Ketrinin ölümündən bir müddət əvvəl bir neçə nəfərə göndərdiyi mesaja istinad edir və burada əmlakını xidmətçiyə vermək niyyətində olduğunu bildirir.
 
Ardını oxu...
Azərbaycanın məşhur aparıcılarından olan Günay Baxşəliyeva televiziyaya ilk gəlişindən bəhs edib.

TEREF “lent.az”a istinadən xəbər verir ki, aparıcı 3000-dən çox insan arasından seçilməyinin əsas səbəbini açıqlayıb.

“Mənim televiziyaya gəlişimin, seçilməyimin səbəbi Azərbaycan dilini və ədəbiyyatı, qrammatikanı mükəmməl bilməyim olub. Onun sayəsində, o qədər insanın arasından seçildim. Çünki məndən də gözəl qızlar var idi. Məndən də yaraşıqlı bəylər var idi. Çox idik, 3000 nəfərdən çox insan gəlmişdi. Arasından seçildi, 500 qaldı, axırda haradasa 15-20 nəfər qaldı. Artıq bilikləri yoxlamağa başladılar. Sualları səsləndirdilər. Bütün suallara cavab verdim. İndiki kimi yadımdadır. Ondan sonra hətta mənə redaktorluq da, aparıcılıq da təklif etdilər. İlk işim redaktor işi oldu. Sonra “Bizim səhər”də aparıcılıq etməyə başladım”, – deyə, o, söyləyib.
 

Dünyapress TV

Xəbər lenti