 |
|
|
Moskvada "Crocus City Hall” konsert zalında baş vermiş terror aktı zamanı həlak olanlar arasında "Miss Tver 2001" titulunun qalibi Yekaterina Novoselova da olub.
Referans.az bildirir ki, bu barədə Moskva vilayətinin Səhiyyə Nazirliyi məlumat yayıb.
42 yaşlı Novoselovanın adı teror qurbanlarının siyahısında yer alıb.
Qeyd edək ki, Y. Novoselova 2001-ci ildə gözəllik müsabiqəsinin qalibi olub.
Xatırladaq ki, “Crocus City Hall” konsert zalında baş vermiş terror aktı nəticəsində 137 nəfər ölüb, 180 nəfər yaralanıb.
Bir müddət əvvəl sevgilisi ilə birlikdə həyat yoldaşını döyən tanınmış həkim-onkoloq İbrahim Əsədli ölkəni tərk edib.
Bu barədə “Unikal”a açıqlamasında İbrahim Əsədlinin həyat yoldaşı Aynur Əsədli məlumat verib.
O qeyd edib ki, mart ayının 21-də və ondan sonrakı günlərdə İbrahim Əsədli evə gəlməyib:
“Mən sonradan öyrəndim ki, İbrahim həmin qadınla Azərbaycandan qaçıb və hazırda İtaliyadadır. Cinayət işinin yeni başlandığı, araşdırmaların davam etdiyi və qarşıda məhkəmə proseslərinin olacağı bir zamanda bu formada heç kimə xəbər vermədən ölkədən getməsi nə dərəcədə düzgündür?! Bunu yalnız ölkədən qaçmaq kimi qiymətləndirmək olar.
Nə mənə, nə övladına, nə də pasiyentlərinə bu barədə məlumat verməyib və birdən-birə yoxa çıxıb. Vəziyyəti ağırlaşan xəstələr nömrəmi tapıblar və məndən soruşurlar ki, həkim haradadır? Onu da qeyd edim ki, İbrahim məni və məlum hadisə ilə bağlı ona sual verə biləcək bütün şəxsləri sosial şəbəkələrdə əngəlləyib. Onunla heç cür danışa bilməmişəm”, - deyə A.Əsədli bildirib.
Xatırladaq ki, ötən ay İbrahim Əsədli işlədiyi klinikada sevgilisi, 1978-ci il təvəllüdlü Aynur Paşa qızı Sultanova ilə birlikdə həyat yoldaşı Aynur Əsədlini döyüb. Zərərçəkmiş Aynur Əsədli Nizami Rayon Polis İdarəsinin 25-ci polis şöbəsinə müraciət edib. İş üzrə ekspertiza təyin olunub. Araşdırmalar davam etdirilir.
Hadisə nəticəsində xəsarət alan Aynur Əsədli də həkimdir.
Qeyd edək ki, hadisədən sonra İbrahim Əsədlinin həm də müvafiq sertifikatı olmadan həkim kimi çalışdığı üzə çıxıb və o, işlədiyi klinikadan qovulub.
Moskvadakı terror aktında həlak olanlardan birinin azərbaycanlı olduğu ehtimal edilir.
Gununsesi.info xəbər verir ki, Moskva vilayətinin Səhiyyə Nazirliyinin saytında “Crocus Siti Hall”a edilən terror hücumunda həyatını itirənlərin adları açıqlanıb.
Siyahıda 17 yaşlı Sevinc Rüstəmova (19.10.2006) adlı şəxs də var.
Almaniyada səkkiz milyon avro məbləğində pulu mənimsəyərək yoxa çıxan və Türkiyəyə qaçdığı ehtimal edilən Yasemin Gündoğan üzə çıxıb.
Almaniya polisi və “İnterpol” tərəfindən axtarışa verilən qadın Almaniyaya qayıdıb. Yasemin Gündoğan Bremen şəhərində polis tərəfindən saxlanılıb.
O, Almaniyada çalışdığı pul köçürmələri şirkətindən səkkiz milyon avro mənimsəyib və iki il yarım əvvəl qara bir mikroavtobusla yoxa çıxıb. Uzun müddət Gündoğanın izini axtaran alman polisi, hətta bu cür işlərdə 100% uğur qazanması ilə tanınan özəl bir detektiv şirkətinə də göstəriş verib.
Araşdırmalarını Türkiyədə cəmləşdirən qrup hər hansı nəticə əldə etməyib. Qadının oğurluğu həyata keçirən cinayətkar dəstə tərəfindən aradan qaldırıldığı ehtimal edilib. Lakin 2,5 ildən sonra Türkiyədən Bremenə qayıdan Yasemin Gündoğan hava limanında alman polisinə təslim olub.
31 yaşlı Yasemin Gündoğan vəkil vasitəsilə qısa ifadə verib. “Təslim olmaq qərarına gəldim”, – deyə o, ifadəsində bildirib.
Gündoğan hazırda nəzarət altındadır və onun dindirilməsi prosesi davam edir. Bu qədər vaxtdan sonra niyə təslim olduğu və ya səkkiz milyon avronun taleyi barədə hələlik dəqiq məlumat yoxdur.
Azərbaycanın Birinci vitse-prezidenti Mehriban Əliyeva sosial şəbəkə hesablarında İlaxır çərşənbə ilə bağlı paylaşım edib.
Musavat.com paylaşımı təqdim edir:
Britaniyanın Baş naziri Rişi Sunakın 73 yaşlı qayınanasına vəzifə verilib.
Bu barədə xarici KİV məlumat yayıb.
Bildirilib ki, Suca Murti Hindistan parlamentinin yuxarı palatasına təyin olunub.
Hindistan parlamentinin yuxarı palatasının nizamnaməsinə əsasən, ən layiqli 12 üzv hər dəfə 6 il müddətinə palataya təyin olunur.
Qeyd edək ki, S. Murti xeyriyyəçiliklə məşğuldur. O, Hindistanın güclü qadını kimi tanınır.
"Tavuş bölgəsində 4 kəndin təslim edilməsi ilə bağlı bəyanat təkcə düşmən tələbi deyil, həm də təəssüf ki, Ermənistan hökumətinin, onun rəhbərinin zəifliyinin və açıq şəkildə deyə bilərəm ki, vətən mərhəmətinin olmaması psixologiyasının ifadəsidir”. Bu, absurd və xəstə fikrin müəllifi Erməni Apostol Kilsəsinin Tavuş yeparxiyasının primatı, arxiyepiskop Baqrat Qalstanyandır.
Referans.az erməni mediasına istinadən bildirir ki, xəstə keşiş dünən Əskiparadakı Surb Astvatsatsin kilsəsində bunları deyib.
Erməni keşiş Paşinyan və komandasına üsyan edib.
“Aldığın mirası unutmaq və ya özününkü hesab etməkdən qorxmamaq üçün ya kor olmalısan, ya da mürtəd olmalısan, özün üçün ayağa qalxa bilməsən. Bütün bu prosesdə bizə daim xəyanət və rədd cavabı verildiyini desəm, sizə sirr deməyəcəyəm. Bu, Artsax sülhü ilə başladı, ondan imtina, depatriasiya addım-addım davam edir və siz özünüz də şahidsiniz ki, bir neçə gün əvvəl elan edildi: Tavuş sülhündən 4 kənd deyilən, sonra, əlbəttə ki, kənd olmadığını, ərazilərin düşmənə veriləcəyini inkar edir. Bu isə təkcə düşmən tələbi deyil, həm də təəssüf ki, Ermənistan hökumətinin və onun rəhbərinin zəifliyinin ifadəsidir və mən açıq şəkildə deyə bilərəm ki, vətən yoxluğu psixologiyasıdır. Bu müddət ərzində biz yalan adı ilə yaşamışıq, yaşayırıq, Vətənimizdən əl çəkmişik, torpağı təslim etmişik və bu gün də bizi qorxudurlar ki, bunu etməsək, müharibə olacaq”, - erməni keşiş davamında belə sayaqlayıb.
Tavuş yeparxiyasının rəhbərinin iddiasıba görə, “VII əsr Voskepar kilsəsi təsdiqləyir ki, bura düşmən ölkəsi deyil, zəifliklərimiz və günahlarımız ucbatından kəsilmiş torpaqdır”.
Göründüyü kimi, Azərbaycanın Qazax rayonunun kəndlərinin qaytarılmaması üçün erməni revanşistlətə belə əbləh keşişlər də qoşulub.
Ətraflı
2022-ci ildə Beşiktaşdakı lüks hoteldə ailə quran məşhur türkiyəli müğənni Seda Sayan bu günlərdə həyat yoldaşı Çağlar Öktendən boşanacağı ilə bağlı xəbərlərlə gündəm olub.
Aparıcılıq etdiyi proqramda yayılan xəbərlərə üsyan edən Sayan ayrılıq iddialarına son qoyaraq diqqətçəkən açıqlamalar verib.
O qeyd edib ki, evləndikdən sonra Ökten soyadını götürüb, lakin rəsmi prosedurlarda yaşadığı problemlərə görə məhkəmə qərarı ilə yenidən əvvəlki soyadına qayıdıb.
Müğənni bu hadisənin “yanlış başa düşüldüyünü” bildirib.
“Belə bir şey yoxdur. Bu xəbərləri haradan alırsınız? Hamımızın ailələri var. Belə şeylər etməyin. Aramızda heç nə yoxdur. 2 il yarımdır bir yerdəyik. Biz hələ bir-birimizə “get” deməmişik. Üstəlik sevgimizi hamı görür. Bu sevgidən nə istəyirlər?”, - deyə etiraz edib.
Uels şahzadəsi Keyt Middltonun qəfildən yoxa çıxması və 2 aydan çox heç bir yerdə görünməməsi barəsində bir sıra iddialara səbəb olmuşdu.
TEREF xəbər verir ki, kral ailəsinin açıqlamasında şahzadənin qarın bölgəsindən əməliyyat edildiyi deyilsə də, bu məlumatın doğruluğu şübhə doğurmuşdu.
Bu da Vilyamın Keyt Midltonla boşanması və bunu açıqlamaqdan çəkindikləri, hətta Villiamın həyat yoldaşına xəyanət etdiyi və ona şiddət göstərməsi kimi iddiaların üzə çıxmasına səbəb olmuşdu.
Səsləndirilən iddialar arasında şahzadənin körpəsini itirməsi, bətninin əməliyyatla götürülməsi, xərçəng olması və hətta ölümünə günlər qalması kimi fikirlər yer almışdı.
Şahzadə Keytin analar günündə övladları ilə foto paylşamasından sonra da barəsində söylənilənlər bitmir.
Bu dəfə də əri Villiamın ona xəyanət etdiyi, hətta sevgilisinin hamilə olduğu bildirilir.
İddiaya görə, Vilyam atasının yaxın dostu Markes Devid Çolmondolinin qızı Rouz Hanberi ilə münasibəti var.
Üstəlik, keçmiş model Rouz bu münasibətdən hamilə qalıdığı, evliliyindən əkiz oğlan və bir qızı olan Rouzun Vilyamdan olan körpəsini dünyaya gətirmək qərarına gəldiyi bildirilir.
Əslində, münasibətdən xəbərdar olan Keytin sonda dözə bilmədiyi və psixi sağlamlığını itirdiyi və müalicə almaq məcburiyyətində qaldığı da səsləndirilən versiyalardandır.
Keytin hətta boşanmağa cəhd etdiyi bildirilir.
Üçüncü və son versiyaya görə, bütün bu hadisələrdən sonra Keyt bütün Britaniya kral ailəsinə onlar üçün nə qədər vacib olduğunu göstərmək qərarına gəlib. O, vəzifəsindən geri çəkilərək, ictimaiyyətə çıxmamaqla “ailəni çökdürməyə” çalışıb.
Qeyd edək ki, kral III Çarlzdan sonra taxt növbəsi omum oğlu şahzadə Vilyamdadır. Hazırda xərçəng olan kralın ölümündən sonra ölkədə kraliça titulunu Keyt Midlton daşıyacaq. Hələ hakimiyyətə gəlməmiş barəsində çox sayda şayiələrin olmasına görə, xarici mətbuatda onu "skandal gəlin" adlandırmağa başlayıblar.
Mənbə: Ölkə.Az
Rusiyanın paytaxtı Moskvada metroda tanışını qatarın altına itələyən şəxs saxlanılıb.
Bakupost.az xəbər verir ki, bu barədə Rusiya Daxili İşlər Nazirliyinin rəsmi nümayəndəsi İrina Volk öz “Telegram” kanalında məlumat verib.
Bildirilib ki, hadisə ötən gecə metronun “Voykovskaya” stansiyasının Zamoskvoretskaya xəttində baş verib. Cütlük platformada dayanarkən mübahisə edib və hirsli kişi sevgilisini yerə yıxıb. Sonra o, şahidlərə əhəmiyyət verməyərək onu birbaşa yaxınlaşan elektrik qatarının altına atıb.
Sürücü cəld reaksiya verib və təcili əyləci basıb, hadisə nəticəsində qız xəsarət almayıb. Hadisənin şahidi kişinin qaçmasına imkan verməyib. Bundan sonra polis şübhəli şəxsi saxlayıb.
Rusiya Voloqda vilayətində qeyri-adi hadisə baş verib.
32gun.az" xarici KİV-ə istinadən xəbər verir ki, 36 yaşlı rus mənzilini satışa çıxarıb. Qısa zamanda ev satın alınıb. Maraqlısı odur ki, evin yeni sahibləri mənzilə köçərkən qoca qadınla qarşılaşıblar.
Məlum olub ki, 92 yaşlı qadın bu evin sahibidir və onun nəvəsi mənzillə birlikdə qadını da satıb. Hadisə ölkədə gündəmə səbəb olub. Polis araşdırmalara başlayıb.