Arvadının cəsədini 200-dən çox parçaya bölən britaniyalı ömürlük həbs cəzasına məhkum olunub.

Modern.az xəbər verir ki, Nikolas Metson 2023-cü ilin martında həyat yoldaşı, 26 yaşlı Holli Bramlini qətlə yetirdiyini etiraf etmişdi. O, arvadına azı dörd bıçaq zərbəsi endirib, daha sonra onun bədənini 200-dən çox parçaya ayırıb.

Nikolas Metson cəsədin parçalarını bir həftə Linkolndakı mənzilinin mətbəxində saxlayıb. Daha sonra onları çaya atmasına kömək etmək üçün dostuna 50 funt sterlinq ödəyib.

“Lincoln Crown Məhkəməsi”ndə Nikolas Metson ömürlük azadlıqdan məhrum edilib.

Qeyd edək ki, polis Holli Bramlinin cəsədinin 224-ə yaxın parçasını Vitham çayından tapsa da, lakin ürək kimi bəzi hissələrini tapmaq mümkün olmayıb.

Prokurorlar cütlüyün 2021-ci ildə evləndiyini, lakin Metson qətli törədən zaman ayrılmaq ərəfəsində olduqlarını bildirib. Qatil ərin telefonuna baxış zamanı polislər onun “Google”da “cəsəddən necə qurtulmaq olar”, “arvadım ölsə, sığortadan necə pul ala bilərəm”, “Allah qətli bağışlayarmı” kimi suallara cavab axtardığını aşkarlayıblar.

“Rusiya ilə iki ildən artıq davam edən amansız müharibədən sonra Ukrayna hələ də öz demokratiyasını və ərazisini müdafiə etməyə hazır və qadirdir, lakin Amerikanın hərbi yardımı olmadan bunu edə bilməz”.

Bu barədə “The New York Times”da dərc olunan məqalədə bildirilir.
Qeyd olunur ki, əksər amerikalılar bunu başa düşür və hesab edirlər ki, Putinin revanşist arzularını cilovlamaq Amerikanın Ukrayna və Amerika təhlükəsizliyi qarşısında borcudur.

Nəşrin yazdığına görə, Qlobal Məsələlər üzrə Çikaqo Şurası və “İpsos” tərəfindən keçirilən sorğu nəticəsində məlum olub ki, amerikalıların 58%-i Ukraynaya iqtisadi yardım göstərilməsinin və Ukrayna hökumətinə daha çox silah və hərbi texnikanın göndərilməsinin tərəfdarıdır. Respondentlərin 60%-i isə bildirib ki, Ukrayna ilə münasibətlər Amerikanın milli təhlükəsizliyini zəiflətməkdən daha çox gücləndirir. Bundan əlavə, Konqresin bir çox Respublikaçı üzvlərinin də davamlı hərbi yardımı dəstəklədiyi göstərilir.

Qeyd olunur ki, ABŞ silahları və artilleriyası Ukraynanın Rusiya ordusunu saxlaması, həmçinin hərbi əməliyyatlara son qoymaq üçün danışıqlar aparmaq bacarığı üçün vacibdir.

Qeyri-neft sektoru üzrə ixrac ötən ilin müvafiq dövrü ilə müqayisədə 196,3 milyon dollar və ya 30,1% azalıb.

2024-cü ilin yanvar-fevral ayları ərzində ixrac edilən qeyri-neft sektoruna aid malların siyahısında elektrik enerjisi (34,9 milyon dollar) birinci, pambıq (33,5 milyon dollar) ikinci, pomidor (30 milyon dollar) üçüncü, xurma (26,4 milyon dollar) isə dördüncü olub.

Bu ilin ilk 2 ayında xarici ölkələrə ən çox qeyri-neft məhsulları ixrac edən özəl şirkətlərin və fərdi sahibkarların ilk onluğu isə aşağıdakı kimi olub.

"MKT İstehsalat Kommersiya” MMC – 19,2 milyon dollar

"My Fruit” MMC – 7,5 milyon dollar

"P-Aqro” MMC – 7,1 milyon dollar

Muradova Sahibə Səlimət qızı – 6,7 milyon dollar

"Soil Boons” – 5,2 milyon dollar

"STP Global Cable” MMC – 4,1 milyon dollar

"Technopack” MMC – 4,1 milyon dollar

"Ümüd 059” MMC – 4 milyon dollar

"Mors Trading” MMC – 4 milyon dollar

"Gözəl Təbiət” MMC – 3,9 milyon dollar

Qeyd edək ki, ötən ilin ilk 2 ayında qeyri-neft sektoru üzrə ən çox məhsul ixrac edən qeyri-dövlət subyektlərinin siyahısında yer alan fərdi sahibkar Şirinov Elvin Valeh oğlu bu il siyahıda yer almayıb.

İlk onluqda yer alan fiziki şəxs - Muradova Sahibə Səlimət qızı isə ilk dəfə ötən il məhsul ixrac etməyə başlayıb. Muradova Sahibə ilk dəfə məhsul ixrac etməsinə baxmayaraq ötən il 31,4 milyon dollarlıq, bu ilin ilk 2 ayında isə 6,7 milyon dollarlıq ixracla ilk onluğa düşə bilib. \\Yeniavaz.com

Xalq artisti Naibə Allahverdiyevanın səhhətində problem yaranıb.

HİT.az xəbər verir ki, bununla bağlı aktrisa özü məlumat yayıb. Sənətçi bildirib ki, günlərdir güclü ağrılardan əziyyət çəkir:

"Üç gündür qışqırığım, ağlamağım kəsilmir. Ağrı içində ölürəm, hərarətim düşmür. Təcili tibbi yardım çağırmışam. Deyirlər infeksiya var. Amma məni xəstəxanaya aparmaq istəmirlər. Deyirlər, yer dolub. Bəs mən hər ay maaşımdan niyə sığorta ödəməsi edirəm? Xəstə bir də öləndən sonra yardım edəcəklər. Ölürəm, mənə kömək lazımdır. Daha nə şəkildə dərdimi başa salım?".

TƏBİB-dən Axşam.az-a verilən məlumata görə, Xalq artisti ilə əlaqə yaradılıb, ona zəruri tibbi xidmətin göstərilməsi üçün tibb müəssisəsində müalicəyə cəlb olunması təklif edilib. Hazırda N.Allahverdiyeva TƏBİB-in tabeliyində fəaliyyət göstərən Nizami Tibb Mərkəzinə aparılıb, ona zəruri həkim baxışı və müayinələr təyin edilib. Sağlamlıq vəziyyətinə uyğun olaraq ambulator və ya stasionar müalicəyə cəlb ediləcək.

İraqa gedən bloger Şəfəq Məmmədovanı təyyarəyə buraxmayıblar. Axşam.az xəbər verir ki, bu haqda Şəfəq özü məlumat yayıb. O bildirib ki, Bağdada uçan təyyarəyə minən zaman ondan viza tələb edilib:

"Biabır olduq... İraqla Azərbaycan arasında sadələşmiş viza rejimi tədbiq olunub. Yəni gedib hava limanında vizanı ala bilərdim. Amma ərəb aviaşirkəti məni buraxmadı, onlara izah edə bilmədim. Kimlərə yığdıq, nə etdiksə, alınmadı. Təyyarə uçdu, biletim, otelim hər şeyim batdı".

Qeyd edək ki, bu ilin yanvarından etibarən Azərbaycan vətəndaşları İraqa səyahət edərkən giriş vizalarını İraqın sərhəd-keçid məntəqələrində əldə edə bilərlər.

Türkiyədə Çanaqqalanın Yenice rayonunun Kalkım qəsəbəsində dünən baş tutan bələdiyyə seçkisinin qeyri-rəsmi nəticələrinə görə müstəqil namizəd Zeynep Çelik qalib gələrək bələdiyyə sədri olub.

Çelik Türkiyənin ən gənc qadın bələdiyyə sədri adını qazanıb.

Yenicenin tanınmış iş adamlarından olan Mehmet Çelikin qızı 22 yaşlı Zeynep Çelik yerli idarəetmə seçkisinə müstəqil olaraq qoşulub.

Daha bir oğurluq hadisəsinin video-görüntüləri yayılıb.

Hurriyyet.Az Türkiyə mediasına istinadən xəbər verir ki, lüks yaşayış binalarından birinə girən iki gənc xanımın əməlləri kameraların yaddaşına həkk olunub.

Hadisənin İstanbulda "Hayat park1 Bahçeşehir Sitil Rezidans"da baş verdiyi bildirilir.

1918-ci ilin yayı idi. Qərbi Azərbaycanda qarışıqlıq yaranmışdı. Ruslar tərəfindən güçlü silahlandırılmış və müdafiə olunan erməni silahlıları azərbaycanlı əhalini yurd-yuvasından qovub çıxarırdı. Ələ keçənlər zorakılığa məruz qalır və qəddarcasına məhv edilirdi. Yerli əhali xeyli müqavimət göstərsə də, əliyalın, silahsız, köməksiz əhalinin qırılmamaq, erməni quldurlarının əlinə keçməmək üçün yeganə xilas yolu baş götürüb hara gəldi qaçmaq idi.
Elini-obasını məcurən tərk edən ailələrdən biri də ağcaqalalı Qəni Abbasovun ailəsi idi. Onlar yoldaykən ermənilər tərəfindən öldürülmüş bir qadının meytinin yanında 12-13 yaşlarında bir uşaq görürlər. Uşaq anasının meytini dartışdırır, sanki onu oyatmaq, diriltmək istəyirdi. Hadisə şahidləri dəhşət içində idilər.
Camaat qadını orada dəfn etdi. Qəni kişi və arvadı Gülnisə elə oradaca uşağı övladlığa qəbul etməyə qərar verib, onu özləri ilə götürdülər. Qıza Zəhra adını verdilər. Onu özləri ilə Gəncəyə, oradan Şəki rayonunun Cəyirli və Qayabaşı kəndlərinə gətirdilər. Daha sonra Vartaşen (indiki Oğuz) rayonunun Yaqublu kəndində məskunlaşdılar.
Onlar Zəhranı böyüdüb ev-eşik, oğul-qız sahibi (3 oğlan və bir qız) etdilər. Uşaqlar kiçik yaşlarından atalarını itirsələr də. Zərha çox çətinliklə onları boya-başa çatdırdı, toylarını etdi, gəlin gətirdi və gəlin köçürdü. Ölənə kimi Qəni kişi ilə Gülnisə arvadı öz valideynləri bildi. 1994-cü ildə haqq dünyasına qovuşdu.
Kim idi Zəhra !? Zəhra mənim doğma nənəm idi.
Beləliklə, sizə yüzlərlə erməni vəhşiliklərinin qurbanı olmuş – doğma ailəsini, qohum-əqrabasını itirmiş, yaxşı insanların sayəsində sağ qalmış azərbaycanlı qadınlardan biri haqqında danışdım.

İmran Verdiyev,
Azərbaycan Respublikasının Əməkdar müəllimi
TEREF