Qarabağ müharibəsi zamanı Azərbaycanla sərhəddə xüsusi radar sistemləri və dinləmə stansiyaları quraşdıran İranın əldə etdiyi məlumatları Ermənistan Baş Qərargahı ilə paylaşdığı ortaya çıxıb.

KAİM.az xəbər verir ki, 27 sentyabr 2020-ci ildə Azərbaycanla Ermənistan arasında başlayan Qarabağ müharibəsində İranın Ermənistan rəhbərliyinə ciddi kəşfiyyat dəstəyi verməsi ilə bağlı faktar üzə çıxıb.

Məlumatlara görə, müharibənin ilk günlərindən etibarən İran tərəfi 70-80 nəfərlik xüsusi avadanlıqlarla təchiz edilmiş qrup və texnikanın Qarabağ sərhədində yerləşdirib.

Cəbrayılda yerləşən Xudaferin körpüsünə paralel xətt üzərində mövqelənən İran əsgər və texniki mütəxəssisləri PUA-lar, döyüş təyyarələri və vertolyotlarının hava hərəkətini, Azərbaycan əsgərlərinin radio frekanslarını izlədikləri məlum olub.

Kanal İrandakı mənbələrinə istinadən “Ayaz Girari”də inşa edilmiş xüsusi radar sistemlərini və dinləmə stansiyaları yerləşdirən İran əsgərlərinin bu məlumatları Ermənistan Baş Qərargahı ilə paylaşdığını bildirib.

İranlı mənbə sərhəd xəttində inşa edilmiş bazaya uzun müddət heç bir mülki şəxsin buraxılmadığı qeyd edərək, “Bu yer tamamilə Türk kənd və qəsəbələrindən ibarətdir. Bu səbəbdən İran əsgərləri fövqəladə təhlükəsizlik tədbirləri ilə baza ərazisini qoruyurdular”, deyə qeyd edib.

Kanala açıqlamasında Azərbaycandakı təlimlərədə iştirak etmiş yüksək rütbəli Türkiyə hərbiçisi İranın müharibə zamanı bəzi xüsusi məlumatlar əldə etməyə çalışdığını qeyd edib.

Hərbiçi, İran kəşfiyyatının Azərbaycanın PUA-ları, döyüş təyyarələri və helikopterlərinin yerləşmələri, əməliyyat strategiyaları və taktikaları haqqında məlumat əldə etmək üçün fərqli üsullar tətbiq etdiyini söyləyib.

mənbə: HABER7

Ardını oxu...
Şimali Atlantika Alyansının ən azı 13 döyüş gəmisi Rusiya sərhədlərindən 200-250 kilometr aralıda “Poseidon 21" hərbi təlimlərinə başlayıb.

Ovqat.com xəbər verir ki, dünən Ruminiyanın Konstanta limanında açılış mərasimi ilə başlayan təlimlərdə 700-dən çox hərbçi, NATO-nun kəşfiyyat uçuş aparatları da daxil olmaqla 9 hərbi təyyarə və 13 hərbi gəmi iştirak edir.

6 Mart 2021 tarixinə qədər davam edəcək hərbi təlimlərə Rumıniya, Bolqarıstan (məlumata görə, son anda iştirakdan imtna edib), Yunanıstan, Türkiyə, İspaniya, Fransa və ABŞ Donanması qatılıb. Təlimin əsas məqsədi sualtı və hava hücumundan müdafiə, hidroqrafik kəşfiyyat, dəniz mina və əl istehsalı partlayıcı qurğuların aşkarlanması və məhv edilməsidir. NATO qüvvələri Rusiyanın tam burnunun qarşısında düşmən təyyarələrinin, yerüstü gəmilərinin və sualtı qayıqlarının hücumunu dəf etmək bacarıqlarını nümayiş etdirirlər. Müttəfiq donanması zədələnmiş gəmilərin çəkilməsi, dənizdə yanacaq doldurma və ilkin tibbi yardım tapşırıqları üzərində də işləyəcəklər.

NATO-nun rəsmi açıqlamasına görə, təlimlərin digər məqsədi “regional təhlükəsizlik mühitində davam edən dəyişikliklərin baş verdiyi bir şəraitdə tez reaksiya vermək qabiliyyətini möhkəmləndirmək üçün Alyansın gücündən optimal şəkildə faydalanmaq"dir.

Təlimlərin keçirildiyi əsas məkan Krım yarımadasının yanı olsa da, Ukrayna Hərbi Dəniz Qüvvələrinin tədbirdə iştirak edib-etmədiyi açıqlanmayıb. Amma bir müddət əvvəl NATO, minatəmizləyən gəmilərin Ukraynanın Odessa limanını ziyarət edəcəyini bildirmişdi. Bu isə təlimlərdə Ukraynanın da yer aldığını göstərir. NATO-nun baş katibi Yens Stoltenberqın bəyanları da təlimlərə Ukraynanın iştirak etməsi ehtimalını gücləndirir. Baş katib bildirmişdi ki, "Alyans Rusiyanın Krımı qeyri-leqal ilhaqından sonra hərəkətlərinə cavab olaraq Qara dənizdə iştirakını gücləndirib".

Qeyd edək ki, Rusiya bu təlimlərə xeyli ehtiyatla yanaşır. Rusiyalı ekspertlər Qara dənizdə keçirilən “Poseidon 21"hərbi təlimlərini təxribat xarakterli olduğuna inanırlar. Çünki təlimlər “Krım sahillərinin yaxınlığında kəşfiyyat və qırıcı aviasiyanın uçuşları ilə müşayiət olunur”.

Maraqlıdır ki, hərbi manevrlərdə əsasən Fransa və İspaniyaya aid təyyarələrdən istifadə olunur. Halbuki Fransa prezidenti Makron NATO-nun “beyin ölümü” keçirdiyini və Avropanın özünə gün ağlamaq üçün öz alyansını qurmağı təklif edirdi.
Ardını oxu...
Suriyanın hava hücumundan müdafiə bölmələri Dəməşq səmasında İsrailin raket hücumlarının qarşısını alır.

Axar.az xəbər verir ki, bu barədə SANA məlumat yayıb.
Ardını oxu...
Vətən müharibə iştirakçısı, 1992-ci il təvəllüdlü İbrahimov Təbriz İsmayıl oğlundan artıq 150 gündən çoxdur ki, heç bir xəbər yoxdur. Ailəsi tərəfindən Yeniavaz.com-a verilən məlumata görə, sonuncu dəfə Təbriz sentyabrın 28-i xalası oğlu ilə əlaqə saxlayıb: "Mina partlayışı nəticəsində ayağından yaralandığını və Ağdağ adlanan postdan aşağı dərənin dibinə düşdüyünü dedi. Dedi ki, "bura neytral zonadır və yaxınlıqda erməni postu var, düşməni asanlıqla həm görürəm, həm də eşidirəm". O, dərədə tək olmadığını, həmin yerdə şəhid və yaralıların olduğunu dedi. Çox qan itirdiyinə görə halsızlaşdığını və neytral zonadan çıxmaq ümidinin olmadığını söylədi, halallaşdı və qəfil əlaqə kəsildi". Yaxınları daha sonra onunla əlaqə qurmağa çalışsa da zənglərə cavab verməyib. Salyan rayonu Çadırlı kənd sakini İbrahimov Təbriz müddətdən artıq həqiqi hərbi xidmət edən hərbi qulluqçudur və Murovdağ istiqamətində döyüşlərdə iştirak edib. Təbrizlə birgə döyüşən, onu sonuncu dəfə görənlərdən, hər hansı bir məlumatı olanların ailəsi ilə əlaqə saxlaması xahiş olunur.
Ardını oxu...
Ardını oxu...
Ardını oxu...
 
 
Ardını oxu...
Ermənistan tikinti materialları adı altında Qarabağa, hazırda Rusiya sülhməramlı qüvvələrinin məsuliyyət zonasına daxil olan Azərbaycan ərazilərinə əsgər daşıyırmış.

Yenisabah.az xəbər verir ki, bu fakt amerikalı jurnalist-freelancer Patrik Lankasterin Yerevandan, Ermənistan Müdafiə Nazirliyinin qarşısından hazırladığı reportajdan üzə çıxıb.

Valideyinlər övladlarının tikinti materialları daşıyan maşınlarda, gizli şəkildə Qarabağa gətiriləcəyindən xəbər tutaraq nazirliyin qarşısına toplaşıblar və etiraz edirlər.

Tələb edirlər ki, onların övladları Qarabağa aparılmasın və ancaq Ermənistan ərazisində xidmətini davam etdirsin. Çünki Qarabağ Azərbaycanın ərazisidir və prezident İlham Əliyev Ermənistan əsgərinin Qarabağdan çıxarılmalı olduğunu bildirib.

Patrik Lankasterin videoreportajı Ermənistan hakimiyyətinin ənənəvi olaraq yalan danışdığını və 10 noyabr üçtərəfli razılaşmasının şərtlərini pozduğunu sübut edir.

“Biz istəmirik ki, uşaqlarımızı tikinti materialları kimi Qarabağa aparsınlar. Əvvəl bizə demişdilər ki, onlar daha Qarabağa qayıtmayacaqlar, xidməti Ermənistanda davam etdirəcəklər. İndi isə onları xəlvəti Qarabağa aparmaq istəyirlər. Bizim uşaqlar tikinti materialı deyil. Orada onları ya əsir götürəcəklər, ya öldürəcəklər. Əliyev deyib ki, Qarabağda Ermənistan əsgəri olmamalıdır, vəssalam”,-əsgərlərdən birinin yaxını deyib.

Toplaşanlardan digər isə deyir ki, üçtərəfli razılaşmaya əsasən Ermənistan hərbçiləri Qarabağda xidmət etməli deyil, çünki ora Azərbaycan ərazisidir və Ermənistan Müdafiə Nazirliyinin belə hüququ yoxdur.

“Biz istəmirik ki, uşaqlarımızı Qarabağa göndərsinlər. Onlar orada olmalı deyillər, çünki bu haqda Ermənistan, Rusiya və Azərbaycan rəhbərlərinin imzaladığı bəyanatda göstərilib. Bizim erməni komandanlığı isə zorakılığa can atır”,-o deyir.

Başqa bir yaşlı erməni isə deyir ki, onun nəvəsi il yarımdır hərbi xidmətdədir, müharibədə iştirak edib. Cəbrayılda, ön xətdə olub.

“Müharibə qurtarıb, o qəlpə yarası alıb və depressiyadadır. Qayıdıb ecə. Lakin nazirlikdən adamlar gəlib dedilər ki, nəyə görə o evdədir, hərbi hissəyə qayıtmalıdır.

Dedilər aparıb müalicə edəcəklər. İndi isə yenidən Qarabağa qaytarmaq istəyirlər. Lakin o bir daha Qarabağda xidmət etməyəcək! Ermənistan ərazisində xidmət etməlidir”,-amerikalı jurnalistə danışan yaşlı erməni bildirib.

Toplaşanlar deyiblər ki, onların övladları gecə saat 3 radələrində evə zəng vurublar, “bizi mülki paltarda Qarabağa aparmaq istəyirlər” deyiblər.

Valideyinlərdən birinin dediyinə görə, əsgərləri şüşələri qara plyonkalı maşınlarda aparmaq istəyiblər, lakin onların etirazından sonra əsgərlərin Qarabağa aparılması dayandırılıb. Belə görünür ki, Ermənistan tərəfi əsgərləri mülki paltarda, inşaat materiallarının altında gizlədərək Qarabağa daşımaqla həm də Rusiya sülhməramlılarını aldadır. Bu reportaj bir daha təsdiq edir ki, Azərbaycan Laçın dəhlizi üzərində gediş-gəlişə daha ciddi nəzarət edilməsi barədə Rusiya tərəfinin qarşısında məsələ qaldırmalıdır. /Virtualaz.org
 
 

Vətən müharibəsində itkin düşən polkovnik-leytenant Sadıqov Yaşar Füzuli oğlunun şəhid olduğu müəyyənləşib.

KAİM.az xəbər verir ki, bu barədə KONKRET.az-a şəhid zabitimizin yaxınları məlumat verib.

46 yaşlı zabitimizin nəşi Murovdağ istiqamətində, Ömər aşırımında tapılıb. Bu gün şəhidimiz doğulduğu Füzulinin Bala Bəhmənli kəndində torpağa tapşırılacaq.

Qeyd edək ki, 1975-ci il təvəllüdlü Yaşar Sadıqov Vətən müharibəsində itkin düşən iki polkovnik-leytenantdan biri idi. Zabitimiz ailəli idi, iki tələbə övladı yadigar qaldı.

Ardını oxu...

 
Ardını oxu...
Bu gün Türkiyənin Polis Təşkilatı milli hərbi sənayenin istehsalı olan “ATAK” hücum vertolyotlarını öz silahlanmasına daxil edib. Virtualaz.org xəbər verir ki, vertolyotları istehsal edən TÜSAŞ şirkətinin zavodunda polis təşkilatına onların təhvil verilməsi mərasimi keçirilib. Vertolyotlar 23 millimetrlik avtomatik top, pulemyot və “hava-yer” raketləri ilə təchiz olunub. Dünyada ilk dəfədir ki, polis qüvvələri bu cür hücum-döyüş vertolyotları ilə silahlanır. Bundan əvvəl vertolyotlar Türkiyə ordusunun silahlanmasına daxil edilmişdi.

Qeyd edək ki, Azərbaycan da Türkiyədən “ATAK” vertolyotları almağa maraq göstərir. Bəzi məlumatlara görə, artıq müvafiq müqavilələr də bağlanıb.

İndiyədək Türkiyənin Quru Qoşunlarına 50 ədəd, Jandarma Qüvvələrinə isə 6 ədəd “ATAK” T-129 vertolyotları təhvil verilib. Polis Təşkilatı isə 9 belə vertolyot (xüsusi modifikasiya edilmiş) sifariş verib. Ekspertlərə görə, Türkiyə polisinin hücum vertolyotları ilə silahlanması onun terrorla mübarizə imkanlarını xeyli genişləndirəcək.

Virtualaz.org
Ardını oxu...
Ermənistanın baş naziri Nikol Paşinyan 44 günlük Qarabağ müharibəsinin ilk günlərindəcə Azərbaycana “İsgəndər” raketini atdıqlarını etiraf edib. Paşinyan yerli telekanallardan birinə müsahibədə bildirib ki, müharibə zamanı Azərbaycana qarşı istifadə etdikləri “İsgəndər” raketləri partlamayıb. Baş nazir dünyada ən güclü silahlardan biri kimi tanınan bu raketin nədən partlmadığını isə deməyib.

Bəs bu cür kütləvi qırğın silahları və müdafiə üçün istifadə edilən raket kompleksləri başqa ölkəyə satılanda onun istifadəyə yarayıb-yaramadığı test edilirmi? Silahı, raketi satan tərəf istədiyi vaxt onu neytrallaşdıra bilirmi? Raketlərin partlamamasının əvvəlcədən Rusiya tərəfindən hazırlandığı mümkündürmü?

Hərbi ekspert, polkovnik Şair Ramaldanov “Yeni Müsavat”a bildirdi ki, Ermənistana verilən “İsgəndər”lər bu raket növünün ilk dəfə istehsal olunan növlərindəndir. Rusiya öz silah anbarlarını yeni növ silahlarla yenilədiyi üçün köhnə silahları Ermənistan kimi dövlətlərə kreditlə verib, hətta məlumatlara görə, Ermənistana pulsuz verib: “Hətta ”İsgəndər"lərin Ermənistana məxsus olub-olmadığı da uzun müddət Rusiyanın hərbi ekspertləri tərəfindən müzakirə edilmiş və məsələyə birmənalı münasibət yox idi. Digər tərəfdən, hər bir silah-sursatın texniki istismar müddəti var. Silah uzun müddətdir istifadə olunmayıbsa, o demək deyil ki, onun üstündə işlənməməlidir. Müəyyən yenilənmələr aparılmalıdır, silahın saxlanması şəraiti xüsusi tələblərə cavab verməlidir. Ermənistandakı həmin “İsgəndər” raketləri ilə bağlı bu tələblərə əməl edilibmi? Bu məlum deyil. Nədən partlamadığını heç Paşinyan da demir. Ola bilsin ki, heç bunu bilmir ki, desin. “İsgəndər”in nədən partlamadığını dəqiq mütəxəssislər bilər. Səbəblər qeyd etdiyim kimi, müxtəlif ola bilər. O da mümkündür ki, Ermənistanda adıçəkilən raketi istifadə edən şəxsi heyətin professionallığı lazımi səviyyədə olmayıb. Bu amil də raketin düzgün istifadə edilməməsi və nəticədə partlamamasında rol oynaya bilər.

Belə bir söhbət də var idi ki, Ermənistandakı “İsgəndər”lərin tətbiqi və istifadə olunmasının icazəsi Rusiyadadır. Bu söhbətin əsası varsa, ola bilsin hansısa mexanizm var ki, Rusiyanın icazəsi olmadan atılan raketin partlaması baş vermir. “İsgəndər” raketləri icazəsiz istifadə olunursa, ola bilsin hansısa mexanizmin işə salınmaması səbəbindən raket ya hədəfə çatmır, ya da partlamır".

Ermənistan baş nazirinin məlum açıqlaması Rusiyanın “İsgəndər” raketlərinin dünyada imicinə, bazarına ciddi zərbə vura bilərmi?

Şair Ramaldanov: “Ola bilsin hansısa mexanizm var ki, Rusiyanın icazəsi olmadan atılan raketin partlaması baş vermir”

Şair Ramaldanov qeyd etdi ki, 44 günlük Qarabağ müharibəsində onsuz da Rusiya silahlarının, texnikalarının nüfuzuna zərbə dəymədiyini söyləmək mümkün deyil: “Xüsusilə Ermənistanın əlində olan Rusiya silahlarının vəziyyəti 44 günlük müharibədə çılpaqlığı ilə ortaya çıxmış oldu. Bu amil Rusiyanın hərbi sənaye kompleksinə ziyansız ötüşmədi. Silah istehsalçısı olan Rusiyanın silah bazarında mövqelərinə şübhəsiz mənfi təsir etdi. Paşinyanın ”İsgəndər" raketi ilə bağlı dediyi də təsirini göstərə bilər.

Ümumiyyətlə, bu müharibə göstərdi ki, köhnə silah müasir silahların qarşısında acizdir. Yeni silahlara üz tutmaq lazımdır. Yeni silahların tətbiqi müharibədə çox ciddi amildir. İstənilən silah növünün həm də müəyyən saxlama qaydaları olmalıdır. Əgər bu qaydalara əməl olunmursa, hətta “Kalaşnikov” avtomatı da sıradan çıxacaq, hədəfi vurmaqdan yayınacaq və digər problemləri ortaya çıxacaq".

Bəs Paşinyanın “İsgəndər”raketi ilə bağlı açıqlaması Türkiyənin 2 il öncə Rusiyadan aldığı S-400 zenit qurğularının da keyfiyyətini şübhə altına alırmı?

Hərbi ekspert bildirdi ki, S-400 və S-300 raket komplekslərini “İsgəndər”lə müqayisə etmək olmaz: “Azərbaycanda da S-300-lər var. Onlarla bağlı Türkiyədə və Azərbaycanda bütün lazım olan tədbirlər aparılır, qaydalara əməl olunur. Bunları istifadə edən peşəkar heyət var. Türkiyə Ermənistan deyil və bilir nəyi almaq lazımdır. Türkiyədə peşəkarlar var və alınacaq avadanlığın testini aparmadan həmin avadanlıq alınmır. S-400 ”İsgəndər" raketi deyil ki, 40 il bundan əvvəl istehsal olunsun. S-400-lər müasir dövrün silahlarıdır. Rusiyanın hərbi sənaye kompleksi inkişaf etmiş kompleksdir və S-400-lər onun ən müasir silahlarındandır".

Elxan Şahinoğlu: “Belə çıxır ki, Rusiya kasıb vassalından raketlərin pulunu alıb, ancaq göndərdiyi raketlər yararsız olub”

Politoloq Elxan Şahinoğlu isə bildirdi ki, birincisi, Paşinyan həmin müsahibə ilə keçmiş prezident və hakimiyyətdən devirdiyi Serj Sərkisyanı susdurub: “Sərkisyan bir neçə gün əvvəl böyük səs-küy yaradan müsahibəsində demişdi ki, Paşinyan 44 günlük müharibənin ilk günlərdə vaxtilə Rusiyadan alınan ”İsgəndər" raketlərindən istifadə etməyib və guya məğlubiyyətdə bu amilin rolu olub. Paşinyan isə müsahibəsində deyib ki, müharibənin ilk günlərindəcə həmin “İsgəndər” raketlərindən Azərbaycana qarşı istifadə ediblər, ancaq həmin raketlər partlamayıb. Paşinyan cümləsinin sonunda Rusiyaya atmaca atmaqdan da çəkinməyib, deyib ki, bəlkə bu raketlər 80-ci illərdə hazırlanıb?

Paşinyan bu cavabla həm Sərkisyanı susdurub, həm də Rusiyaya mesaj yollayıb ki, Ermənistana köhnə raketlər sırımısız. Belə çıxır ki, Rusiya kasıb vassalından raketlərin pulunu alıb, ancaq göndərdiyi raketlər yararsız olub. Paşinyan başqa ölkələrə də dolayı mesaj göndərib ki, ağlınız olsun, Rusiyadan raket və ya digər hərbi texnika alanda yüz dəfə düşünün. Aydındır ki, Paşinyanın “İsgəndər” raketləri ilə bağlı atmacası Kremlin xoşuna gəlməyəcək. Serj Sərkisyanın da Paşinyanın yarasız raketlər barədə açıqlamasına verə biləcəyi cavab maraq doğurur. Paşinyan onu orduya kifayət qədər diqqət ayırmamaqda ittiham edənlərə başqa mesajını da yollayıb. Deyib ki, hakimiyyətə gəldikdən sonra hərbi büdcəni 23 faiz artırdım".

Etibar SEYİDAĞA,
“Yeni Müsavat”
Ardını oxu...
Ermənistan prezidenti Armen Sarkisyan ölkənin Silahlı Qüvvələrinin Baş Qərargah rəisinin birinci müavini, general-leytenant Tiran Xaçatryanın vəzifəsindən azad olunması haqqında fərman imzalayıb.

Bu barədə “Report” Ermənistan mətbuatına istinadən xəbər verir.

Buna səbəb general-leytenantın Nikol Paşinyanın sözlərini ələ salması olub. Xatırladaq ki, daha əvvəl “Yerevan.today” portalı Tiran Xaçatryanın Ermənistanın baş naziri Nikol Paşinyanın “İskəndər” raketləri ilə bağlı bəyanatı haqqında şərhini yayıb.

Nikol Paşinyan iddia edib ki, Qarabağ müharibəsi zamanı “İskəndər” raketlərinin cəmi 10 faizi partlayıb. Silahlı Qüvvələrin Baş Qərargah rəisinin birinci müavini Tiran Xaçatryan jurnalistin “Paşinyanın iddia etdiyi kimi "İskəndər" raketlərinin 10%-nin partlaması mümkündürmü?” sualına əvvəlcə xeyli gülüb, sonra isə deyib: "Əlbəttə, mümkün deyil. Necə? "İskəndər"? Bir atəş? ... 10%?.. Bağışlayın, amma bu qeyri-ciddidir".

Ermənistanın Müdafiə Nazirliyi bundan bir neçə sonra geniş bəyanatla çıxış edib. Nazirlik iddia edib ki, Xaçatryanın sözləri guya “təhrif olunub”.
Ardını oxu...
Bu maşınlar müdafiə baxımından tırtıllı tanklardan geri qalsalar da, sürət, manevr və qət etdiyi məsafəyə görə onları əhəmiyyətli dərəcədə üstələyir.

"Güclü, sürətli və yaxşı müdafiə olunan "Bumeranq" vahid zirehli platforması əsasında Rusiyanın ilk təkərli tankını yaratmağa hazırlaşırlar. Perspektivli şassinin xüsusiyyətləri üzərinə "Sprut"-SD özüyeriyən silahdakı kimi hamar gövdəli topla bir silah kompleksi quraşdırmağa imkan verir," - deyə Hərbi Sənaye Şirkətinin baş direktoru Aleksandr Krasovitski izah edir.

Təkərli tankların qoşunlarda hansı yeri tuta biləcəyi barədə RİA Novosti-nin növbəti materialında.

Suriyada işə yarayacaq

Krasovitskinin sözlərinə görə, "Bumeranq" vahid təkərli platformasının işlənib-hazırlanması başa çatmaq üzrədir – onun üzərində qurulan K-16 zirehli transportyorunun dövlət sınaqlarının ilin sonuna kimi yekunlaşdırılması planlaşdırılır. Mühəndislərin fikrincə, dizaynda elm və texnikanın ən müasir nailiyyətlərindən istifadə olunub. Əlavə planlara perspektivli BMP K-17, xüsusi təyinatlı texnika və digər vasitələrin sınağı da daxildir.

Hərbi Sənaye Şirkətinin baş direktoru bildirir ki, "Bumeranq" platforması əsasında sürətli təkərli tankın yaradılması sektor üçün problem təşkil etmir.

Sovet İttifaqında buna bənzər texnika işlənib-hazırlansa da, rus ordusunda təkərli tanklar yox idi. Təkərli tank - tam dönən bir qüllədə güclü silahla təchiz olunmuş zirehli maşınların qeyri-rəsmi adıdır. Bu maşınlar müdafiə baxımından tırtıllı tanklardan geri qalsa da, sürət, manevr və qət etdiyi məsafəyə görə onları əhəmiyyətli dərəcədə üstələyir.

"Təkərli tanklar onlar üçün uyğun zəminin olduğu ölkələrdə daha populyardır", - deyə hərbi ekspert Aleksey Leonkov RİA Novosti-yə bildirir.

"Məsələn, Afrikada. Ona görə də xüsusən CAR-da məhz təkərli tanklara üstünlük verirlər. Onların ən böyük üstünlükləri sürətində və təmirlərarası məsafənin uzunluğundadır. Əgər əsas döyüş tankları, belə demək mümkündürsə, on min kilometr məsafə qət edəndən sonra sınırsa, topla təchiz olunmuş zirehli tank yüz min kilometr yol gedə bilər", - deyə ekspert vurğulayır.

Mütəxəssisin fikrincə, Rusiya ordusu üçün bu cür tanklar dəmir yollarının ötürücülük qabiliyyətinin zəif olduğu Orta Asiya istiqamətində daha faydalı ola bilər: təkərli zirehli maşınları magistral yollara keçirmək çox asandır. Bundan başqa, belə texnika Suriyada göstərilən patrul xidmətində də əl verir. Hazırda orada hərbi polis "Tiqr" və BTR-82A zirehli maşınları ilə hərəkət edir.

Leonkov onu da qeyd etdi ki, perspektivli tank eynilə zirehli transportyor kimi su maneələrini aşmağa, həm gedə-gedə, həm də üzə-üzə atəş açmağa qadirdir. Güclü silahlanması sayəsində bu maşından həm reydlər zamanı, həm də ümumqoşun əməliyyatlarında - cinahlarda, kəşfiyyat, patrul xidmətlərində və döyüş zastavalarında istifadə edilə bilər.

İri kalibr

Təkərli texnikanın yollara daha az zərər verməsi də mühüm amillərdən biridir. Polad tank tırtıllarının ən möhkəm asfaltı belə dağıtdığı heç kimə sirr deyil. Bu səbəbdən, ağır zirehli maşınların xüsusi qoşqu-transportyorunda daşınmasını üstün tuturlar. Yükləmə və boşaltma isə çox vaxt aparır. Amma təkərli tank xüsusi hazırlıq tələb olunmadan yürüşdən birbaşa döyüşə qoşula bilər.

Xüsusi olaraq hava-desant qüvvələri üçün hazırlanmış "Sprut"-SD özüyeriyən silahında olduğu kimi perspektivli tankın da 125 mm-lik bir topa sahib döyüş bölməsi əsas silahı hesab olunur.

Avtomatik yükləyici və 40 mərmi ilə sabitləşdirilmiş 2A75 hamar gövdə T-72 və T-90 tanklarının 2A46M silahlarına bənzəyir.

Özüyeriyən tank müvafiq çapdakı hər cür sursatı, həmçinin tank əleyhinə idarə olunan raketləri atəşə tuta bilir. Döyüş bölməsinin köməkçi silahlanması 7,62 mm-lik bir PKT pulemyotu ilə birləşdirilib.

Tank və dronlar əleyhinə

Perspektivli təkərli platforma olan "Bumeranq" ilk dəfə 2015-ci ildə Qələbə bayramı münasibətilə təşkil edilmiş paradda nümayiş olundu. Bu bazadakı texnika BTR ailəsinə məxsus Sovet və Rusiya zirehli transportyorlarına nisbətən daha böyük və daha güclüdür.

Magistral yolda 750 at gücünə malik YaMZ-780 mühərriki maşını saatda 100 kilometrə qədər sürətləndirir. Mühərrik bölməsi ön hissədədir, bu isə desanta arxadan çıxıb-düşməyə imkan verir. "Bumeranq" maşınları keramik əsaslı çoxqatlı zirehə malikdir ki, bu da homogen müdafiədən daha etibarlıdır.

"Bumeranq" ailəsinin ən güclü maşını hələlik "Bumeranq"-BM uzaqdan idarə olunan universal döyüş modullu K-17 təkərli BMP-si sayılır. Silahlanması – tank əleyhinə selektiv hərbi sursat və döyüş ehtiyatı tutumu 500 mərmiyə qədər olan 30 mm-lik 2A42 avtomatik topudur. Tank əleyhinə iki idarə olunan "Kornet" raketi ilə də təchiz edilib.

Daha ciddi variant da var. K-17 üçün mümkün döyüş modullarından biri də dəqiqədə 120 atış dərəcəsi ilə 57 millimetrlik topa sahib "Baykal" AU-220M-dir.

Belə hesab olunur ki, onun mərmilərinin gücü Qərb məktəbinin bütün müasir BMP-ləri ilə mübarizə aparmaq üçün yetərlidir. Bundan başqa, 57 millimetrlik kalibr 12 kilometrə qədər məsafədə uçan ən kiçikölçülü pilotsuz uçuş aparatlarını belə məhv etməyə qadirdir.

Dünyapress TV

Xəbər lenti