Ardını oxu...
İngiltərə Premyer Liqasında XXVI turun mərkəzi oyunu paytaxt Londonda keçirilib.

Tomas Tuxelin gəlişindən sonra yüksəlişə keçən “Çelsi” ikinci pillədəki “Mançester Yunayted”i qəbul edib.

“Çelsi” matça 9, “Mançester Yunayted” isə 8 oyunluq məğlubiyyətsizlik seriyası ilə çıxıb.

“Zadəganlar” buna qədər bütün turnirlərdəki son görüşlərində 7 qələbə, 2 heç-heçəlik, “qırmızı şeytanlar” isə 4 qələbə, 4 heç-heçəlik nəticəyə imza atmışdı.

“Stemford Bric”dəki qarşılaşmada qolsuz bərabərlik qeydə alınıb.

Yalnız lider “Mançester Siti”dən geri qalan “Mançester Yunayted”in aktivində 50 xal varsa, 5-ci pillədəki “Çelsi” 44 xala malikdir.
Ardını oxu...
Türkiyə Super Liqasında XXVII tura yekun vurulub.

Turun qapanış matçı mərkəzi oyunla yadda qalıb.

Çempionluğa iddia edən və turnir cədvəlində qonşu olan “Fənərbaxça” ilə “Trabzonspor” ikincilərin meydanında üz-üzə gəlib.

Son 11 oyunda məğlubiyyət üzü görməyən (10 qələbə, 1 heç-heçə) və ardıcıl 8 görüş idi qələbələri sıralayan “bordo-mavililər”in seriyası Trabzonda qırılıb.

Bundan əvvəlki dörd matçın üçündə uduzan “Fənərbaxça” çətin səfərdən üç xalla dönməyə müvəffəq olub. Komandaya qələbə qazandıran yeganə qola 76-cı dəqiqədə Dimitrios Pelkas imza atıb.

Bu qalibiyyət sayəsində xallarının sayını 54-ə çatdıran “Fənərbaxça” “Beşiktaş”la birlikdə 2-3-cü yerləri bölüşdürür. “Trabzonspor” isə 48 xalla 4-cüdür.

Super Liqaya 57 xalla “Qalatasaray” liderlik edir.

Sərbəst güləşçilərimiz Ukraynanın paytaxtı Kiyevdə ölkənin məşhur güləşçilərinin və məşqçilərinin xatirəsinə keçirilən yarışda uğurla çıxış edirlər.

KAİM.az xəbər verir ki, 65 kq-da mübarizə aparan idmançımız Turan Bayramov Ukrayna təmsilçisi Erik Aruşanyanla üz-üzə gəlib.

Erməni əsilli rəqibini 3:0 hesabı ilə məğlub edən Bayramov bürünc medal qazanıb.

Qeyd edək ki, Turan Bayramov 1/16 finalda meydan sahiblərinin digər erməni əsilli güləşçisi Qor Ohannesyana qalib gəlib.

Qadınların mübarizəsində isə Türkan Nəsirova moldovalı Mariana Draqutana (Moldova) 12:4 hesabı ilə qalib gələrək, fəxri kürsünün 3-cü pilləsinə yüksəlib

Ardını oxu...
Yusuf Yazıcı Avroliqanın bir mövsümündə ən çox qol vuran türk futbolçu olub

Futbol üzrə Avropa Liqasının 1/16 final mərhələsi çərçivəsində Niderland “Ayaks”ı ilə oyun Fransanın “Lill” klubunun yarımmüdafiəçisi Yusuf Yazıcı üçün əlamətdar olub.

AYNA xəbər verir ki, Liqa 1 təmsilçisinin 1:2 hesabıyla uduzduğu oyunda komandasının yeganə qoluna imza atan Türkiyə millisinin üzvü, Avroliqanın bir mövsümündə ən çox qol vuran türk futbolçu olub.

“Ayaks”la oyuna qədər 6 qolu olan futbolçu bu görüşdə də fərqlənməklə rəqib qapılarından keçirdiyi topların sayını 7-yə çatdırıb. Yusuf Avroliqanın qrup mərhələsində “Milan” (İtaliya) və “Sparta” (Praqa, Çexiya) ilə oyunlarda da het-trikə imza atmışdı. Bu üzdən 24 yaşlı futbolçu iki dəfə həftənin ən yaxşı oyunçusu da seçilmişdi.

Qeyd edək ki, “Lill” “Ayaks”a 1:2 hesabıyla uduzmaqla mübarizəni dayandırıb.
Ardını oxu...
İngiltərənin "Arsenal" futbol klubu Avropa Liqasının 1/16 finalının cavab oyununda Portuqaliyanın "Benfika" komandasını məğlub edib.

Teleqraf.com-un məlumatına görə, koronavirus infeksiyasının yayılması səbəbindən ölkələr arasında səyahət məhdudiyyətləri səbəbindən matç Yunanıstanın Pirey şəhərində keçirilib. Oyun 3:2 hesabı ilə başa çatıb.

Qaliblərin heyətində qolları Pyer-Emerik Obameyanq (21 və 87-ci dəqiqələr) və Kiran Tirni (67) vurdular. Portuqaliya komandasında Dioqu Qonsalveş (43-cü dəqiqə) və Rafa Silva (61) fərqləniblər.

Matçın nominal ev sahibi "Arsenal" olub. Romada keçirilən birinci oyun 1:1 hesabı ilə başa çatıb.
Ardını oxu...
FIFA-nın müstəqil etika komitəsinin məhkəmə palatası 2006-cı ildə Almaniyada keçirilmiş dünya çempionatının Təşkilat Komitəsinin keçmiş sədri, saxtakarlıqda ittiham olunan Frants Bekkenbauerlə bağlı işə xitam verib.

"Report" qurumun rəsmi saytına istinadən xəbər verir ki, buna iddia müddətinin başa çatması səbəb olub.

Həmçinin ali futbol qurumu sözügedən məsələdə günahlandırılan Horst Rudolf Şmidt və Teo Tsvantsigerin də işinin bağlandığını elan edib.

Qeyd edək ki, 2016-cı ildə "Spiegel" nəşri Almaniyanın FIFA İcraiyyə Komitəsindəki dörd məmura rüşvət verdiyini yazıb. Qəzetin iddiasına görə, ölkədəki rəqabət komissiyası bunun üçün gizli fond yaradıb. O vaxt "Adidas" rəhbəri olan Luis-Dreyfusun fonda 10,3 milyon İsveçrə frankı bağışladığı bildirilib. Almaniya millisinin əfsanəvi futbolçusu Frants Bekkenbauerin həmin fondun yaradılmasından xəbər olduğu vurğulanıb.

Fevralın 25-də futbol üzrə UEFA Avropa Liqasının səkkizdəbir finala çıxan daha 7 iştirakçının adı məlum olub.

Axar.az xəbər verir ki, turnirin onaltıdabir final mərhələsinin cavab oyunlarının yeddisi Bakı vaxtı ilə saat 21:55-də başlayıb, səkkizi isə gecə saat 12-də oynanılacaq.

“Qarabağ” klubunun yer aldığı A qrupunun lideri kimi pley-offa yüksəlmiş İspaniyanın “Vilyarreal” klubu Avstriyada 2:0 hesabı ilə məğlub etdiyi “Zaltsburq” ilə cavab görüşündə də rəqibindən üstün olub - 2:1.

Günün ən gözlənilməz nəticəsi "Emirates" stadionunda qeydə alınıb.

Portuqaliyada "Benfika" ilə heç-heçə edən (1:1) İngiltərənin "Arsenal" klubu öz meydanında rəqibini məğlub edə bilməyib. Bu oyun 2:2 hesabı ilə başa çatsa da iki oyunun nəticəsinə görə "Benfika" səkkizdəbir finala yüksəlib.

Günün digər görüşlərində aşağıdakı hesablar qeydə alınıb:

“Ayaks” (Niderland) - “Lill” (Fransa) - 2:1, ilk oyun - 2:1;

“Napoli” (İtaliya) - “Qranada” (İspaniya) - 2:1, 0:2;

“Hoffenhaym” (Almaniya) - “Molde” (Norveç) - 0:1, 3:3;

“Reyncers” (Şotlandiya) – "Antverpen” (Beçlika) - 4:2, 4:3;

"Şaxtyor Donetsk" (Ukrayna) - "Makkabi Tel-Əviv" (İsrail) - 1:0, 2:0.

Qeyd edək ki, daha əvvəl İngiltərə "Tottenhem"i adını 1/8 finala yazdırıb.
Ardını oxu...
İtaliya "Yuventus"u 2020/2021 mövsümünün ilk yarısı üçün maliyyə hesabatını təqdim edib.

Sfera.azı-ın məlumatına görə, ölkə çempionu 6 ay ərzində 113,7 milyon avro itki ilə üzləşib. Bu, ötən ilin müvafiq dövrü ilə müqayisədə 50,3 milyon avro çoxdur.

Mədaxil 322,3 milyon avro, mənfəət isə 258,3 milyon avro təşkil edib.

Klub hesab edir ki, koronavirus zərərin 50 milyon avroyadək yüksəlməsinə ciddi təsir göstərib.

Qeyd edək ki, "Yuventus" İtaliya A Seriyasında 22 oyundan 45 xalla 3-cü pillədə yer alıb. Komandanın ehtiyatda bir oyunu da var. İlk 2 pillədə 23 oyundan 53 xala malik "İnter" və 49 xalı olan "Milan" qərarlaşıb.
Ardını oxu...
İspaniya La Liqasında I turdan təxirə salınmış oyun keçirilib.

"Report" xəbər verir ki, "Barselona" "Elçe"ni qəbul edib. Barselonada "Nou Kamp" stadionunda keçirilən qarşılaşma meydan sahiblərinin 3:0 hesablı qələbəsi ilə başa çatıb.

“Barselona”nın heyətində qolları 48 və 68-ci dəqiqələrdə Lionel Messi, 73-cü dəqiqədə Jordi Alba vurub.

Messi matçdan sonra "Elçe"nin qapıçısı Edqar Badiyə yaxınlaşıb və futbolkaları dəyişməyi xahiş edib.

"Barselona" İspaniya çempionatının 2020/2021 mövsümündə 50 xal yığıb və yarış cədvəlində 3-cü yerə yüksəlib. "Elçe" 21 xalla 19-cu yeri tutur. Turnirin lideri 55 xalı olan “Atletiko"dur.

"Barselona" növbəti turda "Sevilya" ilə qarşılaşacaq, “Elçe" "Qranada"ya qarşı oynayacaq.
Ardını oxu...
Ardını oxu...
Ardını oxu...
Ardını oxu...
Ardını oxu...
İngiltərənin "Mançester Siti" futbol klubu Çempionlar Liqasının 1/8 finalında ilk oyununda Mönxenqladbaxdanın "Borussiya"sını 2:0 hesabı ilə məğlub edib.

Trend TASS-a istinadən xəbər verir ki, qolları Bernardo Silva (29-cu dəqiqə) və Qabriel Jesus (65) vurublar.

Turnirin eyni mərhələ oyununda italiyan "Atalanta"sı İspan "Real Madrid"inə 0:1 hesabı ilə məğlub oldu. Matçın yeganə qolunu Ferlan Mendy vurub.

Qarşılaşma bir gün əvvəl 21 yaşında dünyasını dəyişən "Atalanta" gənclər komandasının oyunçusu Villi Brasiano Ta Binin xatirəsini bir dəqiqəlik sükutla yad etməklə başladı.

Cavab görüşünün martın 16-da Madriddə keçirilməsi planlaşdırılır.

Dünyapress TV

Xəbər lenti