Ardını oxu...
ABŞ-ın dövlət katibi Mayk Pompeo ilə İsrailin Baş naziri Benyamin Netanyahu arasında görüş baş tutub.

“Report” xəbər verir ki, bu barədə məlumat baş katibin “Twitter”ində yer alıb.

Qeyd olunub ki, tərəflər İranda baş verən hadisələri müzakirə ediblər.

“İranın bölgədəki destabilizasiya yaradan fəaliyyətinə qarşı mübarizə səylərini, regional tərəfdaşlarla iqtisadi əməkdaşlıq və İsrailin təhlükəsizliyi ilə bağlı digər mövzuları müzakirə etdik” deyə baş katib qeyd edib.
Ardını oxu...
Azərbaycan və Ermənistan Xarici İşlər nazirlərinin ATƏT-in Minsk Qrupunun həmsədrlərinin vasitəçiliyi ilə ATƏT Nazirlərinin Bratislavada keçirilən iclası çərçivəsində baş tutan və 3 saat yarımdan çox davam edən görüşü zamanı tərəflər geniş müzakirələr aparıblar.

Bu barədə Trend-ə Xarici İşlər Nazirliyinin mətbuat xidmətindən bildirilib.

Məlumata görə, tərəflər münaqişənin həlli ilə bağlı mövcud vəziyyəti və onun gələcəkdə sülh yolu ilə həlli istiqamətləri ətrafında müzakirələr apardılar. Nazirlər danışıqların davam etdirilməsi və gələn ilin əvvəllərində növbəti görüşün keçirilməsi üzrə razılığa gəldilər.

Qeyd edək ki, ATƏT Xarici İşlər Nazirləri Şurasının Bratislavadakı 26-cı iclası çərçivəsində baş tutan görüşdə ATƏT-in fəaliyyətdə olan sədrinin şəxsi nümayəndəsi səfir Andjey Kasprşik də iştirak edib.
Ardını oxu...
Biz Mehriban Əliyevanın Rusiya Federasiyasına səfərini, onun Prezident Putinlə, Baş Nazir Medvedevlə, Federasiya Şurasının sədri Matviyenko ilə görüşlərini, Xalq Təsərrüfatı Nailiyyətləri Sərgisində “Azərbaycan” pavilyonunun çox mühüm açılış mərasimində, Regionlararası Forumda iştirakını yüksək qiymətləndirmişik və bu səfərin gedişində müzakirə edilən təşəbbüsləri biz hökmən həyata keçirəcəyik.

Teleqraf.com-un məlumatına görə, bunu Rusiyanın xarici işlər naziri Sergey Lavrov Azərbaycan Prezidenti İlham Əliyev ilə görüşü zamanı deyib.

S.Lavrov bildirib: "Bu təşəbbüslər, o cümlədən bizim hökumətlərarası iqtisadi əməkdaşlığımıza yeni bir mövzu – innovasiyalar və yüksək texnologiyalar mövzusu əlavə edilməsinə aiddir, xüsusi yol xəritəsi yaradılacaq. Artıq bir neçə gündən sonra Hökumətlərarası Komissiya bu sahədə işlərin vəziyyətini nəzərdən keçirəcək.

Siz də xatırlatdığınız kimi, əmtəə dövriyyəsi sürətlə artır. Əmtəə dövriyyəsinin həcmi yəqin ki, 3 milyard dollara yaxın olacaq. Rusiya Federasiyasının Azərbaycan iqtisadiyyatına birbaşa investisiyalarının həcmi 1,5 milyard dollar olub. Rusiya Federasiyasının 70-dən çox subyekti Azərbaycanla əməkdaşlıq edir. Azərbaycanda Rusiya kapitalının iştirakı ilə 300-dən çox müəssisə fəaliyyət göstərir. Rusiyada da Azərbaycan kapitalı öz mövqelərini getdikcə möhkəmlədir.

Mehriban Arif qızı Əliyevanın Rusiya Federasiyasına səfərinin daha bir maraqlı və hesab edirəm ki, çox vacib nəticəsi Rusiya-Azərbaycan Gənclər Forumunun daha müntəzəm keçirilməsi barədə razılaşma oldu. Bu, varislik baxımından, tarixi yaddaşın qorunub saxlanması və həm Rusiyada, həm də Azərbaycanda bizim gənc nəslin münasibətlərimizə həmişə xas olmuş dostluq, mehriban qonşuluq ruhunda tərbiyəsi baxımından prinsipial əhəmiyyət kəsb edir. Həm regional, həm qlobal, həm də universal beynəlxalq təşkilatlarda əməkdaşlığımıza gəldikdə, biz sıx qarşılıqlı fəaliyyəti, həmişə bir-birinin mövqelərini nəzərə almaq istəyini çox yüksək qiymətləndiririk. Biz bundan sonra da ortaq mövqelərimizin dəstəklənməsinə, Azərbaycan və Rusiya üçün xüsusi maraq doğuran mühüm məsələlərin həllinə kömək edəcəyik. Bu, Dağlıq Qarabağ münaqişəsinin nizamlanmasına aiddir. Biz həm Vyana sammitində, həm sonradan nazirlərin Moskva görüşündə etimad tədbirləri, humanitar əlaqələrin, kütləvi informasiya vasitələri xətti ilə əlaqələrin nizamlanması barədə əldə edilmiş razılaşmaların bu il təsdiqlənməsində və həyata keçirilməsində maraqlıyıq. Onlar tədricən reallaşır və ümidvaram ki, Azərbaycan və Ermənistan xarici işlər nazirlərinin bu həftə keçiriləcək görüşü bu prosesləri əlaqələndirməyə imkan verəcək. Eyni zamanda, Sizinlə razıyam ki, siyasi nizamlama, uzunmüddətli nizamlama baxımından hələ çox iş görülməlidir. Burada Sizin bu tezisinizi tam dəstəkləyirəm ki, hər iki tərəfin bəyəndiyi əsas prinsiplərə, BMT Nizamnaməsində və Helsinki Yekun Aktında təsbit olunmuş prinsiplərə zidd olan ritorikadan çəkinmək lazımdır.

Buna görə də, hörmətli İlham Heydər oğlu, Sizinlə söhbət etmək imkanına görə bir daha səmimi qəlbdən minnətdarlığımı bildirirəm. Ümidvaram ki, sabah da davam edəcək bu səfər bizim münasibətlərimizi daha yüksək etimada əsaslanan, daha məhsuldar səviyyəyə çatdırmağa kömək edəcək".
Ardını oxu...

«AzPolitia.info»-nun xarici KİV-ə istinadla verdiyi xəbərə görə, Amerika Birləşmiş Ştatlarının (ABŞ) prezidenti Donald Tramp NATO sammiti çərçivəsində Fransalı həmkarı ilə görüşmək niyyətindədir.

Ağ Evin məlumatına görə, dekabrın 3-4 tarixlərində tərəflər Londonda alyans çərçivəsində əməkdaşlıq və müdafiə xərclərinin yenidən bölüşdüpülməsi məsələlərini müzakirə edəcəklər.

Bundan başqa, Vaşinqtonda qeyd ediblər ki, «NATO beyninin ölməsi» barədə səsləndirliyi fikirə görə, Makronu qınamırlar və bu polemikanı «demokratik standartlar çərçivəsində» normal hesab eirlər.

«Onlar bir-birinə dərin hörmət bəsləyirlər. Alyansa yönəlik onların prioritetləri müxtəlifdir. ABŞ prezidenti istəyir ki, alyans güclü, onun xərc yükü isə adekvat olsun. Hesab edirəm ki, prezident Makron hələlik bu qrupdan nələri gözlədiyini müəyyən edir» - deyə, ABŞ administrasiyasındakı mənbə bildirib.

Bununla yanaşı, Tramp sammit çərçivəsində Türkiyə prezidenti Rəcəb Tayyip Ərdoğanla ikitərəfli görüş keçirməyi planlaşdırmır. 

Məlum olduğu kimi, ötən cümə günü Ərdoğan Makrona «öz beyni» barədə düşünməyi təövsiyyə edib.

NATO liderləri Ərdoğana xatırlatmaq niyyətindədirlər ki, S-400 ZRK sistemlərinin istifadəsi alyans üzvünün statusu ilə bir araya sığmır və həm də S-400 radarlarının işə salınmasından narahatlıq keçirirlər.

AzPolitia.info

Ardını oxu...

Bu gün dünyada aktual olan məsələlərdən biri enerji təhlükəsizliyidir. Bu baxımdan TANAP layihəsinin gerçəkləşdirilməsi tarixi hadisədir.

Bu fikri AZƏRTAC-a məxsusi açıqlamasında TANAP qaz kəmərinin Avropa ilə birləşən hissəsinin açılış mərasimini şərh edən Ukrayna Analitik Mərkəzinin rəhbəri Aleksandr Oxrimenko söyləyib.

Mərkəzin rəhbəri qeyd edib ki, TANAP qaz layihəsi alternativlik yaratdığından Avropa ölkələrinin enerji təhlükəsizliyinə ciddi töhfə verəcək. TANAP-ın işə düşməsi Avropa ölkələrinin Azərbaycan qazını alması üçün əlverişli imkan yaradacaq.

Xatırladaq ki, noyabrın 30-da Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi keçirilib.


Ardını oxu...

Noyabrın 30-da Türkiyənin Ədirnə vilayətinin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi çərçivəsində Azərbaycan Respublikasının Prezidenti İlham Əliyev ilə Türkiyə Respublikasının Prezidenti Rəcəb Tayyib Ərdoğan arasında görüş olub.

AZƏRTAC xəbər verir ki, söhbət zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi bildirildi. Ölkələrimizin həyata keçirdiyi qlobal layihələrin, TANAP qaz kəmərinin Avropa ilə birləşən hissəsinin açılış mərasiminin önəmi qeyd edildi. Azərbaycan ilə Türkiyə arasında əlaqələrin bundan sonra da daim möhkəmlənəcəyinə və genişlənəcəyinə əminlik ifadə olundu.

Ardını oxu...
ABŞ prezidenti Donald Tramp Əfqanıstana gözlənilməz səfər edib. O, səfəri çərçivəsində Əfqanıstan prezidenti Əşrəf Qani ilə görüşüb.

Bu barədə “Reuters” agentliyi məlumat yayıb.

Məlumata görə, ABŞ lideri əfqan həmkarı ilə görüşdən sonra ölkədə yerləşən Amerika qoşunlarına baş çəkib. Ötən həftə D.Tramp Ə.Qani ilə telefonla əlaqə yaradıb və onu Vaşinqtona rəsmi səfərə dəvət edib. Liderlər, həmçinin “Taliban” hərəkatı ilə sülh əldə etmək üçün yeddi bəndlik bir planı müzakirə ediblər.

Həmin söhbət əsnasında Tramp 2016-cı ilin avqustunda Kabildəki Amerika Universitetində radikal “Taliban” hərəkatı tərəfindən əsir götürülmüş amerikalı və avstraliyalı professorların azad edilməsində göstərdiyi köməyə görə Qaniyə təşəkkür edib.\\APA
Ardını oxu...

«AzPoliika.info»-nun xarici KİV-ə istinadla verdiyi xəbərə görə, Amerika Birləşmiş Ştatlarının (ABŞ) prezidenti Donald Tramp Əfqanıstanın prezidenti Əşrəf Qanini ABŞ-a dəvət edib. Dəvət məmnunluqla qəbul olunub. 

Bu barədə noyabrın 22-də Qaninin mətbuat xidməti xəbər verib. Bu ərəfədə, Birləşmiş Ərəb Əmirlikərində (BƏƏ) rəsmi səfərdə olan ABŞ prezidenti Donald Trampın Əşrəf Qani ilə telefon danışıı olub. 

ABŞ lideri Əfqanıstan prezidentinə iki müəllimin azad olunması əməliyyatına görə, təşəkkür edib. Müəllimlər 3 ildən artıq müddətdə taiblərin əsirliyinə olublar.

Qani Trampa sülh prosesinin yol xəritəsi barədə danışıb. Yol xəritəsi Qani alministrasiyası tərəfindən ötən ayın sonunda hazırlanıb. Bununla balı Tramp sülhün təməli kimi, atəşin dayandırılmasının qaçılmaz olduğunu qeyd edib.

Tərəflər həm də Əfqanıstan güc strukturlarının və hüquq-mühafizə orqanlarının fəaliyyətini müzakirə edərək, onların şərqi Nahanqarhar əyalətində İŞİD adlı terrorçu qruplaşmaya qarşı uğurlu əməliyyatlarının əhəmiyyətini qeyd ediblər.

Xəbər verildiyi kimi, sentyabrın 5-də Əfqanıstan prezidenti Əşrəf Qani ABŞ-a planlaşdırılmış səfərini təxirə salıb. Bu qərar ABŞ və taliblər arasında prinsipial razılaşmanın əldə olunduğu üzə çıxandan sonra verilib.

AzPolitika.info

Ardını oxu...
Birinci vitse-prezident Mehriban Əliyeva Rusiyaya səfəri çərçivəsində bu ölkənin prezidenti Vladimir Putinlə görüşüb.

Azərbaycan 24 xəbər verir ki, Rusiya prezidenti Azərbaycanlı həmkarı İlham Əliyevlə dekabrın 20-də keçiriləcək görüşü səbirsizliklə gözlədiyini bildirib. Putin əlavə edib ki, bu, Mehriban Əliyevanın Rusiyaya rəsmi statusda ilk səfəridir.

Azərbaycanda rus dili və mədəniyyətinə münasibətin ən yüksək səviyyədə olduğunu qeyd edən Putin bu işdə şəxsən Mehriban Əliyevanın xidmətləri olduğunu vurğulayıb.

Mehriban Əliyeva rəsmi səfər dəvətinə görə Rusiya rəhbərinə təşəkkürünü bildirib, Prezident İlham Əliyevin salamlarını çatdırıb. Bizim müştərək tariximiz olduğunu deyən Birinci vitse-prezident gənc nəsillər arasında da əlaqələrin qorunması zərurətindən bəhs edib.

O tələbəlik illərinin Moskvada keçdiyini diqqətə çatdıraraq bu şəhərin ona doğma olduğunu söyləyib.
Ardını oxu...
Ardını oxu...
Ardını oxu...
Ardını oxu...

Ardını oxu...

Noyabrın 18-də Türkiyə Cümhuriyyətinin (TS) prezidenti Rəcəb Tayyip Ərdoğan İstanbulda ombudsmanların 2-ci konfransında bəyan edib ki, müasir dünyada öz xalqı tərəfindən dəstəklənməyən hakimiyyətlər xarici müdaxilələr qarşısında daha zəif olurlar.
 Prezident qeyd edib ki, dövlət strukturlarının xalq qarşısında məsuliyyəti nə qədər yüksək olursa, dövlət də o qədər güclü olur.

«Türkiyə uzun illər ərzində təhdidlərlə uğurlu mübarizə aparıb və öz gücünü artırıb. Biz, Türkiyə iqtisadiyyatına ziyan vurmaq cəhdlərinin qarşısını almışıq və terrorçuluğa zərbələr vurmaqdayıq» – deyə, Ərdoğan bildirib («Anadolu»).

Dövlət başçısı qeyd edib ki, əhalinin problemlərini həll etməyən və vətəndaşlarının narazılığını güc vasitəsilə boğmağa cəhd göstərən hakimiyyətlər yekunda, öz siyasətinin ciddi və dağıdıcı nəticələrilə qarşılaşırlar.

«Xarici güclər öz aralarında bölgənin neft resurslarını bölmək niyyətindədirlər. Türkiyənin də bu prosesdə iştirakını təklif ediblər. Ancaq Ankara bu təklifi rədd etdi və bildirdi ki, onun üçün resurslar yox, insan taleyi əhəmiyyət daşıyır» - deyə, prezident bildirib.

Bu təklifin məhz kimlərdən gəldiyini Ərdoğan dəqiqləşdirməyib. Böyük ehtimalla, o, mümkün təşəbbüsün məhz Birləşmiş Ştatlardan gəldiyinə işarə vurub.

Məlum olduğu kimi, Türkiyə prezidenti noyabrın 13-də bu ölkədə səfərdə olub. Ötən çərşənbə günü Ərboğan Ağ Evdə Donald Trampla danışıqlar aparıb. Ardınca liderlərin ünsiyyəti geniş formatda davam edib və bu görüşlərdə indiyə qədər Türkiyəyə yönəlik sanksiyaları dəstəkləyən (S-400 ZRK-lara və «Sülh çeşməsi» əməliyyatına görə) bir neçə amerikalı senator da iştirak edib.

Məlum olduğu kimi, oktyabrın 21-də ABŞ müdafiə naziri Mark Esper xəbər vermişdi ki, Tramp administrasiyası ABŞ hərbçilərinin bir qismini Suriyanın şimal-şərqində yerləşən neft yataqlarını qorumaq üçün ərazidə saxlaya bilər. Bu əraziyə isə əsasını kürdlərin təşkil etdiyi və «Suriya demokratik qüvvələri» (SDQ) adlandırılan terrorçular nəzarət edir. Pentaqon başçısı bildirib ki, guya bu, Suriya neftinin yenidən İŞİD qruplaşmasının əlində keçməməsi üçün lazımdır.

Bundan əvvəl Rusiya Müdafiə Nazirliyi belə bir bəyanatla çıxış etmişdi ki, Birləşmiş Ştatlar Suriyada «dövlət səviyyəsində qarətlə» məşğuldur və qeyri-qanuni yolla ələ keçirdiyi ərazilərdə faydalı qazıntıların hasilatını həyata keçirir.

Rusiyanın əldə etdiyi peyk çəkilişləri deyilənləri təsdiqləyir. Hasil edilmiş neft həcmləri isə Suriyadan kənarda emala məruz qoyulur.

Beləliklə, bir daha təsdiqlənir ki, ABŞ Suriyada (eləcə də İraqda, Liviyada və s.) terrorla mübarizə aparmaq bəhanəsi altında bu ölkələrin təbii sərvətlərini talamaqla məşğul olur. Kürd terrorçuları isə Suriyada onun «quyruq bulayanı» qismində çıxış edirlər.

AzPolitika.info

 

Dünyapress TV

Xəbər lenti