Ardını oxu...

Türkmənistan Prezidenti Qurbanqulu Berdiməhəmmədovun Azərbaycan Respublikasına səfəri oktyabrın 25-də başa çatıb.

“Report” xəbər verir ki, Prezident Qurbanqulu Berdiməhəmmədovu Heydər Əliyev Beynəlxalq Aeroportunda Azərbaycanın Energetika naziri Pərviz Şahbazov, Xarici İşlər nazirinin müavini Mahmud Məmməd-Quliyev və digər rəsmi şəxslər yola saldılar.


Ardını oxu...

İran İslam Respublikasının Prezidenti Həsən Ruhaninin Azərbaycan Respublikasına səfəri oktyabrın 25-də başa çatıb.

“Report” xəbər verir ki, Prezident Həsən Ruhanini Heydər Əliyev Beynəlxalq Aeroportunda Azərbaycan Respublikası Baş Nazirinin müavini Şahin Mustafayev, İqtisadiyyat naziri Mikayıl Cabbarov, Xarici İşlər nazirinin müavini Mahmud Məmməd-Quliyev və digər rəsmi şəxslər yola saldılar.

Ardını oxu...

Əfqanıstan İslam Respublikasının Prezidenti Məhəmməd Əşrəf Qani Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün Azərbaycan Respublikasına səfərə gəlib.

“Report” xəbər verir ki, Prezident Məhəmməd Əşrəf Qanini Heydər Əliyev Beynəlxalq Aeroportunda Azərbaycan Respublikası Baş Nazirinin müavini Əli Əhmədov, Xarici İşlər nazirinin müavini Nadir Hüseynov və digər rəsmi şəxslər qarşılayıblar.

Ardını oxu...

Azərbaycan Respublikasının Prezidenti İlham Əliyev oktyabrın 24-də Oman Sultanlığı Dövlət Şurasının sədri Yahya bin Məhfuz Əl-Munzirinin başçılıq etdiyi nümayəndə heyətini qəbul edib. “Report” xəbər verir ki, nümayəndə heyətini salamlayam Prezident İlham Əliyev deyib:

– Xoş gəlmisiniz. Sizi görməyimə çox şadam. Bilirəm ki, yenicə gəlmisiniz.

Yahya bin Məhfuz Əl-Munziri: Bəli.

Prezident İlham Əliyev: Ümidvaram ki, ölkəmizə səfəriniz çox maraqlı və məhsuldar olacaq.

Yahya bin Məhfuz Əl-Munziri: İcazə verin, fürsətdən istifadə edərək Zati-aliləri Qabusun salamlarını şəxsən Sizə və Azərbaycan xalqına çatdırım.

Prezident İlham Əliyev: Təşəkkür edirəm. Mənim də salamlarımı və ən xoş arzularımı Zati-alilərinə və xalqına çatdırın. Əminəm ki, Bakıya səfəriniz ərzində şəhərimizlə tanış olacaqsınız, Azərbaycanın inkişafını görəcəksiniz və həmçinin Zirvə Görüşündə iştirak edəcəksiniz. Omanın Zirvə Görüşündə çox yüksək səviyyədə təmsil olunduğuna görə ölkənizə çox minnətdarıq. Bu, sizin bu qurumda üzvlüyə verdiyiniz əhəmiyyəti göstərir, eyni zamanda, biz bunu bizə olan dostluğun göstəricisi hesab edirik. Çünki ev sahibliyi edən ölkə olaraq biz bu mühüm beynəlxalq tədbiri təşkil etmişik və üç il ərzində bu quruma sədrlik edəcəyik. Sözsüz ki, biz Qoşulmama Hərəkatı çərçivəsində, eləcə də ikitərəfli formatda birlikdə işləyəcəyik.
Sizin səfəriniz həm də ikitərəfli əməkdaşlığımızın bəzi məsələlərini müzakirə etmək üçün yaxşı imkandır. Siyasi əlaqələrin səviyyəsi, siyasi dialoq və beynəlxalq təşkilatlarda, xüsusilə BMT-də, İslam Əməkdaşlıq Təşkilatında bir-birimizə nümayiş etdirdiyimiz həmrəylik bizi çox qane edir. Biz, həmçinin iqtisadi əlaqələrimizi genişləndirmək istəyirik, bugünkü əlaqələr orta səviyyədədir. Lakin düşünürəm ki, birgə səylərlə biz yaxşı irəliləyişə nail ola bilərik, çünki bizim bir-birimizə təklif edəcəyimiz çox şey var. Bununla biz ticari əlaqələrimizi genişləndirə bilərik. Biz bir çox əməkdaşlıq sahələrini tapa bilərik və mən çox şadam ki, indi Sizin ölkənin vətəndaşları Azərbaycana daha müntəzəm səfər edirlər.

Yahya bin Məhfuz Əl-Munziri: Bura onlar və ailələri üçün səfər etmək baxımından yaxşı yerdir.

Prezident İlham Əliyev: Bəli, tamamilə doğrudur. Həmçinin sərbəst viza rejimi onlara istədikləri vaxt ölkəmizə gəlmək imkanı verir. Mən sizə Azərbaycanda yaxşı vaxt keçirməyi arzu edirəm.

Yahya bin Məhfuz Əl-Munziri: Zati-aliləri, mən keçən il burada olmuşdum. Həmçinin parlamentinizin 100 illik ildönümünü qeyd etmək üçün tədbirlərə qatılmaq məqsədilə gəldiyim zaman Sizinlə görüşmək mənim üçün şərəf idi. Biz Azərbaycanda, Bakıda çox gözəl vaxt keçirdik. Bu səfər çərçivəsində biz Sizin rəhbərliyinizlə üç il müddətində Qoşulmama Hərəkatının uğur qazanması üçün bütün səyləri artıracağıq. Omanda infrastrukturumuza sərmayə yatırmaq üçün çox böyük imkanlar var, xüsusilə mən Dokon və digər layihələri nəzərdə tuturam. Ümid edirik ki, bu sahədə ölkələrimiz arasında müəyyən ikitərəfli razılaşmalar olacaq.
Zati-aliləri, Sizinlə görüşmək üçün mənə vaxt ayırdığınıza görə çox sağ olun.
Prezident İlham Əliyev: Sağ olun.

Ardını oxu...
Cibuti Respublikasının Prezidenti İsmail Ömər Qelleh Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün oktyabrın 24-də Azərbaycan Respublikasına səfərə gəlib.
Yeniavaz.com xəbərinə görə, Cibutinin Prezidenti İsmail Ömər Qellehi hava limanında Azərbaycan Respublikası Baş Nazirinin müavini Şahin Mustafayev və digər rəsmi şəxslər qarşılayıblar.

Ardını oxu...

BMT daim ərazi bütövlüyü və sərhədlərin toxunulmazlığı prinsiplərini müdafiə edib.

“Report” xəbər verir ki, bu barədə Bakıda səfərdə olan BMT Baş Assambleyasının prezidenti Ticani Məhəmməd-Bande jurnalistlərə bildirib.

“BMT daim bütün ölkələrin ərazi bütövlüyü və sərhədlərinin toxunulmazlığı prinsiplərinə sadiq olub. Bu prinsiplərə əsasən, beynəlxalq hüququn qurulmasına xidmət göstərmişik. BMT sərhədlərin toxunulmazlığı məsələsini fəaliyyətində daim rəhbər tutub”, – deyən BMT rəhbəri Dağlıq Qarabağ münaqişəsinə dair mövqelərini Təhlükəsizlik Şurasının 4 qətnaməsində ortaya qoyduqlarını da xatırladıb.

BMT Baş Assambleyasının prezidenti güc yolu ilə dəyişdirilən, habelə tərəflərdən birinin razılığı olmadan dəyişdirilən sərhədləri tanımadıqlarını da vurğulayıb: “Bizim fikrimizcə, bu kimi məsələləri həll edəcək mexanizm qurulmalıdır. Bizim də məqsədimiz belə bir mexanizmi tam dəstəkləməkdir. Danışıqların davam edəcəyinə və bu münaqişənin sülh yolu ilə həll olunacağına çox ümidvarıq”.


Ardını oxu...

Türkiyə Prezidenti Rusiyaya səfər edib.

Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında görüş keçirilib.

Görüş zamanı müzakirələrin əsas gündəmini Suriya məsələsi təşkil edib.

“Bu görüşün “Sülh çeşməsi” əməliyyatına müsbət təsiri olacaq”. Bu sözləri Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə görüşündən sonra mətbuata açıqlamasında deyib.

“Tarixi razılaşmaya imza atdıq. 23 oktyabr tarixindən etibarən, 150 saat ərzində YPG təhlükəsizlik bölgəsindən çıxacaq. 150 saatın tamamında rus-türk patrul fəaliyyəti başlayacaq” – deyə Ərdoğan bildirib.

Qeyd edək ki, liderlərin görüşü 6 saat davam edib.


Ardını oxu...

“Türkiyənin Suriyanın şimal-şərqindəki “Barış bulağı” hərbi əməliyyatları başa çatıb. Bundan sonra hər şey kürd qruplaşmalarının geri çəkilməsindən asılı olacaq”.

APA-nın Rusiya bürosunun məlumatına görə, bunu jurnalistlərə açıqlamasında Rusiya xarici işlər naziri Sergey Lavrov bildirib.

“Əmıliyyatlar başa çatıb. İndi hər şey razılıqların necə icra olunmasında, o cümlədən kürd qruplaşmalarının qüvvələrini geri çəkməsindən asılı olacaq”, – deyə Rusiya XİN başçısı vurğulayıb.

Qeyd edək ki, bu gün Soçi şəhərində Türkiyə və Rusiya prezidentləri – Rəcəb Tayyip Ərdoğan və Vladimir Putin arasında Suriya münaqişəsinin nizamlanması ilə bağlı 6 saatdan çox danışıqlar keçirilib. Danışıqların yekunu ilə bağlı Putin və Ərdoğan birgə mətbuat konfransı keçiriblər. Danışıqların yekunu ilə bağlı birgə Memorandum qəbul olunub.

Ardını oxu...
İçində yüksəkçinli türkiyəli rəsmilərin olduğu təyyarə Ankara hava limanından Suriyanın paytaxtı Dəməşq istiqamətində uçub.

Axar.az xəbər verir ki, bu barədə “ASASmedya.info” özəl mənbələrinə istinadla informasiya yayıb.

Məlumata görə, onlar Suriya tərəfi ilə danışıqlar aparmaq üçün bu ölkəyə yollanıblar.

“20 noyabra qədər ABŞ, Türkiyə, Rusiya və Suriya eyni masa ətrafında toplanıb razılığa gələcəklər. Suriya məsələsi ilə bağlı İranın təcrid ediləcəyi və masada olmayacağı deyilir”, - mənbə bildirib.

Dünyapress TV

Xəbər lenti