“Sərhəd komissiyalarının işi və hüquqi sənədlər, 1991-ci il Almatı sazişi əsasında delimitasiya prosesinin başlanması ilə bağlı ümidverici xəbərlər var”.

Bu barədə Avropa İttifaqının (Aİ) Cənubi Qafqaz üzrə xüsusi nümayəndəsi Toyvo Klaar “X” hesabında bildirib.

Diplomat vurğulayıb ki, Aİ Azərbaycan-Ermənistan münasibətlərinin normallaşması prosesini dəstəkləyir:
“Avropa İttifaqı danışıqlar prosesini, hərtərəfli və davamlı nizamlanma məqsədlərini tam dəstəkləyir”, - Klaar yazıb.

2024-cü il aprelin 19-da Azərbaycan Respublikası və Ermənistan Respublikası arasında sərhəddə Azərbaycan Respublikası Baş nazirinin müavini Şahin Mustafayevin və Ermənistan Respublikası Baş nazirinin müavini Mqer Qriqoryanın sədrliyi ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyası və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşü keçirilib.

APA xəbər verir ki, görüş zamanı komissiyalar aşağıdakılar barədə razılığa gəliblər:

-Delimitasiya prosesinin ilkin mərhələsində Tərəflər sərhəd xəttinin ayrı-ayrı hissələrinin Sovet İttifaqı çərçivəsində onun süqutu dövrünə mövcud olduğu hüquqi cəhətdən əsaslandırılmış respublikalararası sərhədə uyğun olaraq Bağanis (ER) - Bağanıs Ayrım (AR), Voskepar (ER) - Aşağı Əskipara (AR), Kirants (ER) – Xeyrımlı (AR) və Berkaber (ER) - Qızılhacılı (AR) yaşayış məntəqələri arasında bilavasitə keçməsini razılaşdırıblar.

-Qərara alınıb ki, sərhəd xəttinin bu hissələrinin təsviri koordinatları yerdəki geodeziya ölçmələrinə əsaslanaraq dəqiqləşdirilməsi nəzərə alınmaqla tərtib edilsin və bu, Tərəflər arasında 15 may 2024-cü il müddətinədək müvafiq Protokol-təsvirlə sənədləşdirilərək razılaşdırılmalı və imzalanmalıdır.

-Razılaşdırılıb ki, Tərəflər sərhəd xəttinin razılaşdırılmış hissələrində öz sərhəd xidmətlərinin eyni vaxtda və paralel yerləşdirilməsi üçün tədbirlər görmək məqsədilə öz hökumətlərinə müraciət edəcəklər. Həmçinin razılaşdırılıb ki, delimitasiya prosesi tam başa çatana qədər Protokol-təsvirdə göstərilən sərhəd xəttinin hissələri delimitasiya edilmiş hesab olunsun.

-Paralel olaraq, Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi üzrə Komissiyanın Birgə fəaliyyəti haqqında Əsasnamə layihəsinin razılaşdırılması üzrə işin 1 iyul 2024-cü il müddətinədək başa çatdırılması və dövlətdaxili razılaşdırmalar prosesinə və müvafiq qaydada Tərəflərin dövlətlərinin qanunvericiliyinin tələblərinə uyğun olaraq Əsasnamənin təsdiqinə başlamaq barədə razılığa gəlinib.

-Tərəflər razılaşıblar ki, onlar delimitasiya prosesində 1991-ci il Alma-Ata Bəyannaməsinə əsaslanacaqlar. Tərəflər, həmçinin həmin baza prinsipini Əsasnamə layihəsində təsbit etmək barədə razılığa gəliblər (əgər gələcəkdə Azərbaycan Respublikası ilə Ermənistan Respublikası arasında sülhün və dövlətlərarası münasibətlərin qurulması haqqında Sazişdə başqa cür qərara gəlinərsə, o zaman Əsasnamənin müvafiq bəndi bu Sazişlə müəyyənləşdirilmiş prinsiplərə uyğunlaşdırılacaq).

-Tərəflər Əsasnaməni təsdiq etdikdən sonra növbəliliyi razılaşdırmaq və sərhədin bütün digər hissələrinin, o cümlədən anklav və eksklav məsələləri üzrə delimitasiya prosesini davam etdirmək barədə razılığa gəliblər.

Görüşün nəticəsində protokol imzalanmışdır. Növbəti görüşün keçirilməsi tarixinin və yerinin işçı qaydada razılaşdırılması qərara alınıb.

Türkiyə ilə Tanzaniya arasında investisiyaların təşviqi və asanlaşdırılması, ali təhsil, arxiv işi və ali təhsil təqaüdləri sahələrində 6 müqavilə imzalanıb.

Bu barədə Anadolu agentliyi məlumat yayıb.

Qeyd edək ki, Tanzaniyanın Prezidenti Samia Suluhu Hassan bu gün Türkiyəyə səfər edib.

NATO Baş katibi Yens Stoltenberqlə Ukrayna Prezidenti Vladimir Zelenski arasında telefon danışığı baş tutub.

Axar.az xəbər verir ki, bu barədə Stoltenberq X sosial şəbəkə hesabında məlumat paylaşıb.

Telefon danışığında Ukraynanın təcili ehtiyacları və NATO-nun dəstəyi məsələləri gündəmə gətirilib.

Tərəflər Rusiya ilə Ukrayna arasında davam edən müharibə və İsrail-İran gərginliyi haqqında da fikir mübadiləsi aparıblar.
Türkiyə Prezidenti Rəcəb Tayyib Ərdoğanın xarici siyasət və təhlükəsizlik məsələləri üzrə baş müşaviri, səfir Akif Çağatay Kılıç ABŞ dövlət katibinin müavini Con Bassla görüşdə Azərbaycanla Ermənistan arasında münasibətlərin normallaşması prosesini müzakirə edib.
“Anadolu” agentliyinin yaydığı xəbərə görə, Prezident İqamətgahında keçirilən görüşdə, həmçinin Ankara ilə Vaşinqton arasındakı ikitərəfli əlaqələr barədə danışılıb.
Bundan başqa, tərəflər Rusiya ilə Ukrayna arasında davam edən müharibə və İsrail-İran gərginliyi haqqında da fikir mübadiləsi aparıblar.
Qeyd edək ki, C.Bass Türkiyədə səfərdədir.
Sputnik

Günümüzdə faktiki olaraq 3-cü Dünya müharibəsinin ehtimallarını və risklərini müşahidə edirik. Hadisələr Azərbaycanın şimal va cənub qonşularının iştirakı ilə baş verir. Dünyanın bölünməsi və ayrıcı xətlırin cızılması prosesi davam edir. Azərbaycan regionda həyata keçrilməsinə cəhd olunan planlara qarşı qəti mövqe bildirərək buna qarşı çıxır. Bir sözlə, Azərbaycan regionda sabitləşdirici faktor kimi çıxış edir. Bəs gedən prosseslərə qarşı hansı mövqe sərgiləsək, daha məqsədəuyğun olar?

Məsələ ilə bağlı danışan politoloq Turan Rzayev "Sherg.az"a açıqlamasında bildirib ki, hazırda Azərbaycana yaxın olan 2 regionda müharibə başlayıb:
"Ukrayna-Rusiya savaşı davam edir, İsrail-İran arasında gərginlik hökm sürür. Cənubi Qafqaz ətrafında münaqişələrin günü-gündən artması öz növbəsində ölkəmizə sıçraması ehtimallarını da artırır. Ancaq xoşbəxtlikdən Azərbaycan priotritet istiqaməti olan Qarabağ münaqişəsini bitirib. Bu səbəbdən Azərbaycanı regionun ən sabit ölkəsi kimi göstərə bilərik. Ölkəmiz dünyada gedən geosiyasi mübarizədə maksimum dərəcədə neytral qalmağa çalışır. Ümumiyyətlə Azərbaycan hər zaman münaqişələrin beynəlxalq hüquq normalar çərçivəsində həllinin tərafdarı olub. Günümüzdə Ermənistan ilə danışıqlarda israrlı olmağımız, münaqişəli mövzuları sülhlə həll etməyə cəhd etməyimiz bundan irəli gəlir. Təəssüflər olsun ki, Ermənistanın timsalında Cənubi Qafqazı da ''qan çanağ''-na çevirməyə, Azərbaycanı qlobal müstəvidə gedən müharibələr sistemini qoşmağa çalışan qüvvələr mövcuddur.Bu istiqamətdə Ermənistanı təhrik edirlər. Amma Azərbaycan təmkinlidir. Təbii ki, səbrimiz sonsuzadək deyil.Maraqlarımıza zidd olacaq addımlar atılarsa, buna layiqincə cavab verəcəyik ".

Analitik vurğulayıb ki, ən önəmli amil rəsmi Bakının maksimum hərbi variantdan uzaq durması və diplomatik yollarla problemlərin həllində israrlı olmasıdır:
"Buna görə Azərbaycan ''təhlükəsizlik evi'' rolunu oynayır. Əslində Ermənistanla münaqişə çərçivəsində region ölkələrini dəfələrlə sülhə töhvə verməyə səslədik. Bura İranı Rusiyanı misal kimi çəkə bilərik. Bizə zamanında dəstək verməyən bu ölkələr özləri müharibə ilə üz-üzədirlər. Bu bir daha bu tip siyasətin təhlükəli olduğunu göstərir. Münaqişələr üzərindən siyasət aparmaq olmaz və bu sonda həmin ölkələrə real təhdid yarada bilər. Biz bunu hazırda Rusiya və İranın timsalında bir daha sübut edirik".

İsrailə hücumdan əvvəl İran və ABŞ arasında Türkiyə vasitəsi ilə dialoqun aparıldığı üzə çıxıb.
APA-nın xəbərinə görə, bu, Türkiyə Xarici İşlər Nazirliyinin bu gün yaydığı bəyanatda əksini tapıb.

Qeyd edilib ki, yaşanan hadisədən öncə İran və ABŞ rəsmiləri ilə müzakirə aparılaraq tərəflər təmkinli olmağa çağırılıb: “Ölkəmiz vasitəsilə tərəflərin qarşılıqlı gözləntiləri, mesajları çatdırılıb, reaksiyaların mütənasib olması üçün lazımi təşəbbüslər həyata keçirilib. Bu gün biz İran rəsmilərinə və İsrailə təsiri olan Qərb ölkələrinə mesajlarımızı açıq şəkildə çatdırırıq, gərginliyə son qoymağa çağırırıq. Biz regionumuzun sabitliyinə daimi ziyan vuracaq və qlobal səviyyədə daha böyük münaqişələrə səbəb olacaq prosesin qarşısını almaq üçün səylərimizi davam etdirəcəyik. Türkiyə təhlükəsizliyinə təsir edə biləcək bu hadisəni yaxından izləyir və ölkə başçısı mütəmadi olaraq məlumatlandırılır”.

Bəyanatda Türkiyənin İsrailin Qəzzada apardığı müharibənin genişlənmə və genişlənmə riski daşıdığına dair xəbərdarlıqlarını da xatırladıb.

Xatırladaq ki, "Reuters" də İsrailə hücumdan əvvəl İranın Türkiyə vasitəsi ilə bu barədə ABŞ-ı məlumatlandırdığı və əməliyyatın Dəməşqdəki konsulluğuna hücuma cavab olacağı, mülki əhalinin və iqtisadi zonaların hədəf alınmayacağı barədə mesajını çatdırdığı barədə xəbər yayıb.

Qeyd edək ki, bu gün İran xarici işlər naziri Hüseyn Əmir Abdullahian qonşu ölkələrin 72 saat əvvəl İsrailə hücum barədə məlumatlandırıldığını da açıqlayıb.

İsrailin Kiyevin Rusiya ərazisinə endirdiyi zərbələri pislədiyini xatırlamır.

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova İsrailin Rusiyadakı səfiri Simona Qalperinin İranın hücumunu pisləmək çağırışına cavab olaraq deyib.

"Simona, xatırladın ki, İsrail nə vaxt Kiyev rejiminin Rusiya bölgələrinə ən azı bir zərbə endirməsini pisləmişdi? Yadınızda deyil? Mənim də. Ancaq İsrail rəsmilərinin Zelenskinin hərəkətlərini dəstəkləyən mütəmadi bəyanatlarını xatırlayıram",- o bildirib.

Ermənistanın Baş naziri Nikol Paşinyan “Egemen Qazaxıstan” və “Qazaxıstan həqiqəti” qəzetlərinə müsahibəsində Avrasiya İqtisadi Birliyinin (AİB) iqtisadi mahiyyətini vurğulayaraq, İttifaqı siyasiləşdirmək cəhdlərindən çəkinməyə çağırıb. Müsahibə Qazaxıstan Prezidenti Kasım-Jomart Tokayevin aprelin 15-də Ermənistana səfərinə həsr olunub.

Paşinyan vurğulayıb ki, Aİİ siyasi və ya geosiyasi gündəm olmadan fəaliyyət göstərir və bu fikri həm Ermənistan, həm də Qazaxıstan bölüşür. Ticarətin məhdudlaşdırılmasına və siyasi cəhətdən inteqrasiyaya qarşı xəbərdarlıq edərək, birliyin təməl prinsiplərinə riayət etməyin vacibliyini vurğuladı.

Həm Ermənistan, həm də Qazaxıstan beynəlxalq hüquq normalarına riayət olunmasına, o cümlədən dövlət suverenliyinin və ərazi bütövlüyünün tanınmasına, həmçinin milli sərhədlərə hörmət edilməsinə prioritet əhəmiyyət verirlər. İqtisadiyyatın şaxələndirilməsinə və tranzit potensialına ümumi bağlılığı əsas beynəlxalq məsələlərdə tutarlılığını gücləndirir.

İki ölkə arasındakı iqtisadi əməkdaşlıq, Qida Sənayesi, zərgərlik və əczaçılıq kimi ənənəvi sektorlardan kənara çıxır, yenilikçi texnologiyalara və müştərək startaplar və alət layihələri kimi ortaq müəssisələrə diqqət yetirir.

Paşinyan bu yaxınlarda Yerevanda nəqliyyat marşrutlarının şaxələndirilməsi və yeni ixrac-idxal və tranzit əməliyyatlarının öyrənilməsi məsələlərini müzakirə edən Ermənistan-Qazaxıstan Biznes Forumunu yüksək qiymətləndirdi. O, bu səylərdən maddi nəticələr gözləyərək, milli suverenliyə və bərabərliyə hörmətlə regionun logistik imkanlarının genişləndirilməsinə yönəlmiş Ermənistanın “dünyanın kəsişməsi” layihəsinin potensialını vurğulayıb.(Turan)

Ermənistan KTMT ölkələri arasında hərbi əməkdaşlığın inkişafı üzrə Hərbi Komitənin iclasında iştirak etməyib.
TEREF oxu.az-a istinadən xəbər verir ki, görüş aprelin 12-də Rusiya Federasiyası müdafiə nazirinin birinci müavini Valeri Gerasimovun rəhbərliyi ilə videokonfrans formatında baş tutub.

İclasda Belarus, Qazaxıstan, Qırğızıstan və Tacikistanın nümayəndələri iştirak ediblər. İştirakçılar arasında Ermənistan nümayəndəsi olmayıb.

"Görüş zamanı KTMT-nin kollektiv təhlükəsizlik regionlarında hərbi təhlükəsizliyə çağırışlar və təhdidlər müzakirə edilib”, - məlumatda deyilir.