Ardını oxu...
"Bizim hərbçilərimiz İdlibdə qalacaqlar, onların geri çəkilməsindən söhbət belə getmir" - Hulusi Akar

Rusiya və Türkiyə Suriyanın İdlib bölgəsi ilə bağlı danışıqlarda məsələlərin böyük əksəriyyəti üzrə razılaşma əldə edib. Sputnik Azərbaycan Türkiyə KİV-nə istinadən xəbər verir ki, bunu Türkiyənin müdafiə naziri Hulusi Akar bildirib.

"Rusiya nümayəndə heyəti ilə danışıqlar davam edir, məsələlərin böyük əksəriyyəti üzrə razılaşmalar əldə olunub. Bizim hərbçilərimiz İdlibdə qalacaqlar, onların geri çəkilməsindən söhbət belə getmir", - deyə Akar qeyd edib.
Qeyd edək ki, Türkiyə martın 5-də əldə olunan razılaşmaya uyğun olaraq Suriyanın İdlib vilayətində olan ağır texnikasının bir hissəsini öz ərazisinə geri çəkməyə başlayıb.

Xatırladaq ki, martın 5-i Moskvada Rusiya və Türkiyə Prezidentləri Vladimir Putin və Rəcəb Tayyib Ərdoğan Suriyanın İdlib regionunda gərginliyi müzakirə edib. Görüşün yekunlarına dair birgə sənəd qəbul olunub. Tərəflər "Astana formatı"na sadiq olduqlarını bildirib və həmin gün gecə yarısından İdlib vilayətində atəşkəs rejiminin tətbiq olunduğunu bəyan ediblər. Bundan əlavə, tərəflər strateji əhəmiyyətə malik və yaraqlıların əlində olan M4 trasında birgə patrul aparılmasına dair razılıq əldə olunub.
Ardını oxu...
Ərgün Dilər

“Takvim”, Türkiyə, 07 mart 2020-ci il



Ərdoğan və Putin Moskvada atəşkəsi gətirən addımlar atdı. İndi hər kəsin ağlında bu suallar vardır: “Silahlar susacaqmı?”, “Suriyada məsələ həll olunacaqmı?”, “Ölkə bölünəcəkmi, neçə parça olacaq və kim haraya hökm edəcək?”

Əlbəttə, ağıllarda başqa suallar da vardır.

Moskvada keçirilən zirvə görüşü haqqında hər kəs yazdı, yazmaqda davam edir. Mən başqa yolla gedib, buralarda məlum olmayan başqa bir zirvə görüşü haqqında yazmaq istəyirəm. Çünki ABŞ-da yazanlar vardır.

MKİ 2019-cu ilin aprel ayında ilk dəfə “İnstagram”dan paylaşım etdi. Dağınıq və predmetlərlə dolu bir masa idi. Kadrda olan masa üzərində 10-dan çox predmet vardı. Hamısını bir-bir açıqlamağa ehtiyac yoxdur. Lakin o masaya baxarkən həmən gözə çarpan şeylər var idi. Masa üzərində olan bitki MKİ-nin xarici kəşfiyyat təşkilatları daxilindəki “kökləri”ni anladan iddialı bir bənzətmə, eyham idi. Masadakı klassik saat isə əqrəbləri və saniyəölçəni vasitəsilə mesaj verirdi. Həmin saat 8.46-nı, yəni “Əkiz qüllələr”ə edilən hücumun vaxtını göstərirdi. Divarda, masanın həmən üzərində bir xəritə də var idi. Oradakı Asiya xəritəsi də ilk rəqibin Çin olduğunu ifadə edirdi.

Mövzu masa və ya predmetlər deyil, çatdırmaq istədiyim başqa şeydir. “İnstagram”dan bu paylaşımı edən çox tanınmasa da, çox önəmli bir şəxs – MKİ direktorunun müavini Endryu Makridis idi.

İndi keçək Moskvaya… İdlib, əslində, Rusiyanın böyük Aralıq dənizi planı üçün çox önəmlidir. ABŞ, Türkiyə ilə Rusiyanın İdlib məsələsi ilə bağlı anlaşmazlıq içində bir yolda irəliləməsini istəyir. Bunu çox yazdım. 05 martdakı Ərdoğan-Putin görüşü, əlbəttə, çox önəmli idi. Ancaq bu toplantıdan bir neçə gün öncə Moskvada çox önəmli daha bir görüş də oldu. MKİ direktorunun müavini Endryu Makridis (yəni, “İnstagram”dan ilk paylaşımı edən MKİ-nin 2 nömrəli adamı) ilə Rusiya FTX-nin direktoru Aleksandr Bortnikov çox önəmli bir görüş keçirdi. Görüşün mövzusu, əlbəttə, Ərdoğanla Putinin Moskvada keçirəcəyi zirvə görüşü idi. Markidisin ABŞ-ın NATO vasitəsilə Türkiyəyə dəstək verməyəcəyini əl altından Moskvaya çatdırması həyəcanın dozasını artırdı. Təbii, rusları da sevindirdi.

Makridis, Bortnikova yeni dövrdə Suriyada xaosun bitməyəcəyini söylədi. Bu səbəblə, Rusiyanın da öz planlarını buna görə qurmalı olduğu fikrini paylaşdı. Regional sülhün gəlməsini tezləşdirməyin romantizm olacağını vurğuladı. MKİ direktorunun müavini Endryu Makridis Bortnikova “Bir nüsayri dövləti qurma planınız var. Buna qarşı deyilik. Ancaq İdlibi bu hesaba qatmayın” dedi. Sonra Türkiyənin etmək istədiklərini sıraladı…

Doğrusu, bu görüşdə məqsəd Türkiyənin həyata keçirmək istədiklərini masada dəyərləndirmək idi. Pərdə arxasında görüşürdülər. Olan bu idi.

Makridis “İdlibdən ayrılacaq kütlələr, yəni 3 milyondan artıq insan Türkiyənin yönləndirməsiylə YPG-nin olduğu bölgələrə axacaq. Bu, əslində, Türkiyənin “B” planıdır. Türkiyə sərhədinin həmən dibində yeni bir Suriya dövləti qurulmasına bu şərtlə izin verəcək. Bu durumda bizim bütün planlarımız bitər…” deyərək, gündəliyini açıqladı.

Bu səbəblə, Rusiya İdlibdə geri addım atmağa məcbur oldu. Çünki Türkiyənin planı əhalinin hərəkətiylə, sünni əhali kütlələriylə və öz hərbi gücüylə YPG-ni durdurmağı nəzərdə tutur.

ABŞ-ın beynindəki fikir bu idi. Hadisələrə belə baxırdı. Ona görə də kütləvi hərəkətlərin qarşısını almaq üçün Moskvaya atəşkəs tələbiylə getdilər. MKİ bunu istədi, Putin də atəşkəs tələbindən kənara çıxmadı. Və bu, qəbul edildi.

Endryu Makridis “dərin Amerika”nın ən önəmli adamlarından biridir. Ortaya çox çıxmaz. Əfqanıstan məsələsinin, yəni Talibanla əldə edilən razılaşmanın mərkəzində də Endryu Makridis dururdu. O, MKİ-nin naməlum DNT-sini ən yaxşı bilən şəxsdir.

İndi gələk Makridisi Moskvaya göndərən şəxslərə… 01 martda silah lobbisinin bossları Vaşinqtonda görüşdülər. Onlar III Dünya Müharibəsi istəyirlər. Ancaq bunun zamanı var. Bu görüşün sonunda Makridisin Moskvaya göndərilməsi və İdlibdə atəşkəsin əldə edilməsi üçün addımların atılması qərarlaşdırıldı.

İdlibdə anlaşma olmasına baxmayaraq, bölgədə gərginlik davam edəcək. Suriya məsələsi 3 dövlətli həllə qovuşanadək, bu gərginlik artaraq davam edəcək. 3 dövlətli struktur da, əlbəttə, yeni böhranları özü ilə bərabər gətirəcək. Bunu Türkiyə də, Rusiya da, ABŞ da bilir.

ABŞ üçün öncəlikli olaraq həll edilməli olan məsələ Aralıq dənizi və neftdir. Ona görə də neftin qiymətində koronavirusla başlayan düşmə davam edəcək. ABŞ neftlə yaşayan ölkələri özündən asılı vəziyyətə gətirəcək. Bu, Səudiyyə Ərəbistanı üçün də, BƏƏ üçün də keçərlidir. Əlbəttə, Rusiya və İran da bu məsələdə zərər görəcəkdir.

Neftin qiyməti aşağı səviyyədə qaldığı müddətcə, ABŞ-ın əlindəki kozırlar daha da güclənəcək. Amerikan şirkətləri “dərin Amerika” ilə qarşı-qarşıya gəlsələr də, əsla bu qarşıdurmanın tərəfi halına gəlmək istəməzlər. Çünki dövlətlə müharibə etmək olmaz.

Dünyada heç bir şirkət dövlətə qarşı uğur əldə edə bilmədi. Dövlətlərin arxasında “dərin dövlət” olduğu anda heç bir şirkət buna cəsarət edə bilməz. Bu gün Vaşinqtonun, yəni Ağ Evin arxasında “dərin dövlət” var. Tramp “dərin dövlət”ə savaş elan etdi. Sonra isə güzəştə gedərək, sülh sazişi imzaladı. Bu səbəblə, koronavirusla başlayan sıxıntılar amerikan şirkətlərinin “dərin dövlət”ə biət etməsini təmin etdi. ABŞ-ın 20 böyük şirkətinin sahibləri baş icraçı direktorlarını “dərin Amerika”nın önəmli şəxslərinin yanına göndərdilər. Onlar yeni dünya nizamında vəzifəyə hazır olduqlarını söylədilər.

Şirkətlərin bunu öncədən anlamamaları maraqlıdır. Əlbəttə, bu durumun yeganə səbəbi koronavirus deyildir. 3 il idi ki, “dərin Amerika” şirkətləri özünə bağlamaq üçün incə-incə addımlar atırdı. Koronavirus finaldan öncəki addımdır.

Bəs final nə olacaq? Deyəsən, böyük bir müharibə… Yəqin ki, Orta Şərq mərkəzli müharibə olacaq. Neftin ana vətənini xaosla baş-başa buraxaraq, postneft dövrünə keçid üçün bir müharibə olacaq.

Tərcümə Strateq.az-ındır
Ardını oxu...
Türkiyə prezidenti Rəcəb Tayyib Ərdoğan Avropa İttifaqı (Aİ) Şurasının prezidenti Şarl Mişel və Avropa Komissiyasının prezidentiUrsula fon der Leyenlə Brüsseldə bir araya gələcək.

“Report” xəbər verir ki, bu barədə Aİ Şurasının prezidentinin mətbuat xidməti özünün “Twitter” səhifəsində məlumat yayıb.

Qeyd olunur ki, görüş bazar ertəsi ( 9 mart – Red) baş tutacaq. Tərəflər Avropa Birliyi və Türkiyə arasında mövcud əlaqələr, o cümlədən miqrasiya, təhlükəsizlik, bölgədəki vəziyyət və Suriyadakı böhranı müzakirə edəcəklər.

Ardını oxu...

Suriyanın İdlib bölgəsindəki vəziyyətin gərginləşməsindən sonra Türkiyə artıq miqrant və qaçqın axınını dayandıra bilməyəcəyini bəyan edərək Avropa ilə sərhədlərini açıb.


Ardını oxu...
Bundan sonra minlərlə miqrant Yunanıstana axın etməyə başlayıb. Miqrant axınının qarşısını almaq üçün Yunanıstan hökuməti sərhədə yüzlərlə polis və hərbçi cəlb edib.
Ardını oxu...


Nəticədə suriyalı miqrantlar Yunanıstan sərhədində sərt müdaxilə ilə rastlaşıblar. Belə ki, sonuncu dəfə yunan polisi Türkiyə ilə sərhəddə suriyalı hamilə qadını güllələyib. Qadına ətrafdakı insanlar tərəfindən ilkin tibbi yardım göstərilib. Həmin hadisə zamanı daha bir neçə suriyalının da yaralandığı bildirilib.


Buna baxmayaraq Almaniyada “Seebrücke” beynəlxalq hərəkatının təşkilatçıları Türkiyə-Yunanıstan sərhədi boyunca Avropaya daxil olmağa çalışan qaçqınları qəbul etmək istədiklərini bəyan ediblər. Hərəkat nümayəndələri bildirib ki, bu məqsədlər üçün boş mənzillərdən istifadə etmək olar. Bundan əlavə, onlar Yunan adalarındakı qaçqın düşərgələrinin sakinlərini təxliyə etməyə çağırıblar.
Ardını oxu...
“Avropa Putinin döyüş cinayətlərinə qarşı Türkiyənin yanında dayanmalıdır”...

Arslan Bulut

“Yeniçağ” qəzeti, Türkiyə, 6 mart 2020-ci il

Tayyib Ərdoğan Putinlə görüşmək üçün Moskvaya yola düşəndə, yəni saat 10.35-də İngiltərədə hələ səhər yeni açılmışdı. “Financial Times” qəzeti narıncı inqilabların maliyyəçisi və əslən macar yəhudisi olan amerikalı milyarder Corc Sorosun bir məqaləsini dərc etmişdi.

Soros: “Avropa Putinin döyüş cinayətlərinə qarşı Türkiyənin yanında dayanmalıdır”, deyirdi.

Soros 2015-ci ilin sentyabrında Rusiyanın başlatdığı Suriya əməliyyatı ilə təkcə “ən sadiq ərəb müttəfiqi” olaraq tanıdığı Bəşər Əsədi qorumaq istədiyini deyil, eyni zamanda, Sovet İttifaqı dağılandan bəri itirdiyi regional və qlobal gücü yenidən bərpa etməyə çalışdığını da qeyd edirdi.

BBC Türkiyənin də yayımladığı məqalədə Soros aşağıdakı fikirləri müdafiə edib:

“6 milyon suriyalının qaçqına çevrilməsi Rusiya liderinin Suriya ilə bağlı strategiyasının əlavə bir ünsürü deyil, əsas məqsədlərindən biridir. Əsəd İosif Stalindən sonra dünyanın gördüğü ən barbar liderdir. Suriya hökuməti Rusiyanın verdiyi hava dəstəyi ilə müharibə cinayətləri törədir.

Əsəd və onun rus müttəfiqləri tərəfindən İdlibdə sıxışdırılan vətəndaşları müdafiə etmək üçün hərbi gücündən istifadə edən tək ölkə Türkiyədir. 3,5 milyon qaçqına ev sahibliyi edən Türkiyə Əsəd və Putinin sərhədlərə göndərdiyi 1 milyon adamı qəbul edə bilməz.

Türkiyənin də kürdlərə, yəni öz xalqına güc göstərməsinin şahidi olduq, amma ən azından Suriya mövzusunda Türkiyə Avropadan dəstək almağa layiqdir. Bu səbəbdən, Avropa suriyalı qaçqınlara İdlibdə “təhlükəsiz bölgə” təklif edən atəşkəs razılaşması əldə etmək üçün Türkiyə prezidenti Rəcəb Teyyub Ərdoğanın Putinlə apardığı danışıqları dəstəkləməlidir. Ümid edirəm ki, bu həm də Putinin müharibə cinayətlərini Avropadakı dialoqun mərkəzinə yerləşdirər”.

Türkiyəyə dəstək məsələsində NATO-nun baş katibi Cens Stoltenberq də öz fikrini bildirib. Stoltenberq İttifaqın İdlib böhranı mövzusunda Türkiyəyə necə dəstək verə biləcəyinə dair bir sualı cavablandırarkən: “İspaniyadan Türkiyənin cənubuna Patriot batareyası yerləşdirmişdik. “AWACS” təyyarələri havada patrul gəzirlər və baza ziyarətlərini də artırmışıq. Türkiyəyə xüsusi zəmanət verən tədbirlərimiz də var . Bu səbəbdən, NATO-nun Türkiyədəki varlığı da gedərək artır”, deyib.



Stoltenberq Suriyada etibarlı bir bölgə yaratmaq ehtimalı ilə bağlı bir suala cavab verərkən NATO-nun Suriyada olmadığını vurğulayıb. Türkiyənin İraq və Suriyaya qonşu olduğuna işarə edərək, heç bir NATO üzvü ölkənin Türkiyə qədər cənubdan gələn şiddət və hücumlardan təsirlənmədiyini yazan Stoltenberq: “Vəziyyəti davamlı olaraq qiymətləndiririk və Türkiyəyə dəstək veririk”, deyə qeyd edib.

Soros onsuz da 2003-ci ilin may ayında Sabancı Universitetində çıxış edərkən: “Türkiyənin Argentinadan tək fərqi strateji mövqeyidir. Bu strateji mövqeyinə bağlı olaraq, Türkiyənin ən yaxşı ixracat məhsulu da məhz ordusudur”, demişdi. Elə həmin il Nyu Yorkda olan, o dövrün dövrün Xarici İşlər naziri Abdullah Güllə görüşdükdən sonra mətbuata açıqlama verən Soros: “Türk ordusunun nüfuzu ictimaiyyətə bəllidir, ancaq mən bu mövzuda zarafat edirdim”, demişdi. Abdullah Gül isə o görüşdə Sorosu Türkiyədə sərmayə qoymağa dəvət etmiş və Soros Fondunun da Türkiyədə fəaliyyət göstərməsini istəmişdi. Soros Açıq Cəmiyyət İnstitutunun Türkiyə şöbəsini 2001-ci ildə fəaliyyətə başlatmışdı.

Soros və Stoltenberqin şərhlərindən bəlli olur ki, ABŞ və Avropa Türkiyənin Suriya rejiminin üstünə getməsindən çox məmnundur. Türkiyə onsuz da qeyd edildiyi kimi Suriya rejimini yıxmağa çalışır. Əgər rejim Suriyada yıxılsa, ölkə, şübhəsiz, parçalanacaq. Beləcə İsrail, Türkiyə rəhbərliyindən istifadə edərək ən yaxın düşmənini aradan qaldırmış olacaq.

Orijinal

Tərcümə PİA.az-ındır.
Ardını oxu...
Türkiyə ilə əməkdaşlığın yolunu axtarın!

Axar.az xəbər verir ki, bu sözləri NATO rəhbəri Yens Stoltenberq Avropa Birliyinə (AB) miqrasiya ilə bağlı çağırışında deyib.

Stoltenberq Türkiyənin önəmli müttəfiq olduğunu xatırladıb:

“Sərhədki böhranın həlli yolu əməkdaşlıqdan keçir”.
Ardını oxu...
"İdlibdə vəziyyət elə ağırlaşdığından bizim birbaşa müdaxilə etməyimizə ehtiyac yaranıb".

Bunu Rusiya prezidenti Vladimir Putin Türkiyə prezidenti Rəcəb Tayyib Ərdoğanla görüşdə bildirib.

“Son günlərdə İdlibdə bir sıra hadisələr baş verdi. Suriyada həyatını itirən hərbçilərinizə görə başsağlığı verirəm. Telefon danışığımızda ifadə etdiyim kimi heç kim orada Türkiyə hərbçisinin olduğunu bilmirdi. Suriya hərbçiləri arasında da itki olub. Bu hadisələri təkrarlanmaması və hər ikimizin də əhəmiyyət verdiyimiz əlaqələrə zərər verməmək üçün görüşməyimizə ehtiyac var. Bu məsələləri təkbətək müzakirəyə başlayaq. Daha sonra zalda olanlar da qoşula bilər”, - deyə Vladimir Putin bildirib.

Türkiyə prezidenti Rəcəb Tayyib Ərdoğan cavab nitqində deyib: "Məlum bu görüşü Türkiyədə keçirəcəkdik. Sizin konstitusiya ilə bağlı fəaliyətinizə görə görüşü burada gerçəkləşdiririk. İdliblə bağlı müzakirələr səbəbi ilə bir araya gəlməyimizin əhəmiyyəti böyükdür. Bölgədə sıxıntı böyüyür. Bu gün burada atacağımız addım, qəbul edəcəyimiz qərarlar, bölgəni də, ölkələrimizi də rahat edəcək. Türkiyə-Rusiya əlaqələrinin gərgin dönəmini yaşayırıq. İstər müdafiə sənayesi, istərsə də ticarət əlaqələrimizdə çox fərqli bir dövrü yaşayırıq”.


Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında görüş başlayıb.

Görüş təkbətək formatda keçirilir.

Qeyd edək ki, son zamanlar Türkiyə və Rusiya arasında üç mərhlədə keçirilən danışıqlar uğursuz olub.

Xatırladaq ki, martın 5-də dövlət başçıları Suriyadakı vəziyyəti müzakirə ediblər. //“Report”
Ardını oxu...
Hesab edirik ki, apreldə Suriyada keçiriləcək parlament seçkilərinin hüquqi qüvvəsi olmayacaq.

Axar.az xəbər verir ki, bu sözləri Türkiyə Prezident Administrasiyasının sözçüsü İbrahim Qalın deyib.

“Ankara bu seçkiləri tanımır. Ümid edirik ki, Suriya hakimiyyətinə şəffaf və qanuni seçkilər keçirəcək şəxslər gələcək”, - deyə Qalın bildirib.

Qeyd edək ki, Suriya Prezidenti Bəşər Əsəd parlament seçkilərinin 13 aprel tarixinə təyin olunması ilə bağlı qərar verib.

Ardını oxu...
 

Almaniyanın Müdafiə naziri Kramp Karrenbauer Anneqret, hökuməti Rusiyaya qarşı sanksiyalar tətbiq etməyə çağırıb.

Publika.az-ın məlumatına görə, o bildirib ki, Rusiya Suriyada qətliamlarda iştirak edir. Buna görə də, Almaniya Rusiya ilə əlaqələrə məhdudiyyətlər tətbiq etməlidir. Nazirin sözlərinə görə, İdlibdəki humanitar fəlakətin dayandırılması üçün Moskva böyük təsir imkanlarına malikdir və bundan istifadə etməlidir.

Kramp qaçqınların yerləşdirilməsi üçün Suriyada təhlükəsizlik bölgəsinin yaradılmasının vacibliyinə toxunub.

Dünyapress TV

Xəbər lenti