Ardını oxu...
Biləsuvar rayonunun Ağayrı kəndində 500-dən çox ailə var, kəndlilərin əsas dolanışıq yeri əkinçilik və heyvandarlıqdır. DİA.AZ-ın məlumatına görə, kənd sakinləri deyir ki, əkin sahəsi olmayanlar dolana bilmirlər. Kənd sakini Böyükağa Vəkil oğlu Əliyevin sözlərinə görə, Bakıya gəlib iş tapmaqda çətinlik çəkir, kənddə əlavə iş yeri, məşğuliyyət yoxdur. Doğma kəndində torpaq götürüb təsərrüfatla məşğul olmaq, dolanmaq istəyir. Bunun üçün aylardır bələdiyyəyə müraciət etsə də, nəticəsi yoxdur:

«Bələdiyyənin balansında hektarlarla boş torpaq sahəsi var. 42,5 hektar torpaq icarəyə götürüb, təsərrüfatla məşğul olmaq istəyirəm, rüsumu ödəməyə hazıram. Amma bələdiyyə sədri Allahverdi Zeynalov aylardır müxtəlif bəhanələrlə müraciətimə cavab vermir. Dəfələrlə rayon icra hakimiyyətinin rəhbər şəxslərinin qəbulunda olmuşam. Ümumiyyətlə müraciət etmədiyim qurum qalmayıb”.

Kənd sakinləri deyir ki, Allahverdi Zeynalov 20 ildir kənd bələdiyyəsinin sədridir. Ona edilən müraciətlərə baxmayaraq, cavanlara kənddə işləmək üçün şərait yaradılmır.

“Sahələr boş saxlanılır, halbuki onları əkib-becərməklə onlarla adam işlə təmin olunar», - Böyükağa Əliyev deyir.

Şikayətçi bildirib ki, kənddə əsasən arpa, pambıq əkilir, torpağı olmayanlar təsərrüfatlarda günəmuzd çalışırlar.

Bütün bu narazılıqlara baxmayaraq yerli RİH baş verənləri sükutla qarşılayır, edilən şikayətləırə münasibət bildirmir. Bunu da sakinlər deyir.
Ardını oxu...
Jurnalistlərə vahid press kart verilməsi təklifi hələ də media camesində müzakirə edilməkdədir. Reportyor.info xatırladır ki, bu təkliflə Media İnkişafı Agentliyinin icraçı direktoru Əhməd İsmayılov çıxış edib.
“Jurnalist işləmədən cibində hər hansı bir vəsiqə gəzdirənlər, cəmiyyətimizin içərisində fəaliyyət göstərən insanlar da var. Amma indiki halda onların jurnalist olub-olmadığını müəyyən etmək mümkün deyil. Ona görə də, jurnalistlərə sürücülük vəsiqəsi kimi vahid vəsiqənin verilməsi təklifi ilə çıxış edə bilərik və “Media haqqında” yeni qanun layihəsinin hazırlanması prosesində bunu müzakirə edəcəyik”, – deyə o bildirib.
Əhməd İsmayılovun təklifi jurnalistlər tərəfindən birmənalı qarşılanmayıb. Müstəqil və müxalif medianın təmsilçiləri hesab edir ki, vahid press kart təklifi mətbuat azadlığına yönəlik addımdır. Onların fikrincə, vahid press kart əsasən hakimiyyətə yaxın media quruluşlarında çalışan jurnalistlərə veriləcək. Digər media nümayəndələrinin fəaliyyəti isə qanundan kənar hesab ediləcək. Bununla da müstəqil və müxalifə medianın faəliyyəti faktiki mümkün olmayacaq.
Lakin Əhməd İsmayılovun təklifini dəstəkləməyənlər arasında hakimiyyətə yaxın media qurumları, yaxud iqtidarla hər hansı problemi olmayan KİV-lərin də nümayəndələri var. Bu kateqoriyaya aid olanların fikrincə, jurnalistlərə vahid press kart verilməsi mətbuatın inzibati amirlik üsulları ilə idarə olunmasından başqa bir şey deyil. Onsuz da Azərbaycan reallığında medianın fəaliyyətinə bu və ya digər formada müdaxilələr olunur. İndi bunu legitimləşdirmək vəziyyəti daha da mürəkkəbləşdirə bilər.
Ölkədə islahatların getdiyi, korrupsiyaya qarşı ciddi mübarizə aparıldığı bir dönəmdə media proseslərə böyük töhvə verə bilər. Hər halda məmurların korruppsiya əməliyyatları, topdağıtmaz sərvəti və digər neqativ hallar media vasitəsilə işıqlandırılır. Yəni, dövlət idarəetməsində şəffaflığın təmin olunması üçün medianın sərbəst fəaliyyəti mühüm amildir. Belə faktları da adətən heç bir məmura, dövlət qurumuna, siyasi qrupa bağlı olmayan media nümayəndələri işıqlandırılır. Vahid press kart onların faəliyyətini əngələyəcəksə, deməli, bu təklifin medianın inkifaşına hər hansı töhvə verəcəyindən danışmağa dəyməz.
Media məsələləri üzrə hüquqşünas Ələsgər Məmmədli hesab edir ki, mətbuata şərait yaratmaq, azad mühiti təmin etmək hökumətin vəzifəsi olsa da, jurnalistləri qeydiyyata almaq və onları sistemli şəkildə bir vəsiqəyə tabe etmək hökumətin vəzifəsi deyil: “Çünki jurnalistika, media hökumətə nəzarəti həyata keçirir. Hökumət jurnalistlərin fəaliyyətinə müdaxilə edə, kimin jurnalist olduğunu, kimin isə olmadığını müəyyən edə bilməz.
Ardını oxu...
Bir müddət öncə kompleks yoxlamalardan sonra vəzifəsindən çıxarılaraq sərəncama götürülən Suraxanı RPİ 31-ci Polis Bölməsinin sabiq rəisi, polis polkovnik-leytenantı İman Mehdiyevə yeni vəzifə verilib.

“Qafqazinfo”nun əldə etdiyi məlumata görə, daxili işlər naziri, general-polkovnik Vilayət Eyvazovun əmri ilə İman Mehdiyev nazirliyin İnsan Alverinə Qarşı Mübarizə Baş İdarəsinin Bölmə rəisi vəzifəsinə təyin edilib.

Xatırladaq ki, bir müddət öncə Suraxanı RPİ-yə rəis təyin edilən Süleyman Nemətov idarəyə kompleks yoxlama çağırıb və nəticədə bir sıra yüksək rütbəli polislər vəzifədən çıxarılaraq sərəncama götürülmüşdü. Onlardan biri də 31 Polis Bölməsinin rəisi İman Mehdiyev idi.

İ.Mehdiyevin AMEA prezidenti Ramiz Mehdiyevin qohumu, qardaşı oğlu olduğu bildirilir.
Ardını oxu...
Antarktidadan ölçüləri təxminən 1 270 kv.km təşkil edən aysberq ayrılıb.

“Report”un məlumatına görə, aysberq Böyük Britaniyanın Halley tədqiqat stansiyasının yerləşdiyi “Brant” buz şelfindən qopub.

Qeyd olunub ki, təxminən 10 il əvvəl buzlaqda 150 metr qalınlığında böyük çatlar əmələ gəlib. Cari ilin yanvar ayında çatlar sürətlə böyüməyə başlayıb və uzunluğu gündə bir kilometr artıb.

Nəticədə 26 fevral tarixində böyük buz kütləsi şelfdən ayrılıb.

Qeyd edək ki, Rusiyanın şimal paytaxtı hesab edilən Sankt-Peterburq şəhərinin regionlarla birgə ümumi ərazisi 1 439 kv.km təşkil edir. Hazırda aysberqin gəmilər üçün təhlükə yaratmasının qarşısını almaq üçün hərəkət traektoriyası diqqətlə izlənilir.
Ardını oxu...
Özbəkistanın paytaxtı Daşkənd şəhərinin Yunusabad rayonunun İnjabad küçəsində kirayə yaşadıqları evdə beş tələbə kəskin zəhərlənmədən dünyasını dəyişib.

Publika.az xəbər verir ki, ilkin məlumata görə, tələbələr naməlum maddədən zəhərləniblər.

Tələbələrin üçü Daşkənd İnformasiya Texnologiyaları Universitetinin, digərləri Sinqapur və İnxa universitetlərinin tələbələri olub.

Hadisə ilə bağlı Yunusabad rayon prokurorluğunda cinayət işi açılıb, istintaq aparılır. Cinayət işi Respublika Baş Prokurorluğunun nəzarətindədir.
Ardını oxu...
Çində bir qadına "iPhone"nun rəsmi veb saytından sifariş etdiyi son model telefon əvəzinə alma və qatıq göndərilib.

Publika.az xəbər verir ki, bu barədə xarici KİV-lər məlumat yayıb.

Məsələ araşdırılandan sonra məlum olub ki, çatdırılma xidmətində qutu açılaraq içindəki telefon görürülüb.
Ardını oxu...
Rusiyanın paytaxtı Moskvanın Varşava prospektində üzərində Türkiyə bayrağı əks olunmuş “Mersedes”, “Yaquar”, “Nissan Teana”, “Gelandevagen” markalı bir neçə avtomobil təhlükəli manevrlər edib.

Axar.az xəbər verir ki, avto-şou elə avtomobildə olanlar tərəfindən lentə alınıb.

Daha sonra Moskva polisi magistral yolu bağlayan və təhlükəli manevr edən sürücülərin hər birinə inzibati xətalar üzrə protokollar tərtib edib:

“Sürücülər yol polisləri tərəfindən müəyyən edilib və Artyuxinov küçəsində saxlanılblar. Qanunu pozanlara qarşı protokollar tərtib edilib”.
 
 
Ardını oxu...
Rusiyada dəhşətli qətl hadisəsi baş verib.

Bu barədə “TASS”a hüquq-mühafizə orqanlarındakı mənbə məlumat verib.

Belə ki, Nijeqorod vilayətinin Kudma kəndində bir ailənin üzvləri – kişi, iki qadın və azyaşlı uşaq işgəncə ilə öldürülüb.

Hadisə ilə bağlı cinayət işi açılıb, polis tərəfindən cinayəti törətməkdə şübhəli bilinən şəxsin tapılıb-tutulması istiqamətində istintaq hərəkətləri və əməliyyat-axtarış tədbirləri aparılır./Report
Ardını oxu...
Bu gündən Gürcüstanın hava məkanı Azərbaycandan birbaşa uçuşlar üçün açılıb.

"Report” xəbər verir ki, qonşu ölkəyə təyyarə ilə yollanacaq Azərbaycan vətəndaşlarından 72 saatdan gec olmayaraq edilən PCR testinin mənfi nəticəsini təsdiqləyən arayış tələb olunacaq.

Bu qayda Gürcüstan ərazisindən tranzit keçidi kimi istifadə edəcək vətəndaşlara da şamil olunacaq.

Gürcüstanda qalacaq Azərbaycan vətəndaşları 3 gündən sonra öz hesablarına PCR testindən keçməli olacaqlar.

Hazırkı mərhələdə Gürcüstan hökuməti quru sərhədlər vasitəsilə sərbəst gediş-gəlişə tətbiq etdiyi məhdudiyyətləri qüvvədə saxlayır.

Qonşu ölkəyə quru sərhədlərdən koronavirusa qarşı vaksinasiyanın hər iki mərhələsindən keçən istənilən ölkənin vətəndaşları daxil ola bilərlər.

Yaxın günlərdə Azərbaycan və Gürcüstan arasında Bakı-Tbilisi- Bakı istiqaməti üzrə müntəzəm aviareyslərin bərpa olunacağı gözlənilir.
Ardını oxu...
“Yyayılan məlumatlar həqiqəti əks etdirmir”



İnformasiya sistemində aparılacaq yenidənqurma işləri nəticəsində smart kart ödənişlərində 10 günlük problem yaranacağı haqqında sosial şəbəkələrdə yayılmış və abonentlər arasında çaşqınlıq yaradan məlumatlar doğru deyil və həqiqəti əks etdirmir.



AYNA xəbər verir ki, bu barədə "Azərişıq" ASC-nin yaydığı məlumatda qeyd edilib.



ASC istehlakçıları belə məlumatlara inanmamağa çağırır: “Bütün abonentlərimiz, o cümlədən smart kart istifadəçiləri də, hər zaman ödəniş etdikləri qaydada istədikləri vaxtda və yerdə rahatlıqla ödənişlərini apara bilərlər”.

Dünyapress TV

Xəbər lenti