Ardını oxu...
Dünyanın ən varlı qadınları əyləncə, kosmetika və qida kimi müxtəlif sənaye sahələrində hökmranlıq edirlər.

Gununsesi.info bildirir ki, məlumata görə, ən varlı beş qadının əksəriyyəti (2024-cü ilin fevral ayına kimi) ABŞ-dəndir.

Statistikanı təqdim edirik:

1. Fransuaza Bettankur Mayers

Fransız iş qadını və xeyriyyəçi Fransuaza Bettankur Mayers 99 milyard dollarlıq sərvəti ilə dünyanın ən zəngin qadınıdır.

2017-ci ildə anası vəfat edəndə onun sərvəti Fransuazaya miras qalıb. Fransuaza ailəsi ilə birlikdə “L’Oréal” səhmlərinin təxminən 33%-nə sahibdir.

O, 1997-ci ildən “L’Oréal” şirkətinin direktorudur. Fransuaza elm və incəsənəti dəstəkləyən, eləcə də inklüziv cəmiyyəti təbliğ edən “Bettencourt Schueller” Fondunun təsisçisi və prezidentidir.

2. Alisa Uolton

Alisa Uoltonun sərvəti 63,7 milyard dollardır və “Walmart”ın qurucusu Sem Uoltonun yeganə qızıdır.

Alisa bacıları Rob və Cim ilə birlikdə “Walmart”da böyük paya sahib olsa da, pərakəndə korporasiyada işləmir.

Bunun əvəzinə, Alisa 2011-ci ildə Kristal Körpülər Amerika İncəsənət Muzeyini və 2021-ci ildə əsası qoyulan “Alice L. Walton” Tibb Məktəbini açaraq, sənət və sağlamlıq üzərində cəmləşdi.

3. Culiya Koç

ABŞ-li xeyriyyəçi Culiya Koçun sərvəti 59,8 milyard dollardır.

2019-cu ildə əri David Koç vəfat edəndə Culiya və onun üç övladı istehsal və enerji kimi müxtəlif sahələrdə iştirak edən törəmə şirkətləri olan “Koch Industries”də 42% paya sahib olublar.

Culiya Davidlə evlənməmişdən əvvəl modelyer Adolfo Sardinanın köməkçisi olub və Nensi Reyqan da daxil olmaqla yüksəkprofilli müştəriləri geyindirib.

Culiya tibbi tədqiqat, təhsil və incəsənətlə bağlı bir çox səbəbləri dəstəkləyən “David H. Koch” Fondunun prezidentidir.

4. Jaklin Mars

39,5 milyard dollar təxmin edilən xalis sərvəti ilə Jaklin Mars dünyanın dördüncü ən varlı qadınıdır.

Jaklin “M&Ms”, “Snickers” və “Skittles” kimi məşhur brendlərin arxasında duran məşhur şirkəti quran Franklin Klarens Marsın nəvəsidir.

Jaklin 20 il “Mars”da çalışıb və 2016-cı ilə qədər idarə heyətində olub.

5. Miriam Adelson

Narkotik asılılığı ilə mübarizə aparan ABŞ və israilli həkim Miriam Adelsonun sərvəti 35,7 milyard dollardır.

2021-ci ildə əri Şeldon Adelson öldükdən sonra o, kazino və kurort şirkəti “Las Vegas Sands”ın sahibi olub.

Qeyd edək ki, o, 2000-ci ildə Miriam opiuma aludə olanları müalicə etmək üçün “Adelson” Klinikasını qurub.
 
Ardını oxu...
 

Dövlət qulluğunda qadınların xüsusi çəkisi 29,4 faiz, fərdi sahibkarlar arasında 22,7 faiz göstərilir

Dövlət Statistika Komitəsinin hesabatına görə, Azərbaycanın ümumi təhsil müəssisələrində müəllimlərin 82,7 faizi, orta ixtisas təhsili müəssisələrində 79,4 faizi, ali təhsil müəssisələrində 58,7 faizi, həkimlərin üçdə ikisi, elmi işçilərin 59,2 faizi qadınlar, ümumi təhsil müəssisələri şagirdlərinin 46,6 faizi, orta ixtisas təhsili müəssisələri tələbələrinin 62,5 faizi, ali təhsil müəssisələri tələbələrinin yarısı qızlardır.

Dövlət qulluğunda qadınların xüsusi çəkisi 29,4 faiz, fərdi sahibkarlar arasında 22,7 faiz göstərilir.

Martın 8-i tarixə qadınların hüquq bərabərliyi uğrunda mübarizədə beynəlxalq həmrəyliyi günü kimi düşüb. Sosialist qadınların 1910-cu ildə Kopenhagendə keçirilmiş beynəlxalq konfransında həmin günün bayram edilməsi haqqında qərar çıxarılıb.

1965-ci ildə Azərbaycan Sovet Sosialist Respublikasında martın 8-i iş günü hesab olunmayan bayram günü elan edilib. Azərbaycan 1991-ci ildə müstəqillik əldə edəndən sonra martın 8-i bayram statusunu saxlayıb, Qadınlar Günü kimi qeyd olunur.

Hazırda 116 üzvü olan Azərbaycan parlamentinin 21 deputatı qadındır, onların biri - Sahibə Qafarova sədr postunu tutur.

Ölkədə ən yüksək vəzifəli qadın birinci vitse-prezident Mehriban Əliyevadır. Nazirlər Kabineti üzvləri arasında bir qadın var: Ailə, Qadın və Uşaq Problemləri üzrə Dövlət Komitəsinin sədri Bahar Muradova. Prezident Administrasiyasında iki yüksək post qadınlara tapşırılıb: Cəmilə Abbasova dövlət başçısının köməkçisi, Fərəh Əliyeva humanitar siyasət, diaspor, multikulturalizm və dini məsələlər şöbəsinin müdiridir. Konstitusiya Məhkəməsinin doqquz hakimindən ikisi qadındır: Sona Salmanova (sədr müavinidir) və Humay Əfəndiyeva.

Dövlət İmtahan Mərkəzinə (Məleykə Abbaszadə) və Dövlət Tərcümə Mərkəzinə (Afaq Məsud (Vəliyeva) qadınlar rəhbərlik edir. Ombudsman postunda da qadın çalışır: Səbinə Əliyeva.

Son 32 ildə Azərbaycanda bir qadın naziri olub. Natəvan Tofiq qızı Qədimova 2020-ci ildə Naxçıvan Muxtar Respublikasının mədəniyyət və turizm naziri təyin olunub. 

Qadınların Azərbaycanın idarəetməsində ağırlığı artırılmalıdırmı? 

Ardını oxu...

Hidayət Abdullayev

Əmək və əhalinin sosial müdafiəsi nazirinin müavini Hidayət Abdullayev deyib ki, Azərbaycanda ötən il ərzində 44 min 500 qadın işlə təmin olunub. Onun sözlərinə görə, 2023-cü il ərzində 427 minə qədər şəxs aktiv məşğulluq tədbirləri ilə əhatə olunub: “Bununla yanaşı, 5300 qadın əmək bazarına uyğun olan peşə kurslarına cəlb edilib. Dövlətin məşğulluq siyasətindən biri də qadınların əmək bazarında iştirak və məşğulluq imkanlarının artırılmasıdır. Bu sahədə aparılan işlərin müsbət nəticəsi olaraq əmək bazarında qadınların iştirak səviyyəsi ildən-ilə artır. Hətta bir sıra sahələrdə işləyənlərin daha böyük hissəsini qadınlar təşkil edir. Əmək və Əhalinin Sosial Müdafiə Nazirliyi aktiv məşğulluq proqramlarında qadınların iştirakına önəm verilir”.

Ardını oxu...

Mehriban Zeynalova

“Təmiz Dünya” Qadınlara Yardım İctimai Birliyinin sədri Mehriban Zeynalova mövzu ilə bağlı “Yeni Müsavat”a dedi ki, gender bərabərliyinə tam nail ola bilməmişik: “Burada müəyyən stereotiplər var. Kişilər danışıqlar aparır, vaxtları daha çoxdur, kişilərin əlaqələri daha çoxdur. Özlərini təqdim etmək üçün imkanları daha genişdir. Amma qadınlar bunu zəif formada təqdim edirlər, çünki müəyyən stereotiplər, ailə münasibətləri var. Əksəriyyətinə ailədən dəstək də gəlmir. Belə bir əngəllər gətirib ona çıxarır ki, kişilər daha çox aktivdir. Kişilər bu proseslərdə özlərini irəli çəkə bilirlər. Təəssüf ki, hələ də real potensialı üzə çıxarmaq üçün qadınlarla bağlı informasiya bankı yarada bilərlər. Qadınlar potensialına görə irəli çəkilə bilər. Bu proses bizdə hələ ki həyata keçirilmir. Kifayət qədər bacarığı, idarəçiliyi, beynəlxalq səviyyədə təmsilçiliyi olan qadınlar var ki, onları irəli çəkmək olar. Ümumilikdə isə aktivlik var, süni əngəllər, kimlərinsə öz tanışlarının təqdimatları real potensialı üzə çıxarmağa imkan vermir. Bu məsələdə düşünürəm ki, Ailə, Qadın, və Uşaq Məsələləri üzrə Dövlət Komitəsi tərəfindən qadınların təqdimatları verilməlidir. İnformasiya bankının yaradılması lazımdır. Çünki tamamilə fərqli, uyğun olmayan adamların təqdimatları verilir”.

Qadınlarla bağlı bir neçə vacib məqam da var ki, bunlar xüsusi qeyd edilməlidir. Son bir ildə qadınlara qarşı zorakılıq, şiddət halları azalacaq deyə düşünsək də, tam əksi müşahidə edildi. Bunu hər gün mediada, sosial şəbəkələrdə yayılan kriminal xəbərlərdə də açıq gördük. Əri, qardaşı, atası tərəfindən öldürülən qadınlarla bağlı xəbərlərin çoxluğu, əlbəttə, diqqətdən kənarda qala bilməz. Eyni zamanda ayrı-ayrı bölgələrdə təhsilini yarımçıq qoyaraq erkən yaşda məcburi ərə verilən qızlar da bu ilin əsas müzakirəsi oldu. Elə bu amil qadınların ictimai-siyasi həyatda rolunun yetərli olmamasının bir nümunəsi sayıla bilər. Ən narahat doğuran məsələ isə qızların getdikcə sayının azalması ilə bağlıdır. Belə ki, Ədliyyə Nazirliyinin rayon (şəhər) qeydiyyat şöbələri tərəfindən 2023-cü ilin yanvar-fevral ayları ərzində ölkədə 19158 doğulmuş körpənin qeydə alındığı bildirilib. Doğulanlar arasında oğlan uşaqlarının xüsusi çəkisi 53,2 faiz, qız uşaqlarının xüsusi çəkisi isə 46,8 faiz olub. Selektiv abortlarla bağlı bu il də ekspertlər SOS deyə hayqırdılar. 

Mehriban Zeynalova  bizimlə söhbətdə qız uşaqlarının sayının getdikcə azalmasının gələcəkdə problem yaradacağını da deyib: “Biz bundan sonra onun fəsadlarını görəcəyik. Baxmayaraq ki, balansı tənzimləməyə çalışırlar. Sosial şəbəkələrə belə baxanda qadınlarla bağlı vəziyyət açıq görünür. Bir çox hallarda şikayətlər belə cinsə görə müəyyən edilir, cinsə görə onun hər hərəkəti təhlildən keçirilir. Bunun nəticəsində bəzi qadınlar kənara çəkilib. Baxmayaraq ki, kifayət qədər imkanları da, bacarıqları da var. Bəzən elə bir təsir vasitələri olur ki, onlar özləri könüllü imtina etməli olurlar”. 

Afaq MİRAYİQ,
“Yeni Müsavat”

Ardını oxu...
Kürdəmir rayonu Yenikənd kənd Q.Əhmədov adına tam orta məktəbin direktoru Elza Abdullayeva tutduğu vəzifədən azad edilib.

Hurriyyet.Az xəbər verir ki, bu barədə Mərkəzi Aran Regional Təhsil İdarəsindən məlumat verilib.

Məlumatda deyilir:

“Fevralın 29-da Mərkəzi Aran Regional Təhsil İdarəsinin əməkdaşları tərəfindən Kürdəmir rayonu Yenikənd kənd Q.Əhmədov adına tam orta məktəbində bir neçə istiqamət üzrə yoxlama aparılmış və yoxlama zamanı məktəbin idarəolunması, şagirdlərin X sinfə qəbulu, dərslərin əvəzolunması, dərs bölgüsü, dərnəklərin təşkili və keçirilməsi, həmçinin sağlamlıq imkanları məhdud uşaqlar üçün xüsusi təhsilin təşkili ilə bağlı nöqsan və çatışmazlıqlar aşkar olunub.

Yoxlamanın nəticəsinə əsasən, məktəbin direktoru Elza Abdullayeva 7 mart 2024-cü il tarixindən Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun müvafiq əmrinə əsasən, tutduğu vəzifədən azad edilib.

Mərkəzi Aran Regional Təhsil İdarəsi təhsil müəssisələrində hüquqpozmaların və buna şərait yaradan halların baş verməsini pisləyir, bunun qarşısının alınması, aradan qaldırılması və gələcəkdə bu kimi halların baş verməməsi ilə bağlı idarə tərəfindən təhsil müəssisələrində monitorinq və yoxlamalar davam etdirilir”.
 
Ardını oxu...
Hər ilin üçüncü ayının üçüncü həftəsinin üçüncü günü Caspian Energy Club-ın İdarə heyətinin yeni tərkibi seçilir, yalnız 4 ildən bir seçkilər 29 fevral tarixində təşkil olunur.

Bu il Caspian Energy Club-ın İdarə heyətinin üzvlərinin növbəti seçkiləri 29 fevral tarixində başlayıb və iki gün davam edib. Ümumi səslərin sayı 1059 nəfər təşkil edib. Onlardan 971 səs anket formatında, 88-i isə onlayn formatda səs verib.

Bu barədə Caspian Energy Club-un Sədrinin Birinci müavini və qrupun Baş Maliyyə direktoru Rasim Mahmudov məlumat verib.

Rasim Mahmudovun sözlərinə görə, “iki günlük səsvermə nəticələrinə əsasən Caspian Energy Club-ın yeni İdarə heyətinə Telman Əliyev (Caspian Energy Club), Zərifə Həmzəyeva (Gazelli Group), Rəşad Abasov (ASE Şirkətlər Qrupu), Natiq Paşayev (Caspel), Fariz Sultan-Əhmədi (By Mygroup Holding), İlqar Nuriyev (Veysəloğlu), Əsəd Nəsrullayev (Debet Safety) və Səbinə Əliyeva (GHRS) daxil olublar.

Seçkilərin yüksək səviyyədə və şəffaf keçirilməsini təmin etdiklərinə görə FCHAİN Corporation-a və şəxsən Baş Direktor Müavini Valid Hüseynova təşəkkürümü bildirirəm. Qeyd edim ki, seçkilər zamanı nəticələrin hesablanmasını beynəlxalq standartlara uyğun olaraq təmin etdilər.

İdarə Heyətinin sədri vəzifəsinə 319 (30.12 %) səs sayı ilə Telman Əliyev seçilib. Yaxın vaxtlarda İdarə Heyətinin üzvlərinin ilk iclasının keçiriləcəyi gözlənilir. İclas çərçivəsində qurumun növbəti il üçün fəaliyyət strategiyası, eləcə də qısa və uzunmüddətli hədəfləri müəyyən ediləcək. Həmçinin, Caspian Energy Club-ın yeni İdarə heyətinin ilk iclası çərçivəsində komitələrin, işçi qrupların və regional nümayəndəliklərinin rəhbərləri təyin olunacaq”, - deyə Rasim Mahmudov bildirib.

“2023-cü il bizim üçün çox uğurlu, pozitiv və səmərəli keçdi. 1 il ərzində biz dünyanın 20 ölkəsində 150-dən çox tədbir təşkil etdik. 2023-cü il Ulu Öndər Heydər Əliyevin 100 illik yubileyinə həsr olunduğu üçün Azərbaycandaki 100-cü tədbiri təntənəli sürətdə Gülüstan sarayında keçirdik.
Ümidvaram ki, biz yeni ildə də Caspian Energy Club-da mövcud olan ailə mühitini, müsbət ab-havasını, yüksək intensivliyini, səmimi, səmərəli və müsbət networking imkanlarını qoruyub saxlaya biləcəyik”, - deyə Rasim Mahmudov bildirib.

“Caspian Energy Club” dünyanın 50 ölkəsindən 5000-dən çox şirkəti birləşdirən dinamik və inkişaf edən regional təşkilatdır. Biznes - hökumət dialoqunun fəal iştirakçısı olan “Caspian Energy Club”ın əsas məqsədi Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.

Biznes-netvörkinq üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən “Caspian Energy Club”ın əsas fəaliyyəti Mərkəzi Dəhliz ölkələrini əhatə edir. Klubun, həmçinin Türkiyə, Gürcüstan, Özbəkistan, Qazaxıstan, Çexiya, Almaniya, Polşa, Qırğızıstan, Böyük Britaniya, Macarıstan, Latviya, Estoniya, Finlandiya, Avstriya, BƏƏ-də rəsmi nümayəndəlikləri, habelə dünyanın müxtəlif ölkələrində səlahiyyətli nümayəndələri var.

“Caspian Energy Club International” 2023-cü ildə “Caspian Energy Club”ın beynəlxalq layihələrini idarə etmək məqsədilə yaradılıb. 5 il ərzində “Caspian Energy Club” International dünyanın 100 ölkəsində klubun fiziki ofislərini açmağı planlaşdırır. “Caspian Energy Club International”ın əsas funksiyalarından biri nümayəndələrin təyin olunmadığı ölkələrdə klubun fəaliyyətini idarə etmək, eləcə də bütün xarici nümayəndəliklər üçün ümumi strategiyanın formalaşdırılmasıdır.

Qeyd: Zərifə Həmzəyeva (Gazelli Group)
AZAL-ın keçmiş prezidenti Cahangir Əsgərovun həyat yoldaşıdır.

Ardını oxu...
Ukrayna prezidentinin həyat yoldaşı Yelena Zelenskaya martın 7-də ABŞ prezidenti Cozef Baydenin Senat və Nümayəndələr Palatasında illik çıxışında iştirak etməklə bağlı dəvətini rədd edib.

“Report” xəbər verir ki, bu barədə “The Washington Post” (WP) məlumat yayıb.

Nəşrin məlumatına görə, Zelenskayanın Aleksey Navalnının dul arvadı Yuliyanın yanında oturacağı planlaşdırılırdı. Bu da ukraynalılar arasında diskomfort yaradıb. Belə ki, Aleksey Navalnının Krımla bağlı açıqlamaları ukraynalılar tərəfindən narazılıqla qarşılanmışdı.

Başqa bir ABŞ rəsmisi nəşrə bildirib ki, Zelenskayanın dəvətdən imtina etmək qərarı həm də Ukrayna rəhbərliyinin Baydenlə çox yaxından əlaqəli sayılmaq istəməməsi ilə bağlıdır.

Ukrayna prezidenti Volodimir Zelenski ABŞ-ın Kiyevə hərbi yardım göstərməsi məsələsinin daha da siyasiləşdirilməsini istəmir.

Ağ Evin mətbuat katibi Karine Jan-Pyer bir müddət əvvəl keçirdiyi brifinqdə Baydenin Yuliyanı çıxışına dəvət etdiyini, lakin onun iştirak edə bilməyəcəyini söyləyib.


Ardını oxu...
Tibb elmləri üzrə fəlsəfə doktoru, uzun illər tibb müəssisələrində rəhbər vəzifələrdə çalışmış Leyla Seyidbəyova vəfat edib.
TEREF Qafqazinfo-ya istinadən xəbər verir ki, L.Seyidbəyova ötən gecə xəstəlik səbəbindən dünyasını dəyişib.
Qeyd edək ki, məşhur hakim Ənvər Seyidovun bacısı olan L.Seyidbəyova uzun müddət Mərkəzi Neftçilər Xəstəxanasının baş direktoru vəzifəsində çalışıb. O, son olaraq 7 saylı doğum evində baş həkim vəzifəsini tutub və 2022-ci ildə yaşla əlaqədar təqaüdə çıxıb.
 
Ardını oxu...
Rusiyalı Olimpiya çempionu Alina Kabayeva uzun müddətdən sonra üzə çıxıb.
TEREF Spletnik.ru-ya istinadən xəbər verir ki, o, Soçidə təşkil etdiyi 13-cü Bədii Gimnastika Beynəlxalq Uşaq Xeyriyyə Festivalında iştirak edib.

Kabayeva tədbirdə iki geyimdə görüntülənib.

Qeyd edək ki, A.Kabayeva karyerasına 2007-ci ildə son qoyub, idmanla bağlı ictimai fəaliyyətini davam etdirir.Qafqazinfo
Ardını oxu...
Ardını oxu...
Ardını oxu...
 
Ardını oxu...
Qəhrəmanlıqla dolu keçmişimizə nəzər salsaq, görərik ki, Azərbaycan tarixi təkcə oğullarımızın deyil, qəhrəman qadınlarımızın da şücaəti ilə zəngindir. Tarixi dönəmlərdə Sara Xatun, Nüşabə, Tomris, Nigar, Həcər, Tutu Bikə kimi qəhrəmanlıq nümunəsi olan lider qadınlarımız döyüş meydanlarında kişilərin yaxın silahdaşları, arxa-dayağı olmuşlar. Qadınlarımızın ictimai-siyasi fəallığı bir tərəfdən çoxəsrlik tarixə söykənən zəngin ənənələrlə, digər tərəfdən həyata keçirilən dövlət qadın siyasəti ilə bağlıdır. Onlar dövlət quruculuğu ilə bərabər, siyasi qərarların verilməsində fəal iştirak etmişlər. Heç təsadüfi deyil ki, müsəlman Şərqində qadına seçmək və seçilmək hüququnu verən ilk ölkə Azərbaycan olmuşdur. Müsəlman dünyasında qızlar üçün ilk dünyəvi məktəb 122 il bundan qabaq Bakıda yaradılmışdır.
Azərbaycan 1991-ci ildə müstəqilliyini bərpa etdikdən sonra, cəmiyyətin inkişafında qadınlarımızın rolu daha da artmağa başlamışdır. Ölkəmizdə dövlət qadın siyasətinin əsas prinsiplərinin müəyyən edilməsinin və dövlət səviyyəsinə qaldırılmasının Ümummili Liderimiz Heydər Əliyevin adı ilə bağlı olması tarixi faktdır. Ulu Öndər sosial həyatın bütün sahələrində qadınların irəli çəkilməsini vacib amil kimi hər zaman irəli sürmüş, qadın problemlərinə xüsusi diqqət yetirmişdir. Ümummilli Lider Heydər Əliyev deyirdi: “Azərbaycan qadını tarix boyu öz ağlı, zəkası, na¬musu, qeyrəti, fədakarlığı, çalışqanlığı, mərdliyi, vətənpərvərliyi və millətinə, torpağına olan hədsiz məhəbbət və gözəlliyi ilə tanınmışdır”. Bu da onun qadınlarımızı verdiyi qiymət idi.
Bu siyasət möhtərəm Prezidentimiz cənab İlham Əliyev tərəfindən bugün uğurla davam etdirilir. Prezidentimizin bu istiqamətdə imzaladığı Fərman və sərəncamlar, qadınların sosial-iqtisadi, məişət və digər problemlərinin həllinə yönəlmiş tədbirlər, Azərbaycan qadınlarına göstərdiyi qayğının yüksək bir nümunəsidir.
Bu gün Azərbaycan qadını ana olmaqla yanaşı, həm də bacarıqlı siyasətçi, dövlət məmuru, iş adamı, müəllim, həkim, aqronom, diplomat, alim, hakimdir. Azərbaycan qadınlarının gözəl siması Azərbaycan Respublikasının Birinci Vitse-Prezidenti, Heydər Əliyev Fondunun prezidenti Mehriban xanım Əliyevadır. Mehriban xanım Əliyeva özünün ictimai-siyasi fəaliyyəti, xeyirxah əməlləri, Azərbaycan naminə fədakarlığı ilə bütün qadınlarımız üçün nümunədir. Mehriban xanımın rəhbərliyi ilə fəaliyyət göstərən Heydər Əliyev Fondu elmin, təhsilin, mədəniyyətin inkişafı, sosial problemlərin həlli istiqamətində gördüyü işlərlə bərabər, qadınlara qarşı bütün zorakılıqların, mövcud olan stereotiplərin aradan qaldırılmasına xüsusi diqqət yetirir. Bu gün Azərbaycanın birinci xanımı Mehriban Əliyevanın şəxsində qadınlarımız dünya səviyyəsində öz sözünü deyir.
Azərbaycan qadınının dünyaya gətirib, vətənpərvər ruhda tərbiyə etdiyi övladlar 44 günlük Vətən müharibəsi dövründə öz doğma vətəninə, torpağına və bayrağına nə qədər bağlı olduğunu bir daha sübut edərək, Vətənin azadlığına nail oldular. İgid Azərbaycan oğulları əllərinə silah alıb, ölkəmizin ərazi bütövlüyü uğrunda qəhrəmancasına vuruşaraq, Vətən uğrunda canlarından keçdilər. Şəhid olan övladının, həyat yoldaşının tabutunu çiyinlərində şərəflə daşıyan qadındır, məğrur Azərbaycan qadını!
Bu gün analarımız başıdik, alnıaçıq, qürurludur. Onların kədər göz yaşı, sevinc göz yaşı ilə əvəz olunub. Uzun sürən həsrətdən sonra Qələbə sevinci analarımızın içinə su kimi sərpilmişdir.
8 Mart - Beynəlxalq Qadınlar Gününün ölkəmizdə hər il rəsmi bayram günü kimi qeyd edilməsi Azərbaycanda qadınlara verilən önəmin göstəricisidir.
Beynəlxalq Qadınlar Gününüz mübarək, əziz qadınlar!
Təranə Tağıyeva – BDU, Beynelxalq munasibətlər ve iqtisadiyyat fakultəsinin dosenti, Tarix üzrə fəlsəfə doktoru
TEREF
 
Ardını oxu...
Azərbaycan Mərkəzi Bankının sabiq sədri Elman Rüstəmovun qızı və eyni zamanda da “Meliorasiya və Su Təsərrüfatı” ASC-nin keçmiş sədri Əhməd Əhmədzadənin gəlini olan Günel Rüstəmovanın direktoru olduğu “Gyunel Limited” şirkəti maliyyə hesabatını açıqlayıb.
Yeniavaz.com xəbər verir ki, Böyük Britaniyanın paytaxtı Londonda fəaliyyət göstərən “Gyunel Limited”in sonuncu maliyyə hesabatında şirkətin 6 milyon 195 min 983 funt-sterlinq (13,3 milyon manat) zərər etdiyi göstərilir.
Ardını oxu...
Qeyd edək ki, 28 aprel 2005-ci ildə “Basement 32 Woodstock Grove, London, Uk W12 8LE” ünvanında qeydiyyatdan keçən “Gyunel Limited” növbəti maliyyə hesabatını da 33 gündür təqdim etməyib.
Ardını oxu...
Onu da bildirək ki, bu şirkətin 2007-2021-ci illərdə digər bir rəhbəri Günel Rüstəmovanın həyat yoldaşı Cümə Əhmədzadə olub.
Elman Rüstəmovun 1981-ci il təvəllüdlü qızı Günel Rüstəmova ilə Əhməd Əhmədzadənin 1979-cu il təvəllüdlü oğlu Cümə Əhmədzadə evlidir.
Ardını oxu...
Günel Rüstəmova

Günel Rüstəmova orta təhsilini Bakıda, ali təhsilini isə Böyük Britaniyada alıb. O, London Kollecində modelyerlik üzrə təhsil alıb, daha sonra İngiltərədə nüfuzlu təhsil ocağı sayılan “Central Saint Martins”i incəsənət və moda sənayesi ixtisası üzrə bitirib. Günel Rüstəmova hazırda Londonda modelyer kimi fəaliyyət göstərir.
 
 
 
Ardını oxu...
Salyan rayon Pambıqkənd tam orta məktəbində şagirdlər arasında erkən nikah halları qeydə alınıb.

Bu barədə jurnalist Pərvin Abuşova və Azərbaycan Uşaqlar Birliyinin sədri Kəmalə Ağazadə "Facebook" hesabında paylaşım edib.

O bildirib ki, məktəbin 11-ci sinif şagirdlərindən biri uşaq dünyaya gətirib.

Bundan başqa, məktəbin yuxarı siniflərində təhsil alan qızlar nişanlı olduqları üçün dərsə gəlməsələr də, jurnalda adları qeyd olunur və qiymətləri yazılır. Bununla bağlı məktəbin direktorunun işi regional təhsil şöbəsi tərəfindən araşdırılır.

Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məsələninn nəzarətə götürüldüyünü və araşdırma aparıldığını bildirib.

Dünyapress TV

Xəbər lenti