Cənub bölgəsində bayram süfrəsinin əsas nemətlərindən olan balığın qiyməti artıb.
Alıcılar deyir ki, mart ayının ilk günlərindən qiymətlərdə artım müşahidə olunur.
Satıcılar isə bildirir ki, qiymətlər balığın çeşidlərinə görə dəyişir.
Piştaxtalarda kiloqramı 2 manatdan 30 manata qədər balıq var. Əsasən çərşənbənin rəmzinə çevrilmiş kütüm balığının qiymətində də artım müşahidə olunur.

İqtisadçı-ekspert Eyyub Kərimli "Sherg.az"a bildirib ki, bayram öncəsi sahibkarlarlıq fəlsəfəsindən uzaq olan işbazlar tələbin artmasından sui-istifadə edərək qiymətləri qaldırırlar:

“Statistik rəqəmlər onu göstərir ki, ət, düyü, tərəvəzlərdən bəziləri, ekzotik meyvələr və balığın qiymətində ötən il illə müqayisədə artım var. Bu məsələnin qarşısını almaq üçün iqtisadiyyatda liberal rəqabətlilik böyüməlidir. Ümumiyyətlə süni qiymət artımının qarşısını almaq üçün bayram günlərində təklifin çoxalmasına ehtiyyac var. Balıq məhsulları əsasən İrandan və Dağıstandan idxal olunur. Mart ayı balıq mövsümünün pik həddidir. Yayda qiymətin enməsini müşahidə edəcəyik. Aprelin 15-nə kimi qiymətlərdə müəyyən fərqlilik olacaq. Bəzi işbazlar isə suni qiymət artımına üz tuturlar. Ümumiyyətlə həm manapolya qiymət artımına təsir göstərir. Bunun qarşısını almaq üçün isə rəqabət mühitinin yaradılmasına ehtiyac var”.

Cənub bölgəsində bayram süfrəsinin əsas nemətlərindən olan balığın qiyməti artıb.
Alıcılar deyir ki, mart ayının ilk günlərindən qiymətlərdə artım müşahidə olunur.
Satıcılar isə bildirir ki, qiymətlər balığın çeşidlərinə görə dəyişir.
Piştaxtalarda kiloqramı 2 manatdan 30 manata qədər balıq var. Əsasən çərşənbənin rəmzinə çevrilmiş kütüm balığının qiymətində də artım müşahidə olunur.

İqtisadçı-ekspert Eyyub Kərimli "Sherg.az"a bildirib ki, bayram öncəsi sahibkarlarlıq fəlsəfəsindən uzaq olan işbazlar tələbin artmasından sui-istifadə edərək qiymətləri qaldırırlar:

“Statistik rəqəmlər onu göstərir ki, ət, düyü, tərəvəzlərdən bəziləri, ekzotik meyvələr və balığın qiymətində ötən il illə müqayisədə artım var. Bu məsələnin qarşısını almaq üçün iqtisadiyyatda liberal rəqabətlilik böyüməlidir. Ümumiyyətlə süni qiymət artımının qarşısını almaq üçün bayram günlərində təklifin çoxalmasına ehtiyyac var. Balıq məhsulları əsasən İrandan və Dağıstandan idxal olunur. Mart ayı balıq mövsümünün pik həddidir. Yayda qiymətin enməsini müşahidə edəcəyik. Aprelin 15-nə kimi qiymətlərdə müəyyən fərqlilik olacaq. Bəzi işbazlar isə suni qiymət artımına üz tuturlar. Ümumiyyətlə həm manapolya qiymət artımına təsir göstərir. Bunun qarşısını almaq üçün isə rəqabət mühitinin yaradılmasına ehtiyac var”.

2024-cü ilin martında Çin rekord miqdarda Rusiya neftini idxal etmək niyyətindədir.
Bakupost.az mk.ru-ya istinadla xəbər verir ki, buna Hindistanın ABŞ sanksiyaları səbəbindən imtina etdiyi əhəmiyyətli həcmdə "Sokol"un neftinin idxalı kömək edəcək.
Bloomberg-in məlumatına görə, Çin mart ayında hər gün təxminən 1,7 milyon barel Rusiya nefti alır. Eyni zamanda, "Sokol"un neft tədarükü fevral ayı ilə müqayisədə üç dəfə artaraq rekord səviyyəyə - gündəlik 379 min barellə çata bilər.
2023-cü ildə Rusiya Türkiyə, Çin, Hindistan, Braziliya, İndoneziya və Malayziyaya neft və qaz tədarükündən ümumilikdə 187 milyard dollar qazanıb ki, bu da sanksiyalar tətbiq etməzdən əvvəl Avropaya ixrac etdiyi orta göstəricidən 56 milyard çoxdur.

"Uber" Avstraliyada taksi sürücülərinin "maliyyə itkiləri" üçün təxminən 178 milyon dollar ödəyəcək.

Sonxeber.az xarici mənbəyə istinadən xəbər verir ki, taksi sürücüləri "Uber"in qaydalara əməl etməməsi səbəbindən gəlirlərini itirdiklərini əsas gətirərək şirkətə qarşı iddia qaldırıblar.

"ABC News"un məlumatına görə, ölkədə taksi və şəxsi avtomobil sürücüsü kimi çalışan 8 mindən çox insanı təmsil edən vəkillər 2019-cu ildə "Uber"ə qarşı açılan iddia ilə bağlı açıqlama verib.

Vəkillər bildirib ki, "Uber"in ölkə bazarına girməsindən sonra, taksi sürücüləri maliyyə baxımından ziyana salıblar.

Şirkət uzun müddət təzminatı ödəməkdən yayınsa da, yaxın vaxtlarda qarşı tərəflər razılığa gəliblər.

Lakin, sözügedən məbləğin ödənilməsi üçün Ali Məhkəmənin razılığı tələb olunur.

Avropa İttifaqı əməkdaşlığın genişləndirilməsi sazişi çərçivəsində 2024-2027-ci illər üçün Misirə 7,4 milyard avro ayıracaq.

Bu barədə “Reuters“ Avropa Komissiyasının yüksək səviyyəli rəsmisinə istinadən məlumat yayıb.

Saziş bu gün elan edilib. Bura 5 milyard avro makromaliyyə yardımı, 1,8 milyard avro investisiya və 600 milyon avro qrant daxil olacaq. Bu vəsaitdən təcili maliyyələşməni əhatə edən 1 milyard avro 2024-cü il ərzində ayrılacaq.

Türkiyə prezidentinin administrasiyası Mərkəzi Bankın dolların yeni məzənnəsini milli valyuta – lirəyə (TL) nisbətdə müəyyən etməsi və iki həftədən sonra dolların 40 lirəyə qədər bahalaşacağı barədə məlumatları təkzib edib.
Tribunainfo.az bu barədə “RİA Novosti” istinadən xəbər verir.
Qeyd olunur ki, türk valyutasının dəyəri daha əvvəl tarixi minimuma çatıb və ilk dəfə olaraq bir dollar üçün 32 lirəni keçib. Lirə 2024-cü ilin əvvəlindən ABŞ dollarına nisbətdə 9% ucuzlaşıb. Bundan başqa, lirənin məzənnəsinin digər valyutalara, o cümlədən avro, rubl və yuana nisbətdə ucuzlaşması qeydə alınıb.
“Bəzi KİV-lərin “dolların məzənnəsi 15 gün ərzində müəyyənləşdi”, “dollar 15 günə 40 TL-yə başa gələcək”, “Mərkəzi Bankın hesabatı sızdırılıb” kimi açıqlamalar reallığa əsaslanmır”, deyə Dezinformasiya ilə Mübarizə Mərkəzinin bəyanatında qeyd edilir.
Mərkəz 15 gün ərzində dolların 40 lirəyə qalxacağı barədə xəbərin doğru olmadığını vurğulayıb.

2023-cü ildə Rusiyanın bütün istiqamətlər üzrə ixracının ödənişlərində rublun payı son 5 ildə ən yüksək səviyyəyə çatıb.

Tribunainfo.az xəbər verir ki, bu barədə RBC Rusiya Bankının məlumatlarına istinadən məlumat yayıb.

Məlumatdan aydın olur ki, ötən il Rusiyadan mal və xidmətlərin ixracına görə ödənişlər üzrə rublun payı 39 faiz təşkil edib. İl ərzində bu göstərici 11,2 faiz bəndi, 5 il ərzində isə 24 faiz bəndi artıb. RBC qeyd edir ki, rublun minimum payı 2021-ci ildə (14,3 faiz) qeydə alınıb, bundan sonra 2022-ci ildə kəskin şəkildə 27,8 faizə yüksəlib. İkinci yerdə dollar və avro (31,5 faiz), üçüncü yerdə dost ölkələrin valyutaları (29,4 faiz) gəlir.

Nəşr qeyd edib ki, ötən il Asiya ölkələri ilə idxal üzrə hesablaşmalarda rubl 2019-cu ildəkindən daha az paya sahib olub, bu sahədə dost valyutalar lider olub. Asiyadan tədarük edilən mal və xidmətlərin 50 faizdən bir qədər çoxu yuanla ödənilir.

Tənzimləyici 2023-cü ilin yayında belə məlumatların dərcini bərpa etdikdən sonra ilk dəfə olaraq coğrafi ərazi üzrə valyuta istifadəsinin illik payını dərc edib. 2019-cu ildən bəri təqdim edilən statistika Asiya, Amerika, Afrika, Avropa, Karib dənizi və Okeaniya daxil olmaqla, coğrafi ərazilərə bölünür.

RBC xatırladıb ki, 2022-ci il sanksiyalarından əvvəl Mərkəzi Bank məlumatları coğrafi ərazilər üzrə deyil, əsas ölkələr üzrə bölməklə dərc edib.

İran 20 gün ərzində toyuq yumurtasının ilk partiyasını Rusiyaya çatdırmağı planlaşdırır.

İqtisadiyyat.az xəbər verir ki, bu barədə İran Quşçular İttifaqının sədri Həmid Rza Kaşani məlumat verib.

“Biz ilk dəfədir ki, Rusiyaya yumurta ixrac edirik. İran yumurtasının ilk partiyası 20 gün ərzində Rusiyaya çatdırılacaq” , - deyə o bildirib.

Qeyd edək ki, bu ilin yanvarında Belarus, Azərbaycan və Türkiyədən Rusiyaya 78 milyondan çox yumurta ixrac edilib.

Şirkətlər “Ziraat Bank Azərbaycan”dan 79 milyon manatdan çox əmanəti geri çəkib

2023-cü ilin IV rübündə “Ziraat Bank Azərbaycan” əmanət portfelinin 80 milyon manatını və ya 16% manatını itirib. Belə ki, bankın depozit portfeli III rübdəki 491,4 milyon manatdan IV rübdə 411,4 milyon manata enib.

İqtisadiyyat.az bu barədə bankın maliyyə hesabatına istinadən xəbər verir.

Hesabata əsasən, ötən ilin sonuna Bankda fiziki şəxslərin depozitlərinin həcmi 171,6 milyon manat təşkil edib. Bu isə əvvəlki rüblə müqayisədə 0,6% və ya 1,1 milyon manat azdır. 2023-cü ilin III rübündə əhalinin bankdakı əmanətlərinin həcmi 172,67 milyon manata bərabər olub.

Şirkətlərin “Ziraat Bank Azərbaycan”dan geri çəkdiyi əmanətlərin həcmi isə daha böyükdür. Belə ki, bankda hüquqi şəxslərin depozitləri 3 ayda 24,8% və ya 79 milyon manat azalaraq 239,7 milyon manata enib. 2023-cü ilin III rübündə bu rəqəm 318,7 milyon manat təşkil edib.

Xatırladaq ki, “Ziraat Bank Azərbaycan” 2014-cü ildə yaradılıb, onun nizamnamə kapitalı 65,5 milyon manatdır. Bankın səhmlərinin 99,98%-i “Ziraat Bank”a (Türkiyə), 0,01% - “Ziraat Texnoloji Şirkəti”nə, 0,01%-i isə Ziraat Yatırım Menkul Değerler Şirkətinə (Türkiyə) məxsusdur.