"Retro Baku" verilişinin yeni buraxılışı efirə gedib. Verilişin budəfəki sayı müğənni Aslan Hüseynova həsr olunub.

Aslan Hüseynov 1967-ci il mayın 17-də Qazaxıstanın Canbul vilayətində anadan olub. Ailədə iki bacı, iki qardaş olublar. Orta məktəbi elə orada bitirən Aslan daha sonra təhsilini uğurla bitirdiyi Qırğız Dövlət Universitetinin Hüquq fakültəsinə daxil olub. Musiqiyə həvəsi çox olduğundan o, Qazaxıstanda Abay adına Qazax Milli Vokal Studiyasında musiqi təhsili alıb.

Jurnalist Rövşanə Ağasəfqızı mərhum müğənni barədə xatirələrini bölüşüb: "Mənə sarı güllər gətirmişdi ki, evimin həyətinə əkim. Dedim "niyə sarı gül gətirmisən, deyirlər ki, sarı ayrılıq rəmzidir", o da zarafatca deyirdi ki, "komsomolun canı it canıdır, bizə heç nə olmaz". Yenə də o gülləri əkdim. Hələ də baxanda deyirəm ki, Aslanın gülləridir".

Müğənni Sevda Kazımova Aslan bəyin anasına olan sevgisindən danışıb: "Aslanla anası bir-birinə çox bağlı idi. Anası Aslanın Moskvaya getməsini istəmirdi. Deyirdi "yol pulunu da qaytaracağam, pensiya pulumu da sənə verəcəyəm, təki sən getmə, mənimlə qal". Aslan gedəndən üç gün sonra anası həyatını itirdi".

Daha ətraflı Baku TV-nin videomaterialında:

Mərhum Xalq artisti İlhamə Quliyevanın övladlığa götürdüyü oğlu Orxan Nadirov Moskvada itkin düşüb.

Bu barədə Xoşqədəm Hidayətqızı “Səni axtarıram” proqramında məlumat verib.

O bildirib ki, Orxan ötən ilin 23 sentyabrında Moskvadan Türkiyəyə uçmaq üçün hava limanına yollanıb.

Sonra isə ondan heç bir xəbər alınmayıb.

Qeyd edək ki, O. Nadirov əvvəllər iki dəfə dələduzluq faktına görə həbs edilib, lakin sonradan azadlığa buraxılıb.

Xəbər verdiyimiz kimi, müğənnilər Türkan Vəlizadə ilə Vəfa Şərifova rasında qalmaqal yaşanır.
Moderator.az xəbər verir ki, bu barədə "İncə səhər" verilişində açıqlama verən Vəfa gərginliyi daha da alovlandırıb.

Qarşı tərəfin sosial media hesabından canlı yayım açaraq təhqir etdiyini deyən sənətçi Türkanı içkili vəziyyətdə olmaqda ittiham edib.

"Ceyranım" mahnısına görə qalmaqal yaşadıqlarını deyən Şərifova bunları deyib:

"Bir ildən çoxdur ki, dayanmadan mənə söz atırlar. Kənddən gəlib, kəndçi qızıdır, deyirlər. Geyimlərimi və danışıq tərzimi lağa qoyurlar. Artıq içkili vəziyyətdə "Tiktok"da canlı yayım açaraq məni təhqir etmələrinə dözə bilmədim. Mən də onların videolarını paylaşaraq cavab verirəm. O sənətçilərin hamısı mənə qarşı birləşiblər".

Daha ətraflı videomaterialda:

Çap xidmətləri adı altında fəaliyyət göstərən ofisdə "TikTok" oyunları keçirərək səs-küy salan şəxslər məsuliyyətə cəlb ediliblər.

Daxili İşlər Nazirliyinin Mətbuat Xidmətindən Referans.az-a verilən məlumata görə, ayın 21-də gecə saatlarında bir nəfər polisə məlumat verərək "TikTok" sosial şəbəkəsində "Samka" ləqəbli şəxsin idarəçiliyi ilə aparılan verilişdə özünü şəhid ailəsi kimi təqdim edən qadının nalayiq ifadələr işlətdiyini və şəxsi maraqları üçün şəhid ailəsi adından istifadə etdiyini bildirib.

Araşdırmalarla həmin verilişin paytaxtın Nərimanov rayonu ərazisindəki çap xidmətləri adı ilə fəaliyyət göstərən ofisdə təşkil olunması, həmin ünvana gecə saatlarında xeyli sayda vətəndaşların gəlməsi və orada səhər saatlarınadək keçirilən şou-proqramlar nəticəsində yaranan səs-küyün sakinlərin haqlı narazılığına səbəb olması müəyyən edilib.
Həmçinin həmin iaşə obyektinin icarə müqaviləsi olmadan fəaliyyət göstərdiyi də aşkar edilib.
Polis əməkdaşları tərəfindən qeyd olunan məkana toplaşaraq ictimai qaydanı pozan 14 nəfər barəsində inzibati tənbeh tədbiri tətbiq edilib.

Azərbaycanda toyda qeyri-adi hadisə yaşanıb.

TEREF lent.az-a istinadən bildirir ki, hadisə Bakıdakı şadlıq saraylarından birində baş verib. Bəy öz atasını və müğənnini toyundan qovub.

Hadisəyə müğənninin açıq-saçıq geyimi səbəb olub. Məlumata görə, atanın başı toydan çox həmin müğənniyə qarışıb. Onunla çox rəqs edib və uzun müddət ətrafında dolaşıb. Bu da bəyin xoşuna gəlməyib.

Nəticədə əsəbiləşən bəy atasını və müğənnini toydan qovub.

Xanım müğənninin adı çəkilməsə də, onun tanınmış və fəxri adı olduğu bildirilir.

Türkiyənin sosial media fenomeni, müğənni Banu Parlak çirkli pulların yuyulmasına görə həbsdə olan fenomenlər Engin və Dilan Polata qarşı qaldırdığı iddianı geri götürüb.

O, bu haqda özünün instaqram hesabında paylaşım edib.

O qeyd edib ki, cütlüyün ailəsi ilə görüşdükdən sonra bu addımı atıb:

“Yaşadığım dəhşətli hadisədən sonra dostum Dilan Polat və ailəsi ilə çətin dönəmdən keçdiyimiz üçün görüşə bilməmişdik. Yaxın zamanda ailə mühitində bir araya gəldik və bir-birimizə yaşadığımız çətinliklərdən danışdıq. Dilanın qızı Nildanın mənə dediyi “Banu bacı, sənin vurulduğun gün anam çox ağladı” sözlərindən sonra bu iş mənim üçün bağlandı”.

Xatırladaq ki, Banu Parlaka məxsus gözəllik mərkəzinə 1 oktyabr 2023-cü ildə motosikletdə olan iki nəfər tərəfindən silahla atəş açılıb. Parlak hadisə ilə bağlı hazırlanan ittiham aktı çərçivəsində Dilan və Engin Polat cütlüyünü də günahlandırıb.