 |
|
|
"Əmək və Əhalinin Sosial Müdafiəsi Nazirliyinin “qənaət” etdiyi 1 milyard manat necə formalaşıb? Pensiya islahatlarının nəticəsi haqqında məlumat açıqlanıb: 2021-ci ildə pensiya xərclərinə qənaət 2018-ci illə müqayisədə 549, 2022-ci ilin yanvar-avqust ayları üzrə pensiya xərclərinə qənaət isə 2018-ci illə müqayisədə 495 milyon manat olub. Yəni anlaşıqlı desək, bu o deməkdir ki, 2018-ci ildə və sonrakı illərdə nazirliyin apardığı araşdırmalarla müəyyən olunub ki, yarım milyardlıq pensiya qanunsuzdur, odur ki, 2021 və 2022-ci illərdə onun verilməsindən imtina edilib".
DİA.AZ-ın pravda.az-a istinadən xəbərinə görə, bunu ekspert Osman Gündüz bildirib.
O.Gündüz qeyd edib ki, nazirlik bu addım adını “qənaət” qoyublar: "Son 3-4 il ərzində isə “qənaət” olunan məbləğ təxminən 1 milyard olub. Xatırladıram ki, nazirliyin qanunsuz pensiyalara və qanunsuz əlilliyə qarşı mübarizəsi də məhz həmin dövrləri əhatə edib. 1 milyardlıq “qənaət” üçün əsaslar yaradan keçmiş nazir Səlim Müslümova qarşı 27 milyonluq yeyinti ittihamı irəli sürülüb və bildiyim qədər hazırda ev dustaqlığındadır".