Orta aylıq əməkhaqqının ən yüksək olduğu ölkələr açıqlandı - Azərbaycan neçənci sıradadır?
Dünya üzrə orta aylıq əməkhaqqınının ən yüksək olduğu ölkələrin siyahısı yayımlanıb.

Hurriyyet.az xəbər verir ki, "CEOWorld" analitik nəşri tərəfindən tərtib edilən siyahıda 196 ölkə yer alıb. Reytinq müəllifləri hesablayıblar ki, ən yüksək orta əməkhaqqı maliyyə, sığorta, elektrik enerjisi, mədənçıxarma, informasiya texnologiyaları, pərakəndə ticarət və təhsil sektorlarındadır. Ən aşağı maaş isə inzibati işlər, mehmanxana və restoran idarəçiliyi və tikinti sənayesindədir.

Orta aylıq əməkhaqqının ən yüksək olduğu 3 ölkə - İsveçrə, Lüksemburq və ABŞ olub. Azərbaycan isə ilk 100-lükdə yer alıb. Siyahıya görə, Ermənistan (541 dollar) 92-ci, Gürcüstan (534 dollar) 93-cü, Azərbaycan (494 dollar) 99-cu, Ukrayna (430 dollar) 107-ci, Türkiyə (314 dollar) isə 124-cü sırada qərarlaşıb.

Hazırda ən yüksək orta aylıq əməkhaqqı bu ölkələrdədir:

1. İsveçrə (8111 $);

2. Lüksemburq (6633 $);

3. ABŞ (6455 $);

4. İslandiya (6441 $);

5. Norveç (5665 $);

6. Danimarka (5642 $);

7. Kanada (5081 $);

8. Qrenlandiya (4665 $);

9. İrlandiya (4622 $);

10. Hollandiya (4581 $).

Siyahıda sonuncu yerdə olan ölkələr isə aşağıdakılardır:

192. Şimali Koreya (37 $);

193. Mali (34 $);

194. Malavi (31 $);

195. Anqola (27 $);

196. Lesoto (24 $).

AzPolitika.info

Quru sərhədlərin bağlı olması Azərbaycanın İranla sərhədyanı bölgəsindəki əhaliyə necə təsir edib?

Müxbirlərimiz Astara sakinləri ilə söhbət ediblər.

Azərbaycanda koronavirus pandemiyası ilə əlaqədar olaraq 2020-ci ilin mart ayından quru və dəniz sərhədləri qapadılıb.
Həmin tarixdən etibarən hər üç aydan bir xüsusi karantin rejiminin vaxtı uzadılır. Ən son belə qərar mart ayında verilib və Azərbaycanda xüsusi karantin rejiminin müddəti 2024-cü il iyulun 1-dək uzadılıb.

Nazirlər Kabinetinin saytı yazır ki, bu qərar “COVİD-19 virusunun yayılmasının və onun törədə biləcəyi fəsadların qarşısının alınması məqsədi ilə” verilib.

Karantin müddətində müxtəlif ölkələrə hava yolları vasitəsiylə gediş-gəliş mərhələli şəkildə bərpa olunsa da, hökumət Türkiyə ilə Azərbaycan arasındakı Sədərək-Dilucu sərhəd-keçid məntəqəsi istisna olmaqla, digər qonşu ölkələrlə - İran, Rusiya və Gürcüstanla quru sərhədləri hələ də bağlı saxlayır.

Xəzər dənizi vasitəsiylə həmsərhəd olan ölkələrə də dəniz yolu ilə gediş-gəliş bağlıdır.

Sədərək-Dilucu sərhəd-keçid məntəqəsindən keçid, ancaq Naxçıvan qeydiyyatı olan Azərbaycan vətəndaşlarına şamil edilir.

Ümumdünya Səhiyyə Təşkilatı 2023-cü ilin mayın 5-də “COVİD-19-la bağlı qlobal fövqəladə vəziyyətin başa çatdığını” elan edib.

“Konkret olaraq bu məhsullar zərərlidir deyə biləcəyim məhsullar var. Onların bir çoxunu istehlakçılar gətiriblər, bizim ofisdə böyük bir kolleksiya var. İldə bir dəfə onları çıxarıb atıram, amma yenə də gəlməyə davam edir”. Bu sözləri Azad İstehlakçılar Birliyinin sədri Eyyub Hüseynov deyib. “Künc-Bucaq” “YouTube” layihəsinin qonağı olan birlik sədri hər gün yediyiniz bəzi qidaların tərkibinin heç də sağlam olmadığını açıqlayıb:

“Sözügedən məhsulları bir-bir göstərə bilərəm. Hazırda satışda saxta duzlar, yağlar, ballar var. Onlar istehlakçıları aldadırlar. Ofisimizdə qapağı açılmamış su var ki, onun içində “gümüşlər” üzür.

Bu yağlar spred yağlardır, üstünə natural yağ olduğu yazılır, inək şəkli vurulur, lakin tərkibində bitki yağı var, hansı bitki yağı olduğu isə bilinmir, mənşəyi məlum deyil. Onların tərkibində palma yağı olsa da, üstünə bunu yazmır və istehlakçıdan gizlədirlər.

Bu gün satışda olan ballar var, üstünə bal yazılsa da, tərkibinin balla əlaqəsi yoxdur. İçinə cürbəcür qatqılar qarışdırılır. Bu isə şübhəsiz ki, sağlamlığa zərərlidir. Alıcı elə bilir ki, qiyməti ucuzdur, balın hansısa variantıdır, amma vəziyyət belə deyil”.

E.Hüseynov “daş duz” adı altında satılan, Ukrayna duzu olduğu iddia olunan xörək duzunun Azərbaycanda istehsal olunduğunu açıqlayıb. O, bu məhsulun göllərdən təsadüfi yığılmış duz olduğunu bildirib:

“Çox məşhur olan xörək duzu var, hər kəs onu alır. Ukraynadan gətirildiyi deyilir, amma Ukrayna ilə Azərbaycanın heç bir duz mübadiləsi yoxdur. Bu, Azərbaycanda istehsal olunur, təsadüfi göllərdən yığılmış duzdur.

Ölkədə yod defisiti xəstəliklərin kütləvi profilaktikası məqsədilə duzun yodlaşdırılması haqqında qanun qəbul olunub. Qanunun 8.3 maddəsinə görə ölkənin əmtəə bazarında yodsuz duzun satışı, idxalı və ümumiyyətlə mövcudluğu qadağandır. Lakin təəssüflər olsun ki, ölkənin əmtəə bazarında yodsuz duzlar var.

Xarici ölkələrdən müxtəlif adlarda duz gətirilir, lakin yodsuzdur. Bu, qanun pozuntusudur”.(Yenisabah.az)

Bakının Qaradağ rayonunda ərini baltalayan qadının məhkəmə prosesi başa çatıb.

Bakı Ağır Cinayətlər məhkəməsinin hökmünə əsasən, 1987-ci il təvəllüdlü əri Rəsul Quliyevi baltalayaraq ona ağır xəsarətlər yetirən 29 yaşlı Könül Quliyeva (adlar şərtidir) 9 il müddətinə azadlıqdan məhrum edilib.

Tərəflərin mübahisəsinə isə qadının telefonuna gələn “darıxmaq şərt deyil” məzmunlu mesaj olub.

Məsələ burasındadır ki, ötən ilin yanvarın 21-də Könül Quliyeva dərsində istifadə etmək üçün telefonu qızına verib. Aşağı sinifdə oxuyan qızı isə vatsapın status bölməsində darıxmaqla bağlı paylaşım edib. Məktəbdə Azərbaycan dili-ədəbiyyat müəllimi çalışan Namiq Zeynalov (ad-soyad şərtidir) isə şagirdin statusuna “darıxmaq şərt deyil” mesajını yazıb.

Könülün əri isə bu mesajın onun arvadına yazıldığını düşünərək həyat yoldaşı ilə mübahisə edib. Bu zaman Rəsul mesajı Könülün qardaşına da göndərib. Həmin mesaja isə “Salam, kimdir?” cavabını yazıb.

Qadının ifadəsinə görə, Könül ərindən zəng edib mesaj yazanın kim olması ilə bağlı maraqlanmağı istəsə də, o, bunu etməyib. Könül ərinin onu ölümlə hədələdiyini, bu səbəbdən qorxduğunu, özünü müdafiə etmək üçün ərinə iki dəfə balta ilə zərbə endirdiyini bildirib.

Rəsul isə məhkəmədə Könüllə heç vaxt barışmayacağını bildirib. O, arvadının ona xəyanət etməsi ilə bağlı düşüncədə qaldığını deyib:

Mənə dedi ki, “aşkım, gəl otur çörək ye”. Oturub çay içəndə başımla balta ilə zərbələr endirdi”.

Darıxmaqla bağlı statusa reaksiya bildirən müəllim də məhkəmədə ifadə edib. O, ifadəsində yanlış anlaşılma olduğunu bildirib:

“Həmin ərəfələrdə şagirdlərin sinfi dəyişmişdi. Uşaqlar elə bilirdilər ki, daha onların müəllimi olmayacam. Bu düşüncələr mövcud olduğu üçün həmin statusa reaksiya bildirim. Nömrələri telefona uşaqların adı və oxuduqları sinfə uyğun qeyd etmişəm. Ondan sonrakı gün isə mesaj gəldi ki, “Salam, kimdir, tanımadım?”. Gələn mesaja baxanda günorta idi. Bu səbəbdən artıq kim olduğumu bildiklərini düşündüyüm üçün cavab yazmadım. Valideyn iclaslarında Könül xanımın üzünü görmüşəm, onunla heç bir münasibətim olmayıb. Mən sadəcə, şagirdin statusuna reaksiya bildirmişəm, o da anasının nömrəsi imiş. Telefonun kimin isitfadəsində olduğunu bilməmişəm”.

Həm də işəgötürənlərin marifləndirilməsi üçün!!
Hər dəfə bayram günləri gəldikdə bu mövzu və ödəmələr sahəsində sual və problemlərdə yaranır. Baxmayaraq ki, Əmək Məcəlləsi ilə bu əmək münasibəti kifayət qədər dəqiq və konkret tənzimlənir. Bayram günlərində işə çağırılan və ya işdə olan işçinin əmək haqqı hansı qaydada ödənilməlidir, bu sahədə işçilərin hansı əmək hüquqları vardır?
Bu suallarla əlaqədar Neftçilərin Hüquqlarını Müdafiə Təşkilatına çoxlu sayda müraciətlər daxil olur. Bu suallarla əlaqədar bildirirəm ki:
1. İstər normal iş vaxtında olsun, istərsə də cəmlənmiş iş vaxtında növbə üsuluilə işləyən
İşçilərin əmək haqqı-Əmək Məcəlləsinin 164
-cü maddəsinə uyğun olaraq bayram günü üçün işçinin əməkhaqqının iki qat məbləğin də ödənilməlidir.
2. Normal iş vaxtında, 5 gün və ya 6 günlük iş vaxtı rejimində işləyən işçilərin bayram günü və ya günləri üçün əmək haqqının ikiqat məbləğdə ödənilməsi sahəsində problemlər çox az olur. Çox təəssüf ki, növbə üsulu ilə işləyən işçilərdə bu halda əmək haqqı iki qat məbləğdə ödənilmir, müxtəlif əsassız və qanunsuz bəhanələrlə. Bu halda səbəb və ya bəhanə gətirilir ki, işçi növbə üsulu ilə işləyir, şənbə və bazar günləri kimi bayram günləri də adi iş günləridi, bu əsasdan da əmək haqqı bayram günləri üçün ikiqat məbləğdə ödənilmir. Lakin, bu halda bir fakt yaddan çıxarılır ki, növbə üsulu ilə işləyən işçilərdə şənbə və bazar günləri istirahət günləri deyil, adi iş günləri hesab olunur. Lakin, bayram günləri heç bir halda adi iş günləri hesab edilmir. Bu əsasdan da, bayram günləri üçün işçilərin əmək haqqı -AR Əmək Məcəlləsinin 164-cü maddəsinə uyğun olaraq işçinin əmək haqqının iki qat məbləğində ödənilməlidir.
3. Bayram günlərində işə görə əmək haqqını tam olaraq ödəməyən işəgötürən üçün qanunvericilikdə məsuliyyət nəzərdə tutulur.
4. Bayram günlərində işə görə əmək haqqını və ezamiyyə pulunu vaxtında və tam olaraq ödəməyən işəgötürən - hər gecikdirilən gün üçün işçiyə əmək haqqının azı bir faizi məbləğində ödənc verilməlidir.
5.İşçinin:əmək haqqı və məzuniyyət haqqını, ezamiyyə xərclərini-qanunvericiliklə nəzərdə tutulmuş qaydada verilməməsinə görə- vəzifəli şəxslər yeddi yüz manatdan min beş yüz manatadək məbləğdə cərimə edilir.
6. İşəgötürənlər, Azərbaycan Respublikasının Əmək Məcəlləsinin və əmək qanunvericiliyi sisteminə daxil olan digər normativ hüquqi aktlarla müəyyən olunmuş işçi hüquqlarını pozmağa, hər hansı şərtlə və ya qaydada məhdudlaşdırmağa, habelə bu hüquqlardan sui-istifadə etməyə, əmək müqaviləsi ilə müəyyən edilmiş öhdəlikləri, vəzifə funksiyasını yerinə yetirməməyə görə qanunvericiliklə müəyyən edilmiş qaydada maddi, intizam, inzibati, cinayət məsuliyyəti daşıyırlar.
7. Bu sahədə əmək hüquqları pozulmuş işçi əmək hüquqlarının bərpası ilə əlaqədar iddia ərizəsi ilə məhkəməyə müraciət etməklə həm ödənilməmiş məbləği, həm də dəymiş ziyanın əvəzinin ödənilməsinə nail olmalıdır.
Azər Quliyev.
TEREF

Azərbaycan millisinin sabiq futbolçusu Vadim Vasilyev ictimaiyyətdən maddi yardım istəyib.

AzFakt.com xəbər verir ki, o, bu barədə sosial şəbəkə hesabında paylaşım edib.

Belə ki, V. Vasilyev bank kartının nömrəsini yazaraq insanlardan kömək istəyib:

Xatırladaq ki, 53 yaşlı keçmiş hücumçu fevral ayında insult keçirdiyi üçün xəstəxanaya yerləşdirilmişdi.

Qeyd edək ki, Vadim Vasilyev 1999-2003-cü illərdə Azərbaycan yığmasında çıxış edib və 33 oyunda iki qol vurub.

Pensiyaçalara maddi yardım verilməsi məsələsinə aydınlıq gətirilib.

Bu barədə DOST TV-nin canlı yayımında Dövlət Sosial Müdafiə Fondunun sədri Himalay Məmişov deyib.

"2022-ci ildə Prezident İlham Əliyevin təşəbbüsü ilə əmək pensiyaçılarına maddi dəstək göstərilməsi məqsədilə sığorta prinsipiylə pensiya alan şəxslərə 200 manat maddi yardım edildi. 2023-cü ildə isə həmin maddi yardımlar bölündü və bir aya düşən məbləği pensiyalara daxil edildi. Həmin yardımlar indeksləşidirilərək pensiya məbləği daxilində ödənilir. Sosial ödənişlərdə artımlar ola bilər. Bunu indi dəqiq demək çətindir. Vətəndaşlara dövlətin dəstəyi davamlı şəkildə gücləndirilir", - deyə o bildirib.

Azərbaycanda atanın üç övladını sığınacağa yerləşdirdiyi iddia edilir.

Bu barədə “Qadın və Uşaq Sığınacağı” Təşkilatının sədri Mehriban Zeynalova sosial şəbəkə hesabında yazıb.

Mehriban Zeynalovanın sözlərinə görə, ata uşaqlara ayrılan sosial yardımın kəsilməsini səbəb gətirərək onları sığınacağa gətirib.

“Ata uşaqlara alınan aylıq yardım kəsildiyindən övladlarına artıq baxmaq istəmədiyini bildirib”, - deyə Mehriban Zeynalova əlavə edib.

Mehriban Zeynalova atanın övladlarına görə hədə səsləndirdiyini də bildirib:

“Ata, əgər uşaqları kimsə evə qaytarsa, övladlarını balkondan atacağı ilə hədələyib. Hazırda uşaqlar sığınacaqdadırlar və anaları sığınacağa qoyulduqdan sonra bir dəfə baş çəkmək üçün gəlib”.

Azərbaycanda yarım milyona yaxın fərdi yaşayış evinin çıxarışının olmadığı fikri səslənir. Bu evlərə sənəd verilməməsinin bir sıra səbəbləri var. Həmin evlər əsasən yüksək təzyiqli neft, qaz, su və kanalizasiya xətlərinin yaxınlığında, yüksək gərginlikli elektrik xətlərinin altında yerləşir.

Bəzi evlər isə təhlükəli hesab edilməyən ərazilərdə tikilən, lakin müxtəlif səbəblərdən çıxarış verilməyən mənzillərdir.

Məsələnin həll olunması ilə bağlı ölkə başçısının xüsusi tapşırığı var. Bu yöndə zamanla bir sıra addımlar atılsa da, problemlər olduğu kimi qalmaqdadır.

Belə ki, bir müddət öncə Azərbaycanda sənədsiz yaşayış evlərinin invertarlaşdırılmasına başlanıldı. Vətəndaşlar tez bir zamanda sənədsiz evlərinin rəsmiləşdiriləcəyinə dair ümidlənsələr də, proses sonradan tamamilə dayandırıldı. Rəsmi qurumlar sənədsiz evlərin sənədləşdirilməsi işinin pandemiya səbəbindən ləngidiyini söylədilər və bu istiqamətdə işin məhz pandemiya səbəbindən müvəqqəti dayandırıldığını açıqladılar. Amma hazırda da bu yöndə iş getmir və proses tamamilə dayandırılıb.

Bəhs etdiyimiz məsələ niyə nüşkülə çevrilib? Evlərin sənədlərşdirilməsi prosesini mərhələli şəkildə həyata keçirmək çətindirmi? Hazırda çıxarışsız evdə yaşayan vətəndaş çıxarış almaq üçün ilk hara müraciət etməlidir? Bu yöndə işlər hansı ardıcıllıqla həyata keçiriləcək?

Mövzu ilə bağlı əmlak məsələləri üzrə ekspert Elnur Azadov Bizim.Media-ya danışıb.

O bildirib ki, paytaxtda qanunsuz tikililər hələ sovet hökuməti vaxtından yaranıb:

“Bu tikililərin yaranması müxtəlif dövrlərdə müxtəlif səbəblərdən irəli gəlib. Bir qismi sovet hökuməti dövründə, bir qismi sonradan yaranıb. Bilirik ki, iri miqyasda yaşayış yerlərinin tikilməsi çatdırılmırdı deyə, gecəqondu əmlaklar əmələ gəlib. Sovet hökuməti dağılandan sonra torpaqlar bələdiyyə sərəncamına verildi, bələdiyyələr də başladı həmin torpaqları satmağa…Müxtəlif mənbələrdən müxtəlif vaxtlarda müxtəlif seqmentli əmlaklar əmələ gəldi. Sayı da 500-600 min kimi rəqəmə çatdı. Bir fərmanla da hamısına eyni yanaşma tətbiq etmək olmurdu”.

Ekspert hesab edir ki, qanunsuz tikililərin qeydiyyatının aparılmasını həyata keçirən portal bu il hazır olacaq:

“Ölkədə biznes mühitinin yaxşılaşdırılması ilə bağlı ölkə başçısının 2016-cı ildə imzaladığı fərman var. O qanuna istinadən 2023-cü il yanvarın 30-da Dövlət Əmlak Xidməti ilə Ədliyyə Nazirliyi birgə platformanın hazırlanması istiqamətində iş aparmağa başladılar. Gələcəkdə bütün tikililərlə, əmlaklarla bağlı əməliyyatlar həmin portal üzərindən aparılacaq. Yəqin ki platforma bu il işə salınacaq”.

Elnur Azadov qanunsuz hesab edilən tikililərin sənədləşdirilməsi işinin hansı mərhələlərlə baş tutacağını izah edib:

“Heç bir sənədi olmayan əmlakı qeydiyyatdan keçirmək üçün digər üslublar olmalıdır. Hansı əmlakı hansı formada qeydiyyata almaq üçün aidiyyəti qurumlar müxtəlif üslublar üzərində işləyirlər. Misal üçün, əmlak elektrik enerjisi abonenti kimi qeydiyyata salına bilər. Bəllidir ki, istənilən bir yaşayış yerində elektrik var. Qaz xətti olmasa da, hətta su xətti də dolayı yolla çəkilə bilər, amma elektrik enerjisi hər yerdə var.

Digər mərhələdə mövcud olan hər hansı bir sənəd nəzərə alına bilər. Sovet hökuməti vaxtında verilmiş hər hansı qərar, sərəncam, kooperativ sənədlər, bələdiyyə sənədləri və s. ola bilər. Yəni bu işlər ikinci dərəcəlidir.

Üçüncü mərhələdə digər məsələlər ola bilər, məsələn, sənədləri qismən mövcuddur, sənəd çatışmazlığı var. Yəni bunlar hamısı həmin portal üzərindən mümkün olacaq. Bunun üzərində bir ildən çoxdur iş gedir. 2024-cü il ərzində həmin portal artıq ictimaiyyətə təqdim olunacaq.
Bu, qanunsuz evlərin, tikililərin qeydiyyata alınmasıdır. Bu, tək yaşayış fondu yox, qeyri-yaşayış və digər fondlar üçün də nəzərdə tutulub. Ona görə ki, biznes mühitinin yaxşılaşdırılması tək yaşayış fonduna aid deyil. Ölkədə bu kimi qanunsuz tikililərin qanuniləşdirilməsi üçün sözügedən portalda bu imkanlar yaradılacaq”.

Ekspert təklif edir ki, kənd yerlərində tikilmiş evlər, eləcə də kənd təsərrüfatı təyinatlı torpaqlarda evlər tikildiyi üçün onlarla bağlı da müvafiq qərar olmalı, onların təyinatı dəyişdirilməlidir.

Ötən ilin dekabr ayında Azərbaycanda 217,6 min işsiz şəxs qeydə alınıb.

Yeniavaz.com xəbər verir ki, bu məlumat Müstəqil Dövlətlər Birliyinin (MDB) Dövlətlərarası Statistika Komitəsinin açıqladığı sonuncu hesabatda yer alıb.

Hesabatda qeyd olunur ki, Azərbaycanda qeydə alınan işsiz şəxslərin sayı iqtisadi fəal əhalinin 4,1%-ni təşkil edib.

İşsiz şəxslərin iqtisadi fəal əhalinin sayına olan nisbətinə görə Azərbaycan MDB ölkələri arasında ilk sırda yer alıb.

Aşağıdakı cədvəldə 2023-cü ilin dekabr ayında MDB ölkələrində işsizlərin sayı və iqtisadi fəal əhalinin sayına olan nisbəti qeyd olunub: