Azərbaycanın ən böyül mobil operatoru olan “Azərcell” mobil internetin qiymətlərini artırıb. Onsuz da bahalı olan xidmətin bahalaşmasının səbəbləri hələlik açıqlanmayıb.

“Cable.co.uk” resursunun məlumatına görə, ölkəmizdə 1 GB-ın qiyməti 1,76 dollardır və bu nəticə ilə dünyanın 223 ölkəsinin daxil olduğu reytinqin ortasında qərarlaşırıq. Müqayisə üçün qeyd edək ki, Rusiya 1 GB-ın orta qiyməti təxminən 0,48 dollar olmaqla 30-cu yerdədir.

“Cable.co.uk” analitikləri deyirlər ki, uzun müddətdir hər yerdə mövcud olan 4G infrastrukturu və ya yeni 5G infrastrukturu olan ölkələr cədvəlin daha ucuz sonundadır. Bunun səbəbi onların planlarının orta göstəricidən əhəmiyyətli dərəcədə daha çox məlumat təklif etmələri və məhdudiyyətlərin adətən yüzlərlə gigabayt olması və ya mövcud olmamasıdır. Ona görə də bu ölkələrdə bir gigabaytın qiyməti çox aşağı olacaq.

Mobil internetin bahalaşmasının səbəbi nədir və “Azercell” niyə xidmətinin qiymətini artırmaq qərarına gəlib?

Azərbaycan İnternet Forumunun (AİF) prezidenti Osman Gündüz AYNA-ya şərhində deyib ki, bu suala birmənalı cavab vermək mümkün deyil: “Mənə qiymətlərin artırılmasının və tarif planlarının dəyişdirilməsinin səbəbləri ilə bağlı çoxlu suallar gəlir, lakin onlara cavab vermək mümkün deyil. Belə çıxır ki, mobil rabitə bazarında dominant mövqe tutan şirkət heç bir əsas olmadan zənglərin və məlumatların ötürülməsinin, SMS-in qiymətini qaldırıb, tarif şərtlərini dəyişib. Bütün bunlar əsassızdır və olduqca qəribə görünür”.

“İnanıram ki, bu sahəyə məsul olan dövlət qurumu mövcud vəziyyətə baxıb, bunun nə dərəcədə qanunauyğun olması ilə bağlı bir nəticə çıxaracaq. Hesab edirəm ki, mobil rabitə bazarında rəqabət mühitini də öyrənmək lazımdır. Görəsən, hansı səbəblər şirkəti tarifləri artırmağa vadar edib, onun xərcləri artıbmı? Ümumiyyətlə, “Azercell”in milliləşdirilməsindən sonra investisiya və şəbəkə xərclərinin dinamikasını, həmçinin qiymət artımlarını təhlil etmək faydalı olardı”, - deyə ekspert bildirib.

Həmsöhbətimizin fikrincə, bütün bu suallara cavab verilənə və müvafiq nəticə çıxarılana qədər tarif siyasəti planlarında yeni artımlar və dəyişikliklər dayandırılmalıdır: “Eyni zamanda, xidmətlərin keyfiyyəti və yeni texnologiyalardan istifadə haqqında düşünmək daha məntiqli olardı. Bununla bağlı qeyd etmək istərdim ki, qonşu ölkələrdə tariflər nisbətən aşağıdır, tətbiq olunan texnologiyaların səviyyəsini müqayisəli qiymətləndirmək olmaz”.

“Qonşu ölkələrin mobil operatorları bizdən daha çox sərmayə qoyurlar – son illərdə onlar 5G şəbəkəsi üçün lisenziya alıblar və yeni şəbəkələr təqdim edirlər. Bütün bu yeniliklər əhəmiyyətli investisiyalardan asılıdır. Amma ölkəmizlə müqayisədə belə yüksək xərclər olsa da, qonşu ölkələrdə qiymət artımı müşahidə olunmur. Ona görə də ümid edirəm ki, aidiyyəti strukturlar baş verənlərlə bağlı əsaslı izahat verəcək”, - deyə Gündüz vurğulayıb.

Bu baxımdan “Cable.co.uk”un gəldiyi nəticə maraqlıdır. Britaniya agentliyinin ekspertləri belə qənaətə gəliblər ki, uzun müddətdir hər yerdə mövcud olan 4G infrastrukturu və ya yeni 5G infrastrukturu olan ölkələr reytinqin daha ucuz hissəsində yer alır.

“Bu ona görədir ki, onların planları orta göstəricidən əhəmiyyətli dərəcədə daha çox məlumat təklif edir və məhdudiyyətlər adətən yüzlərlə gigabaytdır və ya mövcud deyil. Ona görə də bu ölkələrdə bir giqabaytın qiyməti çox aşağı olacaq”, - deyə agentlik yazır.

Anar Məmmədov Londondakı KFC şəbəkəsini alandan sonra restoranlar zərərlə işləməyə başlayıb
Sabiq nəqliyyat naziri Ziya Məmmədovun oğlu Anar Məmmədova məxsus Böyük Britaniyanın paytaxtı Londonda fəaliyyət göstərən KFC restoranlar şəbəkəsi böyük zərər edib.
Yeniavaz.com xəbər verir ki, səhmlərinin 75%-i Anar Məmmədova məxsus olan “B.J.R. Foods Limited” şirkəti 2022-ci ili 1 milyon 182 min 13 funt-sterlinq (2,6 milyon manat) zərərlə başa vurub.
Müqayisə üçün bildirək ki, “B.J.R. Foods Limited” şirkəti 2021-ci ili 3 milyon 244 min 762 funt-sterlinq mənfəətlə başa vurub.
Bundan başqa şirkətin illik dövriyyəsi isə 7,1% azalaraq 41 milyon funt-sterlinqdən 38 milyon funt-sterlinqə düşüb.
Qeyd edək ki, Londonda məşhur restoranlar şəbəkəsi olan KFC françayzinqinə sahib olan “B.J.R. Foods Limited” şirkətinin 75%-lik payını Anar Məmmədov 23 iyul 2021-ci il tarixində satın alıb.
Onu da bildirək ki, Anar Məmmədov eyni tarixdə daha 3 şirkətin 75%-lik payını satın alıb. Bu şirkətlər “Colonel Foods Limited”, “1st RATE Investment (UK) Limited” və “Amber Restaurants Limited” şirkətləridir.
“Colonel Foods Limited” və “Amber Restaurants Limited” 152 gündən artıqdır ki, hesabatlarını müvafiq qurumlara təqdim etməyiblər.
Səhmlərinin 75%-i Anar Məmmədova aid olan bu şirkətlərə hazırda Böyük Britaniya vətəndaşları 1970-ci il təvəllüdlü Zafar Abbasi və 1967-ci il təvəllüdlü İqbal Sulemani rəhbərlik edirlər. Bu şəxslər daha əvvəl – 2004-2010-cu illərdə Londonda fəaliyyət göstərən “Zqan UK Ltd” şirkətinə rəhbərlik ediblər. Məlum olduğu kimi, Azərbaycanda fəaliyyət göstərən ZQAN holdinq Anar Məmmədova məxsus olub. ZQAN adı da sabiq nazirin özünün və ailə üzvlərinin adının baş hərflərindən yaranıb.
Xatırladaq ki, Bakıda fəaliyyət göstərən KFC restoranları da vaxtilə Anar Məmmədova məxsus ZQAN holdinqə bağlı olub. ZQAN holdinq 2013-cü ildə adını dəyişərək “Garant” holdinq olub. 2017-ci ildə Ziya Məmmədov nazir vəzifəsindən çıxarıldıqdan sonra KFC restoranları vaxtı ilə fövqəladə hallar naziri Kəmaləddin Heydərovun oğlanlarının rəhbərlik etdiyi “Gilan” holdinqin tərkibinə daxil edilib.

Dövlət Gömrük Komitəsinin son hesabatına əsasən, cari ilin yanvar ayında Azərbaycandan 1 709 ton nar ixrac olunub ki, bunun da statistik dəyəri 1 milyon 489 min dollar təşkil edib. 2023-cü ilin eyni dövründə isə ixracın həcmi 2 691 ton, dəyəri isə 3 milyon 365 min dollar olub.

Bu da onu göstərir ki, ixracın həcmi 982 ton və ya 36.5%, dəyər ifadəsilə 2,3 dəfə, yəni 1 milyon 876 min dollar və ya 55,75 faiz azalıb.

Azalmaya səbəb nədir?

Mövzu ilə bağlı fikirlərini Bizim.Media-ya açıqlayan iqtisadçı-ekspert Fuad İbrahimov, cari mövsümdə nar yığımının və nar məhsullarının emalının həcminin artdığını bildirib:

“Həm əkində, həm də yığımda ciddi artım var. Qiyməti də öz səviyyəsini qoruyub saxlayır. Üstəlik daxili bazarda da nara tələbat ciddi artıb. Hətta narşərab, şirə və digər nar məhsullarının istehsal həcmində də artım müşahidə olunur”.

Bunu yaxşı hal kimi dəyərləndirən ekspert, ixracın azalmanın əsas səbəblərinə də diqqət çəkib:

“Bu gün əksər kənd təsərrüfatı məhsullarımızın əsas ixrac istiqaməti MDB ölkələridir. Daha çox isə Rusiya, Ukrayna və Belarusdur. Bu gün isə Rusiya və Ukrayna arasında müharibə gedir. Bizim əsas çıxışımız Rusiyanın qərb bölgələrinədir. Ölkənin şərqinə, eləcə də orta vilayətlərinə isə heç bir çıxışımız yoxdur. Bu da ixracın bizə maddi cəhətdən baha başa gəlməsi ilə bağlıdır”.

Onun sözlərinə görə, Rusiya ilə ticarət dövriyyəmiz yaxşı olsa da, gəlirlərimiz dönərli valyuta ilə deyil, rublladır:

“Halbuki, gəlirlərimizi dönərli valyutaların biri ilə əldə etmək daha sərfəlidir. Bundan başqa, son dövrlər adları çəkilən ölkələrin istehlak bazarlarındakı ciddi tələbat azalması baş verməkdədir. Məhz bu iki məsələ ixrac potensialımızın azalmasına gətirib çıxarır”.

Bu ilin fevral ayının əvvəlinə olan məlumata görə, Azərbaycanda fəaliyyət göstərən 23 bankda 23 min 633 nəfər işçi çalışır.

Yeniavaz.com-un açıqlanan rəsmi məlumatlara istinadən apardığı hesablama göstərir ki, son bir ay ərzində bank işçilərinin sayı 64 nəfər artıb.

Qeyd edək ki, bu ayın əvvəlində ölkədə 2 dövlət bankı, 21 özəl bank olub. Xarici kapitallı bankların sayı 9 olub.
Bu ilin yanvar ayı ərzində bank filiallarının sayı dəyişməz qalıb – 475. Bank şöbələrinin sayı isə bir ay ərzində 96-dan 104-ə yüksəlib.

Banklara məxsus ATM-lərin sayı isə son bir ayda 4 ədəd artaraq 3 min 40-dan 3 min 44-ə çatıb.

Onu da bildirək ki, ölkədə fəaliyyət göstərən 23 bankın yanvar ayı ərzindəki xalis mənfəəti 99,6 milyon manat olub. Müqayisə üçün bildirək ki, ötən ilin eyni dövründə bu göstərici 90,3 milyon manat olub.

“Bayramlardan öncə tələbat çoxaldığına görə qiymətlərin kəskin artımının şahidi oluruq”.

Bu fikirləri Novruz bayramı ərəfəsində ərzaq və digər məhsulların qiymətlərinin artmasına münasibət bildirən iqtisadçı Əkrəm Həsənov Yenicag.az-a açıqlamasında deyib.

Onun sözlərinə görə, mövcud təcrübə Azərbaycanda bu il də bayramqabağı məhsulların qiymətində artım olacağını göstərir:

“Təcrübə Azərbaycanda bayramqabağı qiymətlərin daha da qalxacağını göstərir. Ona görə ki, ən az gəliri olan, aztəminatlı təbəqə də bayram bazarlığı edir. Satıcılar da bundan maksimum dərəcədə istifadə etməyə çalışır. Düşünürəm ki, bu bahalaşma, əsasən, ərzaq məhsullarında özünü göstərəcək.

Bəzi ənənəvi endirimli reklam kampaniyaları da bazarda hələ ki müşahidə olunmur. Hər il olduğu kimi, bu bayram dönəmində də qiymətlərdə artım baş verir. Əgər həmin məhsulları satan şəxslər inhisarçı deyilsə, fikrimcə, burada qeyri-qanuni heç nə yoxdur. Qiymət artımı ümumi qaydada baş verirsə, bu özünü bütün məhsullarda göstərir. Yəni burada inhisarçılıqdan yox, tələb və təklifdən söhbət gedə bilər”.

Bu barədə Yenicag.az-a danışan iqtisadçı Natiq Cəfərlinin sözlərinə görə, artım trendi aprel ayına qədər davam edəcək:

“Azərbaycan reallığını götürsək, ölkəmizdə hər dəfə bayramlar ərəfəsində qiymət artımı müşahidə olunub. Düşünürəm ki, biz yenə də eyni mənzərə ilə qarşılaşacağıq. Bayramlardan öncə tələbat çoxaldığına görə qiymətlərin kəskin artımının şahidi oluruq. Məncə, artım trendi ən azı aprel ayına qədər davam edəcək. Aprel-May aylarında müəyyən səngimə gözlənilsə də, yay aylarında bəzi məhsullarda ucuzlaşma ola bilər”.

Rusiya hökuməti yaz və yay mövsümlərində artan tələbatı balanslaşdırmaq üçün martın 1-dən benzin ixracına müvəqqəti qadağa qoymağı planlaşdırır.

“Cebhe.info” xəbər verir ki, bu barədə Baş nazirin müavini Aleksandr Novakın sözçüsü bildirib. Sözçü "Biz bu məlumatı təsdiqləyirik",-deyib. Qərar yay tətili, sahə işləri və neft emalı zavodlarında planlaşdırılan texniki xidmət işləri zamanı artan tələbatı kompensasiya etmək üçün lazımdır. Qeyd edək ki, məhdudiyyət Avrasiya İqtisadi Birliyinə üzv ölkələr və Cənubi Osetiya, Abxaziya, Monqolustan və Özbəkistana şamil edilməyəcək. Xatırladaq ki, "RBC" xəbər təşkilatı daha əvvəl mövsümi qiymət artımı fonunda belə planlar barədə məlumat vermişdi.

Maraqlıdır, bu qərar Azərbaycana təsir edəcək və benzin bahalasacaq?

Mövzu ilə bağlı “Cebhe.info”-ya iqtisadçı Fuad İbrahimov bildirib ki, ölkəmizdə yüksək oktanlı benzinin istehsalı demək olar ki, həyata keçirilmir.

“Bu ildən başlayaraq ölkəmizdə yüksək oktanlı, beynəlxalq standartlara cavab verən benzinin istehsalına başlanmalıdır. Lakin müvəqqəti olar bu proseslər bir qədər ləngiyib. İstehsal həyata keçirilərsə, o zaman xaricdən asılılığı tam olaraq aradan qaldıra biləcək”.

Həmsöhbətimiz bildirib ki, Rusiyanın benzinin ixracının dayandırması qiymətlərə təsir etməyəcək:

“Rusiyanın benzin ixracına məhdudiyyət qoyması birinci dəfə deyil. Dəfələrlə belə hallar təkrarlanıb. Ölkəmizdə sırf bununla əlaqədar yanacağın qiymətinin qalxacağı gözlənilmir. Lakin yekun qərarı Tarif Şurası qəbul edə bilər. Ancaq bu qərar da sırf bu məqsədlə qiymətlərin artması demək olmaz”.

"Şahdəniz 2" layihəsi çərçivəsində "Şahdəniz" yatağının şərq-şimal cinahından hasilata başlanılıb.

Bu barədə İqtisadiyyat.az-a bp şirkətindən bildirilib.

Məlumata görə, ilin əvvəllərinə planlaşdırılmış bu hadisə tam təhlükəsiz şəkildə yerinə yetirilib.

Bundan əvvəl şərq-şimal cinahında bütün əlaqədar tikinti işləri və istismar sınaqları uğurla başa çatdırılmış və sistem bütövlükdə istismara təhvil verilmişdi.

Yenicə istismara başlamış şərq-şimal cinahında hazırda 5 quyu, iki hasilat manifoldu, ümumilikdə təqribən 30 km uzunluğu olan iki yeni axın xətti və dünya səviyyəli "Şahdəniz" qaz və kondensat ehtiyatı layına birləşmiş bir neçə sualtı qurğu var.

Mövcud Şahdəniz qurğularının hasilat gücü hazırda gündə təxminən 79 milyon (ildə təqribən 29 milyard) standart kubmetrdir.

Qeyd edək ki, "Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub. Bakıdan 70 km cənub-şərqdə yerləşən yataq 1999-cu ildə kəşf olunub.

2013-cü il dekabrın 17-də Bakıda imzalanmış sənədlərə görə "Şahdəniz" yatağının işlənməsi ilə bağlı PSA sazişinin müddəti 2036-cı ildən 2046-cı ilədək uzadılıb.

“Şahdəniz” üzrə iştirak payları belədir: BP (operator – 29,99 %), “Lukoil” (19,99 %), TPAO (19 %), NİKO (10 %), “Cənub Qaz Dəhlizi” (21,02 %).

Azərbaycanda müğənnilərin toy qiymətləri hər zaman müzakirə mövzusu olub. Son günlər də sosial şəbəkələrdə bu müzakirələr artıb.

Bizdə müğənnilər bütöv toy oxumaqdansa yarım saatlıq gedib fonoqramla çıxış etməyə daha çox üstünlük verirlər. Həm asan, həm sərfəli.

Lent.az azərbaycanlı müğənnilərin yarım saatlıq toy qiymətlərini təqdim edir:

Aygün Kazımova 8 min manat

Röya 8 min manat

Faiq Ağayev 4 min manat

Nəfəs 4 min manat

Səidə Sultan 4 min manat

Üzeyir Mehdizadə 3 min 500 manat

Zamiq Hüseynov 4 min manat

Elnarə Abdullayeva 3 min 500 manat

Miriyusif 8 min manat

Tünzalə Ağayeva 4 min manat

Günay İbrahimli 3 min manat

Brilliant Dadaşova 6 min manat

Xatirə İslam 3 min 500 manat

Manana 4 min 500 manat

Sevda Yəhyayeva 4 min manat

Rəqsanə 3 min manat

Aysun İsmayılova 3 min manat

Nadir Qafarzadə 4 min manat

Namiq Qaraçuxurlu 3 min manat

Zülfiyyə Xanbabayeva 5 min manat

Elton Hüseynəliyev 4 min manat

Xatun 5 min manat

Damla 3 min manat

Xumar Qədimova 4 min manat

Nigar Camal 4 min manat

Türkan Vəlizadə 2 min 500 manat

Gülay Zeynallı 2 min 500 manat

Sevil Sevinc bacıları 4 min manat

Manaf Ağayev 3 min manat

Vəfa Şərifova 2 min 500 manat

Şəbnəm Tovuzlu 3 min manat

Ədalət Şükürov 3 min manat

Rüfət Axundov 2 min manat

Könül Kərimova 3 min manat