Ağsu Şəhər İcra Hakimiyyəti şəhərin daxili avtomobil yollarının əsaslı təmiri işlərinin satın alınması ilə bağlı tenderə yekun vurub.

Qaynarinfo xəbər verir ki, tenderin qalibi “ATF” MMC seçilib. Yolların təmiri icra hakimiyyətinə 493 221,97 AZN-ə başa gələcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “ATF” MMC 23 dekabr 2003-cü ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Göyçay rayonunun Çayarxı kəndində yerləşir. MMC-nin qanuni təmsilçisi Muradov Təbriz Əzim oğludur.

Bütün növ saytların yığılması - EMBLEM.AZ
saytlarin yigilmasi
“ATF” MMC Azad, Təbriz və Fəxrəddin Muradov qardaşlarına məxsusdur. Şirkətin adı onların baş adlarının baş hərflərinin birləşməsidir.

Fəxrədin Muradov 2018-ci ildə hüquq-mühafizə orqanları tərəfindən saxlanılıb. Həmin vaxt Baş Prokurorluğun yaydığı məlumatda bildirilirdi ki, Fəxrəddin Muradova Cinayət Məcəlləsinin 192-ci (qanunsuz sahibkarlıq), 247-ci (işlərin yerinə yetirilməsi zamanı ətraf mühitin mühafizəsi (qorunması) qaydalarını pozma), 308-ci (vəzifə səlahiyyətlərindən sui-istifadə) və digər maddələrlə ittiham irəli sürülüb. Bu işlə bağlı araşdırmalar zamanı məlum olub ki, “ATF” şirkəti dövlətə 361 000 manat ziyan vurub.

Mediada gedən məlumatlara görə, Fəxrəddin Muradov bu cinayət işi çərçivəsində həbs olunsa da, sonradan azadlığa buraxılıb.

“ATF” MMC tender kralı kimi tanınır. Əsasən Şirvan zonasında yerləşən rayon və şəhərlərin yerli qurumlarının keçirdikləri tenderlərin qalibi olur. Şirkət təkcə 2023-cü ildə 1 787 113, 74 manatlıq 4 tenderin qalibi seçilib. Ağsu Rayon İcra Hakimiyyətinin tenderi də bura daxildir. Digər 3 tenderi isə Oğuz, Göyçay və Beyləqan rayon icra hakimiyyətləri keçirib.

“ATF” MMC-nin Azərbaycan Avtomobil Yolları Dövlət Agentliyinin (AAYDA) rəhbəri Saleh Məmmədova bağlılığı barədə iddialar var. Yol çəkilişlərinə “ATF” MMC-yə məxsus texnikanın cəlb edilməsi bu iddiaların əsassız olmadığına şübhələri artırır.

Ağsu Şəhər İcra Hakimiyyətinin başçısı Rövşən Bağırovdur. O, 2021-ci ildən bu vəzifədədir. Rövşən Bağırov Ağsudan əvvəl Lerik rayonuna rəhbərlik edib.

“Muğan Bank”ın birdən-birə bağlanması hesabatlılıqda problemlərin yaşandığından xəbər verir”.

Teref.az bildirir ki, bu fikirləri “Muğan Bank”ın qəfil bağlanması fonunda ölkənin bank sektorunda yaranmış mövcud olan vəziyyəti dəyərləndirən iqtisadçı Rəşad Həsənov Yenicag.az-a açıqlamasında qeyd edib.

Onun sözlərinə görə, sözügedən bankla əlaqədar hesabatlılıqda çox ciddi problemlər olub və nəzarət-monitorinq tədbirləri nəticəsində başqa ciddi nöqsanlar üzə çıxarılıb:

“Bu məsələyə bir neçə aspektdən yanaşmaq olar. Mərkəzi Bankın sədri ölkənin əsas maliyyə qurumunun rəhbəri kimi, ümumilikdə dürüst olmaqla yanaşı, cəmiyyətə pozitiv mesajlar verməlidir. Bank böhranlarının özünəməxsus xüsusiyyətlərindən biri də bu sahədə gözlənilməz “patrtlayış”ın baş verməsidir. Bu da əsasən, informasiya ilə əlaqəli məsələdir.

Yəni müştərilər birdən-birə hər hansı bir narahatedici mesajlar aldıqları təqdirdə, banklardan əmanətlərini kütləvi şəkildə geri çəkmək istəyirlər. O bankllar öz öhdəliklərini yerinə yetirə bilmirlər və defolt riski yaranır. Bütövlükdə bu sseneari fonunda Mərkəzi Bank sədrinin əhalidə təşviş yaratmamaq üçün narahatedici ifadələrdən çəkinməsi anlaşılandır.

Məsələnin ikinci tərəfinə gəlincə, mən düşünmürəm ki, bankın bağlanması ilə bağlı qərar anidən ortaya atılıb. Adıçəkilən bankın bu sektorda çəkisi o qədər də böyük deyildi. Ümumiyyətlə, aktivlər, depozit strukturunda pay və sair göstəricilərə baxdıqda, onlar 1-2 faiz arasında dəyişir. Çox güman ki, Mərkəzi Bank sədri açıqlama verərkən bu göstəriciləri nəzərə alaraq belə bir mövqe sərgiləyib.

Başqa narahatedici məqam bank sektorunda hesabatlılıq məsələsidir. Xatırlasaq, 2020-ci ildə 4 bank fəaliyyətini dayandırdı və o barədə bu məzmunda açıqlama verildi ki, müvafiq hesabatlarda həmin bankların məcmu-kapital tələbini yerinə yetirdikləri göstərilsə də, monitorinq qiymətləndirilməsi bunun tam əksini ortaya çıxardı. Bütün bunlar da bankların hesabatlarında yer alan məlumatlara skeptik yanaşma zərurəti doğurdu.

Ötən gün “Muğan Bank” tərəfindən verilən açıqlamada yer alan məlumatlar təkzib edildi. Yəni göründüyü qədər, hesabatlılıqda çox ciddi problem var və nəzarət-monitorinq tədbirləri nəticəsində ciddi nöqsanlar üzə çıxarılıb. “Muğan Bank” ictimai reytinqi aşağı olan banklar sırasında olduğundan, orada çox riskli kreditləşmə, korporativ idarəetmədə ciddi səhvlər kimi mənfi məqamlar var idi. Lakin bankın birdən-birə bağlanması hesabatlılıqda problemlərin yaşandığından xəbər verir”.

Son bir ildə Azərbaycanda ən çox bahalaşan ərzaq məhsullarından mal, qoyun əti və çaydır.

Dövlət Statistika Komitəsinin (DSK) məlumatına görə, 2022-ci ilin avqustundan indiyədək mal əti 19-20 faiz bahalaşıb. Bahalaşma üzrə ikinci yerdə çaydır. Göstərilən dövr ərzində onun qiyməti 15 faiz artıb.

Azərbaycanda hazırda ümumilikdə 1 min 63 hektar çay plantasiyası var. Ən çox çay sahələri Lənkəran, Astara və Masallı rayonlarındadır.

2023-cü ilin yanvar-iyul aylarında Azərbaycanda 6 min 508 ton çay istehsal edilib. DSK habelə bildirilir ki, həmin aylarda çay istehsalı ötən ilin eyni dövrü ilə müqayisədə 10 faiz azalıb.

Dövlət Gömrük Komitəsinin məlumatına görə isə, 2023-cü ilin yanvar-iyul aylarında Azərbaycan xaricə 3 milyon 417 min dollar dəyərində 379 ton çay satıb. Ötən ilin eyni dövründə Azərbaycan 7 milyon 587 min dollar dəyərində 1 min 263 ton çay ixrac edib. Bu da o deməkdir ki, 2022-ci illə müqayisədə ixrac məbləğ baxımından 2.2 dəfə (4 milyon 170 min dollar), həcm baxımından isə 3.3 dəfə (884 ton) azalıb.

İdxala gəlincə, Azərbaycan bu ilin yanvar-iyul aylarında 38.2 milyon dollar dəyərində 7.2 min ton çay idxal edib. Həmin dövr ərzində ölkənin çay idxalı xərcləri 2022-ci ilin eyni dövrü ilə müqayisədə dəyər ifadəsində 4.1 milyon dollar azalıb. Çay idxalının həcmi isə 14.3 faiz aşağı düşüb.

Kənd Təsərrüfatı Nazirliyindən, əksinə, Turana deyilib ki, Azərbaycanda çayçılığın inkişafına dair 2018–2027-ci il Dövlət Proqramına uyğun olaraq son illərdə çay plantasiyalarının sahəsi və məhsuldarlıq artıb: “Hər hektara düşən məhsuldarlıq artıb. Bu, 16 sentnerdən artıqdır”.

Qeyd olunub ki, Dövlət Proqramının icrası nəticəsində 2027-ci ilədək əkin sahələrinin 3 min hektara, yaşıl çay yarpağı yığımının 8.5 min tona çatdırılması nəzərdə tutulur.

Hərçənd, kənd təsərrüfatı üzrə ekspert Vahid Məhərrəmli AzadlıqRadiosuna bildirib ki, Azərbaycan özünün tələbatı həcmində çay istehsal etmir: “Bizdə ildə 20 min tona yaxın çay lazımdır. Son aylarda ölkəyə çayın idxalı azalıb, bu da o deməkdir ki, təklif azdır. Təklif azalırsa, qiymətlər artır. Azərbaycanda da çayda qiymətləri idxal formalaşdırır, çünki istehsal çox cüzidir və ümumi qiymətə heç cür təsir etmir”.

Onun fikrincə, çay idxalı ilə məşğul olanlar idxalın artırmasında maraqlı deyillər: “Çünki qiymət artırmaqla daha çox qazanc əldə edə bilərlər. Xammal xaricdən gətirilir və şirkətlər burada yalnız qablaşdırmaqla məşğuldur. Düzdür, yerli çaydan da istifadə edirlər. Yerli çay istehsalçıları da fikirləşir ki, idxal azalırsa, yerli çayın qiymətini də artırmaq olar və artırırlar da”.

V.Məhərrəmlinin sözlərinə görə, ölkədə çay emalı və satışı ilə məşğul olan şirkətlərin əksəriyyəti eyni adama məxsusdur: “Ona görə də qiymətləri onlar müəyyənləşdirir”.

O, ad çəkmədən əlavə edib ki, çayı istehsal etmək üçün fermerlərə dəstək vermək lazımdır: “Əgər istehsal vasitəsi, məsələn, su yetərincə deyilsə, məhsul xarab olacaq. Diqqət qanun, proqram hazırlaması ilə bağlı deyil. Dövlət proqramını qəbul edirlər, amma su ilə təmi

Bu ilin yanvar-sentyabr aylarında Türkiyənin Antalya bölgəsində azərbaycanlı iş adamlarının iştirakı ilə 302 şirkət yaradılıb.

"Azərbaycan Reallığı" qeyd edir ki, bu baxımdan Azərbaycan biznesi Rusiya, Almaniya və İrandan sonra 4-cü yerdə qərarlaşıb.

Antalyanın əsasən turizm sahəsi üzrə ixtisaslaşdığını nəzərə alsaq, deməli, azərbaycanlılar pullarını əsasən turizm sektoruna yatırıblar. Türkiyə ilə qonşu olan Gürcüstanın Batumi bölgəsində də iş adamlarımızın aktiv olduğu deyilir. Bəs milli biznes niyə xarici ölkələrin turizm sektoruna can atır? Həmin pulun Azərbaycan iqtisadiyyatına qoyulması üçün nə etmək lazımdır? “Report” mövzunu ekspertlərlə müzakirə edib.

“Azərbaycan Hotellər və Restoranlar Assosiasiyası”nın İdarə Heyətinin sədri, eyni zamanda “Azərbaycan Ekoturizm Assosiasiyası”nın İcraçı direktoru Samir Dübəndi hesab edir ki, Azərbaycan sahibkarlarının yerli turizmə, xüsusilə də regional turizmə yatırım etməməsinin səbəbi yerli icmaların bu sahədə fəaliyyətinin çox zəif olması ilə əlaqədardır:

“Bizdə, hətta dövlətin turizm məqsədi üçün ayırdığı ərazilər var, amma sahibkarlarımız yatırım etməkdən çəkinirlər. Məsələn, Şahdağ Qış-Yay Turizm Kompleksinə yatırım edilməsi üçün son 10 ildə bir neçə də çağırışlar olub ki, orada biznes qurulsun. Amma bu baş vermir və müxtəlif səbəbləri var. Bələdiyyələrin zəif işləməsi, yerli icma orqanlarının fəaliyyətsizliyi və s. Hesab edirəm, regionlarda bu işlər güclənməlidir. Bunun əsasında biz həmin ərazilərə Azərbaycan sahibkarlarının, hətta xarici iş adamlarının marağını artıra bilərik”.

Azərbaycandakı investisiya şirkətlərindən birinin direktor müavini Pərvanə Qasımova isə deyir ki, ölkəmizdə ideyanın biznes modelə çevrilməsi ilə bağlı çətinlik var, buna görə də, pul sahibləri xarici ölkələrə üz tuturlar:

“Bunlar da o ölkələrdir ki, investisiya mühiti tam formalaşıb. Azərbaycanda eyni şəraitin olması üçün kapital bazarının inkişaf etdirilməsi, vençur və investisiya fondlarının fəaliyyət göstərməsi zəruridir. Elə şərait yaradılmalıdır ki, turizm sektorunun bilicisi olan sahibkarlarla investorlar arasında əməkdaşlıq qurulsun. Kapital ölkədən çıxmasın, əksinə ölkəyə yatırılsın”.

“Turizm sahəsində xarici təcrübənin öyrənilməsi və gələcəkdə bu biznes modellərin Azərbaycanda tətbiqi prizmasından milli biznesin xarici ekspansiyası müsbət hal da sayıla bilər. Bu gün Türkiyədə Azərbaycan kapitallı, Azərbaycanda isə Türkiyə kapitallı şirkətlərin sayı çoxdur, bu, sevindirici haldır. Amma Azərbaycanda heç bir sahibkarlıq fəaliyyəti olmayan subyektin birbaşa xaricə investisiyası ölkəmizdən kapital axını deməkdir. Belə olan halda yeni iş yerləri və vergilər digər ölkənin gəlirlərinə aid ediləcək”, - deyə o əlavə edib.

“Turizm Peşəkarları Təşkilatı”nın sədri Ceyhun Aşurov isə hesab edir ki, əgər pulun ölkədə qalmasını istəyiriksə, investisiya mühiti daha da gücləndirilməli, iş adamları qoyduqları sərmayəyə tam təminat almalıdırlar:

“Bunun üçün isə xüsusilə regionlarda iş aparılmalıdır, investorlar stimullaşdırılmalıdırlar. Paytaxtdan kənarda hotellərin tikintisinə hələ də ehtiyac var. Ölkədə 700-ə yaxın hotel olsa da, yetərli deyil. Odur ki, investisiyalara ehtiyacımız var. Təminatlı mühit olmalıdır ki, turizm sektoru inkişaf etsin”.

Tenderlə bağlı məlumatlar daha sonra portaldan silinib

Tibbi Ərazi Bölmələrini İdarəetmə Birliyi (TƏBİB) millət vəkili Cavanşir Feyziyevin oğlu Orxan Cavanşirin milyon manatdan çox dəyəri olan satınalma müqaviləsi imzalayıb. Bu barədə məlumatı araşdırmaçı jurnalist Aydın Allahverdi özünün “Facebook” hesabında yazıb.

Jurnalistin paylaşımından sonra Dövlət Satınalmalarının reyestrindən müqavilə ilə bağlı məlumatlar silinib. Ancaq A.Allahverdi həmin məlumatların ekran görüntülərini qeyd edib.

Ekran görüntüsündən bəlli olur ki, TƏBİB-in tabeliyindəki İnnovasiya və Təchizat Mərkəzi fiziki şəxs Orxan Cavanşir ilə dəyəri 1 milyon 176 min manat olan satınalma müqaviləsi imzalayıb.

Müqavilədə anbar sahəsinin 2023-2024-cü illərdə icarəyə götürülməsi nəzərdə tutulub.

Bu, Orxan Cavanşirlə imzalanan ilk müqavilə deyil. 2021-2022-ci illərdə ofis və anbar kompleksinin icarəyə götürülməsi üçün İcbari Tibbi Sığorta üzrə Dövlət Agentliyi də O. Cavanşirə 1 milyon 176 min manat xərcləyib.

Orxan Cavanşir millət vəkili Cavanşir Feyziyevin oğludur. Onun adı bundan əvvəl “çirkli pullarla” bağlı məsələdə hallanıb.

2021-ci ildə Britaniyanın Cinayətkarlıqla Mübarizə Agentliyi Cavanşir Feyziyevin ailəsinin bank hesablarında olan 15 milyon funt-sterlinqi (34,7 milyon AZN) "çirkli pul" sayıb, hesabları dondurub. 2022-ci ildə isə Britaniyanın Cinayətkarlıqla Mübarizə Agentliyinin (NCA) tələbi və “Westminster Magistrates” məhkəməsinin qərarı ilə pulun bir hissəsi müsadirə edilib. Söhbət 5,6 milyon funt-sterlinqdən (12,9 milyon AZN) gedir.

Məlumatda qeyd olunur ki, müsadirə edilən vəsaitin 1 milyon funt-sterlinqi Orxan Cavanşirin hesabında olub.

Cavanşir Feyziyev fevralın 1-də modern.az saytına müsahibəsində bildirib ki, hakim bank hesablarında olan 10 milyondan bir qədər çox vəsaitin qanuniliyini tanıyıb və məhkəmə həmin vəsaitlərin istifadə üçün açılmasına qərar verib.

"Lakin təxminən 5 milyon məbləğində qalan digər vəsaitlərin xarici ölkəyə köçürülmə mexanizmi məhkəməyə o qədər də aydın deyil və ona görə də məhkəmə həmin vəsaitlərin qanuni yolla köçürüldüyünə şübhə ilə yanaşır".

O, haqqında müsadirə hökmü çıxmış vəsaitlə bağlı bildirib ki, "indi bizim öz təşəbbüsümüzlə qalan vəsaitlərin, yəni Beynəlxalq Bank vasitəsilə köçürülmüş vəsaitlərin də qanuniliyinin yoxlanılması ilə bağlı yeni araşdırma mərhələsi başlanacaq".

"Həmin vəsaitlərin də necə və harada qazanılması haqqında kifayət qədər təsdiqləyici sənədlərimiz var",- Cavanşir Feyziyev deyib.

2020-ci ildə Cinayətkarlıqla Mübarizə Agentliyi bildirib ki, təhqiqatlar aparılan vaxt Feyziyevin ailəsinə məxsus olan vəsaitlər Jurnalistlərin Mütəşəkkil Cinayətkarlıq və Korrupsiyanı Araşdırma Layihəsinin (OCCRP) 2017-ci ildə aşkar etdiyi geniş pul köçürmə sistemi vasitəsilə yuyulub.

"Nə Feyziyevə, nə də onun ailə üzvlərinə qarşı hər hansı ittiham irəli sürülüb," - OCCRP-nin saytında yayılan məlumatda deyilib.

Həmin vaxt Cavanşir Feyziyev çirkli pulların yuyulması və ya hər hansı qanunsuz fəaliyyətdə iştirakını qəti şəkildə inkar edib.

2021-ci ildə Britaniyanın Cinayətkarlıqla Mübarizə Agentliyi Cavanşir Feyziyevin ailəsinin 34,7 milyon manatlıq pulunu "çirkli pul" saysa da, 2023-cü ildə ölkə başçısı İlham Əliyev deputatı "Şöhrət" ordeni ilə təltif edib. O, "respublikanın ictimai-siyasi həyatında uzunmüddətli səmərəli fəaliyyətinə görə" bu ordenə layiq görülüb.

İqtisadçı ekspert: “İndi nazirliklər özləri birbaşa yerlərdə mərkəzi büdcə hesabına işləri həyata keçirirlər”

2024-cü ildə 59 şəhər və rayon dövlət büdcəsindən vəsait almayacaq. Bu haqda Report-a Maliyyə Nazirliyindən məlumat verilib.

“Cəbrayıla, Xocalıya, Xocavəndə, Kəlbəcərə, Laçına, Yardımlıya və Zəngilana isə yerli gəlirlərini və xərclərini tənzimləmək üçün gələn ilin büdcəsində 9,35 milyon manat vəsait ayrılacaq”, – deyə xəbərdə qeyd olunub.

Regionların özünü maliyyələşdirmək imkanlarının kasadlığı Azərbaycanda uzun müddətdir müzakirə olunan məsələlərdən biridir. Ölkə müstəqillik əldə edəndən bu günə qədər regionlarda həyata keçirilən layihələrin demək olar ki, əksəriyyəti üçün vəsait dövlət büdcəsindən və ya Prezidentin Ehtiyat Fondundan ayrılıb.

Oktyabrın 14-də iqtisadiyyat naziri Mikayıl Cabbarov İlham Əliyevin ilk dəfə prezident seçilməsinin 20 illiyinə həsr olunmuş “Vətənə, xalqa və dövlətçiliyə misilsiz xidmətin 20 ili” mövzusunda keçirilən konfransda çıxışı zamanı deyib ki, son 20 ildə regionların sosial-iqtisadi inkişafına həsr olunmuş 4 dövlət proqramı qəbul olunub. Onun sözlərinə görə, bu proqramlar üzrə regionlara yatırılmış investisiyaların həcmi 104 milyard manat olub.

Gələn ildən Azərbaycanın əksər şəhər və rayonlarının büdcədən maliyyələşməsinin dayandırılması rəsmi dairələr tərəfindən regionların inkişafı kimi təqdim olunur.

İqtisadçı ekspert Fərid Mehralızadə isə deyir ki, son illər Azərbaycanda özünü maliyyələşdirən rayonların və şəhərlərin sayı ona görə artır ki, hökumət büdcə təsnifatını dəyişib.

Onun sözlərinə görə, əvvəl yerli xərclər hesab olunan bəzi xərc maddələri indi mərkəzi büdcə hesabına qarşılanır.

“Yəni, əvvəl büdcə bölüşdürüləndə təhsil, mədəniyyət, səhiyyə xərcləri yerli xərc kimi icra hakimiyyətinə ayrılırdı və oradan bölüşdürülürdü. Ancaq indi nazirliklər özləri birbaşa yerlərdə mərkəzi büdcə hesabına işləri həyata keçirirlər. Regionlardakı infrastruktur layihələri də yenə dövlət büdcəsi hesabına həyata keçiriləcək.

Təəssüf ki, özünü maliyyələşdirən rayonların sayının artıması regionların inkişafı və ya daha çox gəlir əldə etmələrilə bağlı deyil. Bu, hökumətin büdcədəki münasibətlər sistemini dəyişməsilə bağlıdır”, – deyə o, bildirib.

Ekspertin sözlərinə görə, rəsmi rəqəmlər göstərir ki, hələ də regionların ölkənin iqtisadi aktivliyində rolu çox azdır:

“Məsələn, əmək bazarında muzdlu işçilərin 60 faizindən çoxu təkcə Bakıda işləyir, regionlarda işləyənlərin isə 70 faizi dövlət sektorundadır. Regionlarda dövlət sektorundan kənar iş yerləri imkanı çox azdır. Biz o vaxt regionların öz daxili resursları hesabına maliyyələşməsindən danışa bilərik ki, orada özəl sektor inkişaf etmiş olsun, vergi ödəsin, nəticədə yerli gəlirlər artsın”, – deyə o, bildirib.

Sentyabrda paytaxtda kirayə mənzillərin qiyməti yenidən artıb. Ekspertlər deyirlər ki, yeni dərs ilindən mənzillərin bazarda sayı xeyli azalıb, qiymətlər daha 15-20 faiz bahalaşıb.

Hər il payızın başlaması ilə paytaxtın kirayə mənzil bazarı yeni qiymət dalğası ilə üzləşir. Əvvəllər yayda aşağı düşürdü, buna görə də sentyabra qədər qiymətlər yalnız əvvəlki səviyyələrə qayıdırdı və ya bir qədər artırdı. İndi növbəti mövsümi qiymət artımı əvvəlki ilə üst-üstə düşür, buna görə də orta dərəcəli məznillərin qiyməti amansızcasına yüksəlir. Keçən ilin əvvəlində 300 manat olan iki otaqlı ikinci əl mənzilin kirayəsi keçən ilin sonu 400 manata, bu il isə 450-550 manata qalxıb.

Sentyabrın sonunda qaynar mövsüm artıq keçdi. Yeni tədris ili özünə gəldi və paytaxta gələn tələbələr yazın sonu və yayın əvvəlində kirayəçilərə tanış olan qiymətlərə sərfəli mənzil tapmaq şansını buraxmadılar.

Daşınmaz əmlak eksperti Ramil Qasımzadə AYNA-ya şərhində deyib ki, hazırda ucuz mənzillər yenidən bahalaşıb: “Respublikanın ali məktəblərinə daxil olan tələbələr paytaxtda təhsil alırlar, ona görə də onlar Bakıda kirayə evə getməli olurlar. Kirayə qiymətlərimiz artıq avqust ayında artmağa başlayır və sentyabrın sonunda aşağı büdcəli ev tapmaq çox çətindir. Bəzi hesablamalara görə, bu tədris ilində tələbələr kirayə mənzillərin 30 faizini, əsasən ucuz kirayə seqmentində tuturlar - bunlar nisbətən ucuz, orta təmirli və universitetlərə nisbətən əlçatan olan bir və ya iki otaqlı mənzillərdir”.

Ən yüksək qiymətlər Yasamal rayonundadır - Bakının ən bol tələbə məskunlaşan yerində bir otaqlı mənzil üçün indi ən azı 450 manat istəyirlər, baxmayaraq ki, keçən il qiymətlər 400-dən başlamışdı. Minimum şərait isə aşağı qiymətləri kompensasiya edir, orta komfortlu ev sahibləri 550 manat və yuxarı qiymət alırlar.

Nəsimi, Nərimanov və Səbail rayonlarında 1 otaqlı mənzilin aylıq kirayə qiyməti 400-450 manatdan başlayır. Bazardan aşağı qiymətlər yalnız paytaxtın kənarındadır - bir otaq üçün 300-350 manat, amma problem hətta qiymətlərdə deyil, pulsuz mənzil tapmaq imkanındadır.

Axı, bu məsələdə təcrübəli olan valideynlər iyulun sonunda uşaqları üçün ucuz kavdratmetr ovuna başlayırlar və payızın başlaması ilə hər kəs üçün büdcə təklifi üçün uğursuz axtarışların vaxtı başlayır.

Tələbələrlə yanaşı, köhnə binaların yerində yeni çoxmərtəbəli binaların tikintisi də qiymətləri qaldırır. Əvvəlki binalarda kirayə daha ucuz idi, amma yeni tikililər artıq adi müştərilər üçün münasib deyil.

Bahalaşmada müvəqqəti miqrantların da rolu olub. Ukraynada müharibə başlayandan Azərbaycana Rusiya və Ukrayna vətəndaşları gəlir - onların hamısı mənzil kirayələyir və bu da orta kirayə qiymətinə təsir edir. Tələb axını paytaxtın mərkəzində baş verir: əksər hallarda miqrantlar Bakıda mənzilləri 3-4 ay müddətinə kirayəyə götürürlər.

Düzdür, sərhədlərin qismən bağlı olduğunu nəzərə alsaq, rusların ölkəmizə axını nisbətən azdır və Bakıda kirayə evlərin qiyməti hər yerdə artmır. Bazarda qiymətlərlə bağlı vəziyyət indi çoxistiqamətlidir: şəhərin bəzi ərazilərində nisbi sabitlik yerini artıma verib, digərlərində isə hələ də düzəlişlər var. Amma istənilən halda təklif artımının ləngiməsi bu proseslərə təsir edir.

“Bütün bunlar orta qiymətə mənzillər seqmentində qıtlığa gətirib çıxarır. Əgər ötən illərdə mayın sonunda qeyri-rezident tələbələr kirayə evlər verib rayonlara səyahət edirdilərsə, Bakıda mənzillər ucuzlaşmağa başlayırdı. Tələb az olduğu üçün vəziyyət artıq gördüyümüz kimi deyil. Yayda da qiymətlər və tələbat davamlı olaraq yüksək olur. Məsələ burasındadır ki, indi onlar kirayə qaldıqları yerləri tətil günlərində boşaltmırlar və sentyabrda yenidən ora köçmək üçün özlərinə saxlayırlar”, - deyə Qasımzadə bildirib.

Mütəxəssislər mənzil qıtlığının və qiymətlərin baha olmasının səbəbini tələbə yataqxanaları ilə bağlı problemin həll olunmamasında görürlər: nə qədər ki, onlar yoxdur, qiymətlər və tələbat artım tendensiyası göstərməkdə davam edəcək.

Müəllif: Emma Rzayeva

Gələn il Naxçıvan Muxtar Respublikasının büdcəsinə verilən dotasiya (transfertin yuxarı həddi) 343 260 000,0 manat olacaq.

Gununsesi.info xəbər verir ki, bu, “Azərbaycan Respublikasının 2024-cü il dövlət büdcəsi haqqında” qanun layihəsində əksini tapıb.

Bu, 2023-cü illə müqayisədə 109 531 000 manat, yaxud 24,1 faiz azdır. 2023-cü ildə Naxçıvan Muxtar Respublikasının büdcəsinə verilən dotasiya (transfertin yuxarı həddi) 452 791 000,0 manat nəzərdə tutulub.