İsrail ABŞ-dən davam edən hərbi səyləri dəstəkləmək məqsədi ilə 8,7 milyard dollarlıq yardım paketi alacaq. Bu məlumatı İsrailin Müdafiə Nazirliyi yayıb.

Bildirilib ki, İsrail Müdafiə Nazirliyinin baş direktoru Eyal Zamirin ABŞ-dən yardım paketi almağa dair Vaşinqtonda keçirdiyi danışıqlar başa çatıb.

İsrailin bu paket çərçivəsində yardım alacağı vaxt və silah barədə rəsmi məlumatda bildirilməyib.

Dəbdəbəli geyimlər və aksessuarlar istehsalçısı olan LVMH şirkətlər qrupunun təsisçisi və prezidenti Bernard Arnaultun sərvəti sentyabrın 26-da 17 milyard dollar artaraq 201 milyard dollara yüksəlib. Bu sıçrayış 75 yaşlı fransız milyarderin həyatında üçüncü ən böyük bir günlük artım olub.

TEREF xəbər verir ki, cəmi bir neçə gün əvvəl, sentyabrın 26-da səhər saatlarında Bernard Arno sərvət itkiləri üzrə lider idi - 2024-cü ilin əvvəlindən onun sərvəti 24 milyard dollar azalıb.

Budəfəki artım dəbdəbəli əşyaların ən böyük ğazarı sayılan Çində hökumətin verdiyi yeni qərarla bağlıdır.

Çin rəsmiləri fiskal xərcləri dəstəkləyəcəklərini və hazırda çətin durumda olan daşınmaz əmlak sektorunu sabitləşdirməyi vəd ediblər. Hökumətin iqtisadi artımı stimullaşdırmaq üçün gücləndirilmiş tədbirləri elan etməsindən sonra hər şey dəyişib.

Belə ki, Parifdəki «Euronext» birjasının məlumatına görə, LVMH-in səhmləri sentyabrın 26-da 9,9% artaraq hər səhmə 678,5 avroya çatıb. Nəticədə, Bernal Arnonun sərvəti dərhal 17,1 milyard dollar artıb və 2011 milyard dollara yüksəlib. Hazırda o 202 milyard dollar sərvəti ilə zəngin insanların dünya reytinqində üçüncü yeri tutan Mark Zukerberqlə bərabərləşib.

Hərçənd 2024-cü ilin əvvəli ilə müqayisədə, Arnault hələ də «qırmızıda» qalır – «Bloomberg»in hesablamalarına görə, budəfəki artıma baxmayaraq, ilin əvvəli ilə müqayisədə o, 6,85 milyard dollar itirib, lakin artıq sentyabrın 27-də keçirilən hərracda LVMH kotirovkaları daha 3,65% artaraq 703,3 avroya çatıb. Yəni Bernard Arnault bundan sonra da qazanc əldə edə və dünyanın ilk üç milyarderinə yüksələ bilər.

Birjalar Çindən dəbdəbəli mallara tələbatın artacağını gözləyir. 2023-cü ildə LVMH-nin satışlarının 38%-i Asiyadan gəldi və bu statistikanın böyük hissəsi Çinin payına düşür.

Xatrladaq ki, LVMH şirkəti – «Moët Hennessy Louis Vuitton» moda geyimləri, ayaqqabılar, saatlar, zərgərlik məmulatları, parfümeriya, kosmetika, spirtli içkilər, çantalar və sair kimi yüksək səviyyəli məhsulların istehsalı və satışı üzrə ixtisaslaşmış Fransanın çoxşaxəli korporasiyasıdır. Korporasiya təkcə Louis Vuitton, Moet və Hennessy deyil, həmçinin Christian Dior, Fendi, Givenchy, Kenzo, Marc Jacobs, Bulgari, Hublot və başqaları da daxil olmaqla bir çox məşhur brendlərə sahibdir.

Sentyabrın 26-da Reuters mənbələrə istinadən xəbər verdi ki, Çin bu il təxminən 2 trilyon yuan (285 milyard dollar) dəyərində istiqraz buraxmağı planlaşdırır. Agentlik mənbələri bildiriblər ki, bu dəstək tədbirlərinin bir hissəsi kimi ölkənin Maliyyə Nazirliyi COVID-19-dan sonrakı iqtisadi bərpanın yavaşlaması ilə bağlı artan narahatlıqlar fonunda ilk növbədə istehlakı stimullaşdırmaq üçün 1 trilyon yuan dəyərində borc qiymətli kağızları buraxmağı planlaşdırır.

Bernard Arnault Çinin iqtisadi stimulundan faydalanan yeganə milyarder deyil. Sentyabrın 26-da Çin hökumətinin qərarından sonra Çinin «PDD Holdings»in (Pinduoduo bazarını idarə edir) təsisçisi Kolin Huanqın da sərvəti 5 milyard dollar artıb. NASDAQ birjasının məlumatlarına görə, PDD Holdings-in səhmləri gün ərzində 13,6% bahalaşaraq 129,4 dollara çatıb.

Qeyd edək ki, keçən ay Colin Huang Çinin ən zəngin adamı titulunu şirkətin zəif satış artımı proqnozundan sonra itirmişdi.(Fed.az)

Azərbaycanın maliyyə naziri Samir Şərifov ölkədə devalvasiya olacağı ilə bağlı iddialara aydınlıq gətirib.
TEREF Modern.az-a istinadən xəbər verir ki, bu barədə nazir jurnalistlərə açıqlamasında bildirib.
“Milli Məclisə təqdim etdiyimiz dövlət büdcəsinin növbəti il üçün layihəsində hesablamalarımız mövcud məzənnə üzərində qurulub. Ölkəmizdə devalvasiya olacağı dedi-qodudan başqa bir söhbət deyil. Bu məsələni şərh etmək istəmirəm”, – deyə nazir qeyd edib.
Qeyd edək ki, Maliyyə Nazirliyinin hesabatına əsasən, İqtisadiyyat Nazirliyi tərəfindən təqdim olunmuş makroiqtisadi proqnozlarda 2025-2028-ci illər üzrə manatın ABŞ dollarına qarşı məzənnəsi sabit, cari ilin səviyyəsində götürülüb. Proqnozlara əsasən, ortamüddətli dövrdə əhalinin gəlirlərinin artaraq 2028-ci ildə 112,5 milyard manata, xərclərinin isə 107,9 milyard manata qədər yüksəlməsi gözlənilir.

Anti-İnhisar və İstehlak Bazarına Nəzarət Xidməti (AİİNBX) FHN-in daha bir tenderini ləğv edib. Tribunainfo.az xəbər verir ki, söhbət FHN-in Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyətinin keçirdiyi tenderdən gedir.
Rəsmi qaynaqlarda qeyd edilir ki, FHN-in müvafiq qurumu Şamaxı, Ağsu və İsmayıllı rayonlarında 69 ədəd fərdi yaşayış evlərinin bərpası və 1 ədəd fərdi yaşayış evində drenaj xəttinin çəkilməsi üçün tender elan edib. Dəyəri 4.272.337,43 manat olan bu prosesin ləğvinə səbəb isə “Dövlət satınalmalar haqqında” qanunun 36.1.2-ci maddəsinin tələblərinin pozulması olub.
Qeyd edək ki, bu, AİİNBX-ın FHN-in sözügedən idarəsinə aid olan ləğv etdiyi 4-cü tenderdir. Bundan öncə də, FHN-in Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyətinin bir neçə milyonluq müsabiqəsinin nəticələrinə stop qoyulmuşdu.
Xatırladaq ki, FHN-in Tikintidə Təhlükəsizliyə Nəzarət Dövlət Agentliyinin rəhbəri general Cəbrayıl Xanlarovdur. Onu da bildirək ki, FHN rəhbərinin müavini olan bu şəxsin adı heç də xoş olmayan məsələlərdə çəkilir. Xüsusən də Abşeron rayonunda inşa edilmiş çoxmərtəbəli binaların təhlükəsizliyi ilə bağlı verdiyi rəylərin reallığı əks etdirmədiyi iddia olunur.
Sonda onu da bildirək ki, FHN-in 70 evi təmir etmək üçün 4.2 milyon manat xərcləmək fikrinə düşməsi bir evin orta hesabla 60 min manata təmirinin başa gələcəyi deməkdir. Rayon yerində bu qədər vəsaitin xərclənə biləcəyi də inandırıcı görünmür. Görünür, AİİBNX bu məsələni də nəzərə alaraq, yəni, qiymətlərin şişirdildiyini və podratçı şirkətlə gizli sövdələşməni nəzərə alaraq, tenderin nəticələrini ləğv edib. Sadəcə, ləğv protokolunda bunu açıq yazmamaqla, generala güzəşt edib.

İnternet resurslarında “Tost” maliyyə piramidasının çökməsi ilə bağlı məlumatlar yayılıb.

“AzPolitika”-ya daxil olan məlumata görə, sözügedən sistemə pul yatıranlar bir neçə gündür vəsaitlərini çıxara bilmirlər.

“Dünəndən etibarən çıxarışa vurulan vəsaitlərin heç biri ödənilməyib. Hamı gözləyir, bilmirik necə olacaq, amma “Tost”-un saytı həminki qaydada işlək vəziyyətdədir”, -maliyyə pramidasına qoşulan şəxslərdən biri “AzPolitika”-ya bildirib.

Xatırladaq ki, bir neçə gün əvvəl Daxili İşlər Nazirliyi (DİN) Kibercinayətkarlıqla Mübarizə Baş İdarəsində həmin maliyyə pramidası ilə bağlı araşdırma aparıldığı haqda məlumat yayılıb.

Tenologiya sahəsində tanınmış bloqçu Fərid Pərdəşünas “Facebook”-a “Tost” idaərçilərinin bütün vəsaiti götürüb yoxa çıxdılarını yazıb.

“Bu gün ödənilməli olan ödənişlərin heç biri baş tutmayıb. Piramida partladı. Minlərlə azərbaycanlı ailəsi son qazancını, kreditə götürdüyü vəsaiti, toy qızıllarını satıb bu şəbəkəyə yatırmışdı. Çox sayda insan pərişan vəziyyətdə qalıb. Bu platformadan qazananlar, “sən partlatdın” deyib həyasızca rəy yazanlar anlamırlar ki, onlar sadəcə başqalarının vəsaitini götürürdülər. Piramida böyüdükcə verdiyi zərər artır”, - qeyd edib.

Bloqçu Daxili İşlər Nazirliyinə səbr arzulayaraq, verilən zərərin böyük olduğunu və insanların DİN-ə axın edəcəyini qeyd edib:“Dələduzlar isə qəzəbli zərərçəkənləri mənim üstümə göndərib təhlükə yaratmağa çalışır. Bildirmək istəyirəm ki, hər şey nəzarət altındadır. Lazımı tədbirlər alınıb və bu növ hədələrə qarşı ən sərt tədbirlər görüləcək”.

Azərbaycan Mərkəzi Bankının (AMB) İdarə Heyəti “Banklarda korporativ idarəetmə Standartları”nda dəyişiklik edib.

Bununla bağlı AMB-nin sədri Taleh Kazımov yeni qərar imzalayıb.

Qərara əsasən, bundan sonra özəl banklarla yanaşı nəzarət zərfi dövlətə məxsus olan banklarda da Müşahidə Şurasının üzvlərinin azı üçdə biri müstəqil üzv olmalıdır. Məsələn, Şuranın üzvlərinin sayı 5 olduqda müstəqil üzvlərin sayı 2, Şuranın üzvlərinin sayı 7 olduqda isə müstəqil üzvlərin sayı 3 olmalıdır.

Həmçinin müstəqil üzv vəzifəsinə irəli sürülən şəxs həmin tarixdə bankın işçisi olmamalıdır. Əvvəllər bankda işləmiş şəxslər yalnız müəyyən fasilədən (“cooling off”) sonra müstəqil üzv təyin oluna bilərlər. Fasilə müddəti şəxsin bankda işlədiyi müddətin azı 3-də 2-sini (azı 3 il) təşkil etməlidir.

Bundan başqa, Şuranın müstəqil üzvü olmaq üçün son 3 ildə bankdan müəyyən edilmiş əmək haqqı və mükafatdan, habelə dividend ödənişindən (2%-dək malik olduğu imtiyazlı səhmlər üzrə) başqa gəlir əldə etməmək tələbi də ləğv edilib.

AMB-nin Hüquq Departamentinə tapşırılıb ki, yeni qərarı Hüquqi Aktların Dövlət Reyestrinə daxil edilməsi üçün 3 gün müddətində Ədliyyə Nazirliyinə təqdim etsin.

“İtaldizayn” MMC gömrük qaydaları əleyhinə olan inzibati xətaya görə cərimələnib.

İqtisadiyyat.az-ın əldə etdiyi məlumata görə, Dövlət Gömrük Komitəsi tərəfindən şirkət barəsində İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə) maddəsinə əsasən cərimə protokolu tərtib edilib.

Daha sonra protokol baxılması üçün Nərimanov Rayon Məhkəməsinə göndərilib. Məhkəmədə barəsində protokol tətbiq edilmiş MMC ilə bağlı müraciətə baxılıb.

Hakim Hafiz Kamranovun sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq edilib, yəni cərimə kəsilib.

Xatırladaq ki, gömrük qaydaları əleyhinə olan inzibati xətaya görə vəzifəli şəxslər 1000 manat məbləğində, hüquqi şəxslər 1500 manat məbləğində cərimə edilir.

Qeyd edək ki, "İtaldizayn” QSC 1997-ci ildə qeydiyyatdan keçib. QSC-nin qanuni təmsilçisi Rzayev Mir Səid Ağa Kamal oğludur.

Onu da bildirək ki, sözügedən şirkət daha əvvəl barəsində məcburi auditdən yayınma ilə bağlı inzibati xəta protokolu tərtib olunmuşdu.

Anti-İnhisar və İstehlak Bazarına Nəzarət Xidməti (AİİBNX) Əmək və Əhalinin Sosial Müdafiəsi nazirliyinin daha bir tenderini ləğv edib. Tribunainfo.az xəbər verir ki, son bir ayda bu, ƏƏSMN-in ləğv olunan sayca 30-cu tenderidir.
Brlə ki, ƏƏSMN-in tərkibində fəaliyyət göstərən Dövlət Tibbi-Sosial Ekspertiza və Reablitasiya
Agentliyi balansında olan tibbi avadanlıqların baxımı xidmətini satın almaq istəyib. Hətta bunun üçün 49.885,42 manat pul da ayırıb. Lakin AİİBNX qərar verib ki, tenderdə iştirak edən şirkətlə internet portalında yerləşdirilən məlumatlar bir birinə ziddir. Bu isə o deməkdir ki, DTSERA “Dövlət satınalmalar haqqında” qanunun 36.1.6-cı bəndinin tələblərini kobud şəkildə pozub.
Xatırladaq ki, tenderdə iştirak edən şirkətlə rəsmi portalda qeyd edilən şirkətin eyni olmaması faktı ƏƏSMN-ə sanksiyaların tətbiqi və böyük məbləğli cərimələnməsinə səbəb ola bilər. Əlavə olaraq, bu, o deməkdir ki, nazirliyin tabeliyindəki qurum tenderi rəsmi portalda adını qeyd etdiyi deyil, özünə yaxın şirkətə verməyə cəhd göstərib. Bu isə bir başqa cəza mexanizmi üçün əsas yaradacaq.

Nizami Rayon Məhkəməsində “Veysəloğlu” MMC barəsində tətbiq edilən protokol araşdırılır.

Dövlət Gömrük Komitəsi tərəfindən şirkət barəsində İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə) maddəsinə əsasən cərimə protokolu tərtib edilib.

Daha sonra protokol baxılması üçün Nizami Rayon Məhkəməsinə göndərilib. Hazırda məhkəmədə barəsində protokol tətbiq edilmiş MMC ilə bağlı müraciətə baxılır.

Xatırladaq ki, gömrük qaydaları əleyhinə olan inzibati xətaya görə vəzifəli şəxslər 1000 manat məbləğində, hüquqi şəxslər 1500 manat məbləğində cərimə edilir.

Qeyd edək ki, “Veysəloğlu” “Araz” supermarketlər şəbəkəsi, “OBA” marketlər şəbəkəsi və daha bir neçə şirkəti özündə birləşdirən şirkətlər qrupudur. “Veysəloğlu” MMC-nin sahibi Aydın Talıbovdur. /Pravda.az/

Avropa İttifaqı Avropa Komissiyasının Rusiyanın dondurulmuş aktivlərindən əldə edilən gəlirlərin ödənilməsi ilə Ukraynaya 35 milyard avroluq kredit təklifi ilə bağlı müzakirələrə başlayıb.

Bu barədə "RİA Novosti"yə istinadən xəbər verir.

Üzv ölkələrin daimi nümayəndələri xüsusi kredit alətinin yaradılmasını özündə ehtiva edən bu mexanizmi müzakirə etməyə başlayıblar. Təklif kreditin qaytarılmasına zəmanət vermək üçün Rusiya aktivlərinin dondurulması müddətinin 6 aydan 36 aya qədər artırılmasını nəzərdə tutur ki, bu da Aİ Şurasında yekdillik tələb edir.

İclasın gündəliyində deyilir: "Rusiyanın immobilizasiya edilmiş aktivlərindən alınan təcili vəsaitlərin kreditlərə xidmət və qaytarılması üçün istifadəsi".

"Aİ və G7 ölkələri Ukraynaya ilin sonuna qədər razılaşdırılmış 50 milyard dollar məbləğində, Rusiyanın dondurulmuş aktivlərinin 300 milyard dollarından əldə edilən gəlirdən geri qaytarılmaqla, ilin sonuna qədər kredit verməyə sadiqdirlər", deyə qeyd edilir.

Bundan əvvəl məlum olmuşdu ki, Ukraynanın dövlət borcu 2024-cü ilin sonuna ÜDM-in 101,8%-nə, büdcə kəsiri isə 2025-ci ilin sonuna qədər ÜDM-in 19,4%-nə çatacaq. Əsas gəlir mənbəyi bütün xərclərin yarıdan bir qədər çoxunu ödəyəcək vergi gəlirləridir. Minimum əmək haqqı 8 min qrivna olaraq qalacaq.