 |
|
|
Dövlət Tibbi-Sosial Ekspertiza və Reabilitasiya Agentliyi yenidən məhkəməlik olub.
32gun.az xəbər veirr ki, MƏMMƏDOV AYAZ SƏLİMXAN OĞLU adlı vətəndaş bu dəfə Sumqayıt Apellyasiya Məhkəməsinə müraciət edib.
Hakim İsmayıl Quliyevin sədrliyi ilə baş tutacaq məhkəmə işinin mahiyyəti İnzibati orqanların aktları və hərəkətləri (hərəkətsizliyi) ilə əlaqədar mübahisələr - digər məsələlərdir.
Xatırladaq ki, Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramovdur.
Bakının Bilgəh qəsəbəsində, Xəzər sahilində keçmiş deputat Hacı Qalib Salahzadəyə məxsus olan villanın qapısının daşla hörüldüyü deyilir.
TEREF qafqazinfo-ya istinadən xəbər verir ki, bununla bağlı Musavat.com-a danışan Hacı Qalib Salahzadə deyib ki, vaxtilə onun 500 min manata aldığı bağ torpaq sahəsini əhatələyən hasar dağıdılıb.
Onun sözlərinə əsasən, axşamdan icra başçısı Adil Vəliyev şəxsən əraziyə gəlib:
“Dedi ki, bu dəqiqə buranı sökürəm. Hazırda da bağımı sökürlər, orada traktorlar işləyir. Prezident Administrasiyasının yüksək rütbəli məmurlarının adlarını çəkir, onların göstərişi ilə bağımı sökdüyünü deyir. Mənə də deyir ki, sənin üstündən maşınla keçərəm. Nə məhkəmə, nə qərar? Qışqıra-qışqıra mənə deyir ki, bu işləri mənə görməyi yüksəkrütbəli məmurlar tapşırıb. Mənim özümü də provokasiyaya çəkirlər ki, bir iş açsınlar”.
Hacı Qalib Salahzadə bildirib ki, sökülən bağının ərazisində 3 evi olub:
“Əlimdə öz adıma olan bələdiyyə sənədləri də var. O zaman bu torpağı mən nardaranlı Ağaismayıl, Fərhad kişidən 500 min manata almışam. Bu adamlar da sağdırlar”.
Sayt məsələ ilə əlaqədar Sabunçu Rayon İcra Hakimiyyətinin başçısı Adil Vəliyevin də mövqeyini öyrənib. İcra başçısı bildirib ki, zəbt olunmuş ərazi qanunauyğun olaraq qanunsuz tikililərdən təmizlənib:
“Hacı Qalib həmin ərazini də, necə ki, Bilgəhdə onlarla hektarı zəbt etdiyi kimi, zəbt edib. Həmin zəbt etdiyi torpaqlarla bağlı bütün günü də məhkəmələrdə keçir. O ərazi çimərlik ərazisidir və heç zaman da bələdiyyə torpağı da olmayıb. Bu (Hacı Qalibi nəzərdə tutur), əlində indiyə qədər də bələdiyyə sənədlərini, daha doğrusu, möhürünü saxlayıb. Oğlu (hazırda Əliabbas Salahzadə deputatdır) da bir zamanlar bələdiyyə sədri, özü də oranın qoçusu olub. Ona görə ona başa saldım ki, bələdiyyə sənədini özün öz adına vermisən. Məni provakasiyaya çəkmək istədi. Deyir ki, ölkə rəhbərliyinin yürütdüyü siyasətə zidd addım atırsan, yürüdülən siyasətə xələl gətirirsən. Dedim ki, Hacı, mən buranı boşaltdıracağam, bura hasar çəkdirəcəyəm. Dedi ki, mən də o hasarı sökdürəcəyəm. O zaman da mən demişəm ki, belə etsən, mən də sənin üstündən maşınla keçəcəyəm”.
Adil Vəliyev deyib ki, ərazi dövlət torpağıdır və Dövlət Proqramına əsasən adablaşdırılması nəzərdə tutulur:
“Oranı sökməyi mənə Prezident Adminstrasiyasından kimsə deməyib, öz təşəbbüsümlə təmizləmişəm. Ora dövlət torpağıdır, boşaldılmalıdır. O ərazinin yanında da böyük bir ərazini ayrı adamlar zəbt eləmişdilər. Yüz vasitə ilə oraları ələ keçirmək istəyirdilər. Lakin biz buna imkan vermədik. Çünki ora dövlət torpağıdır. Oranın 1 qarışı belə zəbt oluna bilməz. Heç kim də ora müdaxilə edə bilməz. “Amburan”dan Nardarana qədər olan ərazi qəşəng çimərlikdir, xalqın istifadəsindədir. Ona da demişəm ki, Hacı, başa düş, sənin əlində çıxarışın olsa, sənin mülkünə kimsə yaxın gələ bilməz. Oğlu da lazımi ünvanlara zəng vurub, ona da deyiblər ki, rayonun rəhbərinin atdığı addımlar qanun çərçivəsindədir. Hacı Qalib adlar çəkir, amma mənə heç kim zəng etməyib, heç kim də heç nə deməyib. Biz ötən il də o ərazidə abadlıq işləri apardıq, oradakı özbaşına tikililəri sökdük. Bəzilərinə hətta kompensasiya da verdik. Çox təəssüf ki, bu adam qanun nədir, onu başa düşmür. Vaxtilə bələdiyyə sədri olub, icra nümayəndəsi də onun adamları idi. Dövlətin qanunu müqəddəsdir, qanun qarşısında boynumuz qıldan incədir”.
Adil Vəliyevin sözlərinə görə, Hacı Qalib Salahzadə onlarla vətəndaşa heç bir kökü olmayan bələdiyyə sənədləri verib və bu əməlləri İcra Hakimiyyətini vətəndaşlarla üz-üzə qoyur:
“Onun işi məhkəmələrdədir. “Şəbəkə” adlı çimərliyi ələ keçirib. 2 hektar 80 sotdur. Haradan alıb bu qədər pulu? Hamısını özünün verdiyi köhnə sənədlərlə ələ keçirib. Həmin ərazi də belə mənimsənilib. Heç bir çıxarışı yoxdur, özünün verdiyi bir bələdiyyə sənədi ilə ərazini zəbt edib. Çıxarışı varsa, gəlsin, gedib ərazidə hasarı da bərpa edərəm, üzr də istəyərəm. Dövlətin qanunlarına qarşı çıxıb dövlət nümayəndəsini hədələyənin cavabı belə olur”.
“Quru sərhədlərin bağlanması dünyanı sarsıdan koronavirus pandemiyası ilə bağlı oldu”.
Bu sözləri Milli Məclisin deputatı Vüqar İskəndərov “Cebhe.info”-ya açıqlamasında deyib. O bildirib ki, bir çox dövlət xalqının və əhalisinin sağlamlığını qorumaq üçün sərhədlərini bağlayaraq qabaqlayıcı addım atdı:
“Azərbaycan da quru sərhədlərini bağladı və dünyanın bir çox inkişaf etmiş ölkələrinin qarşılaşdığı ağır nəticələrə məruz qalmadı. Dövlət bu mənada çevik hərəkət etdi. Hətta Azərbaycan buna görə Ümumdünya Səhiyyə Təşkilatının (ÜST) hesabatlarında nümunə kimi göstərilən ölkələrdən biri oldu”. Millət vəkili qeyd edib ki, o vaxtdan indiyə kimi quru sərhədlər açılmayıb:
“Zaman-zaman bununla bağlı məsələ gündəmə gəlir. Həm Prezident, həm Baş nazir, həm də deputatlar bunun səbəblərini söyləyiblər. Bu barədə ən son fikri də cənab Prezident İlham Əliyev deyib. Ümumiyyətlə, hazırda dünyada baş verən hərbi və siyasi gərginlikləri, müharibələri görürük. Azərbaycan heç də asan olmayan bölgədə yerləşir.
Cənubi Qafqaz bölgəsinə olan təzyiqləri və regionda baş verən hadisələri də nəzərə almaq lazımdır. Bölgənin lideri olan Azərbaycanın müstəqil və milli siyasət həyata keçirməsi bir çoxlarını narahat edir”.
Deputat vurğulayıb ki, rəsmi Bakı quru sərhədlərlə bağlı məsələdə konkret və qətiyyətli mövqe ortaya qoyur:
“Bir çox səbəbə görə hələlik quru sərhədlərin bağlı qalmasının məqsədəuyğun və doğru seçim olması inkaredilməzdir. Üstəlik, bu, öz doğruluğunu sübut edir. Təbii olaraq, heç bir dövlət və hakimiyyət iqtisadi cəhətdən ziyana getmək istəməz. Amma dövlətin əsas məqsədlərindən biri xalqının təhlükəsizliyini təmin etməkdir. Bilirik ki, bu gün ölkəmiz stabillik və dayanıqlı inkişafın nümunə kimi göstərilir”.
Vüqar İskəndərov diqqətə çatdırıb ki, bunu qazanılması və qorunub saxlanılması çox vacib məsələdir:
“Dövlət hər şeyi ölçüb-biçir, hamının görə bilmədiyi məsələləri görür və prosesləri daha yaxşı analiz edir. Sərhədlərin açılaması ilə bağlı heç bir problem olmayanda, açılacaq. İndiki halda quru sərhədlər açılmırsa, deməli, kifayət qədər səbəb var”.
Bilgəh qəsəbəsində keçmiş deputat Hacı Qalib Salahzadəyə məxsus villanın qapısı daşla hörülüb. Gundemxeber.az xəbər verir ki, bu barədə Qaynarinfo.az-a daxil olan məlumatda iddia edilir ki, keçmiş deputata məxsus villanın qapısının daşla hörülməsi Sabunçu Rayon İcra Hakimiyyətinin başçısı Adil Vəliyevin göstərişi ilə həyata keçirilib.
İddialara görə, bir neçə gün əvvəl Sabunçu Rayon Mənzil Kommunal Təsərrüfat Birliyinin (MKTB) əməkdaşları əraziyə gələrək baxış keçirib. Daha sonra əraziyə bir maşın daş gətirlib və Hacı Qalib Salahzadənin villasının qapısı hörülüb. Qaynarinfo məlumatı dəqiqləşdirmək, eyni zamanda olayın səbəbini öyrənmək üçün keçmiş deputatla əlaqə saxlayıb. Hacı Qalib Salahzadə isə baş verənlər barədə danışmaq istəmədiyini deyib: "Mən bu barədə heç nə danışmaq istəmirəm".
Hacı Qalibin sadəcə bu barədə danışmaq istəmədiyini söyləməsi, məlumatı təkzib etməməsi həqiqətən belə bir hadisənin baş verdiyini göstərir.
Bu baxımdan, əməkdaşımız olayın səbəblərini araşdırmağa çalışıb. Məlum olub ki, Bilgəh qəsəbəsinin həmin hissəsi bulvar tipli çimərlik üçün nəzərdə tutulubmuş. Layihəyə görə "Amburan" İstirahət Mərkəzinin sərhədindən tutmuş Nardaran qəsəbəsinə qədər ərazi bulvar olmalı imiş.
Lakin Hacı Qalib Salahzadə Bilgəh bələdiyyəsinin sədri olarkən ərazi satılıb.
Bildirilir ki, Bilgəh qəsəbəsinin həmin hissəsində yalnız Hacı Qalib Salahzadənin deyil, Naxçıvan Muxtar Respublikası Ali Məclisinin keçmiş sədri Vasif Talıbovun, iş adamı İsgəndər Xəlilovun, "Azərbaycan Hava Yolları" QSC-nin keçmiş sədri Cahangir Əsgərovun, Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadənin, "AST Telman" kimi tanınan iş adamı Telman İsmayılovun, "AzNar" şirkətinin sahibi, iş adamı Fərhad Əhmədovun və başqa çoxsaylı oliqarxların da villaları var. Söhbət bir neçə hektarlıq ərazidən gedir.
Yeri gəlmişkən, həmin əraziyə düşən küçənin Hacı Qalib Salahzadənin atası Aslan Salahzadənin adını daşıdığı bildirilir. Sabunçu Rayon İcra Hakimiyyətinin saytında da küçənin adı "Aslan Salahzadə" olaraq qeyd edilib.
İddialara görə, Bilgəh bulvarı ilə bağlı layihənin icrasına başlanılarkən bu villaların sökülməsi mümkündür.
Məsələ ilə əlaqədar Sabunçu Rayon İcra Hakimiyyəti və Sabunçu bələdiyyəsi ilə əlaqə saxlasaq da, zənglərimizə cavab verən olmadı.
GundemXeber.Az
Türkiyə Prezidenti Rəcəb Tayyib Ərdoğan köhnə avtomobilində ölkədəki dəhşətli zəlzələdən zərərçəkənlərə humanitar yardım aparan azərbaycanlı Sərvər Bəşirliyə "Sədaqət Mükafatı" (Vəfa Ödülü) verildiyini elan edib.
AZƏRTAC xəbər verir ki, 2023-cü ilin fevral ayında Azərbaycan sakini qardaş ölkədə təbii fəlakət zonasının sakinləri üçün yardım aparan ilk şəxslərdən biri olub. Daha sonra o, Türkiyənin Adıyaman şəhərində xilasetmə əməliyyatında şəxsən iştirak edib.
Ankarada Prezident Kompleksində keçirilən mükafatlandırma mərasimində çıxış edən Türkiyə lideri bildirib ki, dünya ehtiyacı olan hər kəsə kömək etməyə çalışan yaxşı insanların üzərində dayanır.
Qeyd edək ki, Sərvər Bəşirli bu il Türkiyənin "Sədaqət Mükafatı"na layiq görülən iki əcnəbidən biri olub.
Helikopter qəzasında həyatını itirən İran Prezidenti İbrahim Rəisi üçün bu gün paytaxt Tehranda təşkil edilən dəfn mərasimindən paylaşılan görüntülər böyük maraq doğurub.
“AzPolitika” xəbər verir ki, sözügedən görüntülərdə Rəisi və qəzada həyatını itirənlərdən birinin tabutu üzərinə qara rəngli əmmamə qoyulduğu ortaya çıxıb.
“Associated Press” nəşri bu məsləni araşdırıb və məlum olub ki, İranda tabut üzərinə əmmamə qoyulması həmin şəxsin Məhəmməd Peyğəmbərin soyundan gəldiyini göstərir.
Xəbəri Facebook-da paylaş
Elm və Təhsil Nazirliyi Gəncə Dövlət Universitetində yoxlamalara başlayıb.
Bakupost. az xəbər verir ki, bu barədə Gununsesi.info məlumat yayıb.
Bildirilib ki, yoxlamalar universitetin rektoru Yusif Yusibovun fəaliyyəti barədədir.
Türkiyənin sosial media fenomeni, müğənni Banu Parlak çirkli pulların yuyulmasına görə həbsdə olan fenomenlər Engin və Dilan Polata qarşı qaldırdığı iddianı geri götürüb.
O, bu haqda özünün instaqram hesabında paylaşım edib.
O qeyd edib ki, cütlüyün ailəsi ilə görüşdükdən sonra bu addımı atıb:
“Yaşadığım dəhşətli hadisədən sonra dostum Dilan Polat və ailəsi ilə çətin dönəmdən keçdiyimiz üçün görüşə bilməmişdik. Yaxın zamanda ailə mühitində bir araya gəldik və bir-birimizə yaşadığımız çətinliklərdən danışdıq. Dilanın qızı Nildanın mənə dediyi “Banu bacı, sənin vurulduğun gün anam çox ağladı” sözlərindən sonra bu iş mənim üçün bağlandı”.
Xatırladaq ki, Banu Parlaka məxsus gözəllik mərkəzinə 1 oktyabr 2023-cü ildə motosikletdə olan iki nəfər tərəfindən silahla atəş açılıb. Parlak hadisə ilə bağlı hazırlanan ittiham aktı çərçivəsində Dilan və Engin Polat cütlüyünü də günahlandırıb.
Elçin Əfəndi deyib ki, bəzi sadəlövh vətəndaşlar qurulan bur tora düşürlər və anlayanda onlar üçün gec olur.
"Son vaxtlar bir sıra dələduz muxtəlif adlar altında vətəndaşları, əsas da imtahan iştirakçılarını aldatmağa cəhd göstərir". Sputnik Azərbaycan-ın xəbərinə görə, bu məlumatı təhsil eksperti Elçin Əfəndi yayıb.
O, bildirib ki, dələduzlar abituriyentlərə imtahan suallarını verəcəklərini, imtahan ballarına müdaxilə edərək artıracaqlarını, imtahana buraxılış vərəqində istədiyi yerdə əyləşə bilməsi üçün sıra və yeri dəyişə biləcəyini və s. vədlərini verərək öncədən pul tələb edirlər.
"Təəssüf ki, bəzi sadəlövh vətəndaşlar qurulan bur tora düşürlər və anlayanda onlar üçün gec olur. Nəzərinizə çatdırım ki, Dövlət İmtahan Mərkəzi xüsusi dövlət mühafizəsindədir. Ən ciddi qorunan obyektlədən biridir. Kibertəhlükəsizlik yüksək səviyyədədir. Hər hansı kənar müdaxilə mümkün deyil. Ona görə də vətəndaşlar diqqətli olmalıdır. Dələduzlardan uzaq durmağa çağırıram".
O, bunu əks etdirən teleqram yazışmalarını da öz sosial şəbəkə hesabında yayıb.
Bakının Xətai rayonunda 2007-ci il təvəllüdlü Elcan ailə münaqişəsi zəminində 1977-ci il təvəllüdlü anası Fəridəni (adlar şərti verilib – red.) qətlə yetirib.
Dia-az.info Teleqraf.com-a istinadla xəbər verir ki, Elcan onunla eyni mənzildə yaşayan anası Fəridənin daim onun şərəf və ləyaqətini alçaldıb, təhqir etməklə fiziki ağrılar yetirməsindən bezib. O, anasını öldürməklə qisas almaq qərarına gəlib.
2023-cü il fevralın 10-da yaşadıqları Xətai rayonu, Sarayev küçəsində yerləşən mənzilin mətbəxindən bıçaq götürüb. Yataq otağına daxil olaraq çarpayıda yatan Fəridənin bədəninin müxtəlif nahiyələrinə bıçaqla vurmağa başlayıb.
Yuxudan oyanan Fəridəhəyatını xilas etmək üçün müqavimət göstərməklə mənzilin digər yataq otağına qaçıb. Elcan hərəkətlərini davam etdirərək bacıları – Şahnaz və Aybənizin gözü qarşısında anasına zərbələr vurmağa davam edib. Ümumilikdə 129 bıçaq xəsarəti alan qadın vəfat edib.
“Anam ləyaqətimi alçaldırdı”
İstintaq orqanı tərəfindən Elcanın barəsində Cinayət Məcəlləsinin 120.2.4-cü(xüsusi amansızlıqla və ya təhlükəli üsulla adam öldürmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Elcan ona elan olunmuş ittiham üzrə özünü təqsirli bilib. O bildirib ki, uşaqlıq dövründən anası tərəfindən pis rəftara məruz qalıb:
“Anam ləyaqətimi alçaldır, oxlovla mütəmadi olaraq məni döyürdü. Hətta bir dəfə sinif yoldaşım Səlimlə telefonla danışan zaman üstümə qışqıraraq məni təhqir etdi. Bunu eşidən Səlim qorxusundan telefonu söndürdü.
Anamın mənimlə, bacılarımla və atamla pis rəftarından bezərək onu qətlə yetirmək qərarına gəldim.
Atam anamı boşasın deyə onun telefonunda gizlin olaraq Səid adlı şəxsin saxta profilini yaratmışdım ki, guya anam bu şəxslə ünsiyyət yaradıb”.
“Gecəni yata bilmədim”
Elcanın sözlərinə görə, fevralın 8-də saat 18 radələrində atası mühafizəçi işlədiyi şirkətə gecə növbəsinə gedib, növbəti gün saat 8 radələrində evə qayıtmalıymış: “Fevralın 9-da məktəbə getdim. Günorta saatlarında məktəbdən çıxaraq evə gəlib nahar etdim. Yenidən hazırlığa yollandım. Hazırlıqdan dönüb, bir qədər telefonla oynadıqdan sonra gecə saat 12 radələrində yatdım.
Mən qonaq otağında, bacılarım öz otaqlarında, anam isə öz yataq otağında yatdı. Anama qarşı əsəbilərim soyumadığı üçün onu öldürüb, canımı qurtarmaq istədim. Bütün gecə bunu fikirləşdiyim üçün yata bilmədim.
Fevralın 10-da səhər saat təxminən 5-6 radələrində yatdığım otaqdan çıxaraq evin mətbəxinə getdim. Stolun üzərindən mətbəx bıçağını götürərək anamın otağına keçdim. Çarpayısında yatan anamın başına və bədəninin müxtəlif nahiyələrinə ardıcıl bir neçə bıçaq zərbəsi vurdum”.
Elcan qeyd edib ki, anası yuxudan ayılaraq qışqırıb, bıçağı ondan almağa çalışıb: “Mənə müqavimət göstərdi. Əlimdən qaçaraq bacılarım yatan otağa keçdi. Bıçaq əlimdə anamın arxasınca qaçdım. Səs-küyə oyanan bacılarım – Şahnaz və Aybənizi qorxuzaraq qarşımamalarını tapşırdım. Anamın baş və bədənin müxtəlif nahiyələrinə bir neçə bıçaq zərbəsi də vurdum.
Anam güclə ayaq üstə qalaraq əvvəlcə tualetə, sonra isə hamam otağına keçdi. Hamamın qapısını bağlamağa çalışsa da, mən qapını içəri doğru itələdim, anam yerə yıxıldı. Hamamda yıxıldığı yerdə anama bir neçə bıçaq zərbəsi vurdum. Onun səsi kəsildi və qan içində yerdə uzanıqlı vəziyyətdə qaldı.
Bundan sonra anamın öldüyünü zənn edərək hamamdan çıxdım. Halım pisləşdi, şok vəziyyətinə düşdüm. Bacılarım atama etdilər. Evə təcili yardım və polis əməkdaşları gəldilər. Əməlimdən peşmanam”.
“Dini paltarlarını yandırıb”
İş üzrə zərərçəkmiş Fəridənin hüquqi varisi, atası Səfərin sözlərinə görə, qızı Gəncə şəhərində orta məktəbi bitirib və texnikumda təhsili alıb: “Nəsiblə ailə quran qızımın birgə nikahdan 21 yaşlı üç övladları doğuldu. Ailə üzvləri ilə birlikdə yaşayır, Bakı şəhərində “8-ci kilometr” bazarında qadın paltarı satıcısı işləyirdi.
Təxminən bir il yarımdan artıq müddət olar ki, Fəridənin övladları – Şahnaz və Elcan hansısa dini cərəyana qoşulub, valideynlərdən xəbərsiz müxtəlif yığıncaqlarda iştirak edərək dərslərdən yayınırdılar.
Fəridə xəbər tutub ki, qızı Şahnaz təhsil aldığı universitetdən çıxıb, bacısı Aybənizi də oxuduğu liseydən çıxarıb və onu aldadaraq deyib ki, onların dini qrupunda yaxşı bir oğlan var, yığışdıqları kafedə onu dərslərdən hazırlayar, universitetə daxil olar.
Fəridə bundan xəbər tutandan sonra uşaqların dini paltarlarını yandırıb, onlardan dini yığıncaqlara getməməyi tələb edib”.
“Oğurluğu gizlətdilər”
Zərərçəkmiş şəxsin hüquqi varisinin sözlərinə görə, daha sonra ailədə dava-dalaş yaranıb:
“Elcan anasına deyib ki, bu sənə baha başa gələcək. Elcanın bu dərəcədə aqressivləşməsinə, dərsdən yayınaraq dini yığıncaqlara getməsinə bacısı Şahnaz səbəb olub. 25 oktyabr 2022-ci ildə Fəridəgilin evindən 18 min ABŞ dolları, 10 min manat və ailəyə məxsus 1 kiloya qədər qızıl-zinət əşyaları oğurlandı. Eyni zamanda evdə yanğın baş verdi.
Təsadüfi deyil ki, şkafın ancaq oğurlanan pul və qızıl saxlananı hissəsi yanmışdı. Fəridə və əri Nəsib telefonla danışaraq bunu bizə xəbər verəndə bildirdim ki, bu, Şahnazla Elcanın işidir. Lakin onlar uşaqların adına söz çıxmasın deyə oğurluq barədə polisə xəbər vermədilər. Uşaqlar isə oğurladıqlarını kimlərə verdiklərini gizlədərək heç nə demədilər”.
“Bu, intihar hadisəsi deyil, qətldir”
Səfər qeyd edib ki, bundan başqa, onun həyat yoldaşı Səmayə 2 yanvar 2023-cü ildə Bakı şəhərinə, qızı Fəridənin evinə qonaq gəlib:
“Səmayə boynunda olan 60 qramlıq qızıl boyunbağını çıxararaq evə qoyub, həmin boyunbağı da yoxa çıxdı. Evdə hamı bildi ki, bu, Elcanla atası Nəsibin işidir. Lakin onlar heç nəyi boynuna almadılar.
Bundan başqa, həmin il fevralın 4-də Elcan anası Fəridəni balkondan itələyərək yerə yıxmaq istəmişdi. Fəridə özünü yıxılmaqdan güclə saxladığı üçün Elcanın istəyi baş tutmadı. Fəridə oğlundan nə üçün belə hərəkət etdiyini soruşduqda, demişdi ki, guya zərafat edir. Bütün bu olanları Fəridə telefonla danışıq zamanı bizə bildirdi.
Fevralın 10-da saat 6 radələrində Elcan Fəridəni yaşadığı evdə çoxsaylı bıçaq zərbələri vuraraq öldürdü. Hadisə baş verən vaxt uşaqların ataları Nəsib evdə deyilmiş. Cinayəti gizlətmək üçün Şahnaz Nəsibə zəng vuraraq Fəridənin özü-özünə bıçaq zərbələri vuraraq intihar etdiyini söyləyib. Lakin hüquq-mühafizə orqanı əməkdaşları hadisə yerinə gəldikdən sonra müəyyən edilib ki, bu, intihar hadisəsi deyil, qətldir”.
“Heç kəslə yola getmirdi”
İş üzrə şahid qismində ifadə verən Nəsibin sözlərinə görə, 15 yaşlı Elcan onun doğma oğludur, mərhum Fəridə isə həyat yoldaşı olub: “Fəridə çox əsəbi adam idi. Evdə və işlədiyi paltar geyimi mağazasında heç kəslə yola getmirdi. Kiçik bir səbəb onun hövsələdən çıxırdı. Məni, oğlum Elcanı, qızlarım Şahnaz və Aybənizi söyüb təhqir edirdi. Hətta fiziki zor tətbiq edirdi.
Bir dəfə mənimlə mübahisə zamanı mətbəx bıçağı ilə ayağımdan xəsarət yetirmişdi. Lakin ondan polisə şikayət etməmişəm. 2006-cı ildən hazıradək mühafizəçi işləyirəm. İşə gecə növbəsinə çıxmalı oluram. Bu zaman Fəridə uşaqlarım ilə evdə olurdu”.
“Öldüyünü başa düşdüm”
Nəsib qeyd edib ki, Elcan onu anasından boşatdırmaq məqsədilə anasının telefonunda saxta profil yaradıb: “Guya həmin profildə anası başqa bir şəxslə sevgi söhbətləri aparır... Telefonda olan yazışmaları mənə də göstərdi. Mən mətbəxdə olan Fəridənin yanına keçərək yazışmaları ona təqdim etdim. Bunun nə olduğunu soruşdum.
Fəridə həyəcanlandı, yazışmaların ona aid olmadığını bildirdi, əlini Qurana basa biləcəyini dedi. Mən də ona inandım. Fəridə əsəbi qadın olsa da, əxlaqsız deyildi. Mənə həmişə sadiq idi.
Hadisə günü gün ərzində evdə olmuşam, saat 18 radələrində işə getdim. Növbəti gün, saat 8 radələrində evə qayıtmali idim. Qızım saat 6 radələrində zəng vuraraq dedi ki, Elcan Fəridəni öldürüb. Dərhal işdən çıxaraq evə gəldim. Mənzilə daxil olanda gördüm ki, qızlarım qonaq otağında divanda əyləşib, Elcan isə ayaq üstə dayanaraq ağlayır.
Fəridəni gözüm axtardıqda hamam otağının qapısı açıq olduğu üçün onu yerdə uzanıqlı vəziyyətdə, bədəninin qana bulaşdığını gördüm. Yaxınlaşaraq barmağımla nəbzini yoxladım, nəbz dayanmışdı. Elcandan soruşdum ki, niyə belə elədin? Elcan isə ağladı və mənə heç bir cavab vermədi.
Sonra zəng edərək hadisə barədə qardaşıma və Gəncə şəhərində yaşayan qayınatama məlumat verdim. Təcili tibbi yardıma da xəbər elədik. Təcili tibbi yardım briqadasının əməkdaşları Fəridənin ölüm faktını təsdiq etdilər və bu barədə Xətai Rayon Polis İdarəsinə məlumat verdilər”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Elcan 10 il azadlıqdan məhrum edilib. Onun cəzasını ümumi rejimli tərbiyə müəssisəsində çəkməsi müəyyən edilib.
Qazax rayonunun Nəsrəddin Tusi, Şah İsmayıl Xətai, Babək və Fərrux Qayıbov küçələri istifadəyə yararsızdır.
Bu barədə Oxu.Az-a sakinlər şikayət ünvanlayıblar.
Onlar bildiriblər ki, sözügedən ərazidə yollar sonuncu dəfə 1988-ci ildə təmir edilib:
"Həmin ünvanda asfaltlanma, təmir-bərpa işləri uzun müddətdir aparılmır. Mövcud vəziyyət qış aylarında daha da çətinləşir. Maşınlar sıradan çıxır. Piyadaların vəziyyəti isə daha da acınacaqlı olur. Xahiş edirik bizim problemimiz həll edilsin".
