Bir neçə müddətdir Maliyyə Nazirliyi, Dövlət Gömrük Komitəsi (DGK) və Dövlət Vergi Xidmətinin birləşdiriləcəyi ilə bağlı fikirlər səsləndirilir. Bu qurumların Əmək və Əhalinin Sosial Müdafiəsi Nazirliyinin tərkibinə birləşdiriləcəyi, nazir Sahil Babayevin isə yeni yaradılan super nazirliyə rəhbər gətiriləcəyi iddia edilir.

Başqa bir iddiaya görə isə yeni yaradılacaq nazirliyə sürpriz şəxs gətirilə bilər.

Ötən həftə Prezident İlham Əliyevin sərəncamı ilə maliyyə naziri Samir Şərifov vəzifədən azad edildi. Ondan sonra bu istiqamətdə məlumatlar yayılmağa başladı.

Bəs bu deyilənlərin reallaşacağı mümkündürmü? Hakimiyyət hazırda buna getməyə həvəslidirmi?

Globalinfo.az-a danışan iqtisadçı Natiq Cəfərli bu məsələ ilə bağlı bir qədər gözləməyə üstünlük verdiyini qeyd edib.

O, daha öncə də adıçəkilən qurumların birləşdirilməsini təklif etdiklərini deyib:

“Deyilənlərin baş verməsini gözləmək lazımdır. Əslində, illərdir təklif edirik ki, Dövlət Gömrük Komitəsi ayrıca bir qurum kimi olmamalıdır. Dövlət Vergi Xidməti, DGK birləşdirilməli və bir mərkəzdən idarə olunmalıdır. Çünki ikisi də ölkənin büdcəsinə daxil olan vəsaitlərin əsas mənbəsidir. Ona görə də birləşdirilməsi yaxşı olar. Amma bundan öncə də super nazirlik – İqtisadiyyat Nazirliyi yaradılmışdı və demək olar ki, gömrükdən başqa bütün qurumlar orada toplanmışdı. Onun ciddi effektini gördükmü?! Açığı, burada ciddi suallar var”.

Rəqəmsal inkişaf və nəqliyyat naziri Rəşad Nəbiyevin əmri ilə Fərid Osmanov İnnovasiya və Rəqəmsal İnkişaf Agentliyinin İdarə Heyətinin sədri təyin edilib.
Maraqlıdır ki, bir neçə gün öncə Prezidentin fərmanı ilə RİNN tabeliyində İnnovasiya və Rəqəmsal İnkişaf Agentliyinin vəsaitindən istifadə Qaydası yeni redaksiyada təsdiqlənmişdi.
Xatırladıram ki, uzun illər bu Qaydalar mövcud olsa da ondan effektiv istifadə etmək mümkün olmamışdı.
Odur ki, indiyədək İRİA tərəfindən startaplara, xüsusilə də ilkin inkişaf dövrü keçirən startaplara, yaxud hansısa bir innovativ, texnoloji layihələrə, rəqəmsal layihələrə investisya ayırmaq, qrantlar vermək, maliyyə dəstəyi göstərməklə bağlı sistemli addımlar olmayıb.
İndi isə görünən odur ki, Nazirlik bu sektora böyük vəsaitlər yatırmaq və bu vəsaitlərdən effektiv istiafdə etmək niyyətindədir.
Xatırladıram ki yeni təyin olunan Sədr də uzun illər bank sektorunda çalışıb, Mərkəzi Bankın icraçı direktoru olub.
Əvvəlki Sədrin, İnarə Vəliyevanın dövründə həm rəqəmsal hökumət quruculuğu, həm də innovasiya-startap ekosistemin problemləri ətrafında dəfələrlə müzakirələrimiz və mübahisələrimiz olub. Bəzi addımların qüsurlu olduğunu da bildirmişəm.
Aktiv görsənirdilər. Bunlar haqıqnda çox yazılıb.
Uğurlu addımları da olub. Xüsusilə də ötən il rəqəmsal transformasiya, rəqəmsal hökumət quruculuğu və bəzi çatışmazlıqlar olsa da İT kadrların hazırlanması sahəsi də müəyyən irəliləyişlərlə yadda qaldı.
İnarə xanımın dövründə ən ciddi çatışmazlıqlar innovasiyalar və startap ekosistemin inkişafı, İKT güzəştlərdən effektiv istifadə ilə bağlı olub.
Qlobal hesabatlarda da ötən il bu sektorda vəziyyətin acınacaqlı olduğu qeyd edilib. Əlbəttə, bunlarin İRİA -ya aid olanı və olmayanları da vardı, indi görünür ki bu həm də vəsaitlərdən istifadə ilə də bağlı olub.
Amma Beynəlxalq reytinqlərlə bağlı komissiyanın son toplantılarından, İnarə xanımın təqdimatlarından görünürdü ki, İRİA da bunun fərqindədir və vəziyyətdən çıxış yolu ilə bağlı nəsə hazırlayırdılar.
Həmin nəsənin biri, vəsaitlərdən istiafdə ilə bağlı qaydalar artıq təsdiqləndi.
Amma görünür ki, artıq başqa bir məsul şəxs bu işləri davam etdirəcək.
İnarə xanıma yeni fəaliyyət sahəsində uğurlar arzulayıram.
Fərid Osmanov da sektorda tanınan bir şəxsdir. 20 ildir ki bank sektorundadır. Toplantılardakı pozitiv çıxışları ilə yadımda qalıb.
Amma sirr deyil ki, ən konservativ, mühafizəkar sahələrdən biri də bank sektorudur.
Əgər yeni sədr innovasiya və startap ekosistemə də konservativ yanaşmalar sərgiləsə sürətli inkişaf gözləmək sadəlövhlük olardı.
Hansı ki region ölkələrinin xeyli irəli getdikləri indiki zamanda Azərbaycan üçün sürətli inkişaf olduqca zəruridir.
Ümid edirəm yeni təyinat uğurlu olacaq.
Yeni Sədr üçün start vəziyyəti əvvəlkilərdən daha münbitdir - ən azı qurumun vəsaitindən istifadə qaydalarını Prezident təsdiqləyib, müəyyən mexanizmlər hazırlanıb.
Qalır ki hökumət İRİA-ya bu vəsaitləri versin və maraqlı tərəflər cəlb edilməklə işlərə başlanılsın.
Fərid Osmanova da rəqəmsal transformasiyanın və ekosistemin inkişafı sahəsində uğurlar arzulayıram !
Osman Gunduz
TEREF

Penitensiar xidmətin 7 saylı Cəzaçəkmə Müəssisəsində intihar hadisəsi baş verib.

Gununsesi.info–nun xəbərinə görə, həmin müəssisədə cəza çəkən Tural Nağıyev özünü karserdə asaraq öldürüb.

İddialara görə, onun özünə qəsd etməsinə səbəb müəssisədə işgəncələrə məruz qalması olub.

Məsələ ilə bağlı Penitensiar xidmətdən Gununsesi.info-nun sorğusuna cavab verilib.

Həmin cavabda bildirilir:

“Məhkum Tural Nağıyevin qeyri-qanuni hərəkətlərə məruz qalması ilə bağlı iddia həqiqəti əks etdirmir. O, işçi heyət və məhkumlar tərəfindən fiziki və mənəvi təzyiqlərə, işgəncələrə məruz qalmayıb, ona qarşı qanunsuz hərəkətlərə yol verilməyib. Qeyd edilən intihar faktı ilə bağlı Bakı şəhəri Xətai rayon Prokurorluğunda araşdırma aparılır.”

Almaniya Bundesliqasında 17-ci tur başa çatıb.

Oxu.Az xəbər verir ki, turnir cədvəlinin lideri "Bavariya" doğma azarkeşləri önündə "Hoffenhaym"ı sınağa çəkib.

Meydan sahibləri qonaqların qapısından 5 cavabsız qol keçiriblər - 5:0. Sane dublla yadda qalıb.

Bu darmadağın sayəsində Münhen klubu xallarının sayını 42-yə çatdıraraq zirvədə möhkəmlənib. Onun ən yaxın izləyicisi olan Leverkuzen "Bayer"i liderdən 4 xal geri qalır. "Hoffenhaym" isə 14 xalla 16-cı pillədə qərərlaşıb.

Sabah, yanvarın 15-də Bakı Ağır Cinayətlər Məhkəməsində hakim Azad Məcidovun sədrliyi ilə “Urmedhelp” və “My Doc Tour” adlı şirkətlərin sahibi Nuridə Seyidova və digər 2 nəfər – Aynur Bayramova ilə Aysel Məmmədovanın cinayət işi üzrə məhkəmə prosesi davam etdiriləcək.

Musavat.com xəbər verir ki, iş üzrə 36 nəfər zərərçəkən var. Vətəndaşlar uşaqlarının mübtəla olduqları ağır qan xərçəngindən qurtulmaları üçün çıxış yolu axtararkən, müalicə üçün topladıqları pullar da əllərindən çıxarılıb.

Nəticədə müalicəsizlikdən ölən körpələr də var. Bu, son dərəcə qansızlığı ilə diqqət çəkən dələdizluq işi üzrə ümumilikdə 1 milyon manata yaxın qan, müalicə pulu mənimsənilib. Bu qalmaqallı məhkəmə prosesi aylardır ki, davam edir.

Ötən prosesdə Ədliyyə Nazirliyinin Müalicə Müəssisəsindən göndərilən məktub elan edilib. Məktub müttəhim Aynur Bayramovanın xəstəliyi ilə bağlı olub.

Onun vəkili müvəkkilinin xəstə olmasını deyib:

“Aynur hər gün əziyyət çəkir, bu da göz qabağındadır. Hər kəsdən çox Aynur Bayramova işin yekunlaşmasını istəyir. Yekun Aynur Babayevanın xeyrinə olacaq. Prosesin uzanmasını biz də istəmirik”.

Daha sonra zərərçəkmiş qismində Mənsumə Hacıyeva ifadə verib. O, Nuridə Seyidova və Aynur Bayramovanı tanıdığını, Talassemiya Mərkəzi ilə üzbəüz aptekdə işlədiyini deyib: “Mənim qardaşım oğlu xəstə idi. Mən də bununla bağlı maraqlanırdım. Xəstələrdən biri mənə Aynur xanımı məsləhət bildi, onunla danışdım.

Türkiyədə hospitalda Aynurun vasitəsi ilə Akif hoca ilə əlaqə saxladım. Akif hoca ilə danışanda bir manat da pul söhbət etmədik. Dedi ki, Aynur xanım məsələni həll edəcək. Mən də Aynur xanıma inanırdım. Qardaşım oğlu sonradan əməliyyat olundu. Amma borca düşdük. 10 min dollar verdik. Aynur məndən soruşdu ki, nə qədər pul düzəldə bilərsən? Mən də 10 min dollar düzəldə biləcəyimizi dedim”.

Hakim:

– 10 min dollara nə iş görəcəkdilər?

Zərərçəkmiş:

– İlik köçürüləcəkdi.

– İliyin köçürülməsi 160 min dollara başa gəlir…

– Biz də bilirik bunu. Amma Aynur xanım dedi ki, bu pulu ver, məsələ həll olunsun. Dedi, nə düzəldə bilərsən, düzəlt ver. Pulu da aldılar, əməliyyata göndərmədilər. Sonradan ayıldıq ki, bizi aldadıblar. Nuridə Seyidova və Aynur Bayramovadan şikayətçiyik.

Zərərçəkmiş qeyd edib ki, qardaşı oğlu sonradan dövlət hesabına əməliyyat olunub:

– Mən pulumu Aynur və Nuridədən tələb edirəm. Çünki pulu sayıb onların hər ikisinə vermişəm.

Aynur Bayramova Talassemiya Mərkəzində təkbaşına iş görmədiyini deyib:

– Mən bu işlə 5 il məşğul olmuşam. Mərkəzdə xəstələrin işinə baxmışam. Xəstə uşaqların dərmanlarını gətirmişəm, sənədlərinə baxmışam. Mənim bu işimdən mərkəzin baş həkiminin də xəbəri olub.

O bildirib ki, bu işdə heç kimin pulunu yeməyib.

Hakim bildirib ki, 43 ildir hüquq-mühafizə orqanlarında işləyir, heç kim haqsız yerə gəlib demir ki, pul almışam, vermişəm. Aynur Bayramova isə “Azad müəllim, bilirəm, mənim də səhvlərim olub” deyə cavab verib. Əlavə edib ki, heç kimdən pul almayıb: “Ola bilsin, stolun üstündə olan pulları saymışam və şkafa qoymuşam. Mənim işim Nuridənin ofisində olub. Xəstələr gələndə mən getmişəm. İşin üstü açılanda siyahı da vermişəm”.

Hakim deyib ki, pul saymaq özü də əmək tələb edir:

“Siz buna görə nəsə almısız? Heç kim haqq almadan iş görmür. Hər bir işin öz haqqı var. Pul saymağa görə nə qədər almısınız?”

Aynur Bayramova pul saymağa görə heç bir vəsait almadığını deyib.

Daha sonra Nuridə Seyidova zərərçəkmişin ifadəsinə belə arayış verib:

“Mən dəfələrlə demişəm ki, pulları mən götürməmişəm. Aynur Bayramova burada özünü kənara çəkməklə şou düzəldir. Mən zərərçəkmişlərə demişəm ki, sizə köməklik edəcəm. Pul məndə deyil”.

Pulların kimdə olması ilə bağlı suallara Nuridə Seyidova cavab verə bilməyib. “Biz bu işləri bir yerdə görmüşük. Mənim sübutlarım da var” deyə cavab verib. Aynur Bayramova da sübutların olduğunu deyib.

Zərərçəkmiş Ömər Məmmədov bildirib ki, övladı talassemiya xəstələyindən əziyyət çəkir. Onun sözlərinə görə, Türkiyədən Akif hoca adlı şəxs xəstələri müayinə edib:

“Biz Talassemiya Mərkəzində Akif hocanın gəldiyini öyrəndik. Mərkəzdə Aynur xanımı gördük. Akif hoca dedi ki, sizin işlərə Aynur xanım baxacaq. Aynur xanım dedi ki, əməliyyatın xərcinin müəyyən məbləğini düzəldin, qalan pulu fond var, onlar qarşılayacaq. Soruşduq ki, nə qədər pul lazımdır? Dedi, 20 min dollar gətirin. Biz 10 min dollarımızın olduğunu dedik. Aynur xanım razılaşdı, biz də pulu apardıq.

Pulu Aynur xanım saydı, Nuridənin stolunun üstünə qoydu. 10 min dollar verdik. 300 dollar da donor axtarışı üçün Aynur xanımın kartına göndərdim. Sonradan Aynur xanım bildirdi ki, sizin uşaq üçün 4 donor müəyyən olunub. Türkiyədə donor vermək pulsuzdur. Amma pulla satanlar da var”.

Zərərçəkmiş qeyd edib ki, pulunu Aynur Bayramova və Nuridə Seyidovadan tələb edib.

Nuridə Seyidova deyib ki, bu işdə heç kimin tutulmasını istəməyib:

“Bu işdə Aynurun da günahı var. İndi özünü kənara çəkir. Amma günahkardır. Mən bu işin problemə çevirilməsini istəməmişəm. Aynur problem yaradıb”.

Zərərçəkən Elnur İsbəndiyarov bildirib ki, ona da həmin vədlər verilib və aldadılıb:

“Talassemiya mərkəzində Akif həkim mənə Aynur Bayramovanı tövsiyə etdi. Aynur Bayramova da məni tələsdirdi ki, pul tap ver, övladını əməliyyat edək. Mən onlara 25 min 500 manat pul verdim. Aynur pulu saydı, Nuridənin masasına qoydu. Amma heç nə etmədilər. Pulum batdı. Daha sonra övladımı özüm əməliyyat etdirdim. Lakin övladım həyatını itirdi. İndi vəkillərə demək istəyirəm ki, mənim qızımın başına gələnlər sizin övladınızın başına gəlsə, təqsirləndiriləni müdafiə edərdinizmi? Onların verdiyi pulu aparıb övladınıza yemək ala bilərdinizmi? Mən bu pulu adını çəkdiyim hər 2 şəxsdən tələb edirəm. Çünki onlar Vətən müharibəsi qazisini, veteranını və I Qarabağ müharibəsinin şəhidinin qızını aldadanda utanmadılar. Məsuliyyətsiz yanaşdılar. Artıq mənim onların xəstə balasına da yazığım gəlmir. Onların elədiyi hərəkət Azərbaycan qadını adına təhqirdir”.

İttiham aktında göstərilib ki, Nuridə Seyidova Aysel Məmmədova və Aynur Bayramova ilə əlbir olaraq 36 nəfər talassemiya xəstəsinin valideynlərinin etibarından sui-istifadə edərək onların övladlarını Türkiyədə müalicə etdirmək adı ilə 980 min manatlarını mənimsəyib.

Nuridə Seyidova vətəndaşlardan pulları əsasən “Çinar Plaza”dakı ofisdə alıb.

Dəstə üzvləri zərərçəkmişlər Ceyran Musayeva və Elman Nuriyevdən 20 400, Məsumə Hacıyeva, Ömər Məmmədov və Sahid Mövsümovdan 17 000, Mənsur Qarayev, Natiq Qubatov və Elnur İsbəndiyarovdan 25 500, Kəmalə Muliyeva, Nüşabə Məmmədova, Taleh Hacıməmmədov, Şahbacı İsayeva, Xəyal İlmanovdan 34 000 manat məbləğində vəsaiti alaraq dələduzluq ediblər. Nuridə Seyidova öz qulluq mövqeyindən istifadə etməklə Elxan Əliyevdən 12 min 745 manat və Rasim Cavadovdan 25 min 500 manat alaraq onların övladlarını Türkiyədə əməliyyat olunmasına köməklik göstərəcəyi ilə bağlı yalan vəd verib. Daha sonra Nuridə Seyidova digər təqsirləndirilən Aysel Məmmədova ilə qabaqcadan əlbir olub, Tural Nəsmiyevdən 59 min 500 manat, Zeynəb Cəlilovadan 25 min manat, Kamil Əhmədovdan 23 min manat, Ramin Dadaşovdan 51 min manat, Xəyal İsayevdən 51 min manat, Lamiyə Hüseynovadan 20 min 50 manat, Nərgiz Mahmudovadan 9 min manat, Elnarə Xanmirzəyevadan 25 min manat, Sevinc Səmədovadan 22 min 500 manat, Elvin Fətəliyevdən 25 min manat alıb.O da müəyyən edilib ki, Nuridə Seyidova tanışı Aysel Bayramova ilə əlbir olaraq, Aynur Orucova, Solmaz Eyvazova və Vüqar Eminovdan 25 500, Laura Həsənovadan 51 000, Günay Ağayevadan 25 000, Aytəkin İsayevadan 19 000, Elnaz Hacıyevadan 5 000, Faiq Nəcəfovdan 5 100 manat məbləğində pul alıb.

Övladları xəstəlikdən əziyyət çəkən zərərçəkmişlər – Sevinc Səmədova, Faiq Nəcəfov, Elnur İsbəndiyarov, Xəyal İlmanov, Kəmalə Muliyeva, Elman Nuriyev, Taleh Hacıməmmədov, Elvin Fətəliyev, Ceyran Musayeva, Mənsumə Hacıyeva, Solmaz Eyvazova, Nüşabə Məmmədova, Mənsur Qarayev, Lamiyə Hüseynova, Sahid Mövsümov, Aysel Abdullayeva, Tural Nəsmiyev, Vüqar İsayev, Elnarə Xanmirzəyeva, Kamil Əhmədov, Elnaz Hacıyeva, Vüqar Eminov, Aytəkin İsayeva, Ramin Dadaşov, Aynur Orucova, Zeynəb Cəlilova, Günay Ağayeva, Ömər Məmmədov, Xəyal İsayev, Laura Həsənova, Rasim Cavadov, Nərgiz Mahmudova, Natiq Qubatov, Şahbacı İsayeva, Ramin İsmayılov və Elxan Əliyevdir.

Hər 3 müttəhimə qarşı Cinayət Məcəlləsinin 178.3.2-ci (dələduzluq – külli miqdarda ziyan vurmaqla) maddəsi ilə ittiham irəli sürülüb.

Bakıda Çindən avtomobil sifariş edən vətəndaşlar problemlə üzləşib.

Lent.az xəbər verir ki, Çindən avtomobil sifariş edən bir qrup adam bu işdə onlara vasitəçi kimi kömək edən Sənan Əsədzadədən şikayətçidir.

Onlar sifariş etdikləri avtomobillərin vəd olunan vaxtda Bakıya gətirilmədiyini iddia edirlər.

Narazı qalan bir qrup vətəndaş ötən gün Sənan Əsədzadənin ofisinə toplaşaraq etirazlarını dilə gətiriblər.

Sənan Əsədzadə isə yaranmış problemin daşınma ilə bağlı olduğunu bildirir.

Artıq hadisə ilə bağlı hüquq-mühafizə orqanlarına şikayət də olunub.

Daxili İşlər Nazirliyinin Mətbuat Xidmətinin baş inspektoru polis leytenantı Lumu İsrəfilli Lent.az-ın sorğusuna cavabında bildirib ki, bununla bağlı polisə müraciət daxil olub.

Hazırda müvafiq polis orqanında araşdırma aparılır.

Bakının Suraxanı rayonu, Hövsan qəsəbəsinin Oktay Şabanov küçəsi, “Yetim petrol” deyilən ərazi hər axşam zülmətə qərq olur. Tribunainfo.az-a danışan qəsəbə sakinləri bildiriblər ki, bu küçədə axşamlar dəfələrlə qəza baş verib. Çünki küçə lampaları yoxdur, işıqfor belə quraşdırılmayıb.
Sakinlər ən azından küçə fənərlərinin quraşdırılmasını xahiş edirlər. Bununla bağlı Suraxanı rayon icra başçısı Adil Əliyevdən kömək istənilir.