Malaqada küçələr və bir neçə tibb müəssisəsi su altında qalıb

İspaniyanın Alora, Pizarra, Kartama, Alhaurin de la Torre və Malaqa bələdiyyələrində 1000 evdən 3000 nəfər təxliyə edilib. AYNA xarici mediaya istinadən bildirir ki, bir saat ərzində hər kvadratmetrə demək olar ki, 68 litr yağış suyu düşüb və şəhərlərin küçələrini su basıb.

Malaqa şəhər meriyası küçədə su yığılması səbəbindən bəzi yollarda nəqliyyatın hərəkətini dayandırmaq qərarına gəlib. Bir neçə tibb müəssisəsi də su altında qalıb.

İki həftə əvvəl qasırğadan ağır zərbə alan Valensiyada ikinci ən yüksək həyəcan səviyyəsi – narıncı xəbərdarlıq edilib. Təsirə məruz qalan ərazilərdəki bəzi sakinlər zərər görəcəyindən qorxaraq avtomobillərini plastikə bükür, bəziləri isə onları elektrik dirəklərinə bağlayır.

Bu ayın əvvəlində Valensiyaya təsir edən Dana qasırğası və sonrakı daşqınlar nəticəsində ölənlərin ümumi sayı 215 nəfər olub.

Donald Trampın yeni müdafiə naziri hesab etdiyi Pit Heqsetin keçmiş açıqlamaları yenidən gündəmə gəlib.

Tribunainfo.az xarici mətbuata istinadən xəbər verir k, Heqseth 10 ildir əllərini yumadığını iddia edərək, daha sonra bunun zarafat olduğunu bildirib.

Qeyd edək ki,Tramp əvvəllər Heqseti 2016-cı ildə Veteranlarla İş Departamenti üçün nəzərdə tutmuşdu və indi onu ABŞ ordusunda prezidentdən sonra ən səlahiyyətli vəzifəyə təyin etməyi planlaşdırır.

SOCAR-ın sabiq vitse-prezidenti Mikayıl İsmayılovun oğlu Orxan İsmayılzadəyə Sabunçu Rayon Məhkəməsində barəsində verilmiş qətnaməsindən narazıdır. Orxan İsmayılzadə hesab edir ki, hakim Ruslan Mirzəliyevin sədrliyi ilə keçirilmiş prosesdə Fidan Abbasovanın ona qarşı “atalığın müəyyən edilməsi və aliment” tələbinə dair iddianın təmin olunması əsaslı deyil.

Hesab edir ki, illər öncə, 2017-ci ildə Sabunçu Rayon Məhkəməsində işə baxılarkən şikayətin qarşı tərəfin geri götürməsi işə yenidən baxılmasını istisna edir. Bu əsasla da Bakı Apellyasiya Məhkəməsinə Sabunçu rayon Məhkəməsinin qətnaməsindən şikayət verib.

Musavat.com xəbər verir ki, Fidan Abbasova uzun illərdir ki, qızı Nilin atasının Orxan İsmayılzadə olmasını sübut etməyə çalışırdı. Orxan İsmayılzadə qızı Nilə soyadını, adını verməkdən boyun qaçırır, uşağın saxlanılması üçün tələb olunan alimenti ödəməkdən də yayınırdı. Buna görə də Fidan Abbasova məhkəmə qaydasında Orxan İsmayılzadənin övladının atası olmasını sübut etmək məcburiyyətində qalıb.

Fidan Abbasova bu məqsədə çatmaq üçün illər öncə Sabunçu Rayon Məhkəməsinə iddia təqdim edib. Lakin iddiası üzrə yekun qərar verilmədən geri götürülüb.

Bu addımın səbəbini izah edən Fidan Abbasova bildirmişdi ki, 2017-ci ildə Sabunçu Məhkəməsinə iddia təqdim edərək övladının atasının müəyyən edilməsini xahiş edib. Lakin o zaman Mikayıl İsmayılov tərəfindən aldadılmaqla iddiası geri çəkilib. 7 il sonra, 2024-cü ildə Fidan Abbasova icraata xitam verilməsi barədə Sabunçu Rayon Məhkəməsinin qərardadını alıb və iradəsi əksinə olan qərardadın ləğvini xahiş edib. Qərardad ləğv ediləndən sonra yenidən Sabunçu Rayon Məhkəməsində eyni predmet üzrə məhkəmə araşdırmaları başlayıb.

Məhkəmədə Fidan Abbasova bildirib ki, Orxan İsmayılzadə ilə faktiki nikahdan 05.05.2015-ci il təvəllüdlü Nil adlı qızı dünyaya gəlib. Buna görə də məhkəmədə övladının adının atasının (atalığının) Orxan İsmayılzadə olmasının müəyyən edilməsi və buna dair doğum aktı qeydinin aparılması barədə qətnamə qəbul edilməsini xahiş edib. Fidan Abbasovanın nümayəndəsi isə tələb edib ki, Orxan İsmayılzadədən əvvəli 17.01.2017-ci il tarixdən başlamaqla 05.05.2015-ci il təvəllüdlü Nil Orxan qızı Abbasovanın yetkinlik yaşına çatanadək saxlanması üçün hər ay 2 min manat pul tutulsun. Nümayəndə məhkəmədə Orxan İsmayılzadə ilə Fidan Abbasovanın ailə qurması ilə bağlı fikirlərini belə əsaslandırıb: “Orxan Mikayıl oğlu İsmayılzadə 2012-ci ilin may ayında Fidan Abbasova ilə tanış olaraq ailə qurmaq qərarına gəlib və faktiki nikaha daxil olaraq birgə yaşamağa başlayıblar. Orxan İsmayılzadə özünün mobil nömrəsi 050-450-X0-X0 olduğu üçün ona da həmin nömrəyə uyğun olaraq 055-450-X0-X0 mobil telefon nömrəsi və digər əşyalar alıb. Təxminən 6 ay müddətində Bakı şəhərində yaşadıqları müddət ərzində dəfələrlə görüşüblər və faktiki nikah münasibətləri davam edib. Faktiki nikaha daxil olduqdan sonra cavabdeh ona Almaniya Respublikasına getməyi təklif edib. Bu məqsədlə “Viza” əldə edərək Almaniyaya gedib və özünün Münhen şəhərində yerləşən evində birlikdə yaşayıblar. Almaniyada yaşadıqları müddət ərzində bir sıra başqa ölkələrə səfərlər ediblər. Bu xüsusat Fidan Abbasova və Orxan İsmayılzadənin pasportlarında olan eyni tarixdə sərhəd buraxılış məntəqəsində aparılmış qeydlərlə təsdiq olunur.

Beləliklə, 2012-ci ilin may ayından 3 sentyabr 2016-cı il tarixədək Orxan İsmayılzadə ilə faktiki nikah münasibətlərində olublar. Faktiki nikahdan 5 may 2015-ci il tarixdə Nil adlı qızları anadan olub. Orxan uşağın atası olduğu halda, uşağın atası kimi yazılmasına dair ərizə verməyib, səbəbini onunla əsaslandırıb ki, onun valideynləri uşağın atası kimi yazılmasına razılıq vermirlər və hətta bununla əlaqədar atası onu döyüb. Nəticədə faktiki nikahdan 5 may 2015-ci il tarixdə anadan olmuş uşağın ata adından istifadə etmək hüququ pozulub”.

Orxan İsmayılzadə Fidan Abbasovanın iddiası əsasında başladılan məhkəmə proseslərinə gəlməkdən boyun qaçırıb. Məhkəmənin təyin etdiyi “atalığın müəyyən edilməsinə dair” ekspertizadan da keçməkdən yayınıb.

Məhkəmə iddiaçını və iş materiallarında olan sənədləri araşdırmaqla iddianın qismən təmin edilməsinə dair qətnamə verib.

Qətnamədə yazılır:

- AZE seriyalı, 11667989 nömrəli şəxsiyyət vəsiqəsinin surətindən görünür ki, Abbasova Nil 05.05.2015-ci il tarixdə doğulub. Atası qrafasında Abbasov Orxan qeyd olunub. Azərbaycan Respublikası Ailə Məcəlləsinin 45.1-ci maddəsinə əsasən, uşaq aralarında nikah olmayan şəxslərdən olduqda və valideynlərin birgə ərizəsi və ya uşağın atasının ərizəsi olmadıqda, atalıq uşağın valideynlərindən birinin, uşağın qəyyumunun (himayəçisinin), uşağı saxlayanın, habelə uşaq yetkinlik yaşına çatdıqda onun özünün ərizəsi əsasında məhkəmə qaydasında müəyyən olunur. Bu zaman məhkəmə uşağın konkret şəxsdən törəməsi ilə əlaqədar istənilən sübutun mötəbərliyini nəzərə ala bilər. Azərbaycan Respublikası Ailə Məcəlləsinin 46.2-ci maddəsinə əsasən, valideynlər öz aralarında nikahda olmadıqda uşağın anası haqqında qeyd ananın ərizəsi, atası haqqında qeyd isə uşağın atasının və anasının birgə ərizəsi və ya atanın ərizəsi əsasında, habelə məhkəmənin qərarı əsasında aparılır. Həmin məcəllənin 46.3-cü maddəsinə əsasən, uşaq nikahı olmayan anadan olduqda və atalığın müəyyən olunması barədə valideynlərin birgə ərizəsi və ya məhkəmənin qətnaməsi olmadıqda, doğum haqqında şəhadətnamədə uşağın atasının soyadının əvəzinə ananın soyadı yazılır. Uşağın atasının və babasının adı uşağın anasının göstərişi üzrə yazılır.

Sabunçu Rayon Məhkəməsinin 2(008)-5306/2024 nömrəli, 12.07.2024-cü il tarixli qərardadına əsasən, 05.05.2015-ci il təvəllüdlü Abbasova Nil Orxan qızının ata mənşəyinin müəyyən edilməsi məqsədilə məhkəmə tibbi-genetik ekspertiza təyin edilib, lakin cavabdeh ekspertizanın keçirilməsində iştirak etmədiyindən ekspertizanın keçirilməsi mümkün olmayıb. Azərbaycan Respublikası Mülki Prosessual Məcəlləsinin 97.5-ci maddəsinə əsasən, tərəf ekspertizanın keçirilməsində iştirak etməkdən imtina edirsə və ya onun keçirilməsinə mane olursa (ekspertizaya gəlmir, zəruri tədqiqat predmetlərini ekspertə təqdim etmir, ekspertizanın aparılması üçün tələb olunan xərcləri ödəmir və s.) və işin hallarına görə bu tərəfin iştirakı olmadan ekspertizanı keçirmək mümkün deyilsə, məhkəmə hansı tərəfin iştirak etməkdən imtina etməsindən, habelə bunun onun üçün hansı əhəmiyyət kəsb etməsindən asılı olaraq, ekspertiza təyin edilən faktı, onun hüquqi nəticələrini əsaslandırmaqla təsdiq olunmuş və yaxud rədd edilmiş hesab edə bilər.

Məhkəmə işin faktiki hallarını şərh olunan hüquq normaları əsasında qiymətləndirərək hesab edir ki, İsmayılzadə Orxan Mikayıl oğlu ekspertizanın keçirilməsində iştirak etməkdən qərəzli olaraq yayındığından, qanunvericiliyin tələblərinə uyğun olaraq 05.05.2015-ci il təvəllüdlü Abbasova Nil Orxan qızının atası olması müəyyən edilməlidir. Belə ki, cavabdeh faktiki olaraq iddiaçı ilə birgə münasibətindən doğulmuş uşağın bioloji atası olduğunu dolayısı ilə etiraf edir və bunun əksini sübut edəcək hər hansı dəlil təqdim edə bilmir. Əksinə, məhkəmə onu da nəzərə alır ki, Orxan İsmayılzadənin 2015-ci il təvəllüdlü Abbasova Nilin atası hesab edilməsi üçün yeganə əsas onun ekspertizanın keçirilməsindən yayınması deyil, iş materiallarında olan tərəflərin bir ailə kimi bir yerdə yaşaması, müxtəlif vaxtlarda müxtəlif xarici ölkələrdə olması, faktiki nikahlarından doğulmuş uşaqla birgə çəkilmiş foto və video görüntüləri ilə də öz təsdiqini tapır. Həmçinin, iddia tələbi alimentin tutulması ilə bağlı qeyd edir ki, iddia qismən təmin edilməlidir”.

Məhkəmənin aliment tələbi ilə bağlı mövqeyi isə Orxan İsmayılzadənin imkanlarını əks etdirən sənədlərlə uyğun görünmür:

“Aliment məbləğinin miqdarı ilə bağlı məhkəmə hesab edir ki, Azərbaycan Respublikası Ailə Məcəlləsinin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminat səviyyəsinin mümkün qədər maksimal saxlanması əsas tutularaq müəyyən edilir. İş materiallarında cavabdeh Orxan İsmayılzadənin gəlirinin olması barədə məlumat olmasa da, elektron məhkəmə sistemi vasitəsi ilə əldə edilmiş məlumata əsasən, mülkiyyətində daşınmaz və daşınar əmlaklar mövcud olduğundan, yəni cavabdehin maddi vəziyyəti nəzərə alınaraq hər ay 500 manat sabit pul məbləğində alimentin tutulmasını qanuni və ədalətli hesab edir.

Qanunvericiliyin tələbindən göründüyü kimi, sabit pul məbləğinin miqdarı məhkəmə tərəfindən müəyyən edilən zaman tərəflərin maddi vəziyyəti nəzərə alınmalıdır. Məhkəmə iclasında iştirak edən iddiaçının şifahi vəsatəti əsasında məhkəmənin 20.09.2024-cü il tarixli elektron sistem vasitəsi ilə əldə etdiyi məlumata əsasən, cavabdehin mülkiyyətində qeydiyyat nömrəsi 11170860XX olan, 010011001574-063XX reyestr nömrəli qeyri-yaşayış binası, qeydiyyat nömrəsi 11191275XX olan, 009011001446-063XX reyestr nömrəli qeyri-yaşayış binası, qeydiyyat nömrəsi 11160783XX olan, 004011000770-051XX- 0930XX reyestr nömrəli mənzil, qeydiyyat nömrəsi 11190193XX olan, 007011004799- 103XX reyestr nömrəli fərdi yaşayış evi, qeydiyyat nömrəsi 11241197XX olan, 008011002025-051XX-0930XX reyestr nömrəli mənzil, 2008-ci il istehsalı ağ rəngli, “Hummer H3 Alfa” minik markalı və 2017-ci il istehsalı göy metalik rəngli, “Porsche Panamera Turbo” minik markalı nəqliyyat vasitəsi olması müəyyən olunub.

Beləliklə, məhkəmə hesab edir ki, iddia ərizəsi qismən təmin edilməli, cavabdeh İsmayılzadə Orxan Mikayıl oğlunun 05.05.2015-ci il təvəllüdlü Abbasova Nil Orxan qızının atası olması müəyyən edilməli və iddiaçı məhkəməyə müraciət etdiyi vaxtdan, yəni 19.09.2024-cü il tarixdən başlayaraq 05.05.2015-ci il təvəllüdlü Abbasova Nil Orxan qızının yetkinlik yaşına çatana qədər saxlanılması üçün hər ay 500 manat sabit pul məbləğində aliment cavabdeh İsmayılzadə Orxan Mikayıl oğlundan tutularaq Abbasova Fidan Loğman qızına ödənilməlidir.

Cavabdeh İsmayılzadə Orxan Mikayıl oğlu iddiaçı Abbasova Fidan Loğman qızının 05.05.2015-ci il təvəllüdlü uşağı Abbasova Nil Orxan qızının atası olması müəyyən edilsin. Hazırkı qətnamə qanuni qüvvəyə mindiyi gündən başlayaraq 05.05.2015-ci il təvəllüdlü Abbasova Nil Orxan qızının yetkinlik yaşına çatana qədər saxlanılması üçün 19.09.2024-cü il tarixdən hesablanaraq hər ay 500 (beş yüz) manat sabit pul məbləğində aliment cavabdeh İsmayılzadə Orxan Mikayıl oğlundan tutularaq Abbasova Fidan Loğman qızına ödənilsin. Hazırkı qətnamə 05.05.2015-ci il təvəllüdlü Abbasova Nil Orxan qızına “soyad” qrafasında İsmayılzadə, “ata” qrafasında milliyyəti azərbaycanlı olan İsmayılzadə Orxan Mikayıl oğlu qeyd edilməklə doğum haqqında şəhadətnamənin verilməsi üçün əsasdır”.

Musavat.com

Bəzi heyvanlar alimlərin düşündüyündən daha tez-tez spirt qəbul edirlər.
TEREF publika.az-a istinadən xəbər verir ki, meyvə və nektar yeyən əksər canlıların pəhrizində etanol olduğu üzə çıxıb.

Exeter Universitetinin britaniyalı alimləri müəyyən ediblər ki, etanol şirin meyvələrlə qidalanan canlıların orqanizminə demək olar ki, hər gün daxil olur.

Tədqiqatın nəticələri “Trends in Ecology & Evolution” elmi jurnalında dərc olunub.

Alimlərin sözlərinə görə, etanol və ya etil spirti ilk dəfə təxminən 100 milyon il əvvəl, çiçəkli bitkilərin şirin nektar və meyvələr istehsal etməsindən sonra meydana gəlib. Əksər hallarda təbii halda qıcqırmış meyvələrdə yalnız 1-2% spirt var, lakin bəzi meyvələrdə bu miqdar xeyli çoxdur. Məsələn, Panamada yetişən palma meyvələrində 10,2%-ə qədər spirt konsentrasiyası aşkar edilib.

Tədqiqatçılar fermentasiya qoxusunun faunanı qida mənbələrinə yönəldə biləcəyini irəli sürürlər. Bundan əlavə, bəzi canlılar spirtin xüsusiyyətlərindən öz üstünlükləri üçün istifadə edirlər. Məsələn, meyvə milçəkləri yumurtalarını etanol tərkibli maddələrə qoyur, çünki bu mühit sürfələri parazitlərdən qoruyur.

Etanolun endorfin və dopamin sistemlərini aktivləşdirə biləcəyi, sosial baxımdan faydası ola biləcək rahatlıq hisslərinə səbəb ola biləcəyi barədə fikirlər də irəli sürülüb.

Alimlər məsələ ilə bağlı yeni təcrübələr aparmağı planlaşdırırlar.

"Bakıda BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasının (COP29) keçirilməsindən çox məmnun və xoşbəxtəm. Bu gün Azərbaycana iqlim problemlərindən narahat olan hər kəs gəlib".

Bunu tanınmış biznesmen Emin Ağalarov Oxu.az-a açıqlamasında deyib.

O, ekologiya ilə bağlı təşəbbüslərin əhəmiyyətini vurğulayıb:

"Hər bir ölkə bu barədə düşünməyin vacibliyini anlamaqla inkişaf etməlidir", - deyə o əlavə edib.

E.Ağalarov özünün də ekoloji məsələlərlə maraqlandığını bildirib və bununla əlaqədar həyata keçirilən genişmiqyaslı ekoloji layihələrdən danışıb.

"Sea Breeze"i təmiz və yaşıl eləməyə çalışırıq - təmizləyici qurğular tikirik, milyonlarla bitki və ağac əkirik, yaşıl şəhər yaradırıq. Qarşıdakı ildə minimum daha beş milyon bitki və ağac əkməyi planlaşdırırıq", - deyə o qeyd edib.

Biznesmen, həmçinin, COP29 çərçivəsində yeddi kilometr uzunluğunda bulvarın yaradılacağının anonsunu verib.

"Noyabrın 16-da tədbir keçirəcəyik. Burada yeddi km uzunluğunda park salacağıq. İlk olaraq, 100 nar ağacı əkməyi planlaşdırırıq. Həm iştirakçılar, həm qonaqlar bunda iştirak edəcəklər və düşünürəm ki, COP29 çərçivəsində bu, simvolik olacaq", - deyə o, sözlərini yekunlaşdırıb.

“Bakıda qəzalı vəziyyətdə olan, öz resursunu başa vurmuş çoxmənzilli yaşayış binalarının inventarizasiyası və bu binalarda yaşayan sakinlərin təhlükəsizliyinin təmin edilməsi ilə bağlı zəruri tədbirlərin görülməsi məqsədilə yaradılmış müvafiq Komissiya fəaliyyətə başlayıb”.

Bunu Bakı Şəhər icra Hakimiyyətinin başçısı Eldar Əzizov deyib.

O bildirib ki, Bakı şəhərində 1100 qəza vəziyyətində olan bina var: “Ardıcıllıqla bu binalar sökülür. Vətəndaşlara yeni evlər təklif olunur. Hər halda bu proses göz qabağındadır. Bir anda 1100 evi söküb onun əvəzində yeni bina tikmək mümkün deyil.

Proses çərçivəsində bu məsələlər öz həllini tapacaq və tapılır.

Bakı şəhərinin yeni Baş Planı təsdiq edilib. Aparılan söküntü işləri də bu Baş Planla əlaqədardır. Hardasa yeni binalar tikilməsi nəzərdə tutulub, hardasa, park nəzərdə tutulub. Baş Plan əsas strategiyadır. Baş Plan daim inkişafdadır, əsas kimi qəbul edilib. Baş plan əsasında bu gün yeni parklar salınır, söküntülər aparılır. Bu dəfə Bakının Baş Planı çoxmərkəzlik prinsipi əsasında yaradılıb və bu gün biz bunu icra edirik”.

Maraqlıdır, qəzalı vəziyyətdə olan evlər söküləndə, əmlak bazarında nələr baş verəcək?

Məsələ ilə bağlı əmlak eksperti Elnur Azadov “Cebheinfo.az”-a açıqlamasında deyib ki, son dövrlər daşınmaz əmlak qiymətləri 40 faiz bahalaşıb:

“Daşınmaz əmlak bazarında bahalaşma Bakı şəhərindən başlayaraq bütün ölkəmizi əhatə etdi. Buna səbəb daşınmaz əmlak bazarındakı tikinti şirkətləri arasında rəqabətsizlikdir. Əvvəllər bina tikmək üçün icazə səlahiyyətləri Bakı Şəhər İcra Hakimiyyətində idi. Lakin 2018-ci ildən sonra bu səlahiyyət Dövlət Şəhərsalma və Arxitektura Komitəsinə verildi.

O qurum da çox az sayda şirkətə tikinti üçün icazə verdi. Bu səbəbdən tikinti şirkətləri arasında rəqabətsizlik mühiti formalaşdı və əmlak bazarında fantastik bahalaşma müşahidə olundu”.

Ekspert xatırladıb ki, qəzalı vəziyyətdə olan binada yaşamaq təhlükəlidir:

“Bakı şəhərində qəza vəziyyətində olan 1100 bina var. Bu binalar ardıcıllıqla sökülür. O binaları sökmək və binalarda yaşayan sakinləri köcürmək, həmçinin yerləşdirmək olduqca çətin prosesdir. Lakin bu prosesləri mütləq şəkildə icra etmək lazımdır. Əks halda bədbəxt hadisələrlə üzləşə bilərik”.

O qeyd edib ki, Bakı şəhərində bina tikintisi bir neçə etapda icra olunub:

“Paytaxtımızda bina tikintisi ilk etapda 2004-2009- cu, ikinci etapda 2016-2018- ci illəri əhatə edib. Həmin dövrdə, yəni 2016 -cı ildə Nazirlər Kabinetinin müvafiq qərarına əsasən, pilot olaraq təkcə Bakı Şəhəri İcra Hakimiyyətinə deyil, həm də yerli icra hakimiyyəti orqanlarına bina tikintisi üçün icazənin verilməsi səlahiyyəti həvalə olunub. Bu qərarla yerli icra hakimiyyəti orqanlarına qəzalı vəziyyətdə olan binaların yerində yenilərinin tikintisinə icazə verilmişdi. Lakin bu qərarın dəyişməsi əmlak bazarına mənfi təsir göstərdi”.

E.Azadov hesab edir ki, qəzalı vəziyyətdə olan binaları sökməyə az sayda tikinti şirkəti qadırdir:

“Yaxın 10 il ərzində qəzalı vəziyyətdə olan 1100 binanı sökməyə, yerinə başqa yaşayış kompleksi tikməyə qadir çox az sayda tikinti şirkəti var. O şirkətlərin resursları məhdud olduğundan, qəzalı vəziyyətdə olan binanı köcürməyə imkanları yoxdur. Amma yaxın 10 il ərzində o binalarda hər hansısa bədbəxt hadisə baş verərsə, fəsadları daha ağır ola bilər. Bu səbəbdən bina tikintisinin əlçatanlılğını təmin etmək lazımdır”.

Ekspert qəzalı vəziyyətdə olan binalar barədə nümunə göstərib:

“Nazirlər Kabinetinin 2017-ci ildə qəbul etdiyi müvafiq qərarə əsasən, 1- ci mikrorayonda qəzalı vəziyyətdə olan 40-dan çox binanın təmiri və bərpası icra olunmalı idi. Lakin hələ də icra olunmayıb. Həmçinin yol kənarında çox sayda bina var. Lakin demək olar ki, heç bir tikinti şirkəti o binaların təmiri və ya yenidən tikilməsində maraqlı deyil. Bunun da əsas səbəbi Dövlət Şəhərsalma və Arxitektura Komitəsinə tətbiq etdiyi tikinti normalarıdır. Bu normalar tikinti şirkətlərinə iqtisadi baxımından sərf etmir”.

Bakı-Sumqayıt istiqamətində hərəkət edən sərnişin qatarı 50 dəqiqədən çox yubanmadan sonra mənzil başına yola düşüb.
Bu barədə “Report”a sərnişinlər məlumat veriblər. Onların bildirdiyinə görə, 17:25-də Bakıdan yola çıxan qatar Xırdalan stansiyasında təxminən 50 dəqiqə dayanıb. Sərnişinlər gecikmənin səbəbi kimi elektrik təchizatında yaranan nasazlığı göstəriblər. Bu problem dəmir yolu infrastrukturunun köhnəlməsi ilə əlaqədar yaranıb.
Bakı-Sumqayıt qatarının daimi sərnişinlərinin sözlərinə görə, payız-qış mövsümündə bu marşrut üzrə hərəkət edən qatarlarda belə yubanmalar tez-tez baş verir və bu, ilk dəfə müşahidə olunan hal deyil.

Bakıda bir çox parklanma yerləri bağlanıb. Bu barədə sosial şəbəkələrdə videolar yayılıb.

“Yeni Sabah” xəbər verir ki, qadağalara rəğmən, sürücülər hələ də həmin ərazilərdə avtomobillərini saxlayırlar. Onlar bu nişanların niyə bağlandığından məlumatsızdılar.

Məsələ ilə bağlı aidiyyatı qurumlardan Milli.Az-a verilən məlumata görə, bu, COP29 tədbiri ilə bağlıdır. Belə ki, tədbir günlərində, nişanların tutulduğu ərazilərdə hərəkətin intensivliyini təmin etmək məqsədilə parkinq xidməti fəaliyyət göstərməyəcək.

COP29 Liderləri Sammitinin keçiriləcəyi 11, 12 və 13 noyabr tarixlərində Bakının bir sıra küçə və prospektlərində məhdudiyyət tətbiq ediləcək.

Musavat.com-un məlumatına əsasən, nəqliyyat vasitələri üçün məhdudiyyət tətbiq ediləcək küçə və prospektlər aşağıdakılardır:

- Hava Limanı şosesi

- Heydər Əliyev prospekti

- Neftçilər prospekti

- Yusif Səfərov küçəsi

- Niyazi küçəsi

- İstiqlaliyyət küçəsi

- Lermontov küçəsi

- Mikayıl Huseynov küçəsi

- Xəqani Rüstəmov küçəsi

- Teymur Elçin küçəsi

- Mehdi Hüseyn küçəsi.

Bu gündən Bakıya giriş hissələrdə müvəqqəti postlar da qurulacaq. Bunu Xəzər TV-yə açıqlamasında Bakı Şəhər Dövlət Yol Polis idarəsinin bölmə rəisi Toğrul Nəsirli bildirib.

Onun sözlərinə görə, COP29 günlərində paytaxda bir sıra küçə və prospektlər üzrə nəqliyyatın hərəkət istiqaməti dəyişdiriləcək.

Şəhərdə sıxlığın yaşanmaması üçün cənubdan da girişdə müvəqqəti postlar olacaq. Sumqayıt-Novxanı istiqamətindən gələn nəqliyyat vasitələri isə Binəqədi-Baksol yolunda təşkil olunacaq postdan fasilələrlə buraxılacaq.