İnsanların həyatına təhlükə yaradan səkiləri zəbt edənlər - VİDEO

Yaradılıb 23.08.2023 09:07 | Baxış sayı: 324
Ardını oxu...
Vətandaşların hərəkəti üçün nəzərdə tutulan səki yaxınlıqda yerləşən mağazanın tikinti materialları ilə zəbt olunub.

Xezerxeber.az xəbər verir ki, bura Xəzər rayonu Binə qəsəbəsi, südçülük savxozu deyilən ərazidir.

Sakinlər deyirlər ki, səkiyə tikinti materialları yığıldığından hərəkətlərini davam etdirmək üçün məcbur olub avtomobil yoluna çıxırlar.

Günün pik saatlarında ərazidə gediş-gəliş müşkülə çevrilir.

Tikinti materiallarının aid olduğu mağazadan bildirilib ki, problem həll ediləcək.
Məsələ ilə bağlı Yerüstü Nəqliyyat Agentliyindən bildirilib ki, sözügedən ünvana baxış keçiriləcək və müvafiq tədbir görüləcək.

Günün sonunda isə Binə qəsəbə nümayəndiliyindən göndərilən fotolardan aydın oldu ki, səki boşaldılıb və vətəndaşların gediş-gəlişi üçün heç bir maneə yoxdur.

Mövzu ilə bağlı daha ətraflı videomaterialı təqdim edirik:

 

Azərbaycanda güclü zəlzələ oldu - FOTO

Yaradılıb 23.08.2023 08:57 | Baxış sayı: 177
Ardını oxu...
Azərbaycanda “Android” sistemli smartfonlara zəlzələ barədə xəbərdarlıq gəlib.

Zəlzələnin Bakıdan təxminən 190 km uzaqlıqda Rixter şkalası ilə 5.5 bal gücündə olduğu bildirilir.

Məlumata görə, zəlzələ Cəlilabad rayonu ərazisində qeydə alınıb.
Dağıntılar barədə məlumat verilmir.
Ardını oxu...
 

AZAL-ın təyyarəsinə qarşı təxribatda Rusiya izi - NƏ ETMƏLİ?

Yaradılıb 22.08.2023 08:41 | Baxış sayı: 318
Ardını oxu...
Azərbaycanın hava məkanından istifadə etməklə uçuşlar yerinə yetirən yerli və xarici aviaşirkətlərin sərnişin təyyarələrinin GPS peyk naviqasiya sistemlərinə qarşı Rusiya sülhməramlı kontingentinin müvəqqəti yerləşdiyi ərazilərimizdəki qeyri-qanuni erməni silahlı dəstələri tərəfindən radiomaneələrin tətbiqi yenidən intensivləşib.

Azərbaycan Müdafiə Nazirliyinin məlumatında belə deyilir.

“Hava məkanımızdan keçən uçuşların təhlükəsizliyinə təhdid yaratmaq məqsədilə qanunsuz silahlı birləşmələr növbəti təxribata əl atıb.

Belə ki, avqustun 21-i saat 10:15-dən 10:23-dək Füzuli-Bakı marşrutu üzrə uçuş yerinə yetirən Azərbaycan Hava Yollarının (AZAL) "ATR-45" tipli sərnişin təyyarəsinə radiomaneələrin tətbiqi nəticəsində GPS peyk naviqasiya sistemlərində fasilə yaranıb.

Faktla bağlı Rusiya sülhməramlı kontingentinin komandanlığının tərəfimizdən məlumatlandırılmasına baxmayaraq bu günədək heç bir tədbir görülməyib.

Qeyd edirik ki, mülki aviasiyanın təhlükəsizliyinə radio-texniki müdaxilə qəbuledilməzdir və beynəlxalq mülki aviasiya təşkilatının müəyyən etdiyi qaydalara ziddir”, - Müdafiə Nazirliyinin məlumatında qeyd edilib.

TEREF.AZ bildirir ki, sözügedən hadisəni Cebhe.info-ya şərh edən hərbi ekspert Üzeyir Cəfərov Azərbaycana mülki təyyarələrinə qarşı təxribatların Rusiya sülhməramlı qüvvələri tərəfindən törədildiyini deyib:

“Bu təxribat sülhməramlılar tərəfindən həyata keçirilib. Çünki Qarabağdakı qanunsuz erməni silahlı birləşmələrində təyyarələrin GPS naviqasiya sisteminə qarşı radiomaneələr yaradan avadanlıq yoxdur.

Elə bir avadanlıq vaxtilə döyüşlər zamanı Azərbaycana müəyyən problemlər yaratmaq üçün istifadı olunub. Bu radioelektron mübarizə vasitələri yalnız Rusiya tərəfindən işlədilib və məqsəd geniş miqyasda faciə törətməkdir.

Artıq ruslar dəfələrlə həmin təxribata əl atıblar və Azərbaycan dövləti də hər dəfə belə halların qarşısının alınması üçün sülhməramlı kontingentə xəbərdarlıq edib. Lakin onlar bundan nəticə çıxartmır. Rusiya hərbçiləri isə öz əməllərini davam etdirir.

Hesab edirəm ki, Azərrbaycan dövləti yumruğunu masaya vurmalı və onlardan bu cür təxribatlara son qoymağı tələb etməlidir. Azərbaycan vətəndaşları dünən Füzuliyə köçürülüb, bu gün erməniləri həmin əraziləri atəşə tutur.

Erməni silahlı birləşmələri Laçına, Kəlbəcərə, Şuşaya, Tərtərə Rusiya sülhməramlı qüvvələrinin yerləşdiyi bölgələrdən atəş açırlar. Bu, o deməkdir ki, Rusiya özü buna şərait yaradır. Məqsəd isə ondan ibarətdir ki, təyyarə qəzaya uğrasın, yüzlərlə insan həlak olsun, danışıqlar prosesi pozulsun, sülh müqaviləsi imzalanmasın.

Mülki təyyarələrə yaradılan maneələr hamısı bu təxribatlara hesablanıb. Hətta Ermənilər Qafan hava limanını işə salmaq, oraya yük daşımaq istəyirlər. Bu da Azərbaycan ərazisinə daxil olmağa bərabərdir.

Radioelektron maneə avadanlığı da həmişə Rusiyada olub və bundan təxribat məqsədi ilə istifadə edirlər.

Xatırladım ki, Rusiya 2014-cü ildə Ukraynanın işğal olunmuş Donetsk bölgəsi üzərində Malaziya aviaşirkətinə məxsus "Boeing-747" sərnişin təyyarəsinin GPS naviqasiya sisteminə radioelektron maneə yaratmaqla qəza törətmiş, nəticədə 298 həyatını itirmişdi. Hazırda Rusiya eyni təhlükəni Azərbaycana qarşı yaradır”.

Qəbələnin Laza kəndinə gedən yolu sel apardı

Yaradılıb 22.08.2023 08:39 | Baxış sayı: 453
Ardını oxu...
Qəbələ rayonu ərazisində intensiv yağıntılar nəticəsində Dəmiraparançayda sel suları Laza kəndinə gedən mövcud yolun bir hissəsini yuyaraq sıradan çıxarıb.

Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən Yenicag.az-a bildirilib ki, həmin yolda yaranmış problemlə bağlı məlumat daxil olan kimi dərhal əraziyə agentliyin “10 N-li Yol İstismarı” MMC-nin xüsusi texnikaları və canlı qüvvəsi cəlb olunub.

Qısa müddət ərzində Dəmiraparançayın sağ sahilindən alternativ yol ilə Laza kəndinə fasiləsiz və təhlükəsiz gediş-gəliş təmin olunub. Hazırda mövcud yolun bərpası istiqamətində işlər davam etdirilir.

www.yenicag.az
 

Xaçmazda Bayraq Meydanında BAYRAQ YOXA ÇIXIB... - Yerini bilən varmı?

Yaradılıb 21.08.2023 09:18 | Baxış sayı: 328

Ardını oxu...
DİA.AZ: - Artıq deyəsən, rayon icra hakimiyyətlərimizin Bayraq Meydanlarında bayrağımızı dik tutması həm müşkülə çevrilib, həm də yoluxucu xarakter allb. DİA.AZ bildirir ki, artıq bir neçə rayonda dövlət bayrağımıza RƏSMİ sayğısızlıq ənənə halını alıb. Bunun başqa adı yoxdur.

Və belə biabırçı halın növbətisi Xaçmazda yaşanmaqdadır. DİA.AZ bildirir ki, bu barədə sosial şəbəkələrdə giley edən ictimai fəal Osman İmamov yazır:

"Əziz Xaçmazlılar, siz bilərsiz, Xaçmazda yerləşən "Bayraq Meydanındakı" Bayraq hardadı? Xeyli vaxtdır niyə yoxdur? Biz bilmirik, bəlkə siz bilərsiz???"

Məsələ ilə bağlı dia.az olaraq bütün əlaqədar qurum və şəxsləri dinləməyə hazırıq...

Ardını oxu...
 

 'Rahat' market cibimizi BELƏ SOYUR... - AXI NİYƏ?

Yaradılıb 21.08.2023 09:15 | Baxış sayı: 355
Ardını oxu...
DİA.AZ: - Artıq vətəndaşlar marketlərdə aldadılmalarını ironiya ilə qarşılayırlar. Buna yetərincə sübut var. Amma görünən odur ki, vəziyyətin bu həddə çatması belə market sahiblərinə təsir etmir... Biz isə Dia.az olaraq yenə də vətəndaş gileylərini təqdim edirik.

" 'Rahat' market sizə halallıq verdim. Rəhbərliyinizlə də xoş arzular..." DİA.AZ bildirir ki, bunu "Müştərinin Səsi" sosial qrupundakı paylaşımında Mirzə Böyükkişiyev adlı istifadəçi qeyd edib.

Narazı vətəndaş daha sonra yazır:
"Nə qədər cibimizə görəcəksiniz? Ehtiyac varsa, deyin qəpik-qəpik yığaq sizə kömək edək..."

Məsələ ilə bağlı dia.az olaraq qarşı tərəfi də dinləməyə hazırıq...


Ardını oxu...
Ardını oxu...
 

Ekosidin anatomiyası: Müharibə niyə yüz illər boyu həyatımızda əks olunacaq

Yaradılıb 21.08.2023 08:33 | Baxış sayı: 600
Ardını oxu...
Ukraynada beş milyon hektardan çox kənd təsərrüfatı sahələri yararsız hala düşüb

“Hromadske”nin materialı

Ətraf mühiti müharibənin susqun qurbanı adlandırırlar. Bəzən elə görünür ki, insan itkisindən və fəlakətli dağıntılardan pis heç nə ola bilməz. Amma ilk baxışda gözə görünməyini nahaq yerə ləng təsirli bomba ilə müqayisə etmirlər.

Biz “ekosid” ifadəsini tez-tez eşitsək də, zaman boyu uzanan bu fəlakətin tam miqyasının fərqinə indiyədək də vara bilmirik.

Dəymiş ziyanın quru statistikasının arxasında nə dayanır? Müharibə torpağa və qidanın keyfiyyətinə necə təsir edir? Hətta raketin sadəcə uçuşu belə necə zəhərlidir. Artıq indi nə edə bilərik və ətraf mühitə qarşı bütün hərbi cinayətləri lazımınca sənədləşdirməsi üçün dövlətin kifayət qədər vəsaiti varmı?

“Hromadske”nin Ukrayna nəşri bütün bunları ekoloqlarla birgə aydınlaşdırmağa çalışıb.

Kaxovka fəlakəti: miqyasları dərk etmək
Rusiyanın ekosidi barədə tammiqyaslı işğal başlandığı zamandan danışılıb və bunun ən bariz nümunəsi, əlbəttə ki, rus hərbçilərinin Kaxovka bəndini partlatmasıdır. Bu texnogen və ekoloji fəlakətin nəticələri barədə az danışılmayıb: onlarla yaşayış məntəqəsi və on min hektarlarla qoruq ərazisi suyun altında qalıb, nadir bioloji növ müxtəlifliyi məhv olunub, Dnepr və Qara dəniz suları son dərəcə çirklənib, suvarma sistemi sıradan çıxıb, su anbarı isə səhraya çevrilib. Terror aktı yüz minlərlə insanın həyatına təsir edib.

Təkcə torpağın məhsuldar üst qatının bərpasına, – bu qat Kaxovka bəndinin partladılması nəticəsində Dnepr çayının yaratdığı güclü sellə yuyulub, – yüz illər lazım gələ bilər.

“Əgər heç nə etməsən, torpağın məhsuldar qatının bir santimetri yüz il ərzində əmələ gələcək”, – Ukrayna MEA-nın Zabolotnı adına Mikrobiologiya və Virusologiya İnstitutunun alimi, biologiya elmləri doktoru Lyudmila Belyavskaya “Hromadske”yə deyib.

Fəlakətdən iki ay ötüb, ancaq suyun nəyi apardığı və bunu sonunda hara gətirdiyi hələ də anlaşılmaz olaraq qalır. Su təkcə məhsuldar torpağın üst qatını yumayıb və böyük ehtimalla, xırda çöl faunasının nadir bitki və heyvan dünyasını məhv etməyib, bundan başqa, ona yüzlərlə ton maşın yağı, basdırılmış zəhərli tullantılar, heyvan cəsədləri, anbarlarda qorunan kimyəvi məhsullar düşüb. Ekoloqlar heç konkret təsirlərdən danışa bilmirlər: yəqin ki, bütün bu zəhərli maddələr artıq Qara dəniz hövzəsinə çatıb. Onların bir hissəsi yolda dibə çökür və yeraltı sulara qarışır.

“Mahiyyət etibarı ilə Dneprin aşağı hissəsində və Buq çayının cənubunda, həmçinin yaxın ərazilərdə bütün içməli su təchizatı mənbələri sıradan çıxıb. Oradakı su içməli suyun keyfiyyət parametrlərinə uyğun gəlməyib. Bəzi yerlərdə onların təmizlənməsi ilə bağlı ölçü tədbirləri görülüb, bəzilərində yox, axı bütün bu ərazi döyüş yerləridir”, – “Ekologiya-Hüquq-İnsan” beynəlxalq xeyriyyə təşkilatının ekoloqu Anatoli Pavelko deyib.

Məqalə müəlliflərinin ünsiyyət qurduğu müxtəlif təşkilatların alimləri və ekoloqları sahilinə zibil qalaqları çıxan Qara dənizdən qrunt, lil və su nümunələri götürüb. Onlar hazırda tədqiqatın hələ davam etdiyini söyləyirlər.

“Biz lil nümunəsi götürmüşük, amma hələ laboratoriyada analiz etməmişik. Suyun dibində nə var, tərkibi necədir, bu tərkib təhlükəlidirmi – bunun üçün ətraflı tədqiqat aparmaq lazımdır. Bir neçə komponentin analizini edib “vəssalam, təhlükəsizdir, kartof əkin” söyləmək olmaz”, – Anatolinin həmkarı ekoloq Yekaterina Polyanskaya deyir.

“Bizimlə gedən insanlar virusoloqlar üçün də analiz götürüblər. Virusoloqlar deyiblər ki, əgər bu çoxdankı lildirsə, orada təhlükəli virsular ola bilər. Mən qorxutmaq istəmirəm, amma bir ekoloq kimi deyim: orada hələ ki heç nə əkməmişəm və orada bitən heç nəyi yemərəm. Yaxşısı budur, analizin nəticələrini gözləyək və təhlükənin olub-olmadığını bilək. Analizlərsə zaman tələb edir”, – o əlavə edir.

Gözə görünməyən zəhər torpaqdan masaya
Rusiya hərbçiləri Ukraynanın ərazisinə soxulandan sonra ən çox məhsuldar torpaqları olan bölgələr əziyyət çəkir. Beş milyon hektardan çox kənd təsərrüfatı sahələri yararsız hala düşüb. Və bu sahələr hər ötən gün artır. Həmin ərazilər minalanıb, döyüş sursatı ilə doludur, orada partlayışlar nəticəsində çuxurlar meydana gəlib, neft məhsulları və kimyəvi zəhərli birləşmələrlə çirklənib.

Qrunt torpaqların ağır metallarla çirklənməsi böyük problemə çevrilib. Döyüşlərin getdiyi ərazilərdən nümunə götürən alimlərin tədqiqatlarına görə, mərmi partlayışından sonra torpaqda qurğuşun, kadmium, alüminium, mis, kobalt, manqan və digər metalların miqdarı artıb. Partlayıcı maddənin oksidləşməsi nəticəsində isə kükürd və azot birləşmələri çoxalıb. Bu maddələr çuxurlarda təxminən iki metr dərinlikdə ola bilər. Ağır texnikanın yandığı və neft məhsullarının axımı baş verdiyi yerlər heç də az təhlükəli deyil.

Bütün zəhərli maddələr torpaqdan bitkilərə keçir. Odur ki, heç bir halda sadəcə çuxuru doldurmaq və ya bu torpaqda nəsə əkmək olmaz. Zəhərli maddələri ən çox günəbaxan, buğda və qarğıdalı özünə çəkə bilər, biologiya elmləri doktoru Lyudmila Belyavskaya deyir. Ağır metallar orqanizmdə toplana və müxtəlif xəstəliklər və ya genetik mutasiyalar doğura bilər. Və bu təkcə üzərində fəal hərbi döyüşlər gedən ərazilərə aid deyil.

Ərazilərin minalardan təmizlənməsinə və konservasiyasına yüz illər lazım gələcək
“Washington Post” bu yaxınlarda Slovakiya GLOBSEC qeyri-hökumət təşkilatının nəticələrini dərc edib: hazırkı templə Ukraynanın bütün ərazisini minadan təmizləmək üçün 757 il və milyardlarla dollar lazım gələ bilər.

Hazırda Ukrayna ərazisinin üçdə biri mina sahəsidir. Söhbət təxminən 174 min kvadrat kilometrdən gedir. Ölçülərinə görə, bu, Uruqvay və ya Amerikanın Florida ştatı kimidir.

“Meşələri minalardan əllə təmizləməli olacaqlar, axı ora maşın girə bilməz. Mən bilmirəm, əllərində minaaxtaran neçə adam bu işlə məşğul olmalıdır. Üstəlik orada plastik minalar ola bilər. Bu aparatlarla onları eşitmək çox çətindir, çünki həmin minların yalnız balaca bir detalı metaldandır. Belə başa düşürəm ki, Donetsk, Xarkov və sərhəd vilayətlərində bəzi meşələrdə potensial olaraq adamların gəzməsi qadağan olunacaq. Lap Birinci Dünya Müharibəsindən çıxmış Fransadakı kimi”, – “Ekologiya-Hüquq-İnsan” beynəlxalq xeyriyyə təşkilatının ekoloqu Yekaterina Polyanskaya deyir.

Ekoloqların proqnozlaşdırmasına görə, daha çox dağıntılara məruz qalmış və faktiki olaraq döyüş sahəsinə çevrilmiş Baxmutu, Soledarı, Marinkanı, Avdeyevkanı və digər şəhərlərlə kəndləri gələcəkdə konservasiya gözləyir. Axı bu torpaqlar tamamilə dağılıb – minlanmış həmin ərazilərdə minlərlə çuxurlar mövcuddur, odur ki, artıq yaşayış üçün yararlı deyil.

Ekoloji cinayətlərin sənədləşdirilməsi: problemlər və çağırışlar
Dövlət Ekologiya Müfəttişliyi müharibə boyu ətraf mühitə iki min yarımdan çox dəfə ziyan vurulduğunu təsbit edib. Baş Prokurorluğun hazırda ətraf mühitə qarşı cinayətkarlıqla bağlı təhqiq etdiyi işlərin sayı 200-ü ötüb. Onlardan 15-ni məhz ekoloji cinayət kimi (Cinayət Məcəlləsinin 441-ci maddəsi) təfsir edirlər. Ukrayna qanunvericiliyinə görə, bu, flora və ya faunanın kütləvi məhvi, atmosferin və ya su ehtiyatlarının zəhərlənməsidir ki, onlar da nəticədə ekoloji fəlakətə səbəb ola bilər.

Rusiyalı hərbçilərin atom elektrik stansiyalarını tutması və atəşə məruz qoyması, Atom Tədqiqatları İnstitutunun atəşə tutulması, quşların, delfinlərin kütləvi şəkildə məhvi, neft bazalarına məqsədyönlü şəkildə hücumlar və Kaxovka SES-in dağıdılması, – bu, Çernobıl dövründən bəri ən iri ekoloji fəlakətdir, – bu, birmənalı şəkildə ekosiddir. Və Ukrayna, Baş Prokurorluğun dediyinə görə, dünyada ilk ölkədir ki, bu miqyasda ekoloji hərbi cinayətləri və ekosidi təhqiq edir.

Hərçənd Beynəlxalq cinayət hüququnda hələ ki “ekosid” termini yoxdur. Haaqa məhkəməsinin onu beynəlxalq cinayət kimi tanıması üçün beynəlxalq hüquqşünaslar uzun illərdir ki, mübarizə aparır. Ukrayna bu mübarizənin katalizatoru ola bilər.

Bu proses hələ uğursuzdur. Hərçənd Beynəlxalq Cinayət Məhkəməsi (BCM) ətraf mühitə ziyan vurulmasına müharibə cinayəti kontekstində baxa bilər. Ukrayna Baş Prokurorluğu Ofisi məhz buna ümid bəsləyir – BCM nümayəndələri Kaxovka faciəsinin təhqiqatına başlayıb.

Ukrayna özü bilavasitə icraçıları mühakimə edə bilər. Ölkədə ətraf mühitə qarşı hərbi cinayətkarlığa görə ilk hökm Rusiya generalı və polkovnikinə çıxarılıb. İstintaqın məlumatına görə, onlar Kaxovka SES-nın zəbt olunmasında və Şimal Krım kanalının partladılmasında bilavasitə iştirak ediblər. Bu adamlara qiyabi də olsa 12 il həbs cəzası və 1,5 milyard qriven cərimə kəsilib.

Ekoloji cinayətlərin beynəlxalq təhqiqatı isə qat-qat çox çəkə bilər, axı bunun üçün danılmaz dəlillər və ekspertizalar lazımdır. Ukraynada bu cinayətlərin sənədləşdirilməsi ilə bağlı da çətinliklər var. “Ekodiya”nın icraçı direktoru Olqa Polunina deyir. Bunlar həm itkilərin hesaba alınması üzrə metodikada yaranan suallar, həm müxtəlif orqanlar arasında koordinasiyanın yoxluğu, həm də bütün bunları lazımınca tədqiq etmək üçün aşkar vəsait çatışmazlığıdır.

“Bu, çox alicənab cəhddir (beynəlxalq məhkəmədə ekoloji cinayəti sübuta yetirmək – red.), lakin bu məsələdə çoxlu “amma”lar var. Birincisi, ölkədə normal şəkildə ekoloji monitorinq aparılmır. Yəni, kobud desək, əgər müharibədən əvvəlki qrunt nümunəsini məhkəməyə təqdim edə bilməsəm, neft axıntısının ətraf mühitə təsirinin məhz müharibə zamanı baş verdiyini necə sübut edə bilərəm. Zənnimcə, biz araşdırmaya başlayanda bu problem aydınlaşacaq”, – Polunina “Hromadske”a şərhində deyir.

Ekoloqların sözlərinə görə, təbii ehtiyatlara görə məsul olan bütün dövlət sahələri bu cür statistika aparsın: harada nə və necə zərər çəkib. Ukraynanın əsas işi bunu mümkün qədər çox və ətraflı təsbit etməkdir. Effektli olub-olmadığına isə Beynəlxalq Məhkəmə qərar verəcək.
meydan tv

Sürücülərin NƏZƏRİNƏ! – Bu halda DYP sizi SAXLAYACAQ – VIDEO

Yaradılıb 21.08.2023 08:23 | Baxış sayı: 148
Ardını oxu...
Avtomobilin dövlət qeydiyyat nişanı yararsız olan sürücülərə xəbərdarlıq edilib.Törədilə biləcək hər hansı bir inzibati xəta zamanı xüsusi texniki vasitələr nömrəni dəqiq qeydə almaqda çətinlik çəkir və yaxud elektron protokol başqa bir şəxsə tərtib olunur.Belə faktların qarşısını almaq məqsədi ilə Baş Dövlət Yol Polisi İdarəsi sürücülərə xəbərdarlıq edib. İdarənin əməkdaşı Elvin Hacıyev Xəzər Xəbər”ə deyib ki, sürücülər nəqliyyat vasitələrinin nömrə nişanına mütəmadai olaraq nəzarət etməlidirlər.

Adətən avtomobilin dövlət qeydiyyat nişanında hərf, rəqəm və bayrağın zədələnməsi avtoyuma məntəqələrində şırnaqlı suyun yaxından vurulması zamanı olur. Əgər nömrə nişanları normada nəzərdə tutulan standartların tələblərinə cavab verməsə, nəqliyyat vasitələrinin istismarının qadağan edilməsinə səbəb olan nasazlıq olduğuna görə həmin nəqliyyat vasitələri yol hərəkətindən kənarlaşdırılır. Yəni yol polisinin ixtiyarı var ki, həmin nəqliyyat vasitəsini saxlasın və onların istismarını qadağan etsin.

Qeyd edək ki, sürücü avtomobilinin qeydiyyat nişanında nasazlıq aşkar etdikdə ərazi üzrə qeydiyyat, imtahan mərkəzlərinə yaxınlaşıb, cütünə 50 manat ödəməklə yenisini ala bilər.
 

Domodedovo və Vnukovo aeroportlarında eniş-uçuş müvəqqəti dayandırılıb

Yaradılıb 20.08.2023 11:49 | Baxış sayı: 237
Ardını oxu...
Domodedovo və Vnukovo aeroportlarında eniş-uçuş müvəqqəti dayandırılıb
Rusiyanın paytaxtı Moskvanın Domodedovo və Vnukovo hava limanlarında reys qəbulu və göndərişi müvəqqəti olaraq dayandırılıb.

“Report” xəbər verir ki, bu barədə TASS aviaxidmətlərə istinadən məlumat yayıb.

“Baza” teleqram kanalının məlumatına görə, hava limanlarında dron təhlükəsi ilə əlaqədar “Xalça” rejimi elan olunub.

Təyyarələrin Şerementyevo aeroportuna yönləndirildiyi bildirilib.
 

Azay Quliyev bu suala cavab verməlidir... - Yoxsa eyni sualı hüquq-mühafizə orqanları səsləndirəcək...

Yaradılıb 19.08.2023 09:58 | Baxış sayı: 254
Ardını oxu...
İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli QHT Agentliyinin rəhbərliyi barədə maraqlı iddia irəli sürüb.

Mia.az xəbər verir ki, o, bu barədə sosoal media hesabında yazıb.

İSBAM sədri Agentliyi "Heydər Əliyev ili" ilə bağlı saxta layihə həyata keçirməkdə ittiham edib: “Hazırda bır sualla QHT Agentliyinə, Agentliyin Müşahidə şurasına, sədr Azay Quliyevə, icraçı direktor Aygun Əliyevaya üzümü tuturam: “Ötən il “Şuşa ili ” münasibətilə nəzərdə tutulmuş “Heydər Əliyevin Şuşa sevgisi ” adlı layihənin taleyi necə olub?"

Bilirəm, bu suala heç bırınız cavab verə bilməyəcəksiniz. Odur ki , bu məsələ ilə bağlı qısa məlumatı ictimaiyyətə açıqlayıram.

“Heydər Əliyevin Şuşa sevgisi ” adlı layihəyə 35000 manat pul ayrılıb. Şuşada keçirilməsi nəzərdə tutulan tədbir keçirilməyərək, saxta hesabatla ayrılan vəsait mənimsənilib.

Belə bır tədbirlə bağlı KİV də heç bır məlumat yoxdur.

Qeyd edım kı, mövzu QHT Agentliyinin öz layihəsi olub.

Burada hansı formada saxtakarlıqlar həyata keçirildiyini faktlarla sübut edəcəm. Müvafiq dövlət qurumlarını məsələni ciddi araşdırmağa çağırıram”.

İddia ilə bağlı Agentliyin adıçəkilən şəxslərinin mcvqeyini gözləyirik.
 

Dünyapress TV

Xəbər lenti