 |
|
|
Mayın 14-də Gürcüstan parlamenti küçə etirazlarına baxmayaraq, "Xarici təsirin şəffaflığı haqqında" qanunu üçüncü və yekun oxunuşda qəbul edib.
Gürcüstanın Konstitusiya Məhkəməsində ölkədə qəbul edilmiş xarici agentlər haqqında qanuna qarşı qaldırılan iddianın perspektivi yoxdur. Bunu Gürcüstan baş naziri İrakli Kobaxidze jurnalistlərə bildirib.
Sözügedən iddianı Gürcüstan prezidenti Salome Zurabişvili və 120-dən çox qeyri-hökumət təşkilatı qaldırıb. Onlar qanunun qüvvəsinin dayandırılmasını və gələcəkdə ləğv edilməsini tələb edirlər.
"Bu məhkəmə prosesinin heç bir perspektivi yoxdur, o cümlədən, şəffaflığın (xarici təşkilatların təsirinin - red.) pis və hüquqi baxımdan düzgün olmadığını söyləmək mümkün deyil", - Kobaxidze bildirib.
Mayın 14-də Gürcüstan parlamenti küçə etirazlarına baxmayaraq, "Xarici təsirin şəffaflığı haqqında" qanunu üçüncü və yekun oxunuşda qəbul edib. Mayın 18-də Gürcüstan prezidenti Zurabişvili xarici agentlər haqqında qanuna veto qoyub və onu "Rusiya qanunu" və "qeyri-konstitusiyon" adlandırıb. Gürcüstan parlamentinin sədri Şalva Papuaşvili prezidentin bundan imtina etməsindən sonra parlamentin iyunun 3-də qəbul etdiyi xarici agentlər haqqında qanunu imzalayıb. Papuaşvili daha sonra qeyd edib ki, qanunu imzaladıqdan sonra 60 gün ərzində Gürcüstan Ədliyyə Nazirliyi bütün lazımi qaydaları hazırlayacaq və təşkilatlar üçün elektron portal yaradacaq. 60 gündən sonra əhəmiyyətli xarici maliyyəsi olan təşkilatlar portalda qeydiyyatdan keçməli və 2023-cü il üçün maliyyələri hesabatlarını bəyan etməli olacaqlar.
Gürcüstanda xarici agentlər haqqında qanunun qəbulu Qərbdə narazılıq yaradıb. ABŞ və Aİ Gürcüstanla münasibətlərə yenidən baxılacağını açıqlayıb. ABŞ tərəfi artıq planlaşdırılan hərbi təlimləri ləğv edib, Avropa İttifaqı isə Gürcüstan Müdafiə Nazirliyinə ayrılan vəsaiti dondurub.