 |
|
|
Rusiyanın Ukraynada başlatdığı yeni hücum kampaniyası əvvəlcədən məğlubiyyətə məhkumdur.
TEREF xarici agentliklərə istinaədn xəbər verir ki, bu barədə Böyük Britaniyanın The Telegraph saytı yazıb.
Analitiklər bildirirlər ki, Rusiya ordusu tank və zirehli texnika çatışmazlığı yaşayır və bu səbəbdən hətta cüzi taktiki uğurlardan belə istifadə edə bilməyəcək.
Məqalədə qeyd olunur ki, işğalçı qüvvələrin irəliləməsini Ukraynanın pilotsuz uçuş aparatları (PUA) da ciddi şəkildə çətinləşdirir. Xüsusilə də bu PUA-lar Rusiya ordusunun cəbhə bölgəsinə böyük qüvvələr göndərməsini faktiki olaraq qeyri-mümkün edir.
Ukrayna Təhlükəsizlik və Əməkdaşlıq Mərkəzinin rəhbəri Dmitro Jmaylo The Telegraph-a bildirib ki, hazırda Rusiya üçün cəbhə xəttində istənilən miqyasda hücum aparmaq mümkün deyil. Onun sözlərinə görə, Rusiya cəbhədə ciddi uğurlar əldə etməyib, lakin bu uğur illüziyasını yaratmağa çalışır.
Bununla yanaşı, analitiklər ehtimal edirlər ki, Rusiya ordusu Sumı vilayəti istiqamətində müəyyən irəliləyişlər əldə edə bilər. Bu, Ukrayna qüvvələrinin Rusiya Federasiyasının Kursk vilayətindəki hücumlar fonunda həmin istiqamətə çəkilməsi ilə bağlıdır. Lakin nəşr yazır ki, ruslar bu bölgədə yalnız kiçik piyada qrupları ilə, texnikanın dəstəyi olmadan hücumlar həyata keçirə biləcəklər.
Musavat.com
Əziz dostlar! Hörmətli həmkarlar!
Bu müraciətim Milli Məclisdə aprelin 11-də müzakirə olunan bir məsələ ilə bağlıdır. Milli Məclisin bu gün keçirilən iclasında müzakirəyə çıxarılan “Hərbi xidmətkeçmə haqqında Əsasnamə”yə təklif edilən dəyişikliklərlə bağlı bəzi ciddi iradlarımdır.
Hörmətli Müdafiə, təhlükəsizlik və korrupsiyaya qarşı mübarizə komitəsinin sədri Arzu Nağıyev və komitə üzvləri! O cümlədən Milli Məclisdə oturub həqiqətən də ölkə üçün uzun illərə hesablanmış peşəkar qanunlar qəbul etməyə borclu olan deputatlar. Mən bir daha sosial media üzərindən sizlərə müraciət etmək məcburiyyətindəyəm.
Ya biz qanunları qəbul etməzdən əvvəl əvvəlki illərdə olduğu kimi cəmiyyətlə müəyyən müzakirələr aparacağıq, ya da bax bu cür ÇİY və MƏNTİQSİZ qanunları sadəcə biz də aldığımız yüksək deputat məvacibini dogrultmaq görüntüsü yaratmaq üçün bax bu cür yarımçıq və yarımcan qəbul edəcəyik. İnciməyin, sizin bu gün ikinci oxunuşda guya müzakirə etdiyiniz qanun layihəsi də sadəcə bir formal yanaşma daşıdığı üçün məcburam ki sizlərə buradan bir daha bəzi xatırlatmalar edim. Və çox-çox xahiş edirəm ki, yazdıqlarımı səmimi qəbul edin. Ya mənim yanlış olduğumu açıb bəyan edin, ya da bu cür "qanunlar "qəbul etməyin. Mən ona da təəccüblənmirəm ki, Sizin təmsil olduğunuz Milli Məclis çox rahat şəkildə bir və ya bir neçə hərbi xidmətin "H" hərfini bilməyən şəxslərin ucbatından bütöv bir Silahlı Qüvvələrin şəxsi heyətini az qala kolxozçu, mülki şəxs statusuna çevirmisiniz. Təklif edirəm ki, yazdığım qeydləri də bir daha qanun hələ tam qəbul edilmədiyinə görə nəzərdən keçirəsiniz. Özü də bu cür qəliz və söz yığnağına əsla ehtiyac olmadığı halda, maşallah, baxıram Qanunu nəyi var yükləmisiniz. Qanun qısa, konkret, lakonik və hamı üçün başa düşülən olmalıdır. Milli Məclis və onun maşallah orada komitələrdə olan şəxslər, hansılar ki, mütəxəssis kimi rəy verirlər, o qədər qəliz, dolaşıq cümlələr yazıb doldururlar qanunun içinə ki, bu da həm qanunu tətbiq etməli olan hüquqşünaslar üçün, həm də o qanuna əməl etməli olan şəxslər üçün çox çətin olur.
Baxın, sizin bu gün müzakirə etdiyiniz qanun layihəsini düz 3 dəfə oxudum və həm güldüm, həm də kədərləndim.
Güldüm ona görə ki, sadə bir məsələni bu qədər qəlizləşdirməyin mənası yoxdur. Və bu addımın adı nədir?
Qısaca deyim ki, əgər vətəndaşın sürücülük hüququ verən vəsiqəsi yoxdursa, onun avtomobili idarə etməyə qanunla haqqi yoxdur və o cəzalanmalıdır. Bizim hərbçilərin dilinə sizin qəbul etmək üçün guya müzakirə etdiyiniz qanun layihəsi əvvələr də var idi və sadəcə onun işlənilməsinə, əməl olunmasına müvafiq qurumlar nəzarət etməli idilər. Yəni, hərbi formanı geyinməyə icazəsi olmayan adamlar o müqəddəs formanı harda gəldi, necə gəldi geyinə bilməzlər və GEYİNMƏMƏLİDİRLƏR.
İndi keçirəm kədərlənmək məsələsinə. Ay hörmətli qanun qəbul edən əmilər və xalalar!
Uğrunda vuruşduğum dövlətin və hökumətin mənə rəsmi qaydada icazə verdiyi hərbi mundiri, geyimi nə vaxt geyinməyi, necə geyinməyi yəqin ki, o icazəni verən adam və ya qurum sizdən az bilmir və mən də o fikirdəyəm ki, sizin bunun üçün bir "yol xəritəsi" də təklifinizə ehtiyac yoxdur. Sadə dillə desəm, mütləq deyil ki, mən o geyimi ancaq sizin sadaladığınız günlərdə ancaq geyinim? Əvvala, o geyimi daşımaq hər kəsə icazə verilmir ki, harda gəldi, necə gəldi daşısın. Onun da qaydaları və şərtləri var. Təzə "velosipedə", onu icad etməyə əsla ehtiyac yoxdur. Baxın, sizin bu qəbul etməyə hazırlaşdığınız qanun "qaş düzəldən yerdə vurub gözü çıxartmağa" daha çox oxşayır, nəyinki hərbi formanın nüfuzunu qaldırmaq və ya onun qanunsuz geyilməsinin qarşısını almağa.
Mənə o səlahiyyət verilibsə, mən onu ilin istənilən günlərində rahat, qürurla geyinə də BİLƏRƏM, sizin sadaladğınız 3-5 dəfə hansısa rəsmi tədbirlərdə də həmçinin.
Siz mənə Konstitusiyada verilmiş azadlıq və sərbəstlikləri məhdudlaşdıra bilməzsiniz, yuldaş deputatlar. Bu kobud qanun pozuntusudur. Həqiqi hərbi xidmətdən ehtiyata və istefaya buraxılarkən hərbi geyim formasını daşımaq hüququ verilmiş şəxs kimi mən istənilən vaxt, o cümlədən sizin qanun kimi tələb qoyduğunuz həmin formanı ANCAQ (?!) Azərbaycan Respublikasının Silahlı Qüvvələr Günü”ndə, “Zəfər Günü”ndə və “Anım Günü”ndə daşıya biləcəksinzi iddianız, amiranlığınız yolverilməz və səhv yanaşmadır.
Layihəyə əsasən, həqiqi hərbi xidmətdən ehtiyata və istefaya buraxılarkən hərbi geyim formasını daşımaq hüququ verilmiş şəxslər həmin geyim formasını yalnız rəsmi dəvət olunduqları Azərbaycan Respublikasının dövlət orqanları (qurumları) tərəfindən təşkil olunan tədbirlərdə, ehtiyata və istefaya buraxıldıqları dövlət orqanının (qurumun) əməkdaşlarının peşə bayramı günlərində, habelə “Azərbaycan Respublikasının Silahlı Qüvvələr Günü”ndə, “Zəfər Günü”ndə və “Anım Günü”ndə daşıya biləcəklər.
Baxın, sizin bu təklifiniz də mənim fəaliyyətimi məhdudlaşdırır. Baxmayaraq ki, mənə geyinmək səlahiyyəti verilib, siz isə bunu məhdudlaşdırısınız. Azərbaycanda akkreditə olunmuş xarici ölkələrin hərbi attaşelikləri və ya nümayəndələri öz milli bayramlarına biz ictimai nüfuzlu ehtiyatda olan hərbçiləri, müharibə iştirakçılarını da dəvət edirlər. Biz həmin dövlət tədbirlərinə idman formasında getməliyik? Bu nə yanaşma və münasibətdir? Siz əksinə üzərində öz dövlətinin reqaliyaları olan şəxslərin belə tədbirlərə qatılmasını təşviq etmək əvəzinə mənə qadağa qoyursunuz ki, sən ora forma geyinə bilməzsən? Niyə ay ağıllı patriot qanunverici tovariş? Budurmu sənin vətənpərvərliyin və xalqına xidmətin?
İndi sizin diqqətinizə çatdırcağım məqam isə ümumiyyətlə rüsvaycılıq və biabırğılıqdır. Buna ən yaxşı halda hərbin nə olduğunu anlamayan bir təsadüfi şəxsin savadsızlığı və səriştəsizliyi kimi yanaşmaq doğru olardı.
Yazıb doldurulan guya qanun layihəsində belə bir məqam da var.
Qanuna əsasən, hərbi xidmətdə 20 il və artıq (təqvimi hesabla) qüsursuz xidmət etmiş, həmçinin xidmət illərindən asılı olmayaraq, Azərbaycan Respublikası və Azərbaycan Respublikası Silahlı Qüvvələri qarşısında xüsusi xidmətləri olan şəxslərə ehtiyata və ya istefaya buraxılarkən buraxılmanı rəsmiləşdirən rəislərin əmri ilə hərbi geyim formasını daşımaq hüququ verilə bilər.
Heyf ki, çox yazib sizi yormaq da istəmirəm. Siz bu 20 il və artıq, həmçinin xidmət illərindən asılı olmayaraq cümləsini necə başa düşdünüz? Hətta buna da hardasa göz yumub qəbul etmək olar. Bəs bu Azərbaycan Respublikası və Azərbaycan Respublikası Silahlı Qüvvələri qarşısında ....cümləsini kim necə başa düşür? Məgər Silahlı Qüvvələr Azərbaycan Respublikasının ayrılmaz tərkib hissəsi deyil ki? Ölkəni Silahlı Qüvvələrdən ayrı göstərmək və bunu Qanun şəkilində təqdim etmək hansı ağlın məhsuludur, ay mənim filtifessor və professor yığnağı. Məgər Silahlı Qüvvələrimiz Azərbaycan dövlətindən də başqa hansısa dövlətə xidmət edir ki?
Sonda. Həqiqi hərbi xidmətdən buraxılan hərbi qulluqçular buraxılma gününə kimi müəyyən edilmiş bütün təminat növləri ilə təmin olunurlar. Yəni, dövlətin öz müdafiəçisinə qanunla nə verməlidirsə, onun HAMISINI verməlidir. Bunu da götürüb üstünə "onlara Azərbaycan Respublikası Silahlı Qüvvələri hərbi qulluqçularının pul təminatı haqqında Əsasnamə ilə müəyyən edilmiş miqdarda birdəfəlik və işdənçıxarma müavinəti verilir".
Savadsızlığın pik nöqtəsini də qeyd edim və məsələni bitirək.
HƏRBİ QULLUQÇU Vətəninə, Dövlətinə və Xalqına XİDMƏT EDİR. O işləmir. Xidmət edir, ay professorlar. Bəs qanuna saldığınız "işdənçıxarma müavinatı" deyilən sözü necə başa düşək? Budur sizin "mükəmməl" adlandırdığınız qanun layihəsi. Bilirəm xoşunuza gəlmir, amma savadlı mütəxəssislər götürün Milli Məclisə, özünüz də arada hərbi qanunvericiliyi varaqlayın.
Ən sonda, bu cür yarıçiy qanundansa, qalib ölkənin Silahlı Qüvvələrinin bütün şəxsi heyətini sevindirəcək qanunlar, düzəlişlər qəbul edin. Nəhayət ki QAZİ sözünü də rəsmiləşdirin, qanunlaşdırın. Hamı o sözü işlədir,amma hüquqi QAZİ kimdir onun açması üstündən 5 il vaxt keçib hələ də yoxdur.
Allah Silahlı Qüvvələrimizi və Ordumuzu qorusun. Tanrı onlara ən yaxşı yaşam nəsib etsin. Bayrağımız daima ucalarda olsun!
Şəhidlərin müqəddəs ruhları qarşısında baş əyirik!
Uzeir Cəfərov. hərbi ekspert,ehtiyatda olan polkovnik
Almaniyanın müdafiə naziri Boris Pistorius Ukrayna Müdafiə Təmas Qrupu toplantısında iştirak etdiyi Brüsseldə verdiyi açıqlamada ölkəsinin 2029-cu ilə qədər Ukraynaya 11 milyard avrodan çox hərbi dəstək verəcəyini bildirib.
Pistorius bildirib ki, bizə hərbi baxımdan güclü Ukrayna lazımdır. Biz həmçinin orta və uzunmüddətli perspektivdə planlaşdırırıq. Hazırda qarşıdakı illərdə daha çox IRIS-T sistemlərinin tədarükü ilə bağlı razılaşmaları yekunlaşdırırıq. Onu da deyə bilərik ki, artıq 1100 yerüstü müşahidə radarı gətiriləcək.
Almaniya Müdafiə Nazirliyi 300 idarə olunan raket, 300 kəşfiyyat pilotsuz təyyarəsi, 120 portativ hava hücumundan müdafiə sistemi (Manpad), 25 "Marder" zirehli piyada maşını, 15 "Leopard 1A5" tipli döyüş tankı, 14 əlavə artilleriya, o cümlədən 4 "IRIS-T" hava hücumundan müdafiə sisteminin olduğunu açıqlayıb. bu il Ukraynaya çatdırılması planlaşdırılır.
Açıqlamada Patriot hava hücumundan müdafiə sistemi üçün 30 idarə olunan raketin də təslim edildiyi bildirilib.
Britaniya və Norveç PUA istehsalı üçün Ukraynaya 580 milyon dollar ayırmaq qərarına gəlib.
Musavat.com Bloomberg-ə istinadən xəbər verir ki, məlumatı Böyük Britaniya Müdafiə Nazirliyi açıqlayıb: "İki ölkə aprelin 11-də Brüsseldə Böyük Britaniya və Almaniyanın həmsədrliyi ilə Ukrayna tərəfdarlarının görüşündə mövcud maliyyə mənbələrindən 450 milyon funt sterlinq (580 milyon dollar) məbləğində birgə paket təqdim edəcək".
Agentlik qeyd edir ki, tədbirlər paketi həmçinin nəqliyyat vasitələrinin və avadanlıqların təmiri və texniki xidmətinin maliyyələşdirilməsinə kömək edəcək.
Böyük Britaniyanın müdafiə naziri Con Healey deyib: “Biz müharibəni unudaraq sülhü riskə ata bilmərik. Buna görə də bugünkü əsas tədbirlər paketi Ukraynanın cəbhədə döyüşməsinə dəstəyi artıracaq”.
Musavat.com
Ukrayna Silahlı Qüvvələri tərəfindən əsir götürülən çinli bildirib ki, ona Rusiya vətəndaşlığı vəd edildiyi üçün rus ordusuna qatılıb. O, Rusiyaya Çindən turist kimi gəldiyini söyləyib.
Teleqraf xəbər verir ki, bu barədə “Ukrainska Pravda” məlumat yayıb.
Onun sözlərinə görə, Çində bir vasitəçi sayəsində rus ordusuna qoşulub, bunun üçün ona 300 min rubl (7200 AZN) ödənilib. Rusiyaya gəldikdən sonra o, Ukraynanın işğal olunmuş Luqansk vilayətində Çin vətəndaşlarından ibarət qrupun tərkibində təlim keçib.
Çinlilər təlim zamanı tərcüməçisiz olublar, jestlərdən və mobil tərcüməçidən istifadə ediblər. Bundan əlavə, o, qrupun bəzi üzvlərinin Çində qanunla bağlı problemlərinin olduğunu bildirib.
Əsir götürülən çinlinin müharibəyə getməsinin əsas motivi hərbçi olmaq və Rusiya vətəndaşlığını almaq istəyi olub. Dediyinə görə, ailəsi onun Rusiyaya turist kimi getdiyini zənn edib.
Çinlilər dil maneəsi səbəbindən hücum əməliyyatları zamanı vəziyyəti yaxşı idarə edə bilməyiblər, buna görə qrup itki verib və təslim olmaq qərarına gəlib.
Məlumata görə, əsir götürülən şəxs hazırda istintaq tərəfindən dindirilir, şəxsiyyəti və vətəndaşlığı təsdiqlənib.
Xatırladaq ki, dünən Ukrayna Prezidenti Volodimir Zelenski Rusiya ordusunun sıralarında döyüşən iki Çin vətəndaşının Donetsk vilayətində əsir götürüldüyünü açıqlamışdı.
Bu yaxınlarda ABŞ hərbi departamentinin əməkdaşları və hərbçilər də daxil olmaqla, amerikalıların böyük bir qrupu Ermənistana gəlib.
Hurriyyet.Az xəbər verir ki, bu barədə Ermənistanın “Hraparak” nəşri Müdafiə Nazirliyindəki mənbəyə istinadla məlumat yayıb.
Mənbənin sözlərinə görə, səfərin məqsədi Ermənistan-Amerika hərbi əməkdaşlığı üzrə birgə proqramlar üzərində işləməkdir. Mənbə hansı proqramların müzakirə olunduğunu açıqlamayıb.
Nəşr məlumatı dəqiqləşdirmək üçün Müdafiə Nazirliyinə müraciət edib. Ermənistan MN-dən bildirilib ki, daim beynəlxalq əməkdaşlıq haqqında məlumat veririk: “Bu barədə əlavə məlumat verə bilmərik”.
Qeyd edək ki, bundan öncə ABŞ-ın təlim bəhanəsi ilə Almaniyadan 150-dən çox hərbi texnikanı və əsgərlərini Ermənistana köçürəcəyi haqda məlumat yayılmışdı. Bəzi media qurumları isə bu hərbi texnika və canlı qüvvənin sentyabra qədər Ermənistanda qalacağı və İrana qarşı mümkün əməliyyatda istifadə olunacağını bildirmişdi.
Xatırladaq ki, ABŞ-ın danışıqlar uğursuzluğa düçar olacağı təqdirdə İrana sentyabra qədər zərbə endirə biləcəyi iddia edilir. \\Axar.Az
Ukrayna Prezidenti Volodimir Zelenski Rusiya tərəfində vuruşan iki Çin vətəndaşının əsir götürüldüyünü bildirib.
APA xəbər verir ki, Ukrayna lideri özünün “Telegram” kanalında əsir götürülmüş Çin vətəndaşının görüntülərini yayıb.
Ukrayna Prezidentinin sözlərinə görə, Çin vətəndaşları Donetsk vilayətinin ərazisində əsir götürülüblər. Onlardan sənədləri və bank kartları götürülüb.
Əsir götürülmüş Çin vətəndaşları Ukrayna Təhlükəsizlik Xidmətindədirlər.
Zelenski qeyd edib ki, Rusiya Federasiyası Silahlı Qüvvələrinin bölmələrində Çin vətəndaşlarının sayının “ikidən xeyli çox” olduğu barədə məlumat var.
“Mən Ukraynanın xarici işlər nazirinə dərhal Pekinlə əlaqə saxlamağı və Çinin buna necə reaksiya verəcəyini öyrənməyi tapşırmışam”, - Zelenski əlavə edib.
Azərbaycanın hərbi prokuroru Xanlar Vəliyevin tezliklə vəzifədən gedəcəyi ilə bağlı xəbər yayılıb. Onun Konstitusiya Məhkəməsinin hakimi təyin olunacağı gözlənilir. Bildirilir ki, Xanlar Vəliyev Bakı Dövlət Universitetinin Hüquq fakültəsini fərqlənmə diplomu ilə bitirdikdən sonra prokurorluq orqanlarında fəaliyyətə başlayıb. Gəncə şəhər prokurorluğunda müstəntiq və prokuror köməkçisi, daha sonra Qazax və Şəmkir rayonlarında prokuror müavini kimi çalışıb. Uzun müddət – 1993-2000-ci illərdə baş prokurorun müavini vəzifəsini icra edib.
O, 2005-ci ildə Azərbaycan Respublikası Prezidentinin Sərəncamı ilə baş prokurorun müavini – hərbi prokuror təyin olunub və bu günədək həmin vəzifədə xidmət göstərib.
Xanlar Vəliyev necə hərbi prokuror olub? Onu kim əvəz edə bilər?
Globalinfo.az-a danışan hərbi ekspert Üzeyir Cəfərov deyib ki, Xanlar Vəliyev yaşına görə çoxdan vəzifədən getməli idi:
“Amma xidmətdə qalmağın son yaşı ilə əlaqədar ona bir il əlavə vaxt verilmişdi. Bu səbəbdən vəzifəsini icra edirdi. Konstitusiya Məhkəməsinin hakimlərinin yaş həddinin 70-dən 75-ə qaldırılması məsələsi gündəmdədir. Xanlar Vəliyevin Konstitusiya Məhkəməsinin hakimi təyin olunması mümkündür”.
Üzeyir Cəfərovun sözlərinə görə, Xanlar Vəliyevin hərbi prokuror kimi fəaliyyəti dövründə ciddi nöqsanlar olub:
“Təkcə Müdafiə Nazirliyinin N saylı hərbi hissəsinin yanacaq-sürtkü xidməti rəisinin ağır maddələrlə ittiham olunması, külli miqdarda dövlət vəsaitinin mənimsənilməsi faktından sonra sərbəst buraxılması çox şeydən xəbər verir. Bildiyim bir neçə fakt var ki, bunlara görə Hərbi Prokurorluq birbaşa məsuliyyət daşıyır.
Onu kimin əvəz edəcəyini söyləmək çətindir. Bu seçim rəsmi şəxslər tərəfindən ediləcək. Hüquqşünaslar və hərbi sahəni bilən şəxslər bu vəzifəyə gətirilərsə, daha yaxşı olar. Kimin hansı vəzifəni tutmasından asılı olmayaraq, hər kəs qanun qarşısında bərabərdir və qanun qarşısında məsuliyyətini dərk etməlidir”.
Ekspert “Tərtər işi” məsələsini də xatırladıb:
“Tərtər işi” uzun illər müzakirə mövzusu olacaq. Son vaxtlar bu istiqamətdə əvvəllər buraxılmış səhvlərin düzəldilməsi prosesi həyata keçirilir. Üstündən onilliklər keçsə də, bu məsələ yenə gündəmə gələcək. Bu işin yaranma tarixi, aparılması, məhkəmələrdə əvvəlcə təsdiq edilməsi, bir neçə ildən sonra isə məhkum olunmuş şəxslərə bəraət verilməsi ilə bağlı çoxlu suallar ortaya çıxacaq. Bu sualların əksəriyyəti məhz Xanlar Vəliyevə ünvanlanacaq
Fikrimcə, Xanlar Vəliyev baş prokurorun müavini və hərbi prokuror olduğu müddətdə daha çox təbliğata işləyirdi. İllər keçdikcə onun necə bir hərbi prokuror olması haqqında yekun qənaət formalaşacaq”.
Politoloq Vaqif Hüseyn TV Müsavat-ın canlı efirində aparıcı Emil Salamoğlunun qonağı olub.
Musavat.com xəbər verir ki, Vaqif Hüseyn Ermənistanın təxribatlarından danışıb.
Daha ətraflı məlumat üçün aşağıdakı videoya baxa bilərsiniz:
Polşa Rusiyanın hərəkətlərinə görə aviasiyasını havaya qaldırıb.
Tribunainfo.az xəbər verir ki, bu barədə respublika Silahlı Qüvvələrinin (SQ) Əməliyyat Komandanlığı “X” sosial şəbəkəsində məlumat yayıb.
İddia olunur ki, Rusiya qoşunları Qərbi Ukraynadakı hədəflərə hücum edir. Bundan əlavə, yerüstü hava hücumundan müdafiə və radar kəşfiyyat sistemləri yüksək hazırlıq vəziyyətinə gətirilib.
Polşa Silahlı Qüvvələrinin komandanlığı qeyd edib ki, görülən tədbirlər ərazilərdə təhlükəsizliyin təmin edilməsinə yönəlib.