 |
|
|
Ötən həftə “AQA Şirkətlər Qrupu”nun təsisçisi, tanınmış iş adamı Aydın Dəmirçinin oğlu Qafar Dəmirçinin həbs edilməsi ölkə mətbuatının gündəmini zəbt etdi. Yayılan məlumatlarda “Monte Ferro” şirkətinin vitse-prezidenti Qafar Dəmirçinin ağacları kəsərək təbiətə külli miqdarda ziyan vurmaqda ittiham edildiyi bildirilirdi.
Həmçinin qeyd olunurdu ki, DİN-in Baş Mütəşəkkil Cinayətkarlıqla Mübarizə İdarəsi müəyyən edib ki, “plazalar kralı” kimi tanınan oğul Dəmirçinin rəhbərlik etdiyi “Monte Ferro” şirkəti Şəkinin meşəlik ərazilərində ağacları qanunsuz kəsib. Az qala, böyük bir meşə sahəsinin məhv edilməsi nəticəsində isə təbiətə nə az-nə çox – təxminən 8 milyon manatdan çox ziyan dəyib.
Qafar Dəmirçi ilə birgə şirkətin bir neçə əməkdaşı Cinayət Məcəlləsinin 259.3-cü (ağacları kəsmə-qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla) maddəsi ilə cinayət məsuliyyətinə cəlb edilib. Məhkəmənin qərarı ilə Q.Dəmirçi barəsində 3 aylıq həbs qətimkan tədbiri seçilib. “Plazalar kralı” işçiləri ilə məhkəmə zalından birbaşa istintaq təcridxanasına göndərilib.
Məlumat üçün deyək ki, bu yaxınlarda Dəmirçilərin meşələrə qənim kəsildiyi ilə bağlı sosial şəbəkələrdə məlumatlar yayılmışdı. Həmin xəbərlərdə deyilir ki, Dəmirçilər Şəkidə 800 hektara yaxın ərazidə ağacları kürətdirib. İddia olunur ki, 2021-ci ildə sözügedən şəxslərə məxsus “Monte Ferro” şirkəti Şəkidə geniş bir ərazini zəbt edərək özəlləşdirib.
Aktualinfo.org-a Qafar Dəmirçinin həbsinə səbəb olan meşələrin kəsilməsi ilə bağlı yeni məlumatlar daxil olub. Burada diqqət Qafar Dəmirçinin həbsinə deyil, onun Şəkidə 800 hektara yaxın ərazidə meşə fonduna aid torpaqları necə özəlləşdirilməsinə yönəldilib.
Məlumatlı mənbənin sözlərinə görə Dəmirçilər ailəsi Şəkidə və ətraf rayonlarda meşə fonduna aid torpq sahələrini uzun müddət Ekologiya və Təbii Sərvətlər Nazirinin müavini olmuş Firdovsi Əliyevin vasitəçiliyi ilə özəlləşdiriblər. Qeyd edək ki, burada məhv edilən ərazilər göstərilənlərdən qat-qat çox, dövlətə vurulan maddi ziyan isə dəfələrlər yuxarıdır. Bunun başında isə Firdovsi Əliyevin dayandığı bildirilir. Maraqlıdır, bu cinayət işində Firdovsi Əliyevi nələr gözləyir.
Qeyd edək ki, Firdovsi Əliyev 2002-ci ildə Azərbaycan Respublikasının Ekologiya və Təbii Sərvətlər Nazirliyində Ekoloji Siyasət İdarəsinin rəisi və 2003-cü ildə Ekspertiza İdarəsinin rəisi işləyib. O, 2004-2023-cü ilə kimi ekologiya və təbii sərvətlər nazirinin müavini olub. 2023-cü ilin mart – oktyabr aylarında ekologiya və təbii sərvətlər nazirinin müşaviri vəzifəsində işləyb. Prezident İlham Əliyevin 25 oktyabr tarixli sərəncamı ilə Firdovsi Əliyev Samux Rayon İcra Hakimiyyətinin başçısı təyin olunub.
Qeyd edək ki, Şəkidə meşələrin məhv edilməsi daha əvvəllərə gedib çıxır. Hələ 2019-cu ildə Şəkinin Bideyiz kəndinin camaatı mal-heyvanlarını otarmaq üçün nəzərdə tutulmuş 147 hektar örüş ərazisinin şirkət tərəfindən tutulması barədə Ekologiya və Təbii Sərvətlər Nazirliyinə şikayət ediblər. Həmin vaxt şikayətçi kənd camaatının çoxu polisə çağırılıb. Hətta ərazini kənddə patrul nəfərləri qoruyurmuş.
Bəs 2019-cu ildən başlanan etirazların nəticəsi niyə özünü beş il sonra ortaya çıxardı. Məlumatlı mənbənin sözlərinə görə Dəmirçilər ailəsinə Ekologiya və Təbii Sərvətlər Nazirliyində məhz Firdovsi Əliyev havadarlıq edirmiş. Hətta icarə müqaviləsinin birinci səhifəsinin üst tərəfində nazirliyin gerbi olan möhürü vurmaqla Firdovsi Əliyev özü təsdiq etmişdir.
Göründüyü kimi beş-altı ildən də çox müddətdə “Monte Ferro” şirkətinin Şəkidə, Qaxda, Zaqatalada minlərlə hekter meşə fonduna aid torpaqların talan edilməsinə ekologiya və təbii sərvətlər nazirinin müavini olmuş, meşələrin qorunmasına birbaşa cavabdeh olan Firdovsi Əliyev şərait yaratmışdır. Məlumata görə Firdovsi Əliyevlə birgə Meşələrin İnkişafı Xidmətinin sabiq rəisi meşəçilik təcrübəsinə malik olmayan Namiq Xıdırov da icarəyə verilən meşə fondu torpaqlarından tam qanunsuz formada təyinatdan kənar istifdə edənlərə qarşı heç bir qanuni tədbir görməmiş, əksinə öz maddi maraqlarının təmin olunması müqabilində onlara şərait yaratmışlar.
Ona görə də 2023-cü Fidövsi Əliyev Ekologiya və Təbii Sərvətlər Nazirliyində vəzifəsindən azad edildikdən sonra Şəki Regional Meşə Təsərrüfatı Mərkəzinin müdir işləmiş Vətən Müharibəsi qazisi olan Əkrəm Babayevin göstərişi ilə “Monte Ferro”MMC-ilə 2019-cu ildə bağlanan müqaviləyə xitam verilməsi üçün yerli məhkəməyə müraciət edilmişdir. Odur ki, ETSN səviyyəsində müdafiəsiz qalmış “Monte Ferro” MMC rəhbərliyi yenə dirəniş göstərərək məhkəmənin işini qeyri-müəyyən vaxtadək təxirə salmağa nail olmuşdur. Amma bu da çox uzun çəkməmişdir.
Məlumatlı mənbənin sözlərinə görə Şəkidə və ətraf rayonlarda meşə fonduna aid torpq sahələrini özəlləşdirməyə Dəmirçilər ailəsi külli miqdarda xərc çəkmişlər. Həmin vəsaitlərin bir ucu isə Fidövsi Əliyevin doğulduğu, Lerik rayonunun Monidigah kəndinə çəkilən yola qədər gedib çıxır.
Mövzu ətrafında daha maraqlı məlumatları yaxın günlərdə diqqətinizə çatdıracıq.
Aktualinfo.org
Məqalədə irəli sürülən iddialarla bağlı bütün maraqlı tərəflərin fikirlərini dərc etməyə hazırıq!
TEREF
Tamaşaçılar arasında kifayət qədər populyarlıq qazanan "Komedixana"nı son illərin ən uğurlu layihələrindən biri hesab etmək olar. Bir çox hallarda cəmiyyəti narahat edən aktual problemləri yumoristik üslubda tamaşaçıya çatdıran komedixanaçılar həm güldürməyi, həm də düşündürməyi bacarırlar.
Dekabrın 16-da Komedixana komandası Heydər Əliyev sarayında "KomediMən" adlı konsert proqramı təqdim etdilər. Proqramın bilet qiymətləri orta statistik azərbaycanlı üçün elə də cazibədar deyildi. Konsertə baxmaq istəyənlər 20 manatdan 200 manata qədər olan qiymətlərə bilet almalıydılar ki,bu da üəpiyi-qəpiyə calayıb syın sonunu gətirənlər üçün heç də komik sayıls bilməz.
Konsertin ədəbi-bədii,satirik-komik mıziyyətlərindən bəhs etmək istəmirik. Komedixanaçıların komedisi qalsın bir kənara, biz sizə Respublika sarayının komediyasından danışmaq istəyirik. Səhnədə özünə əl qatan artistlərin saraydakı komediyadan xəbərləri olsaydı,yəqin ki, konserti dayandırıb üstündən də bir stəkan su içərdilər. Amma təbii ki,içə bilsəydilər...
Nədən ki, Respublika sarayında 40 qəpiklik suyu tamaşaçıya 3 manata sırıyırlar. Bəli-bəli,məhz sırıyırlar. Çünki, heç bir ticari əxlaqa sığmayan bu hərəkətə başqa ad vermək olmaz. Heç Bolşoy teatrda, Royal Albert sarayında, La Skalada belə haqq-hesab olmaz. Özünü qızmar yay günlərində olduğu kimi İstanbulun küçələrində ,Londonun əzəmətli teatrlarında hiss edirsən, içdiyin suyun müqəddəslər tərəfindən dualandığına inanırsan,hər qurtumu içdikcə mənəvi-ruhi saflaşdığını hiss edirsən. Ta o vaxta qədər ki,həmin suyun məhəllə marketində 40 qəpiyə satıldığını yadına salanacan.
Bu nə təfəkkürdü,deşüncə tərzidir? Talançılığ da belə olmaz, oğurluqdursa da bir əxlaqı olmalıdır. Ölkənin bir nömrəli sarayı nədən özüne toyxana kimi aparır ? Utandırıcıdır,daha səhnədə komediya oynamağa nə ehtiyac vardı ki,elə bufetdə tragikomediya oynanılırdı də...
Nizami demişkən:
Bir inci saflığı olsa da suda,
Baha satılanda dad verir o da...
Nicat Mahmudov
Rubrika. az
P.S. Söhbət 3 manatdan getmir e, söhbət tamaşaçıya "vnimatelni" olmaqdan gedir.
Ukrayna Rusiya Silahlı Qüvvələrinin radiasiya, kimyəvi və bioloji müdafiə qoşunlarının komandanı, general-leytenant İqor Kirillovun qətlində iştirak etməyib.
Axar.az xəbər verir ki, bunu Ukrayna Prezident Ofisi rəhbərinin müşaviri Mixail Podolyak deyib.
"Ukrayna terror üsullarından istifadə etmir. Generalın öldürülməsi daxili qarşıdurmanın nəticəsidir", - Podolyak bildirib.
Qeyd edək ki, bu gün səhər Moskvada baş verən həmin partlayış nəticəsində Ukrayna Rusiya Silahlı Qüvvələrinin radiasiya, kimyəvi və bioloji müdafiə qoşunlarının komandanı, general-leytenant İqor Kirillov öldürülüb. Generalın Ukrayna Baş Kəşfiyyat İdarəsinin sui-qəsdi nəticəsində öldürüldüyü barədə məlumat yayılıb.
Abşeron rayonu, Xırdalan şəhəri, 27-ci məhəllə, ev 2 B, mənzil 40-da yaşayan Lətifov Asif Aydın oğlu tərəfindən Hurriyyet.az saytının redaksiyasına şikayət məktubu daxil olub. Saytımız vasitəsilə Prezident İlham Əliyevə, DTX rəisi Əli Nağıyevə və Dövlət Vergi Xidmətinin rəisi Orxan Nəzərliyə müraciət edən şikayətçi Xırdalanda yerləşən AAAF Yaşayış Kompleksinin vəzifəli şəxslərindən şikayətçidir.
“Hörmətli Prezident!
Hörmətli Cənablar!
Dəfələrlə mətbuatda və sosial şəbəkələrdə Xırdalanda yerləşən AAAF Yaşayış Kompleksində yaşanan problemlər və haqsızlıq haqda məlumatlı olsam da, bilməzdim ki, bu film kimi olayı mənim də başıma gətirəcəklər. Cünki, özlərinin bir sözü var, “gələn vergi və digər yoxlamaları “yağlayıb”, lazımı qaydada yola salırıq".
2019-cu ilin fevral ayından peşəkar idmancı olduğuma görə, AAAF Yaşayış Kompleksində yerləşən “Zirvə İnternational Sport Clubs” MMC-yə məşqçi olaraq dəvət aldım. 12.06.2024-ci ilə qədər orada müəllim kimi xidmət etdim. Hətta pandemiya dönəmində də səhər 06:00-dan axşam 18:30-a qədər məşqçi kimi işimin başında olmuşam. Sıravi vətəndaşlarla yanaşı, güc strukturlarının əməkdaşlarına da dərs deyib, bilik və təcrübəmi bölüşmüşəm.
2024-cü il, iyun ayının 12-də “Zirvə” fitness zalının yeni icarədarının yanlış hərəkətlərinə, səhlənkarlığına və işlədiyim dönəmdə məvacibimin verilməməsinə etiraz etmişəm. Abrımı saxlayaraq, dərs dediyim tələbələrin bir qismini də götürərək, şəhərdə yerləşən diğər idman zalına getmişəm. Hal-hazırda da dərs dediyim tələbələrin bir qismi imtahandan uğurla keçərək, DİN-in Polis Akademiyasında, FHN-nin Akademiyasında və DTX-nın Akademiyasında təhsil alırlar.
Bildirirəm ki, 2022-ci il, may ayının 15-dən AAAF Yaşayış Kompleksində yerləşən “Zirvə İnternational Sport Clubs” MMC-də növbəti dəfə məşqci kimi ştata qəbul edilmişəm. Şəxsiyyət vəsiqəm və diplomumla mühasibatlıqda rəsmi məşqçi-müəllim işimlə bağlı sənədə qol cəkmişəm. Məvacibim də 400 manat göstərilib.
20.09.2023-cü ildə bizi mühasibatlığa çağırıb, ştatdan çıxmağımız təklif olundu. Sənədə qol çəkdirən Ülkər xanım bildirdi ki, “vergiyə görə bundan sonra qeyri-leqal işləyəcəm”. Bizə ödənilməyən 1 il 3 ayın məvacibini tələb etdikdə isə dedilər ki, hamısı birdən ödəniləcək. Digər illərin məvacibini isə almışam, portalda rəsmi qeyd olunub.
Ödənilməyən əmək haqlarımla bağlı dəfələrlə AAAF Yaşayış Kompleksinin sədri Tofiq Heydərova rəsmi məktub göndərsəm də, hec bir cavab verilməyib. Məcbur olub 04.11.2024-cü ildə Əmək Əhalinin Sosial Müdafiə Nazirliyinin nəzdindəki Əmək Müfəttişliyi Xidmətinə müraciət etmişəm. Xahiş etmişəm ki, mənə ödənilməyən əmək haqqımla bağlı müvafiq araşdırma aparılsın. Həmin Xidmətdən sosial arayışımı alanda mənə bildirdilər ki, almadığım əmək haqlarına görə məndən vergi və sığorta haqqı tutulub. Hətta tabelə saxta qol çəkilərək, mənə yazılan məvaciblər mənimsənilib.
Qeyd etmək istəyirəm ki, məvacib bizə mühasibatlığın tabel kağızına qol çəkdikdən sonra nəğd təqdim edilirdi. Bu barədə Prezident Admnistrasiyasında Natiq müəllimin köməkçisinin qəbulunda oldum. Kiməsə zəng edərək məvacibimin dərhal ödənilməsini xahiş etsə də, artıq 7-ci aydır ki, pulumu ala bilməmişəm.
14.11.2024-cü ildə yenidən Əmək Müfəttişliyinə dəvət olunaraq ətraflı izahat yazsam da, bu günə qədər heç bir nəticə yoxdur. Azərbaycan Respublikası vətəndaşını 1 il 3 ay müddətində gün ərzində 13 saat işlədərək, ona rəsmi yazılmış 400 manat məvacibini mənimsəyənlər haqda qanunun tələblərinə uyğun niyə tədbir görülmür? Kimlərsə niyə mənim aylarla almadığım əmək haqqım mənimsənilməlidir?! Bu hansı qanunda var? Bu qanunsuzluğu edənlər niyə cəzalandırılmır? Günahsız vətəndaş kimi mən haqqımı istəyirəm.
12.07.2024-cü ildə AAAF-ın Emin adlı hüquqşünası 3 gün ard-arda mənə zəng edərək bildirdi ki, gəlim hansısa sənədə qol çəkim. Yalnız məvaciblərim mənə təqdim ediləndən sonra sənədə imza atacağımı bildirmişəm.
Bu barədə ətraflı Dövlət Təhlükəsizlik Xidmətinin Abşeron rayon şöbəsinin rəisi, polkovnik İlham Əliyevə də şikayət etmişəm. Lakin nəticə yoxdur.
Hörmətli Prezident!
Hörmətli Cənablar!
Xahiş edirəm, bu məsələdə köməyinizi əsirgəməyəsiz”.
Hurriyyet.az
Sumqayıtın səhiyyəsi son bir ildə məhv olub. Bəli, tam olaraq bir ildə. Cəlilabad Rayon Xəstəxanasından Sumqayıt Tibb Mərkəzinə qəfil transfer edilən Elnur Azadxanov vəzifəsinin icrasına başladığı ilk gündən bu günə qədər şəhərin tibbi xidmətini reanimasiyalıq edib. Azadxanov təyin ediləndən insanlar nə normal tibbi xidmət görür, nə də müalicə. Sumqayıt şəhərinin demək olar ki, bütün dövlət tibb müəssisələri acınacaqlı gündədir. Hətta sakinlər icbari tibbi sığortadan da istifadə edə bilmir. Bu prosesin bir neçəsinin özüm şahidi olmuşam. İndi onları bir-bir sadalayacağam. Əgər ehtiyac olarsa, faktları, sənədləri də təqdim edəcəyəm.
Deməli belə. Təxminən 6 ay öncə bir tanış gənc oğlan həyətində iş görərkən ehtiyatsızlıqdan hündürlükdən yıxıldı, ayağı bud hissədən sındı. Təcili yardım tapa bilmədiyimiz üçün xəstəni şəxsi avtomobilimizlə Sumqayıt Tibb Mərkəzinin tabeliyində, lap 5 metrliyində olan Təcili Tibbi Yardım Xəstəxanasına çatdırdıq. Xəstə müayinə, rentgen olunandan sonra ona təcili əməliyyat yazıldı. Xəstəxanaya daxil olanda dedilər ki, narahat olmayın, bütün əməliyyat, müayinə və müalicələr icbari tibbi sığorta hesabına həyata keçiriləcək. Sevindik, düşündük ki, ölkənin səhiyyə sistemi inkişaf edir, insanlara yüksək xidmət göstərilir. Amma...
Sevincimiz cəmi yarım saat çəkdi. Yarım saatdan sonra xəstəni əməliyyata götürəcək cərrah bizi çağırıb “niyə gəlmirsiniz” dedi. Anlamadıq. Düşündük ki, xəstə yaxınları niyə əməliyyata girməlidir? Yaxınlaşanda, cərrah bizi otağına aparıb “Mendeleyev cədvəli”nə oxşayan bir vərəqi qarşımıza qoyub dedi: “1600 manat, razısınız?”
Cərrahdan soruşdum ki, axı bütün xərcləri İcbari Tibbi Sığorta üzrə Dövlət Agentliyi ödəyir, niyə biz əlavə pul ödəməliyik?
Cənabi cərrah əsəbiləşib özündən çıxdı. Əvvəlcə bir az İcbari Tibbi Sığorta üzrə Dövlət Agentliyinin arxasınca danışandan sonra son sözü bu oldu: “İcbari Tibbi Sığorta üzrə Dövlət Agentliyi yalnız əməliyyat xərclərini ödəyir, 3 min manat. Bu 3 min manata həkimin maaşı, əməliyyatda iştirak edən tibb işçilərinin və xəstənin əməliyyat sarğılarının xərcləri daxildir. Qalan xərcləri siz ödəməlisiniz”.
Özümü saxlaya bilməyib cərrahdan soruşdum ki, başqa nə xərclər qaldı? Xəstəyə pomidor-xiyar almalıyıq? Əgər bütün xərcləri icbari sığorta ödəyirsə. Cərrah nə desə yaxşıdır? Qayıdasan ki, bəs xəstənin ayağına paslanmayan materialdan mil, diyircək, gips və sair avadanlıqlar yerləşdirilməlidir ki, həmin xərcləri xəstə yaxınları ödəməlidir.
Məsələ ilə bağlı Sumqayıt Tibb Mərkəzinə müraciət edəndə bildirdilər ki, bütün xərcləri icbari tibbi sığorta qarşılayır.
Xahiş etdim ki, həmin cərrahla əlaqə saxlasınlar. Mərkəzdən cərrahla əlaqə saxladılar. Təxminən yarım saatdan sonra cərrah bizi yenidən çağırıb dedi ki, həmin avadanlıqları İcbari Tibbi Sığorta üzrə Dövlət Agnetliyi ödəyir, amma bundan ötrü tender elan olunmalıdır, həmin avadanlıqlar alınmalıdır, sonra biz əməliyyat etməliyik.
Yenidən Sumqayıt Tibb Mərkəzinə müraciət edəndə, qurumdan dedilər ki, cərrah düz deyir.
Biabırçılığa baxın. Deməli, xəstə bilməlidir ki, 10 gündən sonra yıxılacaq, 10 gün əvvəldən xəstəxanaya məlumat verməli, xəstəxana da Sumqayıt Tibb Mərkəzinə müraciət etməlidir. Sumqayıt Tibb Mərkəzi tender elan eləməlidir ki, 10 gün sonra filankəs yıxılacaq, ayağı sınacaq, ona lazım olan avadanlıqlarla bağlı şirkət müəyyənləşsin. Həmin şirkət müəyyən ediləcək, tenderin qalibi elan olunacaq, avadanlıqları alacaq, xəstəxanaya gətirəcək, təhvil verəcək, ondan sonra cərrah həmin xəstəyə zəng vuracaq ki, avadanlıqlar gəldi, yıxıl. Əgər xəstə Sumqayıt səhiyyəsinə məlumat verməmiş yıxılıbsa, günah özündədir, canı çıxsın, yıxılmasın.
Bu, cənab Azadxanovun taktikasıdır. Azadxanov Sumqayıt Tibb Mərkəzinə rəhbər təyin olunandan sonra özünəməxsus taktika ilə idarə edir qurumu. Şərhə isə ehtiyac yoxdur.
TƏBİB-in yeni transfer etdiyi Elnur Azadxanovun tabeliyindəki Sumqayıt Tibb Mərkəzi ilə bağlı silsilə bıabırçılıqları növbəti sayımızda oxuya bilərsiniz.
TNS.az
Yuxarı Şirvan suvarma kanalının infrastrukturunun bərpası, habelə mövcud təsərrüfatların su təminatı məsələlərinin vaxtında və effektiv şəkildə həllinin dəstəklənməsi, su ehtiyatlarından daha səmərəli istifadə olunması, magistral kanalın suburaxma qabiliyyətinin artırılması məqsədilə Yuxarı Şirvan suvarma kanalı yenidən qurulması haqqında Sərəncam Prezident İlham Əliyev tərəfindən 08 aprel 2024-cü ildə verilib. Aprelin 16-da isə Prezident İlham Əliyev Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
Hazırda isə Azərbaycan Dövlət Su Ehtiyatları Agentliyi Şirvan suvarma kanalının yenidən qurulması ilə bağlı müvafiq tədbirləri davam etdirir.
Azərbaycan Dövlət Su Ehtiyatları Agentliyinin Tikilməkdə Olan Obyektlərin Müdiriyyəti Şirvan suvarma kanalının yenidən qurulması işləri çərçivəsində Yuxarı Şirvan kanalının yenidən qurulması (IV mərhələ) üzrə bir mənbədən satınalma metodu ilə keçirdiyi tendeirin qalibini elan edib. Qalib “ELİT-S” Məhdud Məsuliyyətli Cəmiyyəti olub və tərəflər 119.000.000 milyon manat məbləğində satınalma müqaviləsi bağlanılıb.
Qeyd edək ki, 119.000.000 milyon manat dəyərində tender udan MMC qanunvericiliyin tələbinə uyğun olaraq şərtlər toplusunda müəyyən edilmiş miqdar dəyərində icra olunmuş və ya icrasının 80%-dən çoxu tamamlanmış oxşar xidmətlər üzrə müqavilə təqdim etməli, eyni zamanda, satınalma müqaviləsinin icrası üçün maliyyə imkanlarının və ödəmə qabiliyyətinin olması ilə bağlı şərtlər toplusunun tələbinə əsasən təchizatçının satınalma predmeti üzrə müəyyən edilmiş ehtimal olunan qiymətin 30%-i həcmindən çox olmayaraq, yəni 35.000.000 manat maddi vəsaitə çıxışının olması barədə bank təminatı verməlidir.
İndi gəlin MMC-nin oxşar xidmətlər üzrə fəaliyyətinə diqqət yetirək. “ELİT-S” MMC daha əvvəllər, hazırda Dövlət Su Ehtiyatları Agentliyinə tabeli Regional Su Meliorasiya Xidmətindən əvvəlki “Meliorasiya və Su Təsərrüfatı” ASC-nin regionlarda yerləşən bir neçə idarəsinin keçirdiyi tenderlərin qalibi olub. Həmin tendrləri diqqətinizə çatdırırıq.
Ağsu Suvarma Sistemləri İdarəsi tərəfindən Əlabbas kanalı üzərindəki Bəddərə akvedukunun əsaslı təmiri üzrə keçirilmiş tenderədə 460.000 manat məbləğində müqavilə 12.12.2023-cü ildə elan edilib.
Göyçay Suvarma Sistemləri İdarəsi tərəfindən Yeniarx kanalının təmiri (PK00+00-PK22+00; L=2,2) (PK27+00-PK45+00;L=1,8 km) üzrə keçirilmiş tenderədə 208.000 manat məbləğində müqavilə 11.12.2023-cü ildə elan edilib.
Qəbələ Suvarma Sistemləri İdarəsi tərəfindən cari təmir işləri üzrə suvarma kanallarının lildən təmizlənməsi və çay məcrasının təmizlənməsi işlərinin satın alınması üzrə keçirilmiş tenderədə 1.063.537,49 manat məbləğində müqavilə 11.07.2023-cü ildə elan edilib.
Yuxarı Şirvan Kanalı İstismarı İdarəsi tərəfindən bir mənbə üsulu ilə Yuxarı Şirvan Kanalının Kürdəmir rayonu ərazisində yerləşən Girdimançay dükkerinin sutullayıcı ilə birlikdə əsaslı təmiri işlərinin satın alınması üzrə keçirilmiş tenderədə 244.998 manat məbləğində müqavilə 06.11.2023-cü ildə elan edilib.
Göründüyü kimi, “ELİT-S” MMC o qədər də böyük həcmi olmayan, “Meliorasiya və Su Təsərrüfatı” ASC-yə tabeli bir neçə idarənin ümumi dəyəri iki milyon manata yaxın olan işlərin icrasını həyata keçirib. Bəs görəsən MMC 119 milyon manat dəyəri olan dövlət sifarışini həyata keçirmək iqtidarındadırmı?
Dövlət Vergi Xidmətinin reyestr məlumatlarında “ELİT-S” (VÖEN : 1600024541) MMC-nin 09.06.2004-cü ildə Qarabağ Ərazi Vergilər Baş İdarəsində dövlət qeydiyyatına alındığı göstərilir. İlk hüquqi ünvanı Nizami rayonu ev 13, mən 41 (küçəsi yoxdu) olan MMC-nin son ünvanı Füzuli rayonun Aybasanlı ərazi vahidliyi qeyd olunub. Nizamnamə kapitalı 10 manat olan MMC-nin qanuni təmsilçisi Əliyev Elmidar Eldar oğludur. MMC-nin təsisçisi Səlimov Hüseyin Məhəmməd oğludur. MMC-yə İbrahimov Fuad İbrahim oğlu, İmanov Müşfiq Nəriman oğlu da rəhbərlik edib.
“Lisenziyalar və İcazələr haqqında Azərbaycan Respublikası Qanununun 8.1 maddəsinə uygun olaraq İqtisadiyyat Nazirliyi tərəfindən aparılan lisenziyaların və icazələrin vahid reyestrində MMC -nin Azərbaycan Respublikasının İqtisadiyyat Nazirliyinin EL-352/2019 nömrəli 25.09.2019-cu il tarixli qərarı ilə dağ-mədən işləri, dağ və buruq qazmalarının aparılması fəaliyyət növü üzrə lisenziya alması barədə məlumat var. Lisenziyada fəaliyyətin həyata keçirildiyi obyektlərin ünvanı kimi Quba rayonunun ərazisində yerləşən “Qudyalçay” qum-çınqıl yatağı göstərilir.
Müəmmalı məsələlər də elə bundan sonra başlayır. Dağ-mədən işləri üzrə lisenziyası olan, qum-çınqıl yatağı istismar edən bir MMC suvarma kanalının yenidən qurulması işlərinı necə həyata keçirəcək? Dövlət Su Ehtiyatları Agentliyinin Tikilməkdə Olan Obyektlərin Müdiriyyətin Satınalma komissiyası Nazirlər Kabinetinin 30.12.2023-cü il tarixli, 494 saylı Qərarına əsasən, müvafiq sahədə peşəkarlığını və təcrübəsini qiymətləndiribmi? MMC-dən 80 faiz oxşar xüsusiyyətli 3 sayda müqavilə tələb edilibmi? MMC-nin bu oxşar xüsusiyyətli işləri harada görüb? Axı, Şirvan suvarma kanalının yenidən qurulması işləri Qəbələdə suvarma kanallarının lildən təmizlənməsi, Bəddərə akvedukunun əsaslı təmiri demək deyil.
İnternet axtaış sistemləri üzərindən apardığımız araşdırmada “ELİT-S” MMC-nin “İnstaqram” və “facebook”sosial şəbəkələrindəki hesabında ünvanı Binəqədi r-nu, Rəsulzadə qəs., Baksol 15 G göstərilir. Sözügedən ünvanda hazırda beton zavodu fəaliyyət göstərir və yeni tikilən binaları beton qarışığı ilə təmin edir. Apardığımız araşdırmalar zamanı 119 milyon manatlıq tender udan “ELİT-S” MMC haqqında bundan artıq məlumat tapa bilmədik. Güman ki, Dövlət Su Ehtiyatları Agentliyinin sədri Zaur Mikayılov MMC haqqında daha çox bilgilərə sahibdi.
Əldə etdiyimiz qeyri rəsmi məlumatlara görə MMC-ni rəsmi olaraq Elmidar Əliyev idarə etsə də qeyri rəsmi sahibi başqa şəxslərdir. Həmin şəxsin MMC-nin qanuni təmsilçilərindən biri olmuş İmanov Müşfiq Nəriman oğlu olduğu da bildirilir. Hətta qeyd edilir ki, Müşfiq İmanov tikinti sektorunda özünə yer tutan, kifayət qədər geniş əlaqələri olan bir biznesmendir. Çox güman ki, o əlaqələrdən bir ucu da Dövlət Su Ehtiyatları Agentliyinə, onun tabeliyindəki Tikilməkdə Olan Obyektlərin Müdiriyyətinə də gedib çatır.
Aktualinf.org
Dövlət Miqrasiya Xidmətində hüquq mühafizə orqanları tərəfindən əməliyyat keçirilib. Bu barədə "DİA-AZ"ın əldə etdiyi informasiyalardan aydın olur ki, əməliyyat nəticəsində qanun pozuntuları, rüşvət və korrupsiya halları araşdırılıb və nəticədə həbs olunanlar var. Eyni zamanda bir neçə nüfuzlu məmur vəzifəsindən araşdırılıb ki, onların da həbs olunacağı istisna deyil.
"DİA-AZ"ın məlumatına görə, vəzifəsindən uzaqlaşdırılanlar arasında Dövlət Miqrasiya Xidmətinin daxili nəzarət şöbəsinin rəisi Emin Həsənov da var. Qeyd edək ki, bu günə qədər adı müxtəlif qalmaqallarda hallanan Emin Həsənov Prezident Administrasiyasının Dövlət nəzarəti şöbəsinin müdiri postunu tutan Kərəm Həsənovun qardaşı oğludur.
Kərəm Həsənov
Məlumatı verən mənbə iddia edir ki, vəzifəsindən uzaqlaşdırılanlar da Emin Həsənovun çevrəsidir və görünəni odur ki, hələlik qardaşı oğlunu həbsdən qoruyan Kərəm Həsənov onun vəzifə mövqelərini də qoruya bilməyib. Amma nə zamana qədər və Emin Həsənov həbsdən yayına biləcəkmi? Bunu zamanla görəcəyik.
Əlavə bilgilərimiz olacaq. Bizi izləməyə davam edin...
Abşeron rayonu, Xırdalan şəhəri, 2 saylı tam orta məktəbdə baş verən özbaşınalıqlar haqda təhsil ocağının riyaziyyat müəllimi Vəfa Həziyeva özü danışıb. İşlədiyi məktəbdəki qanunsuzluqlara səsini çıxardığına görə azad edilən Vəfa Həziyeva sona qədər mübarizə aparacağını deyib. Anaxeber.info yazır ki, jurnalistlərə açıqlama verən riyaziyyat müəllimi, məktəbin direktoru Gülnaz Kərimovanın qanunsuz bir mühit yaratdığını söyləyib. Onun dediyinə görə, ilk növbədə məktəbin sanitar qovşağı bərbad vəziyyətdədir və sanitariyadan söhbət belə gedə bilməz. Müəllimə bildirib ki, şagirdlərin sanitar qovşaqdan istifadə edə bilməməsi məsələsini qaldırdığı üçün işindən çıxarılıb.
Bundan əlavə, Vəfa Həziyeva məktəbdə "ölü can"lar olduğunu iddia edib. Qeyd edib ki, 147 belə" ölü can" var. Yəni direktor Gülnaz Kərimova adı gedən, özü olmayan şəxslərin maaş kartlarını özündə saxlayır. Həmçinin, müəllimə deyib ki, dövlət jurnalına müdaxilə edilib, başqa müəllimlər onun yerinə qiymət yazmağa məcbur olunub. Bu da direktorun təzyiqi və diqtəsi ilə baş tutub. Eyni zamanda, yuxarı siniflərdə qiymətləndirmə cədvəlinə müdaxilələr olunub. Bir sözlə, 2 saylı məktəbdə anarxiyadır və direktor Gülnaz Kərimova öz "qanun"larını həyata keçirir. Şikayətçi bununla bağlı Baş Prokurorluğa və digər qurumlara müraciət edib. Ümumiyyətlə, Abşeron məktəblərində yaşanan neqativ hallara rəvac verən yerli təhsil idarəsi rəhbəri İlhamə Abdullayevadır. Onun idarəçiliyi məktəblərdə tamamilə xaos, rüşvət, özbaşınalıq yaradıb. Dəfələrlə digər məktəblərdən də şikayətlər olub. Lakin heç bir tədbir görülmür.
Anaxeber.info
Gəncə Şəhər Birləşmiş Xəstəxanası yeni tenderlər elan edərək, 2 milyondan çox maliyyə əldə olunubdur.
Milyonluq tenderlərin aqibəti hansı istiqamətdə səmərəli xərclənməsi hələlik aydın deyil. Amma onu da, qeyd edək ki, tender elanlarında Gəncə Birləşmiş Xəstəxanası gündəmi zəbt edibdir.
Hesablama Palatasının Audit yoxlanışı nəticəsində maliyyə pozuntusu tapılaraq, nəticədə Baş Prokurorluğa kimi gedib çıxmışdır. Araşdırma zamanı qeyd olunan tibb müəssisəsinin vəzifəli şəxsləri tərəfindən işçilərə qanunla nəzərdə tutulandan artıq əməkhaqqı ödənilməsi, işə çıxmayan şəxslərə əməkhaqqı hesablanması və digər yollarla dövlət büdcəsinə mənimsənilməsinə əsaslı şübhələr müəyyən edilmişdir.
Tibb müəssisəsinin il ərzində tenderlərini hesablasan, bir il ərzində 5 milyondan artıq tender elan edərək maliyyə əldə olunur. Son zamanlarda Gəncə Şəhər Birləşmiş Xəstəxanasının vətəndaşlara etdikləri xidmət o qədərdə qənayətbaxış deyil.
Sığorta şöbəsinin əməkdaşlarının vətəndaşlarla kobud rəftarı, həkim növbəsinə verilən çeklərin çətinliklə əldə olunması, şəkərli diabet xəstələrinə şəkər iynələrinin az verilməsi, digər xroniki xəstələrin və s. xəstəliyi olan vətəndaşların dərmanla təmin olunmaması hallarına rast gəlinir.
Əgər həqiqətəndə tender elan edib maliyyə əldə olunursa, onun nəticəsi olmalıdır. Nəticə göz qabağındadır.
Gəncə Şəhər Birləşmiş Xəstəxanasının tabeçiliyində olan 3 sayı Xəstəxanaya, Abbas Səhhət adına xəstəxanaya və digər Poliklinikalara ayrılan təmirə, avadanlıqa nəzərdən keçirəndə yenilik görünmür.
Aşağıda Tenderlərin siyahısını tqdim edirik:
Məbləğ: 1.935.353,81
Rayonlararası İstehsalat Kombinatı
Gəncə Şəhər Birlşmiş Xəstəxanası Z.Məmmədov adına xəstəxanada əsaslı təmir işlərinin satın alınması.
Nizamnamə Kapitalı 20.00 azn, Qanuni təmsilçi Soltan Baxışov Dursun oğlu
Məbləğ: 15.841,5 azn "Life Elektroniks" MMC
Kartriclərin doldurulması və tez sıradan çıxan hissələrinin dəyişdirilməsi.
Nizamnamə Kapitalı: 10.00 azn Qanuni təmsilçi Elçin Həsənov Rasim oğlu
Məbləğ: 24.113,3 azn
"lokal Group" MMC
Generatorlara texniki xidmət
Nizamnamə Kapitalı 10.00 azn, Qanuni təmsilçi Səlim Səlimov Əmirxan oğlu
Məbləğ: 89.950 azn
"Tibb Texnikasının Təmiri"MMC
Oksigen qovşaqlarına texniki xidmətin göstərilməsinin satın alınması
Nizamnamə Kapitalı: 10.00 azn Qanuni təmsilçi Qabil Quliyev Adil Oğlu...
--Sabina Babanli
TEREF olaraq məqalədə qaldırılan iddialarla bağlı qarşı təfəində mövqeyini dərc etməyə hazırıq!
TEREF
Azərbaycan Respublikası Gənclər və İdman Nazirliyi Qaraçuxur idman zalının tikintisi üzrə tikinti-quraşdırma işlərinin (əlavə işlər-düzəliş) davam etdirilməsi məqsədilə işlərin satın alınması üzrə bir mənbədən satınalma metodu ilə keçirdiyi açıq tenderə yekun vurub. Müsabiqənin qalibi “RTZ” Məhdud Məsuliyyətli Cəmiyyəti olub və tərəflər arasında 470.757,28 manat məbləğində satınalma müqaviləsi bağlanılıb. Məlumat dövlət satınalmalarının vahid internet portalında 06.12.2024-cü ildə dərc edilib.
Qeyd edək ki, Gənclər və İdman Nazirliy 06.12.2024-cü ildə “RTZ” Məhdud Məsuliyyətli Cəmiyyəti ilə Bülbülə idman zalının tikintisi üzrə işlərin (lll mərhələ) davam etdirilməsi məqsədilə işlərin satın alınması üzrə də 504.160,71 manat məbləğində satınalma müqaviləsi bağlayıb.
Azərbaycan Respublikasının İqtisadiyyat Nazirliyi 25.12.2018-ci ildə “RTZ” Məhdud Məsuliyyətli Cəmiyyətinə tikintisinə icazə tələb olunan bina və qurğuların tikinti-quraşdırma işləri, beton və dəmir-beton konstruksiyaların quraşdırılması, metal konstruksiyaların quraşdırılması və fasad işləri üzrə lisenziya verib.
Buna baxmayaraq Gənclər və İdman Nazirliyinin satınalma Komissiyası “Dövlət Satınalmaları Haqqında” Qanununun tələblərini elə bir mənbədən satınalma metodu ilə keçirdikdə pozub. Sözügedən qanunun 49-cu maddəsinə görə49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; 49.1.2. satınalma predmetinə təcili tələbat yarandıqda. Göründüyü kimi Gənclər və İdman Nazirliyi xüsusi hüquqlara malik olmayan bir MMC ilə satınalma müqaviləsi bağlamışdır ki, bu əsaslı şübhələrə yol açır.
Rəsmi, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında RTZ” (VÖEN: 1400440411) Məhdud Məsuliyyətli Cəmiyyətinin 02.05.2001-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 40 manat olan MMC-nin hüquqi ünvanının , BAKI ŞƏHƏRİ NƏSİMİ RAYONU, BƏŞİR SƏFƏROĞLU, ev 191, m. 26-27, qanuni təmsilçisi kimi isə Ağayev Rahim Fazil oğlu qeyd olunub.
Reyestr məlumatlarına görə MMC 2006-cı ilə qədər TAM ORTAQLI RTZ FİRMASI kimi fəaliyyət göstərib. MMC-nin təsisçisi və ilk qanuni təmsilçisi Babayev Nəsrulla Natiq oğlu olub. Daha sonra Məmmədov Zabit İlyas oğlu 2018-ci ilə qədər, ondan sonra Ağayev Rahim Fazil oğlu MMC-nin qanuni təmsilçiləri olub.
Apardığımız ətraflı araşdırma zamanı məlum oldu ki, MMC-yə rəhbərlik etmiş şəxslərdən biri, Məmmədov Zabit İlyas oğlu hal hazırda “Silk Way Holding”ə məxsus olan “Silk Vey Vest Aviaşirkəti” MMC-nin (Silk Way West Airlines) Müşahidə Şurasının sədrinin 9 müşavirindən biridir. Sədrin idman üzrə müşaviri Hüseynov Fikrət Akif oğlu bu ilin sentyabr ayına qədər qədər Gənclər və İdman Nazirliyində futbol sektorunun müdiri və AZAL-a məxsus futbol klubunda rəhbər vəzifəsində çalışıb. MMC-nin Gənclər və İdman Nazirliynin iki tenderinin qalibi olması bununla əlaqəli olma ehtimalını artırır.
MMC-nin hazırki qanuni təmsilçisi Ağayev Rahim Fazil oğlu “Premier Audit və Konsaltinq” Məhdud Məsuliyyətli Cəmiyyətin direktorudur.
“RTZ” Məhdud Məsuliyyətli Cəmiyyətin təsisçisi Babayev Nəsrulla Natiq oğlu kimdir? Elektron medianın 2016-cı ildə yaydığı məlumatda 38 yaşlı Nəsrulla Natiq Oğlu Babayevin Bakıda Salatın Əsgərova küçəsi, ev 156 ünvanında qeydiyyatda olduğu, 2006-cı ildə Kiprdə qurulan “Vanmec Limited” şirkətinin də təsisçi və direktorlarından biri olduğu bildirilir. Nəsrulla Babayevin atası Natiq Babayev məşhur neftçi-mühəndis Nəsrullah Babayevin oğludur. Anası Dilarə Məmmədəliyeva isə 2007-ci ildən 2 saylı Bakı Baza Tibb Kollecinin direktorudur. Qeyd edək ki, Dilarə Məmmədəliyeva 1990-1992-ci illərdə 2 saylı Bakı Baza Tibb Məktəbinin tədris-hissə müdiri, 1992-2006-cı illərdə tədris-tərbiyə işləri üzrə direktor müavini, 2006-2007-ci illərdə isə direktor əvəzi vəzifələrində çalışmışdır.
Apardığımız araşdılrma zamanı məlum oldu ki, Nəsrulla Babayevin təsisçisi olduğu “RTZ” Məhdud Məsuliyyətli Cəmiyyəti 28.12.2020-ci ildə Dilarə Məmmədəliyevanın direktoru olduğu 2 nömrəli Bakı Baza Tibb Kollecinin keçirdiyi 34.042,56 manat dəyərində kotirovka sorğusunun qalibi olub.
Göründüyü kimi “RTZ” Məhdud Məsuliyyətli Cəmiyyəti 2 nömrəli Bakı Baza Tibb Kollecdə kotirovka sorğusunu təsadüfən udmayıb. Elə Gənclər və İdman Nazirliyndən bir gündən 1 milyon manata yaxın dəyəri olan iki tenderin qalibi olması da təsadüfə oxşamır.
Aktualinfo.org