Azərbaycan Həmkarlar İttifaqı Konfederasiyasının (AHİK) heç kəsin işinə yaramadığını, heç bir işçinin sınan barmağına bir zad eləmədiyini uzun illərdir yerli mətbuatımız yazır. Amma nə olsun ki, bu Səttar Möhbalıaev və onun çox saylı “həmkarları” üçün heç bir şey dəyişmir.

Səttar Möhbalıyaev Azərbaycanda 19-cu əsr qaydaları ilə istismara məruz qalan işçilərin güya hüquqlarını qoruyan baş “sendikaçı” rolunu ifa etsə də, bu günə qədər heç kim nə onun, nə də hər ay işçilərdən milyonlarla manat üzvlük haqqı toplayan “Həmkarlar”ının adından işçilərin haqqlarının müdafiəsi üçün bir bəyanat deyil, bir çürük söz belə eşitməyib. Bu də təbiidir. Çünki 30 ilə yaxındır ki, Səttar Möhbalıyevin başı “həmkarlar”ının onun üçün işçilərdən məcburi qaydada topladığı pulları “xırıd” eləməyə qarışıb. Pul o qədər çoxdur ki, Səttar müəllim vaxt tapıb işçi ilə filanla maraqlana bilmir... Əsas məsələ o pulları yerbəyer eləməkdir. Mətbuatın yazdığına görə Səttar müəllim o pulları uğurlu bir şəkildə xaricdə və ölkədə yerbəyer edib...

Ancaq Səttar müəllimin “biznesi” təkcə istər dövlət, istərsə də özəl sekterda çalışan işçilərin hüquqlarının kütləvi şəkildə pozulmasından qazanılan pullar deyil. Cənab Möhbalıyev həm də işçilərin dincəlmək və müalicə olunmaq hüquqlarından da milyonlar qazanır...

Qeyd edək ki, Azərbaycanın baş “sendikaçısı” həm də çox saylı sanatoriyaların da tam hüquqlu sahibidir. Bu axmaq ənənə sovet dövründən qalıb. Yəni sovet dönəmində həmkarlar ittifaqı həm də işçinin dincəlməsindən məsuliyyət daşıyırdı və 30 illik müstəqillik dönəmində bu da dəyişməyib və elə o vaxtdan qalan sanotoriyalar da Səttar müəllimin ata malına çevrilib.

Ona görə Səttar müəllimin ata mülküdür deyirik ki, cənab Möhbalıyev əlini “Quran”ın üstünə qoyub and içə bilməz ki, bu 30 ildə o, hansısa işçini qarşılığını almadan sanatoriyaya yollayıb. Ümumiyyətlə bizə çatan məlumatlarda bildirilir ki, qarşlıqsız sanatoriya yollanışı əldə etmək üçün hansısa yüksək vəzifəli biri Səttar müəllimə ağız açıb minnəıtçi düşməlidir. Olmasa hansısa işçinin sanatoriyanın yolunu tanıması imkansız bir şeydir. Təbii ki, hansısa yüksək vəzivəli şəxs də Səttar müəllimdən hansısa işçinin xahişini eləmir. O üzdən də sovet dönəmindən fərqli olaraq, əsil işçilər də bu 30 ildə sanatoriya yolunu tanıya bilməyiblər.

Bu arada 30 ildir “həmkarlar”ın patronu olan Səttar Möhbalıyev bir zamanlar sabiq MTN şefi Eldar Mahmudovla bir can-qəlb içində olub. Eldar müəllimin gründüyü ictimai yerlərdə, toyda bayramda həmişə Səttar Mehbalıyev onun məiyyəti içində yer alıb, hətta qol-qola görünüblər. Eldar müəllimin Səttar müəllimi niyə çox sevməsinin isə öz səbəbləri var. Mahmudov və “dəstəsinin” ifşasından sonra isə Möhbalıyevi “edam kötüyünə” gedən yoldan qudası Əli Həsənov xilas edib. Lakin Əli Həsənovun da iflasından sonra Möhbalıyev havadan asılı qalıb. Hətta deyilənə görə sudan çıxarılan balıq kimi nəfəs almaq üşün çox zəhmətlər çəkib. Deyilənə görə Səttar Möhbalıyev çox çətinliklə də olsa özünü Naxçıvanın sədri Vasif Talıbovun çətiri altına sala bilib. Bunun üçün də 100 minlərlə işçinin üzvlük haqqını qurban verməkdən də çəkinməyib. Çünki qaz gələn yerdən toyuq əsirgənilməz... (Replika TV)

Ağdam rayonu, Quzanlı kənd sakini Fərzalıyev Calal Qənəhət oğlu tərəfindən “Hürriyyət” qəzetinin redaksiaysına şikayət məktubu daxil olub. Şikayətçi qəzetimiz vasitəsilə Prezident İlham Əliyevə müraciət edir:

“Cənab Prezident!

Mən, Fərzalıyev Calal Qənəhət oğlu, yazaraq Sizdən xahiş edirəm ki, mənim problemimlə bağlı aidiyyəti qurumlara tapşırıq verəsiniz.

Bildirim ki, bir çox insanlar kimi mən də Sahil Babayevin piyarına qurban getdim. Bu qurumun özbaşınalıqlarına son qoymaq lazımdır.

Qeyd edim ki, 1995-ci ildə döyüş tapşırığını yerinə yetirərkən düşmənin artilleriya mərmisi yanımda partladı. Aldığım ağır zərbə nəticəsində 2 qulağım batdı, sol əlimdən qəlpə yarası aldım. Uzun müddət 251 saylı hərbi hospitalda müalicə almışam. Hazırda da səhhətimdə ciddi problemlər var, qulağım eşitmir.

2006-cı ildən 2-ci qrup əlil olaraq pensiya və prezident təqaüdü almışam. 2022-ci ilin dekabr ayından pensiyamı səbəbsiz yerə və saxtakarlıqla kəsiblər.

Dəfələrlə müraciət etsəm də, heç bir nəticə olmayıb. Bəzən pensiyamı bərpa edəcəklərini deyib, boş ümid verirlər.

2024-cü ilin yanvar ayında TSEK-in direktoru Anar Bayramovun özü ilə görüşdüm. Əlilliyimin hansı səbəbdən kəsildiyini soruşdum və bunun haqsızlıq olduğunu dedim. O isə, “ola bilsin səhvlik olub, mütləq nəzərə alınacaq”, - dedi.

Eşitməməyimlə bağlı LOR həkiminin rəyləri də əlimdə var. Həmin rəyi Ağdam Rayonu Mərkəzi Xəstəxanasının komissiyasına təqdim etmişəm.

29.04.2024-cu il tarixində mənim sənədlərim Əmək və Əhalinin Sosial Müdafiəsi Nazirliyinin tabeliyində fəaliyyət göstərən TSEK-ə göndərildi. Bu günə qədər də komissiyadan keçməyim üçün məni dəvət etməyiblər. Nazirliyin 142 “qaynar xətti” ilə əlaqə saxlayıram, lazımi cavabı ala bilmirəm.

Cənab Prezident!

Əmək və Əhalinin Sosial Nazirliyi adı altında fəaliyyət göstərən bu qurum insanların həyatını məhv edir. Bu qurum həqiqi xəstələrə əlillik vermir, sağlam adam rüşvət verib, əlillik dərəcəsi alır. Bu qədər haqsızlıq olmaz, axı?”

Məsələ ilə bağlı Əmək və Əhalinin Sosial Müdafiə Nazirliyinin mətbuat xidmətinə məlumat verilib. Qurumun mövqeyini dərc etməyə çalışacağıq.

Bakı şəhəri, Sabunçu rayonu, Bakıxanov qəsəbəsi, Rəhmanov küçəsi, manzil 2-də yaşayan Hüseynova Üzrə İsrafil qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi qəzetimiz vasitəsilə Ədliyyə naziri Fərid Əhmədova müraciət edir:

“Cənab nazir!

Mən, Hüseynova Üzrə İsrafil qızı, yazaraq sizdən xahiş edirəm ki, problemimin həllinə kömək göstərəsiniz.

Bildirim ki, bu barədə dəfələrlə rəsmi qurumlara müraciət etmişik, amma təmin olunmayıb.

Belə ki, cavabdehlər Rəfiyeva İlhamə İsrafil qızı, Rafiyev Nurxan Qurban oğlu, Rafiyev Qurban Hidayət oğlu, Məmmədova Qəmər İsrafil qızı və Məmmədova Nigar Telman qızına qarşı iddia ərizəsi ilə məhkəməyə müraciət edərək, onların Bakı şəhəri, Sabunçu rayonu, Sabunçu qəsəbəsi, Şəhər Şpsesi (indiki Elşan Mehdiyev) küçəsi, döngə 1, ev 18 ünvanında yerləşən fərdi yaşayış evindən çıxarılmaları və mənim həmin fərdi yaşayış evinə köçürülməyim barədə qətnama çıxarılmasını xahiş etmişdim. Bakı şəhər Sabunçu Rayon Məhkəməsinin 31.03.2023-cü il tarixli qətnaməsi ilə tələbim qismən təmin edilmişdir.

Məhkəmə iddia tələbini qismən təmin etməklə, yəni heç bir maddi və mənəvi haqqı olmayan, mənə aid olan evin alınması, əlavə olaraq artırılması, yaşayış sahəsinin yaxşılaşdırılması və tamiri üçün 1 manat da pul xərcləməyən, evimə qonaq kimi gəlib, sonra İlhamə bacımın külfətini evimə yığıb “sən sonsuzsan, ev nəyinə lazımdır, get qardaşıngildə yaşa”, - deyərək məni döyərək evimdən qovan Məmmədova Qəmər İsrafil qızına mənzildə yaşamaq hüququ verərək, onu mübahisəli evdən çıxarmamaqla düzgün nəticəyə gəlməmişdir. Qətnamənin həmin hissəsindən narazı qalıb, Apellyasiya şikayəti verərək Məmmədova Qəmərin də həmin mübahisəli evdən çıxarılması barədə yeni qətnama qəbul edilməsini xahiş etmişdim. 22 avqust 2023-cü il tarixində Bakı Apellyasiya Məhkəməsində işə baxıldı və mənim iddiam təmin olundu.

Sabunçu Rayon Məhkəməsinin qətnaməsi həmin hissədə ləğv edildi və Məmmədova Qəmər İsrafil qızının da mübahisəli evdən çıxarılması haqqında qətnamə qəbul olundu.

26 dekabr 2023-cü il tarixdə Azarbaycan Respublikası Ali Məhkəməsinin Mülki Kollegiyasında yenidən işə baxıldı. Məmmədova Qəmər İsrafil qızı və digərlərinin evdən çıxarılması haqqında qərar qüvvəsində qaldı.

Canab nazir!

21.02.2024-cü il tarixdə Bakı Apellyasiya Məhkəməsinə "icraata başlamaq haqqında” Sabunçu Rayon İcra şöbəsi tərəfindən məlumat verilməsinə baxmayaraq, heç bir iş görülməmişdir. Məmmədova Qəmər İsrafil qızı hələ də mənim evimdə yaşayır.

Mən qardaşımın, onun-bunun evinda qalmışam. Evimə gedə, paltarlarımı götürə bilmirəm, küçələrdə, yollarda qalmışam. Hər həftə Sabunçu Rayon İcra şöbasinə gedirəm, söz verirlər, aldadırlar.

Təxminən 6 dəfə evə bildiriş göndəriblər, hər dəfə də bir başqa sözlə məni aldadıb, sakitləşdirib, ümid verib yola salıblar. Mən yaşlı, tək yaşayan qadınam, dərdimi kimə deyim?

Evimə köçmək, orada rahat yaşamaq istəyirəm. Rusiya vətəndaşı olan Qəmər mənim evimə sahib çıxıb, orda oturur. Ali və Apellyasiya məhkəmələrinin qərarını Sabunçu İçra Şöbəsi icra etmir, onu niyəsə evdən çıxartmır.

Qanunları, məhkəmə qərarlarını saymır, vəzifələrini vaxtında və düzgün yerinə yetirmirlər.

Cənab nazir!

Xahiş edirəm ki, 6 aydan artıq müddətdə başlamış icraatın başa çatması, yəni Məmmədova Qəmər İsrafil qızının evimdən çıxarılması barədə tədbir görəsiniz”.

P.S. Məlumat üçün bilərk ki, icra məmurların işlərini qanuni çərçivədə görmədikləri haqda çoxsaylı müraciətlər alırıq. Hər birini də sayt və qəzet vasitəsilə işıqlandırırıq. Lakin icra məmurlarına verilən yüksək səlahiyyət onların əlindən alınmır. Hətta bəzi şikayətçilər deyir ki, “icraçının prezident qədər səlahiyyəti var”.

İllərdir aliment borcu olan şəxslər var ki, şikayət olunsa belə, həbs olunmur. Bununla bağlı əllimizdə çoxsaylı şikayətlər var. Bəzi şikayətçilər “yeni nazir yaxşı olar”, - deyə ümid edirdi. Lakin görünür, onların da bu ümidləri boşa çıxır, çünki bu sahədə hələ də “köhnə hamam, köhnə tas”dır.

Onu da qeyd edək ki, şikayətçilərlə birgə biz özümüz də dəfələrlə Ədliyyə Nazirliyinə icra məmurların özbaşınalığı haqqında məlumat vermişik. Təəssüflə qeyd edirik ki, onların barəsində heç bir tədbir görülməyib.

Ağsu rayonu, Pirhəsənli kənd sakini, 62 yaşlı Xasayev Samir Alxan oğlu 10 ildən çoxdur ağır şəkər, yüksək – hiper qan təzyiqi xəstəliyindən yatağa düşüb. Son illərdə xəstəliyini “Parkinson”, astma, görmə, nitq qabiliyyətinin itirilməsi daha da gücləndirib. Bir aydır xəstənin şəkəri 600-ə, qan təzyiqi 300-ə qalxdığından daim nəzarətində olduğu Ağsu Mərkəzi Xəstəxanası Bakını məsləhət bilir, amma yola çıxmağın riskini boynuna götürmür.
Bəs Şamaxı HMK- Həkim Məsləhət Komissiyası Nazirlər Kabinetinin qərarı ilə üzərinə qoyulan görəvi necə yerinə yetirir? Tam məsuliyyətilə demək olar ki, HMK görəvini qərəzlə, həkim adını və andını pozmaqla icra etmir, ƏƏSMN tabeliyində Dövlət Tibbi Sosial Ekspertiza və Reabilitasiya Agentliyinə yataqda ölümlə çarpışan xəstənin əlilliyinin müəyyən olunmasına forma-88 arayışı verməkdən imtina edir.
Xəstənin oğlu Sahil Xasayev gənc yaşında böyük ailəsinin problemi ilə təkbaşına qalıb. Bilmir körpə balalarını necə saxlasın, xəstə atasının ağırlığını çiynində necə daşısın? Son 2 ildə Sahil Samir oğlunun atasına əlillik dərəcəsi verilməsinə yardımçı olmaq amacı ilə üz tutmadığı ünvan qalmayıb. Di gəl, Şamaxı HMK 2 il qabaq qan təzyiqi 180-200, şəkəri 600-ə qalxan, nitqi, gözləri, ayaqları tutulan, əlləri əsən yataq xəstəsinə arayış verməkdən imtina edib ki, əlillik əlamətləri yoxdur. İndi isə xəstənin oğlu HMK üzvlərini heç atasının yatağı yanına gətizdirə də bilmir ki, yerində yoxlayıb TSEK-ə arayış göndərsinlər. O ki qaldı Şamaxı HMK-nın əlillik əlamətlərini görməməsinə, bu əlamətləri – ağır şəkərdən hər iki ayağında anginopatiya, retinopatiya, nevropatiya olduğunu akademik Topçubaşov adına xəstəxana müəyyən edib . Özü də iki il qabaqdan . İndi isə şəkərdən gözləri də görmür. Xəstənin şəkərdən gözlərinin görməməsini həkim komissiyası necə görməyə bilər? Bəyəm HMK-nın NK-nın “ Əlillik meyarları haqqında Əsasnaməsi”ndən xəbəri yoxdur? Şəkər bir yana, nitqin, ayaqların, gözün tutulması o biri yana, təkcə qan təzyiqindən xəstə orqanizmin funksiyasının 80 faizindən çoxunu itirib. Bu isə , NK meyarlarına görə, şəxsə 1-ci dərəcəli əlillik təyin edilməsinə əsas verir. Şamaxı HMK inadından, yəni qanunsuz haqqından əl çəkib, ƏƏSMN-ə- TSEK-ə 88 saylı arayış göndərsə, Dövlət Tibbi Sosial Ekspertiza və Reabilitasiya Agentliyi bununla bağlı əlillik təyinatı aparmaqda çətinlik çəkməz.
Qalır Şamaxı HMK-nı görəvinin icrasına məcbur etmək. Bu məcburiyyət görəvini isə NK-nın özü icra edər. Heç bir həkim komissiyası özbaşına deyil. Özbaşınalıq xəstələri reabilitasiyadan, sağlamlıqdan, həyatdan məhrum edir. Bunun bədəli isə ağırdır. Dəmir barmaqlıqlardan baxmağa nədən olur.
Məğrur Bədəlsoy

Göyçay rayonu Bəydövül kənd sakini Hümbətov Asif Atəş oğlu tərəfindən

MÜRACİƏT

Göyçay rayon Suvarma Sistemləri İdarəsinin müdiri Orxan Mahmudovun yarıtmaz fəaliyyəti nəticəsində rayonun kəndlərində suvarma arxları lildən, koldan və qamışdan təmizlənmədiyi üçün insanlar əziyyət çəkirlər.
Ancaq Orxan Mahmudov çıxışında bildirri ki, 2024-cü ildə ümumilikdə 280 km məsafədə suvarma kanalları lildən təmizlənmişdir. Kürşaban, Alpout, Qızılağac, Hüngütlü, Mallı-Şıxlı, Hacağabəyli, Ərəbşahverdi, Bəydövül kəndlərində və digər suvarma arxlarında lildən təmizləmə işləri aparılıb.
Bu tam yalandır çünki gözdən pərdə asmaq üçün həmin kəndlərin hər birində suvarma kanallarında 300-500 metr məsafədə təmizləmə işləri aparıb sənəddə isə 280 km qeyd edib dövlət vəsaitini silib talan ediblər. Yerində araşdırma aparılarsa bu tam subut olunacaq ki, Orxan Mahmudov korrupsiya əməlləri ilə məşğul olub dövlətin ayırdığı vəsaiti talan edir.
Azərbaycan Dövlət Su Ehtiyatları Agentliyinin sədri Zaur Mikayılov 16 avqust 2024-cü il tarixdə Göyçay rayonunda vətndaşları qəbul edəcək. Buna görə Göyçay Suvarma Sistemləri İdarəsinin müdiri Orxan Mahmudov əl-ayağa düşüb özünü qəbulda təriflətdirmək üçün insanlar toplayır.Hansı ki, Orxan Mahmudovun bütün çirkli korrupsiya fəaliyyəti göz önündədir.

Zərurət var ki, Göyçay Suvarma Sistemləri İdarəsində təcili maliyyə yoxlaması aparılıb Orxan Mahmudovun və onun müavini Lətif Əliyevin barəsində ciddi tədbirlər görülsün.
Buna görə mətbuat vasitəsi ilə Prezident cənab İlham Əliyevdən, Baş Prokuror cənab Kamran Əliyevdən və Azərbaycan Dövlət Su Ehtiyatları Agentliyinin sədri Zaur Mikayılovdan xahiş edirik Orxan Mahmudovun 280 km məsafədə lildən təmizləmə işləri yerində obyektiv araşdırıb barəsidnə qanunu tədbirlər görülməsinə tapşırıq verəsiniz .
Qarşı tərəflə əlaqə qurmaq istəsəkdə buna nail ola bilmədik!
Qarşı tərəfində mövqeyini dərc etməyə hazırıq!
TEREF

Hər gün süfrəmizə qoyduğumuz duzun tərkibindən xəbəriniz varmı?

Azərbaycanda istehsal olunan bəzi duzların mənbəyi – Masazır gölü – həm də kanalizasiya sularının təyinat nöqtəsidir.

“Duz istehsalı zavodunun yaradılması Azərbaycanda aparılan iqtisadi islahatların məntiqi nəticəsidir”. Bu sözləri prezident İlham Əliyev 2010-cu ildə “Azərsun Holdinq”ə məxsus olan duz zavodunun açılışında demişdi.

Prezidentin söz açdığı yüksək standartlar istehsal olunan duzun keyfiyyətinə həqiqətən aiddirmi? Zavodun istehsal sahəsi Masazır gölündə yerləşir. Ekoloqlar bir neçə dəfə gölün qurumasıyla bağlı öz narahatlıqlarını ifadə edib. Lakin ətraf ərazilərdə yerləşən binaların kanalizasiya suları gölün qurumasına imkan vermir.

Sonra isə bu gölün suyu emal olunaraq, duz şəklində süfrələrimizə gəlir.

Azərbaycan Qida Təhlükəsizliyi Agentliyində İctimai Şuranın sədri Eyyub Hüseynov deyir, bu problem heç də yeni deyil.

Gölün yaxınlığında yaşayan sakinlərlə əməkdaşımız həmsöhbət olub. Binaların çirkab sularının hara axıdılmasını nə cavanı bilir, nə də qocası. Bilənlər isə təəccüblənir.

Masazır gölünə kanalizasiya sularının axıdılması ilə bağlı “Azərsu” ASC-dən Toplum TV-nin sorğusuna cavab olaraq bildirildi ki, gölə tullantılar yalnız qış aylarında axır.

Masazır gölünün ətrafında infrastruktur qurulub. Amma gölün bir hissəsində infrastruktur boş olan ərazini əhatə etmir. Qış aylarında qrunt suları artanda gölə axır. Bu da sırf yağıntılarla bağlı olan məsələdir.

Kanalizasiya axıntısının dolub daşaraq, gölə yönəldiyi gözlə görünür.

Eyyub Hüseynov deyir, keyfiyyətsiz qida istehsalı istehlakçıları çətin vəziyyətdə qoyur. Nə keyfiyyətli qida istifadə edə bilirlər, nə də sağlamlıqlarını qoruya.
Masazır gölündən duz istehsal edən Azərbaycan Duz İstehsalat Birliyi “Azərsun Holdinq”in tərkibindədir. Holdinq kanalizasiya sularının duz istehsalına təsiri ilə bağlı sualları cavabsız qoyması nəticəsində hər gün süfrəmizə gələn duzun tərkibində kanalizasiya sularının qatqısı her gün çoxalır.