"Evlənmişəm, bir övladım var".

Bu sözləri müğənni Ramal İsrafilov "Günaydın, Azərbaycan!" verilişində deyib. Sənətçi aparıcı Xoşqədəm Hidayətqızının "Səni evləndirək" sözlərinə belə reaksiya verib.

O bildirib ki, həyat yoldaşı ilə ayrılmayıb:

"Sadəcə, yalan yazıldı. Bir az qardaşım Valehi, bir az da məni vurdular. Bilmədim söhbət haradan çıxdı. Anam dedi ki, fikir vermə. Xanımım xalam qızıdır. Qısqanclıq hər yerdə olur, gec gəlmələr ola bilər.

Atam da yayılan yalan xəbərlərdən sonra şəkər oldu. Qardaşım Valehlə bağlı xəbər yayıldı, bibim Mələkxanım Eyubovanın adı hallandı".

Qeyd edək ki, Ramal xalası qızı Sevda ilə ailəlidir. Cütlüyün Liya adlı bir övladı var. (Axşam.az)

"İngilis bizə gəlir ingilis dilində, biz ora gedirik yenə ingilis dilində danışırıq. Eləcə də, rus gəlir rus dilində danışır. Biz də ora gedirik rus dilində danışırıq. Bunu Dubayda olanda anladım. Ərəblə, ingilislə Azərbaycan dilində danışdım. Anladım ki, bizdə kompleks var".

Bu sözləri aktyor Elməddin Cəfərov yutubda yayımlanan "Səhnə adamı" layihəsinə açıqlamasında deyib. Elməddin ən böyük arzusunun Göyçə mahalına qayıtmaq olduğunu deyib:

"Deyirəm, bunu istəyirəm, neçəyədir. Deyirəm, ucuz verirsən? Dil tapır. Mən alıcı, o satıcıdırsa, satmaq üçün hər şey edir. Mənim dilimə hörmət etsin. Çoxluğun dilinə tabe olmalıdır. Gəlib Azərbaycana, zəhmət çəksin öyrənsin, internetdə tərcümə etsin. Dilimi çox sevirəm. Allah nəsib etsin Göyçə mahalında kəndimə qayıdım. Evimizi görmək arzumdur. Niyə də köçüb orada yaşamayım?". (Axşam.az)

ATV kanalında yayımlanan "Gün ortası" verilişində gərginlik yaşanıb. 

Müğənni Elşad Qarayevlə  Anar Vəziroğlu arasında mübahisə yaşanıb. 

Veriliş zamanı Elşad Qarayev "Baba Vəziroğlunu bəyənirəm amma bunu yox!" sözlərini söyləyib. 

Bundan sonra tərəflər arasında mübahisə yaşanıb. Elşad Qarayev ayağa qalxaraq aparıcı Zümrüd Bədəlovaya "Məni belə adamlarla verilişə çağırmayın" deyib.

Sözügedən kadrları təqdim edirik:

Milli.Az

"Zaur, səni təbrik edirəm. 50 yaşın mübarək olsun".

Musavat.com titul.az-a istinadən xəbər verir ki, bunu Xatirə İslam "Həmin Zaur" verlişində aparıcıya bildirib.Zaur Xatirənin bu sözlərinə "50 nədir?!" deyə reaksiya verib.

Xatirə "Hə, vallah 50-dir. Sözün düzü, mən inanmırdım, amma... Mən çıqqılı uşaq idim, sən radioda aparıcı idin. Amma onu da deyim ki, o yaşı sənə vermək olmur. Çox gözəl görünürsən, xarizma dağıdır da yəni", - sözləri ilə aparıcının uzun illərdir hər kəsdən gizlətdiyi gerçək yaşını efirdə açıqlamış olub.

Zaur xoş sözləri üçün Xatirəyə təşəkkürünü bildirib.

"Mən Teymur Əmrahı beş yaşımdan tanıyıram. O mənim anamla bir yerdə Qaraçuxurda musiqili məktəbdə çalışıb. Amma bu gün Teymur Əmrahın sözünüz dəyəri yoxdur. Pedaqoq kimi gözəl insansınız. Musiqi savadınız estrada janrında çox mükəmməldir. Flora Kərimovanın sənətinin davamçısısınız. Onun kişi variantısız. Səs diapazonunuz yüksəkdir. Amma Nadir Qafarzadənin sözündə böyük haqq var və mən ona böyük haqq verirəm. Orada söhbət nə Şəbnəm, nə Damla, nə də ki Manafdan getmir. Söhbət illər bundan əvvəl "mədənniyyətimizə ləkə vuran" deyərək efirlərdə bar-bağırdığınız zaman bu gün dünyanın ən böyük səsləri sizi anlamırlar. Bu da efirimizin ən böyük problemidir ki, 3-5 dənə musiqi terminləri öyrənib və çıxıb efirdə "Bu səslər soprano və sairə..." deməklə kiməsə şirin gəlirsiniz".

Bu sözləri Tarix Əliyev (Tolik) aparıcısı olduğu "Tarixin bir günü" verilişində deyib.

Tolik bir neçə gün əvvəl Əməkdar artist Teymur Əmrahın "Gün ortası" verilişində həmkarları Şəbnəm Tovuzlu, Manaf Ağayev, Zeynəb Həsəni və Damlanın ünvanına təriflər səsləndirməsinə etirazını bildirib:

"Dünən Şəbnəmlə danışdım. O bu söhbətlərdən çox narahat olub. Teymur bəy bu son 5 ildə sizin bir dənə də olsun tələbənizi görmədim. Ən son tələbələriniz Elton, Ayaz və sairə... Sizin sənətinizə böyük hörmətim var. Əgər siz 10 il əvvəl hədiyyə almısınızsa... Nadir demək istəyir ki, sənətkar satılmamalıdır. Bu gün kimsə deyə bilər ki, mərhum İlhamə Quliyeva kimdənsə hədiyyə alıb. Onun sözü keçərli idi. Onun sözünün üstünə heç kim söz qoya bilmirdi. Bu gün də onun yeri bəllidir. Sizdən xahiş edirəm illərlə saxladığınız sənətdəki hörmətinizi bu günləri bilmədən və sonradan demək ki, bilmədən bədahətən söylədim fikrimi. Siz Azər Zeynalovu kimlərlə müqaisə edə bilərsiniz? O Ulu Öndərin tapşırığı ilə İtalyada gedib dərs alıb. Aygün Bayramovanı kimlərlə müqayisə edə bilərsiniz? Ən azı o 20 dəfə "Leyli və Məcnun" tamaşasında "Leyli"ni canlandırıb. Bugün hər yerindən duran deyir ki, mən muğam oxuyuram. Amma biri də olsun nə təsnif nə də ki qəzəl bilir. Düşünürlər ki, Soltan etalondur. Xeyr! Bu ölkədə etalon Xalq artisti Zeynəb Xanlarovadır, Flora Kərimova, Alim Qasımov, Arif Babayevdir. Demirəm ki, Teymur bu sözləri şəxsi maraqlana görə deyib. Şəbnəmin reklama ehtiyacı yoxdur. Amma siz belə söhbətlərinizlə insanları o müğənnilərin üzərinə aqressiyanı tökməyə vadar edirsiniz. Mən axı sizinlə oturmuşam. Siz o bəyənmədiyiniz o bayağı ifaçılarla duet oxumağa belə bəzən razı idiniz. Amma olmaz! Xahiş edirəm bu subordinasiyanı qoruyun". (olay)

Müğənni Ayan Babakişiyeva meyxanaçı Aqşin Fatehlə bağlı qalmaqallı fikirlər səsləndirib.

Milli.Az xəbər verir ki, o, "Rəngarəng" verilişində aparıcı Zaur Nəbioğlunun Aqşinlə bağlı fikirlərinə etiraz edən Ayan bunları söyləyib:

"Nə edib? Mənə çox maraqlıdır. Trenddə bir nəyə deyrisiniz? Mahnı çıxaranda 5 min manatdan növbəyə dururlar. Bəlli bir şirkət var ki, onunla çalışırlar. Sənət üçün nə ediblər? Biz nəyik? Hansı yarışmanın qalibidir? Yarışına da davam etsin".

Xalq artisti Flora Kərimova plastik-cərrah Sevinc Heydərovanın lisenziyasının ləğv edilməsi ilə bağlı açıqlama yayıb.

Musavat.com xəbər verir ki, müğənni bununla bağlı video yayımlayıb.

O bildirib ki, uzun müddətdir Sevinc Heydərovanın həkimlik lisenziyasının əlindən alınması üçün mübarizə aparır:

"Bu, haqq, düz söz qələbəsidir. Bu qələbə çox insanın səhhətinin zəmanətidir. Neçə illərdir savadsız həkimlərlə savaşım bu gün nəticələndi. Onlar başa düşmədilər ki, hər dəfə milləti, xəstələri aldadanda özləri uçuruma gedirlər. Neçə dəfə mən Sevinc Heydərovaya demişdim ki, bacarmırsansa, bu işdən yapışma. Nəticəsi saxta sənədlər, sübutlar, adlar və fəaliyyət...

Savadsız Sevinc Heydərovaya dəstəyi olan insanlara üzümü tutub deyirəm ki, mən bu problemdən əl çəkən deyiləm. İşim bu saat Ali Məhkəmədədir. Sona kimi də gedəcəyəm. Nəticə əldə edənə qədər savaşıram.

Mənə mane olan, gözüyumulu Sevinc Heydərovanın tərəfini saxlayan insanlar, guya heç nə olmamış kimi bəraət qərarı verən ekspertizanın cavabı sizi utandırmır?

Prokurorluğun bu qərarından sonra heç olmasa vicdanınız sızıldayırmı? Əgər mənim - az-çox Vətənimdə nüfuz sahibi olan, sözünü deyən bir insanın başına bu oyun gətirilirsə, bu haqsızlıqdan görün digər insanlar nələr çəkir. Gələcək günlərdə Ali Məhkəmənin baxışı var".

Qeyd edək ki, Flora Kərimova Sevinc Heydərovanı uğursuz əməliyyata görə məhkəməyə verib. S.Heydərova 2021-ci ildə F.Kərimovanın gözlərinin üstünü estetik əməliyyat edib, botoks vurub. Ancaq müğənni bunun fəsadlarını görüb, görmə qabiliyyəti tamamilə zəifləyib.

Könül İbrahim
Musavat.com

ABŞ-də insan alveri və cinsi istismar ittihamı ilə təqsirləndirilən məşhur reper Diddi (əsl adı - Şon Kombs) əks-hücuma keçib - onu zorakılıqda ittiham edən qadınlara qarşı qarşılıqlı iddia qaldırıb.

Oxu.Az-ın məlumatına görə, bu barədə "People" nəşri öz mənbələrinə istinadla xəbər yayıb.

Bildirilib ki, fevralın 4-də "Ceyn Dou" şərti adı altında iki qadın məhkəməyə iddia ərizəsi verib. Hər iki qadın 1990-cı illərdə hip-hop səhnəsində fəal olub və tez-tez reperlə qarşılaşıb.

Onlardan biri Diddinin bir neçə ştatda ona qarşı cinsi zorakılıq törətdiyini bildirib. Qadın Kombsun onu evindəki qonaqlığa xidmət göstərmək üçün işə götürdüyünü deyib. O iddia edib ki, ifaçı ona içki verib, bundan sonra o, huşunu itirib və təcavüzə məruz qalıb. Birinci Ceyn bu hadisənin kameraya çəkildiyini ehtimal edib.

İkinci Ceyn Dou da oxşar vəziyyətlərdən danışıb və qeyd edib ki, Diddi tərəfindən təcavüz halları bir neçə dəfə olub.

Kombsun vəkilləri qadınların ittihamlarını təkzib edərək, reperin heç vaxt cinsi zorakılıq törətmədiyini və insan alveri ilə məşğul olmadığını bildiriblər. Onlar qarşılıqlı iddialar qaldırıblar.

"Əvvəllər dediyimiz kimi, cənab Kombs gülünc və ya açıq-aşkar yalan olan iddialara cavab olaraq hər yeni fəndi cavablandıra bilməz. Cənab Kombs və onun hüquq komandası faktlara və məhkəmə prosesinin düzgünlüyünə tam əmindir", - deyə bəyanatda bildirilib.