Türkiyənin pop ulduzu Demet Akalın stilist Anar Ağakişiyevlə bağlı paylaşım edib.
O, “story” bölməsində Anarı işarələyərək bunları yazıb:
“Quzumu da götürdüm, Antalyaya gedirəm”. (olay)
 |
|
|
"Ağlım olsaydı qətiyyən müğənni olmazdım. Yaxşı bacı, ana, bağça müəlliməsi, həkim olardım".
Bu sözləri 71 yaşına qədəm qoyan Xalq artisti Nisə Qasımova "Qonaqcanlı" verilişində deyib.
Xalq artisti sənət yolunda keçdiyi çətin və keşməkeşli günlərdən danışıb:
"Mən oxumağa məcbur oldum. Çünki mən o illərdə nə yolun yarısında nə də ki, ortasında deyildim... Geri çəkilməkdə... O dövrdə mənə olan psixoloji təxribatlar və daha nələr və nələr... Onlar məni geri çəkilməyə vadar etmək istəyirdilər. Sadəcə mən fiziki və psixoloji gücümə güvənib dedim ki, davam etmək lazımdır. Mən heç zaman "birinci", "məndən yoxdur", "mən və mən" iddialarında olmamışam. Çünki mən daxili dünyamda "mən" eqosu ilə yaşamamışam. Qabağıma çəkilən o çəpərləri keçmək asan deyil idi".
"İnsan özünü zəngin hiss etməlidir, amma bu zənginlik maddiyatla ölçülməməlidir".
Bu barədə Aytən Leylaqızı tədbirlərin birində Milli.Az-ın əməkdaşının "Aytən xanım zəngilinliyi maddiyat ilə ölçür, yoxsa insanın daxili zənginliyi olmalıdır?" sualını cavablayarkən deyib.
Onun sözlərinə görə, maddi zənginlik keçicidir, vicdanın zənginliyi isə əsl gücdür:
"Var-dövlət bu gün var, sabah isə yoxdur. Heç kəs, heç nəyi sığortalamayıb. Həyatın ən vacib məqamlarından biri də odur ki, dünənin uğurları və ya bu günün zənginliyi heç bir zaman gələcəyin təminatı ola bilməz. Nə var-dövlət, nə də maddi sərvətlər insanı hər zaman güvənə sala bilər. Bu həyatı vicdanlı yaşamaq lazımdır ki, gecə yerinə keçəndə, öz vicdanınla baş-başa qalanda qəlbin sızıldamasın, gözlərin qorxudan qapanmasın. Vicdanın sənin ən əhəmiyyətli sərvətindir və bu sərvətə sahib olmaq insanı hər şeydən, hər kəsdən daha güclü edir. Çünki vicdanlı bir insan, heç zaman etdiyi səhvlərdən qorxmaz, yalnız doğru yolu seçməkdən, dürüst yaşamaqdan çəkinməz. Mən düşünürəm ki, vicdanlı olmaq nə var-dövlətə, nə də kasıblığa bağlıdır. İnsan özünü zəngin hiss etməlidir, amma bu zənginlik maddiyatla ölçülməməlidir. Əsas odur ki, ruhun və vicdanın varlı olsun. Çünki maddi zənginlik keçicidir, amma vicdanın zənginliyi sənin əsl gücün və əbədi sərvətindir".
"O vaxtlar" verilişinin yeni buraxılışı yayımlanıb.
Musavat.com Baku TV-yə istinadla xəbər verir ki, proqramın budəfəki qəhrəmanı ifaçı Almazxanım Musayeva olub.
Məktəbdə müəllimlərin sevimlisi olduğunu söyləyən A.Musayeva, həmçinin gözəl səsinin olduğunu bildirib:
"Müəllimlərim dərslərdə mənə mahnı oxudurdular. Hətta 8-ci sinifdə imtahanda da mahnı oxumağımı istəmişdilər, bunun əsasında mənə qiymət yazdılar. Uşaqlar da məni çox istəyirdilər. Aktiv qız idim, oğlan kimi xasiyyətim var idi. At çapmağı çox sevirdim. Həmişə atamın böyründə gəzirdim, onun gördüyü işlərlə maraqlanırdım".
Oxumaq üçün Gədəbəydən Bakıya gəldiyini deyən ifaçının sözlərinə görə, burada musiqi təhsili alaraq toylara getməyə başlayıb: "Atam həkim idi. Müasir adam olduğu üçün bu qərarıma etiraz etmədi. İlk olaraq imtahan verib Kitabxanaçılıq fakültəsinə qəbul oldum. Sonra o sahə üzrə təhsil almaq istəmədiyimə görə musiqiyə yönəldim".
İfaçı ailə həyatından bəhs edərkən bildirib ki, keçmiş həyat yoldaşı sənət dostu olub:
"O vaxtlar məni istəyənlər həddindən çox idi. Sevgi haqqında düşünmürdüm, ancaq sənətimi fikirləşirdim. Həyat yoldaşım sənət dostum idi, aramızda hörmət var idi. Sonradan xəbərim oldu ki, sən demə, əmisi qızı ilə onu "göbək kəsdi" ediblər. Həyat yoldaşımdan bunu mənə niyə demədiyini soruşanda "xəbərin olsaydı, razı olmayacaqdın, ona görə də demədim" cavabını verdi. Sonra ondan ayrıldım, məni çox axtardı. Ayrılandan sonra mənimlə evlənmək istəyənlər çox oldu, amma razı olmadım. Çünki artıq könlüm sınmışdı".
Müğənni Manaf Ağayev açıqlaması ilə diqqət çəkib.
Sənətçi saçına boya qoymasını tənqid edənlərə cavab verib. "Qonaqcanlı" verilişində danışan M.Ağayev bildirib ki, xına və saç boyası kişilər üçündür:
"Hamı istəyir yaraşıqlı, cavan olsun, qəşəng geyinsin. Məni müasir biri bilmirlər. Çox müasirəm, amma əndazəsində. Bir kişinin üzündə çapıq varsa, düzəltirirsə, burnu əyridirsə əməliyyat etdirirsə, nə gözəl. Saçında tük yoxdursa, arxadan çıxardıb önə əkirlərsə nə yaxşı. Etdirmişəm. Xına, boya üstünə kişi yazılıb. Bu, kişi üçün yaradılıb. Hər zaman deyirəm ki, gedin ərəb ölkələrinə bir nəfər saçı ağ adam tapın göstərin". (Axşam.az)
Filologiya üzrə fəlsəfə doktoru, jurnalist Anar Vəziroğlu tez-tez qalmaqallarla gündəmə gəldiyi üçün qardaşı, Əməkdar incəsənət xadimi Baba Vəziroğluya şikayət edilməsinə etirazını bildirib.
A.Vəziroğlu Pravda.az-a açıqlamasında deyib ki, Baba Vəziroğlu orta xətdədir, hamısının gözü onu görür.
“Həm də yumşaq adamdır, nə desələr, deyir ki, “başına dönüm, Anar uşaq deyil ki, mən ona nə deyim?” Sözlərini yumşaq mənada deyir. Mənə zəng etməzlər axı. Bilirlər ki, sərt şəkildə yerlərinə oturduram. Mənim 68 yaşım var, Babanın 70 yaşı. Aramızda nə qaldı? İki bayram. Bunlar öyrəncəlidirlər. Baba yumşaq adamdır deyə ondan şeirləri alırlar, mahnıları qoşurlar. Havayı yerə. Bir gün Xalq artistlərindən biri dedi ki, mənim mahnımı filankəs oxuyub. Sonra evə zəng etdilər ki, bu nə deməkdir? Dedim ki, sən o Xalq artistindən soruş, mahnını ona satmısan, ya yox? Soruşdu, o da dedi ki, yox, satmayıb. Bunlar öyrəşiblər. Hamı çıxıb Babanın yazdığı mahnılara deyir ki, “mənim mahnımdır”. Şair bir kənarda qalır, bəstəkar bir kənarda. Nə var, nə var, 2 min pul verib. Ac şairi tapıblar. Bunların ən zəif cəhətləri budur ki, mən danışdıqca, kiminsə üstünə getdikcə Babaya zəng edirlər. Deyirlər ki, sənin qardaşın belə... Ay balam, daha Baba açıqlama verdi ki, bu adam belədir, Anarı təpiyimin altına salası deyiləm axı. Nə etməlidir? Məni danlamalıdır? Hərdən deyir ki, qınanılası verilişlərə getmə. Yenə də deyirəm ki, mənim öz ağlım, öz başım... Düzdür, Baba müəllimin yanında adicə qız adı çəkməyə qorxuram. Amma bilirəm ki, müğənnilər yumşaq tərəfini tutublar, Baba müəllim belə gəldi, elə getdi. Anar müəllimi isə deyən yoxdur, çox qəribədir. Baba müəllimə tanınmış müğənnilər, onunla dost olanlar zəng edirlər, mənim barəmdə ürəklərini boşaldırlar. Mənimlə danışa bilmirlər, çünki birdəfəlik rədd edirəm. O gün də bir qız zəng edib, mənə deyir ki, sən efirdə ssenari oynayırsan. Dedim, elə olsaydı, nə var idi ki? İndi ortada olardım. Bədbəxtliyim budur ki, susa bilmirəm. Danışanda sözlərini kəsirəm, deyirəm ki, belə deyil. Mən söz adamıyam, filologiya üzrə fəlsəfə doktoruyam. Sənin oxuduğun mahnıdan görünür ki, qandığın “qrafa” yoxdur. Bunu açıq deyirəm. Meyxananı gətirib xalq mahnısına çeviriblər. Az qala televiziyada rinqə çıxırlar. Elin qızısan, müğənnisən, ortadasan. Bir-birilərinə hədə-qorxu gəlirlər, nədir, nədir, pulları var. Hörmətli hökumət bunları eşitmir? Çağırıb pullarını alsın, özlərini də salsın içəri. Anası məşhurdur deyə guya qızı da məşhurlaşır. Başlayıblar efirdə hamını yıxıb-sürüməyə. Abır-həya yoxdur. Abırlı kişidən, abırlı qadından həmişə nümunəvi övlad çıxıb..
“Kimin gözüdür axı məndən əl çəkmir?” OLAY yazır ki, bu sözləri rəqqasə Rəna Ağamuradova (Renka) instaqram səhifəsində yayımladığı postda yazıb.
Göz – nəzərə gəldiyini söyləyən rəqqasə bildirib ki, ayağı tutulub və bu səbəbdən gəzə bilmir:
“İndi ayağım tutulub, gəzə bilmirəm. Ağrıdan ölürəm. Artıq heç nəyə təəccüblənmirəm. O qədər hadisələr başıma gəlir. Sırtıq kimi ancaq gülürəm".
“Atamın həyatı keşməkeşli olub, bir neçə dəfə ölümdən qayıdıb. Mənfur düşmənlərimizin, terroristlərin gülləsinə tuş gəlib. Bizim rayonu bombalayanda atam ağır yaralanmışdı. Çox qan itirmişdi. Onu itirmək təhlükəsindəyik. Şükür ki, Allah onu neçənci dəfə bizə bağışladı”.
Bu sözləri “Gün ortası” verilişində Əməkdar artist İlkin Əhmədov deyib. O, uşaqlıq illərindən yaşadığı çətinliklərdən danışıb:
“Atamın mübarizliyi, əzmkarlığı sayəsində o çətin günləri keçdik. Mənim bir qardaşım 1990-1995-ci ilə qədər orduda xidmət etdi. Yaralandı, sağaldı, geri qayıtdı. Dəstək üçün o da yoxuydu. O biri qardaşımın onda iş fəaliyyəti yox idi, balaca qardaşımın yaşı az idi. Mən onda qoyun-quzu otarırdım, təsərrüfat işləri ilə məşğul idim. Onda ayıldım ki, Azərbaycan Dövlət Konservatoriyasına qəbul olunmuşam və restoranlarda çalışıram. Öz gücümə, bacarığıma ora çıxdım. Orta məktəbdə oxuyanda gördüm ki, atama yük olmağı bacarmıram. Onsuz da əziyyət içində idi. Öz gücümə bir restorana çıxdım, ordan başqa yerə. Hətta restorandan da qovuldum ki, lazım deyilsiniz. Halbuki ora gələnlər bizim orada olmağımızı istəyirdilər. Elə bil ki, qovulmaq taleyimizə yazılıb”.//Olay.az
Ayrılıq xəbərləri ilə gündəmdən düşməyən Aysun İsmayılovanın daha bir paylaşımı reaksiyalara səbəb olub.
TEREF xəbər verir ki, müğənni "Instagram" hesabında Elnur Məmmədovun "Günləri sayıram" mahnısını ifa edərək video paylaşıb.
Aysunun bu addımı onu sevənləri təəccübləndirib. Ayrılıq, xəyanət kimi məsələlərlə fırtına qoparan müğənninin "günləri sayıram bir-bir qovuşum sənə, sevgilim, həsrətin üzür məni, haradasan?" və Murat Bozun dilindən "Özledim" deməsi izləyicilər arasında çaşqınlıq yaradıb.
Fanatları ifaçının barışmaq üçün ərinə ultimatım göndərdiyinə dair iddialar irəli sürüblər.
Qeyd edək ki, Aysun İsmayılova bir müddət əvvəl açıqlama verərək ərindən boşanacağını bildirmişdi: "Ramil Vəliyev övladımın atasıdır, ona böyük hörmətim var. İki mədəni insan kimi ayrılıq qərarı almışıq, rəsmi boşanmamışıq, ərizə imzalayıb vermişəm".
(Yenisabah.az)
Müğənni Səidə Sultan paylaşımı ilə diqqət çəkib.
Demokrat.az xəbər verir ki, sənətçi şou-biznesi tənqid edib. O, paylaşımına "Günü gündən "çuşkalaşan" şou-biznesim" deyə, yazıb.
Səidə bundan əvvəl də bayağı mahnı ifaçısı kimi tanınan sənətçilərin verilişlərə tez-tez dəvət edilməsini tənqid etmişdi.
