 |
|
|
"Türkiyə Ukraynada yarımçıq qalmış İstanbul nizamlanma prosesini canlandırmağa hazırdır".
Bu barədə Türkiyə prezidenti Rəcəb Tayyib Ərdoğan Budapeştə rəsmi səfəri zamanı Macarıstanın Baş naziri Viktor Orbanla danışıqların yekunlarına dair açıqlamasında bildirib.
"Ukraynada nizamlanma ilə bağlı İstanbulda başlamış və sonralar dayanmış danışıqlar prosesini canlandırmağa hazırıq", - deyə Ərdoğan bildirib.
Qeyd edək ki, İstanbul danışıqları 2022-ci ilin martında baş tutub.
Serbiya Prezidenti Aleksandar Vuçiç dekabrın 17-də baş tutan növbədənkənar parlament seçkisində qalib gəldiklərini açıqlayıb.
Seçki bülletenlərinin təxminən 50%-nin emalından sonra hakim Serbiya Proqressiv Partiyasının 46,2, müxalif “Serbiya zorakılığa qarşı” partiyasının isə 23,2% səs topladığı açıqlanıb.
“Bu, qəti qələbədir və məni çox sevindirir”, - ilkin proqnozlardan sonra Aleksandar Vuçiç deyib.
Serbiyanın xarici işlər naziri İvitsa Daçiçin partiyası isə hələlik 6,7% səslə üçüncü yerdə qərarlaşıb.
Mənbə: Reuters
İsrailin "Mossad" kəşfiyyat xidmətinin rəhbəri David Barnea Qəzzadakı israilli girovların azad edilməsi məsələsini müzakirə etmək üçün Avropa ölkələrinin birində Qətərin baş naziri Məhəmməd bin Əbdülrəhman Əl Tani ilə görüşüb.
“Report” xəbər verir ki, bu barədə Amerikanın Axios portalı mənbələrə istinadən məlumat yayıb.
Bu, Qəzzada döyüşlərin bərpasından sonra yüksək vəzifəli İsrail və Qətər rəsmiləri arasında ilk görüş olub.
Portalın mənbələrindən biri danışıqların “yalnız başlanğıc” olduğunu bildirib və prosesin “uzun, çətin və qarışıq olacağını” vurğulayıb.
Mənbələrin bildirdiyinə görə, Mərkəzi Kəşfiyyat İdarəsinin direktoru Bill Berns və Misir kəşfiyyatının rəhbəri Abbas Kamel görüş barədə məlumatlandırılıb və onlar girovlarla bağlı razılaşmanın təmin edilməsi üçün səyləri yeniləməyə kömək edirlər.
Ermənistan XİN-in rəhbəri Ararat Mirzoyan Brüsseldə ölkəsinin Avropaya can atdığını bəyan etdikdən sonra cavab reaksiyası özünü çox gözlətmədi.
KONKRET.az xəbər verir ki, bu barədə “Caliber”in “YouTube” kanalında yayımlanan yeni süjetdə bildirilir.
Videomaterialda qeyd olunur ki, Paşinyan komandasının Qərb düşərgəsinə keçmə planları öncədən də məlum idi və Ermənistan hakimiyyətinin özü də onları ciddi şəkildə gizlətmirdi. Bununla yanaşı, iqtidar mətbuatı və ona bağlı olan media uzun müddətdir ki, anti-Rusiya təbliğatı aparır və Moskvanı eyni dərəcədə vassallıqla Qərblə əvəz etməyin vacibliyini vurğulayırdı.
İrəvanın öz niyyətini açıqlamasından iki gün sonra Rusiya XİN-in rəsmi nümayəndəsi Mariya Zaxarova cavab bəyanatı ilə çıxış edib və burada indiyədək yalnız rəsmi bəyan etdiyi bir sıra nüanslar yer alıb.
Daha ətraflı “Caliber”in süjetində:
Əməkdaşlıq hər iki tərəfə qeyd-şərtsiz fayda gətirir
Polşada Donald Tuskun rəhbərlik etdiyi yeni hökumətə ümidlər təkcə Ukrayna-Polşa xəttində deyil, həm də Varşava-Brüssel xəttində son aylardakı gərginliyin azaldılmasına bağlıdır. Bununla belə, vəziyyəti gərginləşdirmək, birbaşa eyforiyaya keçmək əvəzinə, xatırlamağa dəyər: Ukrayna Polşa ilə rasional, qarşılıqlı faydalı əlaqələr qurmalıdır ki, bu da rəqabətin (aqrar sənaye və nəqliyyat) olacağı yerdə sivil şəkildə rəqabət aparmağa imkan verəcək. Və əməkdaşlıq hər iki tərəfə qeyd-şərtsiz fayda gətirir. Söhbət müdafiə, təhlükəsizlik, hərbi-sənaye kompleksi kimi məsələlərdən gedir.
Donald Tusk əsas nitqində Ukrayna üçün bir sıra müsbət cəhətləri qeyd etdi:
Rusiya-Ukrayna müharibəsindən yorğunluğun yolverilməzliyi və bunun üçün Qərbin ümumi səfərbərliyinin zəruriliyi haqqında;
Avropa İttifaqının kollektiv iştirakçı kimi gücləndirmək Polşanın maraqlarına uyğundur. Polşa Aİ-də lider mövqe tutmağa çalışmalıdır;
NATO-nun daha çox effektivliyi üçün ABŞ ilə güclü ittifaq olmalıdır;
Düzdür, çıxışın 15 faizi xarici siyasətə həsr olunub. Qalan hər şey: daxili problemlər haqqında, əsasən son illərdə demokratiyanın geri çəkilməsindən şikayətlər və s. idi.
Ancaq onu da vurğuladı ki, xüsusən də Ukrayna üçün həlledici əhəmiyyət kəsb etməsinə baxmayaraq, Varşavanın Kiyevə yardımı Polşanın maraqlarına xələl gətirməməlidir: “Söhbət Polşanın, xüsusən də polşalı fermerlərin maraqlarından gedirsə, biz israrlı olmalıyıq”.
Bu, təəccüblü deyil: hətta Polşadakı seçki ritorikasında da Vətəndaş Platforması məharətlə manevr edir, seçicilərin diqqətini yayındırmamağa çalışırdı.
Nə gözləmək olar?
Strateji məsələlərdə (Aİ, NATO-ya daxil olmaq üzrə danışıqların başlanması, Ukraynaya silahlı dəstək) Varşava və Brüssel arasında daha sakit və sıx təmas Ukraynanın ehtiyaclarına müsbət təsir göstərəcək.
Amma ümumilikdə götürsək, hər hansı münaqişə məsələsinin daha taktiki səviyyədə avtomatik həll olunacağı illüziyasından qurtulmaq lazımdır. Ən yaxşı ssenari, Ukrayna və Polşa hökumətləri arasında qarşılıqlı əlaqə tərzinin ictimai məkanda deyil, ofislərdə rasional işə qayıtması olardı.
Tusk hökuməti, xüsusən indi - qütbləşmənin yüksək səviyyəyə çatdığı bir vaxtda, manevr etmək və Polşanın maraqlarına uyğun hərəkət etmək məcburiyyətində qalacaq. Bununla bağlı Tusk çıxışında ayrıca qeyd etdi: Polşa-Polşa müharibəsinə girməmək, cəmiyyəti konsolidasiya etmək lazımdır.
Ukrayna üçün təkcə yeni hökumətlə işgüzar əlaqələr qurmaq deyil, həm də Polşada hakimiyyətdən kənar şəxslər tərəfindən anti-Ukrayna məsələlərinin istismarının qarşısını almaq və ya minimuma endirmək vacibdir.
Həm də dövlətlərarası münasibətlərin yükü üçün: məhz əvvəlki hökumət 2022-ci il fevralın 24-dən sonra uzun müddət Ukraynanın həm Aİ, həm də NATO-dakı maraqları üçün siyasi zərbə rolunu oynadı. Son ayların yüksək gərginliyinə baxmayaraq, Ukrayna və Polşa 2022-ci ildə aktiv qarşılıqlı fəaliyyətə qayıtdılar. Ona görə də indi münasibətlərə sıfırdan başlanılmır.
Problemlərin sistemli həllinin vaxtı çatıb. Və məsuliyyətli siyasətin də...
Müəllif: Maria Zolkina - London İqtisadiyyat və Siyasi Elmlər Məktəbinin tədqiqatçısı.
Mənbə: UNİAN
Tərcümə AYNA-ya məxsusdur.
“Rusiya “3+3” formatında fəal işi davam etdirmək əzmindədir”. “Report” xəbər verir ki, bunu “Sputnik”ə müsahibəsində Rusiya xarici işlər nazirinin müavini Mixail Qaluzin deyib.
O, regional formatları bölgənin problemlərinin həlli üçün ən yaxşı üsul hesab edir.
Gürcüstanın hələ bu formatda iştirak etmədiyini söyləyən diplomat rəsmi Tbilisinin birgə işləməyə hazır olduğu təqdirdə qapının hər zaman onlara açıq olduğunu vurğulayıb.
Qeyd edək ki, “3+3” formatı Rusiya, İran, Azərbaycan, Ermənistan, Türkiyə və Gürcüstanın iştirakını nəzərdə tutur.
Qrupun ilk iclası 2021-ci ilin dekabrında Moskvada beş ölkənin xarici işlər nazirlərinin müavinləri səviyyəsində keçirilib. Beş ölkənin nazirlərinin iştirakı ilə keçirilən digər görüş isə 2023-cü ilin oktyabrında İranda baş tutub. Növbəti görüş 2024-cü ildə Türkiyədə olacaq.
“Rusiya Xarici İşlər Nazirliyinin dünən axşam yaydığı məlumat həm forma, həm də məzmun baxımından maraqlıdır”.
“AzPolitika.info” xəbər verir ki, bunu politoloq Fərhad Məmmədov Rusiya XİN-dən verilən açıqlamaları şəırh edərkən deyib.
Xatırladaq ki, M.Zaxarova uzun müddətdən sonra ilk dəfə həqiqətləri dilə gətirib. O, bildirib ki məhz rəsmi İrəvanın hərəkətləri Azərbaycan, Rusiya və Ermənistan liderlərinin 10 noyabr 2020-ci il tarixli üçtərəfli bəyanatının bir sıra bəndlərinin həyata keçirilməsinin mümkünsüzlüyünə gətirib çıxarıb.
Zaxarova vurğulayıb ki, İrəvanın üçtərəfli razılaşmaları tam yerinə yetirməyə imkan verməyən bir sıra hərəkətlərini qeyd etməyə bilməzlər: “Ermənistan tərəfinin üçtərəfli razılaşmaları pozaraq, Laçın dəhlizindən Qarabağa silah tədarükü üçün istifadə etməsi və rəsmi İrəvanın erməni silahlı birləşmələrinin bölgədən tam çıxarılmasını təmin etmək istəməməsi duruma mənfi təsir göstərdi və bu, 2023-cü ilin sentyabrında silahlı toqquşmalara səbəb oldu”.
Fərhad Məmmədov deyir ki, Mariya Zaxarova həftədə bir-iki dəfə müxtəlif mövzularda çıxış etmək imkanına malikdir və o, indi səsləndirdiyi fikirləri mətbuat konfransları zamanı da deyə bilərdi: “Yəqin ki, Rusiya XİN-in rəsmi nümayəndəsinin xüsusi bəyanat verməsinin ayrıca bir səbəbi var. Bu, Ermənistana indiki şəraitdə üçtərəfli formatdan çıxmasının onun üçün fəsadlarla dolu olduğu və Qərbin kömək etməyəcəyi ilə bağlı xəbərdarlıqdır. Bu, ilk dəfə daha açıq şəkildə ifadə edildi”.
Bəs niyə Rusiya Xarici İşlər Nazirliyinin bu açıqlamanı məhz dünən verdi?
Politoloq xatırladır ki, Rusiya Prezidenti dünən MDB, Aİİ və KTMT-dən çıxmasının Ermənistanın maraqlarına uyğun olmadığını dedi: “Hesab edirəm ki, bu, Kremlin əsas mesajıdır və Rusiya Xarici İşlər Nazirliyinin bəyanatı da məhz bununla bağlıdır. Rusiya Paşinyanın Aİİ və MDB sammitlərinə gözlənilən səfərinə və Putin-Paşinyan görüşünə belə hazırlaşır. Digər tərəfdən, Moskva Bakı ilə İrəvan arasında ikitərəfli razılaşmalardan, o cümlədən, yenə də sülh müqaviləsi və sərhədə dair danışıqların ikitərəfli formatından çox da mənun deyil. Burada Rusiyanın mövqeyi Qərbin - ABŞ və Aİ-ni mövqeyinə paraleldir. Qərb də ikitərəfli formatı həzm etməkdə çətinlik çəkir. Mişelin Qarabağdan köçən ermənilər və Azərbaycanın birtərəfli öhdəlikləri ilə bağlı bəyanatı da məhz bununla bağlıdır. Belə bir hiss yaranır ki, vasitəçilər Azərbaycan və Ermənistanın onların iştirakı olmadan nəsə razılaşa biləcəyini qəbul etmək istəmirlər”.
F. Məmmədov deyir ki, bundan sonra prosesləri müşahidə etmək lazımdır.
“Görək, Azərbaycan və Ermənistan vasitəçilərin bütün ədəb qaydalarını aşan təzyiqlərini neytrallaşdıra biləcəkmi. Ermənistanın indi Rusiya ilə münasibətlərdə üzləşdiyi təzyiqləri Azərbaycan mahiyyətcə ay yarım əvvəl ABŞ və AB ilə münasibətlərdə yaşayıb”, - ekspert qeyd edib.
Avropa İttifaqı ölkələri Gürcüstana üzvlüyə namizəd statusunun verilməsi ilə bağlı danışıqlara başlamaq barədə qərar qəbul ediblər.
“Report” xəbər verir ki, bu barədə Avropa Şurasının rəhbəri Şarl Mişelin “X” sosial şəbəkəsindəki paylaşımında qeyd olunub.
“Avropa Şurası Gürcüstana namizəd statusu verib. Aİ, həmçinin Bosniya və Herseqovina ilə danışıqlara həmin ölkə tərəfindən üzvlük meyarlarına tələb olunan uyğunluq səviyyəsinə nail olduqdan sonra başlayacaq, bunun üçün biz Avropa Komissiyasına mart ayında hesabat təqdim etməyi tapşırmışıq və bununla bağlı qərar qəbul ediləcək”-deyə, o qeyd edib.
Aİ ölkələri həmçinin Ukrayna və Moldovanın icmaya qəbulu ilə bağlı danışıqlara başlamaq qərarına gəliblər.
Ermənistanın Baş naziri Nikol Paşinyan yaxın vaxtlarda Azərbaycanla sülh sazişinin imzalanmasını çox real adlandırıb.
Paşinyanın sözlərinə görə, əgər artıq Bakı iki ölkə liderləri arasında razılaşdırılmış prinsipləri təsdiq etsə, sülh sazişinin imzalanması realdır.
“Azərbaycan bu prinsipləri təsdiq edərsə, yaxın vaxtlarda sülh sazişinin imzalanması çox realdır”, - Paşinyan dənizə çıxışı olmayan ölkələrin nazirlər iclasının açılış mərasimində vurğulayıb.
Paşinyanın fikirlərinə münasibət bildirən politoloq Aytən Qurbanova "Sherg.az"a deyib ki, sülhün bizim üçün əsas şərtləri artıq açıq şəkildə ifadə olunub və bütün platfomalarda da səsləndirilib:
"Çox təəssüflər olsun ki, Ermənistan tərəfi bu şərtləri qəbul edərək sülhə doğru bir addım atmaq əvəzinə onlara fərqli formada ifadə olunmuş əlavə “şərhlər” verərək vaxt qazanmağa çalışır. Təbii ki, bu heç bir halda qəbul ediləcək yanaşma deyil. Digər tərəfdən isə Ermənistanın bugünə qədər “sülh prinsipləri” adı altında təqdim etdiyi bütün yanaşmaların açıq şəkildə işğalçılıq ideologiyası üçün zəmin yaratmaq cəhdləri olduğunu da aydın şəkildə müşahidə etmək mümkündür. Ona görə də sülh müqaviləsinin imzalanmasının yeganə yolu Ermənistan tərəfinin Azərbaycanın təklif etdiyi beş prinsipi qeyri-şərtsiz qəbul etməsi və digər məsələlərə dair müzakirələrdə də konstruktiv mövqe nümayiş etdirərək xoş niyyət addım atmasıdır. İlkin mərhələdə əsirlərin dəyişdirilməsinə dair qəbul edilmiş qərarın icra olunması müəyyən mənada artıq ikitərəfli danışıqlar platformasının sülh üçün uğurlu nəticələrə gətirib çıxara biləcəyinə dair müsbət fikirlər formalaşdırır. Ümid edirik ki, bu istiqamətdə atılan müsbət addımlar davamlı xarakter alacaq. Məhz belə olan halda biz nəhayət ki, sülh müqaviləsinin imzalanmasının mümkünlüyü haqqında danışa bilərik".
TASS
ABŞ Konqresinin Nümayəndələr Palatası prezident Co Baydenə qarşı impiçment təhqiqatına rəsmi icazə vermək üçün səsvermə keçirməyə çalışır. Respublikaçılar ittiham prosesinin arxasında ciddi dursalar da, partiyalar arasında istintaqın hələ də prezidentin qanunsuz davranışına dair sübut təqdim etmədiyinə dair narahatlıqlar var.
Səsvermə Nümayəndələr Palatasının spikeri Mayk Conson və onun komandasının Baydenin ailə üzvlərinin biznes əlaqələri ətrafında təxminən bir il davam edən araşdırmada irəliləyiş göstərmək üçün artan təzyiqlə üzləşdiyi bir vaxtda baş verir.
Onların araşdırması etik suallar doğursa da, Baydenin vitse-prezident kimi əvvəlki vəzifəsində və ya hazırkı ofisində korrupsiyaya yol verdiyinə və ya rüşvət aldığına dair heç bir sübut ortaya çıxmayıb.
Səsvermədən əvvəl Conson bunu “növbəti zəruri addım” adlandırıb. O, "bunun daha sürətli getməməsindən məyus olan bir çox insan" olduğunu etiraf edib. Lakin Conson Fox News-da bildirib ki, o, qətnamənin Nümayəndələr Palatasından keçəcəyinə inanır və "biz konstitusiya məsuliyyətimizi yerinə yetirmək üçün ən yaxşı vəziyyətdə olacağıq".
Səsvermə keçirməklə iki aydan az müddətdə işdə olan spiker prezident üçün son cəzaya səbəb ola biləcək impiçment prosesini dəstəkləmək üçün konfransın keçirəcək.
Senatda mühakimə olunarsa, bu, Konstitusiyaya uyğun olaraq onun vəzifədən uzaqlaşdırılacaq "yüksək cinayətlər və pis əməllər" kimi təsvir edilir.
Uğurlu səsvermə Baydenin yenidən seçilmək üçün namizəd olacağı və Ağ Evdə olduğu müddətdə iki dəfə impiçmentə məruz qalmış keçmiş prezident Donald Trampa qarşı mübarizə aparacağı zaman impiçment araşdırmasının 2024-cü ilə qədər uzanmasını təmin edəcək.
Tramp Respublikaçıları Baydenə qarşı impiçment elan etmək üçün sürətlə hərəkət etməyə sövq edir və bu onun siyasi düşmənlərinə qarşı intiqam və qisas almağa çağırışlarının bir hissəsidir.
Partiyalarının üzvləri prezident Baydenin impiçmentini dəstəkləmək üçün heç bir dəlil olmadığını etiraf etmələrinə baxmayaraq, bu yaxınlarda verdiyi açıqlamada o, Ağ Ev bütün prosesi Respublikaçıların irəli sürdüyü "iddianın təxminlərə əsaslanan məlumat tələb etməsi" adlandırıb.
Nümayəndələr Palatasının bəzi Respublikaçıları, xüsusən də siyasi cəhətdən bölünmüş bölgələrdən olanlar əhəmiyyətli bir siyasi xərcdən qorxaraq Baydenin impiçmenti ilə bağlı hər hansı səs verməkdə tərəddüd edir. Lakin GOP liderləri son həftələrdə qətnamənin Baydenə qarşı impiçment qərarı deyil, prosesdə yalnız bir addım olduğunu bildirib. Görünür, bu mesaj skeptiklər üzərində qələbə qazanıb.
İmpiçmenti dəstəkləməkdə tərəddüd edən Respublikaçıların əksəriyyəti rəhbərliyin son arqumentindən təsirlənib. Belə ki, Ağ Evin onların məlumat tələblərini rədd etdiyi üçün araşdırmaya icazə verilməsi onlara daha yaxşı hüquqi mövqe qazandıracaq.
amerikaninsesi