Xəbər verdiyimiz kimi, bu gün Azərbaycan Prezidenti İlham Əliyevin adından ölkəmizdə rəsmi səfərdə olan Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyanın şərəfinə rəsmi ziyafət verilib.
Bakupost.az bildirir ki, rəsmi ziyafətə dövlət başçısının oğlu Heydər Əliyev də qatılıb.
O, xarici işlər naziri Ceyhun Bayramov və Prezident Administrasiyasının Xarici siyasət məsələləri şöbəsinin müdiri Hikmət Hacıyevlə eyni masada əyləşib.

Fransanın baş naziri Elizabet Born istefa verib.
Bu barədə ölkə prezidenti Emmanuel Makron öz "X" səhifəsində bildirib.
E.Bornun istefa ərizəsini təmin edən dövlət başçısı ona “işə sədaqətinə və qətiyyətinə” görə təşəkkür edib.
E.Born 2022-ci ilin mayından Fransa Nazirlər Kabinetinə rəhbərlik edir.

Bu gün prezidentliyə nаmizədin qeydə alınması üçün zəruri olan seçki sənədlərinin Mərkəzi Seçki Komissiyasına (MSK) təqdim edilməsi müddəti başa çatır.

Proses saat 18:00-dək davam edəcək.

Yenisabah.az-a danışan Ağ Partiya başqanı Tural Abbaslı növbədənkənar prezident seçkilərində AĞ Partiyanın iştirak edib-etməyəcəyi ilə bağlı yaranan suallara aydınlıq gətirib. O, partiyanın bu seçkilərdə iştirak etməycəyini bildirib:

“Prezidentliyə namizədliyimizi verib-verməyəcəyimizlə bağlı məsələ partiyada müzakirə olundu. Nisbətlərlə hər şey analiz olundu və biz seçkiyə qatılmayacağıq. Zatən qatılsaq da, bir günə 40 min imzanı yığmaq real deyil.

Biz öz namizədimizlə seçkiyə qatılmırıq, seçkini boykot etmirik. Partiya üzvlərimizi ölkə üzrə müşahidəçi kimi qeydiyyatdan keçirilməsini və ümumi müşahidənin aparılmasını təşkil edəcəyik. Bu proses davam edir, MSK-ya lazımi sənədlər təqdim olunur ki, partiya üzvlərinin müşahidə aparması üçün sənəd alınsın və onlar müşahidə apara bilsinlər. Partiya üzvlərimiz də kimi məsləhət bilsələr, ona da səs verəcəklər. Biz prosesi boykot etmirik, sadəcə öz namizədimizlə seçkidə iştirak etmirik”.

Siyasətçi seçkilərə qatılmayanların “qorxaq” kimi qələmə verilməsinin düzgün olmadığını qeyd edib. O, siyasətdə bu cür anlayışların olmağını deyib:

“Təbii ki, seçkilərə qatılmayanları “qorxaq, cəsarətsiz” adlandırmaq düzgün deyil. Bu məsələdə ən yaxşı halda, seçkiləri davamlı olaraq boykot edən partiyalara irad tutula bilər. Onlara deyilə bilər ki, bütün seçkiləri boykot edirsən, bəs hansı formada hakimiyyətə gəlmək istəyirsən? Biri də var ki, partiyalar öz güclərini, real siyasi şəraiti və perspektivi analiz edərək daha doğru addım atmağı düşünürlər.

Ağ Partiya İlham Əliyev istisna olmaqla öz namizədliyini irəli sürmüş partiya və namizədlərin hansıdan zəifdir? O namizədlərin hamısı üst-üstə yığılsa, Ağ Partiyanın gücündə deyillər və partiyanın siyasi təcrübəsi qədər təcrübələri yoxdur. Biz bir çox nüansları danışıb onları özümüzdən küsdürmək istəmirik, çünki şəxsi münasibətlər, əlaqələr var, bunu düzgün saymırıq. Necə demək olar ki, Ağ Partiya qorxaqlıq etdi və yaxud gücü yox idi, çəkindi? Bunu demək doğru deyil. Ümumən siyasətdə bu anlayış doğru deyil. Partiyalar öz maraqlarının maksimal təyinatı üçün addımlar atırlar. Elə partiyalar var ki, seçkidə iştirak etməməklə mümkündür ki, daha çox divident qazanacaq. Bəlkə partiya indi öz gücünü qoruyur. Hərənin bir arqumenti var. Bizim də müxtəlif arqumentlərimiz var və bəzilərini bəyanatda elan etdik, bəzilərini isə daxili müzakirə üçün saxlamışıq”.

ABŞ Dövlət katibi Antoni Blinken İsrail-HƏMAS münaqişəsi və onun regional təsirlərini diplomatik səylərlə minimallaşdırmaq məqsədilə Yaxın Şərq turnesinə çıxıb.

Bu tur əsasən, Qəzzadakı münaqişənin Livana, Qırmızı dənizdəki ticari marşrutlara, Aralıq dənizindəki təhlükəsizlik zolaqlarına qədər genişlənmənin qarşısını almağa yönəlib.

Öncəliklə Blinkenin səfərin başlanğıcında Türkiyəyə getməsi, ardınca isə Yunanıstana səfəri diqqəti cəlb edir.

Bu, ABŞ-nin:

– Mümkün münaqişələrin Türkiyə ilə Yunanıstan arasındakı ziddiyyət və gərginliklərinə sıçramaması üçün səylərini vurğulayır,

– Ankara ilə Afina arasında etibarlı vasitəçi statusunu qazanıb proseslərdə önə çıxmağını hədəfləyir.

Blinkenin Türkiyə Prezidenti Rəcəb Tayyib Ərdoğan və xarici işlər naziri Hakan Fidanla müzakirələrdə ABŞ-nin Yaxın Şərqdə aktivliyini artırması fonunda Cənubi Qafqaz regionu ilə əlaqəli hissələrin də qabardılması istisna deyil.

Çünki ABŞ Cənubi Qafqazdakı diplomatik-siyasi aktivlik tonunu yavaşlama əlamətləri gözə çarpmadan irəlilətməyə can atır və bəzi nöqtələrdə Azərbaycanla gərginlik də yaşanır.

Düzdür, ABŞ-nin Yaxın Şərq prioritetləri ilə Cənubi Qafqazdakı meyarları arasında fərqlər mövcuddur, lakin dünya nizamının format edilməsinə cəhdlər fonunda maraqların olduğu regionlara vahid geosiyasi məntiqdən yanaşılır.

Türkiyə üçün ABŞ-nin Azərbaycanla gərginlik yaşaması xoş bir hal deyil, buna görə də, Ankara Vaşinqton qarşısında tələb irəli sürə bilər ki, Yaxın Şərqdəki dilemmalara Cənubi Qafqaz səhnəsini qarışdırmasın.

Amma ABŞ-Türkiyə müzakirələrində bir nömrəli prioritet Yaxın Şərqdəki münaqişələrin təsir dairəsini ölçməkdir, mümkündür ki, Vaşinqton Ankaranın regionda artan nüfuzunu özünün təhlükəsizlik təşəbbüslərinin içərisində tutmağa çalışır.

Yəni Türkiyənin strateji maraqlarını təmin edərkən onun Rusiya, ABŞ və Çin ilə dil tapa bilmək potensialını saxlaması, bu qabiliyyəti kəşfiyyatla diplomatiyanı birləşdirmək bacarığı olan Hakan Fidan sayəsində daha da böyütməsi Vaşinqton üçün cazibəlidir.

Amma ABŞ ilə Türkiyə NATO üzvləri olsalar da, onların regional problemlərə vahid yanaşma tərzində mübahisələr çoxdur, bu mənada Vaşinqtonun Ankaranı öz tərəfinə çəkə bilməsində ciddi maneələr mövcuddur.

Çünki Türkiyənin ABŞ-yə etibarı azdır və zamanla Ağ Evdən basılan düymələr Ankaraya qarşı hərəkətliliyi təmin edib.

Buna görə də, Türkiyə ABŞ ilə birgə siyasətdənsə, ayrıca şəkildə yüksək diplomatik-siyasi dalğalanmasını təmin etməkdə çox maraqlıdır.

Deməli, ABŞ Yaxın Şərqdəki vəziyyəti yoluna qoymaqdan ötrü Türkiyə ilə yaxınlaşmanı maksimal həddə qədər formalaşdırmaqda çətinliklər çəkəcək və İsrail-Fələstin münaqişəsinin həllində təkbaşına öhdəliklərlə üzləşəcək.

ABŞ-ni çətinə salan hadisələrin kəskin ardıcıllığıdır, Vaşinqtonun başı İsrail-HƏMAS müharibəsinə qarışdığı zaman, İranın dəstəklədiyi husilərin Qırmızı dənizdəki hücumları Ağ Evə əlavə bir yük oldu.

İranın məqsədi ABŞ-ni Qırmızı dənizdən qovmaqdır, lakin Ağ Ev bilir ki, onun Qırmızı dənizdən qaçması qlobal nəqliyyat marşrutunu tərk etmək olar.

Bildirək ki, ABŞ xarici siyasətinin uzun müddətdir məqsədlərindən biri naviqasiya azadlığını təmin etməkdir.

Birləşmiş Ştatlar Qırmızı dənizdə və qonşu Ədən körfəzində kommersiya gəmilərini qorumaq üçün iyirmi ölkədən ibarət hərbi dəniz işçi qrupuna rəhbərlik edib və bölgəyə təyyarədaşıyan gəmilər yerləşdirib.

Koalisiya yanaşması 2019-cu ildəki hücumları zamanı da tətbiq edilib (2019-cu ildə İran Hörmüz boğazında bir neçə neft tankerinə hücum etmişdi).

Bununla belə, ABŞ-nin 2023-cü ilin dekabrında Qırmızı dənizdə səyahət edən ticarət gəmilərini qorumaq üçün elan etdiyi dəniz koalisiyasına Səudiyyə Ərəbistanı, Birləşmiş Ərəb Əmirlikləri kimi regional güclər qoşulmaq istəmirlər.

İndi husilərin zərbələrinin gəmiçiliklə əlaqəli təbiəti ABŞ-nin qlobal iqtisadiyyatdakı həlledici rollarını pozur ki, Ağ Ev bununla mübarizə aparmaq məcburiyyətindədir.

Blinkenin İordaniya, Qətər, Birləşmiş Ərəb Əmirlikləri, Səudiyyə Ərəbistanı, İsrail, İordan çayının qərb sahili və Misirə edəcəyi səfərlərdə onu çətin proqram gözləyir.

İsrailin isə ABŞ-nin sözünə qulaq asaraq hərəkət trayektoriyasını təyin edəcəyini gözləmək əbəsdir, çünki Təl-Əvivlə Vaşinqton müttəfiq olsalar belə, onların da aydınlaşdıra bilmədiyi mövzular çoxdur…

Yaponiyanın xarici işlər naziri Yoko Kamikava Ukraynaya səfər edib.

APA xəbər verir ki, bu barədə Yaponiya Xarici İşlər Nazirliyi məlumat yayıb.

Onun ukraynalı həmkarı Dmitri Kuleba ilə danışıqlar aparacağı gözlənilir.

Kamikavanın Polşa, Finlandiya, həmçinin ABŞ və Türkiyəyə səfər edəcəyi bildirilib.

Onun Ukraynaya səfəri barədə əvvəlcədən məlumat verilməyib.

Türkiyə Prezidenti Rəcəb Tayyib Ərdoğan ABŞ dövlət katibi Entoni Blinkenlə İstanbulda keçirilən görüşündə Yaxın Şərqdə baş verənləri müzakirə edib.
Gununsesi.info xəbər verir ki, bu barədə Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.
Tərəflər həmçinin Rusiya-Ukrayna müharibəsini də müzakirə ediblər.

“Dövlət katibi münaqişənin genişlənməsinin qarşısının alınmasını, girovların azad edilməsini, humanitar yardımın genişləndirilməsini və mülki əhali arasında itkilərin azaldılmasını vurğulayıb. Eləcə də regionda dayanıqlı və davamlı sülhün əldə edilməsi istiqamətində işlərin görülməsinin vacibliyi qeyd olunub”, – bəyanatda deyilir.

Blinken və Ərdoğan həmçinin İsveçin NATO-ya üzvlüyünün başa çatması və Vaşinqtonla Ankara arasında ticarət və investisiya əlaqələrinin gücləndirilməsini müzakirə ediblər.

Məzahir Pənahovun sədrliyi ilə yanvarın 6-da Mərkəzi Seçki Komissiyasının növbəti iclası keçirilib.

Əvvəlcə Komissiyanın 2023-cü il 30-31 dekabrda keçirilmiş iclaslarının protokolları təsdiq olunub.

Mərkəzi Seçki Komissiyası Katibliyinin Media və kommunikasiya şöbəsindən bildirilib ki, sonra 2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində namizədliyi özü tərəfindən irəli sürülmüş Zahid Məhərrəm oğlu Orucun və namizədliyi Milli Cəbhə Partiyası tərəfindən irəli sürülmüş Razi Qulaməli oğlu Nurullayevin namizədliyinin qeydə alınması məsələsinə baxılıb.

Proseslərin gedişi barədə ətraflı məlumat verilərək bildirilib ki, sözügedən namizədlərin müdafiəsi üçün toplanmış seçici imzaları olan imza vərəqələri və onlara əlavə edilməli olan sənədlər səlahiyyətli nümayəndələri tərəfindən Mərkəzi Seçki Komissiyasına təqdim edildikdən sonra Seçki Məcəlləsində nəzərdə tutulmuş müddətdə və qaydada müvafiq araşdırma aparılıb, namizədlərin qeydə alınması üçün əsasların olması müəyyən edilib.

Komissiya geniş müzakirələrin ardınca namizədliyi özü tərəfindən irəli sürülmüş Zahid Məhərrəm oğlu Orucun və namizədliyi Milli Cəbhə Partiyası tərəfindən irəli sürülmüş Razi Qulaməli oğlu Nurullayevin 2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində namizəd kimi qeydə alınmasına qərar verib.

Beynəlxalq müşahidə missiyası təmsilçisi, məşvərətçi səs hüquqlu komissiya üzvü, xüsusi icazə almış müşahidəçi və media qurumları nümayəndələrinin iştirak etdiyi iclasda, həmçinin bəzi seçki dairələri dairə seçki komissiyalarının tərkibində dəyişikliklər olunub və cari məsələlərə baxılıb.

Türkiyə xarici işlər naziri Hakan Fidanla ABŞ dövlət katibi Antoni Blinken arasında görüş zamanı iki ölkə arasında münasibətlər hərtərəfli müzakirə olunub.

Bu barədə diplomatik mənbələr bildirib.

Türkiyəli nazir həmsöhbətinə Türkiyənin F-16-nın satınalma prosesinin yekunlaşmasını gözlədiyini bildirib.

O, həmçinin bildirib ki, İsveçin NATO-ya üzvlük prosesi ilə bağlı yekun qərarı ölkə parlamenti verəcək.

“İki nazir Qəzzada davam edən insan faciəsini də qiymətləndiriblər. İsrailin artan təcavüzünün bütün bölgə üçün təhdid olduğuna diqqət çəkən nazir, dərhal atəşkəs elan edilməsi və Qəzzaya fasiləsiz humanitar yardımların çatdırılması lazım olduğunu vurğulayıb. O, iki dövlətli həll üçün danışıqların mümkün qədər tez başlamasına çağırıb.

Qara dənizdə gərginliyin olmasını istəmədiklərini bildirən nazir Fidan Rusiya və Ukraynada istehsal olunan qida məhsullarının dünya bazarlarına təhlükəsiz şəkildə çatdırılması üçün göstərdikləri səylərə də toxunub.

Görüş zamanı Azərbaycan və Ermənistan arasında aparılan danışıqlar, Suriya və İraq kimi regional məsələlər də müzakirə olunub”.