İri Şəhərlərin Birləşmiş Su Təchizatı Xidməti Bakı, Sumqayıt, Gəncə, Mingəçevir və Şirvan şəhərlərində istehlakçıların məişət (təsərrüfat) – içməli, istehsalat və digər məqsədlər üçün su ilə təmin olunması, yağış və tullantı sularının emalı və axıdılması xidmətlərini göstərən publik hüquqi şəxsdir.

Baş nazir Əli Əsədovun Azərbaycan Dövlət Su Ehtiyatları Agentliyinin tabeliyindəki publik hüquqi şəxslərin fəaliyyətinin təmin edilməsi haqqında Qərarında öz əksini tapıb.

“İri Şəhərlərin Birləşmiş Su Təchizatı Xidməti” publik hüquqi şəxsin Nizamnaməsinə əsasən, Xidmət Azərbaycan Dövlət Su Ehtiyatları Agentliyinin (bundan sonra – Agentlik) tabeliyində fəaliyyət göstərir.

Xidmətin idarəetmə orqanı onun İdarə Heyətidir. İdarə Heyəti Xidmətin fəaliyyətinə ümumi rəhbərliyi və nəzarəti həyata keçirir. İdarə Heyəti beş üzvdən – Agentliyin sədrinin vəzifəyə təyin və vəzifədən azad etdiyi İdarə Heyəti sədrindən və onun dörd müavinindən ibarətdir.

Xidmətin nizamnamə fondu 2 400 427 052 (iki milyard dörd yüz milyon dörd yüz iyirmi yeddi min əlli iki) manatdır.

Bu ilin əvvəlinə olan məlumata görə ölkə üzrə mövcud olan 2 milyon 394 min ev təsərrüfatının 43,2%-də və ya 1 milyon 34 min ev mərkəzləşdirilmiş kanalizasiya xəttinə qoşulmayıb.

Yeniavaz.com açıqlanan rəsmi statistikaya istinadən xəbər verir ki, şəhər yerində evlərin 12,8%-i, kənd yerlərində isə evlərin 81,8%-i mərkəzləşdirilmiş kanalizasiya xəttinə qoşulmayıb.

Bu sahədə ən yaxşı göstərici Bakı və Abşeron-Xızı iqtisadi rayonlarında qeydə alınıb. Abşeron-Xızı iqtisadi rayonunda mövcud olan evlərin hamısı, Bakı şəhərində isə 92,9%-i mərkəzləşdirilmiş kanalizasiya xəttinə qoşulub. Ən aşağı göstərici isə Lənkəran-Astara iqtisadi rayonunda qeydı alınıb. Bu rayonda evlərin cəmi 9,1%-i mərkəzləşdirilmiş kanalizasiya xəttinə qoşulub.

“Çaşır yığmağa gediblər, hər il bunu edirdilər”.

Bunu Baku TV-yə açıqlamasında bu gün Sədərək rayonunun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində həlak olan Vilayət Həsən oğlu Rzayevin nəvəsi Aytac Abbasova deyib.

Qeyd edək ki, bu gün rayonun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində həlak olan 1951-ci il təvəllüdlü Vilayət Həsən oğlu Rzayev və 1970-ci il təvəllüdlü Adəm Həsən oğlu Əliyev Sədərək rayon qəbiristanlığında dəfn olunublar.

Mərasimdə həlak olanların yaxınları, ailə üzvləri, rayon sakinləri və ictimaiyyət nümayəndələri iştirak ediblər.

Daha ətraflı Baku TV-nin süjetində:

Türkiyənin İstanbul şəhərində Beşiktaş istiqamətində hərəkət edən avtomobilin sürücüsünün idarəetməni itirməsi zəncirvari qəzanın baş verməsinə səbəb olub.

Avtomobil yolla gedən digər avtomobillərə çırpılaraq iki maşının üstündən asılı vəziyyətdə qalıb. İlkin məlumata görə, səkkiz avtomobilin iştirakı ilə baş verən zəncirvari qəzada səkkiz nəfər xəsarət alıb.

Hadisə yerinə sağlamlıq, xilasetmə və polis qrupları cəlb ediliblər.

Təcili tibbi yardım əməkdaşları tərəfindən altı nəfərə yerində tibbi yardım göstərilib, iki nəfər isə xəstəxanaya aparılıb.
Qəzaya uğrayan lüks “Maserati” markalı avtomobilin sürücüsünün millət vəkilinin qardaşı oğlu olduğu bildirilir.

Paytaxtın bir neçə küçəsində söküntü işləri aparılacaq.

Sözügedən ərazilərlə yanaşı, Kamandar Əhmədov və Həmid Abbasbəyli küçələrində də yeni layihənin icarsı ilə əlaqədər evlər plana düşüb.

Bizimlə söhbət zamanı sakinlər bildirdi ki, söküntü ilə bağlı hazırlıq işlərinə də başlanıb.

Sakinlər deyir ki, söküntü işləri zamanı ödəniləcək kompensasiyanın məbləği ilə bağlı hələ onlarla danışıq aparılmayıb.

Xətai Rayon İcra Hakimiyyətindən bildirildi ki, söküntü ilə əlaqədar sözügedən ərazilərdəki həyətyanı sahələrdə artıq ölçmə işləri aparılıb.

Həmin küçələrdə yaşayan sakinlər digər ərazilərə köçürüləcək. Layihəyə əsasən, ərazinin yaxınlığında yerləşən “Sevgi Parkı”nın genişləndirilməsi nəzərdə tutulur.

Mövzu ilə bağlı daha ətraflı videomaterialı təqdim edir.ik

Otuz il əvvəl pilotun uşaqlarını pilot kabinəsinə buraxması səbəbindən fəlakətli aviasiya faciəsi baş verdi.

Referans.az xəbər verir ki, 1994-cü il martın 23-də gecə yarısından dərhal sonra “Aeroflot” 593 saylı reysi Rusiyanın paytaxtı Moskvanın Şeremetyevo Beynəlxalq Hava Limanından Honq-Konqdakı Kai Tak hava limanına yola düşməyə hazırlaşırdı.

Uçuş heyəti kapitan Endryu Viktoroviç Danilovun rəhbərlik etdiyi 63 sərnişin və 12 üzvdən ibarət idi. 1992-ci ildən “Aeroflot”da təcrübəli pilot olan Danilov 9500 saatdan çox uçuş vaxtı keçirmişdi.

Onu birinci zabit İqor Vasilyeviç Piskaryov və birinci zabit Yaroslav Vladimiroviç Kudrinski müşayiət edirdi. Təyyarə səyahətə başlayan kimi ilk beynəlxalq uçuşunu yaşayan kapitan Kudrinskinin iki uşağı uçuş göyərtəsinə baş çəkdi.
Təyyarə avtopilotda olarkən və sərnişinlərin çoxu yuxuda ikən təhlükəli hal yaşanıb.

Bu əllə müdaxilə avtopilot servosunun aileron idarəetmə əlaqəsindən ayrılmasına səbəb oldu. Rusiya təyyarələrinə daha çox öyrəşmiş ekipaj “Airbus” sistemi ilə tanış olmadığı üçün vacib xəbərdarlığı qaçırıb. Daha sonra təyyarə dik sahilə girdi və avtopilot hündürlüyü saxlamaqda çətinlik çəkdi.
Kapitan Kudrinski dərhal hərəkətə keçib oğlunu apararkən, ikinci pilot idarə etməyə yönəldi.

Bununla belə, avtopilot parametrlərini tənzimləmək çox gec idi. Təyyarə artıq təhlükəli 90 dərəcə enişə girmişdi.

Sürətlə enən təyyarə dağlıq marşrutu üçün minimum təhlükəsiz hündürlükdən aşağı düşdü. Saat 00:59-da, yaxınlıqdakı Novokuznetskdə hava nəqliyyatının idarə olunması yerinin yenilənməsini gözləyərkən, 593 saylı reys radarlardan itdi.

Təyyarə Rusiyanın cənubundakı Kemerovo vilayətində Kuznetsk Alatau dağ silsiləsində təxminən 160 mil/saat yüksək şaquli sürətlə qəzaya uğrayıb və göyərtəsində olan 74 nəfər həlak oldu.

“Aeroflot” əvvəlcə pilotların günahını inkar etsə də, kokpit səs yazıcısının stenoqramının sızması hadisələrin əsl gedişatını ortaya qoydu.

Havaların isinməsiylə bağlı paytaxt sakinlərinin və şəhərimizin qonaqlarının ən çox üz tutduqları məkanlardan biri də Dənizkənarı Milli Parkdır. Bu məkanda hər yaşda olan insanların əylənməsi və mənalı vaxt keçirməsi üçün bir çox imkanlar var. Amma bu günlərdə sosial şəbəkələrdə məlumat yayılmışdı ki, Parkdakı "Şeytan çarxı” işləmir.

TEREF xəbər verir ki, mövzu ilə bağlı Dənizkənarı Bulvar İdarəsindən Bizim.Media-nın sorğusuna cavab olaraq bildirilib:
"Yeni Bulvar”da yerləşən "Şeytan çarxı” kimi tanınan Panorama atraksionu mart ayında yenidən istifadəyə verilib. Bir müddət əvvəl təmirə bağlanan akraksiona baxış keçirilməsi məqsədilə Niderlanddan ekspertlər dəvət olunub, ekspertlər tərəfindən çarxın istismara yararlılığına dair rəy verilib. Panorama atraksionu yalnız küləkli hava şəraitində çalışmır. Dənizkənarı Milli Parka yeni atraksionların gətirilməsi mərhələli şəkildə davam edəcək”.
Qurumdan o da bildirilib ki, Dənizkənarı Milli Parkda fəaliyyət göstərən atraksionlar, oyun qurğuları mütəmadi olaraq texniki baxışdan keçirilir, həmçinin işçilərin, mühəndis texniklərin bilik səviyyələri yoxlanılır:
"Bundan əlavə Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi il ərzində bir neçə dəfə Dənizkənarı Milli Parkda fəaliyyət göstərən atraksionlara baxış keçirir. Nəzarət-yoxlama tədbirləri zamanı atraksionların təhlükəsiz istismarının təmin olunması məqsədilə həmin qurğuların texniki təhlükəsizlik tələblərinə uyğunluğu yoxlanılır”.

Moskvanın Basmannı məhkəməsi “Reuters“ xəbər agentliyinin prodüseri Konstantin Qabovu “NavalnyLIVE” “YouTube” kanalında materiallar dərc etdiyinə görə həbs edib.

Bu barədədə məhkəmənin mətbuat xidmətindən məlumat verilib.

“Reuters” xəbər agentliyinin xəbər xidmətinin prodüseri Rusiya Federasiyası Cinayət Məcəlləsinin 282.1-ci maddəsinin 2-ci hissəsində nəzərdə tutulmuş cinayəti törətməkdə (ekstremist birlikdə iştirak) ittiham olunur. K. V. Qabov “NavalnyLIVE” “YouTube” kanalında yayımlanmaq üçün videomateriallar, fotoların hazırlanmasında iştirak edib. Məhkəmə onun barəsində 2 ay müddətinə, yəni 2024-cü il iyunun 27-dək həbs qətimkan tədbiri seçib”, – məlumatda qeyd olunub.