Taksi və avtobus sürücülərini üz-üzə qoyan PROBLEM

Yaradılıb 26.09.2024 09:24 | Baxış sayı: 197
Ardını oxu...
Sərnişinlərin mənzil başına tez və rahat çatmaları üçün paytaxtın bir çox küçə və prospektlərində avtobusların rahat və maneəsiz hərəkəti üçün avtobus zolaqları çəkilib.

Lakin zolaqların olmasına baxmayaraq, avtobus sürücüləri onlardan istifadə etmirlər.

Sürücülər məsələ ilə bağlı bildiriblər ki, ağac budaqları, avtobus zolaqlarında qoyulan zibil qutuları avtobusların hərəkətinə mane olur:

"Məcburuq ki, zolaqdan kənara çıxaq".

Taksi sürücüləri üçün nəzərdə tutulan dayanacaqlara da avtobus zolağı çəkən müvafiq qurum əslində həmin istiqamətdə demək olar ki, avtobus hərəkəti olmadığını nəzərə almayıb. Ekspertlər deyirlər ki, bu kimi hallar qəbulolunan deyil və problemin həlli zəruridir.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, 28 May küçəsində zolaq çəkilsə də, hələ ki həmin ərazidə tamamlanma işləri aparılır və elə bu səbəbdən də taksi dayanacağı ləğv edilib.

Avtobusların zolaqdan çıxmasına gəlincə isə AYNA-nın açıqlaması belə olub:

"Manevretmə, geridönmə və müxtəlif maneələrlə rastlaşdığı təqdirdə avtobuslar onlar üçün ayrılmış zolaqdan kənara çıxmaq məcburiyyətində qalırlar. Bu kimi hallar olmadığı təqdirdə avtobuslar təşkil edilmiş zolaqla hərəkət etməlidirlər. Bununla bağlı daşıyıcılarla iş aparılır. Onlara sürücülərin sərnişindaşıma və yol hərəkəti qaydalarına riayət etmələri ilə bağlı maarifləndirici söhbətlərin aparılması tapşırığı verilir".

Ətraflı Baku TV-nin süjetində:

 

Ölkədən çıxışa QADAĞA: Hansı hallarda xaricə gedə bilməyəcəksiniz?

Yaradılıb 26.09.2024 09:15 | Baxış sayı: 170
Ardını oxu...
Azərbaycan bəzi hallarda vətəndaşlar ölkəni tərk etmək istəyərkən problemlə qarşılaşırlar. Belə ki, onların ölkəni tərk etməsinə məhdudiyyət və qadağalar olduğu üçün xaricə səfər edə bilmirlər.

AJMEDİA.İNFO xəbər verir ki, ölkədən çıxışa hansı hallarda qadağa qoyulmasını və hüquqi əsasları baku.ws araşdırıb.

Əgər hava limanında və ya quru sərhədlərində geri qaytarılmaq istəmirsinizsə, qanunvericilikdə nəzərdə tutulan bu halları diqqətlə izləməyiniz vacibdir.

Azərbaycan Respublikasının vətəndaşı yalnız müəyyən qanuni əsaslarla ölkəni tərk etmək hüququndan məhrum edilə bilər. Bu vəziyyətlər Azərbaycan Respublikası Miqrasiya Məcəlləsi, Azərbaycan Respublikası İnzibati Xətalar Məcəlləsi, və Azərbaycan Respublikası Cinayət Məcəlləsi kimi qanunvericilik aktlarında qeyd olunur.

Bu hallarda ölkədən çıxışa qadağa qoyula bilər:

1. Məhkəmə qərarı ilə ölkəni tərk etmək qadağası

Vətəndaşlar məhkəmə qərarı ilə ölkəni tərk etmək hüququndan məhrum edilə bilərlər.

Aşağıdakı hallarda məhkəmə tərəfindən belə bir qərar verilə bilər:

Cinayət təqibi altında olan şəxs: Əgər vətəndaşa qarşı cinayət işi açılıbsa və istintaq zamanı onun ölkədən çıxışı məhdudlaşdırılıbsa, bu şəxsin sərhədi keçməsinə icazə verilməyəcək.

Cərimə və ya borc öhdəliyi olanlar: Məhkəmə qərarı ilə borc öhdəliklərini yerinə yetirməyən şəxslərin ölkəni tərk etməsi məhdudlaşdırıla bilər. Bu bura həmçinin vergi borcu olan şəxslər də daxildir.

2. Əsgərlik öhdəliyi

Əsgərlik öhdəliyi olan, lakin həmin öhdəliyi yerinə yetirməyən kişilər ölkəni tərk edə bilməzlər. Qanunvericiliyə əsasən, əsgərlik yaşı çatmış şəxslər ölkədən çıxış zamanı yoxlanılır və əgər hərbi xidmətə çağırışdan yayınıblarsa, hava limanında və ya sərhəddə geri qaytarıla bilərlər.

3. Məhkəmə qərarı ilə zamin duran şəxslər
Banka zamin duran şəxsin ölkəni tərk etməsi məhdudlaşdırıla bilər. Əgər zamin dayandığı borclu öhdəliklərini yerinə yetirmirsə və məhkəmə tərəfindən qərar çıxarılıbsa, zamin olan şəxs də məsuliyyət daşıyır və onun da ölkəni tərk etməsi qadağan oluna bilər.
4. Dövlət sirrini bilən vəzifəli şəxslər
Dövlət sirrinə malik olan vəzifəli şəxslərin ölkədən çıxışı məhdudlaşdırıla bilər. Bu şəxslərin ölkəni tərk etməsi milli təhlükəsizliyə zidd hesab olunduqda, xüsusi qaydalar əsasında onların hərəkətləri məhdudlaşdırılır.

5. Qanunsuz miqrasiya və saxta sənədlərlə ölkəni tərk etmə cəhdi
Əgər bir şəxs saxta sənədlərlə və ya qanunsuz miqrasiya məqsədilə ölkəni tərk etməyə cəhd edərsə, hava limanında və ya sərhəddə bu cəhdin qarşısı alınır və şəxs geri qaytarılır.
6. İnzibati və ya cinayət işləri üzrə borclular

İnzibati və cinayət işləri üzrə dövlətə və ya vətəndaşlara borclu olan şəxslər (məsələn, aliment ödəməyənlər) də ölkəni tərk edə bilməzlər. Bu cür şəxslərin ölkəni tərk etmə hüququ məhkəmə qərarları əsasında məhdudlaşdırıla bilər.
 

Bakıda bu ərazidəki evlər siyahıya alınır: SÖKÜLƏCƏK - VİDEO

Yaradılıb 25.09.2024 11:49 | Baxış sayı: 237
Ardını oxu...
Bakının Yasamal rayonu ərazisində yeni söküntü olacaq. Evlər söküləcək, ərazidə park salınacaq.
Artıq 199 nömrəli orta məktəbin yanından başlayaraq Baş Prokurorluğun binasının arxa hissəsinə kimi olan ərazidə yerləşən evlərin siyahıyaalınma prosesinə start verilib. Sakinlər Nizami və Lev Tolstoy küçələrindəki fərdi evlərdən söhbət getdiyini desələr də, iddia edirlər ki, təkcə fərdi evlərə deyil, ərazidəki bütün köhnə tikililərə də baxış keçirlib.
Yasamal Rayon İcra Hakimiyyətinin Ərazi idarəetmə şöbəsinin müdiri Cəmil Qarayev "Xəzər Xəbər”ə təsdiqlədi ki, həmin ərazidə söküntü olacaq. Əhaliyə məxsus fərdi yaşayış evlərlərlə yanaşı, köhnə tikililər sökülərək yerində park inşa olunacaq. Hazırda Nizami və Lev Tolstoy küçələrində yaşayış fondunun inventarizasiyası aparılır. Siyahıya alınma prosesi başa çatdıqdan sonra köhnə tikililərin memarlıq abidəsi olub - olması yoxlanılacaq. Fərdi yaşayış evlərinin dəqiq sayı da müəyyənləşəcək. Evlərin hissə-hissə söküntü mərhələsinə gələn ildən etibarən başlanılacaq. Ərazidə park salınması nəzərdə tutulduğu üçün heç bir yaşayış binası inşa olunmayacaq.
Kompensasiyanın dəqiq məbləğini isə Maliyyə Nazirliyi müəyyənləşdirəcək.
Xezerxeber.az-ın mövzu ilə bağlı daha ətraflı videomaterialı təqdim edirik:

 

Bakıda bu binaların qiyməti süni formada ARTIRILIR - MÖHTƏKİRLƏR İŞ BAŞINDA!

Yaradılıb 25.09.2024 09:51 | Baxış sayı: 235
Ardını oxu...
2016-cı ildən etibarən Bakıda köhnə, istismar müddətini bitirmiş və qəzalı vəziyyətdə olan binalar sökülərək yenibinalar ilə əvəzlənib. Hazırda Bakıda minlərlə istismar müddətini bitirmiş köhnə çoxmənzilli bina var. Bakı günü-gündən inkişaf edir. 2, 5, 7 və 9 mərtəbəli köhnə binalar istismar müddətini bitirsə də hələ də onlardan istifadə edilir.

Bəs Bakıda aparılan söküntü işləri mənzillərin bahalaşmasına səbəb ola bilərmi? Mövzu ilə bağlı Sonxeber.az-a danışan əmlak məsələləri üzrə ekspert Elnur Fərzəliyev deyib ki, paytaxt Bakı şəhərində bəzi rəqəmlərə görə 11 minə yaxın istismar müddətini bitirmiş köhnə çoxmənzilli yaşayış binaları var:

"Həmçinin paytaxtın mərkəz və mərkəzə yaxın ərazilərində fərdi yaşayış evlərindən ibarət olan çox böyük yaşayış massivləri var ki, onlar istismar müddətini bitirmiş və şəhərin xarici estetik gözəlliyinə xələl gətirir. 2016-cı ildən başlayaraq Nazirlər Kabinetinin 86 saylı sərəncamına əsasən paytaxt Bakı şəhərində istismar müddətini bitirmiş və qəzalı vəziyyətdə olan köhnə çoxmənzilli yaşayış binalarının söküntüsü prosesi davam edir. Bu günə qədər onlarla çoxmənzilli yaşayış binaları sökülüb. Artıq 2023-cü ilin dekabr ayında Bakı şəhərinin baş planı təsdiqləndi. 2040-cı ildə Bakı şəhəri baş planda göstərildiyi kimi tikilib təhvil verilməlidir. Köhnə binalar sökülərək əvəzində yenitikili binalar ilə əvəzlənəcək. Digər hissəsi isə dövlət ehtiyacları üçün alınaraq infrastruktur üçün istifadə olunacaq".

Ekspertin sözlərinə görə, mənzillərin söküntüsü köhnə tikili binalara olan tələbatı artırır. Köhnə tikili binalar ipoteka kreditinə çevrilməsə də onların süni formada qiymət artımı davam edir:

"Bu tip binalardan mənzil alan şəxslər daha çox yatırım üçün mənzilləri alaraq onların söküntüsünü gözləyir. Hər hansı bir köhnə tikili bina sökülərkən onun yerində inşa olunan yeni tikili binada vətəndaşın otaq sayına uyğun daha böyük sahəsi olan mənzillər təqdim olunur. Bu mənzillərin bazar dəyəri vətəndaşın köhnə mənzilindən daha baha qiymətə bazarda dəyərləndirilir. Bundan əlavə, vətəndaşın evi sökülərkən ona yeni mənzil verilən günə qədər ortalama 2-3 il müddətinə vətəndaşa hər ay kirayə və köç xərcləri ödənilir. Bu baxımdan söküntülərin sürətlənməsi daha çox ona görə vacibdir ki, sökülən binalar daha çox qəzalı vəziyyətdə olan binalardır. Hər hansısa bir zəlzələ yaxud təbii fəlakət baş verərsə, ilk olaraq qəzalı vəziyyətdə olan binalar zərər görmüş olacaq. İnsan tələfatı bu zaman qaçınılmaz olacaq. Vətəndaşların özləri də onların qəzalı vəziyyətdə olan binaların sökülməsinə maraq göstərməlidir. Bu onlara gələcəkdə baş verə biləcək hər hansı bir təhlükədən qorumuş olur. Başqa bir tərəfdən vətəndaşın əmlakının dəyəri iki dəfəyə qədər yeni mənzillər ilə dəyərləndirilir".
 

"Metrodan minlərlə insan əziyyət çəkir, amma..." - VİDEO

Yaradılıb 25.09.2024 09:41 | Baxış sayı: 205
Ardını oxu...
"Ötən gün saat 6-7 ərəfəsində metroya minmək istədim. 1 saat platformada gözlədim, interval 5 dəqiqə idi. Minmək olmur. Orada ürəyi daralan kim, sıxılan kim... Orada da oturmaq olmurdu, ürəyim ağrıdı. Bələdçi əlində mikrofon dayanmırdı ki, geri çəkilin. 1 saat sonra mindim vaqona, amma yenə ayaqüstə. Nə üçün biz bunu çatdırmırıq". Pravda.az axşam.az-a istinadən xəbər verir ki, bu sözləri aparıcı Mehman Rəsulov "Xəbər-ətər" proqramında deyib. Aparıcı metrodan şikayətlənib.

Aparıcı Aytən Səfərova isə məsələyə "Bəs deyirdilər, vaqonlarda interval azaldılacaq? Nə oldu? 30 saniyəlik interval çatdırmırsa, 15 saniyə edilməlidir. Havalandırma yoxdur, tənzinlənməlidir. Metro stansiyalarının perronunda qapıların yeri xətlənməyib. Dünyanın hər yerində xətlənib, bizdə yox. Kim harada durdu durdu. Vaqonlar dəyişmir, köhnə vaqonlardır. Bizdə metroda hamısı deyir "Yeni mövsümə hazırıq, havalandırma yaxşıdır"... Problem var, həll edilməlidir. Bu problemdən minlərlə insan əziyyət çəkir. Metroda özümü balerina kimi hiss etmişəm, bir ayaq üstə dayanmışam, insanlar məni saxlayıblar" sözləri ilə reaksiya verib.

Mehman isə "Yerüstü nəqliyyat çatdırmır, metro problemi həll olunsun" deyə, əlavə edib.


 

"Tələbə universitetə çimərlik paltarında gəlməli deyil" - Millət vəkilindən həmin müəllimə DƏSTƏK

Yaradılıb 25.09.2024 09:35 | Baxış sayı: 244
Ardını oxu...
"Ehtiyac yaranarsa, universitetlərdə vahid geyim formasına keçiriləcək".

Bu sözləri Redaktor.az-a Milli Məclisin Elm və təhsil komitəsinin üzvü, deputat Ceyhun Məmmədov tələbələrin dərslərə necə geyinməli olduğunu şərh edərkən dedi. Onun sözlərinə görə, düzgün geyinməyənlərin sayı artdıqda, bu məsələyə baxıla bilər.

"Mən hesab edirəm ki, universitetlərdə xüsusi vahid formaya hələ ki, ehtiyac yoxdur. Çünki biz düşünürük ki, orta məktəblərdə şagirdlər vahid forma geyinərək, geyim mədəniyyətinə yiyələnirlər və artıq onlar anlayırlar ki, universitetdə də səliqəli, təmiz geyinməli, universitetə o formada gəlməlidir. Amma bizim gördüyümüz odur ki, gənclər bunu dərk etmir və anlamır və bu da bir sıra hallarda təbii ki, problem yaradır. Getdikcə universitetə "çimərlik" paltarında gələnlərin sayı artarsa, ola bilər ki, gələcəkdə biz bu barədə düşünək və belə bir qərarın qəbul edilməsinə ehtiyac olsun. Bu gələcəyə doğru mümkün, atılmalı olan addımlardan biridir. Hazırda isə tələbələr daha diqqətli, daha səliqəli, daha uyğun geyinib gəlməlidir".

Millət vəkili həmçinin qeyd etdi ki, tələbənin şəklini çəkən müəllimin yerinə, düzgün geyinməyən gənclər qınanmalıdır.

"Mən burada qeyd etmişəm, əlavə olaraq bir daha qeyd edirəm ki, mən düşünürəm ki, mediamız müəllimi yox, həmin etik qaydalara əməl etməyən tələbələri qınamalıdır. Tələbə universitetə çimərlik paltarı ilə, idman paltarı ilə gəlməli deyil. O, artıq formalaşmış şəxsdir, o şagird deyil. O anlamalıdır ki, universitetdə müəyyən normalara və qaydalara əməl edilməlidir. Yəni universitetə gedən insan soyunub getməməlidir. Universitetə gedən insan səliqəli geyinməlidir, təmiz geyinməlidir. O, gələcəkdə dövləti təmsil edəcək, ayrı-ayrı qurumlarda, strukturlarda işləyəcək. Ona görə də, yəni bu məsələlər xüsusi diqqətdə saxlanılmalıdır və tələbələr də diqqətli olmalıdır və media da müəllimi yox, o cür geyinən tələbələri qınamalıdır".

Xatırladaq ki, Azərbaycan Tibb Universitetinin müəlimi Nazxanım Nəzirbəyin təhsil ocağının tələbələrinin fotosunu çəkməsi və üstəlik bunu sosial şəbəkədə paylaşaraq “bu geyimdə dərsə gələnlər dərsimə buraxılmır. Dekoltelər, yarım qarış “yubka”larınızı gecə klublarında geyinin” deməsi müzakirələrə səbəb olub.
 

 Müştəridən yemədiyi yeməyin pulu da istənilir... - GİLEY

Yaradılıb 24.09.2024 09:29 | Baxış sayı: 255
Ardını oxu...
Adı bir müddət əvvəl mətbuatda yetərincə hallandırılan Bakıdakı "Çanaqqala" restoranından bu dəfə müştəriləri giley edir. Dia-az.İnfo xatırladır ki, bir müddət əvvəl "Çanaqqala"nın sahibinin restoran yerləşən ərazini qanunsuz olaraq zəbt etdiyi iddia olundu. Doğrudur, bu suaallara hansısa formada aydınlıq gətirilmədi də.

İndi isə vətəndaş "Müştəriyəm Şikayətim Var" sosial qrupunda giley edir. Dia-az.İnfo həmin postu təqdim edir:

" "Gənclik"dəki "Çanaqqala" restoranında otursanız əgər, gələn hesab çekinə mütləq göz yetirin..

Çünki dünən axşam oturduq ailəvi... 10 nəfər idik. Sonda çekdə əlavə şeylər də yazılmışdı. Əlavə sular... əlavə kabablar..

Şikayəti bildirdik... Əlavə yazdıqlarını sildiler. Sonda yeni çek çıxarıb gətirdilər...

Diqqətli olun..."

Ardını oxu...
 

Abşeron dairəvi dəmir yolu xəttində ləğv edilmiş reyslər bərpa olundu

Yaradılıb 24.09.2024 08:56 | Baxış sayı: 227
Ardını oxu...
"Bu ilin yazında günorta saatlarında Abşeron dairəvi yolunda ləğv olunan 6 reysin 4-ü 16 sentyabrdan bərpa olunub".

Yenisabah.az xəbər verir ki, bunu jurnalistlərə açıqlamasında "Azərbaycan Dəmir Yolları" QSC-nin (ADY) Sərnişin daşımaları departamentinin rəisi Azər Fərəcov deyib. O, digər 2 reysin də ilin sonunadək bərpa olunmasının gözlənildiyini bildirib:

"Reyslər arasında pəncərənin verilməsi bizim kontakt şəbəkədə infrastrukturda apardığımız sağlamlaşdırma işləri ilə bağlıdır. Bu, qatarların hər hansı qrafikdən çıxması və xoşagəlməz halların baş verməməsi baxımdan önəmlidir". v
 
 

 

Bakıda insident: şirkətin ekskavatorunu kim və niyə yandırdı? - VİDEO

Yaradılıb 24.09.2024 08:47 | Baxış sayı: 252
Ardını oxu...
“Pilot-16” MMC-nin “Eleven Park” yaşayış kompleksinin tikintisini apardığı Novruzov qardaşları küçəsində insident baş verib. Belə ki, mülkiyyət hüquqlarının pozulduğunu iddia edən vətəndaş şirkətə məxsus ekskavatoru yandırıb.

Bu barədə məlumat sosial şəbəkələrdə yayılıb.
Editor.az -ın yazdığına görə, vətəndaşın bu addımı atmasına şirkətin gecə saatlarında heç bir xəbərdarlıq etmədən insanların faktiki yaşadığı evi dağıtmağa çalışması səbəb olub.
"Qalmaqallı “Pilot-16” şirkəti davamlı olaraq medianın gündəminə vətəndaşların evlərini başına uçurtmaq, mülkiyyət hüquqlarını pozmaq, sakinlərin həyatı üçün təhlükəli şəraitdə tikinti işləri aparmaqla gəlir.
Qeyd edək ki, şirkətin rəsmi baş direktoru isə Aslan Quliyev olsa da, mediada faktiki sahibinin keçmiş oliqarx deputat Əsabil Qasımovun oğlu Taleh Qasımov olduğu iddia olunur", - deyə saytın yaydığı məlumatda qeyd olunur.
Ardını oxu...

 
 
 

7 körpənin ölümünə yol açan məşum yanğın məhkəmədə araşdırılacaq - PERİNATAL MƏRKƏZ RƏSMİLƏRİ MÜTTƏHİMDİR

Yaradılıb 23.09.2024 12:00 | Baxış sayı: 410
Ardını oxu...  

 Bu gün, sentyabrın 23-də Bakı Ağır Cinayətlər Məhkəməsində "Respublika Perinatal Mərkəzi" PHŞ-də baş vermiş yanğınla bağlı məhkəmənin hazırlıq iclası keçiriləcək. Hakim qarşısına Mərkəzin həbs edilən direktoru və anesteziologiya, reanimasiya və intensiv terapiya şöbəsinin müdiri Hamlet Mustafayev, Dəstək Xidmətləri şöbəsinin müdiri Elnur Əhmədli və həmin mərkəzin şöbə rəisləri vəzifəsində işləmiş Hamlet Mustafayev çıxarılacaqlar.

Musavat.com xəbər verir ki, cinayət işi hakim Leyla Əsgərova-Məmmədova sədrliyi ilə araşdırılacaq.

Məşum olay bu ilin yanvarın 9-da “Respublika Perinatal Mərkəzi” PHŞ-nin inzibati binasında baş verib. Yanğınla bağlı Azərbaycan Respublikasının Baş Prokurorluğunda Cinayət Məcəlləsinin müxtəlif maddələri ilə cinayət işi başlanıb. İbtidai istintaq Baş Prokurorluğun İstintaq idarəsində aparılıb. İstintaqla müəyyən olunub ki, Mərkəzin Anesteziologiya, reanimasiya və intensiv terapiya şöbəsinin Yenidoğulmuşların intensiv terapiya bölməsinin yerləşdiyi dördüncü mərtəbədəki palatasında baş vermiş yanğın nəticəsində 7 yenidoğulmuş ölüb, 4 nəfər xəsarət alıb. Yanğın nəticəsində müəssisəyə  ümumilikdə 361 min manat məbləğində maddi ziyan dəyib.

 Bundan başqa, Mehriban Abasquliyevanın 27 dekabr 2022-ci ildə Mərkəzin direktoru təyin edilməsindən sonra müəssisənin tibbi təminat resursları və potensialını nəzərə almadan xəstə qəbulu sayını iki dəfəyədək artırması nəticəsində müəssisənin elektrik təsərrüfatının artıq yüklənərək sonda yanğına səbəb olmasına əsaslı şübhələr müəyyən edilib. Eyni zamanda istintaqla, Fövqəladə Hallar Nazirliyi tərəfindən Mərkəzdə yoxlamalar aparılaraq yanğın təhlükəsizliyi qaydaları, xüsusən də, mövcud avtomatik yanğın xəbərverici siqnalizasiya qurğusunun nasazlığı, daxili yanğın su kranlarının işlək olmaması və elektrik təsərrüfatında nöqsanların olması Mərkəzin rəhbərliyinə bildirilsə də, direktor və Mərkəzin Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədlinin nöqsanları aradan qaldırmamalarına əsaslı şübhələr müəyyən edilib.  Mərkəzin direktoru vəzifəsində işləmiş Mehriban Abasquliyeva Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri, həmin mərkəzin şöbə rəisləri vəzifəsində işləmiş Hamlet Mustafayev və Elnur Əhmədli isə Cinayət Məcəlləsinin 225.3-cü maddəsi ilə təqsirləndirilən şəxs qismində cəlb edilərək onlara həmin maddələrlə nəzərdə tutulan ittiham elan edilib.

Cinayət işi üzrə zərərçəkmiş qismində "Respublika Perinatal Mərkəzi", Elçin Gülmalı oğlu Nəcəfov, Vaqif İntiqam Hacıyev, Aynurə Qalib qızı Əhmədova, Gülbahar Zülfüqarova zərərçəkmiş qismində tanınıb.

 

E.MƏMMƏDƏLİYEV,
Musavat.com

 
 
 

Dünyapress TV

Xəbər lenti