Xalq artisti Faiq Ağayev, müğənni Samir Bağırovun kliplərinə çəkilən model Rövşanə Kərimovanın (Şou-biznesdə Təhminə kimi tanınırdı – red.) anası efirə çıxaraq kömək istəyib.
Tribunainfo.az xəbər verir ki, modelin anası “Elgizlə izlə” proqramında qızının hazırda narkotik alidəçisi olduğunu, küçələrdə yaşadığını, dilənçilik etdiyini bildirib:

“Rövşanə Britaniya vətəndaşı, milyarder iş adamı ilə evli olub. O, elə bir zəngin insan idi ki, Bakıda oturub, Londonda villasının işıqlarını yandırıb-söndürürdü. İngilis kürəkənim Bakıda neft şirkətində böyük vəzifədə çalışırdı. Onların autizmdən əziyyət çəkən bir uşaqları var. Əri gördü ki, arvadı bu vəziyyətə düşüb ondan uzaqlaşdı.
Onun alüdəçiliyi və kim tərəfindən bu hala salınmasını deyə bilmərəm. Qızımı tərbiyəli, işinə-gücünə gedən, dörd dil bilən kimi tanımışam. Onu oxutdurub, ali təhsil vermişəm. Haradan bilərdim ki, o kiməsə qoşulub, pis şeylərin alüdəçisi olacaq. Düzdür, o evə ziyan vurmurdu, amma bu dərəcəyə gəlib çıxmışıq”.
Qadın qızının bütün evlərini satdığını açıqlayıb:
“Biz belə deyildik. Ziyan odur ki, şəhərin dörd bir tərəfində evlərimiz var idi. Belə ki, yarım milyonluq bir evimiz, Bayılda dəniz mənzərəli digər evimiz, “Malakan” bağında mənzilimiz, Sabunçu dairəsinda yaşıl darvazalı villamız – hamısını satdı.
Bu evləri qızım öz adına almışdı. Ona görə də satırdı. Sonuncu evi mən öz adıma keçirtdim, onu da satdı. Əlimdən bu ev də çıxdı. Evin pərdələrinə kimi hər şeyi satdı. Qızım illər əvvəl tərcüməçi kimi çalışırdı. İngilis ərindən əvvəl isə qızım türk iş adamı ilə evli olub. Çox yaxşı bir insan idi. Onunla Bakıda tanış olub rəsmi şəkildə evlənmişdi.
Biz uzun illər Türkiyədə yaşadıq. O şəxs bizi bütün Türkiyəni gəzdirmişdi. Amma onların uşağı olmadı. Qızım hər zaman brend paltarlar geyinib. İndi evdə qalıb, heç üzünə də baxmır. Qızım hazırda küçələrdə dilənir. Bizim o qədər pulumuz var idi, bilmirdik hara xərcləyək. Qohumlarımın əksəriyyətinə Bakıda gözəl şərait qurduq. Amma indi heç biri qızımın alüdəçiliyinə görə yaxın belə durmur. Hamı bizdən uzaqlaşıb. Heç kim bizi saymır”.
Qadın əlavə edib ki, qızını xəstəxanaya qoyub, 7 ay müalicə alıb, amma sağalmayıb.

Tanınmış jurnalist Türkan Məmmədli ötən gün intihar edən həyat yoldaşı Orxan Məmmədli ilə bağlı yayılan xəbərlərə münasibət bildirib.

O, bu barədə özünün instaqram hesabında paylaşım edib.

“Faciəmdən reytinq tutanlara haqqımı halal etmirəm. Orxanı sevib ailə qurmuşam, gözəl ailəm olsun deyə daima çabalamışam. İki gözəl oğlumuz var, rəsmən boşanmamışdıq. Onun vəfatı mənə çox ağır gəlir. İnsanlığınız olsun, qoyun dərdimi çəkim. Dünyam uçub, siz şər-böhtan, reytinq hayındasınız. Orxanın ruhunu incitməyin” - T.Məmmədli yazıb.

Azərbaycanın Birinci vitse-prezidenti Mehriban Əliyeva sosial media hesabında Müstəqilliyin Bərpası Günü ilə bağlı paylaşım edib.

Teref.az paylaşımı təqdim edir.

Bakıda müğənninin qətlə yetirildiyi ərazidən yeni görüntülər yayımlanıb.

Bizim.media xəbər verir ki, aparılan araşdırmalar zamanı 1984-cü il təvəllüdlü Anar Həşimovun Nizami rayonu, Şərifli küçəsində birgə yaşadıqları mənzildə ailə münaqişəsi zəminində aralarında yaranmış mübahisə zamanı arvadı Yaqut Həşimovanı bıçaq xəsarətəri yetirməklə qəsdən öldürməsinə əsaslı şübhələr müəyyən edilib.

Qeyd edək ki, Yaqut Həşimova müğənnilik fəaliyyəti ilə məşğul olurmuş. O, “Azəristar” yarışmasının iştirakçısı olub və şou-biznesdə Yaqut Nəriman kimi tanınır. Y.Nərimanı qətlə yetirməkdə şübhəli bilinən həyat yoldaşı Anar Həşimov onun xalası oğludur. Onlar 2013-cü ildə ailə həyatı qurublar və bir övladları var. Hadisə qısqanclıq zəminində törədilib.
Hadisə yerindən görüntüləri təqdim edirik:

“Sağlamlığımla bağlı sizə açıqlama verim, indi özümü daha yaxşı hiss edirəm, sadəcə bədənin toxumaları zədələnib və çox həssaslaşıb. İnşallah o da zamanla düzələcək və əvvəlki formasına qayıdacaq. Həkim sağ olsun, həqiqətən mənim bədənimi geldən təmizlədi. Abses (red. Abses (lat. abscessus – irinlik) – iltihab nəticəsində məhdud boşluqda irin toplanması) dayandı. Ondan sonra bədəni əvvəlki formaya salmaq üçün növbəti əməliyyata girdim”.

Bu sözləri ombasına gel vurdurduqdan sonra ciddi sağlamlıq problemləri ilə üzləşən model Leyla Mirzəliyeva deyib.

O bildirib ki, ombasındakı çürümə dayanıb və yaraları sağalmaq üzrədir. Model həmçinin geli bir il əvvəl vurdurduğunu və bir il ərzində 9-dan çox əməliyyat keçirdiyini etiraf edib.

“İnşallah zamanla üzüm yenidən güləcək və bütün çətinliklərim geridə qalacaq”, – Leyla bildirib.

O, bədəninə gel vurdurmasının və liposaksiya (liposaksiya (piy sovrulma) və lipofillinq (lipoqraftinq), yəni alınmış piy toxumalarının bədənin müxtəlif yerlərinə transfer olunması) etdirə bilməməsinin səbəblərini ətraflı izah edib:

“Off baxıram o qızlara, gedib əməliyyat edirlər, həmişə onlara sual verirəm ki, necə belə kökələ bilmisiniz? Deyir ki, yeyib kökəlmişəm. Mən isə nə qədər yedim kökələ bilmədim. Arıq idim deyə liposaksiyaya heç bir həkim götürmürdü. Əsəbiləşdim, getdim gel etdirdim, öz də gel liposaksiyadan bahadı”.

Model qeyd edib ki, dost bildiyi insanların çoxu dar günündə ona dəstək olmayıb:

“1-2 nəfər bilirəm ki, sevinirdilər, özlərini narahat olmuş kimi göstərirdilər. Amma danışanda hiss edirdim ki, ürəyi sevinir. Mənim daha pis vəziyyətimi görmək istəyirdilər. Sizə bir şey deyim, insanın sizə düşər-düşməzliyinə inanırsınız? Mən inanıram, çünki həyatınızdakı insanın ağır aurası və nəfsi həyatınızı çətinləşdirə bilər. O insanın həyatı zibil kimidirsə, sizinki də elə olacaq. Odur ki, içi paxıl, fəsadlı insanları özünüzdən uzaqlaşdırın”


Milli.az

- Böyük-kiçik deyib bir-birilərinə güzəştə getmədilər... həm də, “mübahisəni necə edərlər”in yaxşı mənada örnəyini verdilər...
İsraillə Fələstin arasında müharibə Azərbaycanda da ölkə gündəminin əsas mövzusu olaraq qalır. Kimin haqlı, kimin haqsız olması, Azərbaycanın (azərbaycanlıların) kimin yanında olması ilə bağlı müzakirələrə az-çox sosiallaşmış hər kəs qatılır. Təəssüf ki, qapalı cəmiyyətlərə xas olan fərqli fikirlərə dözümsüzlük, nifrət, kin-küdurət bu müzakirələrin içindən fontan vurur. Etik çərçivələri aşmayan, şəxslərin yox, hadisənin müzakirə olunduğu, qarşılıqlı ittihamlara yol verilməyən müzakirələr çox da deyil.
Bu, təhlükəli tendensiyadır. İdarəçilər bundan narahat olmalıdırlar. Amma görünən odur ki, ya bu təhlükəni anlamırlar, ya da elə istədikləri budur.
Yetərincə sərt tonda, amma normal polemikanın qaydalarına riayət edilməklə baş tutan belə mübahisələrdən biri diqqətimizi şəkdi. Həm də ona görə yox ki, müzakirə iştirakçıları yetərincə tanınmış simalardır (ikisi çox gənc olmasına baxmayaraq), həm də ona görə ki, onlar bir ailənin üzvləridirlər: ana və iki bacı. Ana status yazdı, müzakirələrə qızları da qatıldı. Doğmaların baş verənlərə fərqli baxışları var idi, böyük-kiçik deyib bir-birilərinə güzəştə getmədilər. Həm müzakirə maraqlı alındı, həm də “mübahisəni belə edərlər” deyə örnək verdilər.
Həmin hissəsəni izləyicilərimizə də təqdim edirik.
Zümrüd Yağmur, yazıçı:
"Sadə insani münasibət "Fələstin erməniləri dəstəkləyib, əcəb edirlər", ya da "İsrail müsəlmanlara zülm edir, əcəb olub" olmamalıdır. Nə yazıq ki, müharibələr həyatımızın reallığıdır hələ də. Demək, istənilən münaqişədə beynəlxalq hüquq normaları əsas götürülməlidir. Məsələyə "mənim, sənin" yanaşması çox ibtidaidir və dünən HƏMAS -ın etdiyi necə barbarlıq idisə, bu gün də "su, yemək, elektrik olmaycaq" deyib Qəzzanın bu şəkildə mühasirəyə alınması, ağına-qarasına baxmadan bombalanması vəhşilikdir. Orda 2 milyondan çox insan yaşayır və artıq 20 uşaq həyatını itirib.
Beynəlxaq hüquq norması deyiriksə, bu hamı üçün keçərli olmadıqca, "ağ, qara" insan bölgüsü olduqca,. demək ki, işləməyəcək. Və biz hələ çox vəhşiliklərin, müharibənin şahidi olacağıq.
Selçan Yağmur:
"İsrail bombalamadan öncə sivillərə hansı binanın hədəf alınacağını bir saat öncədən bildirir. Üstəlik, mesajlar ərəb dilində göndərilir. Hər şeyə rəğmən İsrail əxlaqi cəhətdən daha etik mübarizə aparır. Vəziyyət dəhşətlidir ancaq İsrailin hal hazırda Qəzzanı götürməkdən başqa seçimi yoxdur. Qəzza İsrailin varlığına təhlükədir."
Zümrüd Yağmur:
"Seljan Yaghmurova ona görə 20 uşaq ölüb? İkinci, o bombardımanda sağlam psixologiya qalar? HƏMAS la mübarizə Qəzzanı bu şəkildə bombalama formatında olmamalıdır. Bir anlıq orda, o bombardmandakı dəhşəti düşün. Bir də su, elekrtik, yemək olmayacaq nə deməkdir? Bəs ordadkı insanlar nə yeyib nə içəcək?"
Sənay Yağmur:
"Seljan Yaghmurova, İsrail etik mübarizə aparır? Müharibə sənin üçün yarışmadır ki, ümumiyyətlə tərəf tutursan? Hər iki tərəf sivilləri hədəf alıb, alır və bunun açıqlana bilər heç bir yanı yoxdur.
İsraildəki sivil insanların hədəf alınması necə beynəlxalq hüququn normalarına ziddirsə, Qəzzadaki sivil obyektlərin hədəf alınması da eyni şəkildə qəbul edilməzdir. Ki, özünümüdafiə və s. kimi arqumentlər çox əsassızdır. Birincisi İsraildəki həmin siyasi hökümət illərdir sivillərə zülm edir, ikincisi müharibənin tərəfi olmayan sivil insanları hədəf halına çevirir, hələ bu da bəs deyilmiş kimi milyonlarla insanın yaşadığı ərazini blokadaya alıb açlığa, susuzluğa, qaranlığa həbs edir."
Selcan Yağmur:
"Küçə-küçə gəzib sivillərə atəş açan, qadının bədənini küçədə sürüyən vəhşi terroristlər, və hələ də sivilləri qorumaq məsuliyyətini yerinə yetirən bir qurum barədə danışırıq. Kimsə "yaşasın müharibə" demir burada, calm down "post colonialism

Şəhid Zaur İsmayılzadənin anası tükürpədici açıqlama verib.

O bildirib ki, oğlu şəhid olmamışdan öncə Elnarə adlı xanımla əlaqə saxlayıb və xahiş edib ki, şəhid olduqdan sonra həmin məkanda ona da yer ayırsın.

Daha ətraflı RTV-də:

Bakıda 19 yaşlı oğlan bacısını boğub öldürdü

Oktyabrın 12-də saat 23 radələrində 2003-cü il təvəllüdlü İlahə Kərimovanın ölməsi barədə Binəqədi rayon prokurorluğuna məlumat daxil olub.

Rayon prokurorluğundan “Qafqazinfo”ya verilən məlumata görə, araşdırmalarla 2004-cü il təvəllüdlü Həsən Kərimovun Binəqədi rayonu, Sulutəpə qəsəbəsi ərazisində yerləşən fərdi yaşayış evindən birində aralarında yaranmış mübahisə zamanı bacısı İlahə Kərimovanı boğaraq qəsdən öldürməsinə əsaslı şübhələr müəyyən edilib.

Faktla bağlı Binəqədi rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanılıb, Həsən Kərimov şübhəli şəxs qismində tutulub.

Hazırda ibtidai istintaq davam edir.