. ·
Bir Arap gezgin olan İbn Fadlan 922 yılında Oğuz Türklerinin yaşadığı ülkeye gelir. O tarihlerde Türkler henüz İslamlaşmamıştır.
Fadlan'ın gözlemleri Anadolu'ya girmeden hemen önce Türklerin nasıl yaşadıklarını, ahlak anlayışlarının neye dayandığını göstermesi bakımından ilginç.
İbn Fadlan, Türklerin kadın ve erkek beraberce nehirlerde yüzdüğünü görür. Bunu ahlaksızlık olarak değerlendirir.
Türklerde geçmiş zamanda da örtünme olmadığı gibi, bütün toplantılarda, ziyafet ve şölenlerde erkekler olduğu gibi, kadınlar da yer alır.
Bir de anekdot aktarır:
Bir gün bir Oğuz evinde oturuyorduk. Karısı da yanımızdaydı. Biz konuşurken kadın bir ara vücudunun görünmemesi gereken bir yerini (bacaklarını) kaşıdı. Hepimiz gördük. Hemen gözlerimizi kapatıp "Allahım sen bize günah yazma" diye yakardık. Kocası güldü ve şöyle dedi:
"Sizin önünüzde açılmamızın nedeni, gördüğünüz halde kendinizi tutmayı öğrenesiniz, diyedir. Çünkü ulaşamazsınız. Böyle olması, gizli olup da elde edilebilir olmasından daha iyidir."
Bu anekdotu aktardıktan sonra İbn Fadlan Türklerde zina olmadığını söyler. Türklerin, zina suçunu işleyeni iki kolundan iki ağaca bağlayıp (kan kartalı idamına benzer) infaz edildiğini yazar. Özetle Türklerde örtünme yoktur, ancak "ahlaksız" topluluklar değildirler.
Gerçekten de görünüşe dayalı bir ahlak anlayışı yüzlerce yıl göçebe yaşamış bir toplum için ahlak anlayışının temeli olamaz. Ancak Türk kültürünün bu kadim anlayışı, İran ve Arap dünyası ile kurulan kültürel temaslarla bozulmuş ve ortaya yeni bir sentez çıkmıştır.
9. Yüzyılda yaşamış Fars yazar ve tarihçi Taberi tarafından kaleme alınan Tarih-i Taberi'de anlatılana göre, Eski Türklerde bir kadına tecavüz etmek son derece ağır bir suçtu ve hainlikle bir tutulurdu. Vatan hainlerine ne ceza verilirse, tecavüzcülere de aynı ceza verilirdi.
Hasan Beser
Teref.az

“Laçından çıxdığımız günü xatırlamaq belə istəmirəm”.

Bu sözləri Oxu.Az-a bu gün Laçın şəhərinə köç edən keçmiş məcburi köçkün Sevda Abbasova deyib.

O bildirib ki, bu gün iki ailə olaraq Laçın şəhərinə köçün sevincini yaşayırlar:

“Bu gün həm mən qızlarımla, həm də oğlumun ailəsi ilə Laçın şəhərinə köçün sevincini yaşayırıq. Çox sevincliyik. Belə gözəl gündə Laçından çıxdığımız o çətin günləri xatırlamaq istəmirəm. Laçından çıxanda oğlumu adyala büküb çıxdım. Həmin oğlum 44 günlük Vətən müharibəsinə könüllü olaraq qatıldı, medalla qayıtdı. Bu gün mənim də borcumdur ki, oğlumun uğrunda döyüşdüyü torpağımıza alnıaçıq, üzüağ qayıdım. Bizə bu günləri yaşadan sərkərdəmiz İlham Əliyevə, Ordumuza təşəkkürümüzü bildiririk. Allah şəhidlərimizə rəhmət rəhmət eləsin, qazilərimizə cansağlığı versin!”
Qeyd edək ki, bu gün 20 ailə - 70 nəfər Laçın şəhərinə köç edir. Bu günədək isə 295 ailənin - 1 135 nəfərin Laçın şəhərinə köçü təmin edilib.

Körpənin ana bətnində inkişafı nəfəs kəsicidir. Referans.az bu möcüzəvi proseslə bağlı bəzi faktları təqdim edir.

Yuxu görürlər
İstər inanın, istər inanmayın, ana bətnində olan körpələr böyüklərdən daha çox yuxu görürlər. Hələ heç nə görməzdən əvvəl onların yuxusunun necə formalaşdığını düşünə bilərsiniz. Eşitdikləri səslər və ətrafdakı işıqlar, doğulduqdan sonra bir daha görməyəcəkləri yuxuları formalaşdırır. Bu yuxular körpə 17 həftəlik olduqda başlayır.

Doğulmamış körpə 12 həftədən sonra ağrını hiss edə bilər
Hamiləliyin 12 həftəsində körpənin sinirləri və onurğa beyni ağrı hiss edəcək qədər inkişaf edir. Yeni hissləri ilə göbək bağlarını və üzlərini hiss edə bilirlər. Onlar hətta baş barmaqlarını əmməyə də başlaya bilərlər. İnkişafın bu mərhələsində onlar hələ şaftalı ölçüsündədirlər.

20 həftəlik körpə anasının səsini eşidə bilir
20 həftə körpə üçün uzun müddətdir. 20 həftə sonra körpə artıq anasının səsini eşitdiyi digər səslərdən ayıracaq qədər inkişaf edir. O, doğum zamanı anası olduğunuzu öyrənir. Artıq ultrasəs sayəsində körpənizin hərəkətlərini hiss etməyə başlayırsınız və bununla da, onun cinsini asanlıqla öyrənə bilərsiniz.

Körpə ana bətnində nəfəs alır
Uterus amniotik maye ilə dolu olsa da, bu, körpənizin nəfəs almasına mane olmur. Ağciyərləri formalaşmağa başlayanda, təxminən 5-ci ayda körpəniz onu əhatə edən amniotik maye ilə nəfəs almağa başlayır. Bu nəfəs məşqlərinin anaya əks olunması hıçqırıq hücumlarıdır. Ata üçün əyləncəli tərəf odur ki, o, indi qulağını ananın qarnına qoyanda körpəsinin ürək döyüntüsünü eşidə biləcək.

Doğulmamış körpələr dad hiss edə bilirlər
Alimlər öz araşdırmalarında körpələrin reaksiyalarını ölçmək üçün amniotik mayeyə bəzi fərqli şeylər əlavə ediblər. Körpə şirin əlavələri sevir və onlar adi haldan daha çox amniotik maye udurlar. Turş və ya pis qatqılar olduqda, üzlərini buruşdurmaq kimi narazılıqlarını göstərən üz ifadələri ilə cavab verirlər.
Ananın ürək döyüntüsü körpənin də ürək döyüntüsünə təsir edir
Hamiləliyin son aylarında ananın etdiyi hərəkətlər körpənin ürək döyüntüsünə təsir edir. Ananın ürək döyüntüləri sürətlənirsə, körpənin də ürək döyüntüləri sürətlənir. Odur ki, anaların hamiləlik zamanı sakit olmaları və stress keçirməmələri vacibdir. Beləliklə, bir valideyn olaraq, uşağınıza təsiriniz hələ doğulmamışdan əvvəl başlayır.

Doğulmamış körpələr öyrənə bilər
Körpələrin ana bətnində yaşaması onların öyrənmə qabiliyyətinin olmaması demək deyil. Onlar təkcə analarının səsini digər səslərdən fərqləndirmirlər. Bir neçə il əvvəl aparılan araşdırmada hər gün eyni televiziya verilişinə baxan analar araşdırılıb. Bu analar körpələri dünyaya gəldikdən sonra da nəzarətdə saxlanılıb. Onların ağlama böhranı zamanı ana bətnindən alışdıqları proqramın ümumi musiqisini eşidən kimi sakitləşdikləri müşahidə edilib. Körpələr analarının hamiləlik dövründə qəbul etdiyi bəzi qidaların dadını da ayırd edə bilirlər. \\Referans.az

Türkiyə millisinin sabiq futbolçusu İlhan Mansız azərbaycanlı xanımla evlənib.

“Qafqazinfo” xəbər verir ki, o, Leyla adlı qadınla ailə həyatı qurub.

Cütlük xəbəri sosial şəbəkə hesablarında paylaşıblar. Bundan başqa, onlar iki həftə əvvəl uşaqlarının olacağını da öyrəndiklərini bildiriblər.

Onların nikah mərasimi ABŞ-də baş tutub.

Məlumata görə, İlhan Mansızla Leylanın tanışlığı iki il əvvələ təsadüf edir.

Qeyd edək ki, İlhan Mansız daha öncə almaniyalı Nina Ritterlə ailəli olub. Onun bu izdivacdan bir qızı var.

Neftçala rayonunda törədilən və 9 il sonra üstü açılan qətlin təfərrüatı məlum olub.

Teref.az "Ölkə.Az"a istinadən xəbər verir ki, 9 fevral 2013-cü ildə Neftçala şəhəri Su Kanal İdarəsinin işçiləri irzə Ələkbər Sabir küçəsində təmir işləri aparan zaman onlar şəhər qəbiristanlığının yaxınlığından çürümüş kişi meyiti tapıblar. Bu barədə polisə məlumat verilib.

Meyitə baxış keçirilməsi haqqında protokoldan məlum olur ki, çöllük ərazidəki meyitdən kəskin iy gəlməklə baş nahiyəsi skletləşmiş, döş qəfəsinin sol hissəsi isə didilib dağıdılıb. Məhkəmə tibb eksperti onun təxminən 1 il əvvəl ölməsi haqda rəy verir.

Fakt üzrə aparılmış araşdırma zamanı toplanmış materialda cinayət əlamətləri olduğuna görə Neftçala rayon prokurorluğunda Cinayət Məcəlləsinin 120.1 - qəsdən adamöldürmə maddəsi ilə cinayət işi başlanılır, istintaq aparılır. İstintaqla naməlum meyitin şəxsiyyətinin müəyyənləşdirilməsi üçün həmin dövrdə axtarışda olan şəxslərin siyahısı araşdırılır.

Məlum olur ki, 28 dekabr 2012-ci ildə ailə üzvləri, həmçinin anası Neftçala şəhər sakini Mənəfov Mayis Nazim oğlunun itkin düşməsiylə bağlı polisə müraciət ediblər. Tanınmaya çağırılan Mənəfovun həyat yoldaşı və anası, onu tanıyanlar əynindəki paltarların çürüməmiş hissələrindən, ayaqqabılarından meyitin həqiqətən ona məxsus olduğunu təsdiqləyirlər.

Mənəfov Mayis Nazim oğlunun meyitinin tapılması faktı üzrə başlanılımış cinayət işinin ibtidai istintaqı bir neçə dəfə uzadılır. Nəhayət, 2015-ci il dekabr ayının 25-də Azərbaycan Respublikası Cinayət Prossesual Məcəlləsinin 53.1.1 - yəni, təqsirləndirilən qismində cəlb edilməli olan şəxs müəyyən olunmadığından cinayət işi üzrə icraat dayandırılır.

26 may 2021-ci il tarixdə isə cinayət işi üzrə istintaqın aparılması Baş Prokurorluğun İstintaq İdarəsinin xüsusilə mühüm işlər üzrə böyük müstəntiqi, kiçik ədliyyə müşaviri Pərviz Cəlilova tapşırılır.

Beləliklə, 7 iyun 2021-ci il tarixdə iş üzrə dayandırılmış icraat təzələnərək ibtidai istintaq davam etdirilir.

Mayis Mənəfovun həyat yoldaşı bildirir ki, 2012-ci il dekabr ayının 28-də axşam saatlarında Mayis evdən su almaq üçün çıxdıqdan sonra evə qayıtmayıb. Mənəfovun anası isə ifadəsində deyir ki, balaca oğlu Mayis Mənəfov 1999-cu ildə Dilşadla ailə qurub və bu nikahdan onların bir qızları var. Ana əvvəlcə onlarda yaşasa da, ərlə-arvad arasında tez-tez mübahisələr olduğundan Mayis onu digər oğlunun evinə aparıb qoyub. Onlarla birlikdə yaşamadığı vaxtlarda da qonşulardan eşidirmiş ki, Mayislə Dilşad arasında yenə tez-tez mübahisə düşür. Buna səbəb əsasən Mayisin evə tez-tez içkili gəlməsi, az maaş alması, həmçinin müəyyən səbəblərə görə arvadını qısqanması olub. Məsələ bundaymış ki, Mayis Ələt deposunda işlədiyinə görə təxminən 1 ay işdə, 1 ay isə evdə olurmuş. O hər dəfə evə gələndəsə, ər-arvad arasında müəyyən səbəblərə görə dava-dalaş düşürmüş.

Ana onu da deyir ki, dekabrın 29-da gəlini ona telefonla zəng edib Mayisin su almaq üçün evdən çıxıb getdiyini və bir daha geri qayıtmadığını söyləyib. Dilşad bu barədə ona deyəndən sonra özü də polis şöbəsinə gedərək oğlu Mayisin evdən çıxıb itkin düşdüyü haqda məlumat verib. Həmin vaxt qonşularla danışsa da, ona heç kim heç nə deməyib. Nəhayət, 2013-cü il fevralın 9-da Mayisin meyitinin qəbirstanlığın yanındakı kolluqların arasından tapılması haqda məlumat alıb. Meyitxanada oğlunun meyitini tanıyıb.

Yeri gəlmişkən, Mayisin həyat yoldaşı Dilşad isə həmin gün onların dalaşmadıqlarını deyir və bildirir ki, dekabrın 28-in də Mayis qızı Heyranı məktəbə aparıb, ondan sonra da su almaq üçün gedib, bir daha qayıtmayıb.

Ailənin tək övladı 2000-ci il təvəllüdlü Heyran şahid qismində ifadəsində göstərir ki, dekabrın 27-si 2012-ci il tarixdə axşam saatlarında dayısı və onun balaca oğlu onlara qonaq gəlirlər. Dayısı ilə atası bir yerdə yemək yeyib içki içirlər. Dayısı gedəndən sonra dayısıoğlu onlarda qalır. Onlar qonşu otaqda oynadıqları vaxt atası ilə anasının mübahisə etdiklərini eşidir. Bu vəziyyət əvvəllərdə də vaxtaşırı təkrarlandığından Heyran bunu adi hal kimi qəbul edir. 10-15 dəqiqə sonra evdə sakitlik yaranır. Bir azdan dayısı gəlib uşağı aparır və anası onun olduğu otağın qapısını arxadan açarla bağlayır. Bundan sonra qız otaqda yatır.

Səhərisi gün anası ona deyir ki, atası şəhərdə olan dostları ilə yeni il bayramına görə görüşməyə gedib. Həmin gün atası evə gəlməyib, o da saat 9 radələrində yatıb.

İstintaqa ifadə verən qonşu Aygül həmin gün baş verənlər barədə daha çox məlumatlı olub. Aygül ifadəsində deyir:

“Dekabrın 27-si Dilşadgillə eyni mərtəbədə olan divar qonşusugildəydim. Həmin gün axşam 8-9 radələrində Dilşadın yaşadığı evdən “guppultu” səsi eşitdim. Dedim, birdən evimizə oğru girər, öz evimə gedib, təzədən qayıtdım qonşuya. Dilşadgilin qapısının yanından keçəndə səs eşitdim. Dayanıb, dinlədim. Mayisin səsiydi. Əsəbi halda Dilşada “bas deyirəm, düyməni bas görüm kimin nömrəsidi, görüm bu nömrə kimindi" deyirdi. Başa düşdüm ki, evdə Dilşada gələn zəngə görə Mayislə dalaşırlar. Dilşad Mayisə “anamın nömrəsidi” dedi. Mayis də ona qarşı nalayiq sözlər deyərək anasının ünvanına söyüş söydü. Mən təxminən 10 dəqiqə qapının ağzında dayanıb, evdə olan söhbəti dinlədim. 10 dəqiqə ərzində Mayis ona nömrənin kimin olduğunu soruşur, söyüş söyürdü. Mən qonşugilə keçəndən bir az sonra sakitçilik oldu. Həmin gecə saat 1-ə işləyəndə binanın qarşısındakı su matorunu söndürüb evə qalxanda gördüm ki, onların yaşadığı evin qapısı açıldı və Dilşadın böyük qardaşı qapıdan çıxıb birbaşa aşağı düşdü. Dekabrın 30-da qonşulardan eşitdim ki, Mayis itkin düşüb. Mayis itkin düşəndən bir neçə gün sonra Dilşad bizə gəlib mənə dedi ki, qayınanası ondan dava-dalaşla bağlı nəsə soruşubmu? Mən də cavab verdim ki, nə işimə qalıb, heç nə demədim”.

İfadəsi alınan digər qonşular da təxminən eyni məzmunda ifadə verirlər. Beləliklə, bu və digər şahid ifadələriylə məlum olur ki, Dilşad Mənəfova ilkin ifadəsində baş verənləri xeyli dərəcədə təhrif edib.

Dilşad Mənəfovanın tanışı Səlim istintaq zamanı ifadəsində göstərir ki, Mayıs Mənəfovu şəxsən tanımasa da, Dilşadı uşaq vaxtından, təxminən 16-17 yaşından tanıyır:

“Uşaqlıqdan tanışıq, qonşu olmuşuq. O, ailə qurduqdan sonra 2011-ci ildə təsadüfən rastlaşdıq, qısa söhbət elədik, əlaqə saxlamaq üçün ondan mobil telefon nömrəsini aldım. Bundan sonra onunla arabir telefonda danışmışıq, hal-əhval tutmuşuq, bir-iki dəfə görüşmüşük. 2013-cü ilin yanvar ayında Dilşad mənə zəng edib əri Mayisin itkin düşdüyünü dedi. Bundan sonra Dilşadla danışmamışıq. Sonuncu danışıqdan bir-iki həftə sonra eşitdim ki, əri Mayisın meyiti Neftçala şəhərində yolun kənarından kolluqdan tapılıb”.

Beləliklə, 10 iyul 2021-ci ildə Mənəfova Dilşad şübhəli şəxs qismində tutulur, 12 iyul 2021-ci il tarixdə Azərbaycan Respublikası CM-nin 120.1-ci - qəsdən adamöldürmə maddəsiylə təqsirləndirilən şəxs qismində cəlb edilərək ona həmin maddə ilə ittiham elan edilir və Binəqədi rayon məhkəməsinin qərarı ilə barəsində 4 ay müddətinə həbs qətimkan tədbiri seçilir.
Dilşad Mənəfova 2012-ci il dekabr ayının 27-də evdə əslində nə baş verdiyi haqda istintaqa ifaddə verərək bildirir ki, həmin tarixdə qardaşı 8 yaşlı oğlu ilə onlara gəlir. Qardaşı Mayislə birlikdə yeyib-içdikdən sonra çıxıb gedir. Heç 10 dəqiqə keçməmiş əriylə mübahisələri düşür. Mayis mətbəxə keçərək oradan mətbəx bıçağını götürüb onun yanına gəlir və telefondakı nömrənin kimə məxsus olmasını soruşur. Divanda oturan Dilşad ayağa durub, onu itələyir, Mayis sərxoş olduğundan yerə yıxılır. Dilşad yerə düşən bıçağı götürüb arxası ona tərəf olan Mayisin kürəyindən vurur. Bıçaq elə kürəyindəcə Mayis yerə yıxılır. Qadın özünü piss elədiyindən mətbəxə keçir, təxminən 15-20 dəqiqə orda yerdə oturur. Bundan sonra otağa keçəndə Mayisin həmin yerdə uzandığını görür, əliyə tərpətsə də, onun öldüyünü başa düşür. Mayisin bədənindən bıçağı çıxardaraq mətbəxdə onu yuyub şkafa qoyur. Sonra qardaşlarına zəng vurur. Onlar gəldikdən sonra nə baş verdiyini danışır və yalvarır ki, meyiti gizlətməkdə ona kömək etsinlər. Qardaşlardan biri qaynatasının avtomobilini gətirməli olur. Ancaq elə etmək lazımıydı ki, bundan maşının sahibi xəbər tutmasın. Böyük qardaş açarsız avtomobili işə salır və onlar maşını bacısıgilin yaşadığı evin yanına gətirirlər. Meyit ədyala bükülür, avtomobilin arxa oturacağına qoyulub şəhər kənarına çıxarılır. Onlar Mayisin meyitini qəbristanlığın yaxınlığındakı kolluq əraziyə atırlar. Sonra qərara gəlirlər ki, hamıya Mayisin evdən çıxıb evə qayıtmamasını desinlər. Hadisədən 2-3 gün sonra Dilşad ərini öldürdüyü bıçağı evdən götürüb yaşadığı binanın arxasındakı “Qobu” adlanan gölə tullayır.

1976-cı il tarixdə Neftçala rayonunda anadan olmuş, Azərbaycan Respublikasının vətəndaşı, dul, orta-ixtisas təhsilli, əvvəllər məhkum olunmamış, işləməyən, Neftçala şəhərində qeydiyyatda olmaqla, Bakı şəhəri, Səbail rayonu, 20-ci sahə yaşayış massivində ünvanı müəyyən edilməyən fərdi evdə kirayədə yaşamış, barəsində həbs qətimkan tədbiri seçilmiş

Dişad Mənəfova barəsində aparılmış cinayət işinə Lənkəran Ağır Cinayətlər Məhkəməsində baxılıb

Məhkəmənin hökmü ilə o, 9 il müddətinə azadlıqdan məhrum olunub.

"Azadlıq" radiosunun redaktoru ABŞ vətəndaşı Alsu Kamaşeva Kazanda həbs edilib.

Alsu Kamaşeva qanunda nəzərdə tutulmuş vəzifələrin icrasından yayınmaqda şübhəli bilinərək istintaq təcridxanasına göndərilib.

Onun barəsində 1 ay 17 gün həbs qətimkan tədbiri seçilib.
TASS

Bu gün 44 günlük Vətən müharibəsinin yeganə qadın şəhidi Arəstə Baxışovanın şəhadətə ucalmasından üç il ötür. Arəstə Baxışova 1989-cu il mayın 4-də Xaçmaz şəhərində anadan olub.

Arəstənin atası - baş leytenant Kərim Baxışov Fövqəladə Hallar Nazirliyində Mühafizə İdarəsinin rəisi vəzifəsində çalışıb və Arəstənin dörd yaşı olanda vəfat edib.

Şəhidimiz 1995-2004-cü illərdə Biləcəri qəsəbəsində yerləşən Şuşa şəhər 3 nömrəli tam orta məktəbdə təhsil alıb. 2004-2008-ci illərdə isə Azərbaycan Dövlət Pedaqoji Kollecində təhsilini davam etdirib.

2018-2019-cu illərdə Azərbaycan Silahlı Qüvvələrinin Baş Hərbi Hospitalında tibbi statist olaraq çalışıb. 2019-cu il iyulun 12-dən isə Azərbaycan Silahlı Qüvvələrinin “N” saylı hərbi hissəsində operator vəzifəsində xidmət edib.

Arəstə Baxışova Vətən müharibəsi zamanı Füzulinin, Zəngilanın və Qubadlının azadlığı uğrunda gedən döyüşlərdə yaralı hərbçilərə döyüş meydanında tibbi yardım göstərib. O, 2020-ci il 23 oktyabr tarixində Qubadlının azadlığı uğrunda gedən döyüşlərdə şəhid olub. Biləcəri qəsəbəsinin Şəhidlər xiyabanında dəfn olunub.

Prezident İlham Əliyevin müvafiq sərəncamına əsasən, o, ölümündən sonra “Vətən uğrunda” medalı ilə təltif edilib.

Arəstə Baxışova ölümündən sonra 2021-ci il mayın 12-də Beynəlxalq Qırmızı Xaç Komitəsi tərəfindən ingilis tibb bacısı Florens Naytingelin şərəfinə təsis olunan “Florence Nightingale” medalı ilə təltif edilib.

Arəstənin 12 yaşında Mərdan adlı oğlu və 11 yaşında Zəhra adında qızı Vətənə əmanət qalıb.

İtaliya Baş naziri Corciya Meloni birlikdə yaşadığı və uşağının atası olan sevgilisi Andrea Cambrunodan ayrılıb.

Meloni bu qərarına Cambrunonun pərdəarxası görüntülərinin yayılmasından sonra yaranan qalmaqal səbəb olub.

Meloninin təxminən 10 ildir birlikdə olduğu və yeddi yaşlı qızının atası Andrea Cambruno aparıcısı olduğu televiziya proqramının pərdəarxası görüntüləri yayıldıqdan sonra son günlərin ən çox danışılan adı olub.

Bu görüntülərdə Cambruno studiyada qadın jurnalistə qarşı narahatedici hərəkətlər edir, ondan uzaq olmağa çalışan qadının saçlarına toxunur, “Niyə səni daha əvvəl tanımadım?” - deyə söyləyir. Həmçinin tez-tez onun ayaqlarına toxunur və nalayiq ifadələr işlədir.

Başqa bir pərdəarxası səs yazısında isə Andrea Cambruno bir qadın həmkarına - “Sevgilin varmı?” - sualını verir və sonra ona əxlaqsız təklif edir. Eyni zamanda, bu səs yazısında o, kanaldan biri ilə münasibətinin olduğunu və bunu hamının bildiyini də dilə gətirir.

Meloninin sevgilisinin bu video və audio yazıları televiziya proqramında yayımlanıb və ölkədə böyük müzakirə mövzusuna çevrilib.
Corciya Meloni bu qalmaqalla bağlı sosial media hesabında açıqlama verib. “Andrea Cambruno ilə təxminən 10 ildir davam edən münasibətim burada bitdi”, - deyə o qeyd edib.

Meloni, həmçinin Cambruno ilə yollarının əslində bir müddətdir ayrıldığını və indi artıq bunu rəsmi şəkildə həyata keçirməyin zamanının gəldiyini vurğulayıb.





Mənbə: Haber Global